متن نوحه @matnenoheh Channel on Telegram

متن نوحه

@matnenoheh

آیدی کانال
@asadi_naser

ارتباط با خادم کانال
09125687133
ناصراسدی اردبیلی

متن نوحه (Persian)

با خوش آمدگویی به کانال تلگرامی 'متن نوحه' خوش آمدید! این کانال تلگرامی توسط ناصر اسدی اردبیلی اداره می‌شود و شامل متون زیبای نوحه‌ها و مداحی‌ها است. اگر به دنبال مطالب فرهنگی و هنری، به ویژه نوحه‌های خاطره‌انگیز هستید، این کانال بهترین مکان برای شماست. همچنین اگر علاقه‌مند به اشعار و ادبیات فارسی هستید، با عضویت در این کانال می‌توانید از متون زیبا و شناخته شده نوحه‌ها لذت ببرید. برای ارتباط با خادم کانال، می‌توانید با شماره تلفن ۰۹۱۲۵۶۸۷۱۳۳ تماس بگیرید. پس از عضویت در کانال 'متن نوحه'، به دنیای شگفت‌انگیز و دلنشین نوحه‌ها خواهید پیوست.

متن نوحه

27 Jan, 13:02

 شعرترکی بی وفایی دنیا 

 

دقیقه لر قوتارار ماه وساله آلانما

گئجه گونوز دولانار صبحده مساده گئدر

آتا آنان نه قدر ئولمیوبله زنده دیلر

آماندی قدرینی بیل آتا آناده گئدر

اولار که عمریده سنلن همیشه باهمدی

وفا چراغی گئچر یار وآشناده گئدر

طبیعتین ایشیدی یاری یاریدن آییرار

وصال هجر دونر عشق ماوراده گئدر

جوانلیقیندا ولی اولما زور وه مغرور

قولین گوجی آزالار جسمدن قواده گئدر

زمان یلی چمن عمری تارومار ایلر

گله تبسم ائدن چهره دن صفاده گئدر

گوزل دیوبله گوزلیک گوزللره قالماز

دونر قیافه آیا بنزین لقاده گئدر

علامت قوجالیقدی باشین توکی آغارار

ئوزون اتی قریشار حسن دلرباده گئدر

اولار که زمزمه ایلله لحن دلکشیله

طنین سس آزالار صوت دلگشاده گئدر

دوشر ایاقدان اگر قهرمان عالم اولا

دوراندا دیزلر اسر الده کی عصاده گئدر

ئولوم توزی گوزه پرده چکر قولاق توتولار

نفس شماره دوشر دل دورار صداده گئدر

صاقا صولا نگران هی باخار بیرین تانیماز

ایکی گوزی دورانه دوشر ضیاده گئدر

اجل کمینده گزیر بیرخبر اوتورماگیلان 

یاخاوی دوتسا ئولوم گاه التجاده گئدر

حلال چورک قازانیب یه حرامه آلانما

آغیزدا طعم دونر لذت غذاده گئدر

آزا قناعت ائله چوخ باشا بلا گتیرر

میانه رو یاشا مفلسده اغنیاده گئدر

تومنی بش قرانا وئرمه ارزشی یوخدی

نه تک الینده کی پول یغدیغین رباده گئدر

بیر آغ کفندی سنه قسمت اولسا مالیندن

که یعنی ثروت بی حد وانتهاده گئدر

چالیشما وارثه حد شریعتی گوزله

بوله له وار یوخی نقره وطلاده گئدر

عیالین آغلاسا بیر گون اورکدن آغلیاجاق

ایکیمجی گون کسیلوب ناله ونواده گئدر

دونر اوچومجی گونه آغلاماق سسی کسیلر

بساط غم یغیشوب مجلس عزاده گئدر

ائلیکه هفته ده گئچدی ایاق چکر قونشی

یواش یواش داغیلیب خویش واقرباده گئدر

زمانه دفتریوی ،،سوته دل،،ائدرپاره

سینار یازان قلمین شعریدن جلاده گئدر

@matnenoheh
☑️کانال متن نوحه👆👆👆👆
1,150
متن نوحه

27 Jan, 03:13

احوالات موسی بن جعفر(ع)

فرصتی ویردی فلک دهریده‌ هارون الینه
حکمین اجراسی چاتوب دشمن قانون الینه
ستمین ناله سینی عالم امکانه سالوب
مرتضانون بالاسین گوشه زندانه سالوب
    حلق حقدن گووه مین آهیله افغان اوجالوب
اون بیر ایل رهبر حق گوشه زنداندا قالوب
نئجه زندان کی اورا موت هر انسان سببی
نئجه زندان کی بیلینمزدی اونون روزو شبی
نئجه زندان کی نگهباندا گورونمزدی وفا
نئجه زندان کی اورا دوشدی امام عرفا
رسمیدور هر بشری محنته توش ائدسه اجل
اولا یا اولمیا اولده دییر آی ننه گل
موسی کاظم اباالفضلیله هم رتبه اولان
عمرونون پاک گولی گوشه زنداندا سولان
آرتیراندا ئورگی سفره غم دامنه سون
سسلییردی اونو درک ائتمگه زهرا ننه سون
هی دییردی ننه جانیم سنه قربان تز گل
ئولدوروبدور منی بو محنت زندان تز گل
گوزلریم یولدا قالوبدور گلنیم یوخدی ننه
گوزومون یاشین ئوزومدن سیلنیم یوخدی ننه
ظلمیلن ای درو دیوار آراسیندا سیخیلان
الی پهلوده قالوب بستر مرگه ییخیلان
ئورگیم سن کیمی زندان محنوندن سیخیلیب
اوغلووی درک ائله کی بستر مرگه ییخیلیب
عرش عمرومده اولان کوکب وصلت سوزولوب
گوزلریم یولدا قالوبدور الیم الدن ئوزولوب
بیر کسیم یوخدی منه مونس اولا زنداندا
قهریله سیلی ووروللار ئوزومه هر آندا
قزلاریم هاموسی دنیاده اولوب مظلومه
نه رضا واردی یانیمدا نه بالام معصومه
من غریبون سوزونه عالم امکان آغلار
من ئولندن سورا احوالیمه زندان آغلار

@matnenoheh
☑️کانال متن نوحه👆👆👆👆
1,187
متن نوحه

24 Jan, 12:33

حضرت زینب(س)
سبک:🙏👇
یخلیوب عباسیم نهر فرات اوسته...
گدور الدن زینب دوشوب دیلدن زینب
نیه بس گلمورسن یورولدوم قارداش
گوزل آدون دیلده قانلی کوینک الده
گوزوم قالدی یولدا پوزولدوم قارداش
واویلا واویلا قالدی زینب تنها
گَل ای جان زهرا یارالی قارداش

سنه من پروانه سن شمع کاشانه
باغریم دونوب قانه بی شهپرم من
ایله زینب یاندی جگردن اوتلاندی
آتش عشقونده خاکسترم من
یارالی یاریم گَل نازلی نگاریم گَل
غریبلر شهرینده بی یاورم من
واویلا واویلا قالدی زینب تنها
گَل ای جان زهرا یارالی قارداش

گله بیلسن یاسه خبر وئر عباسه
دئنن زینب باجون یولیوی گوزلر
هانی بس یولداشیم اوزون قول قارداشیم
اله آلسون پرچم امیر لشگر
سنه جانیم قربان ئوزون اوخی قرآن
گوزون یومسون راحت آدامسیز خواهر
واویلا واویلا قالدی زینب تنها
گَل ای جان زهرا یارالی قارداش

منه گَل سن آغلا گوزلریمی باغلا
منه سنسیز قارداش آغلیان اولماز
گوزلیم غربتده زمان رحلتده
منتظر گوزلری باغلیان اولماز
سنه دوتدوم ماتم من چوللرده هر دم
منه اما سینه داغلیان اولماز
واویلا واویلا قالدی زینب تنها
گَل ای جان زهرا یارالی قارداش


@matnenoheh
☑️کانال متن نوحه👆👆👆👆👆
1,391
متن نوحه

23 Jan, 04:03

#زبانحال_حضرت_زینب_س_در_حال_احتضار


#یورقونام_کنار_دمشقده_دوشموشم_توانادن_آی_ننه
غصّه لر گرفتاری زینبون آیریلور بو دنیادن آی ننه



سن گزن مصیبت آغاجلارین شاخه شاخه گزدیم زمانه‌ده
یاندی درگهون ئولدی محسنون وردیلار سنی صحن خانه ده
چکدیلرمنیم خیمه می اودا بال و پر وروب آشیانه ده
بیر عقاب تک ایلدیم رها ناخوشی او بلوادن آی ننه



کیم منیم کیمی غملی عمریده روزگاریله پنجه نرم ایدوب
نامزد قیزی کاروانده باش آچیق گورن وقته شرم ایدوب
قلبمون اودی اشک چشممی چشمه مثلی چشممده گرم ایدوب
بیر کسیم حرارتلی اشکمی سیلمیوبدی سیمادن آی ننه



بحردور مصیبتلریم منیم منده غوطه‌ور بحره فی المثل
دست و پا وروردوم کرانیه یتمیوردی نیلوم ئولونجه ال
آند اولا کفنسیز حسینمه یاخشی وقت الیمدن دوتوب اجل
ساحل نجاته چخور قزون موج خیز دریادن آی ننه



زهر غم اوشاقلیق زماندن شیرین عمریمی ایلدی آجی
چون فلک سویوق باخدی زینبه بختمون اودور قزمادی ساجی
یدّی قارداشیمدان بیری هانی سسلنه باشیم اوسته آی باجی
بَهرَم اولمادی غصّه دن سوا اسم با مسمّادن ای ننه



نقطه فرض قیلسون وجودیمی دورمه وروب غصه دایره
شمع‌لر باشندان یانار منی سر بپا دوتوب سوز نایره
سوزناکتر نسگلیم بودور گلمشم خوشوم گلمین یره
اینجیوبدی روحیم ننم جانی شام فتنه بر پادن آی ننه



گوگلوم ایستیور شامده سنی گل اجل گلن بسر اوستونه
آخرین نفس لطف سایه‌سین سال بو جسم نیلوفر اوستونه
غصه لر سارالدان یوزی قویوم محسن اممین دوشلر اوستونه
من اوخای دیوم سنده آخ دی جان دوشنده یارادن آی ننه



مُهر مِهر عشق حسینیله باغلورام بوگون عشق دفترین
من آچانمدیم غسل ایدن گلر باشمون آچار قاره معجرین
شمر خنجریندن دوتان الیم قوّه یوخ سیله آلنومون ترین
پر توان مصیبت توانمی سلب ایدوبدی اعضادن آی ننه



غسل ایدنده یثربده نصف شب مغسل اوسته شیر خدا سنی
اوخشاما دیوردوم حزین حزین اوخشیوردوم ای بینوا سنی
اوخشاما دیین یوخدی زینبه ایستیور بو بی اقرباسنی
منتظر قالوب آغلیان گوزوم کچمه بو تمنّادن آی ننه


جواب
#زبانحال_حضرت_زهرا_س


دستگیر اولوب شامه گلموسن جور و ظلم اعدادن آی بالا
دلشکسته ایتدی فلک سنی دلشکسته زهرادن آی بالا



منشی ازل شام تپراقین خسته جسموه ثبت ایدوب مزار
کربلا کتابنده آدوی سردبیرلر قهرمان یازار
سوزلرون سنون تیز تیشه تک ظلم نخلنون ریشه‌سین قازار
قان توکن قلنج باج آلانمیوب نطق تیز و برّادن آی بالا



حق دانشماقیلا حقیقتی  پشت پرده‌دن چکموسن اوزه
نیش خار تک باتدی هر سوزون آل هاشمه کج باخان گوزه
سن دوزن مصیبتلره چتین روزگارده بیر نفر دوزه
گورمدون صفا اولدی هر گونون قاره لیل یلدادن آی بالا



فاطمه بُلوردی لیاقتون وار سنی اودور ایتدی جانشین
ایلدون عمل من دیین سوزه هر وصیّتیم آلدی اوز یرین
آخرین زماندا نیابتاً ئوپدون اوغلومون تشنه حنجرین
شاد قیلدون افسرده روحیمی یاخشی فیض معنادن آی بالا



قارداشیلا هیچ باجی سن کیمی قسمت ایتمیوب غصّه لر پایین
ایلدون حسینه گوره فنا روزگاروین ایللرین آیین
مُحتسب‌لری حیرته سالوب اولمادی بلن دردوین ساین
بیر خمیده قدّون نما قالوب سرو قدّ رعنادی آی بالا



واقفم فراغت گورنمدون  شاهدم نه آسوده یاتموسان
تازیانه دگمش وجودیدن قاره‌نی هاچان سن چخاتموسان
فاطمه حوره قاره تل‌لربی تل به تل عزاده آغارتموسان
قارداشون ئولوب آیریلوب حنا زلف عنبر آسادن آی ننه



دعوت ایلوسن جانویرن زمان یاسوی گلیم ساخلیون قیزیم
من نجه او گوزلر که اوغلوما دائم آغلیوب باغلیوم قیزیم
هانسی دردوه اوخشاما دیوم هانسی غصّه‌وه آغلیوم قیزیم
هانسی نسگلین شکوه‌سین ایدیم چرخ بی‌مدارادن آی بالا



عالم حقیقتده دردوین فکرینی دیمه باشدان آتمشام
سینه دن بلورسن یارالیام یاره‌لی گلوب قبره چاتمشام
قبری ایلدن ایتگین شهیدیم اللریم قابورقامدا یاتموشام
من گلنمرم سنده ورما اوز گئچ بو بیر تقاضادن آی بالا



ای شهیدلره اوخشیان قیزیم سینه اولی وی داغدار دل
گوزلری گیجه گوندوز آغلیان ابر بارشین ایلین خجل
اشکوین حسابین بلند یره کاش اولیدی کپریگلرونده دل
صحبت ایتسه مژگانلارون گیدر پرده بو معمّادن آی بالا


#مرحوم_انور

@matnenoheh
☑️کانال متن نوحه👆👆👆👆
1,475
متن نوحه

22 Jan, 10:54

زبانحال حضرت ابوالفضل (ع)



ای سایه لی سرویم سنی کیم سالدی ایاقدان؟

یا کیم بئله محروم ائلدی سروی بوداقدان

ایوای بو همان حسرتِ طوبادی یخیبلا

سروِ قدِ عباسِ دل آرادی یخیبلا



ای آرخام ائلیم قامت و بالایه نه گلدی؟

یاریم ، کمکیم طاقت و یارایه نه گلدی؟

حیدر باخیشیم صولت و سیمایه نه گلدی

شیریم گوزون آچ توتما منی رنجه لروندن

باغریم قانا دوندی کسیلن پنجه لروندن



باش اوسته گلردیم یولی ایندی منِ خسته

گوردوم کی دوشوبدور ایکی قول بیر یولون اوسته

غم لشکری یوز قویدی منه دسته به دسته

قلبیم دئدی یولداشسیزی قارداشسیز ائدیبله

بیر طایفه خونین جگری باشسیز ائدیبله



بیله کی قالوب پیکرون اوخلارین الینده

قالماز بئله سی بیر گُلِ تر خارین الینده

یاریم دیه سن چوخ قالوب اغیارین الینده

قولسوز گوروب عبّاسیمی کیم یاره وئریبدی؟

هر برگینه گُل پیکروین خار اوتوروبدی



هر داغ کی بیگانه الی قویدی دیلیمده

فورا" اثرین وئردی نشان آب و گِلیمده

هجرون سنون اما الیمی قویدی بلیمده

داغون بئله کی سختیدی من قلبی حزینه

الله بولوری نینیجاخ امّ بنینه



ای دشتِ بلانین یارالی یکّه سواری

قانیله یودون صورتِ حُسنونده غباری

بو منصبی بو گون سنه لطف ایلدی باری

اولدون صفِ هیجاده علمداری حسینون

تا جان واریدی یار و مددکاری حسینون



بیر اوزگه مقاماته بو گون مفتخر اولدون

حشره کیمی آزاده لره راهبر اولدون

آچدون یولی آلدون سویی صاحب ظفر اولدون

بو سهلیدی آلدون سویی سو ایچمدون ئولدون

قربانین اولوم ، حقدن اخا گچمدون ئولدون



ممکندی بو عالَم گئده عالم گله بیرده

ممکندی کی آدم گئده حوّا گله بیرده

ممکندی کی عالمده بئله دم گَله بیرده

ممکندی کی مین عالم اولا مین بئله غوغا

هیهات سو یانینده سوسوز جان وئره سقّا



غم ائتمه کی یاتدی علمون توپراقا باتدی

باش قانینی دشمن گوزوون قانینه قاتدی

سندن بو سینان باش ، باشیوی عرشه اوجاتدی

پایانِ شهادت کی ولادت دی حقیقت

آغازِ خوشایندِ سعادت دی حقیقت



مین جان سنه یازسیدی اگر کلکِ مشیّت

هر جاندا ائدردون منه مین نوعیله خدمت

ای خدمتی مافوقِ توانِ بشریّت

سن تک جانیوا لشکرِ احرار ایشی گوردون

حیدر بالاسی حیدرِ کرّار ایشی گوردون



مشرق گوزلی ظاهر حالیندا باتاندا

ظلمت ، گونشین نورینه تیره تور آتاندا

خطّین اوخودوم ماهه امان نامه چاتاندا

بولدوم کی گونون وصلینه آی خاتمه وئرمز

عبّاس منیم بیر گئجه می عالَمه وئرمز


(تاپدین او زمانکی آنادان فیضِ ولادت)

