الخُلود الحُسيني

مولد الامام المهدي عج..

يالحــــبك نجـــاة الكل مــوالي
راسي ابخدمتك يالمهدي عالي

🌷🌷🌷🌷
يالحــــــبك نجــات الكل الاطياف
ابيغضه وبالحــلم يالمهدي تنشاف
عشـگك رحمـة اللـه اشلون ينعاف
الما حبــــك خســـر يغله الغـــوالي
🌷🌷🌷🌷

ياحجـة الباري وللخــلگ ســـــور
اطـوف ابمهــدك الامـــلاك وتزور
خــدك يشع جن قنـــديل من نور
يالاصبــح جمـــالك شـي مثـــالي
🌷🌷🌷🌷

يا شــــمام گلبـــي اولب الالبـــــاب
يانسـمة اعذيبـي اويه الهوه الهاب
انته اطهر وليد امن اشرف انساب
بســـمك نحتــــــفل هـاي اليـــــالي
🌷🌷🌷🌷

يا منـــبر عشـــگ والحبه سلطان
يا اجمل اشــراقه ابنصف شعبان
يا بــاب العلــــــم يا بـــاب ريــان
ابحــبك كل وكت يســرح خيالي

🌷🌷🌷🌷
اكماطك نور. عطره اينسم الراس
جـــوري وسعفران وعنــــبر وياس
ربك وي قــــــــدومك بشــر الناس
منقــــــذكم المهــــدي وهــوه والي
🌷🌷🌷🌷

الخادم
✍كامل السعيدي

مولد الامام المهدي

اليوم لمهدي نزف البشره
عيد الكون يشيعه ابسره
والفرح عم البريه
مولدك احله هديه

--------------
بين النجوم يمهدي ظواك انشوفه
نجمعت الناس تعيد اجت ملهوفه
كلبي مشتاك يناغيه يرد. بحروفه
ابقه. لموت احبه وابد. ماعوفه

كحل ياناس لكيته بعيني
ادري مظخور ينور ديني
والعشك شمسوي بيه
مولدك احله. هديه

-------------
الف مبروك يدنيه اجتنه البشره
ورد الجنان تمايل يفوح ابعطره
تزين الكون بلزهار نشوفه ابسره
هله بشعبان اجانه الفرح ننتظره

احله ايام احسه بعمري
بين العروك لكيته يسري
نحتفل كنه سويه
مولدك احله هديه

-------------
احله الطيوف شفته غفت بعيوني
مثل عابس جنوني انه. يسموني
مني الناس يغارون تره يحسدوني
دوم اشتاك لمامي وحن. يدروني

اليوم ياروحي يجينه الغالي
عايش وياي وسكن. دلالي
ونثر ازهارك بديه
مولدك احله هدبه

--------------
بهل ليالي الجميله بوجودك نفرح
بحر الشواك خذاني وخيالي يسرح
بين الطيوف لكيته بدليلي يمرح
بوص كلبي يمولاي خذتلك مطرح

شايل بعيني يمهدي ارسومك
تحجي الناس شكثر بعلومك
انولد ابن الزجيه
مولدك احله هديه

-------------
الك مولاي يمهدي اجينه احبابك
شلنه الزهار بدينه وكفنه ابابك
طول سنين علينه نشوفه اغيابك
مثل عنبر اشمه احس. اترابك

شايل. اورد يمهدي بيدي
احلح ملبوس لبسته بعيدي
واخذ الشخصك تحيه
مولدك احله هديه

--------------
خادم الحسين. ع
رحيم الصالحي

هوسات للامام المهدي عج🌷


چن بالحلم محضوضين والدارك تعنيه
وشفنه النبي اشگد فرحان وبيده ايعلگ الزينه
وشاركنه الفرح وياه اورد شلنه بايادينه
…. وبابك محفل سوينه ….


هوسنه اوقرينالك قصايد صور متروسه
الشعر وياك يحلى اهواي ونته اصبحت قاموسه
الك وردة عشگ مولاي ابنص الگلب مقروسه
بحفل مولدك هاليوم حضر عيسى وحضر موسى
وحضر كل شاعر وذواق منك ياخذ ادروسه
ويتبرك حضر جبريل وهوه اعله اگماطك ايبوسه
يبوصالح يموگ العين بيك الناس محروسه
يمته اترف الك رايات وشكو عاذل سوه اندوسه

يومك يالمهدي متانينه

✍كامل السعيدي

ياهــلا ابمهدينه ـ هلا هلا
بمولده اتباهينه ـ هلا هلا

مله ادروب الشيعه ضيه وياحلاة اوصافه
العرش مبهور ابجـــــمال انواره الخطافه
كل ملك نازل ايســبح اجه البيته وضافه
ونزل جبــــــريل ايتبرك زار مهده وطافه

المنقذ امسمينه ـ هلا هلا
بمولده اتباهينه ـ هلا هلا
"""""""""""""""""""""""""""""""'''''''

حب عذب يمي لگيته ونبعه يجري بروحي
دوم اهيم بدفو احروفه ويهده ويخف نوحي
ينشرح صدري امن اذكره وتشفه كل اجروحي
والي صار وياي احسه لعشگ عابس يوحي

حلو البيني وبينه ـ هلا هلا
بمولده اتباهـينه ـ هلا هلا
"""""""""""""""""""""""""""""""""

ياهلا يهتف شعوري هلا فخر الساده
واذن بأسمه الضمير ومبتشر بعياده
يازبور آل الرســاله وقائد اعله القاده
نفحه من انفاس طه انتشرت ابميلاده

نعمه بي حسينيه ـ هلا هلا
بمولده اتباهـينه ـ هلا هلا
""""""""""""""""""""""""""""""""
للخلق مصيوغ جوهر من سنا الباري
رتلته آيات شوگي وقدمتله اشــعاري
اسمه عالحايط كتبته حرز داخل داري
ابد ماعندي بغلاته وشغل كل افكاري

ملك كلشي بينه ـ هلا هلا
بمولده اتباهـينه ـ هلا هلا

""""""""""""""""""""""""""""""""
انتظر كل جمعه اشوفه ابدربه دوم امتاني
مانسيته لحظه وحده وادري ماينساني
من زغر سني عرفته وعايش ابوجداني
وكلمة اللهم عجل ما متيها الساني

بواهس امتانينه ـ هلا هلا
 بمولده اتباهـينه ـ هلا هلا
""""""""""""""""""""""""""""""""

✍الخادم
كامل السعيدي

مولد الامام المهدي عليه السلام

سلام الله …… على اعيونك
يسر حبنه المثالي
يمهـــدينه …… ويغــــــالينه
يفرحــــة هالليالي
"""""""""""""""""""""

يعشگي امن البدايه
يحُب مــــــالك نهايه
بدال الشمعه الك عشرة اصابع نعلگ ابيوم الولاده

شوكت اسمع أذآنك
اريـد اندل مـــــكانك
يالتكحل النواضر يمتى اشوفك يانبض گلبي وداده

يســــــــــالفتي الابد ما تنتهي بيــوم ولليــالي
وحق فجـرك يضــل ذكرك مثل نجمه وتلالي
بتفاصــــــيلك يمهدينه شكثر يســرح خيــالي
عليك اسأل خلص عمري وفلا يخلص سؤالي

امل روحــي  ……  ودوه اجروحي
وسعادة كل موالي
يهيبــــــثــتنه …… ويقـــــــــدوتنه
يفرحـــــة هالليالي
"""""""""""""""""""""""

يســـيد امنياتي
يقرآني وصلاتي
يمن حبك يلم شمل الغياره واليعوفك هذا هالك

ارتوه گلبي بهيامك
يسـاحرني بغرامك
هوه وماي وفياي انته ونجاتي وجدمي دربك دومه سالك

شكــــثر اتباها يامهدي الك اتسمه خادم
شفت عالم محبـــينك عكس كل العوالم
على قربك شكرت الله ولا لحظه انه نادم
لغة حبك علم واســـع تضم كل المعاجم 

عرين انته  ……  وتوطنته
الگلب عنك حجالي
ييوســـفنه ……  يمنــقذنه
يفرحـــــة هالليالي
  
""""""""'''''''''''''""""""

يغار وبيــــــــــك آماني
ونسيج اسمك حماني
يسد اليمنع امواج الشدايد يالتغطيني بردائك

اذا مـو انتـــه يمــي
منو اليجليلي همي
تمر نسمه بلهب صيف وتبرد روحي اذا اطب كربلائك

اضل متشــرد ابدونك يدســـتور الولايه
يباب اللـه الفلا ينســـد يالتـــوزع عطايه
امام الرحمه سميتك شفت بيك الكفايه
اضـــل متمسك ابحبك عهد حد النهايه

ارتفع قدري ……  وجنت ادري
اليخدمك راسه عالي
وطـــن انته …… وفـلا عفــــته
يفرحـــــة هاللــيالي
"""""""""''"''"'''''""""""

الشمس انته وضحاها
وهوه الجنه وضــــوها
يقدسي ومن سنى الباري سنائك يااجل كل الخلائق

يوجه الله وجماله
واحـــاديثه ومثاله
ندى ويغازل الجوري وجودك تارس الوان الحدائق


اراقـب ابقـه وتأهـب طلعـتك موبعـــــــيده
بدعاء الندبه ادعيـلك يبو الطلعه الرشــيده
ضحكتك بسـمله مصحف تفاصــيلك فريده
صور بالغيمه خ نشوفك يمطلع كل قصيده

وحق عينك ……  مجنانينــك
تضل عدنه انته غالي
يسمــعتنه …… ويعـــــــــزتنه
يفرحـــــــة هالليالي
"""""""""""""""""

الخادم
كامل السعيدي

لولادة الامام الحسين عليه السلام

ميلادك نزل خيرات بيه الدنيا تتعَطَّر
ياعطر الورد يحسين والقداح والعنبر
لطف من السمه انته  ولا بلجود تتأخر
سداد وراي للحاير. وانته من الجهل معبر
وَدعَّنَه سواد الليل. فكرنه بعلمك اتنَّوَر
يانور السمه الواضح. سماحة وفكر ياجوهر
يصوت الحق.على الباطل و ياصولات ذل الشر
يبن الفقه والمحراب. وابن العلم والمنبر
يخو العباس ابوفاضل  يخو زينب يبو الاكبر
يبن المصطفى الهادي. وابن المرتضى حيدر
يبو السجاد مولانا.    جد الباقر. وجعفر
بميلادك تباهه الكون اليوم بمولدك أزهر

(( الليل ابطلعة نورك  رايدعن الدنيا ايشيل ))

الشاعر حسن لعيبي الحريشاوي

مناسبة مولد الامام المنتظر
        عليه السلام

      🍃🕊🕊🍃

سر الله وجماله ابهالمسيه
شع اعله البشر نجم الثريه
يسمونه / الحجه المهدي

🍃🕊🕊

غمرنه مولد الوراث وسرنه
وبفاضل طينته سره وسرنه
درب العشگ للمحفل وسرنه
نبارك بالفرح لاهل الحميه

🍃🕊🕊

بسمانه طائر الافـراح ينشد
ابميلاده الولي الظهر  ينشد
كل شاعر الليله بسمه ينشد
ويكتب له غزل بهالمسيه

🍃🕊🕊

بغصان الشجر فتح وردنه
من بـان الگمر بيته وردنه
ولليـل انهـار للقائم وردنه
نبقى عالعهد حد المنيه

🍃🕊🕊

نثرنه الياس صفقنه بيدينه
عيـد الليله وباسمه بيدينه
وكلمن يتركه خاسر بيدينه
دنيا واخره ناره سريه

🍃🕊🕊

هلا بمولد وريث الآل صحنه
كريم وماتمل الناس صحنه
عليه اعمالنه تعرض وصحنه
يشفع بالحشر للجعفريه

🍃🕊🕊

اشرق بالگلب نوره ومهدي
امي تلولي ابعشگه ومهدي
روحي بالفرح تهتف ومهدي
الليله مولده ابن الزچيه



بقلم الاخوات
      عاشقة الولايه
و___ ام اباذر السكيني

      نسألكم الدعاء

بهذا الطور👇🏻

https://youtu.be/QVrKJ6oz6Zc?feature=shared

نَعْي لاستشهاد الكاظم عَلَيْهِ
السَّلَامُ (وزن الدارمي)

للمحتظر كون  مَعْرُوفَه بِالْعَادَات . للمحتظر كُوْن
أحبابه يلفون  گبل الْمْنْيَّة ابساع . أَحْبَابِه يلفون
وناس اليشيعون نَاسٌ التنوح عَلَيْهِ ونَاسٌ اليشيعون
ابسجن هارون الكاظم لفاه الْمَوْت ابسجن هَارُون
بالغربه مسجون مَيِّت بِدِيَة اگيود  بالغربه  مَسْجُون
للجسر يردون حَيْف أَرْبَعَه الشالوه . للجسر يُرَدُّون
متغير اللون وفوگ الْجِسْر حطوه . مُتَغَيِّرَ اللَّوْنِ
بالغربه مدفون بِالسُّمّ عَلِيل  ايموت  بِالغُرْبَة مَدْفُونٌ

الشاعر حسن لعيبي الحريشاوي

لاستشهاد الامام موسى الكاظم عليه السلام 

اليوم ياشيعه صدگ لطم الصدر
        ضلت اجنازة الكاظم  علجسر
★★★★★
اليوم ياشيعه صدگ وكت اللطم
علأمام  الشاف   ويلات وظلم
السلاسل حزت الچف  والعظم
مات مسموم بفعل اهل الغدر
★★★★★
عمره خلص صبر وهموم ومرار
ابسجن  مظلم مايمر بيه النهار
لااهل يمه  ولايفزعله  جار
صابر بوجه المحن ماينكسر
★★★★★
كاظم الغيظ شكثر يحمل عذاب
من ظلام السجن حد يوم المصاب
گلب بغياب  الاهل والفرگة ذاب
ينتظر يوم الفرج بعد العسر
★★★★★
دنيا غربه وسجن مامر بيه ضوه
وبدموع الغربه اسف خده انچوه
بعد شمل الاهل مايرجع سوه
الامر رب الكون صابر ينتظر

★★★★★
بالصبر كاسات من مرهم جرع
من السجن للموت مالحظه جزع
الدين بغيابه تصوب وانفجع
غاب  الف ياحيف من هاشم بدر

الشاعر حسن لعيبي الحريشاوي

لاستشهاد الامام موسى بن جعفر الكاظم عليه السلام ( گعديه )على وزن مفروض علناس حبك ياعلي  ل حمزه الصغير.

