أثر الصالحين💐🤍 Telegram Gönderileri

قول ما تشاء يا محمد وأنا بجانبك " .. و بعد ما سمع النبى عليه الصلاة و السلام كلام عمه أبو طالب فرح جداً جداً .. و من هنا بدأ النبى ﷺ بالجهر بالدعوة فى كل وقت , فوقف فوق جبل الصفا , و فضل ينادى كل قبيلة بإسمها يا معشر فلان ابن فلان .. لحد ما أتجمعوا .. فراح قايلهم ﷺ : " أرأيتكم لو أخبرتكم أن خيلا بالوادي تريد أن تغير عليكم ( تحاربكم ) أكنتم مصدّقي ّ؟ " ، قالوا : " نعم ، ما جربنا عليك إلا صِدْقا !! " ( إزاى ميصدقوش دول بنفسهم لقبوه بالصادق الأمين  ) .. فرد النبى ﷺ عليهم وقال : " إني نذير لكم بين يدي عذاب شديد ".. وينادى كل قبيلة بإسمها : " يا معشر فلان بن فلان , أسلموا لله عز وجل , فإنى لا أغنى عنكم من الله شيئا ،
يا فاطمة بنت محمد , أسلمى , فإنى لا أغنى عنكى من الله شيئاً " ..فيقف له أبو لهب و يقول : " تبآ لك سائر اليوم , ألهذا جمعتنا ؟ تبآ لك ! " ... فتنزل فيه الآيات من الله عز وجل : { تَبَّتْ يَدَا أَبِي لَهَبٍ وَتَبّ } ( يعنى الهلاك و العذاب لأبى لهب ) .. الآية دى فيها إعجاز جميل أوى بتقول إن أبو لهب أكيد هيموت على الكفر ، لأن الآية بتقول إن العذاب و الهلاك لأبو لهب ، و الآية دى خالدة مخلدة ليوم الدين ..

طيب كان ممكن أبو لهب لما تنزل الآية دى يعمل مقلب كويس و يقول طيب أنا هأسلم بقى ، يبقى أنا هخش الجنة و محمد بيقول تبت يدا أبى لهب ، يبقى القرآن غلط .. لكن طبعاً ده محصلش .. قال تعالى : { وَمَنْ أَصْدَقُ مِنَ اللَّهِ حَدِيثًا  } و فعلاً هيموت أبو لهب على
الكفر . 🤍

السلام عليكم ورحمه الله وبركاته
#حلقة_15
يلا صلوا على النبى
#الدعوة_السرية_لﻹسلام 🤍

هيبدأ النبي عليه الصلاة و السلام يفكر في طريقة يبلغ بيها دين الله .. يبدأ النبى ﷺ
يحكي لأصحابه القريبين منه فقرر النبي يختار ناس من أصحابه اللى بيحس إن فيهم خير ، طيب يا ترى هتختار مين يا رسول الله ؟ ..

طبعاً أبو بكر الصديق " خير البشر بعد رسول الله " .. أبو بكر ده صاحب النبي من زمان .. فالنبي ﷺ يروح له ويقول له : " لقد بعثني الله بالإسلام " .. فيقول أبو بكر : " آمنت بك يا محمد " ..و الجميل إن النبي ﷺ قال على أبو بكر : " والله ما من أحد دعوته إلي الإسلام إلا ونظر وتردد و فكر إلا أبي بكر .. ما أن دعوته أسلم لله عز وجل " .. ( الصديق .. بيصدق رسول الله بمجرد ما بيتكلم .. ليه ؟ عشرة عمر .. معاه من صغره شايفه و شايف أخلاقه
و مركز وشايف علامات النبوة على النبى ) ..

و يقول النبى عليه الصلاة و السلام : " لو كنت متخذاً من العالمين خليلاً لأتخذت أبا بكر
خليلاً ... غير أن صاحبكم ( يقصد نفسه ) خليل الرحمن  " .. ( والخُلة هي أن يتخلل الحُب كل مسام القلب وهذه المنزلة لا تنبغي في قلب الرسول إلا لرب العالمين ) ..