آلدی آنادان وئردی منه شاهِ ولایت

مین سِرّ خفی دن بیری فاش اولدی او ساعت

او حاله باخوب گلدی آتامیز دیله قارداش

الله دئدی هچ قارداشا وئرمز بئله قارداش

گُل بلبله گلزارِ وفاده یوز آچاندان

بلبل او آچیلمیش گُلِ نازه گوز آچاندان

یار یاره محبّت لی اورکدن سوز آچاندان

نه من کیمی جانان یوز آچیب عاشقِ زاره

نه سن کیمی عاشق گوز آچا صورتِ یاره


ای بابِ فضیلت ، نه شرف صاحبی مش سن

ای کشتهء عزّت نه هدف صاحبی مش سن

ای بحرِ فتوّت نه صدف صاحبی مش سن

مغلوبِ جهالت که مفاخر نه دی قارداش

الدن ویرر عباسی جواهر نه دی قارداش


خالص اولا هر گوهرِ عشقین کی عیاری

عشقون اونا معیاریدی هر حالده باری

بیر من بولورم قدریوی بیر عشقه حواری

جز عشق ، سنی هیچ محکِ عالمده چیخاتماز

هیچ دوزگون اولان دُرّ بهاسی سنه چاتماز


من دین دیه لی دینه مجاهد سنی گوردوم

هر حالیده هر خیره مساعد سنی گوردوم

عاشق سنیر، عارف سنی ، عابد سنی گوردوم

وقف ائتمیشدون چونکی اوزون خانهء عشقه

ایثار ائلدون جانیوی جانانه ی عشقه


سن طیّ ائلین یولّاری ای جاهدِ عاقل

مشکلدی سلامت قوتارا عارفِ کامل

حق لطفی سنی ایلدی مقصودیوه نائل

بیر سو کی اونون جرعه سیدی جانه برابر

کسدون نظرِ نفسیوی اوناندا برادر


سن شطّ خروشانی شتابیله آلاندا

اودلی نفسون نهرِ فرات اوسته سالاندا

هچ بیر دئمدون فکرتِ اطفاله قالاندا

آیینهء صافوندا نه غم منظری گوردون

آتدون سویی سو اوسته مگر اصغری گوردون؟


قویسیدی قضا عهدیوی باشه یتیرردون

سو مشکینی باش اوسته خیامه گتیرردون

داغلاراجا داغی اودلی دیلیمندن گوتورردون

آهولریمین قویمازیدون سو سراغیندا

اولدوز تک آخا گوزلری دشمن قاباغیندا


هر خیردا بالا الده سو جامی لبی سوزان

عیّوقه اوجالدیبدی نواسین سوسوزوندان

بعضی بالا جان اوسته دی بعضی سی یاری جان

پرپر دیه سن یرده اولوبدی ساری لاله

بیر یاندا دوشوبدی بالا بیر یاندا پیاله


ای کشتی اربابِ محبّت گِله یاتما

طوفانلیدی دریای مصیبت هله یاتما

ممکن اولا اطفالیمی چک ساحله یاتما

غرق ایلمه سه قانه منی موجهء آلام

هیهات اولا بحرِ بلا ساکت و آرام


عالِم سن اوزون من نه مگر ایستورم اولسون

انسانلاری آزاده نظر ایستورم اولسون

جانی لری جانانه گهر ایستورم اولسون

فکریم بودی غرقابی چکم ساحله ساری

نیلوم گوروسن دشمنیمون یوخدی چیخاری
@matnenoheh
☑️کانال متن نوحه👆👆👆👆
1,120
متن نوحه

21 Jan, 08:19

▪️▪️▪️▪️▪️▪️
#_موسی_بن_جعفر_

✍متن روضه موسی بن جعفر علیه السلام
@matnenoheh

السلام علیک یا ابالحسن یا موسی بن جعفر ایها الکاظم یابن رسول الله....‌


دست توسل ووراق باب الحوائج آقا موسی بن جعفراتگینه ....اورگلری آپاراق کاظمینه .....به یاد زندانی بغداد
او آقایی که زندان گوشینده گئجه گوندوز آللهینن رازونیاز ایلردی
جانم یا موسی بن جعفر
اله دیردی

بارالها تنگ اولوب زندان منه
حبسده بیر ایل کچور هر آن منه

موسی جعفر ابا ابراهیمم
یاخشی ئوز گوسترمدی دوران منه

صادقم صادق امامون اوغلیام
عبد صالحدور گوزل عنوان منه

اولدوم اول گونکه امام کاینات
یتدی سندن رتبۀ شایان منه


آلله سنی آندورم موسی بن جعفرین قولونداکی غل وزنجیرینه .... گوزی بومجلسده اولانلاری الی بوش یولا سالما

آی غریب آقایا دملی دردی اولانلار

غریبه آغلیان اولماز....غریب جان ورنده گوزلرین باغلیان اولماز

آقانین همیشه گوزلری یولدا اولاردی
آخی زندانی اولانین ملاقاتینه گله لر
اون بیرایل زندان گوشینده نه بیر حالینی بیلن اولدی نه بیر ملاقاتینه گلن

اما قیزین علاقه سی بابایا بیر آیری علاقه اولار.....باباسی اولمیان قیزین داخی هیچ کسه نازی اولماز
خانم معصومه آخشام اولاندا اورگی تنگه گلردی .....هرکاروان مدینه دن رد اولاندا ...‌.گوزی او کارواندا اولاردی
دیردی شاید بابا م اوکاروان ایچینده اولار

آلله سنی آندورم موسی بن جعفرین گوزی یولدا قالان بالالارینا

هیچ بالانی آتایا خاطر نیسگیلی ائلمه😭😭😭

اما آی اورگینین گیزلین سوزین موسی بن جعفر آقایا دینلربیر بالاجا قیزدا چوخ آتاسینین انتظارین چکدی

گریز ب حضرت رقیه س⬇️⬇️⬇️

من بیر قیزی تانورام آخشام اولاندا
گون باتاندا سسلیردی بابا هاردا قالوبسان.....بابا بیر کس سفر اوسته سنین کیمی یوبانما دی
گلردی سیخیلردی عمه سی زینبین قوجاقینه

عمه....😭شامین قیزلاری منه دیل یاراسی ووردیلا....امان امان دیل یاراسیندان
عمه یزیدین قیزی منه گولدی....عمه مگر قارداشسیزا گوله لر....جان یارقیه
دییوم دئمیوم نه عالم اولدی زینبه

دیردی:منیم عمه ازل گونن بابامدا چوخ گوزوم واردی

بیرآز دینجلسه بوردا سوز آچلسا چوخ سوزوم واردی

بی بی هانسی بالا قیزدا بواندازه دوزوم واردی

بابامدان آیرلان گونن باشما هر بلا گلدی

آلله هیچ کسین قارداشی بالاسین یتیم ایلمه سین
جان ویردی بابانین باشی دوشدی بیر یانا بالا دوشدی بیریانا

خانم اوبالاجا بالانی باسدی باغرینا
دئدی قلبین آلان دومان بالام...‌.‌‌

بابادان دویمویان بالام...‌‌..
باباسینون قانلی باشین گورن زمان...‌‌

قورخوسونان ئولن بالام.....


سسسلن دردیوه یارالی یا حسین😭

@matnenoheh
☑️کانال متن نوحه👆👆👆👆
1,074
متن نوحه

19 Jan, 11:00

احوالات حضرت موسی بن جعفر ع


@matnenoheh

بغدادیده سس دوشدی الوب باب الحوائج

بیر نچه نفر گلدی ایده نعشینی خارج

یوز ویرمیشیدی حال خفا بدر دجایه

بو حاله باخوب گلدیله فریاد و نوایه

تا که ساتاشوب گوزلری اولده عبایه

گل پیکرینون عطری او سجنی بورومشدی

قالمیشدی رطوبتده لباسی چورومشدی

بو حالیله تا گوردوله سلطان ولانی

گوزدن آتوب آفاقی چخوب روح و روانی

رد ایتدیله تا جسم شریفیندن عبانی

امواجه گلوب بحر مصیبت گینه داشدی

تا که او زمان گوزلری زنجیره ساتاشدی

زنجیر قالوب گوردوله بوینوندا ویروب جان

مغلول ایدوب ترک جهان حجت رحمان

بو حاله نظاره ایلیوب قالدیلا حیران

دین گلشنینه گوردوله باد غم اسوبدی

کنده ایاقین بوینونی زنجیر کسوبدی

زنجیر یریندن آخوری قانی چو یاقوت

واردور یری یانسا بو غمه عالم لاهوت

آخرده اولوبدی در زندان اونا تابوت

ای کاش اولیدی او زمان عالمی برباد

محبسدن اولوب دورت نفر حمالیله آزاد

معناده توکوب جدی گهر گوز صدفینندن

احسن دیدی ال چکمدون عالی هدفیندن

یولدا باشی تابوتین آخوب باش طرفیندن

بو منظره نسگللرین آخر علن ایلور

هر بیر باخانی غرق ملال و محن ایلور

دوشموشدی او تابوت قباقینجه منادی

ایلردی ندا بو دلیله دلده عنادی

اوز خویش و ائلیندن نچه ایل لردی جدادی

مدتدی که واردور وطن آواره سیدور بو

گلدور اوزی اما چمن آواره سیدور بو

تابوتی او حالیله باخوب گوردی سلیمان

سسلندی او کیمدور بو حقارتله ویروب جان

ذلتله الوبدور دگی بو یوخسا مسلمان

معلوم اولوری بو النین نسگلی چوخدور

تابوت یانونجا گله بیر کیمسه سی یوخدور

بو فکریله یغمایه گیدوب صبر و دوامی

سعی ایله دی بو کیمدی الن یا نه دی نامی

بو سری سوال ایتدی خبر گتدی غلامی

عرض ایتدی سلیمانه که ای فخر اعاظم

زنداندا دیوللر که اولوب موسی کاظم

قصریندن انوب آتش محنت دله سالدی

دلده آقاوای ناله سی افلاکه اوجالدی

حمالیلری سالدی یولا نعشینی آلدی

تابوتینی قویدی یره اول منبع جودین

گوردی اریدوب بار الم خسته وجودین

بو قصه فزون ایلدی قلبینده ملالین

یاغدیردی بولود تک یوزینه اشک زلالین

اطرافینه جمع ایلدی اوز اهل و عیالین

سسلندی گلون شوره، دیون وای آقام ایوای

غربتده وطنسیز الن ایوای آقام ایوای

هر تک تکی اوخشاتدی گوزون بیر دولی ابره

تغسیل ویروب ظاهراً اول منبع صبره

دفن ایلدی چوخ عزتیله قویدولا قبره

قبره قویوب، عرض ایلدی یات صبریوه قربان

چوخ اینجمیسن عالم اولا قبریوه قربان

باطنده ولی اوغلی رضا داده گلوبدی

گوزیاشی توکوب ناله و فریاده گلوبدی

دلده باباوای خطه ی بغداده گلوبدی

غسلین ویروب عزتله توکوب اشکین عذاره

یاندی، ارین جسمینی تاپشوردی مزاره

غربتده بو جان ویردی اولوب غصه دن آزاد

یثربدن اوز اوغلی گلوب ایتدی اونا امداد

علت نه اولوب قتلگهه گلمدی سجاد

دوشموشدی او ساعتکه حسین قان آراسیندا

یالقوز یارالی لشکر عدوان آراسیندا

قویموشدی یوزون توپراقا افسرده و خسته

اطرافینی آلمیشدی عدو دسته به دسته

شرم ایلمیوب ووردولا یاره یارا اوسته

پیکانه نشان اولموشیدی جای سجودی

زخم و یارادان تازه گل آچمشیدی وجودی

گل پیکری اولموشدی دمائیله مخضب

دوشموشدی بدن یاره تراب اوسته معذب

سویلردی اوزون شاهد اول احوالیمه یارب

یاندیم سوسوزومدان، سو آخور چوللره بیر باش

بیر قطره تاپیلمور منه، قانه دونه ای کاش

عهد ایتمیشیدیم عالم عشقونده ویرم جان

ایفا ایلدیم عهدیمه، نقض اولمیه پیمان

مین شوقیله ویردیم سنه یتمیش ایکی قربان

هر تک تکین ارشاد ایلدیم من ره عشقه

تا اینکه منا رشک ایده قربانگه عشقه

اثبات ایلدیم حقیوی تا قالمیه مکتوم

کیمدور حق و ناحق ایلدیم عالمه معلوم

پیمان عتیق آز قالوری تاپماقا مختوم

بیر ایمدی گمانیم گلور عالمده بو باشه

گلسه یتورر شمر لعین عهدیمی باشه

یاز آغلا امینی نه قدر واردی مجالون

جاری ایده گوزدن یوزیوه اشک زلالون

غفلت ایلمه کرب و بلا اولسا خیالون

دوت باب الحوائج اتگیندن، ایله افغان

جان اوسته دیردی بو سوزی ای حق منان

یوخ گوشه ی غربتده منی یاد ایدن الله

سنسن هامی بیکسلره امداد ایدن الله

ای یوسفی زندانیدن آزاد ایدن الله

قورتار منیده سنده جفا گستر الیندن

چوخ چوخ منه ایذا یتور اول کافر الیندن

شاعر : استاد حاج مجید آقای امینی


@matnenoheh
☑️کانال متن نوحه👆👆👆👆👆
1,357
متن نوحه

17 Jan, 07:45

ناگران اولما اگر آی باتسادا من باتمارام

گویده اولدوزلار یورولسا یاتسادا من یاتمارام

گوزلرینی تازه یوممشدی رباب خسته جان

گوشه ویرانه دن ناگه سه ساله قهرمان

سسلدی آهسته وار سندن سوالیم عمه جان

شامه بیز وارد اولاندان قلبیم آتشخانه دی

بو اوچوخ منزل بی بی آیا همان ویرانه دی ؟

عرض ائدور زینب قوجاقه آلدیم اول نیلوفری

تا دئدیم ویرانه دی چرپندی قلب مضطری

اولین باریدی گوردوم گولدی زیبا لبلری

کامه پس چاتدیم دئدی خوش روزگاریم وار بی بی

یاره لی یاریله بو ائوده قراریم وار بی بی

ترک ائدنده خیمه گاهی لبلری سوزان بابام

آلدی آغوشه یوزومدن اوپدی سرگردان بابام

قول وئردی آیریلان وقته منه عطشان بابام

غم یمه دردون دئدی هر حالدا من بیلم قیزیم

چوخ داریخما بیر گئجه ویرانیه گلم قیزینم
@matnenoheh
☑️کانال متن نوحه👆👆👆👆
1,698
متن نوحه

15 Jan, 05:30

‍ حضرت زینب سلام الله علیها

سبک:کربلا منتظر ماست...

شامه گل جان وئروری زینب مضطر قارداش
ناگران گوزلری یولدا ، سنی گوزلر قارداش

الّی ایل من بو فنا دهریده دل داغلامیشام
بش یاشیمدان ائله ایوای دئمیشم آغلامیشام
بولوسن من نقدر قانلی یارا باغلامیشام
گور باجون گوردی بو دنیاده نه گونلر قارداش

باجیلیق عالمی مین عالم قارداشلیق اولار
نه باجی،یولداشیوام یولداشا،یولداشلیق اولار
سنه قربان بئله ده گور باجی قارداشلیق اولار
یدّی قارداشیله تک جان وئره خواهر قارداش

حقی وار زینبون آغلار گوزونی قان دوتسون
غملریندن کیمی واردور باجوین سان دوتسون
بوردا ئولسم منه کیم شام غریبان دوتسون
اکبری شام غریبانیمه گوندر قارداش

آخرین لحظه لریمدور ئولورم بولّم ئوزوم
گلمدون قالدی یانان قلبیده نیسگلّی سوزوم
گلسه عالم باشیم اوسته گینه وار سنده گوزوم
گل یومولسون بو دولان اشکیله گوزلر قارداش

الّی دورد ایل سنه باخدوقجه گوزوم اولدی خمار
اولموشام وصلوه هر لحظه سنون لحظه شمار
بو محبت بو طریقت بو وفا منده کی وار
منی مجنون سنی چون لیلی بوللّر قارداش
الّی ایل یاندی باجون اودلارا پروانه تکین
اوخشادیم ائلّریمی گوزیاشیلان تک به تکین
منی گور گتدی هارا چرخی سینیدی فلکین
هاردا گور جان وئروری زینب مضطر قارداش

بولورم کیم سنه عاشق اولا دلدن سوه سن
جان وئرنده هرحسینچی باشی اوسته گده سن
بو یامان گونده باشیم اوسته اگر گلمیه سن
مرتضانون قیزی تک ئولدی دئیلّر قارداش

آخان اولدوز کیمی گَل گورنجه پوزقون آخورام
قلبیمین قانینی رخساره گوزومدن یاخورام
جان دوداقیمدا گینه کرب و بلایه باخورام
گل اقلاً یوزومی قبلیه دوندر قارداش

من بو دنیاده دئیردیم ئولرم سن قالاسان
جان وئرنده باشیمی سن دیزون اوسته آلاسان
فکریمه گلمزیدی سن منی گوزدن سالان
چیخسا جانیمده بوگوزلر سنی گوزلر قارداش
زندگیدن سنه خاطر بولوسن اوزموشم ال
گئتموسن هریره من گلموشم ای حسن ازل
سنده بیر یول منه خاطر بو اوزاق یوللاری گل
سندن ئوزگه کیمی وار زینبون آخر قارداش

شمع عشقونده یانوب جانیمی پروانه کیمی
اولموشام عشقوین آواره سی دیوانه کیمی
الّی ایلدور یاشیرام خانه سی ویرانه کیمی
ایمدی گُل تک اولورام شامیده پرپر قارداش

کسیلوبدورباجوین چاره یولی هر یاندان
دردمین چاره سی یوخ فاقد اولوب درماندان
دوشموشم طوفانا گل چک منی بو طوفاندان
بوریوب ئوز گوزومی گور نه سَرین تر قارداش

بش یاشیندان بو فلک اشکیمی رخساره یاخوب
حلقه ماتمی بارماقیمه چون حلقه تاخوب
الّی ایل حسنوه عشقیله او گوزلر که باخوب
یومولور حسرتیله  ایمدی او گوزلرقارداش

شمع عشقونده یانان غصه لی پروانه ئولور
لانه سیز قوش کیمی بی لانه و کاشانه ئولور
یدّی قارداش باجیسی گورنه غریبانه ئولور
هانسی غربتده ئولن گور منه بنذر قارداش

شجر دینه باجون سنکیمی قان وئردی حسین
دلده کی عشقینی دنیایه نشان وئردی حسین
هانسی غربتده ئولن منکیمی جان وئردی حسین
منه آغلار هامی غربتده ئولنلر قارداش


«عدل جو»زینبی توصیف ائلمه بی پرده
سن هارا زینب هارا عرشده او، سن یرده
زینبه مدح دیور الله ئوزی گویلرده
زینب عشاقه اولوب دهریده

احدعدل جو
@matnenoheh
☑️کانال متن نوحه👆👆👆👆
2,052
متن نوحه

09 Jan, 05:51

‍ مولودی_حضرت_علی_(ع)
زمزمه_حضرت_علی_(ع)
👏👏👏
🌹🌹🌹🌹
ساقی میخانه علی
قدح و پیمانه علی،
به هر زمان، به هر مکان،
مستی جانانه علی
دوباره مست مستم از
شراب توسبوی تو
عنان دل ز کف برد
طره گیسوی تو
به کنج عزلت دلم
دل از جهان گسسته ام
یکصد و ده پیاله را
به عشق تو شکسته ام
من مریض عشق توأم
خوشم از این بیماری
ای طبیب من حبیب من
به خواب و یا بیداری
با یه خبری یه نظری
دوا و درمانم کن
نیمهٔ شبی به دیدنم
بیا و مهمانم کن
👏
💠یا علی علی علی عللی علی یا مولا
👏
مستی هر باده علی
دم لبم نادعلی
به لحظه ای نمیرود
زخاطرم یاد علی