مهظوم  مظلوم  موسى بهلسجن
زلزل الباطل يشهد الكون      
من سجن هارون
★★★★★
بالسجن موسى بن جعفر اطلق اعنان اصطباره
نال قصده من العباده     وانتهج للحق مداره
والغياهب ماتهمه         اتساوه لوليله ابنهاره
لوليله طول مايهم
بيه  العباده يغتنم
بوجه المصاعب مبتسم   حتى لوعاش ابمراره
امبچي القيود  وامبچي السجن
چن موسى هدم حكم فرعون   
من سجن هارون
★★★★★
جبل من الصبر ثابت   كله اصرار وتحدي
تشهد اعداه وتسولف ذاك بن شاهك السندي
مرتعب والسوط بيده   بدولة الحاكم الفردي
سجان ينذل ماشفت
يلحيرتهم.    ماحرت
مسجون حاكم علوكت  وبمسار الزمن تحدي
من هاي الاغلال صانع ثورته
ثوراته تبدي وتكتسب لون   
من سجن هارون
★★★★★
من السجن حريه اعلن وضح الفكره السليمه
للتسامح والمحبه      بدين غاياته عظيمه
لاظلم لاعنجهيه         وللبشر تصبحله قيمه
مايقبل بحل الوسط
على حروفها خله النقط
مايقبل افعال الغلط     افعال الگلوب السقيمه
وماينهزم يوم  دين المصطفى
گالاها كلمة ولازم تكون       
من سجن هارون
★★★★★
ونكشف هارون طبعه  بس ضياع وجهل قدم
مارحم غربة امامه  ظالم وموطبعه. يرحم
مشكله وعالجها طبعه وي طعامه يخلط السم
أصدر قرارات الغدر
للحال رايد يختصر
مطروح موسى على الجسر  والنهار الصافي اظلم
يوم على الاسلام موهين صعب
مظلوم موسى ايغمض العيون  
من سجن هارون

الشاعر حسن لعيبي الحريشاوي

لشهادة الامام موسى بن جعفر الكاظم عليه السلام

اجيت بگلب مهموم     ازورنك يمظلوم
يذكره المانسيتك      يبن جعفر اجيتك
    ازورنك يمظلوم
★★★★★
متثمن مصابك لوتهل دمعه
ولاروح التذوب وتنطفي شمعه
ولانار التوج ابگلبي وتكطّعه 
مثلها على الجسر لاماتمر جمعه

اجيت بگلب مجروح   ابهظم مابطل النوح
تشاهد روحي ريتك   يبن جعفر اجيتك
    ازورنك يمظلوم
★★★★★
من لون السواد الما اله ثاني 
گضيت اسنين عمرك صابر تعاني
بسجن هارون مابيه جانب انساني 
تدري الفرج يوم الجمعه واتاني

بقه السجان مرعوب    من صبرك يمهيوب
يمن قربت منيتك     يبن جعفر اجيتك
    ازورنك يمظلوم
★★★★★
ياروح التصبرني وصبرها
يبچيها مصابك من اذكرّها
حالك طبع ظالم حيل مرمرها
ياروح اشكثر هاگد ظلم مرّها

بسجن خلصت السنين   لاجل هلناس والدين
السجن يلصار بيتك   يبن جعفر اجيتك
    ازورنك يمظلوم
★★★★★
راحت شيعتك للجمعه منتظره  
عدل ظنها تشوفك من بعد حسره
طريح على الجسر ياكاظم العتره
ردت شيعتك مهظومه متحيره
ظنّوا ساعة الملكه     حسافه شافوا الفرگه
يمن عايف رعيتك       يبن جعفر اجيتك
    ازورنك يمظلوم
★★★★★
بمطامير السجن وسفه يخلونك
فكر محدود ماعرفوا يثمنونك
المفروض بنواظرهم يحطوّنك
حطوك  بجنازه اربعه ايشيلونك
شگد منهم شفت ويل    ادموم چفوفك تسيل
عسه ابروحي فديتك    يبن جعفر اجيتك
    ازورنك يمظلوم

الشاعر حسن لعيبي الحريشاوي

خدمة الإمام موسى بن جعفر عليه السلام

هلي نصبوا خيمهم  بين الخيام
وعلى الصوبين دگوا قطع وأعلام
هله بزوار بن جعفر يصيحون
افلحوا الزادكم زوار اليمام
هذا فراشكم والزاد والماي
نخدم وابشرف للدوم خدام
خدام الإمام وكلمن  يزور
والمتعنيله يمشي مورم الاجدام
لبن جعفر حليف العلم والدين
هذا ابن النشر رايات الاسلام
لبن جعفر الگضه العمر مسجون
وعانى من حديد الگيد  الآلام
هلي نذروا عمرهم خدم للدوم
مادام النفس بالروح مادام
خدم باب الحوايج صاحب الجود
ضريحه من الجنان وعطر الانسام
هذا البلصبر ذل الطواغيت
وبقوة وعزم  بچاها الأيام

الشاعر  حسن لعيبي الحريشاوي

لاستشهاد الامام الكاظم عليه السلام
على طور (نار بدليلي تسعر)
لحمزه الصغير

اخمسطعش لواكثر  مسجون يابن جعفر
يابدعه المسويها   ايام العمر تگظيها
               مسموم يابن جعفر
★★★★★
مثل النبي ياموسى الرحمن ارسل نورك
                          خير وهدايه ورحمه
واتزيح عن الوادم    لمن تقدم دورك 
                         كل نايبه  وكل ظلمه
كل بحر عندك گطره  ياعلم تزهي بحورك
                         حبك اساس  النعمه
من إيدك كرم شافوها   ايد الغدر مدوها
كل القصد تاليها   ايام العمر تگظيها
               مسجون يابن جعفر
★★★★★
كلمن گصد وتعنه   يشكي الحزن والامه
                                  ونار الگلب لَهَّابَه
ولوماگظت حسباته  وليل العلل مانامه
                         والدهر  قاسي اصوابه
يلگه الفرج متعني  يلكه الفرج كدامه
                          شم الورد واطيابه
المحتار يمك أمره. اي وحگ ضلع الزهره
دنياك مدري شبيها  ايام العمر تگظيها
               مسجون يابن جعفر
★★★★★
مايوم شفت الراحه   دنيا ورحم مابيها
                          شعندك ذنب وياها
جحفلت ضدك كلشي  لوقَرُّبَت  تدريها
                              وي العده تلگاها
علجمر روحك ظلت  صار الصبر حاديها
                           صبرت على بلواها
رادوا تغييب انوارك   من تبتعد عن دارك
شگد صابر وتدريها    ايام العمر تگظيها
              مسجون يابن جعفر
★★★★★
ياراهب آل العتره  دمعي يهل لمصابه
                                ماتنطفي نيراني
منعوا الناس تشوفه   لامن اهل واصحابه
                            غربه وعذاب يعاني
ناتج حقدهم واضح  نور العلم واسبابه
                             والجانب الانساني
فوضت امرك لله   من جور هاي المله
يامعضله الجانيها    ايام العمر تگظيها
               مسجون يابن جعفر
★★★★★
الحَلَّفَك بالزهره. ودموعها اونتها
                      وضلوعها المتكسره
والحَلَّفَك بالغربه. وايامها وحيرتها
                    وكل ماجره على العتره
والحَلَّفَك بالعاشر. وبزينب وغربتها
                 وراس الحسين ونحره
منك يريد أمراده.     لو حَلَّفَاك وناده
وانته الخلگ راعيها   ايام العمر تگظيها
            مسجون يابن جعفر
★★★★★
سر الاله وعلمه.  ومحكم كتابه ودينه
                               وكل واجباته وفرضه
يامن وجودك رحمه.  وخير ونعيم اعلينه
                               وجنة الباري ابأرضه
وسفه المنيه الْمُرَّه.    بالسم لفت والينه
                                ولاوادم المعترضه
وين الاهل واحبابك.  تحضر بيوم امصابك
ياسورها او واليها.    ايام العمر تگظيها
       مسجون يابن جعفر

الشاعر حسن لعيبي الحريشاوي

الامام موسى بن جعفر عليه السلام

بجروح السجن
ودموع الحزن
يبچي لعمّته الراحت سبيه
٠٠٠٠٠٠
بسجن موسى بن جعفر غابت علومه
ومن گيد السلاسل تنزف دمومه
رغم هاي الجروح وروحه مالومه
ينوح على المشت للشام مهضومه
بگيد السلسله
يذكر كربله
وينصب مأتم بسجن المنيه
٠٠٠٠٠
بسجن طاموره ظلمه وتخنك بروحه
موسى الكاظم ودم تنزف جروحه
لچن مو للجراله ونّته ونوحه
على الراحت سبي دمعاته مسفوحه
يذكر عمّته
وسالت دمعته
مچتوفه بحبل بين آل اميه
٠٠٠٠٠٠٠٠٠٠
بسجن هارون موسى الكاظم اتعذّب
ساجد وبسجوده الظالم اتعجّب
بظلام الليل يبچي الكاظم وينحب
على المسبية عمته الطاهره زينب
كلما ينجرح
يتذكّر رمح
شايل راس ابن حامي الحميه
٠٠٠٠٠٠٠٠٠
خافوا من علومه ونهجه وفكاره
ظنّوا بالسجن يطفون انواره
لأن يدرون الله الخالق اختاره
خليفة طه جده بعلمه وسراره
بعلمه وحكمته
فارض هيبته
كلها تهابه شيج الجعفريه
٠٠٠٠٠٠٠
عكب كلّ الجراله الظالم يسمّه
مات الكاظم ومحّد حضر يمّه
بنعش مسموم شالوا للجسر جسمه
بلا تشييع منعو شيعته تلزمه
مجروح شكثُر
من سم الغدُر
گطّع چبدته سمّ المنيه
٠٠٠٠٠٠٠
فزعت شيعته من سمعت اخباره
صارت كل أهل بغداد انصاره
بين اليبچي بين يطالب بثاره
شالوا نعش موسى الكاظم لداره
نصبو مأتَمَه
عَزّو فاطمه
راحوا للرضا بأمر الوصيه

سيد زيد الفحام
~~~~~~~~~~~~~~~~~~~~~~~~~~

باب الحوائج. موسى بن جعفر
٠٠٠٠٠٠
وين اصحاب الحوائج خل يجون
اباب موسى يشتكوله وينتخون
هذا بيده الكون والكُن فيكون
كل أمر يصعب على الكاظم يهون

أمّن يزاير. بس تنخه يحضر
باب الحوائج. موسى بن جعفر
٠٠٠٠٠٠٠٠٠٠٠٠
موسى بن جعفر عظيم المنزله
اباب صَحنه تنحل اعظم معضله
زور يالمحتاج وتوجّه اله
گبل ما تنخه يگلّك يا هلا

حَل الشدائد. بس هو يگدر
باب الحوائج. موسى بن جعفر
٠٠٠٠٠٠٠٠٠٠٠٠
كل مريض مأيّس وضايع دواه
خل يجي للكاظم ويطلب شفاه
يشفه من يشتم عطر گبره وهواه
وما يخيب الّلزم شبّاچه ونخاه

يكرم ضيوفه. لا ما تعذّر
باب الحوائج. موسى بن جعفر
٠٠٠٠٠٠
هذا موسى الرافض الذل والخنوع
زور يا زاير ضريحه بكل خشوع
وذكر مصابه وعليه اجري الدموع
باجر بگبرك يحوّلهن شموع

أدّيله حقّه. من تعرف اكثر
باب الحوائج. موسى بن جعفر
٠٠٠٠٠٠
موسى نور الله الصراط المستقيم
مثل جده حسين عند الله عظيم
ما يرد محتاج والعنده مقيم
طوف يالزاير ودك باب الكريم

بچفوفه ينطي. شما تنخه اكثر
باب الحوائج. موسى بن جعفر
٠٠٠٠٠٠
احنه خدام الامام وشيعته
عالوعد كل عام نحيي زيارته
جتمعت الزوار كلها ابحضرته
جينه هالليله نشيع اجنازته

نشفي بدمعنه. چبده التوذّر
باب الحوائج. موسى بن جعفر
٠٠٠٠٠٠
وين هارون وقصوره ودنيته
خل يجي يشوف السجين وگبته
موسى بن جعفر ملائك خدمته
گبره عالي وبالسمه ترف رايته

والينتميله. رابح ميخسر
باب الحوائج. موسى بن جعفر

سيد زيد الفحام
~~~~~~~~~~~~~~~~~~~~~~~~~

موشح للإمام موسى بن جعفر عليه السلام

وين عن موسى بن جعفر شيعته
ليش ما حضرت تشيل جنازته
٠٠٠٠
ليش ما حضرت تشوفه بيا وضع
امگيّد ودم الجرح ما ينگطع
ميت ومسموم چبده المنصدِع
لا أهل لا من عشيره الحضرته
٠٠٠
لا أهل لا من عشيره التنتفض
جنازته المطروحه ظلت عالارض
نادوا عليها بحقد أهل البغُض
مات امام الرافضه وما شالته
٠٠٠٠
مات امام الرافضه صاح اللعين
السندي بن شاهك على موسى الحزين
آل هاشم عن ابنهم موسى وين
ليش ما حضروا لموسى ابغربته
٠٠٠٠٠٠
ليش ما حضروا لموسى المنسجن
مات مسموم وجرح گلبه الحزن
خلص عمره لهله ولبيته يحن
بسجن تحت الكاع تهمل دمعته
٠٠٠٠٠
بسجن تحت الكاع عاش بلا ضوه
كل وكت مخنوك صدره بلا هوه
امگيّدينه بسلسله وبيها انچوه
لحدما مات الامام ابحسرته
٠٠٠٠٠
لحدما مات الامام ابن النبي
بسجن هارون اللعين الناصبي
مات مسموم الغريب الطالبي
بأمر من هارون سمّو چبدته
٠٠٠٠٠٠
بأمر من هارون شالوه للجسر
حجة الله موسى بچفوف الأسر
حقد ابن شاهك مثل حقد الشمر
ما رحم حال الامام ابمحنته

