في مواقف عامله زي القهوة ، طعمها مُر بس بتفوقك وتخليك تصحصح ، والحقيقه إن مهما كانت صعوبة اللي بتمُر بيه فأكيد ربنا عنده حكمه في إنك تعيش الشيء دا، جايز ربنا عايز يفوقك ، يوريك حاجه إنت مش شايفها ، ومش بعيد بعد المِحنة الصعبه دي تبدأ تعيش أحسن مراحل حياتك، ما تستعجلش كُله بأوانه .
" ما تقلقيش أنا هتصرّف " " الموضوع بسيط خليها عليا " " اقعدي أنتي وأنا هشوف حل " " ما تخرجيش ، أنا هنزل أجيب كل حاجة "
- فكرة مريحة لأبعد حد وجودك مع راجل قوّام وسوي وفاهم القوامة صح وبيحسن التصرّف سواء: "أب ، أخ ، خاطب أو زوج" ، وبتشيل مننا كنساء جزء كبير من الإحساس بالقلق والخوف ، وبنحس وقتها إن فيه "سند" فعلاً هيعرف يتصرف فنهدأ ونرتاح