به قصد غربت ای صنم
زکاسه ات وضو کنم
طناب اتصال دل
یه ذکر تو رفو کنم
نماز عشقُ یا علی
به سمت تو ادا کنم
میان هر قنوت خود
علی علی صدا کنم
ختم ذکز زیبای تو حلقه عرفانم
رب من تویی یا خدا من که سرگردانم
گبرو کافرم یا که نه
عاشقی آگاهم
عبد حیدرم تا
ابد بنده الله ام
👏
💠یا علی علی
👏
کعبه والا یه طرف
گنبد خضرا یه طرف
همه جهان به یک طرف
حرم مولا یه طرف
شمیم کوی دلبرم
به هر کرانه بو کشم
بپای ایوان نجف چه عاشقانه هو کشم
پیاله های باده را
چه بی بهانه سر کشم
به روی گنبد طلا
کبوترانه پر کشم
سائلت منم، ای شها
حضرت جانانم
خاک زیر نعلین تو سرمهٔ مژگانم
عمریه که من شده ام
مست و حیران تو
حسرت دلم شد نجف
صحن ایوان تو
یا علی علی
2,234
متن نوحه

07 Jan, 05:59

زبانحال حضرت زینب (س) در قتلگاه

دوندی قان دریاسینه گودالون ای باشسیز بدن

قویدی آغلار زینبی احوالون ای باشسیز بدن

دوشموشم قارداش سراغینده بو صحرای غمه

گه فراته قاچمشام گاهی کنار علقمه

بیر یئره دوشدی یولوم باتدیم بو آیری ماتمه

وار نه محنتلو سنون اعمالون ای باشسیز بدن

قانلو سینون گورجگین قلبیمده قان جوش ایلدی

آشنا گلدی بو قان واللهى مدهوش ایلدی

اوز غمیم یاددان چیخوب درد وغمه توش ایلدی

قلبیمه اود ووردی بو افعالون ای باشسیز بدن

سینون اوسته قانلن الوان آچلمیش گوللرون

گلشنوندن بی خبر قالمیش ندن بلبللرون

بند بندیندن آیرمیش جسموی قاتللرون

حشر اولونجا گلمیور امثالون ای باشسیز بدن

بو یارالی پیکرون قالمیش نیه عریان سنون

رختخوابون اوخلار اولموش بالشون آلقان سنون

ذبح ایدوبلر باشوی معلوم اولور دالدان سنون

چوخ سنه زحمت ویروب قتّالون ای باشسیز بدن

گر حسینیم سن ، سنه زهرا آنام قربان حسین

آق محاسن قانینه الوان آتام قربان حسین

دین اسلامه ویرن رونق بابام قربان حسین

گتدی چوخ رقّت منه بو حالون ای باشسیز بدن

بی وفا خواهر دگل بو بخت قاره خواهرون

قویمارام عریان قالا قارداش یارالی پیکرون

دور نعشونده آچار باش عترت غم پرورون

زلفلن سایه سالار اطفالون ای باشسیز بدن

کربلا دشتینده سو آلماق اولوب امر محال

ملک دیدمده ولی وار چشمه ی آب زلال

گوز یاشیلان غسل ویرّم گر ویره دشمن مجال

مردم دیدم اولار غسّالون ای باشسیز بدن

گلمدی زهرا آنام باخسون منیم گوز یاشیمه

ظلم الیله دوغرانوب الده ئولن قارداشیمه

چاره قیلسون چاره آخر بو بلالی باشیمه

محو اولوب گورسون سنون اجلالون ای باشیز بدن

جان ویروب جانان تاپوب یتدون اوزون معبودوه

قانلو گودالونده سجده ایلدون مسجودوه

سن شهید اولدون یتیشدون مقصد و مقصودوه

حاصله گلدی بو گون آمالون ای باشسیز بدن

ایندی محنت زینبون ظلم و عداوت دشمنون

ایتمدی بو عرصه ده ظلمه کفایت دشمنون

ووردیلار اود ایتدیلر اخیامی غارت دشمنون

پایمال اولدی هامی اموالون ای باشیز بدن

((صدری ام)) نام حسینیله بو سنّه یتمیشم

بیلمیشم هر یئرده ماتم وار عزایه گیتمشم

آغلیوب بو مصرعی ورد زبانیم ایتمشم

دوندی قان دریاسینه گودالون ای باشسیز بدن
مرحوم میرزا فضلعلی صدری اردبیلی


@matnenoheh
☑️کانال متن نوحه👆👆👆👆👆
2,209
متن نوحه

07 Jan, 03:42

‍ روضه


آی زینبه هم ناله اولوب نوحه دینلر

آی بی کفن اربابه گوره قاره گینلر

ایکاش اولیدوز اوبیابان بلاده

آواره قالان وقته حسین قانلی مناده

اولسیدوز اگر نالوزی آفاقه سالاردوز

شاهین قوجاقنان قوزی قربانین آلاردوز

میداندا حسینون اوزمان قلبی یانوردی

اوغلون آلوب آغوشینه حیران دولانوردی

دیلسیز بالانی قانی بوغازدان سوزولردی

دوتمیدی اگر باشی بدندن اوزولردی

اوقانی دوتوب اوجونا رخسارینه یاخدی

عباسی گزیردی اله بیر صاق صولا باخدی

یاندی اورگی فتنه دنیا عملوندن

آواره گزیردی وای آدامسیزلیق الیندن

بولمم نجه گرد غم واندوهه بلندی

تل اوسته دیولر نچه دفعه چخوب اندی

تل اوسته چخاندا چوخالوردی غم ودردی

الله ایولریزدن اوزاق السین ، بیردنه ده دنین بالاسی مریض اولا، اواوشاق چوخ بی تابی ایلر آرام قراری اولماز، ننه دی ننه نینده ده دن آرتیق علاقه سی وار بالاسینا ئوزوده صبری آز اولار،ده ده گوردی ننه ئوزون ئولدورور بالادا آغلور دییر بالانی ویر منه آپاریم دکتره بالام توخداسین گتیرم گنه ده سالارسان بشیگینه ایندی ده ده بالانی آپروب توخدویا گتیره  الله گورستمسین اواوشاقا یولدا بیر اتفاق دوشه یولدا اواوشاق ئوله دای ده ده نه بیمارستانا گیده بولر نه یوزی گلر ایوه گله
راوی دییر گوردوم سیدالشهدا یدی دفعه تلی چخدی اندی اله ربابین خیمه سین گورنده بیرده قییدی میدانا

اله دیدی

خیمیه ایستورم گئدیم گلمیر یوزوم گدنمیرم

حرمله هی باخور گولور عرصه ده تاب ایدنمیرم

قوی گینه خیمیه گیدیم حرمله نی گورنمیرم


@matnenoheh
☑️کانال متن نوحه👆👆👆👆
1,668
متن نوحه

06 Jan, 07:25

حالات بانوی وفاپیشه حضرت رباب (س) در شام غریبان




مرحوم انور اردبیلی

گون غروب ائتدی اولوب شام غریبان حسین
جمع اولوب اهل کسا اولدولا مهمان حسین
باش باشا وئردی یانان خیمه ده طفلان حسین
بالا قزلار او قرانلوق چادرا توپلاشدی
هره بیر گوشیه قوش تک سخلوب یوخلاشدی


باغبان مرکز میدانیده مجروح بدن
گل خزانه گیدوب اولموشدی پراکنده چمن
عندلیبان پر آشفته دوشوب زمزمه دن
قزلارون هر بیریسی شهپری سنمش قوشودی
یاتمیانلاردا گوزون واهمه دن یومّوشودی


وادی عشقه آی اولدوز باخور حیران حیران
قره یل لر کچور اول صحنه نی لرزان لرزان
سو آخور چوللره ئوز باشینه غلطان غلطان
خرداجا بیر قزا زهرا قزی ایلور اکرام
ال چکور زلف پریشاننه آرام آرام


ناگهان ناله سسی دوتدی او یانمش چادری
قبۀ محنتی افلاکه دایانمش چادری
دامنی اشک یتیمانه بویانمش چادری
ظلمت شب آرادا اولموشیدی گرچه حجاب
ولی زینب تانیدی بیلدی ائدور ناله رباب


دئدی دردون ندی قویمور گیدہ سن هوشه سنی
زنده دار شب ائدوب بزم سیه پوشه سنی
هانسی غمدور گتورور چشمه کیمی جوشه سنی
یورولوبسان نیه آخر یوخی گلمور گوزوه
آغلیورسان بو قرانلوق گیجه ده ئوز ئوزوه


هره بیر گوشه نی مأوا ائلیوب دیده پر آب
توزلی کیپریکلره ایستور چکیله سرمۀ خواب
بختور یوخدی بو چادرده بیلورسنکه رباب
خانمانسوز بلاده هامونون حصّه سی وار
هره نون قلبیده مین محنتی مین غصّه سی وار


هامونون رشتۀ امیدی بو چولده قریلوب
هامی باهم سویولوبدی هامی باهم وورولوب
دینجیمیز یوخدی هامی خیمه یانندا یورولوب
بار غم هر بیر اوغولسوز آنانون قدین اکوب
سنه ده قمچی دگوبدور بیزه ده قمچی دگوب


ساحلی یوخدی بو دریای عمیق محنون
اله گلمز نقدر آغلاسون الدن گیده نون
بیلورم کوفه نون اهلی ائویوی یخدی سنون
واردی حقّون بیلورم گوزلریوه گلمیه هوش
سن کچن شب ملکیدون بو گئجه خانه بدوش


زینبون غملی سوزی گتدی ربابه هیجان
آیری دردیم دیدی واردی سنه جانیم قربان
سعی ایدوردوم ایدم ئوز دردیمی سندن پنهان
ایتمیم ترک ادب داغلی دلی داغلامیام
یانام ئوز دردیمه گیزلین اوجادان آغلامیام


ایندیکه سن خبر آلدون سوزی ای شمس حیا
دردیمی عرض ائدرم محضریوه ائتمه نوا
اشتباه ایلدیم ایچدوم سوئی من بختی قرا
زحمتیمیش بو قرا بخته او سو من نه بیلیم
کاش ئولیدوم عطشیمدن سویا دگمیدی دیلیم


صودی اولسا بالاسین تز آلور آغوشه آنا
چوخ چتین دوشلرین امدیر مسه ساکت دایانا
قلبی یانسون منی نوغنچه مه حسرت قویانا
بالام اولسیدی اگر راحت ائدردوم ئوزومی
آنالار تک بو گئجه منده یوماردوم گوزومی


آشیانی داغیلان طایر بشکسته پرم
زحمتیم چوخدی سیزه عفو ائلسون اهل حرم
اینجیسوز مندن اگر چولده گیدوب اگلشرم
محضروزدن بیلورم خارجه دورسام خوش اولار
من کنیزم هاموزا چولده اوتورسام خوش اولار


غفلتاً یاره نون اوسته نجه که اود یاپوشار
سوزشیندن یارانون تاب ائلمز قلب آلیشار
اودّان آرتوق بو گیجه صود دوشؤمه وئردی فشار
راضیم پیک اجل درک ائده الان قوتارام
گلمرم نالیه والله یاتا بیلسم یاتارام


او دونن که گیجمیدی ائلدوم ناله مدام
صبح اولونجا من مظلومه یوخی اولدی حرام
یاتا بیلموردی خانم جان بسر اولموشدی بالام
صودیم اولمادی دونن عرشه فغانیم یتدی
بو گیجه واردی صودیم اوغلوم الیمدن گیتدی


@matnenoheh
☑️کانال متن نوحه👆👆👆👆
1,685
متن نوحه

06 Jan, 06:46

🌴زبانحال در خرابه 🌴

خرابه ده   رقیه جان
سن آغلادون من آغلادیم
نَنَم باخیش باخان زمان
سن آغلادون من آغلادیم

چَکنده آهی سینَه دن شرار غمدی هِی شاخور
دولاندا قاره گوزلرون گُل اوسته شَبنَمی آخور
بِله خیالیمه گَلَر جوان ئولَن نَنَم باخور
اولاندا خاطرات عیان
سن آغلادون من آغلادیم

ئولونجه آغلاسام اگر روادی تَک بو نِسگیله
دئدون بی بی هاچان گَلَر بابام خرابه مَنزله
او توزلی تِللره باخوب دئدیم بیرآزدا صبر ائله
دئدون که عمره یوخ گمان
سن آغلادون من آغلادیم

هامی یاتان زمانیده آچاندا اَل دعایه سن
گلوبدی نالووِین سسی یاواش یاواش او گوشه دن
تمام غملرون اولوب دِیَنده بو سوزی عَلن
دِئدون اَجل هایانداسان
سن آغلادون من آغلادیم

بی بون فدا او گوزلره دانیش منیله آی قیزوم
گِئدک مدینه شهرینه سنیله واردی چوخ سوزوم
سَحر ستاره سی کیمی آماندی باتما اولدوزوم
گجه نی صبحه تَک اینان
سن آغلادون من آغلادیم

وَطنده غم شَراره سی چَکر زبانه آغلارام
خرابه خاطراتیمیز اولار فَسانه آغلارام
بو قاره تِللره بالا وِراندا شانه آغلارام
اَسنده صَرصَر خزان
سن آغلادون من آغلادیم

وار اوخشارون او جیرانا قَیالاری گَزر گِئدر
یوروبدی اوچیلار اونی زمانه دن کوسَر گِئدر
بو دَهرین اولمیش عادتی که گُللَری اَزر گِئدر
اِئدنده دردووِی بیان
سن آغلادون من آغلادیم

حسین عزیزمصطفی دیار عشقه شهریار
وار حاجتی بو نوکرین گلوبدی دَرگهون چالار
او (نادرم) که تاپمیشام سنون آدونلا افتخار
یازاندا نوحه باغریقان
سن آغلادون من آغلادیم

@matnenoheh
☑️کانال متن نوحه👆👆👆👆
1,434
متن نوحه

06 Jan, 06:44

کوچ از قتلگاه


حسین بو سن بو لشکرون بو دشت کربلا قارداش

زمین شوره زاری ایله سن گلزار من گتدیم

(اما حسین یادما گلیر وارد اولاندا کربلایه من ابوالفضلیمینن گلمیشدیم  قارداش صاقمدا قاسم دایاناردی صولومدا علی اکبریم واریدی نجه گدیم کربلادن آدامسیزام آی قارداش )

حسین
ئولن لشکر سنه چاتدی قالان لشکر منیم اولدی

تمام اولدی داخی برنامه کشتار من گتدیم

(حسین اورگین غمینه قربان اولوم آی قارداش علمدارین ئولوبدی قویمارام من پرچمین یاتسون آی قارداش)


علمدارین ئولوبدی قویمارام من پرچمین یاتسون

سن اولام ئوزوم هر یرده پرچمدار من گتدیم

سنه یاس دوتماقا نه قویدولار نه فرصتیم اولدی

گذرگه دور بوچول یولدان گچن آغلار من گتدیم

(حسین رسمیمیز بودی هرکاروان که مسافرته گیدر دالیجا اذان ویرنی اولار)

اولوب نیم خیز اذان ویر کاروانیم قوی یولا دوشسون

اگر چه سینوی اوخلار ایدر آزار من‌گتدیم

دیار کربلا دوقوز گئجه اولدی بیزه معوا

آغاردی غصه سینن زلف مشکین بار من گتدیم

هواسیندن بلاسیندن سویونان اینجدیم


@matnenoheh
☑️کانال متن نوحه👆👆👆👆
1,408
متن نوحه

04 Jan, 08:16

یادیمه سالما جلالتله کئچن گونلریمی
سندروبلار خبرون یوخ نجه بال و پریمی
صاق صولومدا گزن عباس و علی اکبریمی
ایسته سه گوگلون اگر نیزه لرون باشینه باخ
صورا کلثومیله لیلا گوزونون باشینه باخ


واژگون اولدی سلیمان زمانون تختی
یدّی قارداش باجیسی گییدی اسارت رختی
قاره بخت ایلدی دنیا نجه گور خوشبختی
حاجتی یوخ دیمگه مسئله روشندی سنه
بیله قالماق گئنه واللهی شجاعتدی منه


او اوجا نی ده کی باش که گوروسن نورانی
یوز گوزی کولدی محاسندن آخور القانی
او حسینیمدی منیم فاطمه نون ریحانی
باجیسی ئولسون اونون خولی سالوب گور نه حالا
زینبون حقیدی بونداندا گرک تز غوجالا

‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌
6,858
متن نوحه

04 Jan, 04:08

احوالات کوفه
@matnenoheh

کربلا لشکرینون کوفیه چاتدی قاباقی
خولینون نیزه ده قرآن اوخیوردی قوناقی
 
آه زینب یاخینیدی ائده اول شهری فنا
بخت کلثوم کیمی گیمیشیدی قاره هوا
مرد و زن کوچه ده دولموشدی مسیر اسرا
 
یولون اوستون داش آتانلار کسوب ائتمیشدی مقام
کول توکنلر یوخاری یئرده دایانمیشدی تمام
 
غرفه دن شهره باخور امّ حبیبه نگران
حالیدن حاله دوشور قلبی ورور چوخ ضربان
خبر آلدیلا نه وار فاش ائله ای پاک روان
 
ائدوسن واهمه صاق و صولا تئز تئز باخوسان
عجله ئن واردی کأنّه یولا تئز تئز باخوسان
 
دئدی قلبیمده امام حسنون بیر سوزی وار
غفلتاً یادیمه دوشدی منه سلب اولدی قرار
قیزیشوب قلبیم اودور که بئله قوش تک چابالار
 
بولمورم هیچ نیه جسمیم قوری یاپراق تک اَسور
نیه بو قافله نی گورمگه قلبیم تلسور
 
وحشتیم وار اوتوروب گه دورورام گاه ایاقا
ایستورم قافله گورسنسه گئدم تئز قاباقا
بولموسوز مدّت اولور منتطرم بیر قوناقا
 
او گرامی قوناقون شوری دولوبدور باشیما
وای دئسم اوندا بولرسوز کول اولوبدور باشیما
 
ناگهان چهره ی شهری بورودی گرد و غبار
پرچم نصرتیله رد اولوب افواج سوار
نیزه بانلار گوزه گورسندی گلور مثل قطار
 
قانلی بیر یاره لی باش نیزیه وورموش هره سی
دردناک اولدی تماشاچیلارین منظره سی
 
کسیلن باشلارا دقّت ائلین یومدی گوزون
کاکل اکبری رؤیت ائلین یومدی گوزون
طرّه ی قاسمی قیمت ائلین یومدی گوزون
 
کئچدی باشلار اسرا طایفه سی اولدی عیان
گلدی عریان دوه لر اوسته سراسیمه زنان
 
غرفه دن امّ حبیبه اولارا باخدی بیر آز
اشاقا دوشدی اوزون بولمدی تأخیره مجاز
اوز اوزیله بئله فکر ایلدی اول محرم راز
 
