شعر .

﴿إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لاَ تَعْلَمُونَ﴾

الوَرد ذابِل مِن زَمان لا تِجيني وتَعتنيلي
لا جَماجم ولا ملاحَم كُلها مَتعوض سنَيني

الورد يطلع بالجماجم لو تجيني .

اني بَعد غياب وجهَك
وجهي ما أگدر أطيقه
جنِت أحبّك بالخيال
وبالحقيقه .

هذا احساسي
من قررتي تمشين
عيني بعينج انتِ وگلتي تنسين
نسيتي وشفتي غيري وعشتي الاحلام
بس صعبة بحياتج مثلي تلگين
تذكريني بس لمن يجي الليل
بغير أوقات متذكريني تردين
الحقيقة تغيرت ومن أيدج الصار
غير أنسان صاير من ترجعين
كلمة اسفة ونتخطى الأيام واحبك
واني اريدك وانتِ تحجين؟
برود يواجهج من عندي والله
واضحك من اشوفج جاي تبچين

اَندلٌ الدرُب وللحِيل اشْد حيلين
عُود الحَگ علي يلگوه تتمشَى

گلتلك احترم نفسك
والمايسوى لتشيله
من حلگ لحلگ ضليت
حضرتك بشر نرگيلة؟

اچيتك نهر
عشر سنين ماضاگن چروفه الماي
واچيتك شايل
چروحي العتيچة وياي
وانتَ دواي .

امس ويا الفجر فزيت مرعوب
يرجف حيلي كله وگلبي مرهوب
گلت ارجع انامن كافي تفكير
گمت طفيت راسي وعفت الكلوب

طلع كل الرسمته أوهام بأوهام
أرسم على ضلام بقلم كحلة .

موتك خذاك وما خذاني
الليلة اجيك وما اتاني
من موتك لهسة بمكاني
مشلول احس وجاي اعاني
صعبة من افكر ما تجي انوب
بس ذكرى منك تلفي الغروب
ماتت عليك گلوب وگلوب
مغلوب والعباس مغلوب

زعلان لو مختنك
حاجيني شنهو الصدگ
تسمعلك أذاني
ومابادرتلك لان
مَ ادري البگلبك شنو
متحير الساني
معقولة غيري وصل
وتربع بگلبك گعد
وتبدل مچاني !
معقولة عينك لگت
واحد يحبها بكثر
ماحبها جنت أنـي
معقولة تنساني؟
بگلبي حط خنجرك
تأذيني واني احتمل
بـَس لا تحب ثاني
غيرك عشگني صدگ
واكتبله أحبَك ردت
بـَس گلبي عتاني
يل مَ عرفت بعلتك
يومين تهوى ترد
شهرين تنساني .

عموماً يلا مش فارقه.

شو خنت ؟
وأنتَ ذاك التعصر إيدي عصرة التطلگ چنت
من تجي وڪلساع بڪلادة خِفت
آنه چنت مراية إيد و موش ڪل وجهك شفت
تعوفني وتڪدر بدوني ؟
ليش يا ثالث عيوني ؟
لا تخليني أحسب رموشك واغيبك
وآنه ڪلب أمك عليك
والله أطيح وياك إذا مابيّه أطيبك
ڪون چف فزاعة چفي
بلايه أصابع تگدوني معوّل عليك
جرس ثاري
وويه مآ باب إنفتحلك شلت إديك
چدامي مثل الگذلة ثگّلها المطر
الدنيا تمطر ..
وأشتهي ترد المحنّة البالرسايل والصور
غابت شموسك والفياي إنهب
وآنه وصيت وڪلت ذبّ الگلايد
لا يجيس آثار بوساتي الذّهب
من درت وجهك وأمانك شح عليّه
خوفة الڪاتل خفت حتىٰ إمن إدية !
ومآ تفض ..
أغنية تدفعني وأجي لبابك رڪض
وانزويت
وأذب يم العتبة حسرة
آخ يا تچايتي شسواك ڪسرة
لا حرام الله رضاها ولا حلاله
حبيّبك محد بقاله
والسوالف تنتهي بعوفوه بحاله
وعافوه بحاله ..
- علي مهدي..