سيد زيد الفحام
~~~~~~~~~~~~~~~~~~~~~

ابوذيه 

وحق رب العرش وليل ونهار
ذاب القلب مثل الشمع ونهار
عالكاظم دموعي سيل ونهار
تجري بالقهر حد المنيه

ااخاود ااحسيني
نسالكم الدعاء

🚩ابوذيه🚩

مايبرى الجرح اليوم لاهل
مقيد بالسجن لا ولد لاهل
يحرق الجفن الدمع لاهل
على المسموم الونه خفيه


*الخلود الحُسيني*
*نسألكم الدعاء*

نزله للكاظم ( ع )


حضرت الزهره بدمعها
ويلي يامسموم
نـادت ولـزمت ضلعهـا
ويلي يامسموم

1

حضرت اتشيع الكاظم والدمع فوگ الوجن
شافت اجنازة ابنها طلعوها من السجن
گعدت بحسرتها تبچي تنحب بدمعه وتون
ياهو مثل الزهره ياهو شافت آهات ومحن
تنادي والعالم سمعها
ويلي يامسموم
نادت ولزمت ضلعها
ويلي يامسموم
2

نادت بدمعتها نادت ابني سمو چبدته
شافته بوسط الجنازه غيره تنضح جبهـته
حنت اونت الزهره من ابنها شافته
على الكاظم ابني ويلي خل تنادي شيعته
الزهره هـنيالـه التبعها
ويلي يامسموم
نـادت ولـزمت ضلعهـا
ويلي يامسموم

3

وين شيعتنه تنادي خل تجي بدمع الصبر
انشيع اوليدي بدمعنه والجنازه اعله الجسر
والي يلطم والي يحضر بيدي اوقع عالآجر
وعهد انطي للي يخدم احضر وياه بالگبر
تحلف بـربها الـرفعها
ويلي يامسموم
نادت ولـزمت ضلعها
ويلي يامسموم
4


ماتعوف الزهره ابنها تحضر وتوصل اله
تجي تنوح ويمه تنحب ودمعه عالخد هامله
وعلى الكاظم تبچي گامت وللابن تتأمله
تصيح كلها اتهـون كلها بس مصيبة كربله
حسين ومصابه الفجعها
ويلي يامسموم
نـادت ولـزمت ضلعهـا
ويلي يامسموم
5

تصيح يابو الرضا وينك عفت أمك بالدمع
بالسجن خلصت عمرك يبني هذا بيا شرع
الـطاغي راد بسمك انته گلب أمك ينفـجع
مدري انوح انه الچبدتك مدري انوح اعله الضلع
الباب ملعـون الـدفعها
ويلي يامسموم
نادت ولـزمت ضلعها
ويلي يامسموم





لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

نزله للكاظم ( ع )


حضرت الزهره بدمعها
ويلي يامسموم
نـادت ولـزمت ضلعهـا
ويلي يامسموم

1

حضرت اتشيع الكاظم والدمع فوگ الوجن
شافت اجنازة ابنها طلعوها من السجن
گعدت بحسرتها تبچي تنحب بدمعه وتون
ياهو مثل الزهره ياهو شافت آهات ومحن
تنادي والعالم سمعها
ويلي يامسموم
نادت ولزمت ضلعها
ويلي يامسموم
2

نادت بدمعتها نادت ابني سمو چبدته
شافته بوسط الجنازه غيره تنضح جبهـته
حنت اونت الزهره من ابنها شافته
على الكاظم ابني ويلي خل تنادي شيعته
الزهره هـنيالـه التبعها
ويلي يامسموم
نـادت ولـزمت ضلعهـا
ويلي يامسموم

3

وين شيعتنه تنادي خل تجي بدمع الصبر
انشيع اوليدي بدمعنه والجنازه اعله الجسر
والي يلطم والي يحضر بيدي اوقع عالآجر
وعهد انطي للي يخدم احضر وياه بالگبر
تحلف بـربها الـرفعها
ويلي يامسموم
نادت ولـزمت ضلعها
ويلي يامسموم
4


ماتعوف الزهره ابنها تحضر وتوصل اله
تجي تنوح ويمه تنحب ودمعه عالخد هامله
وعلى الكاظم تبچي گامت وللابن تتأمله
تصيح كلها اتهـون كلها بس مصيبة كربله
حسين ومصابه الفجعها
ويلي يامسموم
نـادت ولـزمت ضلعهـا
ويلي يامسموم
5

تصيح يابو الرضا وينك عفت أمك بالدمع
بالسجن خلصت عمرك يبني هذا بيا شرع
الـطاغي راد بسمك انته گلب أمك ينفـجع
مدري انوح انه الچبدتك مدري انوح اعله الضلع
الباب ملعـون الـدفعها
ويلي يامسموم
نادت ولـزمت ضلعها
ويلي يامسموم





لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

ميمر بحق الامام للكاظم (ع)



باب الشرف اعظم شرف
گلبي اغتنم منها وغرف
من عندي حاجه اتعناك يالكاظم وتگضيها

1

بابك يبو الحاجات متخليني
واگف وحاير بالعجل تنطيني
تترسلي مو بس ايدي تترس عيني
ولهذا شوگي البابك ايوديني
لا مو وهم باب الكرم
ماخاب من دگها وسلم
بابك اشتحمل آثار بس الله يعلم بيها

2

هالباب باب المكرمه والعفه
للبيه علل من عدها ياخذ وصفه
بس يمسح اباب الكريم ويشفه
يرجع البيته مطمئن ويغفه
الكلمن وصل يشفي العلل
مضروب بالكاظم مثل
اعظم طبيب ابغداد كل العلل يشفيها
3

امجربها اني وانته جرب زوره
امخلي العطايه غايته ودستوره
باب الحوائج موسى هذا ونوره
بغداد بسمه اتسمت ومعموره
اگصد اله بأي مسأله
مايرد حاشه سائله
اعقدها روح بأخلاص والنيتك صفيها

4

لمن تروح اتزوره صفي النيه
كل الحوائج عنه ما مخفيه
اقسملك اني بزينب المسبيه
من عنده ترجع حاجتك مگضيه
سور وحمه من الضمه
بس حلفه انته بفاطمه
تاخذ الحاجه ومسرور وبأيدك ايخليها

5

اگصد البابه وروح شم اترابه
واسجد بنيه خالصه اعله اعتابه
اتوجه بگلبك واحسب انته احسابه
وصب الدموع وصيح عندي اطلابه
يمه الامر بعد العسر
من عنده ترجع باليسر
تاخذ الحاجه ومسرور سهله والك ينطيها

6

مايرد طالب حاجه والگاصدله
بخالص النيه كلمن اليوصله
ياخذ الحاجه وحاشه لا ميفشله
راعي الكرم معروف هوه وأهله
كلمن وصل يلگه الامل
امجربين كل هذا العمل
بس مره وحده اطلب شوف والطلبه ميثنيها




لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

نزله للامام الكاظم (ع)



گبتك يابو الصبر
كعبه صارت مو گبر
انطوف بيها
انطوف بيها
١

احنه ماشفنه وقرينه مثلك شلون
الدنيه كلها اتهابه كلها وهوه مسجون
عالمنايه امعلم انته وهمه يدرون
اشگد فرق بينك يموسى وبين هارون

من نشاهد گبتك
لو دخلنه بحضرتك
انطوف بيها
انطوف بيها
٢

گبتك كعبه وتطوف الناس بيها
الله خله الگبه والوادم تجيها
يلي تسأل على الگبه وشنهي بيها
راية العباس واترفرف عليها

سجنك اتحول وطن
وگبتك جنة عدن
انطوف بيها
انطوف بيها
٣

سجنك اتحول ملاذ وتعتني الناس
بي ملائكة العرش متوكله حراس
افرض وگلنه سجين شلون تنقاس
احنه ماشفنه سجين ايوزع احساس

جنه وامصورينها
گبه ومخلينها
انطوف بيها
انطوف بيها
٤

رغم مامسجون عينك عالبرايه
من تمد چفك بسجنك بيها غايه
عالبعد وايفيض خيرك بالعطايه
انته آيه وابن آيه وأبو آيه

گبتك منعوفها
كعبه من انشوفها
انطوف بيها
انطوف بيها
٥

انطوف احنه بصحنك وناخذ تحيه
ومن يسألونه نجاوب جعفريه
انحلفك احنه بزينب الراحت سبيه
امراد جينه ناخذ بهاي المسيه

نعتني وفايه
بگبتك والرايه
انطوف بيها
انطوف بيها
٦

هذا عهد الخدم والقائم يسمعه
مانعوفك عهد والدربك نتبعه
ياحليف السجده احنه وليك ننعه
نبچي كلنه اعليك دمعه بأثر دمعه


الگبتك مشايه
نعتني بالرايه
انطوف بيها
انطوف بيها





لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

(يا باب الحوائج)


فـوك الـجـسـر يـاشيـعـه    مـحـد حـضـر تـشـييـعه
الكاظم وحيده اجنازته    مـاكـو عـشـيـره الشالتــه

.               .              *---------------*---------------*

مــاكـو أهــل يـمـه وأجـت تشيله
بـيـن الـعـده ومـحـد رفــع عويله
فـوگ الـغـرب والـسـم مــرد دليله
يحجي الحزن عن قصّته الطويله

      هـاي الـسـنـن والـعـاده  
      الـمـيـت تـشيـله أولاده
      ضـل الغـريب بحسرتـه

.               .              *---------------*---------------*

نـعـشـه بـقـه بـغـربـه وثكل حديده
ياهـو اليـشـيـلـه وكـل هـلـه بـعيده
مرضوضه ساگه وجامعه اعله أيده
هذا الورث سجدت علي الصـمـيـده

       يـبـچـي الحديـد الحاله
       والــسـم مـــــرد دلالـــه
       بسجنه النواصب سمّته

.               .              *---------------*---------------*

الميت تجي وتحضر أله الـعـشـيـره
وفوگ الچتف يحله النـعش مسيره
وجنازة الكاظم بقت صعبه وچبيره
يضج بالعويل الحالته لبگلبه غـيـره

        بساگه الحديد وبيده
        أهله وعمامه أبعـيـده
        تدمي النواضر قصته

.               .              *---------------*---------------*

ساگه وصـل گيد العده العـظـمـهـه
الكاظم صـبر وشگد مـحـن کظمهه
أتگطع الگلب قصته وجرح هظمهه
صـبّـت عـلـيـه اهـل الحـقـد ظلمهه

         تجري الغيور عيونه
         بس اربعه أيحملونه
         بحزانه مات وغربته

.               .              *---------------*---------------*

مـات بسجن بين العده ضـحـيـه
وذاك الوكت مـحـد نـصـب عزيه
يـم الجـسـر ضـل النـعـش رميـه
فجعت تـره أمـلاك الـسمه الرزيه

       الليله فاضت روحــــه
       مات وبعدهه اجروحه
       حـيـل الـسـلاسـل أذته

.               .              *---------------*---------------*

أتحمله بس هل أربعه عجيبه
وين الرضا يحظر الـه بنحيبه
ليش الجنازه أبلا اهل غـريبه
ماكو بجي وواحد رفع نحيبه

      وحده وبعيده أدياره
      وين اليوصل أخباره
      هيچ المصايب خلته

.               .              *---------------*---------------*

✍ خادم موسى بن جعفر ع
الشاعر رعد الجريخي

على لحن يخيمات //ع


يمسموم چــبــدك لـيــش يتگطع يمسموم
وانــت الــوحــدك يــالــوالــي مــهــضــوم
والله لــشــيــعــتــك زيـّـــــدت الــهــمــوم

                   *--------------*---------------*

ابچي لمصابك بالحزن وفيض الدمع تجاره
بطاموره ظلمه تعذبت ليلك مــثــل نــهـاره
تتنطر لمــوتـك يــجــي ويــن اهلك الغياره
صعبه اليموت بغربتـه ومــحــد يمر ديــاره

    العتاب شيفيد الـزمان اوْيــاه العتاب
    خــلاك بــحــزن عينك عــلــى الـبـاب
    اهلك مــا تــجــيــك وكــلــهــه غياب

                   *--------------*---------------*

چبدك تگطع سيدي بسجن العده وضلامه
اليحتضر باخر نفس تحضر هــله وعمامه
هــــذا الينوح بفرگته وذاك بــدمــع كلامه
وانت الوحيد بغربته صــار الصبر وسـامه

  يگولون غريب الوادم وتصعب يگولون
  بــحــضــان الاجــل وتْــديــر العــيــون
  چــانــت مُــنـْـيــتَــك اهلك يحضــرون

                   *--------------*---------------*

بحزنك بقيت ومحتسب وهضم الزمن رهنته
يالعاشرت سجن الظــلـم واتحملت غـربــتـه
گــيـد الحديد الگيدك باصعب وضـع حملتـه
القــدوه صـرت الشيعيتك والهالدرب رسمته

    يعاديك ليش الظالم بحقده يعاديك
    والسجن السجن ظــلـمــاً يـــوديــك
    يــعــرف هــيــبــتــك واكثر يـأذيـك

                   *--------------*---------------*

اليقترب منه الاجــل عطف الـولـد يريــده                  
ابنه اليغمضله الجفن ويوسده اعله ايــده
شحال القيود الأذته وينظر بقه الحديــده
ياهو اليخفف لوعته وعنه الاهــل بعيــده

   بالدموع اليمه احباب يتغسل بالدموع
   واتــشــيــعــه الغــوالــي ابين الجموع
   وبليلة وحـشــتــه تــشــعــل شــمــوع

                   *--------------*---------------*

نعشك وسف يين النبي محد اجـه ويشيله
وين الصميده ويحضرك دمع الجفن يسيله
خلصت حياتك بالسجن صــبرك منو مثيله
حزنك كظمته بداخلك مــاكــو ابــد وسيله

    يمولاي نارك هـــاي مـــا تطفه يمولاي
    لـــهـــبـــت بالكلب ومعاشره احــشاي
    لمصابـك امـــوت وتجري عـــيـــنـــاي

                   *--------------*---------------*

الليلة مفجوع الفلك بأصعب واشد رزيه
نعزي طه وحيدره وننعه النعي الـــزجيه
بثقل الحديد اتشيعت وانت اكـرم البريه
ضلت دموع الرافضه فوك الجفن جــريه

   علامات تركت بالوجه والخد علامات
   شيعوك الـــغـــرب مـــو مثل الاموات
   شـــيــرد الــزمــان ويــرجــع الــفــات

                   *--------------*---------------*

✍ خادم موسى ابن جعفر ع
    الشاعر رعد الجريخي

*بمناسبة مولد العباس*
*عليه السلام*
🕊🍃🕊

انوار شعت للگمر ياناس
طاب الشعر المولد العباس

🕊🍃🕊

سبحان رب الصوره سبحان
زهرة ربيعه في وسط ريحان
عالي شموخه من بني عدنان
في مولده رشو الورد والياس

🕊🍃🕊

هنـو الحره الـبطل ميـلاده
راعي الشهامه صارت اعياده
شبل الوصي ذكروها امجاده
غيرة الباري صاحب النوماس

🕊🍃🕊

سوو هلاهل يل تحبونه
وجهه قمر ومكحله اعيونه
هذا بوفاضل يل تعرفونه
الجود بيده ابد ماينقاس

🕊🍃🕊

شمعة فرح علقوها هالليله
اشرق جماله وضوه قنديله
يسبح الباري ويبدي تهليله
أهلاً هلاهل بالگمر عباس


*الخلود الحسيني*
*نسألكم الدعاء*


https://t.me/khdmat

*بمناسبة مولد الامام علي*
*عليه السلام*
🕊🍃🕊

*فرحانه /شيعتك يالولي*
*نشوانه / بمولدك يالغالي*
*ياولي الله _ ياحبيب الله*

🍃🕊🍃🕊

شعت انوار الحقيقه بمولدك ياحيدر
كعبة الله جدارها انشق ابد مايتستر
دخلت امك ابمهابه تمشي ماتتعثر
تدعو الله ابجلاله الشده ماتتعسر

*فرحانه /بمولدك يالغالي*
*نشوانه / الطلعتك يهلالي*
*ياولي الله _ ياحبيب الله*

🍃🕊🍃🕊

ساجد اتسبح الخالق ياعلي مولانه
آية الباري العظيمة شعت ابرهانه
شرفت انت حرمها والسمه وجنانه
وزانت الدنيا بوجودك غردت ويانه

*فرحانه /بمولدك يالغالي*
*نشوانه / والذكر يحلالي*
*ياولي الله _ ياحبيب الله*

🍃🕊🍃🕊

انا وي حبك ادور بعالم الوجداني
انت بالبيت العتيق مولد مالك ثاني
والله حيرت العقول وحار بيك لساني
يانسيم الشوق انت موطني وعنواني

*فرحانه /بمولدك يالغالي*
*نشوانه / بيك راسي عالي*
*يا ولي الله _ ياحبيب الله*

🍃🕊🍃🕊

انولد سر الآله الغامض ابمضمونه
والحواري درب فاطم ورد إفرشونه
الشمس اليوم غارت من جمال عيونه
هالله هالله شهالولاده مباركة وميمونة

*فرحانه /بمولدك يالغالي*
*نشوانه / ونشرح دلالي*
*ياولي الله _ياحبيب الله*



*بقلم الاخوات*
*عاشقة الولايه*
*و _ ام اباذر السكيني*
*نسالكم الدعاء*

https://t.me/khdmat

في ولادة سيدنا ومولانا الإمام محمد الباقر عليه السلام...


ياسيدي الباقر
لك شيعي متفاخر
خالقني لك ناصر
ربي ابعطا احمده
✨✨

مولدك ثورة علوم المصطفى