سارالان گل کیمی افسرده اولوبلار بالالار
نان و خرما آپاروم من ائله بول آجدی بولار
 
حق تصدّق وئرن اشخاصه وئرر یاخچی جزا
کاروان اسرایه یتوشوب الده غذا
نان و خرماسینی تکلیف ائدوب هر خیردا قیزا
 
دئدیلر غرفه اوستن اورگین یاندی بیزه
بیز تصدّق یمه روخ نقص یتر شأنیمیزه
 
سرپرستوز دئدی کیمدی کیم آچور مشکلوزی
او خانیمدور دئدیلر ایلیور ارشاد بیزی
هی باخور نیزه ده دالدان کسیلن باشه گوزی
 
بیر سینیق محمل ایچینده اوتوروب باش یارالی
شامه سرگشته گئدولّر باجی قارداش یارالی
 
محمل زینبی قصد ایلدی قاچدی قاباقا
گورجگین زینب اونی باشینی سالدی اشاقا
گه گئچوب امّ حبیبه صولا گه گئچدی صاقا
 
گلمیشم نئچّه سؤالیم دئدی وار سندن اسیر
بس نیه گیزلدیسن صورتیوی مندن اسیر
 
سنی تاری دئ گوروم هانسی یئرون ملّتی سوز
آدوزی خارجی دئیولّر هارا ملّیّتی سوز
سولموسوز گل کیمی یا اینکه غذا حسرتی سوز
 
قلبوزون دردینی بیر کیمسیه روشن دئموسوز
کوفه نون اهلی تصدّق گتورور سیز یئموسوز
 
نسبتوز واردی کیمه کیمدی سیزون جدّ و ابوز
اولما گمنامسوز اعرابیده یوخدی لقبوز
یا که آلچاقدی سیزون سلسله ئز اصل و نسبوز
 
طعنه لی سوز خانیمون قان ائلدی گوزیاشینی
دیزی اوستن یوخاری قوزادی فوراً باشینی
 
هر مؤذّن دئدی که مأذنه ده وئرسه اذان
بابامون آدینی بئش وقت ائلیور گونده بیان
باخما سن ایندی کیچیلدیبدی بیزی دور و زمان
 
آتامون پنجه سی دوتموش منیم اسلامه سپر
آنامون شوقیله درگاهینی حورالر ئوپر
 
کیمدی بیزدن یاخینی درگه اعلای حقه
اوزوگون وئردی نماز اوسته بابام مستحقه
هل أتی اهلینه عالمده یاراشماز صدقه
 
ذکر ائدوب بیرده تصدّق سوزون اینجیتمه بیزی
دردیمیز چوخدی بیزیم قوی چکک اوز دردیمیزی
 
گورورم چوخدی دئدی قلبیده درد و محنون
هیجان گتدی منیم قلبیمه رمز سخنون
او اوزوک بذل ائلین شخص آتان اولسا سنون
 
عشقیمون پایه سین عالمه من بولدورّم
سنه زینب دئسه لر من اوزومی ئولدورّم
 
ولی من سهو ائدورم کوفه هارا زینب هارا
وار کیمین قدرتی آیا اونی شامه آپارا
آلتی قارداشی اولاندا دولانار باشدا قرا
 
من دئین زینبون اجلالینه نقصان یئتمز
او علینون قیزیدی تخت روانسیز گئتمز
 
من دئین زینب هارا گئتسه هواداری اولار
علی اکبر کیمی هر یئرده پرستاری اولار
من دئین زینبون عبّاس علمداری اولار
 
او خانم گلسه اگر محملینه گل سپیلر
بام لردن نه سنون تک باشینا کول سپیلر
 
من دئین زینب ائدوب کوفه ده بئش ائیل سُکنا
اورگدوب کوفه نون عورتلرینه درس حیا
اونی زهرا بجروب مثلینی گورمز دنیا
 
قد رعناسی قرا زلفی گوزل صورتی وار
نه سنون تک آغاران ساچلاری خم قامتی وار
 
بسدی ای امّ حبیبه دئدی قان اولدی اورک
سن دئین زینبم امّا ائویمی ییخدی فلک
کوفه ده سفره ی جودیمده یئین نان و نمک
 
ال چالور باملر اوستونده توکور کول باشیما
داش آتور نیزه ده قرآن اوخیان قارداشیما
 
یادیمه سالما جلالتله گیچن گونلریمی‌


@matnenoheh
☑️کانال متن نوحه👆👆👆

ادامه متن بالا👇👇👇👇
6,772
متن نوحه

03 Jan, 19:07

خطابه ی زینب علیا (س) به نامردان کوفه


کوفه اهلی دختر صدیقه ی زهرا منم
زینب کبرا منم

اُسوه ی عصمت کمال عفّته دارا منم
صبریده دریا منم
****
من حجاب آیاتنون تفسیر اولان معناسیم
ضامن اجراسیم
عصمت ُاللّهون مُحجب گوهر والاسیم
دُرّ بی همتاسیم
ئوز آنام زهرا مثالی درد و غم دریاسیم
کربلا زهراسیم
هر بلایه مبتلا بو جرگه ده تنها منم
سر منم سودا منم
هم امامت هم شهادت هم اسارت منده وار
هم کفالت منده وار
هم امامتده شریکم هم رسالت منده وار
هم وراثت منده وار
هم شهامت هم شجاعت هم رشادت منده وار
هم شرافت منده وار
حق اگر حق داره چاتسا نَصّ ذِی القُربی منم
بضعه ی زهرا منم
ای شریح ای جیره خوار پست دربار یزید
وِیحک ای مرد پلید
ضد قرآن یار شیطان کلب خونخوار یزید
ذلّتون اولسون مزید
یَحمِلُ الاَسفار سن چگنونده دور بار یزید
ای غلام زر خرید
ایلین الان سنی بو شهریده رسوا منم
حق دیَن حقّا منم
سن نه فرمان ویردون ای قاضیّ نافرمان حق
دشمن نادان حق
قانه غلطان اولدی بیر بیر یار حق یاران حق
مرد حق مردان حق
پرپر اولدی ظلم الیلن باغ حق بستان حق
برگ حق ریحان حق
ایندی سولموش گوللره جان یاندیران حتّی منم
باغبان تنها منم
بو شُریحون باخمیون ای کوفیان فرماننه
دیننه ایماننه
طاغی اولدی ایتدی طغیان حجّت سبحاننه
مصحف قرآننه
میزبان تیغین بویاندردی قوناقون قاننه
اُفّ اونون وجداننه
ایندی بو پامال اولان حقی ایدن احیا منم
حقه تک گویا منم
سیز که چوخدان آشناسوز نطقمه گفتاریمه
فعلیمه رفتاریمه
جمع اولاردی آجلاروز احسانیمه ایثاریمه
سفره ی افطاریمه
باخمیون بیگانه لر تک بو سولان رخساریمه
دیده ی خونباریمه
دقّتیلن بیر باخون زینب گورون آیا منم
آیری سسدور یا منم
من همانم جامه پایلاردیم سیزون عریانلارا
بی پدر طفلانلارا
خوش پناهیدی ایویم بی سرپرست نسوانلارا
بی پناه انسانلارا
کول سپورسوز ایندی سیز بو باش آچوق مهمانلارا
عار اولا وجدانلارا
شرم ایدون ای بی حیالر زینب علیا منم
دختر طاها منم
من همانم دسته دسته سیز گلردوز یانیمه
آند ایچردوز جانیمه
دقت ایلردوز همیشه وعظمه قرآنیمه
ذکر یا سبحانیمه
ایندی باری ورمیون داش نیزه ده جانانیمه
تشنه لب قربانیمه
ایلرم نفرین سیزه قورخون بتول آسا منم
غرق ایدن دریا منم
من همانم که قباقیمده کسر دوز قوچ قوزی
ایندی خوار ایتدوز بیزی
گوزلروز دوتسون علیّ المرتضانون حق دوزی
خوار و زار ایتسون سیزی
چونکه ساتدوز دینوزی بی دینه اگدوز بوینوزی
حاکم ایتدوز دین سیزی
قوی سیزون اولسون بو دنیا عاشق عقبا منم
همدم حورا منم
من همانم کورمدیم بوی وفا بو شهریده
هم خفا هم جَهریده
ئولدوروبسوز قار داشیم عطشان کنار نهریده
مُنتهای قهریده
آغلیون چوخ آغلییدوز آز گلیدوز دهریده
لقموز اولسون زهریده
بیر کورون رسوای عالم ایندی سیز سوز یا منم؟
مطلبه بینا منم
**
مرحوم  رحیم منزوی اردبیلی

👇👇👇👇👇
@matnenoheh
کانال متن نوحه
1,364
متن نوحه

03 Jan, 19:04

شامیده بیر مجلس اغیاره باخ#
جمع اولان اوُل بزمده اشراره باخ#
کُرسی، ِ ظلمتده، اوتوردی، یزید#
فتحینی اعلان ائلسون اوُل پلید#
دورین آلوب ناکسین اهل کذاب #
شور وشعف اولدی اومجلسده ناب#
فرصتی فوت ایلمه دی، نا نجیب #
حکم ظفر ائتدی قرائت عجیب#
آغزین آچوب ظلمی بیان ائتمگه#
فاطمه نین قلبینی قان ائتمگه#
هرزه دهان باشلادی هذیان دئدی#
ناطق قرانه او، بهتان دئدی #
دل یاراسی وئردی خانم زینبه#
گوندوزی دوندی او شب، ظلمته#
گورنجه ئولدوردوم حسین قارداشون #
سالدوم عجب قانلی بلایه باشون#
زخم زبان زینبه اولدی چتین #
باشلادی بو نوعیله اوز خطبه سین#
نیله دی، گور، چرخ، فلک زینبه،#
شامه، گئدوب، هامی اوُلا مکتبه#
حق سوزین اعلان،، ائلیه،، ملته#
دین، مبین، تا، یئته، امنیته، #
دوردی خانم زینب ائدوب شاهکار#
حق سوزین اعلان ائلیوب آشکار #
فخر،و، مباهاتله زینب، دئدی، #
منطق و برهانیله زینب دئدی#
ایستیوسن فاش اوُلا هوویتون،؟ #
خطبه ائدم تا گئده حیثیتون،؟ #
کَس سسوی سن طلقا زاده، سن#
سنده نسب یوخدی زنا زاده سن#
فکر ائلمه تخت ریاستده سن#
عالمه شاه اولسون اگر هرزه، سن#
کیمدی بو عورت دئدی ایلور بیان#
بیله فصاحتله آچوبدور زبان#
امر ائله دی قویمیون ائدسین سخن#
بیله دانشسا دونجک انجمن#
دوزمدی زینب دورب ائتدی قیام#
هرزه دانشما دئدی ای بدمرام
من ولی زهرا قیزیام ای، دغا#
گَل ائلمه، بیر بئله جور و جفا#
سویله دی زهرا دی منیم مادریم #
کوثره دارادی منیم مادریم #
واردی رگیمده علوی قانی بیل#
حیدریم دخت علی تانی بیل#
ایندی ابوالفضل عَلَمی منده، دی#
قوّت بازوسی وجودیمده، دی#
ایستمورم حق سوزین اوستین آچام #
فاش ائلیم قلبوه اوخ تک ساچام#
عمده مرامیم هدفیم حقی دور#
حق سوزوم البته سنه تلخ دور#
باخماگلان فکری پراکنده، ام#
سسلسلوه لرزه سالان، بنده ام#
بیر بئله سلطان و، سلاطین ندور#
جمع ائدوسن دوروه فکرون ندور#
فکر ائدوسن فتح وظفر سنده دور؟ #
سلطنتون دائمی پاینده دور؟ #
من پوزارام سلطنتون زینتین#
سیندیرارام اجنبی، لر، حرمتین#
زاده، ی مرجانه نی من اَیمیشم#
کوفده سندن قاباق اسکیتمیشم#
فخر ائلمه عدهّ اسیروخ سنه#
یارو معین دور او تعالی بیزه#
بولدی یزید زینبین اندیشه سین#
ایسته دی،رام ایلیه تا دینمسین #
آلدی اله چوبیله وئرسون باشی#
فکر ائلموردی کی، باخور قارداشی#
خیزران اندی اوگوزل لبلره#
اولدی اومجلسده یامان منظره#
گوز ساتاشاندا او باشا جان دئدی#
دوردی سکینه بابا قربان دئدی#
حالی دولاندی او خانم زینبین #
آغلادی آغلاتدی دئدی ای لعین#
وار او باشین صاحبی داداریدور#
ورماگلان چوبیله، دلداریدور #
فکر ائله گور کیمله ائدوبسن جدل#
وارنه جوابون او خدایه دغل#
تالی سفیانی ائدوب شرمسار #
طول کلام ایلمه (بدری) قوتار#
روز شهادتده یازوب خطبه سین#
شعرینه زینب اوزی لطف ایلسون #
(یا حق)
@matnenoheh
کانال متن نوحه
1,313
متن نوحه

02 Jan, 08:51

مدح و میلاد
حضرت امام محمد باقر علیه السلام (ع)

@matnenoheh
سبک : 👇🙏
گل پونه......


اوّل ماه رجب شد "گشته ذکرعالمین را " باقر آمد
دربکوبید درمدینه " درب زین العابدین را " باقر آمد

تهنیت گوئید  "به سجّاد همسرش  یک گوهر آورد
فاطمه دخت الحسن را تحفه ای از داور آورد

باقر آمد ....باقر آمد 

اوّل ماه رجب شد مسلمین را این بشارت"  این بشارت
دست قدرت این نوشته " باقر است حصن ولایت" تا قیامت

مکتبش احیای دین و معنی حبل المتین است
باقرِ کُلّ علوم و هم امام پنجمین است

باقر آمد .... باقر آمد

این خجسته جشن میلاد "برهمه بادا مبارک "اهل ایمان
صف کشید باهم بخوانید " سورۀ فتح و تبارک " اهل قرآن

چون مدینه از وجودش " تا که آمد دلپذیزشد
هم هوایش بهر یاران" بهترازمشک و عبیرشد

باقر آمد .... باقر آمد

قطره ای از بحرعلمش  "پرورد دانشوران را "عارفان را
نسخۀ حلمش شفا بخش" بر همه دردِ جهان را " این زمان را

برجمال کبریائی " کس نباشد مثل و همتا
دروجود پر زجودش" (کُلّ شی) گشته احصا

باقر آمد ..... باقر آمد

خادم سلطان عشقی " منصب شاهانه داری " عدلیا تو
توامان نامه به محشر" ازشه فرزانه داری " عدلیا تو

سرکشیدی جام مهرش " چون دل مستانه داری
مدح گوی باقری تو" رهبری جانانه داری

باقر آمد ..... باقر آمد


@matnenoheh
☑️کانال متن نوحه👆👆👆👆
1,374
متن نوحه

02 Jan, 07:33

مهرامامت باش آچیب عالم سراسرنوراولوب
#باقریه_خلیل_آسانی

درولادت حضرت امام محمدباقرعلیه السلام
.
@matnenohe
.
#خلیل_آسانی چله خانه(حائر)
.
مهرامامت باش آچیب عالم سراسرنوراولوب
مولاامام باقرین میلادینه مسروراولوب
.
.
چاتدی رجب دامانینه چون دست گردون وزمان
اولدی مضاعف عالمه احسان حی لامکان
تاپرده ی تقدیریدن اولدی جمال الله عیان
گون یوزنقاب شرمیده پنهان ائدیب مستوراولوب
.
.بیربزم برپاائتديلرفردوسیده دلداده لر
ختم رسل دلبندی نین میلادینه آماده لر
جام طربده محفل عیشی دولاندی باده لر
نوش ایلین خیل ملک ساقی مجلس حوراولوب
.
.
ظاهراولوبدورعالمه علم وادب گنجینه سی
گلدی اوکس که مخزن سرازلدورسینه سی
تاقویدی دنیایه قدم اوصاف حق آیینه سی
بیت امامت جلوه ی حقدن مثال طوراولوب
.
.
وئردی مسیحایی نفس هم یرلره هم گویلره
فوج ملایک تهنیت عرض ایلیری پیغمبره
بانگ طرب یردن چاتیب عرش خدای داوره
کروبیان وقدسیان غرق نشاط وشوراولوب
.
.
برج کمال وفضلیده مهرجهان آرادی بو
دریای علم وآیت خلاق بی همتادی بو
پیغمبره وارنسبتی ذریه ی زهرادی بو
علت اودورکه حرمتی عالملره دستوراولوب
.بیرگولدی که آل علی مشعوف اولوب دیدارینه
رونق وئریبدورمقدمی عشق ووفابازارینه
وحدت ائده گرماخلق یوخ قدرتی انکارینه
حکم امامت حضرته داداریدن ممهوراولوب
.
.
حق اوج عزتده وئریب دانش مقامین باقره
فاش ایله دی روزازل سرکلامین باقره
جابریتیردی حضرت طاهاسلامین باقره
یعنی ازلدن بومقام اول حضرته منظوراولوب
.
.
ای طالب نوریقین مطلوبیوه همت ائله
خيروسعادت ايسته سن بونكتيه دقت ائله
آل نبی درگاهینه خادم اولوب خدمت ائله
بودرگه روح الامین خدمت ائديب ماجوراولوب
.چون مطلبین شیرازه سین(حائر)پوزارطول کلام
ائت يازديغين ابياتيوه بوجمله نی حسن ختام
دنیاوعقبی عزتی حب ولادوروالسلام
اعراض ائدن بو امریدن لطف خدادن دوراولوب

@matnenoheh
☑️کانال متن نوحه👆👆👆👆
966
متن نوحه

02 Jan, 07:33

ولادت حضرت امام محمد باقر علیه السلام

(با آهنگی جدید و زیبا)




