أثر الصالحين💐🤍 Telegram Posts

تعالوا اقولكم انا استفدت إيه النهارده 🤍.

السلام عليكم ورحمة الله وبركاته 🤍.
عساكم بخير يارب🤍.

تعالوا النهارده نتكلم عن صله الرحم 🤍.

طبعاً صله الرحم هي من اعجل الطاعات وليها ثواب في الدنيا قبل الآخرة 🤍.

ف عن رسول الله صلى الله عليه "من سره أن يبسط له في رزقه ينسأ له في أثره فليصل رحمه"

صله الرحم دي بتكون بالزيارة للقرايب والإحسان ليهم واننا نتصدق علي فقيرهم ونشاركهم ف أفراحهم ونواسيهم ف أحزانهم ..وطبعاً نقدر نتواصل معاهم عن طريق وسائل التواصل الاجتماعي 🤍.
وصله الرحم دي مش بتكون مكافأة دي عباد مستقلة 🤍.
قال رسول الله صلى الله عليه وسلم "ليس الواصل بالمكافئ لكن الواصل الذي إذا قُطعت رحمه وصلها"

طيب احنا قرايبنا مقاطعيننا 🥺.
-هقولك ابدأوا أنتوا بالصله ..لأن زي م هي ليها ثواب عظيم كمان ليها عقاب ف عن جبير بن مطعم أن رسول الله صلى الله عليه وسلم قال .."لا يدخل الجنة قاطع ".
ف لو هما قطعوا انتوا اوصلوا🤍.
وخلي دايما بينكم ود لأنه بيزود المحبه وليه ثواب ف الدنيا قبل الآخرة 🥹❤‍🩹.

بتمنى تكونوا استفدتوا 🤍.
يلا في رعاية الله ي سكاكر 🤍.

يا أهْلَ الجَنَّةِ، خُلُودٌ فلا مَوْتَ، ويا أهْلَ النَّارِ، خُلُودٌ فلا مَوْتَ.

يوم القيامة الخسارة مش هتبقى هينة ولا عادية ..هتبقى دار خلود ، إما نار وإما جنة.

خليك فاكر إن الموت قريب اوي مننا وإن كل نفس محسوب عليك .. تخيل لو النَفَس اللي هيطلع منك هو آخر نفس ليك في الدنيا! ..
أول حاجة هتفكر فيها إيه؟! ..

*قصص وعبر من حياة الصحابيات*
صفية بنت عبد المطلب (2)
      *عمة رسول الله صلى الله عليه وسلم*
👈🏼 هاجرت صفية رضي الله عنها إلى المدينة مع ابنها الزبير رضي الله عنه ، وقامت بأهم الأدوار في معارك المسلمين ، ففي غزوة أحد كانت رضي الله عنها في طليعة النسوة اللاتي خرجن لخدمة المجاهدين ، وتحميسهم على الجهاد، ومداواة الجرحى .

🍂وفي هذه الغزوة استشهد أسد الله حمزة بن عبد المطلب رضي الله عنه أخو صفية وعم النبي صلى الله عليه وسلم ، ومثّل وحشي بجثته فبقر بطنه وجدع أنفه وأذنيه ، فجاءت صفية رضي الله عنها إلى ميدان المعركة وحملت رمحًا وجعلت تقول للناس موبخة مؤنبة: "انهزمتم عن رسول الله"، ثم تقدمت باتجاه الشهداء تريد رؤية أخيها حمزة رضي الله عنه وقد سمعت ما صنعه المشركين به من المثلى.

💭يُروى أنها جاءت وهي تحمل في يدها ثوبين لتكفنه، وعندما علم النبي صلى الله عليه وسلم بمقدم صفية إلى أُحد، ساءه أن ترى أخاها حمزة بهذا المنظر المريع ، فطلب من ابنها الزبير أن يحول دون رؤية أمه لأخيها حمزة، عندها اعترض الزبير طريق أمه قائلًا: "يا أماه إن الرسول صلى الله عليه وسلم يأمرك أن ترجعي"
فأجابته وهي تبتلع حسرتها وألمها مع دموعها: "ولم يا بني؟ قد بلغني أنه قد مُثل بأخي في سبيل الله وما أرضاني بذلك ولأحتسبن وأصبرن إن شاء الله".

