med corner's "Achieve your dream" 🩺🩵

لي بعثولي ميسلج بريفي و مجاوبتش عاودو ابعثو راني نعيا معنديش وقت علابيعا مجاوبتش ✅💗

السلام عليكم و رحمة الله ❤️
ديرو تحدي نوضو تحفظو صباح و ديرو قيام الليل و ادعو ربي 🥹❤️ و ادعولي معاكم

لعلّها أيام..!
أيام ونكون ممَّن "جَاءَتْهُ الْبُشْرَىٰ"
ويجمع اللهِ بينكَ وبين دعاءٍ لأ تتركه
فأصبر و أصطبِر وأبشر وتذكر "‏إنَّ مَعَ الْعُسْرِ يُسْرًا"
وكُن علَى يقين أنه "‏وَلَسَوْفَ يُعْطِيكَ رَبُّكَ فَتَرْضَىٰ"

فالبكالوريا 3 تاعي بديت في سبتمبر لخاطر كان علابالي بلي معهد فيه ضغط و ممنوع غياب باينا مكنتش نقرا دائما 🥲 مرات كان يضيعلي وقت غير فالطريق مي كنت فالفصل2 غير نخرج من معهد نروح نرقد ساعة و لا نوض نسهى باش نتقدم فالدروس

سؤال يتكرر بزاف 🥲 كيفاش نوازن بين دروس و تماارين خاوتي take it easy 🫢
إذا راكم روطار بزاف اقراو دروس ديرو تحدي زعما تكملو عناصر خلاص فترة باش تبداو تمارين كيما هي راهي فالقذيفة راهي هايلة دك الصح فالتمارين متبقايش تتقدمي برك
ابداي تحلي بكالوريات سابقة و من عند زدون و كائن عبد اللطيف تان كاين الخير حلي برك و عقبة بن نافع 🤭🤭❤️❤️❤️ باينا راح تغلطو فالاول مي عادي الصح فالافكار
امبعد تولي تحلي تمرين و ديري ساعة درس على حساب وقت تاعك

‏كلما وجدت في نفسك ضيقًا فـ قُل
‏" لا إله إلا أنت سُبحانك أني كُنت من الظالمين ".

‏- ابن عثيمين رحمه الله

خاوتي ادعولي أنا جوجو و أمينة 🥺❤️

السلام عليكم تعقيبا على كلام زميلتي جوجو الجميلة ♥️
الدعاااء الدعاااء خاوتي معجزة و كيما قالت رجاء كنا نفس الحالة معا المعهد و الباك تشكيلها و تشكيلي و تواسيني كثر منواسيها🥺 المهم الحمد لله حمدا كثيرا طيبا مباركا فيه ...معلاباليش إذا حكيتلكم بصح معليش نعاود 😇😂...وحد النهار كنت مضغوطة جدااا و خلاص ضاقت علي الأرض بما ربحت و كنت روطاار لعنت بليس و نضت توضيت و صليت زوج ركعات و دعييييت دعيييت حتى مور الدعاء هذاك و الراحة لي جاتني موراه قلت لي تجي مرحبا بيها و نفرح أني طيت لروحي فرصة أيا كانت النتيجة و ربي دائما يكتبلنا الأصلح لحالنا فالحمد لله دائما و أبدا المهم دعيت و موراها قبالا رحت للمصحف نقرا وردي و أول آية نبدا بيها و سبحان الله كنت حابسة عندها بمعنى ـ نسيت الموضع شفيت برك المعنى ـ "إستُجيبت دعوتكما "و يالها من رحمة سبحان الله 😭 موراها وليت نقرا بكل راحة و سمانة الباك جوزتها بكل طمئنينة و الحمد لله مؤمنة أنو ربي راح يكتبلي الأفضل و لعله يكون حلمي ... و ربي أكرمني بمعدل ماشاء الله و حتى نقطة العلوم لي مطمعتش فيها ڨاع ديت 19 سبحان الله
و الحمد لله و لا إلاه إلا الله و الله أكبر
ربي يسدد خطاكم و يباركلكم في وقتكم و جهدكم + إقراو بكل رضى و طمئنينة متخافوش ما أصابك لم يكن ليخطئك و ما أخطأك لم يكن ليصيبك و ربي يرضى عليكم🍁🍂

نوغمالمون حفزتكم بارح فليل 🙂 يسما نضتو تقراو و راكم حتقراو امبعد 👀

ديرو تحدي نوضو تحفظو صباح 🙂🫀 علاجال حلمكم
غدوا نكمل نجاوبكم دكا نعست 🥹❤️

جيت نحكي لخاطر ني عارفة شعوركم تخممو فالمستفبل نوصل ؟ منوصلش ؟ ..... العلم عند الله و الدعاء يغير القدر 100% ادعو و صلو على الرسول كل وقت

أنا جبت الباك ب 15 🥹 مكانش علابالي إذا حنوصل للطب و علوم جبت 17.5 معدل موزون 16.38 تخيلو و ناس كامل كانت تقول طب يوصل 17 باينا أنا كنت نخاف اميعد تقول رجاء كاين دعاء كنت نحس بالراحة و مؤمنة بلي حنوصل شوفو ربي معدل طب وصل 16.30 كي شفتها مأمنتش معرفتش نبكي و لا نضحك 😭🫀

حبيت نحكيلكم أنا العام ليفات كنت نقرا للباك و معهد في نفس الوقت كنت مرات نحس بضغط رهيب و نخاف منوصلش خاصة نشوف روحي ضايعة فالعلوم نحب نبكي اميعد تجيبي لحظة إدراك بلي ربي راهو معايا نبدا نقول يا صح كاين ربي و نبدا ندعي كنت ندعي كل وقت في كل لحظة 🥹💗💗🫀 الحمد للّه ربي رحيم إذا صح توكلتو عليه حق التوكل و الله ميخليكم كل عسير يولي يسير كنت نمشي فالطريق نكون مقلقة من علوم امبعد نقول رجاء لعلك سعيتي و لعلك دعيتي و لعلها اقتربت 🥹 يا الله خاوتي حنبكي 😭❤️ ديرو قيام الليل و ادعو ربي ادعووووووووو حرفيا تشوفو في جوان الفرحة

"و اصبر فإن الله لا يضيع اجر المحسنين "

خاوتي فتحت تيك توك قلت نجرب نحط فيه معلومات و مصطلحات طبية و تحفيز و نشوف نحطلكم تدعموني ؟

هيا وجدو روحكم نوضو نقراو طلاب طب او بكالوريا او شبه طبي مام جماعة جامعة كامل نوضو

ادعولي يا خاوتي 🥹🫀

ملخصاتي 🤭❤️

أدعولي 🥹🥹🥹🥹🥹🥹❤️

سلام عليكم لكيييب راه قرب الباك وعلابالي بزاف مزال ما يبدا يقرا المواد الثانوية و لي هي مهمة بزاف باش تجيب. Mention في الباك c'est pour ça ما تهملوهمش و sirtou الاأدب عربي معامل تاعها ثلاثة راك تعاونكم بزاف

كيفاه قريتها حتى ديت فيها 19 مالغري خيرت النثر و كي خرجت بزاف خوفوني قالولي اا محمد علاه خيرت نثر مايمدوش عليه و شكيل هذاك راكم تعرفوه ❌
في الحقيقة الادب مادة سهلة جدا. تقدر تجيب فيها 18/19 بكل سهولة و في ظرف قصير انا قريتها في شهر رمضان فقط و راجعت شويا قبل باك و ديت فيها نقطة مليحة بزاف
اعتمدت على الاستاذ حيقون كنت نتفرج كامل فيديوهات تاعه play liste بناء فكري و لغوي راه منظمهم مرحش تتغبنو و نتبع شرح تاعه خطوة بخطوة و نكتب معاه قاع واش يقول حتى امثلة نكتبهم و اسىلة شائعة في كل محور و مدارس و الرواد مهم اي حاجة يقولوها نكتبها في ورقة من بعد كي نكمل فيديو نروح نعاود نكتب في ملخص صوالح لي كنت كاتبهم في ورقة وسخ و نظمه بالألوان و جدوال باش يسهل عليا ملاحظة كل ما نكمل محور نروح نشوف حل بكالوريات تاع هذاك المحور مثلا شعر سياسي نروح نتفرج قاع حلول المواضيع تاع شعر السياسي طبعا غير من عنده و هكا حتى كملت البناء الفكري و نفس الشي مع بناء اللغوي هكا حتى كلمت كامل البرنامج و كتبت ملخص شامل فيه كلش.. اي سؤال طاح في باك كتبتو في الملخص هذاك و كل خطرة نعاود نراجع الملخص و نشوف حل البكالوريات و طريقة الاجابة النموذجية وكلش هكا حتى لقيت روحي متمكن من أدب العربي و ركزت بزااف على الشعر و لكن في الاخير خيرت النثر وقدرت نجاوب بسك كان عندي رصيد لغوي نعبر بيه و هذا رصيد ديتو من كثرة حل البكالوريات (مشي شرط تحل مهم تشوف الحل) نورمالمو هذا وش نقدر نفيدكم كاش حاجة ولا تابعوني و كي نتفكر نزيدكم