مولدك آداب وأخلاق وفا
مولدك خير وسعاده نوصفه
باقر اعلوم النبي والمعرفه

شمعه لها الظلمه
توقي من العتمه
المؤمن هذا حلمه
الدرب النبي اتردّه
✨✨

بالولاده آل الرسول استبشرت
الوالدك زين العباد انت صرت
الحسن وحسين جدينك شفت
كم إمامي في قدومك افرحت

جيْتك لها بُشرى
نجل انت للأُسره
محيي انت بالنظره
دين النبي بعده
✨✨

بالنظر من نشأتك ياسيدي
جيت وشفنا بينا علمك مبتدي
هادي في جوف الليالي والدي
كل شي يصدر منك احنا نقتدي

الخافي لنا بنته
قدوه لنا أنت
كل معتثر عنته
عكازه له اتسنده
✨✨

جيت لدنيا علاج المُعضلا
تدري چنّك بلي يجري بالملا
امصلح اوضاع العباد امعدّلا
وسيل أفكار الضلاله شايله

واضح لنا دربك
أبمشيّك وخطبك
مجنون انا ابحبك
ودلاّلي لك ودّه
✨✨

كم وكم جدك نبينا الهادي وص
لك يابوالصادق سلامه الحار وخص
وجابر الأنصاري بوصاته حرص
ليمن ابتبليغك المخلص خلص

مبسوط من جهدك
مولانا في عهدك
دين الأبي ردّك
علمه الملا اتمدّه
✨✨

فقه وتوحيد وعقائد علّمت
ناس وهالناس الها هم ناس اَبلغت
شفتها عن دين خالقها غدت
وكيف ترْجعها الأصلها ركزت

امفسّر كتاب الله
وموضّح الجُمله
للفهمه بي علّه
مولانا له ورده


✍️
علي الأحسائي
غرة رجب ١٤٤٦هـ

صفار الگاع اطل مابيها خضره
وأشار ابأصّبعه والگاع خضره
وإذا ابسفره يرى مليانه خضره
منو ابن الجواد الهادي ليه


علي الأحسائي

نشر لال النبي الباقر علمها
ورفع من بعد تنزيله علمها
العقيده السنعه فهمها وعلمها
الصحيحه الناس بعلومه المضيه

✍️
علي الأحسائي

سفينة النجاة:
في ميلاد سيدنا الإمام علي الهادي عليه السلام...

حبل امامي ياعلي الهادي لفيت
لامّته جدك من العثرات اجيت

نور بالأصلاب كنت الشامخه
وطهر الارحام ابقدومك بالسخه
ماي لنـار  العليها  نافخه
وحبل للمتمسك ابطرفك قريت

وسيدتنا امك سمانه جابتك
ابيوم ثاني من رجب بولادتك
وفي المدينه ابقريه ساعة نشأتك
عمّت الفرحه على بيتك رأيت

والدك فرح الجواد ابهالخبر
وبلغ الشيعه ابقدومك بالحذر
هذا من بعدي يحل ليكم ذخر
الأمام اللي عليكم لا مضيت

الهادي من بعدي وجواب المسئله
مسئله العنده ابغيابي يسئله
أبني حلال اللي عنده مشكله
ونور في الغمرات هذا لاغديت

يوم مولايه مبارك للبشر
نحتفل لو آخر ايام العمر
أبمولدك يابالحسن ثمر وزهر
عمر أكثر في قدومك كم عطيت

نبض هالكون انت مولايه علي
الولي اللي بعد مولايه الولي
عاشر اليمه الفرض ربي ابهلي
طاعتك والنهي بينا لانهيت

انعايدك باليوم ياراعي الفضل
ونجمع الزينه ابميلادك نحتفل
يوم رحمه وخير بنوارك وصل
يوم ميلادك علينا من ضويت

✍️
علي الأحسائي
رجب ١٤٤٦هـ

بولاية علي اعله الوادم. علينه
سند لو ضاگت الدنيا. علينه
الماعدهم علي يشبه. علينه
ايغارون من عدنه خطيه

ام اباذر السكيني

العطش يا عباس زينب نادتك
               كوم جيب الماي ورفع رايتك

   كوم ياجيدوم           هدنه ماكو اليوم

         هاي زينب كصدتك وتعنتك

.           **1


      كوم ياعباس يابو المرجله
    ياشبل حيدر علي بكل معضلة
    كوم رد الجيش ذيله على اوله
      كوم رد الكوم زينب نادتك

  و المناية تحوم            كوم ياجيدوم

        هاي زينب كصدتك وتعنتك

.           **2


    كوم يا عباس مض بينا الضمه
   ويبست الكاع ونشف وجه السمة
       كوم لعيالك تراهي معلمة
    تشرب الماي وتعيش بهيبتك

   ولا تذلها الكوم            كوم ياجيدوم

        هاي زينب كصدتك وتعنتك

.           **3


      روح للميدان ياراعي العلم
   وخلي سيفك يشبع من الركب دم
     كوم يا بو الزود يا راعي الشيم
      كوم راويها المناية الكصدتك

  اليوم كسر خشوم        كوم ياجيدوم

       هاي زينب كصدتك وتعنتك


.           **4


     كوم ياعباس يابو الموزمة
  كوم خلي الكاع تصعد على السمة
    كوم موت الموت خط الخاتمة
    ماتت كلوب الزلم من شافتك

  حط عليهم وحوم       كوم ياجيدوم

       هاي زينب كصدتك وتعنتك

.           **5


     كوم شمرة حيدرة وجف النزال
    كوم خلي رجال تختل بالرجال
   كوم رد جموعهم وسوي المحال
   وخلي جيل الجيل يسمع عملتك

   يومك انته اليوم        كوم ياجيدوم

       هاي زينب كصدتك وتعنتك

.           **6


   طب عليهم موت قدحان الحصد
     واليجيك يشوفة ما يندل يرد
     يا سليل الزود يا راعي المجد
     فوك تل الروس رفت رايتك

   موتهم محتوم          كوم ياجيدوم

      هاي زينب كصدتك وتعنتك

.           **


علي صيوان التميمي

مولد الامام علي ع

گلبـي شمسويله ـ ياعلي
اوياك يسهر ليله ـ ياعلي
گلبي مجنون بغرامك وأنت جننته
🌷🌷🌷🌷🌷

يالملكت اگليبي كله وصـــــــرت نبضه
اســــــــــمك اتوضـه وجـوباً يله الفضه
انتــه قــرأن الحكــــــــيم وانتــه فرضه
كل حديث ايخص حياتك گمت احفظه
يالشغلت اذهاني ـ ياعلي
مذهـبي وقرئآني ـ ياعلي
گلبي مجنون بغرامك ونته جننته
🌷🌷🌷🌷🌷

انته ممـــلكة العواطف والمشـــاعر
كثر مابيك انه مغرم صرت شاعـــر
صـــورتك مرسوه بعماق النواضــر
عالمنـصه اتباهه بيـــك وعالمنـــابر
فرحتك نحييها ـ ياعلي
الفاطمه نهديها ـ ياعلي
گلبي مجنون بغرامك ونته جننته
🌷🌷🌷🌷🌷

استبشرت بيــك الانس والجـان كلها
مـولدك فـرحه وابـد ما صــــح مثلها
لايگــه الكعـــــــبه عليــك ولايگ الها
هالكـــــــرامه بس الك ربـك جعـــلها
وحدك انته اختارك ـ ياعلي
وبـارك  بـأنـــــوارك ـ ياعلي
گلبي مجنون بغرامك ونته جننته
🌷🌷🌷🌷🌷

والله احلى امن الشهد اسمك قريته
مــركز اگلوب البشــــر حبــك لكيته
مولدك شع بالســــمه وبالگاع صيته
العلي حبـــك يا علي ونطــــاك بيته
الك فاتــح بابه ـ ياعلي
انته اعز احبابه ـ ياعلي
گلبي مجنون بغرامك ونته جننته
🌷🌷🌷🌷🌷

الك بيت الله انفتح ونشق جداره
وبقــدومك رحب وســرفن ستاره
هلهلن بالفرحه اجن مريم وسـاره
يا وليد الكعبه انته اجمل بشــاره
اتشـرفت بقدومك ـ ياعلي
يالعظيمه اعلومك ـ ياعلي
گلبي مجنون بغرامك ونته جننته
🌷🌷🌷🌷🌷

ياهو قبــلك لقبوه ابحـــامي جـاره
ومــــــن يقــرر ربك يأيــد قـــراره
ياهو غيـــــرك ثبـت الديـن ابفقاره
ابكلهن اول يا علي ونلت الصـداره
انته آيه ورايه ـ ياعلي
والامل والغايه ـ ياعلي
گلبي مجنون بغرامك ونته جننته
🌷🌷🌷🌷🌷

    الخادم
كامل السعيدي

*بشان وفاة ام البنين*
      *عليها السلام*

      🚩🚩🚩

*ماتت بحسره ثجيله ام البنين*
*نار تسعر بالگلب لذبحت حسين*

*وين عباس إيحضرها*
*ينزل الجثه ابگبرها*

*ماتت بحسره ثجيله ام البنين*

&&&

بالله ياناعي الحزن خبر العباس
گله امك رادتك تفزع ويالناس
والجنازه تشيله بيدك ينوماس
بالگبر اتهل تربها وتلطم الراس

*تصيح والدمعه جريه*
*امي راحت هالمسيه*

*ماتت بحسره ثجيله ام البنين*

&&&

ظلمه صارت المدينه من فگدها
چان مُنيه تريدها يحضر ولدها
يجذب الونه وينزلها  ابلحدها
ينصب الماتم وينحب من بعدها

*ياوسف ام الشفيه*
*بلوعه ماتت الوفيه*

*ماتت بحسره ثجيله ام البنين*

&&&

ماتت ام البنين الضحت بالاحباب
وعينها ماغمضت الا بـالمصاب
الجرح ينزف دِمه للموت ماطاب
شالت الحره الحزينه جوه التراب

والسهم صوب الدلال
*المصيبه اتهد الجبال*

*ماتت بحسره ثجيله ام البنين*

&&&

گضت ايام العمر تبجيله  بالنوح
الف موته اتموت من تذكر المذبوح
وليلها اصبح ظلام وتشعب الروح
للرزايا الي جرت الدمع مسفوح

*ضاگت الارض الوسيعه*
*وحلت اليوم الفجيعه*

*ماتت بحسره ثجيله ام البنين*


*الخلود الحسيني*
           *نسالكم الدعاء*

بهذا الطور




https://youtu.be/JIF23aZNmbg?feature

يابو صالح.. جدك الهادي رحل
يابو صالح.. الليله وافاه الاجل
نور ورحل من السمه
عاشر گمر من فاطمه

~
اليله سـامـــره مـــعالمها حزينه
مثلما حزنت على جده المديــنه
زغرت الفرحه وكبر كلش بجينه
الليله كل خادم تشوفه حمره عينه

والمدامع.. ماتكف لمــــصيبته
والمدامع.. اليله تجري الغربته
الله يلعنه السممه
عاشر گمر من فاطمه

~
ايعظم المعبود اجرك يابو صالـــح
يالجبت عمرك على اجدادك نوايح
الهادي لحضان الـمـنيه اليله رايح
الحزن صار ابـعينك الحلوه ملامح

ابيا ثنيه.. اليله ناصب فاتحه
ابيا ثنيه.. هالمصيبه الراجحه
يالمهجتك متألــــــــمه
عاشر گمر من فاطمــه
~
بالكتل والسم گضو اهلك يغايـب
وشكبرها امصيبتك يبن الاطايب
اتكابر ويوم الفرج عينك تــراقب
ليمته ابـــــثارك يبو صالح تطالب

والنواظر.. تاتنتك يبن الحسن
والنواظـر..والله بغـيابك عمـن
الحگ لابن حامي الحمه
عاشرگمرمن فاطمه

~
كل حياته الهادي يـوصي بــــالزياره
ودمعته اعلى حسين من توكع مناره
چان واضـح للبـشر نـهجـه وشعـــاره
القدم ايــده ورگبتــه لامـــو خساره

هالزياره.. واجبه وماتــنـگطع
هالزياره.. الشيعه بيها تجتمع

بيها مــــهجنه هايـمه
عاشر گمر من فاطمه

~
ابيته مات الهادي كل اعيالـــــه يمه
والــحسن مـــتــكفل بهاي الـمـهـمــه
مااجته اخيول عشر اتدوس جسمه
احسين واصل للخيم طشار دمـــــه

بالحوافر..ضــــهــره وي صدره انطبگ
بالحوافر..كلشي بالــــــطف انـسحــگ

مات الفديناه بالدمه
عاشر گمر من فاطمه
~
صح علي الهادي بقه ابمحنه چبيره
لاچن التشـييعه فــــــزعتله عشيره
احسين يامولاي شالـوه ابـــحصيره
والاميره للــــقــــصر طبـــت اسيـره

واليتامه.. يسروها ابلا ولي
واليتامه.. كلها تندب ياعلي
اوياهم الدنيا ظالمه
عاشر گمر من فاطمه
~
حيدر بشار الدراجي

الامام علي الهادي (ع)




بجمر الاحزان انادي       
ونصب دم اعله الهادي
يامظلوم                      
يامسموم


بدمع هالليله من دم ننزف وننعه
وعالخدين تجرح تنزل الدمعه
هالليله بمصابك كلها منفجعه
وتنوج ويانه كلها وتنحب السـبعه
ونصيح بجمر المدمع                 
يالهادي وانته التسمع
يامظلوم
يامسموم


يضل جمر الحزن يالهادي سلوتنه
وعلى مصابك نون وشلون ونتنه
نفت حتى الصخر من نون عادتنه
نحبك والمحبه انهيم خلتنه
انحبك محد يمنعنه                    
وانريد الكل تسمعنه
يامظلوم
يامسموم


الك يابو الحسن هالدمعه نجريها
ومانگدر بعد هالدمعه نخفيها
ندري الدمعه من تنزل امسجليها
لأن امك الزهره تحتفظ بيها
هيه امكلفه بهل دمعه             
وهاك اسمع صوت الينعه
يامظلوم
يامسموم


اللك يالهادي ننحب والدمع طوفان
وهالليله بمصابك كل گلب حزنان
يابو العسكري نحچيهـا وبأيمان
المايهواك دنيه واخره خسران
هاك اسمع صوت احبابك         
تناديـك بيـوم مصابـك
يامظلوم
يامسموم



من جرح المصاب البينه ضل يكبر
تشب نار بدليل احبابك وتسعر
من كل النواصب كل گلب كبر
سالم مرقدك من عين كل الشر
گصده الناصب يجرحنه
وانوح بعبره وصحنه
يامظلوم
يامسموم

  
بگلوب التحبك حاضر المشهد
وانادي بجرحنه وكلها خل تشهد
المثل الهادي واجـب كون يتخلد
لان محد يشبه بالبشر محد
يالهادي انصيح بعـبره             
تسمعـنـه انريد الزهره
يامظلوم
يامسموم







لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

#نعي

تانوني يالنعش امي شلتــوه
اجلو الدفن وبحضني بيتوه
گلبي التگطع كون شفتوه
عني النعش جا ماخذيتـوه


كون التموت امه بجي يموت
ويثغب لحد مايگطع الصوت
مو بالجنازه يروح زاتوت
يطلع وياها بفرد تابوت


هاي امي هاي الدللتني
ام الوفه الما مزعلتني
خلوني احاجـــي اليتمتني
ليش ارد اگلها امفارگتنــي

خلوني اشبع نوح واونين
ليش بدفنها مستعجلين
اوياها گضت خطفه اربع اسنين
ماتت ودمها اعله الحياطين

خلوها يمي وشيلو البـــــاب
لو شفته گلبي يصير عطاب
كلما اصدله والگه الخضــاب
بالصوّب امي بگلبي انصاب



ونسألكم الدعاء
علي محسن الزيادي

#نعي

بسكوت تجري الدمعه بسكوت
يمه اعله طولج ماكو تابوت
وامنين طب البيتنه الموت
مو بيت والله نهجمت بيوت


كسر الضلع هد حيلج اهواي
زينب اخلافج فگدت الراي
بدموعي اغسلج موش بالماي
يالزهره لعمي اعليج عيناي


الظالم اجه ابناره تلگاج
و بقوته اعله الباب دفعاج
عالمحسن تونين خلاج
ليش اعله خدج حيل سطراج

للمكبره ودونه ليها
امنه ونريد نون عليها
اليوم المحنه دافنيها
جم يوم صار امفاركيها

الشاعر تحسين الخفاجي

نعي جديد بحق الزهراء عليها السلام

عندما خرج الامام علي عليه السلام لغسل الزهراء عليها السلام و وضعها على صخرة المغتسل وشاهد ما جرى عليها كأني به يقول


ما بين ادية .. شلتچ يم حسن ما بين ادية
كون المنية .. تلفيني بعجل كون المنية
يصعب علية .. وداع الغالية يصعب علية
متنة سوية ... اتمنى لون متنة سوية
=======================
چانت على البال .. اغسلنچ فلا چانت على البال
وياچ تنشال .. لكون جنازتي وياچ تنشال
للروح چتال .. يفگد ام الحسن للروح چتال
للموت همال .. الچ دمعي يضل للموت همال
======================
مكسور ضلعچ .. كسرتيني شفت مكسوز ضلعچ
ايسل دمعچ .. اشوفچ يالحنينة ايسيل دمعچ
اشلون اودعچ .. محتار بوداعي اشلون اودعچ
ما بية ارفعچ .. من المغتسل ما بية ارفعچ
======================
اسالكم الدعاء رائد الاسدي

عمه وين گبورهم دليني
       ذاب گلبي من البعد تدريني
             ____   
     عمه مشتاگه ارده اشم ترابهم
         عمه گلهم عودو غيابهم
       بلكي يتلگون ضعن احبابهم
         عمه يم گبورهم وديني
            ____
    عمه گل للحادي خل يسرع تره
    ارده اشوف العفته نايم عالثره
   ارده اطش روحي شمع عالمگبره
     وارده اوزع عالگبور سنيني
           _
     وين ياسجاد گبر بن أمي وين
    عمه دليني عله ابو گلب الحنين