👈🏼وهي أول امرأة قتلت رجلاً ، تحدث هي عن نفسها رضي الله عنها قالت: أنا أول امرأة قتلت رجلاً كان حسان معنا ، فمر بنا يهودي فجعل يطيف بالحصن ، فقلت لحسان: " إن هذا لا آمنه أن يدل على عورتنا" ، فقم فاقتله . قال :" يغفر الله لكِ! لقد عرفت ما أنا بصاحب هذا "، فأخذت عموداً ، ونزلت ، فضربته حتى قتلته .

💭فقد احتمت السيدة صفية رضي الله عنها مع نساء النبي صلى الله عليه وسلم وبعض نساء الصحابة وأولادهم في حصن يملكه شاعر الإسلام حسان بن ثابت رضي الله عنه ، يقال لهذا الحصن حصن فارع

🍂وذهب النبي صلى الله عليه وسلم وأصحابه ليحفروا الخندق في تلك الأثناء يحفروه حول المدينة، في هذه الفترة حدثت في حصن فارع قصةٌ عجيبة، كان أحد يهود بني قريظة يدور حول الحصن والنظرات الخبيثة تملأ عينيه، هرعت صفية رضي الله عنها إلى حسان بن ثابت تخبره بذلك وهي تقول: " قم ياحسان، قم إلى ذلك اليهودي فوالله إني لا آمنه أنه يدل على عوراتنا ".

👈🏼كانت رضي الله عنها تخشى أن يعرف اليهودي أن الحصن ليس فيه إلا النساء والأطفال فيذهب بتلك الأخبار إلى يهود بني قريظة، ويهود بني قريظة في غزوة الخندق نقضوا عهدهم مع النبي صلى الله عليه وسلم وناصروا أعدائه عليه، فخافت أن يهجموا على الحصن فيقتلوا النساء والأطفال أو يسبوهم إذا ماعلموا أن ليس هناك من يحمي النساء والأطفال في الحصن.

🍂ولما رفض حسان رضي الله عنه أن ينزل ليقتل اليهودي ، فحملت رضي الله عنها عمودًا ثم نزلت متسللةً وأتت عدوها من خلفه وضربته على رأسه بالعمود عدة ضربات حتى قتلته، وعندما رجعت إلى الحصن قالت لحسان: "انزل يا حسان فخذ سلبه( السلب هو ما مع الشخص من سيف وأمتعة) فإنه والله لا يمنعني من ذلك إلا أنه رجل وأنا امرأة".
أجابها حسان: "يرحمك الله يا عمة رسول الله والله ما لي من سلبه من حاجة"

👌🏼وقد أسهم لها النبي صلى الله عليه وسلم من الغنائم كما يسهم للمقاتلين، فقد اعتبر دفاعها عن النساء في حصن فارع وقتلها لذلك اليهودي مشاركة  في الجهاد ، و شهدت رضي الله عنها بعد ذلك غزوة بني قريظة .

🍂ويوم خيبر خرجت صفية رضي الله عنها مع ابنها الزبير رضي الله عنهما فخرج، ياسر اليهودي فبرز له الزبير رضي الله عنه فقالت صفية رضي الله عنها لما خرج إليه الزبير: يا رسول الله يقتل ابني ، فقال رسول الله صلى الله عليه وسلم : "بل ابنك يقتله إن شاء الله" ، فخرج إليه وهو يرتجز ثم التقيا فقتله الزبير .

🍂توفيت رضي الله عنها في خلافة عمر بن الخطاب  سنة عشرين من الهجرة ، وهي بنت ثلاث وسبعين سنة ، وصلى عليها عمر بن الخطاب ، ودفنت بالبقيع
فرضي الله تعالى عنها وأرضاها.🍂🤍🍂

*ستأتِي بعد زحام البلاء أفراح ألم يقُل الله*
وَبَشِّرِ الصَابِرِين🤍🥺

صوت النقشبندي وهو بيقول"رمضانُ اهلًا" فـِ حتة تانيه خالص، حاجه فـ مُنتهي الجَمال 🥹💚💚💚💚💚💚💚🌙.
فاللهم بلغنا رمضان🌝💚💚.

