نصيحة اليوم - مازن يس

@mazenyassenjag

مش نصايح علي قد ما هي تذكير بالحاجات الي انت غالبا عارفها و مسقطها

نصيحة اليوم - مازن يس (Arabic)

هل تبحث عن جرعة يومية من الإلهام والحكمة؟ إذا كانت الإجابة نعم، فقناة "نصيحة اليوم - مازن يس" هي المكان المناسب لك! يقدم لك هذا القناة مازن يس مجموعة من النصائح القيمة التي قد تكون تذكيرا لك بالأشياء التي قد تعرفها بالفعل، ولكن قد تكون قد نسيت أو تجاهلتها في حياتك اليومية. تتنوع النصائح التي يقدمها مازن يس بين الحكم العامة والإلهام لمساعدتك على تحقيق أهدافك وتحسين نوعية حياتك. إذا كنت تبحث عن دفعة إيجابية ليومك، فإن قناة "نصيحة اليوم - مازن يس" هي المكان المثالي لتحصل على الدعم والتحفيز الذي تحتاجه. انضم إلينا اليوم واستمتع بنصيحة قيّمة كل يوم!

نصيحة اليوم - مازن يس

24 Feb, 10:55

الدرس المستفاد: لما حد يضايقك.. مش لازم دايما تمسك في خناقه…. حاول تعمل عكس الي انت متعود عليه و خليك الشخص الاكبر. و لو كان عندك القابلية انك تحتضنه.. ياريت. طبعا الكلام ده مش هنعرف نطبقه في كل المواقف. و لكن المحاولة احسن من اللا شيء. 😉

7,841

نصيحة اليوم - مازن يس

24 Feb, 10:45

بقالي كتير مكتبتش حاجه هنا. انا اسف بس كنت في سفر. وحشتوني.

حاجه من الحاجات الي حصلت الفترة الي فاتت هو ان واحد دخل كتبلي كومنت علي انستاجرام و الله اعلم كانت نيته ايه. بس طبقت حاجه اتعلمتها من Garyvee الي قلتلكم عليه قبل كده. و هي ان التعاطف دايما بيكسب. و ان لما حد بيقول حاجه سلبيه بيبقي عشان عنده مشكله او مش مبسوط. و فعلا اتخضيت لما طبقت الموضوع لانه عكس الطبيعي الي احنا متعودين عليه. هبعتلكم سكرين شوتس تقروا الكلام الي حصل

7,041

نصيحة اليوم - مازن يس

08 Feb, 06:48

تخلي عن فكره ان لازم الناس كلها تحبك او تتقبلك. الناس انواع و الاختلاف مطلوب. و كل واحد مننا ليه ناسه الي شبهه.

اهم حاجه انك تكون مستريح مع الناس الي انت محاط بيهم حتي لو كانوا اقل بكتير.

القريبين القليلين الي هيساعدوك و يقفوا جمبك في المواقف الصعبة او المواقف الحلوة.
ركز علي الجودة مش العدد 💙

7,886

نصيحة اليوم - مازن يس

07 Feb, 09:29

فكّر انت مزعّل مين و سايبه بقالك شويه زعلان. و حاول تظبط امورك معاه النهارده.

الحياة مش ابيض و اسود.. مش لازم ترجعوا زي الاول.. بس علي الاقل خلي فيه سلام مابينكم 🙏🏽💙

6,973

نصيحة اليوم - مازن يس

05 Feb, 08:25

https://www.instagram.com/reel/CZk1g4jg-V2/?utm_medium=copy_link

من اكتر الناس الي اثروا فيا و في قراراتي هو جاري ڤي.

في ناس كتير بتزهق منه لانه بيعيد الكلام كتير بس بطرق مختلفة.. انا بحس ان دي حاجه حلوه لكذا سبب.
اولهم ان ممكن كل واحد يفهم و يقتنع بالكلام بطريقة غير التاني.
و تانيهم هو ان التكررار فعلا بيعلم الحمار.. الواحد ممكن يسمع حاجه و يقتنع بيها في ساعتها و لكن بعد يومين يكون نسيها و بيكمل حياته عادي ولا اكنه سمع حاجه.
زي لو واحد صاحبك علمك تعزف حاجه بسيطه علي البيانو.. تالت رابع يوم هتكون نسيت بتتلعب ازاي. و اكيد كمان شهر مش هتعرف تجيب اول نوته صح اصلا.

بس لو كررتا كل يوم لمده شهر من اول ما اتعلمتها .. هتبقي جزء منك و هتيجي بعد سنتين تشوف اي بيانو هتلاقي نفسك لعبتها علي طول.

اشجعكم انكم تسمعوا ڤيديوهات الراجل ده.. و عنده قناه مترجمه بالعربي كمان علي انستاجرام للي يحب.