     لو دره يم الگبر زينب حسين
      ينفض ترابه ويگوم حسيني
             ____
   عمه اخذني وياك يم صوب النهر
      عمه عندي مناشده وي الگمر 
     ليش لمن ضربو اخته ماحضر
       ليش امشي ميسره يخليني
          _
    ارده اناشد كافلي وسمع جواب
        ابتدي وياه وبهيده العتاب
       يدري للديوان رباة الحجاب
        طبن وآنه العده مچتفيني
            _
       هاي رمله يم گبر جاسم تريد
      تريد تحضر زفة الغالي الوحيد
       تگله صارت حنتك دم الوريد
       ياحلم مذبوح شفته بعيني
           __
       ام الأكبر عن الأكبر نشدتك
      وين گبر ابني بدمعهه نادتك
       طيحة الاكبر يعمه هضمتك
        طيحته تبچيك وتبچيني
             ___
        والرباب تريد ابنهه الفگدته
        بالنبل گوم آل اميه فطمته
         بالسهم مذبوح لمن شافته
          تگله يبني اكعد وناغيني
            ____
    الشاعر ابو اسحاق الفحام

السلام على الزهراء   
               ____
         
          راحت جفوف الحنان 
          خالي من عدهه المكان 
          كلشي هسه بعيني مات 
           الورد وحروف الامان 
               ___

     خيمه جانت دافيه بوكت المسيه 
      تلمنه بين جفوفهه ونكعد سويه     
       لو حجو عن المحنه يعني هي 
     الماحسبت احساب تاخذهه المنيه
         داري صارت وحشه حيل 
            ليل ياخذني عله ليل 
             صار بحزاني يبات 
          الورود و حروف الامان 
               ____
       امنه جانت باب جنه ونعتنيهه 
        ننسه كل همومنه لمن نجيهه 
       يحوم نبض كلوبنه ويرف عليهه 
       زمزم اليروي ضمانه ببين اديهه 
             خلافهه مات الورد 
             راحت وماظن ترد 
             من ضماهن ذابلات  
            الورد وحروف الامان 
                ___
        اشم نسمة جنه بيهه من اشمهه
       حلم روحي الابد ماطول حلمهه
      بجفن عين امي احس لوعة المهه
      طاحت وطاح العمر مذبوح يمهه
               ببابهه طاح العمر 
             جفن مسطور وكسر 
               بالليالي مطشرات 
             الوردوحروف الامان 
              ____
  
    جمعت صبري ورحت يم باب داري 
      انتظر جيتهه بس طال انتظاري 
        امنه غابت واظلم عليه نهاري 
    عيني ترسم ذكرياتي ودمعي جاري 
              باب بسمار وضلوع  
            صور ترسمهه الدموع  
             صارن وي الذكريات 
            الورد وحروف الامان 
               _
       
     شمعة الدار انطفت من ماتت امنه 
     الخيمه راحت بعد ياخيمه التلمنه
      من مشت بين علينه وانهضمنه 
   حضن ياام عكب حضن امنه يضمنه 
          راحت امنه وكلشي راح 
           كلبي ظل وي الجراح 
           خلافهه تموت الحياة 
           الورد وحروف الامان 
              ____
خادم الزهراء ابو اسحاق الفحام 
                    

*في شان رقيه بنت الحسين*
      *عليه السلام*

     🚩🚩🚩🚩🚩

*عمه زينب …  بالله حملوني*
       *بهل خرايب  … لا تتـركـوني*
*ارد ازور الاربعين*
                 *واخبره بفعل اللعين*
     *عمه زينب… عمه زينب*

&&&
بالله اخذيني دخيله عمه العد الحسين
اندفن بالغاضريه وعنده اجذب للونين
اشتكيله الجرالي بالسبي وفعل اللعين
نزع قرطي البأذاني بحقد گلبه الدفين

*بويه صد لعزيزتك*
                      *تستغيث امروتك*
     *عمه زينب… عمه زينب*

&&&
بويه ياخيمه حياتي شوف ايديه بالحديد
العدو سوطه اعله متني يضربوني كالعبيد
وانـا جـدي طـه احـمد  انـذر  بـنـار  ووعـيد
  من يحارب العترته ينحشر   ويا  يزيد

*گال هذي وصيتي*
             *هالله هالله بعترتي*
     *عمه زينب… عمه زينب*

&&&
ارد ازوره للشفيه واخبره بـجور الـزمن
شتتونه بالبراري والجدم شوك انسحن  
ثوبي ابنار يتوجر ويحرگ الدمع الجفن
ذابت الروح ابهظمها بالزغر شافت محن

*يمته احط راسي وانام*
                 *تغفى عيني ابسلام*
     *عمه زينب… عمه زينب*

&&&
بالله اخذوني معاكم وحفرو يمهم گبر
جثتي ويـا ضعنكم احملوها بـهل سفر
بالغرب لاتتركوني وانه بت سيد البشر
غيره انتم وحميه ترفض ابگى بالاسر

*ارد ازوره بدمعتي*
      *وخبره عن حيرتي*
     *عمه زينب… عمه زينب*

&&&

يبوليمه ماتجيني وتمسح الراس اليتم
بنتك اتنوح ابهظيمه تبچي الاب الرحيم
يمته تحضني بيدينك الگلب مني سقيم
من بعد عزي ودلالي بالخرابه بويه اقيم

*بس انادي بالحنين*
               بويه وينه الحسين*
     *عمه زينب… عمه زينب*

&&&


  تبچي اعيوني فقدكم وينك عنه ياإمام
حرگو اخيمنه علينه  والشماته كالسهام
  بالترب مشونه گوه النهار اصبح ظلام
ردت ازورك وشتكيلك ابفعل هاي اللئام

*بالسياط املوعين*
              *يحدي بناگه اللعين*
     *عمه زينب… عمه زينب*




*عاشقه الولاية*

        *نسألكم الدعاء*




https://t.me/khdmat




هذا الرابط للانضمام للوتساب
حتى يصلكم كل الجديد

https://chat.whatsapp.com/CGzf47HqTCKK57sfaBExLQ

لوفاة القاسم بن الامام الكاظم عليهما السلام

اتهدمت  اركان گلبي اتهدمت
اتألمت  لمصابه روحي  اتألمت

بصحره المواجع هايم 
لجل الغريب القاسم
ابن الامام الكاظم
★★★★★
اتهدمت اركان گلبي  ونكسر
من كثر نوحي الفرح ماله أثر
للغريب المارحم بيه الدهر
المشه بدروب يحويها  الخطر

وياي الحزن متوالم
لجل الغريب القاسم
ابن الامام الكاظم
★★★★★
طلع من داره گصد دار الغرب
تلهب الحسرات ضلت بالكلب
احتار وين يروح ويذبه الدرب
الدنيا وي اهل المجد شنت حرب

ملزوم دمعي ولازم 
لجل الغريب القاسم
ابن الامام الكاظم
★★★★★
وصل للغربه المواجع حالته
المنكسر مهدوم  ضل ابحيرته
الناس مذهوله الوقاره وهيبته
الديره عمها الخير كلها بجَيَّتَه
ناحت بحسره الوادم
لجل الغريب القاسم
ابن الامام الكاظم
★★★★★
الفاطمه بنته حچه عن فاطمه
عن كسرها  وطَبْر حماي الحمه
وچبدة المسموم صورة مؤلمه
وكربلا ونحر انگطع ينزف دمه

چن الزمن مونادم
لجل الغريب القاسم
ابن الامام الكاظم
★★★★★
شرح للوادم قضيته وقصته
وعن دواهي الوكت بيه وغربته
عرفوا اصله منين واهله وديرته
  بالبواچي شييعوها اجنازته

ردوا ابنوح الدايم
لجل الغريب القاسم
ابن الامام الكاظم

الشاعر حسن لعيبي الحريشاوي

‏مقطع صوتي من صوت الحسين

نعي

فگد الولد يرادلة ادموع
وينراد نحني اعليه الظلوع
بعدة الگلب ياناس مشلوع
وبروحي ضامة الحنتة اشموع
...........................

فگد الولد يهرش بالگلوب
ليليلة انوح ابوكت الغروب
عريس ابني ولابس الثوب
ياناس انوح اعليه ماتوب
........................

وسفة الولد غطاه التراب
ابني زغير وبالگبر شاب
گلبي عليه اليوم عطاب
حگهه تنوح الفگدة الاصحاب
.........................

فگد الولد ينرادلة اعيون
هذا العزيز وشمعة الكون
كون انه اموتن ابفگدتة كون
الوليد هذا ابروحي مدفون
........................

وسفة الولد مدفون بلحود
واچب عليه انگطع الچبود
والله للولد للكبر مريود
لخرط عليه اليوم الخدود
........................

الخادم عمار الساعدي
ونسالكم الدعاء

#نعي
من الدار للمسجد بچي أونين
راح الحسن    وياه   الحسين
حيدر    يبونا  الحگ    يكرار
ماتت الزهره  وزارنا      البين

گام  أوگع  من  سمع   بيهه
طاح   الولي وانحب عليهه
نركض   دمع    للدار  والدار
شنهي البعد  يسوى ونجيهه

تلگتنه  زينب  تبچي  وتنوح
يا يمه عفتي گليبي   مذبوح
مطروح طولچ ظال  مطروح
من عسه الموت انه اليلفني

طبينه   الهه   وكلهه   ملگه
صحنه عليهه بصوت حرگه
يم    الهلا   شو سكته زهراء
يا   يمه   عاد  نريد   شبگه 

يا   يمه   والله  زغار وانتي
عفتينه  وين  أوين   رحتي
حاچينه  ندري  شگد تعبتي
ما   نقتنع    يا   يمه   متي


غسلهه   حيدر   والدمع    سال
وفوگ الضلع مر چفه   وشگال
يا زهره   ضلعچ   ليش مكسور
يا   ريت   گلبي    اتهدم  ومال

رعد الفريجي

#اللهم_عجل_لوليك_الفرج

بشان الامام السجاد عليه السلام

  🚩🚩🚩🚩🚩🚩

جرحه مايطيب…مسموم الحبيب
صعبه مصيبته …ومسئ بالنحيب
          مسموم الحبيب
__

سولف يازمن شالجرى الوالينه
گضه هالعمر  والدمعه ابعينه
بحسراته يون ويبچي حسينه
يذكر  للسبايه وگيده  بيدينه

يذكر كربلا…من حل البلا
    مسموم الحبيب
_

كاس الضيم جرع من بد عاشر
وزادت علته من شاهد الفاجر
راسه اعزله وعله الرمح شاهر
خل الخيل ويلي دوسه بالحافر

عاري ابلا غسيل…نحره دم يسيل
       مسموم الحبيب
_

بالحظاته الاخير الدمعه هماله
وتتلاهب جمرته وذاب دلاله
مفجوع الگلب وحالته حاله
كل لحظه صور اتمر عله خياله

ليله بالسهر … وبنوح وقهر
     مسموم الحبيب
___

تنزف كل جروحه والجسد نحلان
بالف طعنه گضى والروح بالاحزان
على فراش المرض يتگلب وتعبان
چـبده امگطعه بسموم هالعدوان

ميت بالونين… زين العابدين
     مسموم الحبيب


الخلود الحسيني
         نسالكم الدعاء



https://t.me/khdmat

*بشأن مصاب الحسين عليه السلام*

        🚩🚩🚩🚩

واحُسيناه…هذا وارث النبي راسه عله ارماح
واحُسيناه … زلزل العالم مصابه والفلك ناح

  *واحُسيناه… واحُسيناه… واحُسيناه*

&&&

عجب ماشفنه شمس تنشال عاللوح
حسين هذا لو محمد الي  مذبوح
لانه دم الهادي دمه نفسه والروح
وبالسمه نصبوله ماتم ادم  ونوح

اظلم الكون… من وگع لحسين  داست  الاعوجيه              
اظلم الكون… من رفع راس الولي اعله السمهريه

*واحُسيناه… واحُسيناه… واحُسيناه*

&&&

شلون ياعالم گمر ينطفي ضيه
شلون قرآن الفجر اعله الوطيه
سحگته خيل الاعادي بهل مسيه
روعت گلب الفواطم هالرزيه

ابحر الارمال… شافته  فوگ الثره جسمه اموذر
ابحر الارمال…بكل كتر تجري ادمومه الله وكبر

*واحُسيناه… واحُسيناه… واحُسيناه*

&&&

قصته قصه عجيبه تذهل الراي
بالامس كان النبي يذكرهم ابهاي
يگول سيد للجنان حسين وياي
ينذبح ضامي ولايشرب من الماي

سيف الانذال… بالحقد گطعو وريد ابن الزچيه
سيف الانذال… ابلارحم طشرو اوصاله هالشفيه

*واحُسيناه… واحُسيناه… واحُسيناه*

&&&

سورة الخالق تجلت كلها بحسين
ذبحو الاذان ابذبحه ويه الدين
هدو اركان الهدى واظلم الكونين
ناحت الاملاك تبچي اعليه بونين

مطرت ادموم…لجل شبل المصطفى تبچي السموات
مطرت ادموم… وانبياء الله ابگبرها علت الصوات

*واحُسيناه… واحُسيناه… واحُسيناه*


*بقلم الاخوات*
      *عاشقة الولايه*
       *و_ام اباذر السكيني*
                   *نسالكم الدعاء*

https://t.me/khdmat

لولادة  العقيلة زينب سلام الله عليها

هاي ام الخدر زينب
هاي ام الخدر زينب
★★★★★
النجابه. الخدر.  والحشمه
الشجاعه. الراي. والحكمه
البلاغه الفكر. والكلمه
هاي ام الخدر زينب
هاي ام الخدر زينب
★★★★★
البساله. الادب. والقدره
الكرامه. الفخر. والثوره
الوفيه. الصابره. الحره
هاي ام الخدر زينب
هاي ام الخدر زينب
★★★★★
الهدايه. الدين. والدعوه
الثبات الصبر. والتقوى
السماحه. الخير والصفوه
هاي ام الخدر زينب
هاي ام الخدر زينب
★★★★★
الجلاله. القدر.  وأَلهمَّه
الصلابه. الزود. وأَلقمَّه
الطهاره.  الفقه  والنعمه
هاي ام الخدر زينب
هاي ام الخدر زينب
★★★★★
القيادة   الرفض    والقوه
الفصاحه  المجد   والقدوه
الشفاعه   الامل   والرجوه
هاي ام الخدر زينب
هاي ام الخدر زينب

الشاعر حسن لعيبي الحريشاوي

لولادة العقيلة زينب بنت
أمير المؤمنين علي عليه السلام

ياهله بميلاد زينب بت علي
ياهله بميلاد زينب بت علي
★★★★★
ياهله بميلاد زينب ياهله
كل مرار الدنيا بلساني حله
زينب الصنعت مفاخر كربله
فوگ عرش المجد صارت تعتلي

ياهله بميلاد زينب بت علي
★★★★★
ياهلا بميلاد زينب والنعم
گلبي المجروح قرر يبتسم
ارعب الاشرار والله هلأسم
قررت دولة امية   تنجلي

ياهله بميلاد زينب بت علي
★★★★★
نور الله كونچ  من الازل
بيچ معنى الحق تعطر واكتمل
حسد صبرچ بالشددحتى الجبل
من علو قدرچ مناي و منهلي

ياهله بميلاد زينب بت علي
★★★★★
لوگلت زينب گلت يعني القمم
والمبادئ والدفاع على القيم
اسم زينب فوگ كل قمه علم
مله الديره أنواره  شع بمنزلي

ياهله بميلاد زينب بت علي
★★★★★
زينب  الخالق قدرها كرمّه
ياقبس انوار من رب السمه
اسيا ومريم خديجة وفاطمه
منزلتها الطاهره من الله العلي

ياهله بميلاد زينب بت علي
★★★★★
الله كَرَّم زينب وزاد الكرم
هيه من بيت النبوة والقيم
ابيت بيه جبريل صار من الخدم
بت علي الكرار يانعم الولي

ياهله بميلاد زينب بت علي

الشاعر حسن لعيبي الحريشاوي

قصيده گعديه   لولاده العقيلة
زينب سلام الله عليها

جود وسماحه وكرم       
زينب سجاياها
متعلمه وعالمه     
من حيدر وفاطمه
زينب سجاياها
★★★★★
عنها من ياجانب احچي كون يسعفني كلامي
ابخشوع انحنه  فكري   متصل الها ابسلامي
اختار اسمها الباري زينب الهلاسم كل احترامي
عن الگمر من ينسئل
حتماً بنوره يستدل
يعني مضامين واصل  من اصل طاهر وسامي

صبر وعطاء وهمم       
رب السمه انطاها
وغذّاها رب السمه         
من حيدر وفاطمه
زينب سجاياها
★★★★★
قدر عالي انطاها ربها  تستحق هاي الكرامه
من النبوه طبع بيها   وخذت  من صبر الامامه
من نسل للكون بيهم   كوّن الباري   نظامه
بهلمولد الدنيا ازهرت
وارض المدينه نورت
من يوم للدنيا  اجت   خير جيتها  وسلامه

تغذت علوم وقيم      
وصارت مزاياها
ربها الطبع قسمّه       
من حيدر وفاطمه
زينب سجاياها