❤️‍🩹👌🏼

جماعة الباك و جامعة علابالي نفسيا راكم عيانين مي اتفكروا علاش بديتو 🥹❤️ركزوا مع الجامعة حاليا باش طلعو فصل أول مليح و تبقاو تركزو على الباك و مام راكم روطار فالجامعة عادي ليلة الرعد يصراو فيهم معجزات 🥹❤️ادعو ربي يوفقكم متيأسوش و راجعو لاخر لحظة 👌🏼🦋 و بعد الامتحانات ابداو بقوة للباك

السلام عليكم ورحمة الله وبركاته،

مساء الخير والأنوارُ والبركات ! 🤏🏻❤️

، 8 جانفي 2025 ، تقريبًا خمسة أشهر تبقت للبكالوريا إن شاء الله 🤍
في هذه الفترة بالذات العام الماضي ، كنت مازالني مشوش في بعض المواد ، خاصة مواد الحفظ والأدب العربي ، كنت مزال ما نبداهم كامل ، و كنل مع l'examens تاع باراميديكال
إذا مازالك حاير ، كمل اقرا ! مابقاش الوقت باش تبدل الطريقة تاعك كليّا ، تقدر تحسن فيها نعم ، تغير بعض الجوانب نعم ! ، لكن باش تقولي نعاود مادة مشيت فيها ، من الأوّل ، نقولك لا ! ، ليس لأنّ الوقت لا يكفي ، لكن لأنك راح تعاودها على حساب مواد وأمور ، تحتاج فيها الوقت بالثّواني …
ماتخليش روحك للدقيقة الأخيرة ، اقرا مادام الحالة مازالت مرخوفة شوية ، الضغط راه غير يزيد ، والحاجة الوحيدة اللي رايحة تخليك تحس بالراحة ، أنّك قريت !أنك بديت ومازالك على الطّريق !
اليوم قتلكم باقي تقريبًا خمسة أشهر ، وراح يجي نهار وين نقلكم بإذن الله : باقي شهر ، باقي أسبوع ، وأخيرًا : غدًا البكالوريا ، لذلك كلّ واحد يخدم على هذاك الوقت ، فالبكالوريا ، تعب تراكمي ! 🤌🏻
كلّ ساعة رايح تضحي بيها درك ، صدقني رايح تحمد ربّي كثيرًا عليها فيما بعد ، لأنّه ساعة درك تعادل ساعات في الومضات الأخيرة.
و ما تنساوش تدعوا الله أن يوفقكم ، ويبارك لكم في أوقاتكم ومجهوداتكم ، أن يذيقكم لذّة الوصول بعد التّعب ، وأن يكتبَ لكم لقاء أحلامكم إن كان فيها خيرٌ لكم !
سجدة الشكر ، بعد تحقيق الحلم ، تلك اللحظة ، تستحق والله ، تستحق كلّ ذرة تعب ، كل ليلة سهرت فيها تقرا ، والله تستحق ! 🥺❤️‍🩹

جميع البكالوريات التجريبيّة للوحدات السابقة 👈 حلولها على قناتي

شوفو الاستاذ زدون 🫡🫡💚❤️

أيام قليلة وسيرزقك الله مادعوت به

السلام عليكم و رحمة الله ❤️ خاوتي غدوا كاين تحدي وحدة قاتلي منيش نقدر نوض صباح يسما قترحت نحطلكم تحدي تتشجعو مع بعضاكم
تنوضو 4 ديرو قيام الليل و تحفظو و بعد صلاة الفجر تريحو و ترقدو شويا 8:30 ل 11:30 تحدي آخر اقراو مادة أساسية كل شخص يقسم وقتو كيما يحب المهم انكم تقراو ة عشية كالعادة من 14:30 ل 17:30 🥹🧬
متنساوش صلاة الضحى 😔❤️ ادعولي معاكم

حكم الإحتفال بيناير رأس السنة الأمازيغية.

🔴 قال الشيخ محمد علي فركوس وفقه الله :

✒️ " الإحتفال بفصول السَّنَة هو أَشْبَهُ بالاحتفال بالنجوم الذي كانَتِ الصابئةُ تفعله على أنها مؤثِّرةٌ فاعلةٌ في الإيجاد والخَلْق، ومثلُ هذا الإعتقاد يُنَافي التوحيدَ لكونه شركًا أكبر، ومثلُ هذه العاداتِ ـ إذا حَمَلْناها على كونها مجرَّدةً عن العبادة ـ معروفةٌ عند النصارى؛ حيث يعظِّمون مَطْلَعَ الربيعِ بإحتفالهم لخصوصياتِ ثمارِ الربيع كالكَرَزِ والفرولة وغيرِها ممَّا ينبت وينضج في فصلِ الربيع.

ولا شكَّ أنَّ التشبُّه بالصابئة والنصارى ومَنْ يُشاكِلهم لا يجوز، وذلك ـ فضلًا عن جَعْلِ ما لم يَشْرَعْه اللهُ عِيدًا ـ معدودٌ مِنَ التقدُّم بين يَدَيِ الله ورسوله "

📚 [الفتوى رقم :٤٠٤]

و قال أيضا :

✒️ " المشارَكةُ في هذه الأعيادِ غيرِ المشروعةِ بالاجتماع على المَوائِدِ والاحتفالِ على المِنَصَّاتِ إقرارٌ بالبدعة ورضًى بما نهى اللهُ عنه، والامتثالُ لأَمْرِه والابتعادُ عن نَهْيِه هو عنوانُ محبَّةِ الله ورسولِه صلَّى الله عليه وسلَّم، قال تعالى:

﴿قُلۡ إِن كُنتُمۡ تُحِبُّونَ ٱللَّهَ فَٱتَّبِعُونِي يُحۡبِبۡكُمُ ٱللَّهُ وَيَغۡفِرۡ لَكُمۡ ذُنُوبَكُمۡۚ وَٱللَّهُ غَفُورٞ رَّحِيمٞ﴾.

📚 [ الفتوى رقم: ٤٢٨ ]

تحدي كالعادة 14:30 يبدا ❤️‍🩹🦋 لي يحب ينوض ينوض تاع الباك تنوضو بلا مزيتكم 🙂🙂🙂

السلام عليكم و رحمة الله صباح الخير و الورود 💗🦋
نوضو تقراو 🥹 محطيتلكمش تحدي بكري بصح نوغمالمون تكونو نضتو تقراو مشي حتى نقوللكم اليوم و غدوا استغلوهم مليح 😁🧡 في التقدم ز حل تمارين ديرو السبت للتقدم في دروس زعما و غدوا لحل تمارين ( مثال برك ) أيا نوضووووووووو

‏«فما دام العبد يُلح في الدعاء، ويطمع في الإجابة من غير قطع الرجاء، فهو قريب من الإجابة، ومن أدمن قَرع الباب يُوشك أن يُفتح له»

• ابن رجب | جامع العلوم والحكم (٤٠٤/٢)

【 لذةُ الوصول ، لا يُؤتاها كَسول 】🤭

تحدي من 14:30 ل 17:30 كالعادة مع صلاة العصر و ورد قرآني 🫡 و الصلاة على الرسول و الدعاء متنساوش

"اللهم ليس بجدي و إجتهادي و إنما بتوفيقك و عونك ، يسر لي ما أستصعبته نفسي"🦋 استغلوا جمعة بدعاء 🫶🏻

عندي شحال مقتلكمش نوضو تقراو 🥹🫀 السلام عليكم و رحمة الله ❤️ متنساوش الصلاة على الرسول و صلاة الضحى

Happy birthday to me 🤭🥹
#drfighter

هذا هو 😁🧠❤️‍🩹

'النهاية التي تسعدك قد تڪون بداياتها قاسية ومُرّهقة على نفسك، لڪن تأڪد بحجم إصرارك ستفرح بانتصارك"❤🩺

السلام عليكم و رحمة الله كيفاش كانت العودة 😔🤣

كنت قتلكم من قبل هاد أستاذ هايل فالفرنسية بحل مواضيع و يوريلكم compte rendu 🦋😎

🔴 حل موضوع بكالوريا سابق مع كيفية كتابة Le compte rendu
هذا المساء بإذن الله عبر اليوتيوب
https://youtube.com/@oussgraphie?si=3ejBGKDmnHs-Nu3T

ساعة استجابة بإذنه تعالى
اللهم آت كل منا سؤله

ادعولنا 🥹🥹❤️❤️ و لكم بالمثل

‏وإلى الله " تُرجع الامَور " ذڪّرِ بها قلبك
‏ڪلما خشيتِ أمرًا 🤎.