صباح الفل 💙

6,786

نصيحة اليوم - مازن يس

01 Feb, 09:23

النهاردة عايز افكرك ان الناس الي بتقضي وقتك معاهم لو :
بيحبوا النميمة، بيلوموا اي حد او اي حاجه علي كل حاجة وحشة في حياتهم، بيتريقوا علي غيرهم، مبيخدوش خطوة تجاه تحسين النفس..
كل الحاجات دي هتؤدي انك انت كمان مع الوقت هتبقي شخص سلبي و مُنفر غصب عنك.
مش عيب انك تبعد عن الناس دول ، بالعكس ده معناه انك بتقّدر نفسك اكتر من انك تسيب نفسك للتسمم الفكري.

واجه نفسك و حط لنفسك مبادئ و قيم.
و هتلاقي الي شبهك يبقي صديق العمر و هتكبر وتنضج في فكرك و حياتك.

صباح الفل عليك و يومك جميل ♥️

5,955

نصيحة اليوم - مازن يس

31 Jan, 06:37

https://www.instagram.com/reel/CZXMnv1BGcn/?utm_medium=copy_link

5,618

نصيحة اليوم - مازن يس

30 Jan, 09:54

جرب النهاردة تبتسم في وش كل الناس الي هتشوفهم و تصبّح / تمسّي عليهم و لو قدرت كمان تسألهم "ازيك، عامل ايه النهارده" حتي لو متعرفش اسمهم، و حتي لو شكلهم مكشرين و مش طايقين نفسهم.

يمكن تكون انت سبب في ابتسامه علي وش حد كان يومه وحش.

يومكم جميل 😉😘

5,557

نصيحة اليوم - مازن يس

29 Jan, 08:13

صباح الفل. حد جميل منكم بعتلي دي علي الDM و قلت ابعتها زي ما هي و ازود عليها كلمتين من عندي.

خلي دايما مبادئك و اخلاقك هم الي بيقودوا تجربتك في الحياة. اوقات كتير غصب عننا بنلاقي نفسنا تخلينا عن مبدأ ورا التاني بسبب اننا شايفين ان الناس الي حوالينا معندهاش المبادئ دي و عايشين عادي. و ده ينطبق علي حاجات كتير جدا. كل واحد فينا عنده حاجته. و ده مفيهوش مشكله لاننا بني ادمين و عادي ان ده يحصل. بس المشكلة بتبدأ لما نتعود علي فقدان المبدأ او المبادئ دي و يبقي الطبيعي بتاعنا زي الناس التانيه منغير ما نحس اننا بنعمل حاجه غلط. هنا بتكون المشكلة بدأت تتكون و بيكون شخصك اتغير و بقيت ماشي مع الموجه و ملكش طابع خاص. من الاخر بنبقي مشينا مع قطيع الخرفان.

تاني كلنا بنقع غصب عننا في الحته دي و ده عادي… بس الحق نفسك عليطول و اتمسك بمبادئك عشان متفقدش شخصيتك و تكوينها.

صباح الفل عليكم 💙

5,361

نصيحة اليوم - مازن يس

26 Jan, 07:12

Goood Morningggg Beautiful People! 💙💙

اوقات كتير زي النهاردة كده الواحد بيصحي مش عايز يقوم من السرير الدافي الجميل من كتر ما في حاجات "لازم تتعمل".
و اوحش حاجه انك فعلا تقرر انك تكمل نوم اكتر و تأجل الي عليك.
جرّب النهاردة انك تبدأ يومك بمزاج عالي و انك "عايز" تخلص حاجات من الي عليك…

كلمه "عايز" هتفرق في نفسيتك و طاقتك
بلاش تقول في مخك "انا لازم اعمل" قول "انا عايز" اخلص عشان تحس انك بتعمل كل حاجة بنفس مفتوحه و بقلب.

يلّا اتحرك و اعمل من يومك احلي يوم 💙

HAVE A BEAUTIFUL WEDNESDAY 😉

4,878

نصيحة اليوم - مازن يس

25 Jan, 16:16

اول حاجه هنصح بيها النهارده هي انك تجرب كل حاجه نفسك فيها و تاخد Action عليطول. بلاش التفكير الكتير الي بيخليك تأجل و تأخر اي فكره انت شايف انها صح او حتي فيها نسبه صغيره انها تنجح. و ده زي الchannel دي. انا الفكرة لسه جيالي من شويه بالمناسبة. و مفكرتش كتير. قلت اعملها و لو نجحت تمام و او لأ مفيش مشكله هكمل في أفكار تانيه.

متستناش حد يقولك فكره حلوه ولا لأ. نفذ عليطول و خليك صبور علي النتيجه. 😘

5,897

نصيحة اليوم - مازن يس

25 Jan, 16:04

و اهلا بيكم يا احلي ناس ١٥٠ subscriber في اقل من ربع ساعه 😍. انا مبسوط بيكم جدا. ان شاء الله تكون channel مفيده لينا كلنا و اوعدكم اني مش هقرفكم برسايل كتير . 🙏🏽💙💙💙

5,653