★★★★★
من مهدها  الحد لحدها   حل وسط لاماتقبله
طبع مثل حسين بيها    ماتذلها  المحن  مثله
كملّت  خطواته لمن  بالرمح  راسه   تعلّه
ذلت يزيد وزمرته
للارض دنگ  هامته
مذلول  ساكت  خلتّه  ماجنه   غير المذله

اصبح ذره مثل العدم.       
لمن حچه وياها
طبع وصفات وسمه         
من حيدر وفاطمه
زينب سجاياها
★★★★★
رغم ماصار وتغير. غيرت مجره القضيه
ابلاغة علي صالت  وبفكر امها الزچيه
والثرى شمهما تعله. وين يوصل للثريه

لا ماضعف منها العزم
بنت المواقف والعلم
ماكو هواده   ولاسلم  ثوره ضد أهل الرديه

بنت الشجاعة والشيم.        
كل شدّه تلكاها
متهاب  كل موزمه        
من حيدر وفاطمه
زينب سجاياها
★★★★★
بياوصف لو وصفتها   بالعجز وصفي توجب
من بعد شرحي وكلامي لخصتها بكلمه ( زينب)
بعيد عن الذل طبعها. هيه من العصمه اقرب
بزود وعزم من سطرت
تاريخ بيه اتميزت
وي ابواليمه جاهدت  من صعاب الزمن اصعب

للمجد معنى اتم         
للعرف معناها
واطباع مستلهمه     
من حيدر وفاطمه
زينب سجاياها

الشاعر حسن لعيبي الحريشاوي

لولادة عقيلة الهاشميين زينب سلام الله عليها

ياهله بميلاد زينب ياهله
مهجة الزهره الزچيه الفاضله
★★★★★
الكملت دور الحسين وسيرته
وكل حمل مطروح زينب شالته
والعدو مهزوم خاسر ذلته
صابره بنت العلوم الكامله
ياهله بميلاد زينب ياهله
★★★★★
لولا زينب  مابقه للحق شكل
كَملَّت  درب المفاخر  والعدل
حتى مدمعها غضب لمن يهل
واعتراض على الطغاة وزلزله
ياهله بميلاد زينب ياهله
★★★★★
من قيود چفوفها بيوم الأسر
قررت ثورة اخوها تنتصر
والعدو مذلول يرجع منكسر
تشهد الشام ومواقف كربله
ياهله بميلاد زينب ياهله
★★★★★
ياهله بميلادها الكل مستعد
كل موالي اليوم گلبه منسعد
يحله لم الشمل  ونطش الورد
وبالسعادة الكون هليوم امتله
ياهله بميلاد زينب ياهله
★★★★★
مسعده هليوم علشيعه يمر
بمولد الحره العقيلة ام الصبر
هذا أجمل يوم بأيام العمر
اليوم كلنه بلفرح نستقبله
ياهله بميلاد زينب ياهله

الشاعر حسن لعيبي الحريشاوي

هوسات لولادة العقيلة زينب عليها السلام

زهره اتفوح ولدت من شذا الزهره
ومن نور الامامه منهج. وثوره
ومن فكر النبوة مبدء وقدره
(من اثلاثه اتكون معدنها )

من اثلاثه عزمها انرسم وأتصور
من جدها الحبيب وفاطمة وحيدر
بمولدها ابتهج بيت الشرف وازهر
( زينب هاي إرباة الزهره  )

يانور التجادح نوره من كوكب
شگد ميزات عدها وشأن يم الرب
ال ( طه )أيگول سمي هلبنت زينب
(زينب مأمور ايسميها )

الشاعر حسن لعيبي الحريشاوي

وردة عمــري منتظرها
والليلــة نشتـم عطـرها
ياهــلا بزينب ياهــلا بزينب نور كمرها
____

1
هلهــــل ياثغـــر ودي    وأنثـر ياســك بخدي
واضح كلشي بعيونك    هليلـه الفـرح وردي

ورد الجـوري مُر بينه  محمـــول بسنـــادينه
صلي اعله النبي واله   زينــب هلــت أعلينه

أهــــلاً بالحـــرة العقلية
أنتي أنتي أعظم وسيلة
ياهــلا بزينب ياهــلا بزينب نور كمرها


2
ياشيعــي احتفـــالاتك    احضرهـا بحكم ذاتك
لــو طبيـــت للمجلس    طـش للحـرة ورداتك

احمـل بيدك الشمعـة     هنـي زينـب البضعـه
وي أحبابـك وناسـك      افـزع للحفـل فـزعة

دورك قـــدمــه للحنينـة
وفـرح وي حيدر ولينــه
ياهــلا بزينب ياهــلا بزينب نور كمرها


3
هـايـه أم الوفــه هايه   هـاي الشـالت الـراية
هاي أخت الكمر عباس   حـرة وتبقــه وفايــة

أم العفــــــة والغِيــرة   بيهــا تنجلي الحيــرة
قلبــي وقلبــك ويـاها    محتــــار بتعــابيـــره

زينب بيهـا تعله راسي
خادم أبقـه والهة أواسي
ياهــلا بزينب ياهــلا بزينب نور كمرها


4
مـن بان النجـم نوره   وأصبح شي مهم دوره
لو ما هيـه والعبـاس   جا ماكملـت الصـورة

جبـريـل المـلك بيهه    مـن فوك ونـزل ليهه
نورتي الفـلك زينـب    فـــرحــان ويهنيهـــه

لبــوه حمــــاي الحميـــة
زينـب هـــاي الهاشميــة
ياهــلا بزينب ياهــلا بزينب نور كمرها


5
الهايـم بيها ماخـاسر    يـربح بالحشر باجر
والينخــاها بالشـــدة    اقســم مايظــل حاير

والـي رايـد أمــراده    ويحفظ بيتــه وولادة
لايتحيــــر بهـــايــه     ينخـه شمعـة السادة

كلمـن الهـــا يرفــع أيــــده
يأخـذ مــن عــدها اليـريده
ياهــلا بزينب ياهــلا بزينب نور كمرها


6
الحاجة أنريد تكضيها   والشـــدات احضريها
يابــت فاطمــة نــدري   كــل صعبــة تسهليها

الســائل ماتــريدنــــه    كلـشي أيريـد تنطينـه
لمـن يوكــــع بحيــرة    يـــازينب تحضرينـــه

يـــوم الشـــدة ماتقصــرين
يسهل كلشي يخت الحسين
ياهــلا بزينب ياهــلا بزينب نور كمرها


شطرة
امجـــد صـــــاحب الشطــــــــري

ولادة الحوراء زينب🌹🌹

همـتنه … حيدريه
جمعتنه… مزهريه
فرحتنه… زينــبيه
         نهديها الفاطمه وعلي
🌷🌷🌷🌷
بالحره احلفچ يالزچــــــيه
اتقبلي من عـدنه الهــــديه
وكلمن حظر هذا حفلنه
سجلي اسمه خادم بالهويه

يالحبكم … بي هدايه
نخدمكم … للنهـــــايه
فرحـتنه … بيهه غايه
          نهديها الفاطمه وعلي
🌷🌷🌷🌷
نبعث تهــاني المنتظــــرنه
ونشــــــارك اوياه ابفرحنه
يالمقتدر عجل ظهــوره
ننتظره بيده ايشل جرحنه

يا منــبر … للسياده
يامصدر … للسعاده
فرحتـنه … بالولاده
        نهديها الفاطمه وعلي
🌷🌷🌷🌷
شمس الهواشــــم نورتنه
ورغم المواجـــع فرحتنه
حـورية الجنه العظيمه
ابليلة ولادتهه اجمعـــتنه

اشمحلاهه… من مسيه
اتســـر طه… والزچــيه
فرحـــــتنه… هاشــميه
           نهديها الفاطمه وعلي
🌷🌷🌷🌷
وبمـــولد الدره المصــــونه
نهـــدي الفرح للمانســــونه
ياربي بس همه الوسيله
وفايه عدهــــم سجلـــونه

احنه الهم … نبقه شيعه
يالحبـــهم … ما نبـــيعه
فرحــــتنه … يعني بيعه
             نهديها الفاطمه وعلي
🌷🌷🌷🌷

✍كامل السعيدي

مولد السيده زينب ع

زينب  مولد الحجاب
زينب   آية الكـــتاب
     ياهلا   ابقدوة النساء
©©©©©©©

مولوده العفيفه ـ الشريفه ـ البهيه
يامحلى رسمها ـ واسمها ـ الوفيه
معروفه ابعلمهه ـ على امهه ـ الزجيه

زينب بسمها اهل الشــعر محتاره
هـــذا الاســم رب العرش مختاره
مولدها للهادي وعلي احله ابشاره
ايســـمونها بت فاطمه الجـــماره

زينب   سـورة الاباء
زينب   دافـع الولاء
  ياهـــلا    ابقدوة النساء
*

ياهيبه ابسترها  ــ ابخدرها ــ وأباهه
چن آيه وتوزع ــ تشعشع ــ ضواهه
بارينه ابحلاته ــ ابصفاته ــ اصطفاهه
انصلي ونسلم عالنبي ابهاليله
وحيـدر علي باقة ورد نهديله
ابميلاد زينب محفل انسويله
والما فرح وي النـــبي ياويله

زينب   ثورة الفــداء
زينب   نصرة السماء
  ياهـــلا      ابقدوة النساء
*

حي الله الاميره ـ النذيره ـ الجليله
معروفه ابكرمها ـ ابعزمها ـ العقيله
والناس اعرفتها ـ ابصفتها ـ الاصيله
طــه بأذنـها أذن أذآن الغـــيره
شاد ابعلمها وهيه طفله زغيره
ياگمرة الزهره المضويه الديره
تبقه ابوصفها اهل العقول ابحيره

زينب  كعــبة الوفاء
زينب  خيمة العطاء
ياهـــلا    ابقدوة النساء
****

جيت بهل مسيه ـ وبـــــديه ـ شمـــــعتي
بحساسي وشعوري ـ وسروري ـ وفرحتي
بت حيدر سمعتي ـ ودمعتي ـ وضحكتي
زينب وطنه المحتمين ابسوره
ثورة شجاعه الكربلاء مضخوره
بحجابهه نزلن حديث وسوره
ابمولدها كل شيعة علي مسروره

زينب   فرحة القلوب
زينب   شمعة الدروب
ياهـــلا     ابقدوة النساء
****

✍الخادم
كامل السعيدي

مولد السيده زينب ع🌹💐🌷

يازينب ... الله اسمـچ اختاره
يازينب ... انتي اجمل ابشاره
ياهله ابميلادچ
ياهله ابميلادچ

🌷🌷🌷🌷
مـن اجمــل انواع الورد مولاتي اسمچ
وتفاحة الجنه انخلق من عدهه رسمچ
أيفوح مــن خــدچ عطر لو طــه شمچ
ابميـلادچ امــلاك العرش محتفله يمچ

يازينب ... يا ريحـة الجـــنه
يازينب ... بشخصچ تشرفنه
ياهله ابميلادچ
ياهله ابميلادچ
🌷🌷🌷🌷

هليله عيـــد وكل محـب اعلن فرحته
ومعلگ الزيــنه وبديه شـــايل شمعته
بالذر ابو فاضل فرح من صارت اخته
وبوجه ابوه المرتضى بانت ضحــتكه

يازينب ... وجهـچ بزق نوره
يازينب ... والشيعه مسروره
ياهله ابميلادچ
ياهله ابميلادچ
🌷🌷🌷🌷

رب العرش للمرتضى امقدمچ هديه
وخالقلچ اوصاف اشكثر من الزجيه
يالعلمه ابعلمــچ شهد ســــيد البريه
منـــچ ألف مــره ونعــــم يالهاشميه

يازينب ... انتي آيه قدســيه
يازينب ... نقــــــراهه ليلــيه
ياهله ابميلادچ
ياهله ابميلادچ
🌷🌷🌷🌷

الحسن وحسين اشكثر فرحه اغمرتهم
وشكثــر صلو عالنبي ابميــــلاد اختهم
فرحو لمـــن بالحـــره امهـــــم بشرتهم
حتى العقيله اتبسمت مــن شاهـــدتهم

يازينب ... يا شمعة اخـوانچ
يازينب ... عالي اشكر شانچ
ياهله ابميلادچ
ياهله ابميلادچ
🌷🌷🌷🌷

العالم بأسره احتفل والفرحه عمت
ميلادچ ابكل الارض انواره ضـوت
حتى المــلائك نزلت الوالينه هنت
وباب حيـــدر محفل ابهليله سوت

يازينب ... فطرس صفگ جنحه
يازينب ... شـــــاركنه بالفـــرحه
ياهله ابميلادچ
ياهله ابميلادچ
🌷🌷🌷🌷

يا مرحبه ابنورچ يبت وحــي الرسـاله
بأبهه المحاسن صـــورچ رب الجـــلاله
نورج خلق نور الكواكب مــن خـــلاله
والگمر منــچ بالســمه ماخــذ جمـــاله

يازينب ... يا فرحة الزهــره
يازينب ... بأسمج شعر نقره
ياهله ابميلادچ
ياهله ابميلادچ
🌷🌷🌷🌷


✍كامل السعيدي

عباس   ابمولد زينب الحره الابيه
عباس    جايــــبك يبوفاضل هديه
بالطور التريـده
جايبلك قصيده
             ـ🌹🌹🌹🌹🌹ـ

جايبلك قوافي امسـگمه اسگام ـ
من عندي هديه
اتلوگ ابنت ابوها ولبـوة الشـام ـ
ذيچ الهاشميه
ابمولدها السرور بداخلي يعيش
هاي اجمل مسيه
منك اذن اطلب اقـــــره البيات ـ
ياتاج الخويه

عباس ـ جاي وللحفل جـايب هدايه
عباس ـ وبيدك جايب الزينب عبايه
يانور العقيـــده
جايبلك قصيده
              ـ🌹🌹🌹🌹🌹ـ

يا اجمل ثنائي واوفه خوان ـ
مايحصل مثلكم
نخـــتار ونرتب أجمل الحان ـ
نقراها ابحفلكم
يتوافد جمعنه امنــين ماچان ـ
ياعباس الكم
مولوده العقيله وكلشي فرحان ـ
مسروره خدمكم

عباس ـ جيتك والسرور ايگود بيه
عباس ـ شــــايلك فرح بثنين اديه
ياضخر الصميده
جايبلك قصــيده
           ـ🌹🌹🌹🌹🌹ـ

ياعبـــــــاس زينب ورده وتريد ـ
من عندك تشمها
يتكون اسمها امن اربع آيات ـ
الله اختار اسمها
يمك ياگمر نجمه اختك اتصير ـ
تكشخ ونته يمها
واجب نكتبلها ابيات حلوات ـ
تلمع وي رسمها

عباس ـ جايبلك حچي اينگط ترافه
عباس ـ نتمنه ابحفلها انتــه العرافه
موزونه وجديده
جايبلك قصـيده

          ـ🌹🌹🌹🌹🌹ـ

مجــــــــــتمعه البلابل بالبساتين ـ
والكل ينشد الها
بخدود الورد قطرت ندى اتعيش ـ
وين ايصح مثلها
اترف حتى من جنــح الفراشات ـ
منفرده ابشكلها
زينب بســمله بقرأن الاحســـاس ـ
حيدر يشهدلها

عباس ـ زينب شمس وتضوي ابسمانه
عباس ـ العنده هيــچ اخت سيد زمانه
يالروحك سعيده
جايبلك قصــيده
         ـ🌹🌹🌹🌹🌹ـ

✍الخادم
كامل السعيدي

لولادة السيده زينب ع🌹🌹

الزهـــره اتنطرت يغمرهه ميـــلادچ
وگعـــدت بيدهه اتخيطلچ اثيــابچ

تحچــــي اوياچ چانت قبل لتصيرين
وتحسب ساعه ساعه الحضت انجابچ

محمد والحسن وحسين فرحانين
وبالذر ابو فاضل فصل احجـــابچ

فضه الهلهلت من بزق وجه النور
لعلي زفت البشرى وفرحت احبابچ

ونزلت كاشخه املاك الله بالميلاد
وزينه اتعلگت مـن السمه البــابچ

✍كامل السعيدي

اربعينية جديده

-----------------
رديت الك يعيوني
انهض وشوف متوني
شفت الويل ماضل حيل
انهض وشوف متوني



رديت الك يابو الوفه انهض وشوفن حالي
من اليسر رديت الك بلايه حمايه اوالي
عباس يانبض الگلب ترضه يخويه الغالي
ضعن الفواطم من رجع الطف كربله رد خالي
مابي زلم ياعباس
وتحرسه گوم الارجاس
دمعي يسيل ماضل حيل
انهض وشوف متوني


رديت الك وبمحنتي يابو الوفه والنوماس
بيوم اربعينك يالوفي وماهبطت اني الراس
غصبا على خشوم العده مافتر عزمي ولاباس
رديت الك ومحزمه براية اخويه العباس
يذبح الليل افراگه
وياخويه الك مشتاگه
ابچي بليل ماضل حيل
انهض وشوف متوني



فكلي الگبر ياسلوتي اختك اتسولف وياك
ارد اني اسولف عاليسر لمن مشيت ابلياك
يحميني ياوسفه الشمر يابو الفضل مو بحماك
هسه ارجعتلك يالاخو اسمع الصوت الناداك
من بعدك يضربوني
وياللاسف شتموني
دهري يعيل ماضل حيل
انهض وشوف متوني


عفنه رقيه وما اجت والالم خويه اشكبره
شافت اخوها بالحلم فزت وگام اتنظره
من شاهدت راسه بطشت ماتت وشبگت نحره
راس الابو من شافت
برض الخرابه ماتت
ابلا تغسيل ماضل حيل
انهض وشوف متوني


راح امشي واتحمل هضم والدمع عالخد سايل
جيت بكفاله بالضعن وراح ارجع ابلا كافل
ارجع بدمعي للوطن وامشي بمشي متواصل
متحزمه واحزامي صبر برايتك يابو فاضل
راح ارجع ودمعاتي
تشرح الم مأساتي
همي ثگيل ماضل حيل
انهض وشوف متوني

الشاعر السيد رياض الرسل الجابري

*زينب عليها السلام ومصاب كربلا*

          🚩🚩🚩🚩

*اه ياگلبي شلون تتحمل مصاب*
*بعد اخوتي بكربلا شفت العذاب*

*ركبونه اعله الهزل*
             *امگيدين كلنه بحبل*
*بعد الاحباب 2*

&&&
عشت والاحـزان بـيه  والالـم يعذب الروح
اي وحگ حسين خويه بثرى عاري ومذبـوح
موحش الليل ابظلامـه مدمعي بالخد مسفوح
بالونين اشكي همومي چالحمامه ابچي وانوح

*ظني خاب ويالامل*
                *من ركبنه عالهزل*
*بعد الاحباب2*

&&&
القافله تمشي بألمها حـسرتي شيبت راسي
فززت اجروح گلـبي بلوعه خـلـتني اقـاسي
السهر ذبل اجفوني الحجر يبچي لحساسي
وين حماي الحميه  وين ابطالي وناسي

*والدمع مني همل*
           *من ركبنه عالهزل*
*بعد الاحباب2*

&&&
وينكم يهل الكلافه صرت وحـدي ابغربتي
عالهزل مشوني گوه  سال دمعي بوجنتي