مهم جبتلكم تحدي يوم الجمعة 🤫
مهم تحدي دراسة من 8:30 ل 11:00 🫀❤️‍🩹
صلاة الضحى 🥹 و قراءة سورة الكهف
14:30 ل 17:00
امبعد 30 د تاع دعاء قبل مغرب مهم متنساوش صلاة على الرسول 🦋

‏قال ﷺ : اكثروا من الصلاة عليّ ليلة الجمعة ويوم الجمعة فإن صلاتكم معروضة عليّ

‏ اللهم صل وسلم على نبينا محمد ﷺ.

هادي طريقة الأول وطنيا فالعلوم 😍❤️‍🩹

السلام عليكم ورحمة الله وبركاته،
أتمنى أنكم جميعا بخير

أحد الطلبة سألني عن دراسة العلوم، ربما ذكرتُ له بعض الامور التي لم أذكرها في أول مقطع نشرته حول العلوم، أشارك معكم إجابتي على سؤاله، لكن قبل ذلك، بالله عليكم لا تنسوا إخواننا في غزة من الدعاء في كل الأوقات ولا يستخفن أحدكم بدعائه فانه يصنع الفارق بإذن الله.
وليكن ما حصل وما يحصل لاخواننا دافعا لنا جميعا للاجتهاد أكثر فأكثر والا فإننا سنبقى أضعف الأمم.

الاجابة:

أول مرجع هو أستاذ القسم، لا سيما اذا مستواه متوسط أو جيد؛ حاول فهم أكبر قدر ممكن من الدرس في القسم.
بعد ذلك أعد الاطلاع على الدرس في اليوتيوب، يوجد عدة أساتذة وكل أستاذ له الطريقة الخاصة به. حاول ان تسمع لكل واحد وشوف لي يناسبك.
أنا كنت كل مرة نحب نتابع أستاذ لكن بشكل كبير كنت نتابع الاستاذ ياسين لانه يركز على المفيد في الدروس والتمارين، الاستاذة خيرة فليتي ممنهجة جدا في شرح الدروس والتمارين أنصح بها، الاستاذة كتفي أيضا ممتازة من حيث التمارين وخاصة الملخصات القيمة التي تقوم بها لكن لم أكن أتابع دروسها لأنها نوعا ما طويلة. الأستاذ طلحي جيد في شرح الدرس والمفاهيم بشكل سريع كنت أحيانا أشاهد مقاطعه لانعاش المفاهيم.
يوجد اساتذة كرام أخر كنت أيضا أشاهدهم (أعني أن القضية ليست أن أستاذا واحدا أحسن من البقية وإنما تأخذ ممن يناسبك ما يناسبك)
المرجع الأهم في حل التمارين هو مواضيع الفروض والاختبارات للسنوات الأخيرة لمختلف الثانويات بالإضافة الى البكالوريات لكن التي هي بالمنهجية الجديدة
موقع dzexams وموقع ency education ممتازين لكل المواد.
المرجع الذي كنت أستفيد منه كثيرا في التمارين هو صفحة عقبة بن نافع في التلغرام (موجودة ايضا في الفايسبوك) والتي تجمع تمارين ومواضيع في علوم الطبيعة وغيرها من مختلف ثانويات الوطن 
دائما ركز على فهم الدرس جيدا وفهم ترابط الدروس ووالوحدات وأكثِر من حل التمارين في كل الوحدات كمًّا ونوعاً لكن لا تقع في الخطأ الذي يقع فيه الكثير وهو عدم التصحيح لنفسك واكتشاف الأخطاء. فإما أن يكون لك أستاذ (في القسم أو في الدعم) يصحح لك الأخطاء أو ألا تحل إلا التمارين التي فيها حل مقترح لتقارن مع الحل الخاص بك لتدرك أخطاءك فلا تعيدها.
أنا كنت كثيرا ما أمسك القلم الأحمر وأصحح لنفسي في العلوم وفي غيرها وأعطي لنفسي علامة وهكذا تبدأ أخطاؤك تقل شيئا فشيئا.
لا تدع نقاط الاختبار تؤثر عليك سلبيا. أنا طوال السنة الدراسية كانت نقطة العلوم مترواحة بين 12 و 16 وكنت أشعر بالقلق ايضا لكن ذلك يجب أن يدفعك الى زيادة العمل وليس اليأس. المهم هو أن تدرك لماذا النقطة منخفضة وتتحسن، والبكالوريا إن شاء الله ستكون أسهل من مواضيع الثانويات.

بالتوفيق!

🥹🫡

Good luck ❤️

تحدي يبدا كالعادة 14:40 حتى 17:30 🌷💕

السلام عليكم و رحمة الله ❤️
ان شاء الله تكونو راجعو مليح صباح 🫡💗 نديروكم تحدي للعشية اقراو مليح و فليل ريحو الله الله 🤭 راحة 🤣🤣

الفيزياء مادة حلوة مليئة بالافكار حلو تمارين و متخااااافوش ياودي اي انسان يقدر ينجح و الله برك التركيز و الاجتهاد

في ظِل جو المذاكرة والامتحانات أذكركم بقول ابن القيم- رحمه اللّٰه-:

"لو هَمَّ أحدُكُم لإزالةِ جبلٍ وهو واثقٌ باللّٰه؛ لَأَزالهُ".

هل سيتحقق؟﴿وما ذلكَ على الله بعزيز﴾

صباح الخير 😔❤️ نوضو تقراو 🫡

السلام عليكم و رحمة الله ❤️ نوضو تقراو من 20:00 ل 21:00 🤎

عليكم السلام ورحمة الله وبركاته،

لكلِّ مَن فقدَ الشغف تجاه هدفه أو شعرَ بالإنهاك أمام تحديات الحياة، لا تتركْ هدفكَ مهما كانت الصعوبات، وإن اشتدت عليكَ المحن، تذكَّرْ قصَّة يوسف -عليه السلام- الذي مرَّ بسنواتٍ عجاف، ثم جاءه الفرج من عند اللَّه، كما قال تعالى:
"فَصَبْرٌ جَمِيلٌ وَاللَّهُ الْمُسْتَعَانُ عَلَىٰ مَا تَصِفُونَ" (يوسف: 18).

أنتَ هنا في هذه الدنيا لتسعى وتُحاول، فاستعنْ باللَّه ولا تستسلم. اجعل سعيكَ خالصًا للَّه -سبحانه وتعالى-، وليس لمتاعٍ دنيوي زائل، لأنَّ كلَّ ما على هذه الأرض إلى فناء، كما قال تعالى:
"كُلُّ مَنْ عَلَيْهَا فَانٍ ۝ وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ" (الرحمن: 26-27).

وتذكَّر دائمًا حديث النبي ﷺ:
"إنَّما الأعمالُ بالنِّيَّاتِ، وإنَّما لِكُلِّ امرئٍ ما نوَى" (رواه البخاري ومسلم).

لا تيأس من المحاولات المتكررة، فكلُّ خطوةٍ تقرِّبكَ نحو هدفكَ هي موضع تقديرٍ عند اللَّه، الذي يُعظِّم أجور الساعين، حتى وإن بدا العمل صغيرًا في نظرك. قال تعالى:
"فَمَنْ يَعْمَلْ مِثْقَالَ ذَرَّةٍ خَيْرًا يَرَهُ" (الزلزلة: 7).

يا صاحبَ الهمّة، اعلم أنَّ المؤمنَ لا ييأس؛ لأنَّ رجاءه في اللَّه دائم. فجددْ نيتكَ، وانهض كلَّما تعثَّرت، وثقْ أنَّ اللَّه لا يُضيع أجرَ المحسنين، كما قال تعالى:
"إِنَّ اللَّهَ لَا يُضِيعُ أَجْرَ الْمُحْسِنِينَ" (هود: 115).

