Publicaciones de Telegram de رياضة 1 / م. طه الجليدي

السلام عليكم ورحمةُ الله ❤️

البداية بعد الغد يوم الثلاثاء في ترانيم فرع الجامعة الساعة 11 كان سخر الله سبحانه وتعالى لنا ذلك

في حالة محتاج تهتم بالمادة وتفصلها وتكمل الكورس قبل الإمتحان بوقت، هذا القروب حيناسبك؛ لأن خطتنا تكملة الكورس والمنهج قبل الإمتحان بوقت محترم جداً

علم التفاضل والتكامل هو من أمتع الأمور في الرياضات وتراكمي بين 1,2,4 لذلك إهتم لأن بتركب بيه لـ2,4

ننصح لو حد يقدر يحضر خير، مش لأنه محتوى الأون لاين ناقص أو هكي لالا بالعكس زي بعض وخير

لكن على الواقع حنرهنك بوقت معين تكمل فيه المنهج، وطبعا عندك أون لاين فري ومذكرات لكامل المنهج مع تشطيبات إضافية لمنسقة المادة

نتلاقوا يوم الثلاثاء بعون الرحمن سبحانه وتعالى ❤️

كان سخر الله سبحانهُ وتعالى system الفاينل في مواد الجامعة بالنسبة ليا مُختلف ووجِب توضيح تخطيطي للجميع ❤️

رياضة 1 / البداية يوم الثلاثاء 10/12
رياضة 2 / البداية يوم السبت 14/12
رياضة 4 / البداية يوم الأحد 15/12
رياضة 1 Online / الأسبوع هذا نبدأ تصوير إن شاء الله

كل مادة مخصّص ليها قروب واحد فقط
كل مادة تُعطى بشكل يومي (( ساعة ونص إلى ساعتين يوميـاً ))
كل المواد تنتهِي بتاريخ 1/1 ~ 2/1 إن سخر الله ذلك
يعني حتقعد فترة قبل الفاينلز مقعمز تقرأ وتساوي في أمورك

يعني عدد المحاضرات للفاينل حوالي 18 وهذا ماتم التخطيط له

نسأل الله لنا التوفيق يارب، وأعتذر عن إعطاء الفاينل لِرياضة 3

بالتوفيق في باقي إمتحاناتكم 🤲🏻

هلبا الجو بنقروا طبيعة للأرض 😂

السؤال الأهم اللي حيخطر على بالك ..

باش مهندس كيف نموذج العشية أصعب من الفترة الأولى، ويعني كيف يتِم إنصافنا؟

في العادة الفاينل يصير العكس

وهذه صارتلنا قبل الصبح جت صعبة والعشية ساهلة وبعدها الفاينل صار العكس 🙌

حبايبي جماعة الحضور ❤️

ماتبقّى لي من صوت كملته على محاضرة التشطيبات الخاصة بكورس الأون لاين 🙌

حتلقوا فيها حل معظم افكار الشيت
وحتلقوا المدى في المليح
وحتلقوا في العكسيات ڤيديو سادس لإنتساب الزوايا

فأنا نشوف إنّ اليوم تنزل تشوفوها ونرتاحوا من فِكرة الحضور وزحمة الطرق ونستغلوا وقتنا نقعمزوا نكملوا كل شيء طلب طه إنّ نكملوه

حاجة أخيرة وطلب أخير

تابعوا قناة التلغرام، وأي حد بيسأل على أي حاجة أنا معاه بعون الله وقاعدلكم اليوم وغدوة مُتاح في القناة إن شاء الله لأي سؤال تحتاجوه 💙

لذلك اليوم هي "ملغية"

جماعة الأون لاين

اليوم تنزل محاضرة إسمها "تشطيبات"

فيها أفكار وفيها أضافات وفيها أي شيء ناقصك وفيها جو أفكار خارج الصندوق وقوية للأمانة

مادابيك تكون مكمل كل شيء وبعدها أحضرها ❤️

جماعة الحضور، أنا في الطريق بعون الله

صوتي هارب لكن على أمل إنّه يرجع 😂

أمام الجميع نبي نشكر طلبتي الحضور في رياضة 1 على إلتزامهم وعلى تركيزهم معاي باش نعرضوا محاضرات مساوية تليق بالمرحلة الجامعية وره أنا متونس بيكم

هذه محاضرة اليوم، وحرفياً 10/10 ❤️

وأي حد أون لاين مش خاش في قناة الكورس يبلغني؛ لأن حتفيده هلبا 👋

النصيحة الثانية بعد رؤيتي للمنهج، والمقرر، وشيتات الكلية والأمور هذه

خلي يوم يوم ونص هكي كاملات للدوال المثلثية والمثلثية العكسية؛ لأنهم بدوا أدسم من قبل بهلبا

لذلك سكّر موضوع النهايات 🙌