الـشمر بيـه تشمت  گـال صرتي بـعهدتي
عيني ادور الـكافل وذابت الاجله مهجتي 

*ظل يشتم بالاهل*
            *من ركبنه عالهزل*
*بعد الاحباب 2*

&&&
عنوه  للشام الاعادي  الناس تتفرج علينه
ارفعو روس الغوالي وحنه نبچي ياولينه
استقبلتنه الشماته وبالحبال امقيدينه
بالدفوف ادق فرحها للحسين الذابحينه

*مُنيتي چان الاجل*
       *من ركبنه  عالهزل*
*بعد الاحباب٢*




*بقلم الاخوات*
       *عاشقة الولايه*
              *و_ ام اباذر السكيني*

*نسالكم الدعاء*

https://t.me/khdmat

قصيدة لسيدة معصومه ع…

الراد يمحي اهمومه ـــــ يعتني المعصومه
            اخت الرضا … اخت الرضا
@@@@

ازيارتهه لله اتقربك وتسكي الظمه
والزارهـه زار الزچــــــــــيه فاطمه
ام للكـرم وام للفضـــل والغــــانمه
من موسى ابن جعفر ابوهه معلمه

والشكه ابدمعاته ــــ تگضي كل حاجاته
       اخت الرضا … اخت الرضا
@@@@

هنيــاله كلمن يوصـل الحظــره ويزور
ويستنشق ابشبـــاچهه احلى العطــور
گلب المحب يم بابهه ايحيطه السرور
يزداد فرحــه ابدارهه ويــزداد نـــــور

ترضه عني اتمنه ــــ البيهه عطر الجنه
       اخت الرضا … اخت الراضا
@@@@

كل زايـر ايسـولف شعـوره ولهفته
ابفرحت لقائه اوياهه تنزل دمعـته
اباب الصحن مرفوعه وترف رايته
وبعبرته المعصومه سولف حاجته

ما ترد خطارهه ـــ من يلوذ ابدراهه
      اخت الرضا… اخت الرضا
@@@@

منبــــع علوم ومعرفه وحكـــمه وأباء
كلنه حزن بس يمهه نصبــــح سعداء
وي فاطمه المعصومه هذا اجمل لقاء
انزورهه ونتبـــــرك ونقــــــره الدعاء

امجربه ومعروفه ـــ وبالكرم موصوفه
       اخت الرضا … اخت الرضا
@@@@

دكتورة الشيعه وتشـافي المعتلي
ويطيب كلمن يمهه يصرخ ياعلي
خادمــهم وگلبي ابعشگهم مبتلي
ومن الزغر بخلاصـي الهم معتلي

الله كلشي انطاهه ـــ وبالعلم غــــذاهه
         اخت الرضا … اخت الرضا
@@@@

         الخادم
✍كامل السعيدي

‏مقطع صوتي من صوت الحسين

لبیک یاحسین ع
اخر صلاتين عن لسان حال السيده زينب ع

اخر.   صلاتين  تجمعنه بحسين:
لو صار الاذان ننطي الوجه وين:

   لوهجمت اخيول العده:
   وحسين  ضل.   لوحده:
بيمن تحشمين  زينب تحيرين: 
                                           ……………..
اشلون لو مرالوكت وكت الظهر كلش صعب:
نحتار نبدي بيافرض مدري. نودع يامحب:
مدري نطفي ياكتر بالخيم لو  رادت تشب:
ارگض واحشم بخوتي ياوسفه نومه اعله الترب:

انروح ياصوب    انخامن.  النوب:
كفالي  مطروح  وبعينه مصيوب:

اجفوف.  اديه.  مگطعه:
يحچي بهمس مااسمعه:
ومغمض العين  زينب تحيرين
…………1…… ..

من خيمتي لصوب النهر يامبعده   يصير الدرب:
كل ساع اگومن وانهطر ودموعي عل وجنه تصب:
شچايه اروحن للولي واشچيله  من ظيم الغرب:
عباس اكله دي الي  ياخويه  مو مالت حرب:

بلايه وليان    يالكافل  اشلون:
هل جايه انخاك. يابعد العيون:
   
    اشلون.  بعدك  حالتي:
    عباس   انته    هيبتي:
مثلك بعد وين  زينب تحيرين:

              ………2.… .
بالكون   ياهي.  ياخلگ  اخوانها  مثل اخوتي:
ولاد حيدر  والنبي.   وفخر.  عزي.   وشيمتي:
شلون عدله انه اظل المفروض ميته بساعتي:
اتمدد  بصف السبط  والخيــل تسحگ جثتي:

  تسحگني الخيل  حته استلذ حيل:
  لو حافر يدوس.   ابظلوعي ياويل:

         اهون ولافرگه  محب:
       ولا امشي ابذاك الدرب:
    بين النساوين زينب تحيرين:
                                   ………3… ..
شلون لو ليلي خلص  مصباحه  باچر بس قهر:
ياعاشر امحرم  هظم.   من عندي  يروح الگمر:
حسين يندب ياهلي   فگد الكفل  كسرت ضهر:
الميمون  لو فارغ.  رجع.  يجيبلي   اصعب خبر:

مره الطم الراس مره ابچي بهداي:
من فرگه.   العزاز   ماظل بعد راي: 
    
    هد حيلي ياناس الحزن:
  من  هسه   ولباچر.  اون :
وهمه عدلين… زينب تحيرين:
                                         ……4……
عباس   اختك   تنسبي  لو اذن  اذان الظهر:
ترضاها ياحادي الظعن حدايها  يصير الشمر:
ويتعمد اعله.  المشرعه  ايخلي  ناگتهه  تمر:
نايم واندبك ياشهم انهض يابو عيون الحمر:

شوف الجره وياي  كوه انه ممشاي:
ويوصف اعليك  طايح  علئ  الماي:

       اگعد  يبو  فاضل  اله:
       اختك  تراها   معلعله:
ماكتلي يازين… زينب تحيرين:
                                ………5….. 
              مجيد الصالحي

‏مقطع صوتي من صوت الحسين

يتراب  أوصيك ابوصيه
                        بالك تمس ضلع الزجيه
  
                مكسور ويألمها   يتراب لا تلجمها
                     عينك عليها  عينك   عليها
                ــــــــــــــــــــــــــــــــــــــــــــــــــ
        يتراب  هذا  انــــــــه  علي الحاجيتك ابآهاتي
        ماراح ارش مــــاي الورد  فوگك ارش دمعاتي
        يتراب بيك انه ادفنت العاشت عمرهه ابذاتي
        كلبي ايتعثر بالنبض ضـــــل من مشت مولاتي

                 كلبي بجراحه عله الكبر طاف
                  وكام الوجع برسومي ينشاف
   
          يتراب هاي ام بيتي  وياها خذت عافيتي
                عينك عليها         عينك عليها
               ــــــــــــــــــــــــــــــــــــــــــــــــــ         
        وكت الــــــدفن ماتت ادي  كوه التراب اتهيله
        البي حيل يشــلع خيبره  شو هسه ميت حيله
        يتراب متعـــــــــجب لأن عيني دمعها اتسيله
        هوه اليــــــــــفارك فاطمه يخلص نوايح ليله

                     اتمنيت كون اثنينه انموت
                    وننشال كــــون ابفرد تابوت

              شلي بعد بيامي    وبيدي دفنت أحلامي
                   عينك عليها         عينك عليها
                 ــــــــــــــــــــــــــــــــــــــــــــــــــ
         باليل شيـــعت الضوه وغبشت ابروحي الضلمه
         واهدومي احس ثكلت علي وكلبي ثكل بي دمه
         الشايل عله امتونه السمه  مــــابيه ينكل جدمه
         لمبجي شجــــــــعان الحرب بالدمع ناگع هدمه

                   حالي بغياب الزهرة موزين
                   وكل جرح بيه ابكد الحسين

          يتراب حته اخيالي   ضل يبجي دم الحالي
                عينك عليها             عينك عليها
                ــــــــــــــــــــــــــــــــــــــــــــــــــ
      من الكبر كـــــــــمت ورحت بس كلبي ضل امچلب
      ايدي عله خاصرتي ارجعت محني الضهر ومحدب
      شما  گــــــــرّب الـــــداري كمت  الموت ليه يگرب
     بس باوعت بــــابي طحت طيحت شمس بالمغرب


                   ومن شفت دم عل باب مطبوع
                   طاحن اعيوني كبل  الدموع

         وهدّمت صدري  الحسره  من اذكرتها  العشره
                 عينك عليها         عينك عليها
                ــــــــــــــــــــــــــــــــــــــــــــــــــ
      للبيت مــــــــــن طبيت انا وبوجهي اثر للكسره
      لاكتني زينب بالبـــــــجي  جاوين امي ابحسره
     ماجاوبتها  ودنكــــــــــت   خنكت عيوني العبره
     شحجــــليها وتوني ارجعت من دفن امها الزهرة    


                   هيهات ترجــــع امها هيهات
                   وعمره البجي ميرجع المات

         لو تبجي من دم عيني  ماترجع ام حسيني
                 عينك عليها           عينك عليها
                ــــــــــــــــــــــــــــــــــــــــــــــــــ

حسين عبد الزهرة الدراجي

یوسف الزهراء

*في شان ام البنين عليها السلام*

       🚩🚩🚩🚩🚩

*صرخه دوت بالسمه  يبني ياعباس*

*گوم لامك فاطمـه يبني ياعباس*
*گوم چفن جثتي*
                    *بالگبر هل تربتي*
      *يابني ياعباس*

&&&

روحي مخنوگه بعبرتي بعد الاولاد

وين ابوفاضل و جـعفر عني ابعاد

بالالم احچي مصابي جرحي يزداد

وينه اليحفرلي گبري ينصب احداد

*وينه الحر الابي*
                 *باخر انفاسي يجي*
      *يبني ياعباس*

&&&

وين ابوفاضل يجيني يغمض العين

يسبـل اديني الشفيـه بساعـة البين

لاچـن يـاحـسره عليـه بغير چـفين

قدم چفوفه وحياته فدوه لحسين

*رفع الراسي الكمر*
                  *للـوفى دمـه انهدر*
*يبني عباس*

&&&

حضرت زادي الرحيلي السفر حان

عالدرب عيني تتاني گلبي لهفان

بلچـن العبـاس يلفي يصير دفـان

يحمل الجثه ابايده دمعه غدران

*الجرح ينزف دمه*
                  *يصيح يمه فاطمه*
*يبني ياعباس*

&&&

يشيل الجنازه عله متنه ويه الاحباب

يحـفر الحـفره ابيمينه ايهيل الـتراب

چان ظني هوا يحضر للاسف خاب

غربه لتشيع لي نعشي  والگمر غاب

*وينه ذخري والسند*
                 *راح مايرجـع بـعد*
*يبني ياعباس*

&&&
اه ينـار الحـشى شـبت بـالضلـوع

منيتي كانت تجيني تسكن الروع

تذوب بشواگ المحنه مثل الشموع

تگول يمه وداعة الله تجري الدموع

*ونته بحسره ونين*
           *لگبري يمه مشيعين*
*يابني ياعباس*



*بقلم الاخوات*

*عاشقة الولاية*

       *و ام اباذر السكيني*

*نسالكم الدعاء*

https://t.me/khdmat

شما طال العمر يخلص بالاوداع
شما  ندفن بشر ما تشبع الگاع.

مكتوبة علينة
أنموت تالينة

هالنصيحة الكل بشر غرتة دنية
أرجع وراجع كتابك قبل المنية
أبني دستورك حسين وهاي هية
أنت فايز من يصير الحب قضية

شما طال الوكت تندار الاسنين
يبقة الحب قضية بأسم الحسين

وحسينك هوية
مختومة بحمية

____*

باجر بيوم القيامة حسين يحظر
وأول أصحاب المواكب كلهة تعبر
باجر حسين اليكفلك وية حيدر
موصى بالجان خادم على المنبر

شما طال الصبر يتهيأ الباب
باب الفرج باجر دون الأسباب

أحسين اليكفلك
حاشة ويخذلك
____

أنذر أدموعك تذبهة لوجه الحسين
باجر دموعك شفيعة تصير بعدين
ألطم وشارك جفوفك لأبو الجفين
خلي تتكفّل أبلطمك أُم البنين.

شما توجع بگلبك باجر تهون
وحشة ماكو بگبرك أُم عون

زينب أبلحدك
باجر تحظرك
____
خادم أسمك تنكتب وي اليخدمون
مِن تواسي حسينك بهاي العيون.
الجنة رايد أعتبر بالجنة مضمون.
هناك تعبر بالدرس مهما يسألون.

شما خادم تظل تكبر معزتك
لو ضايع درب تندل وجهتك

أبحب الحسين
كُنيتنة المجانين
_
هالعمر مابي يتاني يخلص بساع
وأنت كون مجهز وحاضر للأوداع
خادم شمحلة تصير بسمعا وطاع
مِن تراب أجدامك أتقدس الگاع

شما تمشي بدمع وتزور الحسين
باجر وي حيدر تنحشر بالدين.

تراب الزيارات
عدنة هوايات
__

خادم الحسين حسن حمزة هاشم

قررت ماعاتبك يعباس.
     ..والنعم من شاربك يعباس
                                 ١
ماشفت تقصير عندك حته اسولف بالعتب
عفية يمدلل خواتك دوم جاهز للطلب
مره اشوفك اخو اخيتك مره اشوفك انت اب
خوية والرايد يعاتب لازم يحصل سبب

       واحنه بيش انطالبك يعباس
     ...والنعم من شاربك يعباس
                                ٢
كون يوسف عنده مثلك لامشه ولاشاف بير
ولانباع بثمن بخس ولامشه وياهم اسير
كل حرف منك نكتبة ينطي للجملة ضمير
خجل من حيدر نكلك انت يالعباس امير

          والحسين اشحاسبك يعباس..
           .والنعم من شاربك يعباس
                                ٣
اليحجي عنك يبو فاضل كون متوضي بنهر
كون تعبان اعله اخوته وشابع اعليهم قهر
كون مامنطي بصديقه ولامسولف بالضهر
يوكف لربعه مناره ويترس اعيونه سهر

            هذا فعلا حابك يعباس
      ...والنعم من شاربك يعباس
                               ٤
وكفتك عالشط قضية مو بعيده جنه امس
ماشربت الماي حته تكول هذا اول درس
يعني من يعطش اخيك انت من يمك تحس
لاتدور عالرخيصه وتترك العزة نفس

        وانت تعرف واجبك يعباس..
         .والنعم من شاربك يعباس
                              ٥
للحرب توكف مقاتل للشرف توكف خيم
للحرم انت ابو فاضل للحسين انت نعم
تمشي والتاريخ يتعب من يسولف بالقيم
زينب الظلت بعينك شبه الهم مو سهم

           عليه نزل حاجبك يعباس
       ...والنعم من شاربك يعباس
                            ٦
اني سامع الله يخلق بالشبه منه اربعين
دورت مثل ابو فاضل كون تندل كلي وين
قسم اقسم بالزجية واني اتحمل يمين
لامثل عباس سوه ولاخلق من طينه طين

         شلون ربك صابك يعباس
..     .والنعم من شاربك يعباس


حيدر الخفاجي

ி┈┈••☆✿🌹🌿🌹✿☆••┈┈┈ி


🕊☆~`` الملا علي المياحي ``~☆🕊


ஜ••("🕯 @alimaeahe 🕯")••ஜ

*لوعات ام البنين عليها السلام*

         🚩🚩🚩

*دمعاتي جرت وحرگت اجفوني*
    *وسهام الـمصيبه عمين اعيوني*

&&&
انه ام المحنه حزني ماينقاس
   ربـيت الـولد يفدي ابـوالـنوماس
ينطيه الچفوف ومنه يحني الراس
*راعي الزود ابد ماخيب اظنوني*
&&&
روحـي بـالمآسي تـلتهب نـيران
اندب كل وكت يحسين ياعطشان
شلون اهل الغدر خـلوك بالتربان
  *وانا انحب ونوحن بيك فجعوني*

&&&
يمه الكون لجلك انطفى نـوره
    بالحمره سماها ترسم الصوره
جثه مطشره وعظامه مكسوره
   *بالونه اصيحن والله صابوني*

&&&
اعتب عالزمن اعتب عله الايام
    ظهري منحني وضاعت الاحلام
من گـالو عـزيزچ داسـتـه الظلام
  *وانا بالبواچي زادت اشجوني*

&&&
صوت الفاجعه ونات مسموعه
     لبنيلك گـبر ونـوحك ابلوعه
اه يحسين يبني والله مفجوعه
  *من گـالو الشمر علصدر اذوني*



*عاشقه الولايه*

              *نسألكم الدعاء*

بهذا الطور👇🏻👇🏻👇🏻

https://youtu.be/Wg_e7Oibx3g




https://t.me/khdmat

بالبيت ادور جلمات //ماصدك ابصوتج مات
وينج صحت يمبيتي //صوتج اسمعه امنيتي