في التحدي قوة 🦋❤️‍🔥 هيا نوضو 🫡

نضتو ؟
النعاس 🥹🥲 واحد يطيب كاس قهوة و يقرا ساعة برك علاجال ضمير 😂

متنساوش الدعاء اليوم و ادعولي في ظهر الغيب ❤️‍🔥🥹 و ربي يفرحكم كامل

السلام عليكم و رحمة الله حنحط تحدي
مهم دك تنوضو تقراو سورة الكهف 💞 و تصلو على الرسول 🦋
بعدها تريحو شويا 14:30 تبداااو حتى 17:00 باش قبل مغرب تدعو شويا 🥹🤎

أكثروا من الصلاة والسلام على رسول الله صلَّى الله عليهِ وسلَّم ❤️

اللهُمَّ صلِّ وسلِّم وبارِك على سيِّدنا مُحمد، عدد ما ذَكرهُ الذاكرون وعدد ما غفِل عن ذِكره الغافلون 🌕

نووووووضووووووو تقراو 🙂🙂🙂🙂🙂🔪🔪

med corner's "Achieve your dream" 🩺🩵 pinned «مهم جبتلكم تحدي يوم الجمعة 🤫 صلاة الصبح في وقتها + ورد قرآني تحبو ترجعو ترقدو دبراسكم مهم تحدي دراسة من 8:30 ل 11:00 🫀❤️‍🩹 صلاة الضحى 🥹 و قراءة سورة الكهف 14:30 ل 17:00 امبعد 30 د تاع دعاء قبل مغرب مهم متنساوش صلاة على الرسول 🦋»

لي راهو حاب يسهر يدخل عند صديقتي دارتلكم تحدي دراسة 🫡

مهم جبتلكم تحدي يوم الجمعة 🤫
صلاة الصبح في وقتها + ورد قرآني
تحبو ترجعو ترقدو دبراسكم
مهم تحدي دراسة من 8:30 ل 11:00 🫀❤️‍🩹
صلاة الضحى 🥹 و قراءة سورة الكهف
14:30 ل 17:00
امبعد 30 د تاع دعاء قبل مغرب مهم متنساوش صلاة على الرسول 🦋

حسيت روحي نهدر بزاف كثر من صاحب القناة 😆🥹🦋

ان شاء الله تستفادوا منو ❤️🦋

خاوتي إذا تحبو نحطلكم صفحتي على ال Instagram نحط فيها نصائح ز معلومات طبية ❤️‍🩹

السلام عليكم و رحمة الله 🥹❤️‍🩹 جيت و جبتلكم تحدي 🫡 نوضو تقراو بسم الله توكلنا على الله
من 14:30 ل صلاة العصر قراءة ورد قرآني
و العودة من 15:40 الى 17:30 👏🏼👏🏼💀✅

جميلة مرحلة التسليم .. أن تسلم أمرك لله ، وأن ترضى بكل ما حدث وأن تعلم أن ما يكتبه الله كله خير ، وأنه لطيف ولطفه قد يأتيك عبر بوابة ألم لتترك شيئا لا يريده ، ويعوضك بأشياء تسرك وتبهجك وتنسيك كل ما يؤلمك

استشعر وتأمل " وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ "

سلام عليكم ورحمة الله وبركاته ! ❤️‍🩹
علابالي بلي ربما الفترة الماضية كانت فَتْرَةً صعبة نوعًا خصوصا بالنسبة لأحرار لأنو مكانش لي يوجهم
، لكن لازم تحطوا في بالكم أنه القادم سيكون أصعب ، ليس من ناحية الدراسة ولكن من ناحية الضغط ، لأنه كلما تقتربوا من الأسبوع الباك رايح تزيد المسؤولية لازم عليكم تحطوا أنفسكم أمام الأمر الواقع ، مابقاش وقت للتحفيزات باش تقراوا ، مابقاش وقت باش تقول " خلي غدوة نبدا…" ، صدقني كون تكمل بهذه العقلية يوصل جوان وأنت مازال مابديتش …❌
📌 زيد معندها معنى كي تتسابقو مع النظاميين
متشوفوش غير مع اساتذة لي يجريو و ما تشوفش صحابك وين وصلوا كاين بزاف عباد وبزااف عباد والله العلي العظيم، كانوا أذكياء وكانوا مجتهدين وكانوا ديما فايتين الاستاذ ولكن مالحقوش لأحلامهم ما تقارنش روحك بغيركِ ، إيّاك إيّاك ! ، لكلٍّ رحلته ركزو على كل وحدة و قراوها مليح وتمكنوا منها ملييح هذا هو الصح

📌بالنسبة لنظامييين اختبارات الفصل الاول هي بمثابة اختبار لتقدم تاعك ، وإيّاكم والتأثر المفرط بالنتائج ! معدلك في الفصل الأول ماراحش يكون معدلك في البكالوريا ،

📌ولناس لي راها تسقسي : كون نبدا درك ، نقدر نوصل ؟ ما نقبل حتى واحد مزال ما بداش !! ما تقلي لا ما عرفناش نبداو لا والو ، ممكن في البداية تجيكم صعيبة و ثقيلة و ما تعرفوش من وين تبدااو ! لكن لازممم تبداو عاجلاً و ليس آجلاً لأنو راح يبداو يتراكمو عليكم الدروس !لذلك توكّل على الله ولا تعجز إذا مابديتش أنت ، واحد ماراح يبدا في بلاصتك و منا لفيفري ولا مارس ما تجيش تقلي كيفاش نداركو رواحنا ولا
📌أبدا كل مادة بالشوي، وماتتحمسش في النهار الأول وتعميها، أبدا كل وحدة وكل درس أقراه من اليوتيوب ، وأمشي معاه بالشوي، يعني ماتزربش مع الأول حتى تتأقلم، أهم شي الإستمرارية ✊🏻 و قبل ما تبدا الدراسة لازم تكون منظم مراجعك، يعني الأساتذة ولا الكتب لي راح تقرا منهم و لازم ايضا تنظم وقتك وتدير مكان مخصص للدراسة + نحي كل ما يشتت تفكيرك ولا يضيعلك وقتك كيما التيليفون و الخرجات.📱
📌 و اخيرا حبيت نقولكم : البداية تكون من اليوم، دير برنامج و ابدا، حاول تنظم وقتك و تبدا بالمواد الأساسية لأنه الوقت راه يمشي بالخف، لازم تعفس على قلبك و تبدا و تتجنب التسويف و غدوة نبدا و هديك الحجج لي ما تخليكش تقرا ❌
‏و تذكروا ايضا ما زرع الله في قلوبكم رغبة في الوصول الا و هو يعلم انكم ستصلون ،، صبرا يا اخوتي
فما نيل المنى سهل المراد ❤️‍🩹🩺
‏

راح يكون لنا الشرف انه كان لنا الفضل في تحسين اوضاع التخصص ❤❤

لي باغي يدير ميدسين يزير رووحوو ❤❤
وان شاء الله منا قدام تتسڨم اوضاع هذا التخصص

صباح الخير يا كل الخير ❤

أما بعد...
مازالت تؤنسني مقولة الرافعي..

"يجعلُ الله الهموم مُقدّماتٍ لنعمٍ مخبوءة"

مازلت أؤمن بأنها مهما ضاقت فهي في النهاية ستُفرج من حيث لا نحتسب، وبأنّ العُسر حتمًا سيتبعه يُسر، وأنّ البلاء لا يأتي دون لطف، وأنّ الصبر مهما طال سيتبعه جبر!

مازلت أؤمن بأنّ القادم سيمحي آثار السابق
وأنّ الله سيعوّضنا عما مررنا به وسيعطينا حتى نرضى }

جماعة كاين صوالح ينحفظو ما تقليش علوم مش حفاظة
هي صح نسبة كبيرة تعتمد على فهم ولكن كاين عناصر في درس يتحفظو و تستحقهم باش توظفهم على شكل كلمات مفتاحية لي راح تدي عليهم نقط بزاف .
ما تنساوش تركزو كي تجو تشوفو تصحيح على كلمات مفتاحية لي يمدو عليهم نقط و كتبوهم في كراس خاص ولا حفظوهم باش تستعملوهم مرة اخرى و تربحو نقط
و ثاني ركزو مليح في وثائق و عاودو قراو السندات بسك حل التمرين راه تلقاوهم فيهم و استنتاج يجي على حساب واش مكتوب في السند (يقلك مثلا نريد الكشف عن العنصر X باينة في استنتاج تكتبلو نستنتج أن العنصر X موجود) وحدة اولى رغم انها ساهلة الا انو تلقى بزاف ناس تغلط فيها و ذلك بسبب الإهمال و التساهل معها لذاك لازم تعطو كل وحدة حقها و بخصوص المناعة فيها أفكار ماعندهاش حدود لوكان تحل الف تمرين مرحش تلم بكل الأفكار لذلك ما تتقلقش كاين astuce حفظو بروتينات متدخلة في عملية الدفاع المناعي كاملين راح يلعبو غير عليهم كل خطرة يدلك خلل في بروتين ما و زيدو روحو عند كتفي شوفو اهم الافكار لي تجي فيها صراحه انا عاونوني بزااف
و نعاود ديرو ملخصات راح تحتاجوها سمانة تاع الباك
و زيدو اصبرو معاها مرحش تلقاو نتيجة بين ليلة ونهار ❤