عالَم اولدی رضوان
گلدی شاهِ خوبان
دردِ عشقه درمان
گلدی رَجب ده


نوری اولدی ظاهر
هم طَیّب و طاهر
مُحَمّدِ باقر
گَلدی رَجب ده

جانلار فداسی/عالَم گَداسی
مولا یا مولا




خورشیدِ رَخشاندی
مرآتِ قرآندی
عادتی احساندی
چوخدور کمالی


باخ بو شَهَنشاهه
خَلیفةُاللهه
طعنه ووردی ماهه
نورِ جَمالی

دیللر اَسیری/یوخدور نَظیری
مولا یا مولا







دنیایه گلوبدی
بَحرِ علمی یارسین
غَملَردن قورتارسین
خَلقِ جهانی


نورِ چشمِ حیدر
عالَم لره سَروَر
شفاعت ایلییَر
اهلِ ولانی

هَمنامِ طاها/اآدیوا فدا
مولا یا مولا






ایدوبدور تَجَلّا
سُلاله ی زهرا
آقا اوغلی آقا
گلدی جهانه


یا امامِ سجِّاد
ای زینتُ العُبّاد
اولسون ایوین آباد
ویر عیدیانه

بو دیل حَزینه/یاز بیر مدینه
مولا یا مولا






شیعه لر (بیکَسدی)
غم صبرینی کَسدی
بیر باخیشوز بَسدی
دردِ جهانه

ای شافعِ عُقبا
ای لطفوده دریا
تاپشیر بیزی مولا
صاحب زمانه

ای شاهِ والا / گوزوموز یولدا
مولا یا مولا





#عالم_اولدی_رضوان

#امام_باقر_علیه_السلام


التماس دعای فرج
الاحقر مهدی عبادی

@matnenoheh
932
متن نوحه

02 Jan, 07:33

🌸میلادیه حضرت امام محمد باقر علیه السلام🌸

#فارسی و #ترکی

✍️ شاعرعلیرضاعلویزنجانی


ماه رجب گلدی گلدی باقرالعلوم
قلبه طرب گلدی گلدی باقرالعلوم
گل تقوا.    فخر مسیحا.   زاده زهرا
آقام   آقام
مه  انور   طیب اطهر   پنجمین اختر  
آقام  آقام
یا امام باقر       ویر   برات  کربلا
یا امام باقر        ایله دردلره دوا
سنه قربان    یاور قرآن     منبع ایمان آقام   آقام
سنه قربان   طیب و طاهر.    حضرت باقر    آقام  آقام
یا امام باقر.       تو پنجمین اختری
یا امام باقر.           زاده پیغمبری


ای زاده زهرا      جانلار   آدیوا فدا
ای علم ده دریا.  جانلار آدیوا فدا
گل باور      حجت داور.     زاده حیدر
آقام.  آقام
گل تقوا.    فخر مسیحا.   زاده زهرا
آقام   آقام
یا امام باقر       ویر   برات  کربلا
یا امام باقر        ایله دردلره دوا
سنه قربان    یاور قرآن     منبع ایمان آقام   آقام
سنه قربان   طیب و طاهر.    حضرت باقر    آقام  آقام
یا امام باقر.       تو پنجمین اختری
یا امام باقر.           زاده پیغمبری


ای اسوه ی باور  درد اهلینه یاور سن
دردانه زهرا     نوباوه ی.   حیدر  سن
ای نگاریم باغ و بهاریم گل اوزلو یاریم   آقام آقام
گل تقوا.    فخر مسیحا.   زاده زهرا       آقام   آقام
یا امام باقر       ویر   برات  کربلا
یا امام باقر        ایله دردلره دوا
سنه قربان    یاور قرآن     منبع ایمان آقام   آقام
سنه قربان   طیب و طاهر.    حضرت باقر    آقام  آقام
یا امام باقر.       تو پنجمین اختری
یا امام باقر.           زاده پیغمبری


ای جان رسالت خورشید  ولایتی
هم راه سعادت  هم نور هدایتی
جشن شادی  دوتوب منادی 
اولوبدی شادی  آقام آقام
گل تقوا.    فخر مسیحا.   زاده زهرا  آقام   آقام
یا امام باقر       ویر   برات  کربلا
یا امام باقر        ایله دردلره دوا

سنه قربان    یاور قرآن     منبع ایمان آقام   آقام
سنه قربان   طیب و طاهر.    حضرت باقر    آقام  آقام
یا امام باقر.       تو پنجمین اختری
یا امام باقر.           زاده پیغمبری



ای دانش ده غوغا سالانه کل عالمه
گوسترن جهاندا حقی    نسل. آدمه

مه زهرا    مهر دل آرا    ای گل زهرا
آقام.   آقام. 
گل تقوا.    فخر مسیحا.   زاده زهرا   آقام   آقام
یا امام باقر       ویر   برات  کربلا
یا امام باقر        ایله دردلره دوا

سنه قربان    یاور قرآن     منبع ایمان آقام   آقام
سنه قربان   طیب و طاهر.    حضرت باقر    آقام  آقام
یا امام باقر.       تو پنجمین اختری
یا امام باقر.           زاده پیغمبری


طینت مطهر سن سن همچون مرتضی
یادگار حیدر ای هم نام مصطفی
گل ایمان  جان سنه قربان    یاور قرآن
آقام.   آقام
گل تقوا.    فخر مسیحا.   زاده زهرا
آقام   آقام
یا امام باقر       ویر   برات  کربلا
یا امام باقر        ایله دردلره دوا

سنه قربان    یاور قرآن     منبع ایمان آقام   آقام
سنه قربان   طیب و طاهر.    حضرت باقر    آقام  آقام
یا امام باقر.       تو پنجمین اختری
یا امام باقر.           زاده پیغمبری
👇👇👇👇👇
@matnenoheh
935
متن نوحه

25 Dec, 05:53

#حضرت_ابوالفضل_ع
#مرحوم_هادی_تبریزی و #مرحوم_فیروز_جوانشیر #خادم


نقش اولونموش پیکری ، یر اوسته نقّاش آختارور
ظلمیله قولسوز دوشن قارداشی قارداش آختارور

مست و مخمور مِی پر نشأ جامِ اجل
شاهِ عطشان ، مظهرِ ذاتِ خدای لم یزل
حسرتیله سینه سی اوستونده بیر جوت قانلی ال
سو کنارینده سینان ظلمیله بیر باش آختارور

گه گلور ، گاهی دورور گوزدن توکور اشکِ ترین
قلبِ عالم تک تزلزل ایلوری عرش برین
باغرینا گاهی باسور تشنه علمدار اللرین
چکماقا بیر باشه شاهنشاهِ دین باش آختارور

انبیانی وادی حیرتده سرگردان ایدوب
صبریله ایّوبی ، بو غمده اودور حیران ایدوب
نکته عشقین ، بیان ، قرآندا الرّحمان ایدوب
دین و قرآنه اولان بیر باشه شاباش آختارور

گَتدی ناگه گوشینه بادِ صبا قارداش سسین
گوردی سسلور داده تز گَل ای شهِ باز و پسین
ویر کناره گوزلریمدن بو چولون خار و خَسین
گُل جمالون دیدگانِ اشک خونپاش آختارور

عشقده سیر ایتموشم چون تا به سر حد ّجنون
اولموشام توپراقلار اوستونده ستمله غرقِ خون
گَل سرافراز ائت منی ای مقتدای کاف و نون
شاهِ عشقی ارتشِ عشّاقه بکتاش آختارور

ای وجودِ اطهری باشدان باشا آیات نور
ای ایدن موسی' کلیم اللهی سرگرمِ حضور
باشیم اوستون ائت برادر مقدمونله رشکِ طور
دلده ارنی ، طلعتون قولسوز بو قارداش آختارور

من کیمی شیری ایدوب بو کوفیان بندِ کمند
ایلیوبلر جسمیمی ظلمیله یرده بند بند
گَل ایکی دنیا قوی اولسون بو شکسته سربلند
سرشکست اولماق شکسته باشه اوباش آختارور

سرزمینِ عشقده عشقونله من افسانیم
شمعِ خلوتگاه سن سن ، من سنه پروانیم
سن کیمی منده حسین دُردی کشِ میخانیم
گَل کی مِی ایچماقه بو دلخسته یولداش آختارور

عطریوی من آلموشام روز ازل پیمانه دن
مست اولوب افتان و خیزان چخموشام میخانه دن
ایندی کسمه لطفیوی سن من کیمی دیوانه دن
بیر بهانه اهل کین ایتماقه پرخاش آختارور

ناگهان عبّاسینی تاپدی شهِ کون و مکین
سسلدی توکمه بیله گوزدن یوزه دُرّ ثمین
آلدی سینموش باشی ، دیز اوسته شهِ دنیا و دین
گوردی بلبل ، یاره لر گُل تک آچوب باش آختارور

سیلدی اوّل حسرتیله قان دولان سقّا گوزون
گوردی تا قارداش یوزون ، قارداش ایتوردی اوز اوزون
صاق گوزون تاب ائتمدی گورسون یوموب فورا" گوزون
بی سبب گوردی او صورتده او شه قاش آختارور

صول گوزون آچدی او دمده تیر و پیکان خسته سی
گوردی دیز اوسته آلوبدور باشینی دلبسته سی
چون کمان امّا اولوبدور قامتِ نورسته سی
وئرماقا سرلشکره زیبنده پاداش آختارور


عرض ایدوب ای شهریارِ بی پناه قـٌل کفیٰ
واردی میلون گر منیله قول بویون اولماقلیقا
اللریم یوخدی ولی سن اللرین سال بوینوما
گئت سنی بیر عدّه ایندی گوزده قان یاش آختارور

کوفه اهلی ظلمیله بیر محلس شورا قوروب
سو یرینه مشکیمی ظلمیله قاندان دولدوروب
الده سو جامی رقیّه ایندی تلّ اوسته دوروب
مشکیمی میداندا با آهِ شرر پاش آختارور

بیر غلامِ درگهون واردی #جوانشیر  شهرتی
بیرده مسعود قره گوز چوخدی دلده محنتی
نظم ایدوب #هادی اودور بو قطعهء بی قیمتی
اربعینی تلّ زینبده بو اوچ باش آختارور.

👇👇👇👇👇
@matnenoheh
1,808
متن نوحه

25 Dec, 05:50

نقدری موجه گلسون گل  تماشا ائتمرم ای سو
عطشدن اودلانیب یانسام دا  غوغا ائتمرم ای سو
صولوب دور گلشنیم
غمیم چوخدور منیم
سوسوزدور اصغریم

اگر چه دیل  دوداقیم اودلانیر سوز حرات دن
اورکده دردیمی  اغیاره افشا ائتمرم ای سو

نقدری ایچمییوبدی آلتی ایلییق اصغریم سندن
اگر اولسم ده  نفسیمله مدارا ائتمرم ای سو

نقدری خردا قیزلار الده سو جامی منی گوزلور
بو داغلی  قلبیمی سنلن مصفا ائتمرم ای سو

حسینون عشقینه دلبسته یم شاهیم امامیم دیر
نه اولسا امری اجراسینده اما ائتمرم ای سو

منی مامور ائدیب تنها سوا اول سرور دوران
اگر مشکیم اولا سیراب دعوا ائتمرم ای سو

اگر جنگه اجازه وئرمه دی بو قوللارا مولا
اطاعت ائیلیرم آیری تمنا ائتمرم ای سو

اگر اوخلار نشانه ائیلسه میدانیده مشکی
گوزوم ده گئتسه گئتسین منکه پروا ائتمرم ای سو

منیم دنیا و عقباده اقام دار و نداریم دی
حسینین عشقینی جنتله سودا ائتمرم ای سو

اگر گلسه منه شاماتیدن مینلر امان نامه
وئریلسه  عالی منصب لرده  امضا ائتمرم ای سو

حسینه نوکر اولماق هر ایکی عالمده فخریمدور
بله بیر منصبی هیچ یئرده پیدا ائتمرم
👇👇👇👇👇
@matnenoheh
1,587
متن نوحه

11 Oct, 07:56

گلچین نوحه ها و مرثیه های ترکی اهل بیت (ع)  -  شاهکار شعرا
@matnenoheh

‍ حالات غسل صدیقهٔ طاهره سلام الله علیها

‍ حالات غسل صدیقهٔ طاهره سلام الله علیها

قویدی مغسل اوسته یارین یارینه یار آغلادی

دیل آچیب گلدی دیله دلداره دلدار آغلادی

جسمی اولدی نچه دم بیگانه یورقون جانینه

إئتدی سیزقین ناله نی تحمیل محض افغانینه

جان عالم حسرتیله باخدی بیر جانانینه

داغلی دیلدن چکدی بیر آه شرر بار آغلادی

ائیلدی غسله اراده تا امیرالمومنین

ال آپاردی خارج ائتسین سرّ حقین کوینگین

اللری اَسدی ائله بیر حاله قالدی ، دل غمین

مغسل اوسته حالینه آهسته غمخوار آغلادی

گول سریلجاق اوستونه ناگه گلاب اولموش نثار

گول نه گول سینمیش بوداقی ظلمیله فصل بهار

آشکار اولدی او دم کی سینه سینده زخم خار

باغبان ای وای دئدی حسرتله گلزار آغلادی

اولدی آثار جراحت چوخ مؤثر حیدره

هر اثر پوزدی پوزولموش حالی بیرده یکسره

بیر اثر القصّه احساسی یئتیردی بیر یئره

اوز اوزه قویدی ئؤرکدن شاه ابرار آغلادی

سویلدی ای إئتمین اهل ستمدن واهمه

کیم دئدی بیر بیله محنت چک منه امّا دئمه

من سنی آخر نجه تغسیل ائدوم یا فاطمه

بو نه غمدور کی بونا هر نه غمیم وار آغلادی

ایستدی تا طاهر ائتسین طهر محضی شستشو

سویلدی اسمایه اسما گل اله آل بیر سبو

وار یاراسی قیل رعایت توک ولی آهسته سو

که بو یاره اوسته قانه باتدی مسمار آغلادی

توش اولوبدور شیشه ی قلبی ملالت داشینا

باغلی گوزلر اوسته بیر باخ جمع اولان گوز یاشینا

بیرده اسما چوخ یاواش توک سو آغارمیش باشینا

کیم بو باشین محنتینده چرخ دوّار آغلادی

اهل باطل بو حقیقتله مقابل دوردولار

ذلّت اوسته خیمه ی دعوانی ناحق قوردولار

بو وجودی کی وجودومدور منیم چوخ ووردولار

سانمادی هر بیر ووران کی بو وفادار آغلادی

چشم عین الله اولوب همدم سرشک غربته

اشکی گویا غسل وئردی سمبل حریته

مغسل اوسته تا گوزو دوشدی گویرمیش صورته

بیرده یاندی داغلی قلبی چشم خونبار آغلادی

بیر یئره ختم اولدی محنت دوشدی طاقتدن بئلی

ناگهان سینمیش قولا دگدی یدالهین الی

قویدی دیواره اوزون ای وای دئین لحظه علی

ناله سیندن در فغانه گلدی دیوار آغلادی

ائتدی فرمایش اولان ای اشکی جاری دامنه

گوزلریم آخرده دوشدی گور نه حالتده سنه

دوشموسن باخ گور نه حاله فاطمه ای وای منه

وای کی بو غمده عم اوغلون چکدی بیر جار آغلادی

دست محنت پوزدی بیر بیر نقشه ی پرگاریوی

ائیلدی غرق ملالت کشتی افکاریوی

قیل بیان سالموش بو حاله کیم سولان رخساریوی

کیم بو سرَّ واقف معنای اسرار آغلادی

بیر وصیت ائیلدون آخر منه جان اوسته سن

نه وصیت که إئشیدجاق آغلادیم گیزلینده من

کیم گوروب یار ایلسون اوز یارینه غسل و کفن

بو خبردن اولدی ائوده کیم خبردار آغلادی

دیده ی (( دلپاک )) اولور همدم سرشک آلیله

ماتمینده گورسنور گوز یاشلی قاره شالیله

چکدی تا شعره ملال غسلی پوزقون حالیله

دفتر اوسته خط به خط شوریله اشعار آغلادی

**

رضا غلامپور(دلپاک)

@matnenoheh
کانال متن نوحه👆👆👆👆
3,635
متن نوحه

11 Oct, 07:51

‍ حالات حضرت زهرا (س)
@matnenoheh

آغلا قلبی آتا هجرینده اَسن فاطمیه

ئولومه هر نه دن آرتوق تلسن فاطمیه

رشته ی عزتینه دست جفا وردی دوگون

هورمدی ختم نبیدن صورا زلفون هوروگون

یاشادی دایره ی غصه ده یتمیش بش گون

هر گونه ائتدی مین ایل درد و محن فاطمیه

غملری لشکره بنذوردی خانم یالقوزیدی

غم مدارینده کأنّه یورولان اولدوزیدی

باجی قارداشی یوخیدی آتاسیز بیر قیزیدی

غصه لر نیلدی گور غصه چکن فاطمیه

زندگی شربتی آلوده اولا زهریله

یا گولون ریشه سینه تیشه دگه قهریله

سارالار رنگی سو گر وئرسله مین نهریله

رمز و ایمادی سوزوم الده ئولن فاطمیه

قورودی خوش گونونون چشمه لری نهرلری

چاره سی اولمادی نوش ائتدی آجی زهرلری

دادینه گلمدی همسایه و همشهریلری

وطنی تنگ ائلدی اهل وطن فاطمیه

نه گلوبدور نه گلر فاطمه نون دردی سانا

آتانون رحلتی آسایشینی قیلدی فنا

بیت الاحزان ائلدی شهر کنارینده بنا

آغلاماق اولدی ائوینده قدغن فاطمیه

گون به گون برگ شقایق مثلی صولدی یوزی

آغلادار دردینه نرگسلری بیمار گوزی

گل نیلوفرین اولسا دیلی سویلر بو سوزی

رنگدن اوخشیورام سیلی دگن فاطمیه

کاش او بلوا گونی گئتمیدی خانم پشت دره

ائوده قالسیدی دچار اولمازیدی اهل شره

عشق مولایه گوره سالدی ئوزین هر خطره

عشق خیّاطینه باخ بیچدی کفن فاطمیه

ارزیابی ائله تاریخ بتولین سخنین

حامله بیر خانمون ایله مجسم بدنین

در و دیوار آراسیندا ائلدی سقط جنین

محسنی گئتدی قالوب زخم بدن فاطمیه

وردی صیاد ستمکار وران قوش کیمی پر

گورمدی بیر کسی گلدی دیله اول پاک سیر

جبرئیل هاردا قالوبسان باباما ایله خبر

قتلگاه ائتدی ائوین اهل فتن فاطمیه

امّتون صفحه ی تاریخی سوله قاره لدی

قلبوین یاره سینی وردی عدو یاره لدی

ئوپدوقون سینه نی مسمار دلوب پاره لدی

گل علاج ایله علاجی کسیلن فاطمیه

**

مرحوم انور اردبیلی

@matnenoheh
کانال متن نوحه👆👆👆👆
2,839
متن نوحه

25 Jul, 12:27

زبانحال حضرت رقیه (س) در خرابه شام
@matnenoheh

بیر بلبلم خزانه گئدوب گلشن آغلارام

هیچ بلبل آغلاماز بو قدر که من آغلارام

خیمه م یانوب ائلیم داغیلوب قارداشیم ئولوب

زنجیره باغلیوب قولومی دشمن آغلارام

گون ایسّی بوینوما غل آهن ووروبدی شمر

من آغلارام بو حاله یانوب آهن ، آغلارام

بیر یوسف مدینم ئولوب یوخ نشانه سی

اگنینده قویمیوبدوله پیراهن آغلارام

قارداش قسم او جانیوه شیون ائدنده من

هر ناقه ایلدی منیلن شیون آغلارام

باشون گتوردی شامده باشی آچوخ قویوب

بیر گلمدون خرابیه قارداش سن آغلارام

دردون علی خرابه ده دیلدن سالوب منی

بو شام اهلی سالمادیلار دیلدن آغلارام

توپراقلار اوسته ئولمگیمون مشقین ایلرم

یوخدور چراغ تا ایلیم روشن آغلارام

قول باغلو آج سوسوز ویرورم جان خرابه ده

عمه م قوجاقلیوب آنام آغلار من آغلارام

بوللم هامی گئدر وطنه من گئدنمرم

کنج خرابه نی ائدرم مسکن آغلارام

هر وقت سو گورنده دوشرسن خیالیمه

چون جان وئرنده ایچمه موسن سو سن آغلارام

(( واقف )) حسینه آغلیان عقباده آغلاماز

ذکر مصیبتون اولی مستحسن آغلارام

**

مرحوم میرزا جواد واقف سرابی

@matnenoheh
کانال متن نوحه👆👆👆👆👆
4,302
متن نوحه

25 Jul, 05:27

زبانحال_حضرت_سکینه_با_رس_مطهر_برادر_در_راه_شام
@matnenohe

باجیوی شامه علی گرچه بو زنجیر آپارور
جذبه ی عشق چکر، زلف گره گیر آپارور

ایستدی قدرتینی گوستره خلّاق ازل
ایلدی سلسله ی هاشمی خلقتده گوزل
سنیدون جدّیوه بو سلسله ده مثل و بدل
عشقیوه سلسله بندم منی تصویر آپارور