أبو بكر أسلم .. وبعد إسلامه بيوم يسلم علي إيديه أربعة من المبشرين بالجنة .. تخيلوا ^_^    " عثمان بن عفان _ طلحة بن عبيد الله _ الزبير بن العوام _ سعد بن أبي وقّاص " ، وبعد إسلام أبو بكر يسلم " علي بن أبي طالب " وكان عمره عشر سنوات .. و بعدين يسلم " زيد
بن حارثة " ( ابن النبى ﷺ بالتبنى قبل تحريم التبنى ) ..

بدأ الصحابة يكتروا .. وبقو محتاجين مكان يجتمعوا فيه و يتعلموا القرآن .. فيطلع شاب عمره ١٣ سنة أسمه " الأرقم " يقول : " يا رسول الله أنا أتبرع ببيتي للمسلمين " .. فيأخذه المسلمين وتسمي " دار الأرقم بن أبي الأرقم " .. ويجتمع المسلمين في الدار المباركة دى وربنا يخلد اسم الشاب ده في التاريخ " دار الأرقم " ..

النبي ﷺ يبدأ يعلم الصحابة القرآن اللى بينزل عليه .. أول آيات نزلت كانت من جزء " عّم " الجزء الثلاثين .. آيات قصيرة ذات تواصل بديع كلها تتكلم عن الجنة والنار ، و عن يوم القيامة
و عن رؤية الله عز وجل  و عن رحمة ربنا سبحانه وتعالي .. و كان أجتماعهم فى دار الأرقم يبقى فى السر .. كان ده مهم أوى فى البداية .. ليه ؟ عشان خايفين من إبادة المسلمين ..

المهم بدأوا الصحابة يحبوا الإسلام وترق قلوبهم .. و بدأوا الصحابة يحبوا النبي ﷺ حب شديد .. و بعد فترة تنزل علي النبي ﷺ آية : { وأنذر عشيرتك الأقربين } .. يعني ايه؟؟؟؟

إمبارح بدأ النبى صلى الله عليه وسلم بالدعوة السرية للإسلام وده طبعاً عشان يبنى لنفسه قاعدة داخلية , عشان لما يجهر بالإسلام , فيكون معاه أصحابه و عدد من الناس يأيدوه ..
ونزلت على النبى ﷺ الآية الكريمة : { وأنذر عشيرتك الأقربين } .. طيب هتعمل إيه يا رسول الله ؟ ..النبى ﷺ يعمل وليمة ( عزومة ) ودعا كل أسياد بنى هاشم , وكانوا 45 رجل .. فقعدوا و خلصوا الأكل و أول ما وقف النبى ﷺ و لسه هيبدأ يتكلم معاهم .. فوقف قدامه " أبو لهب " ( ده عم رسول الله .. و أولاد أبو لهب تزوجوا من بنات النبى , و طبعآ لاحظوا تغييرات مفاجأة على زوجاتهم , عشان كده عرف أبو لهب باللى هيقوله النبى ) ..و وقف أبو لهب و قال : " يا محمد لا تتكلم , فإنى لا أعلم برجلا جاء على قومه بشر مما جئت به يا محمد ! " ( مشفتش حد جه بشر قد اللى أنت جى بيه يا محمد ) .. فالنبى ﷺ يسكت
و يتحرج , و طبعاً ميرفعش صوته على عمه أدبا و حياءا منه ، إنك لعلى خلق عظيم بشهادة رب العالمين  ..