الزبدة في #العلوم_الطبيعية
ملخص تجربة ثلاث طلبة تحصلو على نقطة ممتازة في العلوم الطبيعية 🧬
📌اليوتيوب:
كتفي شريف زينة رقم واحد كنت نعتمد عليها فيما يتعلق بالملخصات تاع الدروس خاصة كنت نقرا عندها و نكتب معها كل صغيرة و كبيرة و نركز على التفاصيل اللي تهدر عليهم و اعتمدت عل مجلات الهيستونات كل الوحدات مام التمارين اللي كانت هي تختارهم نحلهم قبل و من بعد كي نكمل نحضر معها الفيديو و نشوف فاش غلطت و واش نسيت و نسيي نخدم كيما دير هي و قريت شوية عند استاذ طلحي في نهاية السنة يمدلك les astuces

📌- المراجع :
الكتب :
- كتاب السلسلة الفضية
-السلسلة الزرقاء
- مجالات الاستاذة كتفي ''الهستونات'' ❤️
كيفاش قريتها ! واش السبب لي خلاني نطلع من 15 الى 19.5 🎖️

📌الطريقة

كنت نقرا الدرس على الاستاذة فاليوتوب و نكتب معاها حرف ب حرف ، كنت دايرة يعني ريجيستر تع العلوم ''كراس الخفاء ''
كنت نكتب معاها و نرسم واش رسمت والخ يعني حرف ب حرف

بعدها مباشرة بعد ما تكمل الوحدة لازم التلخيص؟
🔹كيفاش كنت نلخص !

كنت نحكم كراس لي كتبت مع كتفي فيه وريجيستر تع ملخصاتي يعني و نشوف كتاب السلسلة الفضية المعلومات و طريقة تنظيمها في هذاك الكتاب باه نعرف كيفاه نرتب معلوماتي و نجملهاااا فالملخص من بعد نكتب ملخصي و ندير مخطط الوحدة اذا تطلب الامر
بعد ما تكمل الوحدة كنت نبدا ب تمارين الاسترجاع لانو كان عندي مشكل كبير فيها خصوصا النص العلمي

🔹أكثر حاجة ننصح بيها للناس لي متعرفش المنهجية ! هي الاستاذة كتفي كي تولي تحل فالتمرين شوفو معاها كيفاه راهي تجبد فالكلمات المفتاحية
و كيفاه راهي تحلل وتفسر
بطريقة أخرى -كــيفاش راهي تخمم- 😌🔥

🔹كنت بعد ما نكمل الوحدة نروح الوحدة الاخرى 😌مي كنت مرة مرة نضرب دورة الوحدة لي سابقاهـا و نحل تمارين عليها للاستذكار

🔹مهم كيما قتلكم ثلاث سوايع في نهار طبيب ما ينحيهالكمش مكانش كيفاه راح باغي تدي mention و تقراها ساعة في نهار

"على سبيل الطمأنينة ومِن باب ادخال السرور على قلبك، أردت أن أُذكِّرك بقول الله تعالى:
"وَأَنْ لَيْسَ لِلْإِنْسَانِ إِلَّا مَا سَعَى * وَأَنَّ سَعْيَهُ سَوْفَ يُرَى * ثُمَّ يُجْزَاهُ الْجَزَاءَ الْأَوْفَى"
فمهما حدث؛ ومهما واجهت من صعوبات، جاهد واسعى لهدفك في الحياة بكل جديَّة، حتى لو كانت خطواتك بطيئة وصعبة، ولا تبالي للنتيجة، أنت مسؤول فقط عن السعي ليس النتيجة، فالنتيجة اختصّ بها رب الخير، رب الخير الذي لا يأتي إلا بالخير، وطالما أنك تسعى وتحاول الوصول؛ ستصِل وسيكرمك الله ويفتح لك كل الطُرق، حتى تلك التي لم تتوقعها يومًا."❤️‍🩹

📌 ‏#خلاصة:
-شبه طبي حضور اجباري هذا مشكل كبيير
-ميدسين تحضر غير TD/TP
-كي تغيب من معهد لازم مبرر شهادة مرضية من عند طبيب وسي تشرحلو الوضعية يفهمك واذا كان عندك المعرفة بصحتك 👌🏻
-‏سطاج شبه طبي دير قدام داركم اذا كنت تعرف chef service ولا اذا مكانش دير وين تقرا و شرح ل شاف سارفيس الوضعية هو يفهمك

‏

سلام عليكم ورحمة الله وبركاته
بعد الطلبات المتكررة قررت يوم نعاود نحكيلكم تجربتي
‏ مع #دراسة_تخصصين
‏🔹نقطة اولى #اداريا :
‏اولا في قانون ممنوع تقرا تخصصين مهما كان الا الاعوام الاخيرة دارو تخصصات #المزدوجة ولكن مكانش حرية في اختيار التخصصين هوما يسيفو عليه واش تقرا
‏هيه بصح كيفاه قدرت نقرا انا تخصصين؟
‏صرات ثغرة صغيرة و ناس فاقتلها هي انو شبه طبي تابع لوزارة الصحة (ماتقدرش تسجل في progress) و الطب و باقي التخصصات تابعة لوزارة التعليم العالي تسما تقدر تسجل في تخصص شبه طبي و تخصص اخر جامعي (طبعا لازم يكون عندك زوج تاع لي باك) بشرط ما تسجلش في #المنحة #bourse بسك يفيقو بيك (مكانش كيفاه تخلص من جيهتين)+مالازمش تاع ادارة يسمعو بيك بسك يديرولك مشاكل و يحطو عليك العين تولي في حل و ربط +هذا العام كاين لي طلبو منهم باك جديد للاسف و ماقدروش يسجلو
‏🔹نقطة ثانية #تنظيم_الوقت:
‏كيما تعرفو كامل شبه طبي حضور #اجباري و هذا عائق كبير بزااف سيرتو كاين بعض المعاهد صارمة في تطبيق القانون و تزير في غيابات ولكن هذا مش عائق كبير لانو ميدسين عندك تحضر غير TD /TP على حساب رزنامة تاع كل مؤسسة كيفاه تخدم كيما انا كان عندي سمانة ب سمانة و يومين او ثلاثة فقط في اسبوع و غير فترة صباحية.
‏ مهم نبدا نحكيلكم من اول العام
‏كي العادة سجلت في الكلية و مع دخول الجامعي كانو ديجا بعثونا سطاج في باراميدكاال
‏فوت السطاج تااعي كي العادة و اسبوع الاخير ديت الاذن باش نغيب ونروح نبدا نقرا ميدسين راكم عارفين حماس و كذا مهم حضرت اسبوع الاول تاع قرايا (غير بليزير وصايي مشيي اوبليجي) كنا مزال ما نبدو tp td من بعد دخلنا نقراو في معهد
‏شهر الاول كنا عاد مزال ما نبداو tp td في ميدسين تسما كنت نحضر صباح و عشيا باش نبعد على روحي المشاكل
‏كي بدينا تيديات في مييد هذا وين بداو مغامرات و ديبلاصمو بين ولاية ولاية كل يوم bus. رايح جااي ركابيا فشلو كنت صباح في وهران وعشيا في بلعباس حتى لي يقراو معايا نخلعو مين يشوفوني يقولولي مشي غير صباح كنت في وهران 🤣🤣🤣
‏هدرت بزاف علابالي وحنا مزال ما دخلنا في مفييد سمحولي تحمست 😅
‏مهم كان عندي تيدياات نهار الاحد و الاثنين و نهار لاربعا
‏من زهري طاحولي اساتذة شويا راخفين في غياب كل خطرة و كيفاه خطرة يكتبوني غايب و خطرة لا
‏و مليحة بزاف في معهد تاعنا ما يحاسبوش على نص نهار لازم تغيب نهار كامل باش يحاسبوك (عكس هذا العام رجعو مزيرين بزاف وصحابي راهم يعانو)
‏مهم كي يكون عندي tp اناطو بالاثنين كنت نغيب يومين على طريق من معهد بسك تعب بزاف ما نقدرش نروح ونجي زيد دراهم مكانش 💶ايا هنا كنت نجيب مشاكل روحي و وصلت وين مدير في روحو و خفت بزاف نكذبش عليكم لذلك في اخر لحظة كنت رح نبلوكي العام بسك عندي الاب قلي قرا ميدسين بصح كون تصرا مشكلة ولا قرايتك لولا ما نتفاهموش لذلك كنت مضغوط بزاف وقررت نحبس و نكمل شبه طبي بيلاما و زيد كنت روطار بزاف في قرايا كنت غير نحضر برك اما والله ماكنت فاهم حاجة و اكزاما كانو قراب عليها قلت نبلوكي خير من بعد تراجعت و كي كملنا في ديسبمبر عاد ريحت شويا بسك مدير هذاك وين زاد زيرهم و منع عليهم غيابات ودارلهم عقوبات ردعية صارمة
‏دينا عطلة تاع شتا وكان مورها عندنا اكزاما لذلك قعدت نقرا كلش من زيرو قاع لي موديل ما كنتش قاريهم سييت نتقدم ماكسيمو باش نلحق .. بعد عطلة درت سطاج في وهران وقت امتاحانات درت طلب خطي لشاف سارفيس + جدول تاع امتحانات كمبرر لغياب و الحمد الله تفهمو الوضعية و قعدت مركز مع اكزاما ❤
‏بعد اكزاما نفس الشي شاف سارفيس كانت متفهمة الوضعية وخلاتني نغيب شحال من مرة في سمانة و سطاج تالي درتو في ولايتي و ماكنتش نروح
‏بخصوص ميموار من بعد نهدرلكم عليها 🙌🏻