مکتب غمده وفا درسینی مشق ایلمیشم
لوح حسنونده باخوب خطیوه عشق ایلمیشم
مشق تحصیله دوشوب عزم دمشق ایلمیشم
خِطّه ی شامه منی اول خط تحریر آپارور

عالم ذرّیده ارواحه یتن دمده خطاب
روح لر اولدولا بی روح حسین ویردی جواب
اولدی تقدیر مقدّر، یازیلوب امّ کتاب
نیزه باشینده آتام باشین او تقدیر آپارور

سالدی عشق عالمی عالمده بلایه باشیوی
گتدی عنوان بیله مصداق منایه باشیوی
سربلند ایلماقا ووردی جدایه باشیوی
حق باشون مجلس ناحقّه او تدبیر آپارور

نیزه باشیندا او بیر باش که اَنَا الحق دانیشور
حقّی اثبات ایلیوب حقّیده مطلق دانیشور
فعل ماضینی مُضارعده محقّق دانیشور
امر مجهولی کتاب اهلینه تفسیر آپارور

کربلایه منی گتدون سن علی عزّتیله
شوکت و جاه و جلال و خدم و خدمتیله
ایمدی سرّی ندی بس سن باخوسان ذلّتیله
قولی باغلی منی بو شمر خداگیر آپارور

نرگس مستون عجب ایلدی مستانه منی
ایتدی مجنون کیمی سرگشته و دیوانه منی
گوز تیکوبدور یولوما گوزلوری ویرانه منی
منی معمار قدر ایتماقا تعمیر آپارور

بلبل عشقم علی ایمدی چمن سیزلمیشم
گلیمه یتمور الیم، سرو و سمن سیزلمیشم
اگ باشون نیزه دن آخِر علی سن سیزلمیشم
گور بو بیر کلمه نه اندازه ده تقریر آپارور

بو گوزون یاشی که((طوری))گوروسن شوردی بو
سالما گوزدن اونی، اهل نظره نوردی بو
یوزه جاری ایله، محشر گونی منظوردی بو
نیکبخت اوردا اودور گوزیاشین اکسیر آپارور

مرحوم استادطوری تبریزی

@matnenohe
☑️کانال متن نوحه👆👆👆👆
12,917
متن نوحه

24 Jul, 18:32

‍ #روضه_باسبک

زبانحال حضرت زینب (س) درخرابه شام

درسوگ حضرت رقیه (ع)
@matnenoheh

‍ ‍ اولسون سلام دللار طوفان سالان قیزا

اقلارقویوب خرابه ده اغلارقالان قیزا

اولسون سلام غم یوخوسونان  دوران قیزا

بابادئن ده عمه سینی اغلادان قیزا

اولسون سلام خانه غمده اولن قیزا

اولسون سلام قبراوینه اج گدن قیزا

اولسون سلام قبراوینه اج گدن قیزا

یاالله  یاالله
حتما بوگونلرین روضه سی دی التماس دعا
آی رقینین

عزاسنه گلئننر ای بالاجابالایادئیملی دردی
اولانار

عمه سی زینب بویوررور
گجه لرهامی یاتار
بالاجابالالار یارالی  باشلارین قویاریره
اوغلی اولن ننئه لر یاتار
قارداشی اولن باجیلار
اتاسی اولن بالالار
اما خانم زینب مشغول نمازشب

خانم بویور بیرگجئه مشغول نمازشبم گئوردیم الله بالالاردان بیری یاتابیلمیر الله بیرساقاچونوربیرصولا چونیر نمازی قوتاردیم یواش یواش گلدیم بالارین یانینه الله  گوردوم رقیه بیرساقاچونوربیرصولاچونیر
اخه بالا نیه یاتامیسان
دردون نئدی حاجتون نئدی
خانم بویرور بیراشاره الدی عمه بیرکمک اول ایلشئم
بالام اوتدی  گوردم یواش یواش دئیر عمه اجازه ور بیر اورئمون سوزین دئم
بالا عمون اولیئدی
بالا اورگون سوزنه زینب ون قربان
بالا دی گوروم دردون نئدی گوردم یواش یواش الین قویدی اورگینین باشینا

یواش یواش دیرعمه بتر  آجیخمیشام

عمه اجیم نان یاتامورام
عمه بابام گولوم استیر

سلام اول قبراونه اج گدن قیزا
اولسون سلام بابا سی  اولوب باش یولان قیزا
سیلی دیب قرا گوزنه قان دولان قیزا

اولسئون سلام قانلی  باشی باغرینا باسیب(2)
زهرا اوپن دوداخلارنا بوسه وران قیزا

زینب دیرگوردم الله اوظالم دیاندی قاپیدا الیدن بیرطشت طلا بیرالیئنده طبق دئدم ظالم دیان گئلمه قاباقا
ای  نگهبان اوباشی گورسه بالام جان ورئجک
بیلیرم جانین جانانینه قربان ادئجک
امایارالی باشی قویدی یره
خانم طبق اورتوگن  گئوردی
  بیر لحظه باخدی
حسین خوش گلئبسن ای قارداش  اخه رقیه  کربلادن هی سوروشوردن بابانئی
خانم گل بابان گئلب خرابیه
  فورن اویارالی باشی خانم  الدی قوجاقه
یانمیشدی زبس شمع کیمی ناره فراغه نیلدی ائیلدی بیراوزن قویدی بابانین دوداقلاریئنا
قوئدی سارالان لب لرینی قانلی دوداقه
اوپدی دوداقن گتدی دله محنت دردی
اوپدی اوپدی دیدی بابایورولموشام بابایوللاردادویولموشم انجمیشم بابا

باخدی باخدی عمه سینه عمه من دیردیم  بابام کاش گلیدی
دای  دیمزدیم کسیک باباش گلیئدی یاندم الله 
اوجادنئن  یاحسین

خانم اوزن قوئدی بابانین اوقانی دوداقلاریئنا
بودل شبده  منی  یادائلدون سن یارالی
بونه عالم دی باباسن یارالی من یارالی
ای وای بابام ای وای بابادولانم باشومن

کیم سنی بوحاله سالیب اویان ای باش ایندی بابا  

دولانیم باشومن کیم سنی بوحاله سالیب
بو  باش ایئندی بابا بس بدنون هارداقالیب

سن هارا خولی هارا من هاراویرانه هارا
کسدی باشین دیه گورم هانسی دل اهن یارالی
  حسین قان اولان قلبیم ویران الئدی باش یاراسی
یاندرارقلبم النئوندا اولان داش  یاراسی یارالی بابا  سن نئج گون کیمن سن باتون منده باتارام بابا

کنج ویرانه ده قبریمده کفن سیز یاتارام

اوجادئنن یاحسین ........
کئنج ویرانه ده
منده بابا کفن سیز یاتارام 

کئنج ویرانده منده کفن سیزیاترام

@matnenoheh
☑️کانال متن نوحه👆👆👆👆
3,444
متن نوحه

24 Jul, 18:29

کوفه- مجلس ابن زیاد

✍️کلامی زنجانی
تضمین با شعر مرحوم سید باقر حرّی(اقبالی زنجانی)

@@matnenoheh

بتوله استقامتده قیزی قائم مقام اولدی
حسین قانلی قیام ائتدی او مأمور قیام اولدی
شعار شیرزن ورد زبان خاص و عام اولدی
«دلیم یانسین دئسم زینب اسیر اهل شام اولدی
خانم زینب اسیر رأس شاه تشنه کام اولدی»


اونا زهرا اوشاقلیقدان دل اورگتدی خبیر ائتدی
خبیرِ عشقی مسئول امورات خطیر ائتدی
حسین قانیله یازدی حمکینی شامه سفیر ائتدی
«غلط سوزدی دیللر زینبی دشمن اسیر ائتدی
مگر صدیقۀ کبری قیزی بی احترام اولدی»


وئروبدی زینب کبرایه الله جاودان منصب
آلار درس عفاف اوندان زنان جعفری مذهب
جلالین مین قلم یازسا گئنه ناقص اولور مطلب
«عزیزان سهل سانمون عصمت اللهدور خانم زینب
مقام زینبه باخ عرشیدن والا مقام اولدی»


آلوب الله رضاسین وئردی الدن یار و انصارین
وفا سوداسی گرم ائتدی حسینون عشق بازارین
سکوت ائتسیدی دشمن محو ائدردی نهضت آثارین
«همان زینبدی آچدی کوفه ده لعل گهربارین
جرسلر ناله دن قالدی لسانلار لاکلام اولدی»


دئدی اوّلده تسبیح اللها زهرای اطهر تک
منافق ملَّته یوز دوتدی عباس دلاور تک
یاریب نطقی اجانب سینه سین برّنده خنجر تک
«لسان الله قیزی ایله تکلُّم قیلدی حیدر تک
گورن سویلردی حیدر تازه دن خلقه امام اولدی»


او زینب که حیاده یوخ نظیری هئچ بلاد ایچره
او زینب که آدی مشهوریدی اهل وِداد ایچره
او که معجر باشیندان دوشمدی هئچ گردباد ایچره
«همان زینب دایاندی مجلس ابن زیاد ایچره
آلوبدور اهلبیت اطرافینی طرفه نظام اولدی»


عبیدالله بی ایمان او سرخیل ستمکاران
جفا تیرین قلوب عترته یاغدیردی چون باران
بیر اطرافه باخوب گوردی آلوب دورین طرفداران
«حضوره ایستدی رأس حسینی ، گتدیلر یاران
الینده واریدی شمشیر هندی بی نیام اولدی»


دیل آچدی طعن وورسون اهل بیته اول فرومایه
دئدی قوم و قبیلم هاردادی گلسون تماشایه
الینده دوتدوقی هندی قلنجی گتدی بالایه
«اشاره ایلدی لعل لب سلطان بطحایه
دیردی حقّه حق ائتدی کمک حجت تمام اولدی»


ووروب تهمت دئدی نخل مرادیم حاصله گلدی
حسین ئولدی تالاندی خیمه سی مقصد اله گلدی
بیزیم لشگر اولوب فاتح تمامه غائله گلدی
«ائشیتدی بو سوزی زهرا قیزی زینب دیله گلدی
قیامت چشم زینبده او ساعتده قیام اولدی»


بلی عالمده خفّت امت ذلّت پذیریندی
ولی روبه مصافینده تقدّم حق شیریندی
دوروب زینب بولوندوردی حسینه یار دیریندی
«دئدی لال اولگیلان، فاسق ئوزن، فاجر امیریندی
حسین الله یولوندا طعمۀ تیر و حسام اولدی»


سرِ یاره گوره بزمه ، باشی یاره گلوب زینب
سالوب محمل یاراسی اوستونه قاره گلوب زینب
سلاح آهیله، مردانه پیکاره گلوب زینب
«ز بس که قوّت قلبیله گفتاره گلوب زینب
خجالت اُول پلید ناکس و بی ننگ و نام اولدی»


ایله نطق ائتدی زینب اولدی لرزان خانۀ بیداد
یارالی باش گوزون آچدی دئدی باجی ائوون آباد
غضبلندی زیاد اوغلی چکوبدی سینه دن فریاد
«علاجین بوندا گوردی سسلنوب گل مجلسه جلاد
داخی تأخیر قیلما زینبه دنیا حرام اولدی»


سلیمان زمانین قیزلارین قورخوتدی اهریمن
ربابین حالینی کیم گوردی آز قالدی دوشه دلدن
سوزون تکرار ائدوب شمشیر الینده بی حیا دشمن
«دوشوب ابن زیادین بو سوزوندن مجلسه شیون
نه مجلس بلکه گریان اُول سپهر نیلفام اولدی»


اویاندا بیر مددکار آختارور زینب غریبانه
بویاندا سسلنور قزلار ابوالفضلی یانا یانه
ئوپوب قانلی باشی باتدی ربابین لبلری قانه
«اویاندا آل پیغمبر باش آچدی گلدی افغانه
بویاندا دیده گریان عترت خیرالانام اولدی»


اویاندا ازدحام اولدی یره دوشدی کسیلمیش باش
بویاندا سسلدی زینب باجون ئولسون حسین قارداش
دئدی کلثوم ایاق آلتدا رقیَّم ئولمیه ای کاش
«بویاندا سید سجاد توکدی گوزلریندن یاش
بویوردی عمه جان بو بیحیا چوخ تلخکام اولدی»


بیزه بو مجلس اهلیندن بی بی قصد حمایت یوخ
فغان ای غیرت اللهین قیزی بونلاردا غیرت یوخ
سنی ئولدورسه لر بیل منده ئولَّم ، دلده طاقت یوخ
«دانشما بو جفا گسترده هئچ رحم و مروت یوخ
بودور خوفیم گورم بو بی حیا صاحب مرام اولدی
@matnenoheh
☑️کانال متن نوحه👆👆👆👆👆
1,926
متن نوحه

24 Jul, 18:26

زبانحال حضرت زینب (س) در کوچ از قتلگاه
@matnenoheh
مرحوم رهبری تبریزی
..
اویان منیم قارداشیم اویان زینبون گیدیر شامه
دانش حسین قلبیم اولدی قان زینبون گیدیر شامه
..
..
دوزنمروم هجریوه حسین قویسالار منی قالّام
دوشوب بو نعشون اوسته من عطر جسمیوی آلّام
منه شمر اگر امان ویره سایه نعشیوه سالّام
خداحافظ ای شه خوبان زینبون گیدیر شامه
..
بلالی بو چولده گلشنیم ظلمیله خزان اولدی
عذاریمه چشمه تک منیم گوز یاشیم روان اولدی
گیچن گیجه صبحه تک ایشیم آهیله فغان اولدی
یانان چادر اولدی چون مکان زینبون گیدیر شامه
..
..
نه ظلمدر گورموشم گجه شرحینه توان یوخدی
اورکده وار چوخ سوزوم دییَم وقته اقتضا یوخدی
دگوب باشاباش یارا بدن نیزه و قلج اوخدی
گوزوم یاشی ویرموری امان زینبون گیدیر شامه
..
..
علمداره ویر اوزون خبر پرچمین اله آلسون
عزیز لیوب قیزلارون گینه قارداشیم یولا سالسون
رضاسن اولما بالالارون دلده حسرتی قالسون
دوشور یولا غملی کاروان زینبون گیدیر شامه
..
..
اوزون بولورسن وفالیم دویمادیم حسین سندن
قوتولمارام تا ئولونجه من ظلم و رنج دشمندن
منی حلال ایله قارداشیم اینجیسن اگر مندن
نجه دوزوم ایتمیوم فغان زینبون گیدیر شامه
..
..
بدنده یوخ یاره لی باشون اللرون هانی قارداش
بو تپراقی ایسلادوب سو تک پیکرون قانی قارداش
ستاره تک بو بدنده یوخ یاره لر سانی قارداش
بو یارالی جسمیوه قربان زینبون گیدیر شامه
..
بو سن بو دشت بلا حسین بیرده من گلم هیهات
داخی سنسیز بو ایشق گونوز زینبه اولور ظلمات
گون ایسی سی یاره لی بدن من دیوم نجه سن یات
امیدیمی کسدی ساربان زینبون گیدیر شامه
..
..
دولوبدی بو کربلا چولی قیزلارون نواسیندان
دوشوبله آیری بالالارون هر بیری آناسیندان
اجازه ویر بیر اوپوم حسین قلبیون یاراسیندان
اؤپوبدی اوچ شعبه لی پیکان زینبون گیدیر شامه
..
..
منیم غریب قارداشیم حسین ایله بو یری مدفن
گورن دیر صحن پاکوی هاردا وار بیله گلشن
او خور او صحنونده «رهبری» نوحه سین نظر ایتسن
آدینی یازدیری نوحه خوان زینبون گیدیر شامه
@matnenoheh
☑️کانال متن نوحه
2,117
متن نوحه

20 Jul, 07:09

#احوالات_کوفه
از مرحوم ذهنی زاده

نیزه باشندا باشون گَلموش بیانه قارداش
قرآن تلاوت ایلر قرآنیانه قارداش
سیر جهانه چخموش اوج سِنانه قارداش
سیرینده رهبر اولموش بیر کاروانه قارداش
بیر کارواندا رهبر اهل جهانه قارداش



یتدی دونَن گون آرتا گون تک زواله باشون
گوردوم جداده بنزر بدر کماله باشون
دوتموشدی پرده پرده قانیله هاله باشون
گیتدون کُل اوسته یاتدون دوندی هلاله باشون
بیر گونده چوخ دونَرمیش دور زمانه قارداش



بیر باش که آیت اولسون آیه به آیه نوره
نور رُخیله دونسون صحرا و دشت، طوره
مینلر کلیم عشقی سالسون او طور شوره
انصافیدور او باشی خولی قویا تنوره
مهمان یک شبیدون اول میزبانه قارداش



ا...ُ نور- نوری وار ناصینده پیدا
مشکاتی نوک نیزه، مصباحی حسن زیبا
نه شرقی و نه غربی نور منیر بطحا
بو قوم بی بصیرت گورمز بو نوری دَردا
بیگانه گوز گورَنمز نور یگانه قارداش



ای ماه چاردهِ شب، وی یک شبه هلالیم
آشفته روزگارون، آشفته وضع حالیم
شاهد بو قانلی زلفیم، خونابِ اشک آلیم
سن مندن آیریلِیدون گیتمزدی هیچ خیالیم
گَلمَزدی بیر گونومده سنسیز گمانه قارداش