و قالوا بناء على الحديث ده " إن الرسول ﷺ رسول للعنف ، والرسول نشر الإسلام بالعنف ونشر الإسلام بالسيف " والكلام ده طبعاً مش صح عن رسول الله ... براحة كده هوه النبي ﷺ في الحديث ده كان بيكلم مين ؟ بيقول لمين " لقد جئتكم بالذبح " ؟ ... بيقول للسبعة اللي قاعدين بس ، لكن مش كل قريش ، هو بيكلم السبعة اللي قاعدين دول ... طب ليه قال كده ؟ بناء على كل اللي هما عملوه ، فهو عايز يعنى يقول لهم " أتركونا و شأننا ، أتركوا أصحابي و شأنهم " ... تهديد بس ..

وكلمة الذبح مش معناها إنه هيدبحهم بجد .. ده تعبير مجازي .. زي ما النبي ﷺ
لما قال فى الحديث : " من خان أخاه فكأنما ذبحه بغير سكين " .. أهو ده تعبير مجازي ،
زى مثلاً لما تقول لأخوك " أنا هدبحك ".. هل ده معناه أنك مجهز السكينة وهتدبحه ؟ لأ
طبعآ .. ده تعبير مجازى ، أنك متدايق منه .. عشان كده مينفعش يتاخد حديث النبى ﷺ
من سياق القصة ويتبنى عليه كلام فارغ إن النبي ﷺ لما قال " لقد جئتكم بالذبح " أنه
بكده النبي ﷺ كان بيدبح الناس .. و الحقيقة أن النبى أبعد ما يكون عن
الذبح و عن العنف صلى الله عليه وسلم

هحكيلكوا موقف يوريكوا مدى رحمة النبي عليه الصلاة والسلام .. رجل أسمه " عبد الله بن أبي بن سلول " الرجل ده أكتر شخص آذى رسول الله .. أذاه في أهل بيته .. سلول ده هو اللي قال على النبي إن عائشة زوجته زنت .. أستغفر الله .. هو ده صاحب حادثة الإفك هنحكيها وقتها بالتفصيل إن شاء الله .. عبدالله بن أبى بن سلول أتهم أهل بيت الرسول
بالزنا ..

لكن شوفوا الرسول عليه الصلاة والسلام عمل إيه رغم كل هذا الإيذاء .. كان الصحابة
يروحوا للرسول ﷺ و يقولوا : " يا رسول الله مرنا فنقطع رقبة عبدالله بن أبي بن سلول "
( نخلص الناس منه ) ، فكان يقولهم ﷺ : " لا تفعلوا .. عسى الله أن يشرح صدره للإسلام " ( يمكن ربنا يهديه ) .. و يستحمل صلى الله عليه وسلم .. وييجي ميعاد وفاة عبد الله بن أبي بن سلول فيطلب إن النبي ﷺ يجيله البيت .. فالنبي ﷺ يلبي الدعوة ( تخيلوا !!! ) مع إن كان المفروض متروحش يا رسول الله ..

ده قال على أم المؤمنين عائشة إنها زنت يا رسول الله .. لكن يروح النبي ويدخل عليه فيحصل بينهم و بين بعض حوار .. فسلول يقول له : " يا محمد أمنن علي اليوم بثوبك فكفني فيه .. وغسلني .. وصل علي يا محمد " .. فيقول له : " يا عبد الله لك كل ما تريد "
ويموت عبد الله بن أبي بن سلول .. والنبي عليه الصلاة والسلام ينفذ الوصية .. مع إن ده
أذاك أوي يا رسول الله ! .. فيغسل عبد الله بن أبي بإيديه و يخلع ثوبه ﷺ و يكفنه بإيديه
عليه الصلاة و السلام .. وبعدين يقف و لسه هيبدأ يصلي عليه ..

فييجي سيدنا " عمر بن الخطاب " و هوه مش عاجبه اللى بيحصل و يقول : " يا رسول الله أتصلي على هذا المنافق ؟ " .. و النبي ﷺ يرد : " دعني يا عمر " .. فيرد عمر : " يا رسول الله لقد قال في عائشة كذا .. " ، و يرد عليه ﷺ و يقول : " دعني يا عمر " ..طب هيصلى النبى علي المنافق ده ولا لأ ؟

هنعرف بكرة إن شاء الله 🤍🌸

السلام عليكم ورحمه الله وبركاته
#حلقة_17
يلا صلوا على النبى :)