كان الحبيب عليه الصلاة و السلام بيصبر على آذى الناس بكل رحمة و رفق .. عارفين الصحابة بيقولوا : " كنا نرى رسول الله يمشى فى طرقات مكة , وخلفه رجلا وضيئا يقذفه بالحجارة , فنقول من هذا ؟ " .. فيقولوا : " عمه أبو لهب ! " .. فيتعجبون لما لا يرد النبى ﷺ عليه ، ( ليه النبى سايبه يأذيه كده و مش بيوقفه عند حده ) .. وكان أبو لهب شديد الحسن , ولقب بأبو لهب لأن لحيته كالشمس , وكان أزرق العينين , ففيه من جمال النبى ﷺ بحكم القرابة , ولكنه مات كافرا .. الله يعافينا ويعافيكم ..

المهم بعد ما العزومة الأولى باظت .. النبى صلى الله عليه و سلم مستسلمش وعمل وليمة تانية , ولكن المرة دى بقى قرر يتكلم قبل ما ياكلوا , و قام النبى ﷺ قايل كلمات جميلة جداً : " إن الحمد لله ,نحمده و نستعينه ونستهديه ونستغفره , من يهده الله فلا مضل له , و من يضلل فلا هادى له .. أيها الناس , أما إنى رسول الله إليكم ، أما أنها جنة أبداً , أو نار أبداً , أسلموا إلى الله رب العالمين " .. و يقف أبو لهب ويقول : " يا محمد , أسكت ! أسكتوه " .. فيقف أبو طالب يزعق ويقول له : " دع محمد .. و يبص للنبى ﷺ ويقوله : والله إنى أسرع الناس لفعل ما تحب ( أنه يسلم لله يعنى ) و لكن لولا أننى متمسك بدين آبائى لكنت أسلمت .. ولكن والله يا محمد لأحميك منهم أبداً ما حييت ..

جــاهزين أنــزل مــعــلومــات عــامــة ي ســڪاڪر 🥰🤍🤍🤍🤍🤍🤍🤍🤍🤍🤍🤍🤍🤍🦋....
#التفاعل_ي_سكاكري🌚.


❀ هل ڪنت تعلم 🐥🍂.
✪كم جناحًا لجبريل عليه السلام ؟
👈🏻 ستمائة جناح .
⇦  والدليل حديث ابن مسعود رضي الله عنه قال: «رَأَى محمد ﷺ جِبْرِيلَ عليه السلام لَهُ سِتُّمِائَةِ جَنَاحٍ». رواه البخاري
🤍🤍🤍🤍🤍🤍🤍🤍🤍🍃.




❀ هل ڪنت تعلم 🐥🍂.
هل للملائكة أجنحة ؟
👈🏻نعم .
⇦  والدليل قوله تعالى: *﴿الحَمدُ لِلَّهِ فاطِرِ السَّماواتِ وَالأَرضِ جاعِلِ المَلائِكَةِ رُسُلًا أُولي أَجنِحَةٍ مَثنى وَثُلاثَ وَرُباعَ يَزيدُ فِي الخَلقِ ما يَشاءُ إِنَّ اللَّهَ عَلى كُلِّ شَيءٍ قَديرٌ﴾*  [فاطر: ١].
🤍🤍🤍🤍🤍🤍🤍🤍🤍🍃.



❀ هل ڪنت تعلم 🐥🍂.
✪ من هو الروح الأمين ؟
👈🏻 جبريل عليه السلام . 
⇦  قال تعالى: *﴿نَزَلَ بِهِ الرّوحُ الأَمين ُ۝ عَلى قَلبِكَ لِتَكونَ مِنَ المُنذِرينَ﴾*  [الشعراء: ١٩٣ – ١٩٤] .
🤍🤍🤍🤍🤍🤍🤍🤍🤍🍃.