حاشا بو آیریلیقدان دلده گلایَم اولسون
قوی پایه ی غمونجه عشقونده پایَم اولسون
غم مصحفونده باری بیر آیه آیَم اولسون
ساینده دالدالانّام عالمده سایَم اولسون
سایَنده سایه سالماق حقّیمدی یا نه قارداش



بو سایه سایه سینده پاینده دولتیم دور
تسخیر مُلک هستی معطوف همّتیم دور
ترویج دین و مذهب رسم طریقتیم دور
بیر جمع قاره معجر محموع قدرتیم دور
قید اسارت اَلده یوخسا بهانه قارداش



تسخیر قیلماسام گر آفاقی غرب و شرقی
عرشه اوجاتماسام گر بو سر شکسته فرقی
یاندیرماسا یزیدی بو آه سرد برقی
اوندا وفای عهد و سینماقینون نه فرقی
سوزدور سوزوم بو سوزدن غیری فسانه قارداش



ای آبروی خلقت وی افتخار زینب
سندن صورا چوخالموش شان و وقار زینب
دنیاده قوی دیولسون ای شهریار زینب
هم آبروی زینب، هم اعتبار زینب
گَلمَز بو آبروده کیمسه جهانه قارداش



بیزدندی جمله کون و امکانون آبروسی
بیزدندی آب و گِلدن انسانون آبروسی
وار بِالخصوص منده زهرانون آبروسی
صرف نظر بولاردان وار قانون آبروسی
باشدان آخوب بویانموش یوز گوز او قانه قارداش



آند ایچمیرم او جانه تا نقص عزّت اولسون
سوگند او خاک پاکه کویوندا تربت اولسون
زینبده گور نقدری لازمدی همّت اولسون
شام یچره منبر اوستی سجّاده قسمت اولسون
مدح علی دیولسون سفیانیانه قارداش



قان قان دیَن بو شهرین قان یاغدیرور هواسی
بوی جنایتیله مملُودور فضاسی
عید عظیمه دونموش دینِ مبین عزاسی
بیر یاندا کف چالوللار، بیر یاندا دف صداسی
هر یان نوای نای و چنگ و چغانه قارداش



گوردوم بو پست قومون رفتارینی زننده
شرم و حیا تاپولماز بُلدوم چالوب گولَنده
بیر انقلاب روحی بیدار اولوندی منده
بو انقلاب روحه تنگ اولدی یر بدنده
جسمیمده انفجاره گوردوم نشانه قارداش



آلدیم بو انقلابین طغیانِ جذر و مدّین
بُلدوم تجاوز ایستر مرز وجود حدّین
راه تعادلیندن تاپدوم او دمده ردّین
باشیم یاریلماقندان گوردوم طریق سدّین
باش ووردوم اوندا بیر باش تخت روانه قارداش



باش پارچالاندی آخدی دوتدی یوزی قزل قان
قانلی شفقده گویا بیر آفتاب تابان
قانلی شعاع سالدی دنیانی قویدی حیران
دوندی زمانه دوری، تغییر تاپدی دوران
گردون دولاندی کام اسلامیانه قارداش



رحمت گوزیله باخدیم بو قوم بی حجابه
بیر روح تازه ویردیم دل مرده شیخ و شابه
تا مستعد قیلِیدیم افکاری انقلابه
حمد ایلدیم خدایه تا باشلادیم خطابه
ظَنّ ایتدیلر علیدور گَلموش بیانه قارداش



بیر لهجه ده دانیشدیم گویا علی اوزیدی
لهجه علی لهجه سی، سوزلر علی سوزیدی
بیر شهر بیر منیدیم خلقین ایکی گوزیدی
سوزلر که من یتوردوم هر سوزلرین گوزیدی
هر کلمه مرغ روحه خوش آب و دانه قارداش



دشمن خبر بُلونجه پرده کنار اولوندی
پرده کنار اولوندی حقّ آشکار اولوندی
بِلمَرّه آل سفیان منفور و خوار اولوندی
بنیاد انقلاب خلق استوار اولوندی
باشلاندی بغض و نخوت سفیانیانه قارداش
#مرحوم_ذهنی_زاده

👇👇👇👇👇
@matnenoheh
2,962
متن نوحه

26 Dec, 03:27

دوتوب شام اهلینی حیرت گلن دوردی گیدن دوردی
کسیلمیش باش ایدر صحبت گلن دوردی گیدن دوردی

قاچاقاچ دوشدی شهر ایچره هامی حیران و سرگردان
گورنلر بیر بیره فورا قضایانی ایدر اعلان
گلون یاخشی تماشا وار جداده باش اوخور قرآن
تعجب گلدی کیفیت  گلن دوردی گیدن دوردی


هامی مایل هامی مشتاق باخا اعجوبۀ دهره
تعجبلو تماشادن آپارا حصه و بهره
یغان بازار و دکانین قاچار دروازۀ شهره
گلوب بی حدّ جمعیت گلن دوردی گیدن دوردی

مگر یول وار بیری گلسون یولی ویرسون نشان گچسون
دیسون گلمه گلن صبر ائت سنق محمل دایان گچسون
دیدله یوخ باجی قارداش گرکدور یان به یان گچسون
هامومیز ایلیک رؤیت  گلن دوردی گیدن دوردی

همان باش یدی ضربتلن ذبیحاً من قفا اولدی
مکان و منزلی گه دیر و گه مطبخ سرا اولدی
ولی شامه گلن وقته او باش انگشت نما اولدی
دولوب دروازۀ ساعت  گلن دوردی گیدن دوردی

جداده آیۀ کهفی تلاوت ایلین وقته
عجائب سرگذشتیندن حکایت ایلین وقته
ضلال اهلین رهِ حقّه هدایت ایلین وقته
دگوب اول باشه بیر ضربت  گلن دوردی گیدن دوردی

نجه صبر ایلسون آخر گرک قان آغلیا زینب
شدایدِ مصیبتدن سینه سین داغلیا زینب
چوخ حسرت چکدی قارداشین یاراسین باغلیا زینب
ولاکن اولمادی فرصت  گلن دوردی گیدن دوردی

تردد باغلانوب کوچه دوتولدی راه سد اولدی
جماعت بیر بیری اوستن گلوب بی حصر و حد اولدی
نه فرمایش ایدوب شمره امامون امری رد اولدی
بیر آزدا ظلم اولوب شدت  گلن دوردی گیدن دوردی

دیدی دوندرمه ای ظالم بی بیمون اشکینی نهره
آپار بو قانلو باشلاری بیر آیری راهدن شهره
تماشاچی چکیلسون قوی او سنگ دل گلوب قهره
ایدوب برعکسنه نیت  گلن دوردی گیدن دوردی

ویروب فرمان حسین باشی دوروب خواهر قباقینده
اوغولون باشی ساخلاندی او دم مادر قباقینده
خانملار ناقه اوستونده قالوب گونلر قباقینده
خجالت حال اوچ ساعت  گلن دوردی گیدن دوردی

دیدی بیر شخص یاز مضطر مغلظ کلمه عنوانی
دیدوم یوخ مجلس اهلینون یانیندا کنزو برهانی
اوزاندی سوز چکوب بحثه سولاندی جنگ میدانی
بیر اولمادی ایکی نیت  گلن دوردی گیدن دوردی

مرحوم مضطر
@matnenoheh
7,329
متن نوحه

14 Dec, 15:10

احوالات حضرت زهرا سلام الله علیها
زبانحال حضرت زینب(س)

دل شب ایلیوب سفر هارا گیدورسن آی ننه
قالوبدی دورد بالون ملر هارا گیدورسن آی ننه

توخاندی شانۀ اجل او طرّۀ مُعَنبره
گییندون آغ لباسیوی شکنجه دیده پیکره
شبیه ائدوبدی آغ کفن سنی بیر آغ کبوتره
شکسته دل شکسته پَر هارا گیدورسن آی ننه

بهار وقتی سن کیمی شکفته لاله سولمادی
تانیشلارون آچوب باشین جنازون اوسته یولمادی
ایوین چوخ ایستیر هامی ایوین سنه ایو اولمادی
ایویندن اینجیین گیدر هارا گیدورسن آی ننه

مَصون اولار تَعدّی دن او قوش که آشیاندادی
امان سیز اولدی منزلون بلا بو دودماندادی
بو ایو سَنه خوش اولمادی تَزَه ایوین هایاندادی
گیجه زمانی بیخبر هارا گیدورسن آی ننه

حبیب لَم یَزَل قیزی خدایه سن حبیبه سن
نژاداً هاشمیه سن اصالتاً نجیبه سن
یوخوندی بیر کسون مَگَر بو شهریده غریبه سن
غریبه دَنده چوخ بَتَر هارا گیدورسن آی ننه

غمون گَلوسینی دوتوب حسن دینمیور سوزون
گهی باخور جنازووه گهی یومور گوزل گوزون
کیچیک باجیمدا مَطلبی بولوبدی ئولدورور اوزون
قویوب حسینی خونجگر هارا گیدورسن آی ننه

گوزینده حیدرین جوشوب آخور سرشک جوهری
وفالی همسر آغلادار مگر وفالی همسری
علی ایوی خزینه دور سنیدون عالی گوهری
قالور خزینه بی گُهر هارا گیدورسن آی ننه

چخوبدی گویده سیر ایدور آیین طَرب زمانی دور
نسیم نَرم و سَرد اَسور نه تاب و تَب زمانی دور
باخور ستاره لر یِره نماز شب زمانی دور
توقف ایله مختصر هارا گیدورسن آی ننه

شهید محسنون غمی سنی چوخ ایتدی دل کباب
دیدون بالام صود اَمَّمدی گوزوندن آخدی اشک ناب
سنون بو گیتمگون ایدور علینی خانمان خراب
تفاقنه دوشوب شرر هارا گیدورسن آی ننه

قوناق سن پیمبره گلوبدی سرّی دعوتی
ولی بو زینبون سنه ئورکده چوخدی صحبتی
گیجه مسافر اولماقین نه حُسنی وار نه لذتی
قالوب ایوینده گیت سحر هارا گیدورسن آی ننه

هر اوخشاما دیور قیزون داش اولسا قلبی یاره لر
نمونه بیر سخنورم سوزومده وار اشاره لر
بو قاره که باشیمدا وار دالیجا چوخدی قاره لر
اولام چتیندی بختور هارا گیدورسن آی ننه

کچیکدی سنّی زینبون بؤیوک ملالیوی قانار
سرشکینی روان ایدر یوزه نقابی ایسلانار
یانان قاپوندی منظره گوزوم باخار اورک یانار
آز اولدی نسگلون مگر هارا گیدورسن آی ننه

مدینه نون خانملاری گیدوبدی خوابه چوخ گران
جلال سیز اولور سنون مزاره میّتون روان
بو رسمدور که منزلین جنازه ترک ایدن زمان
عزایه قونشولار گلر هارا گیدورسن آی  ننه

✍ مرحوم استاد انور اردبیلی
@matnenoheh
19,428
متن نوحه

14 Dec, 15:08

متن شعر ترکی زبانحال حضرت علی (ع) در شهادت حضرت زهرا (س) -

به سبک#دولدوروب جهانی وای حسین صداسی

(ای خدا علینون یوخدی دادخواهی)
مشکله دوشوبدی عالمین پناهی
یومدی گوزلرین زهرا
وردیم اولدی واویلا
یالقوزام الهی ( ۲ )

اهل بیته یثرب غملی محبس اولدی
حامیان قرآن جمله بی کس اولدی
باغ آل هاشم ظلم الیله سولدی
باغلانان قاپوم یاندی
حالتیم پریشاندی
یالقوزام الهی ( ۲ )

درگهیم یاناندا یاندی غملی جانیم
قالدی پشت درده یار مهربانیم
فضّه نی چاغوردی همسر جوانیم
فاطمه حیالیدی
باشی چوخ بلالیدی
یالقوزام الهی ( ۲ )

غسل ایدن زمان من غم چکن وجوده
نار درد و غصّه دوشدی تار و پوده
گوزلریم دوشنده بازوی کبوده
سسلدیم عزیزیم وای
قمچی یورقونی لایلای
یالقوزام الهی ( ۲ )

دختر رسولین داشدی جام صبری
ایلدی خجالت سیل اشکی ابری

@matnenoheh
5,964
متن نوحه

19 Sep, 18:28

زبانحال بانوی باوفا حضرت رباب (س)
در شام غریبا

مرحوم انور اردبیلی
.
ایچدوم ای سو سنی قلبیم اودی خاکستر اولا
دوشلریمدن صود آخور کاش علی اصغر اولا
.
.
من کچن شب که اونی عاجزیدوم ساخلاماقا
تاپمادوم صبحه کیمی چاره او دیلسیز اوشاقا
یوز دوتوب قبلیه قنداقین اوزاتدوم قاباقا
آرزو سنده یانان خیمه ده الساعه وارام
گلسه آغوشیمه شرمنده لیگیندن چخارام
.
.
سالارام صاق دوشیمه صول دوشیمه من پی هم
وار صودیم هر ایکیسینده دیرم ایلمه غم
صودیم اولمادی کچن شب عوضین بو گیجه ام
قالموسان شدت گرماده دونندن یوخوسوز
یوم گوزون منده یاتوم سن یوخوسوز من یوخوسوز
.
.
الى قویننده قویوب حرمله نون ظلمی منی
نیلمیشدوم بالامی آلدى الیمدن او دنی
نیلورم من بو صودی ایندی که یوخدور امنی
ذرّه قسمت که بو صوددن یوخوموش اصغریمه
قان اولیدی نیه بس دولدی منیم دوشلریمه
.
.
دوشیمون آغریسی مخیمده سالوب پیچ و خمه
دورورام اگلشورم مانعم اهل حرمه
هیچ دیمورسن که گیدم خیمه ده یالقوز ننه مه
ولی من زمزمه ائتدوقجه اوغول وای دیرم
یوخوون وقتیدی گلسون سنه لای لای دیرم
.
.
آلتی آیدور منی راغب ائلمیشدون ئوزوه
قلبیده غصّم اولان وقته باخیدوم یوزوه
بو گیجه هاردا یاتوبسان ننه قربان گوزوه
ایتوروبسن منی اولما یریمی بیلمورسن
یا گورورسن که قرانقدی ایویم گلمورسن
.
.
حقلیسن گلمیسن چون سنی خوش ساخلامادیم
کور اولونجا گرک آغلیدیم اوغول آغلامادیم
الیوی باغلادیم اما یاراوی باغلامادیم
گورمدون منده وفا سینمی ترک ائتدون على
گیتدون اما بیلورم قلبی سنق گیتدون على
.
.
یاره لندون سنی قیتردی آتون خیمه لره
بالام ئولدی دیدی زینب یغشون دور و بره
آغلیون چوللری صودسوز دولانان صودامره
بیلنه بیلمینه غم خبرین تئز یتورون
گیدون اول بوش بشگین گوز قاباقندان گوتورون
.
.
یوزووی گورمگه هر چند ایدوردوم عجله
آنوا اولمادی ممکن باشوون اوسته گله
مهربان عمّه لرون وئردی سنی الدن اله
یارون اوسته آپاروب معجریمی سرمدیلر
قرمزی دو شلوگوی هیچ منه گوسترمدیلر
.
.
سن گیدن وقتیده قربانگهه ای طفل صغیر
رتبه سیز بیر اوشاقیدون غم ایامه اسیر
پیر عشقون قوجاقندان ایلدون سیر کبیر
مرتبون اولدی ز بس بزم شهادتده جلی
آنوون یتمدی دامانوه رجعتدہ الی
.
.
هاردا ای گنج شفاعت سنی شاه ائتدی نهان
یوزوی قویدی قرا تپراقا ای مونس جان
بالاجا قبروی عمّون منه گر وئرسه نشان
قالمارام خیمه ده گلّم اورگیم داغلیارام
صودیمی قبروون اوسته ساغارام آغلیارام
.
.
قوش کیمی خوردا مزاره آچارام شهپریمی
یوممارام صبحه کیمی بو یوخوسوز گوزلریمی
آی باتاندان صورا باشدان آچارام معجریمی
آل قصاصیم دیرم یارب ئوزون حرمله دن
منی بو چولده او ظالمدى الهی مَلَدن
.
.
اولا ایکاش کمان مثلی اونون قدی کمان
آتدوقی اوخ تک اوخا یا که اولا قلبی نشان
بیله اوچ شعبه اوخون زحمتین اوندان وئره جان
اوخ آتانلار گوره مظلوم قانین صاحبی وار
بلکه بوندان صورا دیلسیزلره اوخ وورمیالار
.
.
دیل بیلن رحم ایلیور رسمیدی دیل بیلمینه
چونکه دیل بیلمینون حاجتی وار دیل بیلنه
سنکه دینموردون او ظالم نیه اوخ وردی سنه
هانسی جلادون او قدرتدہ کمان چکدی الى
هانسی طفلون بوغازین اوچ پر اوخ اوچ بؤلدى على
.
.
کاش او پیکان خطاکار دگیدی ئوزومه
سانجلیدی اورگیم باشینه یا صاق گوزومه
سیل خون جاری اولوب قان توکولیدی یوزومه
ئولمگیم چوخ خوشیدی هجروه یانماقدان اوغول
گیجه گوندوز الى قوینوندا دولانماقدان اوغول
.
.
وای قرا بختیمه بوندان صورا احوالیمه وای
وای گوزومدن توکولن اشکیمه اقبالیمه وای
وای الیمدن آلنان نعمت و اجلالیمه وای
وای بو قلبیمده که مرحمسیز اولان یاره مه وای
وای قالان عمریمه ایوای کسیلن چاره مه وای
.
.
«انورا» طاقت انسانی آلان سوزدی بو سوز
ساده دور لیکن أورک پارچالیان سوزدی بو سوز
نوحه خوانلاره اولان ورد زبان سوزدی بو سوز
آغلادان گوزلری سوز یوخ سوزوون نسگلیدور
گوئیا أوغلى ئولن بیر آنانون ئوز دیلیدور

@matnenoheh
متن نوحه👆👆👆👆
8,272
متن نوحه

15 Sep, 07:54

زبانحال با حضرت امام زمان (عج)

در شهادت حضرت امام رضا (علیه السلام)