==========================
الباب جم خاطر كسرلي وحومر عيوني
ابطيحته عالزهره احسه طيح امتوني
ضيعتها وضاع كلشي لا تلوموني
الشيب خضركبل وكته يل تنشدوني

ايامي مابيه افراح // الضيع محب مايرتاح
يل رحتي مارديتي // صوتج اسمعه امنيتي
==========================
ابد مو سهله عليه كلمت العشره
بوجه المفارك تبين حسرت الكسره
اليضيع وجه غالي يشتهي النضره
وانه كلماردت شوفج اذكر الصطره

ياكمرت الله اشتاكيت //وياج اموت اتمنيت
للملكه ماحنيتي // صوتج اسمعه امنيتي
==========================
بينج وبيني المسافه صارت ابعيده
مثل ذاك الصام عمره وينتضرعيده
انه هم رافكني جرحج يادوه يفيده
وعمري بعدج يل حنينه كله ماريده

كل ساعه تكضي بلياج// ماتخله ابد من ذكراج
بكليبي اشسويتي // صوتج اسمعه امنيتي
==========================
انتي بعيوني قصيده وكل حرف غالي
وانه كايلج يزهره دومج ابالي
هسه منهو يزيح همي وينضر الحالي
صار هجرج درب اول مااله تالي

الدنيه غدرتني ابساع // ظيعتج وكلشي ظاع
فاكد صحت عافيتي // صوتج اسمعه امنيتي
==========================
هواي طولتي عليه من الهجركافي
بارده حيطان كبرج وبيتج الدافي
الدنيه بردت ونه اجيتج للكبرحافي
ادري بضلوعج يصلن ياجرح غافي

كل ما اشوفن بسمار // اظلوعي يشتعلن نار
وبلحدج اتغطيتي //صوتج اسمعه امنيتي
==========================
خلصيت اسنين عمري الشوفج متاني
البيت سويته اعلمودج بيت لحزاني
وكل شبر اعثر بجرحي ودمعي يلكاني
وين رحتي ضل يردد كلبي والساني

ادري عليه تخفين // مجروحه بس ماتحجين
اخفي الكبر وصيتي // صوتج اسمعه امنيتي

==========================
تمت_ سلام البهادلي

ملا عمار الديباجي الحسيني

موسهله روحت فاطمه  عليه
محد عرف حجم المصيبه البيه
مهموم اباوع للسمه
كتلتني فرگت فاطمه
-------------
متت من سكتت شفتهه وماتحجيني
  صحت ياموت الخذته وياهه خليني
والله اموتن الف موته من تجافيني
العمر كله مااريده و طاح من عيني

يم الحسن يل فرگتچ مو حلوه
والدنيه من دونچ بعد ما تسوه
شنهي الايام القادمه
كتلتني فركت فاطمه
-----------
انتي ام الدنيه كلهه ونتي ام بيتي
اندفن وياج حلمي واخر أمنيتي
جوه گبرج من دموعي كاتب اوصيتي
صار فتره متاني شوفج ونتي ماجيتي

يمسافره اليمته اشوكت نتلاگه
والروح ميته چي الچ مشتاگه
فراگچ الحيلي يهدمه
كتلتني فرگت فاطمه
---------------
علي وين وياچ چان وين من بعدچ
اضلوعه تتكسر يحسهه لوذكر ضلعچ
الشيب ماخله مچان ابراسه من هجرچ
وگضت عافيته الدموع هناكه يم گبرچ
اليوجعن كلهن تمرمر بيهن
حته النسنه بلچمته يدليهن
چنه الجرح نتقاسمه
كتلتني فرگت فاطه
-------------
كلشي يتحسر يفاطم حته چلماتي
ولو ردت امشي اخاف اطيح شيباتي
وين رحتي اشلون رحتي مگضي حسراتي
وبس ا گول اسمچ يزهره اطيح دمعاتي

تكتلني زينب من تگلي اشلونك
ليش اعله باب البيت بويه اعيونك
ريتچ بدارچ سالمه
كتلتني فرگت فاطمه
-----------
اطفالچ ايگولون امنه اشلون ننساهه
بويه دلينه عليهه بلكي نلگاهه
بلكت انجبر ضلعهه ونبچي لبچاهه
حته اذا ماگعدت النه ادفنه وياهه

جروح الهجر بعدج فلا تتشفه
جوه الترب يم الحسن يا وسفه
كل ضني ترجع سالمه
كتلتني فرگت فاطمه
-----------
طفلچ من الرفس طاح ومنكسر ضهره
جويت  البسمار خلت بل گلب جمره
ضيعيتي الهوه وطحتي ابشدت العصره
ودمچ اعللگاع طايح والارض حمره

بل محسن البسمار دم ماخله
جوه الضلوع وراحله واندله
سفرتهه هاي الحاسمه
كتلتني فرگت فاطمه
-----------------
سلام البهادلي

ملا عمار الديباجي الحسيني

لاستشهاد الزهراء عليها السلام. موشح

اليوم ياشيعة  رحيل أم الحسن
الشافت أنواع المصايب والمحن
★★★★★
الأرض ملچومه تنوح ومظلمه
ومومثل كل يوم حالتها السمه
ابيا گلب حيدر يودع فاطمه
بنار گلبه من  دفن جنة عدن
★★★★★
بگلب حيدر تحرگ الدنيا حرگ
وبحوافر خيلها تسحگ سحگ
موأكيد عيونه تغفه. وتنطبگ
ولاكفيل اجروحه يمحيها الزمن
★★★★★
ينظر الزينب وگلبه منكسر
حايره بالدار تنظر كل كتر
يكتل أفراگ الحنينه من صغر
ايام موعلبال يم زينب لفن
★★★★★
داهم البيت الزمن حين الهجم
بيت من جور النوايب ماسلم
فوگ لچماته علي شگد انلچم
الدين كله شلون لفاه ابچفن
★★★★★
انگطعت انفاس الزچيه وهودت
اتلوعت من الظلم واتروعت
بموحشات الليل لمن غربت
مشه الموت وراح يحدي بالظعن
★★★★★
اليوم ياشيعه صدگ وكت الحزن
والمدامع تصب.  للزهره ونون
مهشمه اظلوع الزچيه والمتن
والسبب يرجع لأصحاب الفتن

الشاعر حسن لعيبي الحريشاوي

ி┈┈••☆✿🌹🌿🌹✿☆••┈┈┈ி


🕊☆~`` الملا علي المياحي ``~☆🕊


ஜ••("🕯 @alimaeahe 🕯")••ஜ

*نخوه لام البنين عليه السلام*

         🚩🚩🚩🚩

*بحزاني بحزاني*
           *حضريني بحزاني*
*يم البنين اتوسلچ*
        *حضريني بحزاني*
&&&
يارحمه الله انتِ وسره المكنون
      غاية رجائي   (   يمه )

يم المعاجز جيتچ گلبي محزون
     دمعة ودعائي    (   يمه )

بجاهچ العالي انتخي بيچ اظنون
    رحمي بكائي     (   يمه )

*بشجاني بشجاني  ناديتچ بشجاني*

*ليلي ونهاري اندبچ*
             *حضريني بحزاني*
&&&
يالحره يالباب الكرم من عدچ
    حني عليه   (   يمه )

انتِ الوسيله للجليل ابحـبچ
    لبن الزچيه    (   يمه )

سهلـي الـشده والـعسر ابربچ
   هاي المسيه   (   يمه )

*خلاني خلاني  هالهظم خلاني*

*اشكي مصابي بالالم*
            *حضريني بحزاني*
&&&
خطار جينه نقسم بطفل حسين
    ياام الابرار    (   يمه )

هذا يـريد الـعافـيه هـذا ابنـيـن
   الدمع نثار    (   يمه )

هذا سجين يريد يگضي الدين
     تايه بالافكار   (   يمه )

*بچاني بچاني الحاله بچاني*

*رافع اچفوفي وندعي*
         *حضريني بحزاني*
&&&
كلمن ابضيقه ايصيح يم البنين
    ما تخيبينه     ( يمه)

طبعچ وفيه الگاصدچ ماتردين
ابدمع عينه  (يمه)

من ينتخي باسمچ ياحره تجبرين
     اتفرحينه   (يمه)

*اذاني اذاني  هم كلبي اذاني*

*انتِ التحلي المعضله*
            *حضريني بحزاني*
&&&
جيتج يطيبه والفكر مني احتار 
مل مني صبري   (يمه)

ابابج الوذن دهري بيه لو جار
اشكيلج امري     (يمه)

مجلس اقيمه بالبچي للاطهار
  الدمع يجري     (يمه)

*الساني الساني  يلهج بيچ الساني*
 
*حجاتي ابابج اسألج*
                *حضريني بحزاني*


*بقلم الاخوات*
          *عاشقة الولايه*
*ام اباذر السكيني*

             *نسالكم الدعاء*

بهذا الطور👇🏻

https://youtu.be/Dxqk9X2-NaU

ما اوصيج    والعوض بيج
شدي حيلج عالمصاب انتي خيمه وانه باب
*
انه اعرف هاي لحضاتي الأخيره
يمه زينب شدتج شده جبيره
راح اعوفج وحدج والحيره حيره
باجر اتضلين راح ابلا عشيره

اه ياليل الصبر      باجر ايروح الخدر  وانتي تبجين
بكربله باجر حرك   وراح من كثر السحك   ايموت الحسين

يالغريبه   اشهل المصيبه
حسين نايم عالتراب    انتي خيمه وانه باب
****
اشلون بيج بكربله لو شبت النار
رايح اتحيرين باجر يمه بزغار
انتي والله جروح كلبج كلش اكبار
باجر اتركضين وحدج والرمل حار

بكربله راح الزلم    زينب تشبعج شتم   عكب اخوتج
شحجي واهواي الحجي   ويمه راح امن البجي  ايروح صوتج

واليحركون   ما يرحمون
بدنيتي شفت العذاب    انتي خيمه وانه باب
**
باجر اتصفنين والصفنه طويله
ايساعد الله اهناك كلبج يالعقيله
ميت العباس ياهو التشتكيله
امن ايده لو طاح العلم ياهو اليشيله

بعينه لو صابه السهم   ما يردلج للخيم   صاحب الجود
تحترك راح العبي   حضري روحج للسبي   بكطع الزنود

صيحي عباس    ايدخن الراس
عالنهر يحله العتاب   انتي خيمه وانه باب
*
يمه زينب هاي اخر ليله اليه
ادري رايح ينكسر كلبج عليه
راح اودعنج تره ومو هاي هيه
يمه باجر نلتقي بالغاضريه

لو بقيتي بغربتج   انه اجيج الخيمتج  واحمي الايتام
عالترب نومه اخوتج   وانتي حاله حالتج   وبصدري الآلام

امج اوياج    وصعبه تنساج
احنه ربات الحجاب   انتي خيمه وانه باب

بضلعي لتهمين بس الشده باجر
اضلوع اخوج اتروح من كثر الحوافر
رايح اعله حسين تلتم العساجر
حسين ما ينزف دمه ينزف مشاعر

باجر ايذبحه الشمر   ويرفس بصدره اشكثر   وينك ايصيح
منه لو خلص ذبح   ايشيل راسه اعله الرمح  وكلبج ايطيح

ودمعتج راح    اتهز الارماح
هذا مسلوب الثياب   انتي خيمه وانه باب
***


تمت
الشاعر تحسين الخفاجي

▪︎▪︎▪︎

استشهاد مولاتي فاطمه ع


                    الــبقاء ابعمــرك ايعـازون بيه
                    وأنه عمري شايله ويّا الزچيه
           مــا خــــذه للـمكبـــره..ابروحي ادفن مو مره 
                          ويّا الزجيه..ويّا الزچيه
====================================١
        البقاء ابعمرك يكولون وجوابي ابدمعه لو حسره
        يـاعمـــر الـبقــه عنــدي وآنـه امفــارگ الــزهـره

                 شنـو نفع الـعمر واعزازي مدفونين
                 ابن فاگـد ازغيـر وفاگد ام احسين
                 أسَكّت ونّي واتسولف دموع العين
                 تكتب عله اخدودي فاگدين اثنين

                  تكتب مات ابنهه ابعصرت الباب
                  مـاتت فاطمـه والـضلع منصـاب
          مــر عليهـه الـما جـــره..ابروحي ادفن مو مره
                          ويّا الزچيه..ويّا الزچيه
===================================٢
          چدامـي الگبـل تطـوي الگاع مـا گـدرن يشيلنّي
          واديـــه الــقـالـعــه الـبيبـان احفّـــر مـا يعيننـي

                  الفاگـدلـه عـزيـزه ابمشيـه يتعثـر
                  عله نگلت اجـدامـي بعد ما اگـدر
                  ياهو المثلي يگدر عالحزن يصبر
                  يـوادم للزچيـه گبـر بيـدي احفـر

                   الـم حيلـي گبــر احفــر وطمّــه
                   اخاف امن التراب الضلع الچمه
            فــوگـي اذبـن بـالثـره..ابروحي ادفن مو مره
                           ويّا الزچيه..ويّا الزچيه
===================================٣
          الـورد مـا ينـدفـن ياناس بـس مجبـور ادفننـه
          الـتـراب اشچم جـرح يلچم عليهه مـن اهيلنـه

                  گبرهه ابدمعي مو بالماي رشيته
                  يلجم فاطمه من يطيح حسيتـه
                  عليهه ابچفـي مـن ينزل تلگيتـه
                  الـمـوت وياهـه چم مـره تمنيتـه

                  اصبــّر گلبـي بيــش وعينــي تغفـه
                  واشوف السطر خدهه اگبالي چفه
         مـن رفستــه امكســره..ابروحي ادفن مو مره
                        ويّا الزچيه..ويّا الزچيه
===================================٤
          رجعت امن الدفن تعبان عفت الحيل والفرحه
          يحس بيه الفگدله اعزاز العليهم ماشفه جرحه

                والـفوگاهــه كلهــه وزيـدت همــي
                شگل لحسين مـن يگلي اريد امـي
                يعيني الخاطر الله ابدمعتچ ضمي
                ابو الاحزان مو ابتراب صار اسمي

                  گَعدت ويَـه الايتام وصرنه لمّه
                  حسين يريد يغفه ابحظن امّـه
          عيـونـه ضلت ساهـره..ابروحي ادفن مو مره
                        ويّا الزچيه..ويّا الزچيه
===================================٥
         شله ابعمره الفگدله اعزاز يتمنه الموت والكعبه
         ابفـرد بيت الـيعيش وياك والله فـرگتـه صعبـه

                    وين اگعد تصير گبالي صورتهه
                    اشـم ابكل كتر بالبيت ريحتهـه
                    انه دافن حنينه وصعبه فرگتهه
                    اخـذ عمري يربي وفاطمه ردهه

                     ابَـدل فاطمه ابـروحي تمنيت
                     تَسَكت اطفالهه من ترد للبيت
          شفــت زينـب حـايـره..ابروحي ادفن مو مره
                         ويّا الزچيه..ويّا الزچيه
===================================٦
           اشبقالي من حياتي ابنوح والدمعات اخلصنه
           ليليـه اوشــــل الـعين گبــرهـــه مــن ازورنــه

                طفت شمعت شبابي وماتت احلامي
                افـز بـالليل وشبـــه بچيــت ايتامــي
                مـابيهن فـــرح عـالـزهـــــره ايـامــي
                مـو للماي گلبـي لـم حســن ضـامــي

                   شكثر مشتاگ للكسروا ضلعهه
                   العليهه اعيوني مابطل دمعهه
           نلتقــــي بــالاخــــــره..ابروحي ادفن مو مره
                         ويّا الزچيه..ويّا الزچيه 
====================================
✍حيدر الشغانبي

ابوذيات نعي الزهراء ع

ونصاب
العزاهه ابنيهه كون الدار       ونصب
ودمعي جن ثجيل المطر      وانصب
على الزهره الإبنهه وكَع        ونصاب
ضلعهه ابعصرة ارجاس البريه
.........................
والباب
اعقول الماتحمله الصار        والباب
المايوولي ابحرب فرسان      وله باب
هجم عالزهره شب النار       والباب
دفعهه وانكسر ضلع الزجيه
.........................
والحجاب
جذَب من كَال عالزهره          ولاحجاب
عن كل عين ستر الهه          واله حجب
اختنكَت بالعصر فاطم          والحجاب
من دم عينهه خيوطه نِديه
.........................
والتراب
قبل ادم علي من الذر         ولي تراب
يشوف الزهره ضربوهه       وله تربي
وكَع ثالث وَلد  الهه             والتراب
المحسن صار كاروك المنيه

الشاعر ياسر العارضي