يستمر الإيذاء للنبى عليه الصلاة والسلام .. نفس الشخص الكافر الخبيث وهو " عقبة بن أبي معيط " ، عقبة ده ليه قصة تانية عجيبة أوي إحنا لازم كلنا نستفيد منها .. عقبة ده كان له صاحب بلغتنا إحنا " الأنتيم " بتاعه كان أسمه " أبى بن خلف " كان صاحب مقرب جداً لعقبة
بن أبي معيط .. فعقبة بن أبي معيط مرة ماشي في طرقات مكة سمع القرآن فعجبه ، كلام الله تبارك وتعالى الجميل فبدأ يحس إن القرآن دخل قلبه .. قام واخد بعضه وراح تاني يوم لصاحبه ..

( شوفوا حيحصل إيه شوفوا أصحاب السوء .. أصحاب السوء دول مهلكة في الدنيا و مهلكة يوم القيامة ، اللي عنده صاحب سوء لازم يبعد عنه ده هلاك في الدنيا قبل الآخرة .. عقبة ده كان ممكن إنهارده يبقى صحابي من أصحاب رسول الله ) طيب .. إيه اللى حصل ؟ ..

بعد ما سمع عقبة القرآن راح لصاحبه أبى بن خلف فقال له : " يا أبى لقد أستمعت إلى قول محمد .. و والله إني أراه كلامًا طيبًا " ( يعنى مش وحش ) ، فأبى ينفعل ويقول له : " يا عقبة كلامي من كلامك حرام ورأسي من رأسك حرام حتى تذهب إلى محمد وتبصق في
وجهه " ، ( يعنى هدده أنه هيخاصمه ) ..

و يسمع عقبة كلام صاحبه .. تخيلوا !! عقبة إمبارح كان بيسمع قرآن من النبى ﷺ ، فالنبي ﷺ متوقع إن عقبة النهارده جى بحب عشان يسمع تانى ... فالنبي ﷺ شايف عقبة جاي من بعيد فبدأ يتبسم صلى الله عليه وسلم و يتهلل وجهه وهو متسامح وكله حنان ورحمة .. فيلاقي عقبة جاي من بعيد فيفرح النبى و يفتح ذراعيه علشان يستقبل عقبة ، فييجي عقبة
من بعيد و فجأة يبصق في وجه النبي ﷺ متخيلين الموقف ..

فيبدأ النبي ﷺ يشيل البصاق من على وجهه الشريف صلى الله عليه وسلم .. وينزل في عقبه قول الله تبارك وتعالى : { وَيَوْمَ يَعَضُّ الظَّالِمُ عَلَىٰ يَدَيْهِ ( المقصود عقبة بن أبي معيط ) يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا * يَا وَيْلَتَىٰ لَيْتَنِي لَمْ أَتَّخِذْ فُلَانًا خَلِيلًا ( أبى بن خلف )
* لَّقَدْ أَضَلَّنِي عَنِ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلْإِنسَانِ خَذُولًا } ( ياريتنى سمعت كلام النبى ) .. 😢 لولا أبى كان ممكن عقبة ده يبقى صحابي ! سبحان الله ... الصحبة الصالحة تدخل الجنة .. والصحبة الطالحة تدخل النار عياذًا بالله تبارك وتعالى ..

و عقبة بن أبي معيط مايكتفيش بالإيذاء ده .. مرة خلي النبي ﷺ واقف عند الكعبة بيصلي فجاله عقبة بن أبي معيط من ضهره وكان لابس رداء ... فيخلع رداءه ويفضل يبرمه يبرمه يبرمه و فجأة يحطه حوالين رقبة النبي ﷺ ويشده جامد على رقبة النبي صلى الله عليه وسلم ..

فالنبي فجأة يلاقي الأوكسجين أتمنع مش بيوصل للمخ صلى الله عليه وسلم .. ويبدأ النبي يدوخ مش عارف يتنفس ، ويقعد عقبة يضغط على رقبة النبى ﷺ .. ويبدأ وشه يحمر صلى الله عليه وسلم ويبدأ يقع يقع بالراحة .. شايف حبيبك النبى حصل له إيه علشانك صلى الله عليه وسلم 😢 ! .. ويبدأ يسقط على ركبتيه .. ولما عقبة يلاقي النبي ﷺ خلاص بيموت فيفك الرداء و يبعد علشان خايف من أبي طالب و من عشيرة النبى ﷺ ... اللهم صل على أرحم و أحلم خلقك بخلقك ♡ .