*اللهُـم بَـلغنا رَمضـان 🤍🎀🌙..*
*اللهُـم أَرزقنـي صيامـهُ وَقيامـه وَتـلاوة القُـرآن فيـه 🤍🎀🌙..*
*اللهُـم سلمـهُ لَنـا وَتسلمـهُ مِنـا وَسـلمنا فيـه وَقـد عَفـوت عَنـا وَغفـرت لَنـا وَرحمتنـا ≯ 🤍🤍🤍🤍🤍🎀..))"".*

> "﴿وَنَحْنُ أَقْرَبُ إِلَيْهِ مِنْ حَبْلِ الْوَرِيدِ﴾"

*يعني مهما حسيت إنك لوحدك، افتكر إن ربنا أقرب ليك من أي حد وأي حاجة، شايف حالك، سامع دعواتك، وعارف اللي في قلبك قبل ما تحكيه.*
*اطمّن، طول ما ربنا معاك، مفيش حاجة مستحيلة •🧡'.*

السلام عليكم ورحمه الله وبركاته
#حلقة_11

يلا صلوا على النبى 🤍

وفضل بحيرة يقنع أبو طالب إن بلاش ياخد محمد صلى الله عليه و سلم للشام عشان خايف اليهود يقتلوه ، وبعد محاولات كتير من بحيرة خاف أبو طالب وقال خلاص مش هاخد محمد معايا للشام ..

وبسرعة بَحيرَة راح للنبي ﷺ وقاله : " يا بني لا تذهب إلى الشام ، أقسمت عليك باللات والعزى " تفتكروا النبي ﷺ وهو يدوب عنده 12 سنة يقول لبحيرة إيه ؟! قال : " ما عبدتهما لأُقسم بهما :) " ، فأتأكد بحيرة أكتر وأكتر إن فعلاً محمد ﷺ نبى أخر الزمان 🤍

و أبو طالب عم محمد ﷺ جاب جمل و جاب حراس وجهز ترتيبات الرجوع وقالهم أرجعوا بمحمد ﷺ لمكة وأنا هكمل الطريق مع القافلة ..

وعلى فكرة بَحيرَة كمان أتأكد إن محمد هو نبى آخر زمان من علامة تانية .. هي إيه ؟
" خاتم النبوة " ( يعنى ختم النبوة ) ، خاتم النبوة ده موجود عند كل الأنبياء ( الخاتم ده بيبقى فى ظهر النبى ومكانه بيبقى قريب من الكتف و هو عبارة عن لحمة " ناتئة "يعني دايرة لحم بارز شوية عن الجسم حواليها دايرة من شعرات قصيرة وطولها واحد والدايرة مظبوطة جداً كأن حد ناحتها وكانت عند كل الأنبياء وكل أهل الكتاب يعرفوا كده ) 

ومرت السنين محمد ﷺ النهارده بقه عنده 20 سنة ، حصلت حرب في مكة إسمها " حرب الفُجّار " دي حرب كل مكة حاربت بعض فيها ، فجرت مكة وقتلوا بعض في الشهر الحرام والنبي لم يشارك في الحرب دي رغم إنه عنده 20 سنة يعني يقدر يشارك بس هو مش رضى يشارك .. يبقى ده أكبر دليل إن النبى عليه الصلاة والسلام قبل النبوة كان بردوا مش بيحب الحرب

ويحصل بعد الحرب دي حاجة أسمها " حِلف الفضول " بعد الحرب اللي عملوها دي وكان
من ضمن شروط الحلف أو المعاهدة دى إن ممنوع حد يقتل حد عند الحرم ( الحرم المكى ) وممنوع يكون في ظلم في مكة ، فمحمد ﷺ كان بيحب حِلف الفضول 

النبي ﷺ إنهارده عنده 25 سنة المرة الجاية هو زواجه من خديجة بنت خويلد ، بصوا يا جماعة مهما سمعتوا عن قصص الحب في الدنيا .. مفيش قصة أجمل ولا أطهر ولا أشرف ولا أرق من قصة حب النبي ﷺ لخديجة بنت خويلد 🤍

هنعرفها سوا بكرة إن شاء الله 🤍

﴿لَا تَحْزَنْ إِنَّ اللَّهَ مَعَنَا ۖ﴾ 🤍🤍🤍🤍"" _.

﴿وَرِزُقُ رَبِكَ خَيْرٌ وأَبْقَىٰ﴾ 🤍🤍🤍🤍"" _.