" ‏‌ الدعاء⁩ إذا كان وقت إجابة كآخر ساعة من ‌ يوم الجمعة⁩ ، ثم صادف خشوعا واستقبال القبلة على طهارة ، ورفع الداعي يديه ، وبدأبحمدالله والثناء ، وصلى على رسوله ، وقدم بين يديه الاستغفار ، وألح على الله في المسألة، وتوسل إليه بأسمائه وصفاته ، وقدم بين يديه صدقة
‏فإن هذا الدعاء لا يكاد يرد أبدا "

الإمام ابن القيم

ساعة إستجابة ❤️ : ادعوا وبالغوا في الدعاء ، ادعوا وأنتم موقنون بالإجابة ! 🥺

ميساج لناس لي مزال ما تبداااااا 😶🔥

رسالة لجماعة الباك بعيدا عن الإضراب 😶
مر شهرٌ بالفعل منذ أن دخلتم آخر سنة دراسية لكم في مشوار دام لما يزيد عن 12 سنة ، ذقتم فيهم الكثير ، حلوًا كان أم مرّّا ، إنّها النهاية ، لرحلة حملت في طياتها الكثير والكثير ، وسيكون بإذن الله الختام لائقًا بها ،
بغيت نقلكم بلي ما نقبلش واحد مزال ما بداش !! مام اللي يقولولي ما عرفناش كيفاش نبداو، ممكن في البداية تجيكم صعيبة و ثقيلة و ما تعرفوش من وين تبدااو ! لكن لازممم تبداو عاجلاً و ليس آجلاً لأنو راح يبداو يتراكمو عليكم الدروس ! و راح توليو في تأخر كبيييررر ❌

اللي مزال تالفتلو يروح يبدا بالدروس تاع المواد الأساسية، مام اللي ضعاف فيهم ابداو في الدروس تاع الباك ! درس بدرس، و كل درس يكفيكم الوقت ليه ✅ ما تتقلقوش !
مهما كان مستواك ، اعتبر هذه السنة بداية جديدة مُنعشة ، الجميع هُنا سواسية (حتى بالنسبة للأحرار ماشي نظاميين فقط)، لا فضل لفرد على آخر ، لأنّ العبرة بالخواتيم …🏅
‏كذلك مهما كنت متقدم ولا متأخر ، ما تقارنش نفسك بغيركِ ، إيّاك إيّاك ! ، فلكلٍّ رحلته ، و أهم نصيحة ،هي التوكل على الله تعالى وإحسان الظنّ به
ثانيًا : اجتهدوا و اسعوا واحتسبوا الأجر ، لا تدخروا جهدًا مهما صغر في سبيل بلوغ ذلك الحلم ❤ على الأقل اذا ما لحقتش تقول "االلهم إني حاولت" مشي تندم و تقول "يا ليتني حاولت" لذلك فضلًا لا تضيعوا تعب سنوااااااااااات ، بتهاون بضعة شهور ، وصدقوني لربما أصعب شعور قد يمرّ به الإنسان هو شعور الندم لذلك اقرا باش ماتندمش ، اقرا باش توصل لهدفك ، اقرا باش تخلي كامل الناس لي يحبولك الخير فخورين بيك ، والأهم لازم أنت ! أنعم أنتَ ! تكون فخور وراضي بالشيء لي قدمته … وتذكر قوله تعالى ﴿وَأَن لَيسَ لِلإِنسانِ إِلّا ما سَعى۝وَأَنَّ سَعيَهُ سَوفَ يُرى﴾ دير مليح في بالك بلي ربي سبحانه رااه يشوف في تعبك ، وحاشاه أن يردك خائبًا ،
اجتهدوا في الدعاء كما تجتهدون في الدراسة وأكثر ، بالغ في الدعاء فأنت تسأل من هو على كلّ شيء قدير -
ولا تنسوا مشاركة هذا الفيديو مع أحبائكم ❤و دمت في حفظ الله
‏#team_interleukin

سلاااام جماعة اسمحووولي والله نسيت كامل بلي راني ادمن هنا

المهم قولولي مشاكلكم اما مواد جاوكم صعاب على واش حابين نهدرلكم اما مادة نبدالكم بيها ؟ اي استفسار و لا ؟

مساء الخير يا كل الخير ❤🙌🏻
أما بعد..
حبيت نوصل ميساج لطلبة البكالوريا النظاميين أو الأحرار لي راهم باغيين يلتحقو بكلية الطب
كامل شفتوا وراكم تشوفو إضراب الكراامة لي دارو طلبة الطب من سنة اولى حتى سنة سابعة وكذلك الأطباء المتخرجين وذلك لسبب واحد وهو الظروف المزرية لي راه يعاني منها الطلبة و حقوقهم المهضومة و القوانين التعسفية الذي فرضها الكهل المسؤول على القطاع من الغاء التوثيق و فتح الملحقات التي زادت الطين بلة..
و على حساب هدرة الوزير و بعد اضراب طلبة الطب و المطالبة بخفض عدد الطلبة الجدد

ابتداء من بكالوريا 2025 📚
سيكون معدل القبول في الطب حسب كل كلية و المقاعد المتوفرة

و قبل الحديث عن معدل القبول في الطب يجب علينا اولا الحديث عن مستقبل الطب في الجزائر!!!
هل انت كطالب بكالوريا و بعد الاحداث الاخيرة و شبح البطالة ووو مزالك حاب دير ميدسين؟؟؟ مزالك تعاود في الباك على جالها؟؟
اذا كانت اجابة تاعك مباشرة بنعم ✅فاجتهد من أجلها و دير واش تقدر على جالها بسك معدل راح يرتفع و بغيت نقلك اقلع من عقلك الحياة الوردية لي رسموهالك صناع المحتوى و الطبيب المعجزة بسك كي تدخل الدومان راك تشوف واقع وادوخر كامل عكس واش تتوقع ..
اما ان كنت بين وبين ❌فأنصحك نصيحة أخوية غير خطيييييك رااح تندم كيما ندمة كبير ندمو لي قبلك وراهم يخمو يعاودو الباك و يسمحو في ميدسين... 😭

و حتى ويكون حلمك الطب راح في اول مشكلة تنسى كامل و تقول نسمح و ثاني خمم في مستقبلك ما تبعش العاطفة تاعك برك سبع سنين خبيش و مع تالي ما تلقاش خدمة ماشي ساهلة والله 💔💔
و كنقطة اخرى: هذا اضراب رانا نديرو فيه مصلحتنا حنا كطلبة طب و مام مصلحتكم منا و جااي باش لي يدير ميد يلقى كامل الظروف متوفرة و يكون يقرا و مرتاح✅ ماشي يخمم في المستقبل ساو قبل ما تتحمس وتقول رانا حاسدينكم❌ عاود خدم عقلك مليح و ستف هدرتك
‏والله ولي التوفيق

على حساب هدرة الوزير و بعد اضراب طلبة الطب و المطالبة بخفض عدد الطلبة الجدد

ابتداء من بكالوريا 2025 📚
سيكون معدل القبول في الطب حسب كل كلية و المقاعد المتوفرة

و قبل الحديث عن معدل القبول في الطب يجب علينا اولا الحديث عن مستقبل الطب في الجزائر!!!
هل انت كطالب بكالوريا و بعد الاحداث الاخيرة و كل المشاكل في القطاع و الظروف السيىة التي يعاني منها الطلبة والاطباء و شبح البطالة ووو مزالك حاب دير ميدسين؟؟؟ مزالك تعاود في الباك على جالها؟؟
اذا كانت اجابة تاعك مباشرة بنعم ✅فاجتهد من أجلها ولا تلتف
اما ان كنت بين وبين ❌فأنصحك نصيحة أخوية غير خطيييييك رااح تندم كيما ندمو لي قبلك وراهم يخمو يعاودو الباك

صباح الخير يا كل الخير 🩵
أما بعد..
"كثيراً ما يلومّ الناسُ ظروفهم لما هُم فيه، أنا لا أؤمنُ بالظروف، فالناجحُ في الحياةِ هو من يسعى للبحثِ عن الظروفِ التي يريدها، وإن لم يجدها يصنعها بنفسه ✨

🔴 #بكالوريا_2024 :-
🟢 الأسئلة الشائعة في الوحدة الأولى وكيفية الإجابة عنها .
🟣 الشكر موصول لي صاحب العمل 🤲🤲.