اﻹسلام دين الرحمة
النبي صلى الله عليه وسلم تعب و أتأذى إيذاء شديد .. يجي في يوم و يحصل موقف حيقول النبى ﷺ فيه حديث مهم .. الحديث اللي هنحكيه ده قصته مهمة وهنقف عنده شوية .. و هندفع بيه شبهة معينة عن الإسلام .. عارفين وقت الحديث ده كان إيه ؟

كان بعد كل الإيذاء اللى عرفناه سوا و أتعرض له النبى ﷺ و الصحابة .. يعنى بعد ما أتكوى خباب .. بعد ما أتقطع بلال وهو بيتجرجر في طرقات مكة .. بعد ما أتعذبت زنيرة .. بعد ما مات ياسر .. بعد ما أتقتلت سمية في مكان عفتها .. بعد ما عمار قال : " آمنت باللات والعزى " و هوه مغصوب من شده التعذيب ..

ففى يوم يدخل النبى ﷺ الحرم فيلاقي نفس الناس اللى بيستهزؤا بيه وبيأذوه قاعدين .. فيبدأ النبي ﷺ يطوف بالكعبة .. وفي الشوط الأول و أول ما يبدأ يطوف ، يضحكوا و يشتموه ويلعنوه ويستهزؤا بيه ويتمايلوا على بعض من كتر الضحك ، ويقعوا على الأرض من شدة الضحك فالنبي ﷺ يبص لهم و يكمل ( متنسوش إن الصحابة تعبانين ، الصحابة الإيذاء شديد عليهم في ناس منهم بدأت تقول كلمه الكفر ، فمن وقت للتاني النبي لازم يشد الصحابة و يحسسهم أنهم على الحق عشان يثبتهم ) ..

و يكمل النبى وفى الشوط التاني يبدأ الكفار فى الهمز و اللمز تانى ... فيصبر و في الشوط التالت يقف النبى ﷺ و يقول لهم : " يا معشر قريش والله لئن لم تنتهوا لقد جئتكم بالذبح " .. الحديث ده عمل أزمة عند ناس مش فاهماه صح .. بما إننا ناس بتعرف السيرة فإحنا هدفنا من السيرة مش بس قصص .. الهدف الأساسي الدفاع عن رسول الله وعن سنة النبي ﷺ ، ففي ناس أخدت الحديث ده وقصته من سياق الأحداث بتاعته وأخدت الكلام بإن الرسولﷺ قال : " يا معشر قريش لقد جئتكم بالذبح " ..

هو القرآن . .
ما رأيت تالياً له إلا رق طبعه

ومن حفظه رفع الله قدره

ومن عمل به صلح حاله

وما تلاه محزون إلا انشرح صدره

ومن تعلق به كفي همه وغمه .

و إذا دخل القرآن قلباً خرجت الدنيا من ذلك القلب

وحطت السعادة رحالها ، ووضعت البركة أغصانها

فهنيئاً لقلوب ارتوت وتشبعت وأزهرت بالقرآن.🤍

تعالوا اقولكم انا استفدت إيه النهارده🤎.