﴿وَلاَّ تَخَافِى وَلاَّ تَحْزَنِى﴾ 🤍🤍🤍🤍"" _.

﴿فَاصْبِرْ صَبْراً جَمِيلًا﴾ 🤍🤍🤍🤍"" _ .

﴿وَلَكن لِّيطْمَئنَّ قَلْبِى﴾ 🤍🤍🤍🤍"" _.

الشيخ الشعراوي مرة قال:
"حينما يتولّى الله أمرك فهو يُسهل لك كُل صعب، ويُسير أمورك كما تحب، ويُحقق لك ما كنت تظنه مُستحيلًا."
لذلك ردد دائمًا:
"اللَّهُم اِحتويني برحمتك وتولَّني بقُدرتك فأنت يا رب خير المُنصفين".💕💕💕💕💕💕💕💕💕💕🌷"

ٰ
«اللَّهُمَّ أنْتَ رَبِّي، لا إلَهَ إلَّا أنْتَ، خَلَقْتَنِي وأنا عَبْدُكَ، وأنا علَى عَهْدِكَ ووَعْدِكَ ما اسْتَطَعْتُ، أبُوءُ لكَ بنِعْمَتِكَ عَلَيَّ، وأَبُوءُ لكَ بذَنْبِي فاغْفِرْ لِي، فإنَّه لا يَغْفِرُ الذُّنُوبَ إلَّا أنْتَ، أعُوذُ بكَ مِن شَرِّ ما صَنَعْتُ».

*سيد الاستغفار | 🕊️💐🤍*

السلام عليكم ورحمه الله وبركاته
#حلقة_10

يلا صلوا على النبى 🤍

وقفنا سوا المرة اللى فاتت مع قوافل التجارة اللى فيها النبى صلى الله عليه و سلم و الناس فيها مستغربين جداً أن لأول مرة بَحيرَة الراهب يطلع من الدير و يكلمهم .. إيه اللى حصله ؟ أصل بَحيرَة وهوه باصص من شباك الدير لقى مجموعة ناس جايين من بعيد ( القافلة اللى فيها النبى صلى الله عليه وسلم ) فلقى الناس دي فوقيهم سحابة بتظلل عليهم !! و مكنش الجو أصلاً يسمح إن يبقى فيه سحاب .. و مفيش و لا سحابة غيرها فى السما ..

فبَحيرَة أتخض أوى وطلع من الدير يجري بسرعة عليهم .. فدخل في القافلة بتاعه أبو طالب وقعد يبص فى الناس لحد ما وصل للنبي صلى الله عليه و سلم .. محمد ﷺ طفل عمره 12 سنة .. و فجأة بَحيرَة مسك إيد محمد ﷺ ورفعها لفوق و قال هذا نبي أخر الزمااان ، هذا رسول رب العااالمين ، هذا سيد العااالمين يبعثه الله رحمة للعالمين 🤍

بَحيرَة منفعل و بيعمل ده قدام الناس و صوته عالى أوى وكله مستغرب بَحيرَة .. أبو طالب عم محمد ﷺ بص لبَحيرَة وهو مش مصدق اللى بيسمعه وقال : " ماذا تقول " ( يعنى إيه اللى أنت بتقوله ده ؟! ) .. فرد الراهب : " والله منذ أن رأيتكم قادمون ( يعنى من لحظة ما شفتكم جايين وأنا واقف فى شباك الدير ) .. و مفيش و لا شجرة و حجرة إلا سجدت وراه ودول مستحيل يسجدوا إلا لنبى " ..