‏تَستَهوِيني جدًا هَذهِ المَقولة:
"كُل مُتوقّعٍ آت."

مُنتَظر الفرَح سَيحصل عَليه، وَصاحِب اليَقين ستُتحقّق فكرتهُ، مُسيء الظَّن سينَال ظنّه؛ فتَوقَع مَا تتمنَّىٰ..🤎🪐

سلام عليكم ورحمة الله وبركاته

راكم تقرو ولا راكم تضيعو فالوقت ؟
و مزالك طالع هابط فالانستا و فيسبوك ؟
يا تنوضو تقرو يا نخرجلكم من تيلفون
مشي نهار قع و نتوما في ليسي و ليكور ولا لافاك بالنسبة لأحرار و تحسبو رواحكم قريتوو ! القراية تع الدار هي كلش تجي للدار يسموك تعاود شا درتو ما تقولوليش رانا نعياو مركش وحدك ناس كامل راها تتعب
فالاول قلت مزال ما والفتوش مزالكم جدد 😭 كنتو في عطلة، ما علاباليش انا ؟
ذروك صايي كون ما تبداوش و تقرو فالدار ( اكدولي على فالدار ) !!! ما غاديش تجيبو 18 و 17 و …
الحقيقة تقال جماعة الخير مكان لا تحفيز لا خرطي اللي يبدا بكري هو اللي ينجح و هو اللي يلحق و هو اللي يجيب اي معدل راه يحلم بيه !كون ما تبداوش ذروك و تكونو بديتو تتمشو فالبروغرام تع الباك غير ما تطمعوش رواحكم بزاف لانكم غادي تبقاو هكا و كل ما يزيد يفوت نهار غادي تزيدو تكرهو كثر
و كي تكرهو و تشوفو رواحكم روطار و مش لاحقين غادي تلقائياً ما تقدروش تقراو بالقدر الكافي باش تجيبو المعدل اللي راكم باغيينه
سما ربي يهديكم راكم كبار اعرفو صلاحكممم و نوضو تقرو ما تقولوليش نعرفو الدرس و كي نجو للتمرين ما نعرفوش نحركو ستيلو !
باسك قاع صراتلنا بصح كون ما تقبضش تمرين و تكسر راسك معاه و تعيا و تكره و تطيح و تنوض معاه غادي نهار الباك و الله ما تحرك ستيلو
مكانش لي زاد يعرف كلش لازم تحاول حتى تلحق كامل سوفرينا مع العلوم و مع الفيزيك و خاصة العلاقات كامل ما كناش نعرفو نديرو استنتاج و كامل كنا نحصلوا في الدالة كامل كرهنا و عيينا و طحنا و نضنا
هذي هي مكانش حاجة بالساهل و ما تقليش مزال الحال
ما بين جملة " مزال الحال" و جملة " ممكن ما يكفينيش الوقت باش نلحق "
وقت قصييير بزاااف ( مهما كان يبانلكم مزال الحال بصح الوقت يفوت بلخف في رمشة عين تلقاو رواحكم في ماي
استغلوا الفرصة و ابداو دروك
باش على الأقل كي كاش نهار تتزير عليكم و تدعو ربي باش يوفقكم و يسهل لكم في قرايتكم ربي راح يكون شافكم درتو الأسباب و قريتو، و راح يوفقكم ماشي كي تحصلو تدعو ربي و نتوما اصلا ماكمش بادين بكري !
لازم التوكل ماشي التواكل، لازم الانسان يدير الأسباب و من بعد ربي راح يسهل له طريقه

-بزاف سقسيتوني على برنامج لي قريت بيه و كذا
-بالنسبة ليا كل واحد وعنده وقت لي يساعده يقرا فيه كاين لي يبغي يسهر كاين لي ينوض بكري كاين لي ماهوش فارغ كامل يوم كاين لي عندها شغالات في دار
تسما ما نقدرش نعطيكم برنامج ولكن نقدر ننصحكم بحاجة:
-علوم لازم تقراوها كل يوم اكثر من ثلاث ساعات
فيزياء و رياضيات اعكسو بيناتهم ديرو نهار رياضيات ونهار فيزياء ولا سمانة بسمانة مهم لي تساعدكم
-انا هذا وقت كنت مزال ما نبدا مواد لوخرين ولكن اذو عندكم الوقت
-ديرو صباح مادة حفظ ما تكثروش ساعة على الاكثر
-زيدو معاهم مادة ثانوية اخرى

و نتوما قسموهم على حساب الوقت لي يساعدكم🤍

تفكرو بلي مكاش حاجة تجي بالساهل و أي حاجة لازم تخدمولها و تتعبو علاجالها 🥺 و أهم حاجة اذا كانت هاديك الحاجة اللي راكم تتعبو عليها تستاهل 😔
و الله ما خسارة فيها هاد التعب كامل !
كلش كلش راح يرجعلكم أضعااف مضاعفة بإذن لله 🤎
و ربي مستحيل يضيع تعبكم ✨

Your question:
كي كنت ليبر درت ليكور ولا غير يوتيوب؟!
Answer:
منطقيا..!! مدامني كنت نقرا في معهد ونعاود في الباك باينة مرحش يكون عندي الوقت انو ندير ليكور
لذلك اعتمدت فقط على يوتيوب و ني حكيت كيفاه نظمت وقتي بين شبه طبي و الباك تلقاوها في ستوريات لي راني مثبتهم a la une.

📌المجموعة الثانية : مواد اللغات📚
🔹اللغة العربية : 🇸🇦
الاساتذة : الاستاذ حيقون أسامة + الاستاذ خالد حماش انا قريت عند حيقون لأنو يحط الدرس و يفصل فيهم و يشرح مليح (من بعد نحط كيفاه قريتها باش جبت 19)❤
الكتب الخارجية : المراجعة النهائية للأستاذ حيقون +كاين بزاف ملخصات ملاك تقدرو تعتمدو عليهم-و حليت بعض البكالوريات
🔹اللغة الإنجليزية :🇬🇧
الأساتذة : الأستاذ ناصري و الأستاذ جيار(olivine)
الكتب : كتاب تاع نااصري +منصوري +بعض الملخصات لي عجبوني (من بعد نحكيلكم كيفاه قريتها)
🔹اللغة الفرنسية :🇫🇷
الأساتذة : الاستاذمنير شبوة (دروس فقط) استاذةسالي مكانش لي يشرح مليح و يمد طرق باش تفهم النص و تجاوب كيما هي ، مام طريقة تاعها هايلة و توصللكم الفكرة و تمدلكم des astuces
الكتب : صراحة ما استعملت حتى كتاب ❌فقط باكالوريات الشعب العلمية
📌المجموعة الثالثة:
-
🔹الاجتماعيات : عندكم الاستاذ بورنان❤ راح يساعدكم بزاف بزاف و راح يمدلكم كلش فيما يخص المادة ✨ حرفيًا ما يبخل عليكم بوالو في اليوتيوب و قناته تاع التلغرام فيها ملفات مفيدة بزاف و اللي فادتني في نهاية السنة ✅ انا اعتمدت على قناته في اليوتيوب و الانستا تاعو و التلغرام تاني + ملفاته و كتاب السلسلة الأرجوانية مفيدين بزاف و يختصرو عليكم الوقت و مختصرين + بعض الخرائط الذهنية اللي كان يحطهم
+ كاين استاذ عاونني تاني في المراجعة و هو الاستاذ عبد النور خليفي كان يحط كلش مختصر

🔹علوم إسلامية : الأستاذة بوسعادي ! فيها كلش كلش حتى الاسئلة تاع الطلبة كانت تجمعهم في فيديو و تجاوب عليهم، بلا ما ننسى كتابها السلسلة الارجوانية فيه كلش ما تحتاجو والو من بعدو و اذا حبيتو كاش ما تطبيقات ولا زيدو شوفو السلسة الخضراء تاعها ✅ و الباكالوريات
🔹الفلسفة : عندكم بزاف أساتذة في يوتيوب، انا قريت من عند الاستاذ خليل سعيداني بدرجة الاولى و شويا من عند هواري و عادل مڤرود ( مهم لي تشوفو روحكم فهمتو عنده)
الكتب : كتاب هبة جبابرية و كتاب الهدى في الفلسفة و المقالات اللي يحطهم عقبة بن نافع ما شاء الله
🔹هذو هوما المراجع اللي اعتمدت عليهم فالباك ما تكثروش بزاف و هذو مجرد اقتراحاتي ✅ كاين اللي ما قراوش منهم و جابو مليح