السلام عليكم ورحمة الله وبركاته 🤎.
ازيكم ي صُحبه عساكم بخير ي رب 🤎.
هنتكلم النهارده عن موضوع انتشر اوي ف الفتره دي واللي هو "التبرج"
التبرج ده من أكتر أنواع الذنوب المنتشرة اوي عند البنات🥲.
ممكن في بنات كتير تفكر نفسها مش متبرجة لأنها بتستتقل الكلمة على نفسها رغم ان التبرج معناه اظهار الزينة ...
ومن الواقع اللي بنشوفه دلوقتي تقريبا الغالبية العظمى من بنات مجتمعنا دلوقتي بكل فئاته حتى الطبقات المتحفظة تعتبر متبرجات 🙂❤‍🩹.
ف مش فاهمه ايه سبب ده!!
هل هما مش عارفين ان الحجاب الشرعي معناه انه بيكون لا يصف ولا يكشف ولا يشف وليس زينة في نفسه!!!
طيب هل عارفين بس مستهونين!!
بس ازاي هيستهونوا!!!!!
طيب مسمعوش كلام ربنا لما قال .. "وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ "
طيب مسمعوش كلام الرسول صلى الله عليه وسلم لما قال .."صنفان من أهل النار لم أرهما قوم معهم سياط كأذناب البقر يضربون بها الناس و نساء كاسيات عاريات مميلات مائلات روؤسهن كأسنمة البخت المائلة لا يدخلن الجنة و لا يجدن ريحها و إن ريحها لتوجد من مسيرة كذا و كذا"
ازاي حد يستهون بعد م يسمع الحديث ده!
تخيلي ذنب يكون سبب انك مش هتشمي حتى ريحه الجنة ويكون منتشر والمجتمع متصالح معاها ولا كأن في اي مشكلة!!
ده بالعكس معمول جروبات لتقييم الأوتفيت الأجمل والأكثر زينة والناس كلها بتشجع وبتدعم!😑.
الموضوع موقفش عند هنا❤‍🩹.
فكرة التبرج دي لسه فيها ميكس ذنوب رهيب
يعني فكرة ان التبرج ده يعتبر معصية وكون التبرج ده بيبقى قدام الناس ..فده يعتبر جهر بالمعصية ورسولنا الكريم صلي الله عليه وسلم قال .." كل امتي معافا إلا المجاهرون ".
إنتِ متخيله ذنب بيخرجك من دايرة العفو الإلهي!!🥲.
يعني فكرة البنت المتبرجة دي فهي تعتبر عاقة لوالدها ..وبالذات لو متوفي!
يعني رسولنا الكريم صلى الله عليه وسلم قال .. الا كلكم راع وكلكم مسؤول عن رعيته " ف فكرة ان البنت والدها مسؤول عنها فهي بتبرجها بتحمله ما لا يطيق امام الله سبحانه وتعالى ..غير انها ممكن تحطه في خانة مش كويسة وهو هيتحاسب عنها 💔🥲.
وده مش هيدخل الجنه متخيلين🙂.
يعني فكرة التبرج بتعتبر مشاركة في نوع من انواع الزنا ...
اي ...زنا!
ايوه الزنا🙂.
رسولنا الكريم صلى الله عليه وسلم قال .."العين تـزني وزناها النظـر" .. فكل شخص عاصي القى نظرة على بنت متبرجة فهي مشركاها في الذنب ده 🙂❤‍🩹.

شايفه الليلة الكبيرة دي بقا! الميكس ده كله والمجتمع متصالح معاها عادي ومش عاملها مشكلة ..واللي بيتكلم ف الموضوع ده بيتكلم على استحياء عشان بتوع حرية المرأة ميقولوش عليه رجعي ..والله بجد الموضوع ده محتاج واقفة وجهد كبير من الناس الصالحين في المجتمع انهم يوعوا الأهالي انها مترميش بناتها واولادها في التهلكة بذنب خطير ..هما مستهونيين بيه ومش واخد أه‍مية من باب ان ربنا غفور رحيم والبنات لسه صغيرة

ربنا برضوا شديد العقاب وقالنا .." يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ "

يعني ي سُكره قبل م تخرجي من بيتك كدا شوفي هل اللبس اللي انتي لابسلاه ولفت الطرحه والاوتفيت زي م بتقولي عليه كدا ...هل ينفع تصلي بيه!!
لو لقتيه ينفع وإنتِ شايفه إنه عادي خلاص براحتك💔.
بس مين فينا ضامن عمره ❤‍🩹.
ـ محدش صح؟!
يعني بلاش نخرج شعرنا بره الحجاب والحلق وميكاب ولبس ضيق وحاجات كتير إنتِ والله ف غني عنها ❤‍🩹.

ربنا يهدينا جميعاً ويغفر لبنات وامهات المسلمين الاحياء منهم والاموات 🤎.

لا تنسوني من دُعائكم 🤎.
بتمني تكونوا استفدتوا🤎.
يلا في رعاية الله🤎.

*قصص وعبر من حياة الصحابيات*
صفية بنت عبد المطلب
   *عمة رسول الله صلى الله عليه وسلم*(1)
👈🏼 سنتحدث اليوم عن صحابيةٍ عُرفت بجرأتها وشجاعتها وقوة شخصيتها، صحابية يربطها بالنبي صلى الله عليه وسلم نسبٌ قوي فهي عمته، وقد آمنت به منذ بدايات جهره بالدعوة الإسلامية.