طبعا محمد ﷺ إنهارده أول مرة يسمع كلمة نبى : فالناس مش مصدقة الراهب ، ففضل الراهب يكرر الكلام ويقول لهم صدقووونى صدقوووونى ، لكن محدش صدقه .. فبَحيرَة بدأ يفكر و يخطط أنه يحاول يعطلهم شوية عشان يلحق يعرف أى حاجة عن محمد نبى الله و رسوله ، فقالهم أنا عازمكوا على أكل ولازم تقعدوا .. فأبو طالب وهوه مستغرب قال له
أنت عمرك ما كنت كده ولا عمرك فكرت تعزمنا ، فقاله بس النهارده بقه أنا عازمكوا و لازم تقعدوا .. المهم قعدوا يستنوا الأكل ، و قعدوا تحت ظل شجرة و بَحيرَة بسرعة دخل يجهز
الأكل ..

فأبو طالب ركب محمد الجمل وقاله خليك هنا لوحدك ، مش هينفع تقعد معانا .. فخرج بَحيرَة بيبص مش لاقي النبي ﷺ ، وبعدين لقى النبي ﷺ بعيد .. فبذكاء فكر يحرج أبو طالب و قاله يا أبو طالب أنده إبنك يأكل معنا .. فجه النبي من بعيد و بحيرة مركز معاه فلقى حاجة غريبة أوى ، لقى محمد ﷺ يمشي و فوق رأسه سحابة بتظلل عليه ( أصل إنت غالي أوي يا رسول الله ربنا مش حيخليك تمشي في الشمس 🤍 ) فالنبي ﷺ جه يقعد جنب الناس فحصلت حاجة عجيبة أوى ..

و هوه رايح يقعد مع قومه تحت ظل الشجرة عشان ياكل .. لكن لقى مفيش مكان :فالنبى أضطر يقعد فى الحتة اللى فيها شمس لوحده فحصل شئ عجيب أوي أوي ، ظل الشجرة مال عليه 🤍 فصرخ بحيرة وقال لهم : " أنظروا أيها الناس أما تعقلون ! أنظروا إلى ظل الشجرة قد مال عليه " .. فسأل بَحيرَة : " أين والد هذا الولد ؟ " ، فقال أبو طالب : " أنا " فقال : " من أنت ؟ " ، قال : " أنا أبوه " .. قال بَحيرَة : " لا لست أبيه " ، فقال أبو طالب :
" أنا عمه " ، فقال : " الآن صدقت "..

وبعدين بحيرة قال : " أين أبوه ؟ " ، فقال أبو طالب : " بمكة " ( أبو طالب مش عايز يقوله أن أبوه ميت ) ، فبحيرَة قاله : " ما ينبغى لأبوه أن يكون حيآ " ، فسكت أبو طالب وقال : " مات أبوه " ، فبحيرة قال : " الآن صدقت " .. فأبو طالب قاله : " ماذا تريد يا بَحيرَة ؟ " ، فقال :
" يا أبا طالب صدقني هذا نبي آخر الزمان ، أين تذهب به ؟ " .. قال : " إلى الشام " ، قال بَحيرَة : " أقسمت عليك لا تذهب به إلى الشام فهُناك يهود أخاف إذا رأوه يقتلوه " ، فقال أبو طالب : " لمَاذا ..؟ " .. قال : " يعرفونه في كتبهم " ( فعلا ربنا عز وجل أخبرنا عنهم فى القرآن وقال : { الَّذِينَ آتَيْنَاهُمُ الْكِتَابَ يَعْرِفُونَهُ كَمَا يَعْرِفُونَ أَبْنَاءَهُمْ وَإِنَّ فَرِيقًا مِّنْهُمْ لَيَكْتُمُونَ الْحَقَّ وَهُمْ يَعْلَمُون ، َالْحَقُّ مِن رَّبِّكَ فَلَا تَكُونَنَّ مِنَ الْمُمْتَرِين } ..

فأبو طالب مش مصدق .. فبحيرَة قاله : " أقسمت عليك لا تذهب به .. لا تذهب "
طب يا ترى أبو طالب أقتنع ؟ يا ترى أثر فيه كلام الراهب بحيرة ؟؟ .

هنعرف سوا بكرة إن شاء الله 🤍