❤🔥

المجموعة الأولى :المواد العلمية الأساسية :
علوم الطبيعة و الحياة 🧬 :
الأساتذة : كتفي شريف زينة رقم واحد كنت نعتمد عليها فيما يتعلق بالملخصات تاع الدروس خاصة كنت نقرا عندها و نكتب معها كل صغيرة و كبيرة و نركز على التفاصيل اللي تهدر عليهم و اعتمدت عل مجلات الهيستونات كل الوحدات مام التمارين اللي كانت هي تختارهم نحلهم قبل و من بعد كي نكمل نحضر معها الفيديو و نشوف فاش غلطت و واش نسيت و نسيي نخدم كيما دير هي و قريت شوية عند استاذ طلحي في نهاية السنة يمدلك les astuces
-
الكتب و سلاسل : كتاب السلسلة الفضية فيه رسومات و مخططات و بعض التمارين +كتاب الأرنب (سلسلة الزرقاء 💙)
سلاسل استاذ عقبة بن نافع المختارة بعناية مع الحل تاعها و مجلات الاستاذ بوالريش ✅
الباكالوريات حليت تاع شعبة العلوم التجريبية و مام تاع شعبة الرياضيات بالمنهجية الجديدة ✅
الفيزياء 🧪 :
الأساتذة : الأستاذ محمد الامين زدون كنت نشوف لي فيديو تاعو بالتفصيل الممل و نكتب معاه الدرس و التمارين و نحل ( ما شريتش الوثائق ) و هو يفصل بزاف فالدروس و يمدلكم كلش و كان يحط افكار التمارين تاع ليباك و الاسئلة النظرية، و الحاجة اللي تعجبني فيه هي التنظيم كلش منظم ✅

الكتب : تأشيرة النجاح كل الأجزاء ✅ فيهم ملخص الوحدة و تمارين متنوعة و شاملة ليها من الأسهل إلى الأصعب وثاني سلاسل تمارين الاستاذ قزوري و زيد تاني تمارين لي في صفحة عقبة بن نافع
الرياضيات 📏:
الأساتذة : الاستاذ نور الدين بدون منازع قريت عليه كل المحاور و حليت التمارين تاعو و سلسلة دير لاباز + مراجعة شاملة في كل محور و خطرات كنت نشوف عند الاستاذ عبد الباسط مش بزاف مجرد افكار ولا حاجة مافهمتهاش تمارين كنت نحل من سلاسل الاستاذ مصطفاي و تمارين عقبة بن نافع و ثاني تاع نوردين تمارين الشاملة تاع نوردين
هذو هوما المراجع اللي اعتمدت عليهم بالنسبة لمواد الاساسية من غير هذو المراجع ما تزيدوش و ما تحوسوش لأنو راح تشتتوا رواحكم و ما تحكموا والو ❌

السَعادة مُعديّة فـ احرص على مُخالطة السُعداء لعلّهُ يصيبك شيء من سَعادتهمْ فقد قَال العرب قديمًا من جَاور السعيد يُسعّد ❤🩺

فقطْ علينا التوَقُّفُ عن محاولةِ فعلِ أشياءَ استثنائيّةٍ مبهرةٍ بـطريقةٍ ما، وأن نقبل كوننا عاديِّين؛ فـنحنُ قد لا نستطيعُ أن نكونَ مبهرِين في كثيرٍ من الأحيان..
علينا أن نعيشَ طبيعَتَنا مثلَ ما هي، دونَ توقُّفٍ عنِ المجاهدةِ والسَّعيِ لـنكونَ أفضل، -أو بـتعبيرٍ قُرآنيّ- لـنكونَ "أحسنَ" عملًا.

بـتعريفٍ بسيطٍ لأنفُسِنا، فـنحنُ جميعًا شخصٌ يستَيقظُ كلَّ يومٍ في محاولةٍ لـيكونَ بطلًا..
قد ينجحُ أحيانًا وقد يفشل أحيانًا أخرىٰ، لكنِ الأهمُّ من ذلك أنّهُ لم يتوقّفْ يومًا عن محاولةِ أن يكونَ كذلكَ، بـكلِّ هذه البساطةِ والتّعقيد..
كائنٌ بسيطٌ غيرُ مبهرٍ في كثيرِ أحيانِه، لكنّهُ يستطيعُ صنعَ أشياءَ مُبهِرة!

سلام عليكم ورحمة الله وبركاته
بغيت نقولكم حاجة !قبل ما تدخلو تقراو باش ديرو حسابكم
على قد تعبكم تجيبو، تقرا قيس 12 تجيب 12 ! تقرا قيس 15 تجيب 15 !! تقرا قيس 18 تجيب 18 🥰 !
يعني ما تقولش في بالك انا نقرا شوية و نجيب بزاف ❌ اللي باغي معدل ممتاز و شهادة باكالوريا بإمتياز يتعبب و يقراااا و يدير واش يقدر ✅ !
ما تقولش انا نقرا غي شوية و ندي بزااف انا عبقري ولا ذكي ولا راسي خفيف
في نفس الوقت توكلو على ربي و ديرو ثقة في أنفسكم ! كي تتعب قول تعبت و قريت و ان شاء الله بإذن الله نوصل
يعني الثقة بالنفس تجي بعد ما تتعبو و تقراو، و قد ما قريت قول لازم نزيد، صحا اليوم قريت مليح غدوا نسيي نقرا اكثر ✨ ..
حلاوة العام تاع الباك في التعب و التضحيات و الاستمرارية و الصبر ، حلاوة الباك في الخدمة و الثقة بالله صدقوني هاد الأيام مهما كانت صعيبة، راح تتجاوزوها و يبقا الأثر تاعها برك، هادي أجمل ايامكم، و من بعد راح تولي ذكريات فقط !
استشعروا كل لحظة راكم تتعبو فيها ♥️، لأنها راهي تبني مستقبلكم و ترفعكم درجاااات !
صح أيام صعبة و متعبة و علابال كاين فيكم اللي عندهم ظروف صعبة و قاسية، و مشاكل و صعوبات كثيرة 😭و لكن صدقوني حلاوتها كي تتجاوزو كل هذه العقبات و تنتصرووو حلاوتها كي تحققوا النجاااح الباااهر في نهاية السنة رغم كلش ! 😌
تحسو رواحكم أقوى من كل واش فات عليكم، من كل لحظة مؤلمة، من كل يوم متعب فات عليكم، من كل ظرف صعب ! من كل إبتلاء جاء في طريقكم :(
اخدمو على هديك اللحظة و الله انها تستاهل، و نتوما تستااهلو تعيشوها و تحققوها

سلام عليكم ورحمة الله وبركاته
جمااعة لي قرات باراميدكال وكملت

بعثولي عناوين تاع مذكرات التخرج تاع برومو تاعكم ولا لي قبلكم مهم لي عنده عناوين تاع مذكرات جميع التخصصات يبعثهملي 🤍🙌🏻

🤍🤍

لنبدأ من جديد
كأنناا لم ننتكس قط
و لنتذكر قوله ﷻ {نعم العبد إنه أواب} 🩵

ما بالُ قلبِكَ قد أصابَهُ القنوط؟!
أذاكَ ظنُّكَ بربِّك؟! أتخالُهُ سيتركُك؟! أعهدتَه كذلك؟!
كلُّ شيءٍ سيتحسنُ في النهايةِ كما العادة.
أوقاتُكَ الصعبةُ هذهِ ستتخطَّاهَا كما اعتدتَ دائمًا، قلقُكَ وضغطُكَ النفسيُّ الذي لا ينفكُّ يؤرِّقُ صحوَكَ ومنامَكَ سيمُرُّ وكأنهُ لم يكُن، وكلُّ ما ستتذكَّرُهُ لاحقًا أنكَ انتصَرْت.
لذا فلتُخرِسْ ذلكَ‏ الصَّوتَ الذي لا ينفكُّ يُثبِّطُ عزيمتَك، انهَض وابدَأ من جَدِيد، أعدِ المحاولةَ ولو كانتِ الألف؛ فهُناكَ ضوءٌ ينتظرُكَ في نهايةِ النفق.. ثق بالله!❤️‍🩹✨

- لا بـٲس بالتـعب ٳن ڪان لاجـل الحلـم ❤️