🍂والدها عبد المطلب جد النبي صلى الله عليه وسلم، ووالدتها هالة بنت وهب أخت السيدة آمنة أم النبي صلى الله عليه وسلم، أخوها أسد الإسلام حمزة وابنها الزُبير ابن العوام حواري رسول الله صلى الله عليه وسلم وأحد العشرة المبشرين بالجنة وأول من سل سيفًا في الإسلام. وكانت من المهاجرات الأول ، شاعرة الهاشميات . 

💭زوجها : الحارث بن حرب بن أمية ،وهو أخو سفيان بن حرب، توفي عنها ، فتزوجها العوام بن خويلد الأسدي أخو خديجة بنت خويلد رضي الله عنها فولدت له الزبير ، والسائب ، وعبد الكعبة

👈🏼أخوتها : عبد الله والد النبي صلى الله عليه وسلم ، والحارث أبو طالب واسمه عبد مناف ، والزبير ويكنى أبا الحارث ، وحمزة بن عبد المطلب رضي الله عنه أسد الله ،وأبو لهب واسمه عبد العزى ، والغيداق والمقوم ، وضرار ، والعباس ، وقثم ، وعبد الكعبة ، والمغيرة

💭أدرك الإسلام منهم أربعة : أبو لهب ، وأبو طالب ، والعباس ، وحمزة . فأسلم حمزة والعباس رضي الله عنهما .

إسلامها رضي الله عنها
🍂كان إسلام صفية رضي الله عنها مبكراً ، لأنه عندما دعا رسول الله صلى الله عليه وسلم عشيرته الأقربين ،خص ابنته فاطمة وعمته صفية رضي الله عنهما بما أمره الله عزوجل بتبليغه كما جاء في الحديث الصحيح .

🍂فعن عائشة رضي الله عنها قالت : لما نزلت : (وَأَنْذِرْ عَشِيرَتَكَ الْأَقْرَبِينَ )قام النبي صلى الله عليه وسلم فقال :"يا فاطمة بنت محمد، يا صفية بنت عبد المطلب، يا بني عبد المطلب، لا أملك لكم من الله شيئاً ، سلوني من مالي ما شئـتم ".
👈🏼دعاها النبي صلى الله عليه وسلم إلى الإسلام فأسلمت .،فكانت صفية بنت عبد المطلب الهاشمية، رضي الله عنها من أوائل الذين آمنوا به وصدقوا برسالته ، واتبعوا النور الذي أُنزل معه
قال الذهبي: والصحيح أنه ما أسلم من عمات النبي صلى الله عليه وسلم سواها .

🍂ولا تنسى رضي الله عنها  ذلك اليوم الذي جمع فيه النبي صلى الله عليه وسلم أقربائه بعد أن نزل قوله تعالى: {وَأَنذِرْ عَشِيرَتَكَ الْأَقْرَبِينَ} [الشعراء:214]،
وكانوا نحو أربعين شخصًا فدعاهم إلى الإسلام، ثم قال لهم: «يا معشر قريش، اشتروا أنفسكم من الله لا أُغني عنكم من الله شيئًا، يا بني عبد المطلب لا أُغني عنكم من الله شيئًا، يا عباس ابن عبد الله المطلب لا أُغني عنك من الله شيئًا، يا صفية عمة رسول الله لا أُغني عنك من الله شيئًا، يا فاطمة بنت رسول الله لا أُغني عنك من الله شيئًا»
البخاري .
👌🏼نعم يا صفية عمة رسول الله لا أُغني عنك من الله شيئًا.
«لا أغني عنك من الله شيئًا»، كلمات قليلة كان لها أثر جذري في تغيير حياة صفية رضي الله عنها ، بدأ ذلك التغيير حين قررت رضي الله عنها أن تترك دين آبائها وأجدادها وتتبع دين ابن أخيها محمد بن عبد الله صلى الله عليه وسلم ، ظلت تلك الكلمات محفورة في ذاكرتها عمرها كله، فكونها عمة للنبي صلى الله عليه وسلم لن يفيدها بشيء إذا لم تتبع سنته وطريقته وتلتزم بتعاليم دينه، وقرابتها للنبي صلى الله عليه وسلم لن تغني عنها يوم القيامة شيئًا.🍂🤍🍂