یابن الحسن گل آغلیاق رضایه

یرگوی گلوب یا سیدی نوایه

دلده دیر شاه وگدا

جانم رضا جانم رضا

پهلوشکسته فاطمه قان آغلار

آهیله قلب نه سمانی داغلار

گوزیاشینی دائم عذاره باغلار

گل ویر تسلی قلب قان آنایه

دلده دیر شاه وگدا

جانم رضا جانم رضا

باغ صفانین لاله سی صولوبدی

قانیله گوزلرکاسه سی دولوبدی

یابن الحسن گل گور آقانولوبدی

دللرنواسی اوج ایدیر سمایه

دلده دیر شاه وگدا

جانم رضا جانم رضا

یاپراق کیمی تترر دل فلک لر

ناله ایدوب وای وای دیر ملک لر

لاله کیمی قانه دونر اورک لر

گرد محن یردن گیدر فضایه

دلده دیر شاه وگدا

جانم رضا جانم رضا

شاعر : شاکر
@matnenoheh
متن نوحه👆👆
6,215
متن نوحه

15 Sep, 06:40

✔️ شهادت حضرت امام رضا«ع» و گریز به قتلگاه سیدالشهدا«ع» ✔️


آه یا صاحب زمان محشر بوگون برپا اولوب
طوسه گل باخ ازدحامه،یوم عاشورا اولوب

هارداسان ای لنگر کون و مکان امداده گل
غرق بحرِ غمده دور بو شیعیانین داده گل
اوچ عزا بیر یرده دور،صاحب عزا فریاده گل
    شهر مشهد قتلگاه شاه بی پروا اولوب

دگدی هجران داشی سیندی،شیشه ی آمال عشق
قدسیان صف صف گلور طوسه،دونوب احوال عشق
تسلیت یابن الحسن مغموم اولوبدور حال عشق
    جدّیوه ای یوسف زهرا ستم ایذا اولوب

غربته چکدی رضانی گردشِ چرخ فلک
یاری قویدی فرقه ی اغیار ایچنده بی کمك
یادینه دوشدی «فقیرین» قصه ی باغ فدک
    غملی سوداده بوگون،خونین جگر زهرا اولوب

عاقبت ویردی فلک سیندیردی،حق آئینه سین
قویدی یالقیز شهریاری،توکدی آخر کینه سین
یاندیروب یاخدی شِرنگ بی مروت سینه سین
    خونجگر هم مرتضی،هم سید بطحا اولوب

گوردی اول سمّ اوز ایشین،وئردی حیاته خاتمه
بیر سرین آهی چکوب،اوت ویردی عرش اعظمه
کاسه ی زهری یره قویدی دیدی یافاطمه
     گل نه گور،هنگامه ی دیگر بوگون برپا اولوب

گوز دوشنده جدّیوین یابن الحسن ایوانینه
اوخشوری هر دورت طرفدن کربلا میدانینه
گوئیا باتدی دوباره،شاه عطشان قانینه
    اول چوخور یر طوسیده،گویا گینه پیدا اولوب

وئردی قدرت خامه مه بیرده دیار قتلگاه
اولموشام باشدان ایاقه بیقرارِ قتلگاه
اوندا کی آتدان یخلدی شهریار قتلگاه
    وای حسینیم لبلرینده،زینب کبریٰ اولوب

دورت طرفدن بیحیالر شهریاری ویردولار
کعب و نیزه ویردولار اوخ ویردولار تا یوردولار
قلبینی اکبر داغیندا اوت ویروب یاندوردولار
   اول آدامسیز قیزلاری آواره ی صحرا اولوب

ائتدولر ذبح القفا روح و روان حیدری
یاز «فقیرا» آغلویوردی شمر الینده خنجری
آل نه نوعی غارته گئتدی او گون انگشتری
   حشره تک بو غمده مغموم،یوسف زهرا اولوب
@matnenoheh
متن نوحه👆👆👆
5,440
متن نوحه

15 Sep, 06:37

▪️یــــا علـــی ابـــن مـوسی الــرضا (ع)

سلام ای شاه خوبان یاعلی موسی الرضا

ای غریب غربتستان یاعلی موسی الرضا

ای بقربانت به غربت گشته ای شاه جهان

زینت شهر خراسان یاعلی موسی الرضا

باب تو باب الکریم و باب امید ورجاست

ای گدایت جمله شاهان یاعلی موسی الرضا

برمسلمانان این کشور ولی نعمت توئی

شهریار ملک ایران یاعلی موسی الرضا

صحن ایوان طلایت مست ومدهوشم نمود

ای بقربانت سر و جان یاعلی موسی الرضا

غبطه خوردم برکبوترهای روی گنبدت

ای خوشابر حال آنان یا علی موسی الرضا

خوش به حال آن کبوترها که در امنیتند

داخل آن باغ رضوان یاعلی موسی الرضا

تا شدم بر درگهت زوار ، شد

بلبل طبعم غزلخوان یاعلی موسی الرضا

برخودم گفتم که اینجا یک بهشت دیگر است

یابهشت عرش رحمان یاعلی موسی الرضا

بردلم الهام شد این جنت اهل دل است

در دیار شهر عرفان یاعلی موسی الرضا

گفتم ای شه من غلام درگهت فرهنگیم

آمدم با چشم گریان یاعلی موسی الرضا

غرق دریای غمم ای شهریار شهر طوس

گلمشم زار و پریشان یاعلی موسی الرضا

سائلم سن بیل آتان موسی ابن جعفر قیل نظر

سائلی قوما قاپوندان یاعلی موسی الرضا

من که بیر مور ظعیفم سن سلیمان جهان

ایله احسان ای سلیمان یاعلی موسی الرضا

سن جوادین جانی گل سائللری رد ایلمه

الامان ای شاه خوبان یاعلی موسی الرضا

سن ننون زهرای مرضیه الیمدن دوت آقا

الدخیل ای جان جانان یاعلی موسی الرضا

مطمئنم حضرت زهرادن اوتری غملی سن

قلبین اولموش بیت الاحزان یاعلی موسی الرضا

آند اولا زهرایه بیزده حیدرین احوالنه

هردم اوللوق زار و گریان یاعلی موسی الرضا

@matnenoheh
متن نوحه👆👆👆👆
5,111
متن نوحه

15 Sep, 06:36

احوالات حضرت امام رضا (علیه السلام)

نم نم کنار حجره دربسته میرسید

کم کم به قتلگاه خودش خسته میرسید

مانند شخص مار گزیده به پیچ و تاب

فریاد یا جواد چه پیوسته میرسید

پهلو بخاک حجره که از درد میگذاشت

آهی بیاد پهلوی بشکسته میرسید

از کام تشنه و جگر پاره پاره اش

انگار حرف روضه سر بسته میرسید

این جسم خسته زیر سم اسبها نرفت

اما صدای حمله یک دسته میرسید

خواهر نبود یار برادر شود ولی

یک خواهری به مقتلی آهسته میرسید

اینجا جواب زمزمۀ یابُنَیَّ از...

یک نوجوان ز پشت در بسته میرسید

اما صدای یا ولدی بی جواب ماند

هرچند صوت یک پدر خسته میرسید

@matnenoheh
متن نوحه 👆👆👆
4,580
متن نوحه

01 Sep, 10:31

برکشتگان نینوا اربعین آمد

بانوای مرحوم حاج سلیم موذن زاده اردبیلی

@matnenoheh
                      متن نوحه👆👆👆👆
20,281
متن نوحه

30 Aug, 10:27

@matnenoheh
کانال متن نوحه👆👆👆👆
5,353
متن نوحه

30 Aug, 10:27

ای صبا گیتسن بقیعه ویر خبر امّ البنینه

زینب عبّاسه دوتوبدور اربعین، گَل اربعینه

زینبی بو توزلی قبره سانما سن تنها گلوبدی

باش آچوب بو اربعینه حضرت طاها گلوبدی

هم آتام ساقیّ کوثر،‌ هم آنام زهرا گلوبدی

آغلاسونلار بیر شکسته فرقه بیر اوخلی حبیبه

دور شبیه قبری اوستن ای اوغولسوز زار و خسته

وادی کرب و بلاده گَل حقیقی قبری اوسته

وا ابوالفضلا دی آغلا، ای اوغولسوز دلشکسته

وور شرار آهویله آتش افلاک برینه

ناحیه مینلرجه گلسه بیر جوان مرده عزایه

ناله ده یتمزله هرگز داغ دیده بیر آنایه

اکبره لیلا، سریّه قاسمه گلمیش نوایه

سنده سردار اوغلوون گَل قبری اوستونده اَنینه

گورمیوب گورمز بو عالم خلقتندن تا قیامت

قامت عبّاسه بنزر بیر جوانِ سرو قامت

اول اوجا قامتدن ایمدی وار کیچیک بیر قبر علامت

مایه ی نسگلدی بو غم تا جهان وار عالمِینه

کربلا دشتنده سالدی قان ایچینده اهل کوفه

چرخ آل هاشی دن بیر ایشیقلی آی خُسوفه

چرخده اقمار طالع گر اولا بالغ اُلوفه

غیر ممکندور بو آی تک نور ویرسونلر زمینه

اربعینینده اولوبدور هر جوانین بیله مرسوم

قبری اوسته گُل دوزه للر اقرباسی زار و مهمونی

گور نجه گُللر دوزوبدور قبر عبّاس اوسته کلثوم

اوخشوری امّا بو گَللر بیر سارالموش یاسمینه

هر بیری بیر عندلیب خسته دل بیر تازه گُلدی

نولدی بس گُللر سارالدی کیم خدادن غیر بُلدی

شامده سولدی بو گَللر اوندا که بیر بلبل اُلدی

آج، سوسوز، پربسته، خسته، ویردی جان جان آفرین

بو سارالموش گُللرین وار بیر مفصّل ماجراسی

زینبون گور چوخدی حُزنِ کوفه سی یا کربلاسی؟

امّ کلثومین باتوبدور آغلاماقلیقدان صداسی

سن اوغول سسله بو قارداش، ویر صدا بو دل حزینه

کوفه ده ای کاش اولِیدون تا گورِیدون محشریمدور

گون کیمی نوک جداده قانلو بیر باش رهبریمدور

گورمدیم عبّاس باشین تا دِیَم سرلشکریمدور

آیری سالمشدی وزیر جنگی شهدن قوم کینه

اوندا که اَلسیز بدنله پرچمین قویموردی یاتسون

قارداشیم بو فکریدِیدی پرچم دینی اوجاتسون

منده گوردوم نیّر دین آز قالور بِالمرّه باتسون

مقصدین تعقیب قیلدیم باشلادیم تبلیغ دینه

آتشین نطقه مخاطب ایلدیم شِیخیله شابی

کوفه شهرینده هویدا اولدی محشر انقلابی

من دانیشدیقجا گورنلر یاده سالدی بوترابی

ایلدیم مرهون منّت دینی نطق آتشینه

ای (حسینی) دوت گُل عشقین، اَل گوتور خاریله خَسدن

نفسه مرکوب اولما جهد ایت، سال او غدّاری فرسدن

متّقیدن خیر عمل مقبول اولار، نه بُو الهَوسدن

ایسته سن ا... رضاسین پیرو اول دین مبینه 

شاعر : مرحوم حسینی سعدی زمان

!!! کپی بدون نام کانال مدح و مرثیه حرام است !!!

موضوع: احوالات اربعین , 
برچسب‌ها: نوحه ترکی , حسینی سعدی زمان 

آنام اوغلی بو سفردن سنه چوخ شکایتیم وار 

دیَرَم اجازه ویرسن دیمه لی حکایتیم وار

باشا عهدیمی یِتوردوم هامی قیزلارون گتوردوم 

نیه گلمدی رقیّه دیمه ماقدا خجلتیم وار

دیماقا او ماجرانی خجلم من اوز اوزیمدن 

بُلوسن که چوخ سُوَردیم او قیزی ایکی گوزیمدن

نجه اُلدی شرح ویرسم سنه غم یتر سوزیمدن 

اودی عارضیمده اشک تریله اشارتیم وار

گهی ناقه اوسته گاهی باشون آردیجا پیاده 

اوزینی یِتوردی شامه او اسیر دل فتاده

دیمرم آجیندان اُلدی قوری یِرده شاهزاده 

هله بو یارالی دلده غم بی نهایتیم وار 

او گئجه که جان ویروردی منی یاندوروب یاخوردی 

سوزینی دیموردی امّا یوزه گوز یاشی آخوردی 

گوزینی دولاندوروردی بالا قیزلارا باخوردی 

بونی آندوروردی بیر آز سیزه رنج و زحمتیم وار

بالاوون گوزی آخوردی اوزی اُلماقین بولوردی 

یوزه گوز یاشین اَلیردی نه دیوردی نه گُلوردی 

ایله بیر حقارتیله او یتیمه قیز اُلوردی 

که بیان حاله قارداش نه توان نه طاقتیم وار 

باشون اول زمان که گلدی اونا ویردی دل وصالون 

باشینا سوووردی توپراق او گئجه غریب عیالون 

بُلورم که مندن آرتوخ سنون اولدی ابتهالون 

اوره گیمده کی شرردن سوزیمه شهادتیم وار 

او بالا اُلونجه ایتدی آدوی دلینده ازبر 

قوری یِرده توپراق اوسته اُلورم دیدی مکرّر 

یارالی باشون ایشیتدی او بالا دیدی نه دللر 

او یارالی دللریندن سنه بیر کنایتیم وار 

سوسوزام، آجام دیردی قورویوبدی دل دوداقیم 

آلونوبدی گوشوارم بابا بوش قالوب قولاقیم 

گَتوروبله چوخ پیاده اولوب آبله اَیاقیم 

اَیاقیمدا قانه باخسان بُله سن نه حالتیم وار 

گهی صدقدن دانیشدی گهی مهریله وفادن 

گهی شمریدن دانیشدی گهی سیلیِ جفادن 

ایله دل دیدی، دل آلدی هامی آل مصطفادن 

بُلوسن او درد دلدن هله دل جراحتیم وار 

دیدی آغلادی یورولدی یخولوب صداسی باتدی 

غم هجری باشه ویردی شرف وصاله چاتدی 

سویولان اسیره قیزلار گویه ناله سین اوجاتدی 

گوره سن منیم جهاندا نچه یول قیامتیم وار 

ایله بیر قیامت اولدی که عقولی ایتدی مبهوت 

پوزولوبدی اهل ناسوت، ایدوب آه و ناله لاهوت 

نه کفن تاپولدی قارداش، نه او طفل زاره تابوت 

@matnenoheh
کانال متن نوحه👆👆👆👆
5,928
متن نوحه

29 Aug, 17:14

بیر فاجعه دور آیریلیقون زینبه قارداش
هیچ وجهیله بو فاجعه جبرانه یتیشمز
آذوقه روحیمدی سنون وصل جمالون
وصل اولماسا جان فیض دوچندانه یتیشمز
آذوقه سیزم قوی یوزوه بیرده باخوم گیت
روحیم قوشونا یوخسا حسین دانه یتیشمز
چوخ قاره گونوم واردی حسین یولدا اوزاقدی
بی توشه باجون منزل ویرانه یتیشمز
آهنگ نوا واردی دیوللر قوری نی ده
نی ده آنام اوغلی من نالانه یتیشمز
امکانیم ایکی طفلیدی ویردیم سنه قربان
قربانسیز اولان فیض فراوانه یتیشمز
ایکاش اوزومده سنه قربان کسیلیدیم
یوخسولدی باجون چون الی قربانه یتیشمز
بیر بوسیه مشتاقم حسین لعل لبوندن
بیلمم یتیشر بوسه منه یا نه یتیشمز
عطشان دوداق عطشان دوداقی اوپسه گوزلدی
کوثر کوزه سی اول لب عطشانه یتیشمز
سال قولاریوی بوینوما قوی عشق گل ایتسون
بیر گل که اونا عطرده ریحانه یتیشمز
انور سنه نعمتدی بیوک طبع روانون
بو موهبت البته هر انسانه یتیشمز
دوش سجده شکرانیه حقه ایله سجده
کفران ایلین نعمت یزدانه یتیشمز

استاد حاج انور اردبیلی
@matnenoheh
کانال متن نوحه👆👆👆👆
18,488

2,446

subscribers

34

photos

61

videos
Best Similar Channel
کانال رتبه برتر (استخدامی اموزش و پروش) Telegram Channel
کانال رتبه برتر (استخدامی اموزش و پروش)
17,798 subscribers
@rotbebartarestekhdam
کانال استخدامی راه موفقیت Telegram Channel
کانال استخدامی راه موفقیت
15,882 subscribers
@kanalestekhdamii
متن نوحه با سبک Telegram Channel
متن نوحه با سبک
12,783 subscribers
@okhshama
کانال استخدامی مقام اول Telegram Channel
کانال استخدامی مقام اول
12,349 subscribers
@maghamavaliha
✍️ زُبْدَةُالاَشْعار ✍️ Telegram Channel
✍️ زُبْدَةُالاَشْعار ✍️
12,161 subscribers
@nohe_torki
⚀بیـــماریهای زنان⚀ Telegram Channel
⚀بیـــماریهای زنان⚀
11,503 subscribers
@dr_zaanan
(اموزش مداحی همراه با سبک ها) Telegram Channel
(اموزش مداحی همراه با سبک ها)
10,489 subscribers
@asdjw
کانال رسمی "حاج علیرضا اسفندیاری" Telegram Channel
کانال رسمی "حاج علیرضا اسفندیاری"
8,629 subscribers
@ya_robab_alhoseein
کانال زنده یادحاج محمدباقر منصوری Telegram Channel
کانال زنده یادحاج محمدباقر منصوری
8,276 subscribers
@hajmohamadbagermansori
✔ نیسکیـــلی نـــوحـــه لـــر✔ Telegram Channel
✔ نیسکیـــلی نـــوحـــه لـــر✔
8,230 subscribers
@niskilinohelar
Random Similar Channel
(دلنوشته های علی زلفی تبریزی) Telegram Channel
(دلنوشته های علی زلفی تبریزی)
2,210 subscribers
@delneveshte_alizolfi
️ مداحان تبریز Telegram Channel
️ مداحان تبریز
5,447 subscribers
@maddahanetabriz
کانال جامع شعر مذهبی ترکی و فارسی Telegram Channel
کانال جامع شعر مذهبی ترکی و فارسی
4,173 subscribers
@delbakhteganeheydarekarar
کربلایی فریدون بهره‌مند Telegram Channel
کربلایی فریدون بهره‌مند
5,803 subscribers
@fereydunbahremand
❤️رجزها و رباعیات ترکی وفارسی🌷 Telegram Channel
❤️رجزها و رباعیات ترکی وفارسی🌷
1,816 subscribers
@ragazha
متن نوحه و زمزمه مجمع الذاکرین Telegram Channel
متن نوحه و زمزمه مجمع الذاکرین
4,462 subscribers
@nohevazemzemme
یارباب الحسین(ع) Telegram Channel
یارباب الحسین(ع)
1,870 subscribers
@ya_robab_alhosin
مدل طراحی Telegram Channel
مدل طراحی
1,240 subscribers
@art_modell
رادیو سلطان ساوالان Telegram Channel
رادیو سلطان ساوالان
3,788 subscribers
@sogatabad
🍃 آنایوردوم بافتان 🍃 Telegram Channel
🍃 آنایوردوم بافتان 🍃
1,239 subscribers
@baftan1

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.