KFUPM resources

EE234/235⚡️

EE234 Instructor: Hussein Attia
EE235 Instructor: Mohamed Atta Abdulgalil


بداية الكورس circuit وتعتبر سهله لان مشابهة لفزكس ١٠٢ عدا تشابتر ٥ فيه اشياء زيادة، اما نهايته الي هي ميكاترونيكس ف هي الجديدة علينا وتعتبر اصعب من الاولى.

اعتمادي الكامل للمذاكرة والي خلاني اطلع بقريد عالي هو فيديوهات وسلايدات دكتور عطية، للفهم ماقد فتحت شي غيرهم الا بجزء الDiodes مافهمت شرحه ف شفت شرح الكويتيه. كان نظامي ان لما ينزل الواجب اروح اتابع المقاطع واشوف السلايدات واحل الاسئلة الي فيها وبعدها احل الواجب. واجباتهم طويله كل واحد ١٠ اسئله ف تغطي تقريبًا كل الافكار. هذا بالنسبة للمذاكرة الطبيعية اذا مافيه مد او فاينل، اما بفترة المد والفاينل اسوي نفس الشي بحيث ارجع احل الواجبات حقت ترمي وزياده عليهم واحد او اثنين من الاترام الماضية، بعدها اروح احل من اسئلة الكتاب خصوصًا بجزء الفاينل فيه اسئله كثير وحلوه. فيه ملف بدرايڤ الهيروز فيه جزء كبير من اسئلة الكتاب الحلوه مع حلولهم، هذا الي كنت افتحه واحل نفس اسئلته.

اما بالنسبة للاب الي هي EE235 ف مايعتبر لاب ثقيل، دكتورنا كان غالبًا بداية اللاب يعطينا الورقه الي فيها اسئلة وجداول للبيانات الي تطلع لنا بالتجربة ف نسويها ونسلمها بنفس اليوم في قريدسكوب. عدا بارت الاردوينو كان يطلب نسوي سيركت فيها لغرض معيّن والي ابدًا ماكان سهل للاسف. عالعموم بخصوص الريبورتات فما ينشال همها، اما بالنسبه للكويزات والاختبارات العمليه ف المانيوال سيء سيء مافيه اي شي مفيد، ف حاولوا بكل لاب والدكتور يشرح تسجلوا الاشياء المهمه الي يقولها لان اكيد مابتحصلوها بالمانيوال ولما يجي وقت الكويز بتكونوا ناسينها🌹. الاختبارات العمليه فيه اثنين كل، احنا كانوا اثنينهم بنفس الطريقة نسوي سيركت ونحسب الفولتج والكرنت واشياء زياده مع كم ترك بالسيركت.


سلايدات دكتور عطيه + حلول هوموركات T232+ اولد اكزامز:
https://drive.google.com/drive/folders/1wyfOLlW2Oe3IG8bZZkNDnmqdeVXFvpAM

ريبورتات T232:

https://drive.google.com/drive/folders/1J7VphykkCSTXHdD9z-vBCv4zxtCRUlVq

درايڤ ME heros:

https://drive.google.com/drive/folders/11IhITHa6L5Fj-RsupBHaKeO5F_gdyZei


مقاطع دكتور عطيه:
https://youtube.com/playlist?list=PL5iJYW6bXHnL_sxkt3wrb9cbfJaQgoy1p

مقاطع الكويتيه:
https://youtu.be/uPdNpPoIoFg

ISE291
Term:231
Instructor: Mojeeb Alkhiaty

توزيع الدرجات:
Midterm: 30%
Final: 30%
Homework: 5%
Quizzes: 10%
Class participant: 5%
Project: 20%

الكورس مو صعب ينجاب فيه قريد عالي لكنه ممل لحد الموت وبالنسبة لي كنت اشوفه غير مفيد، بس الزين فيه ان مايحتاج مذاكرة و متابعة مستمره, يعني المد ذاكرت له ٣-٤ ايام والفاينل لاني انزنقت ذاكرته بيوم بس قدرت اطلع ب A. عالعموم، هو عبارة عن 9 تشابترز، بالبداية يكون ريڤيو لاشياء اخذناها ب ics104 وبعدين تبتدون تتعلمون شلون تتعاملون مع البيانات. فيه اربع كويزات، اثنين على متيريال المد واثنين على متيريال الفاينل، واربع هوموركات، اثنين فردي واثنين جماعي.

طريقتي بالمذاكرة كانت اني اركز مع الدكتور بالكلاس لان شرحه زين واسجل ملاحظات وياه على السلايدات( كل الدكاتره يستخدمون نفس السلايدات الي بجيوبتر). وقبل الكويز بيومين ارجع اذاكر السلايدات والاولد اكزامز وكويزز بس، ماكنت اتابع شروحات ابدًا لان الصراحة اذا فيه شي مافهمته مايهمني اني افهمه ف احفظ وبس، بس اذا احتجتوا شروحات فيه مقاطع مجاهد وبروجكتات حماد.

نصيحة اهم شي بذا الكورس هو السلايدات حقت القسم لان حرفيًا كل شي يجيبونه منها، مروا على كل شي فيها من اكواد وكومنتات لان يجيبون من بين السطور، كل ما عدتوا وزدتوا بمذاكرتها كل ما ارتفع قريدكم.

بالنسبة للبروجكت اختاروا تيم عدل لان فيه شغل مو شوي وعليه ٢٠ درجة ف ابدًا لا تستهينوا فيه، والتيم الي بتختارونه هو نفسه حق الهوموركات الجماعية. اول شي تسوونه بعد ماتختارون التيم هو ان تبحثون عن dataset, بيعطونكم ملف فيه مواقع تقدرون تبحثون فيها. حاولوا تختارون داتا موضوعها بسيط مو مقعد عشان تقدرون تفهمونها وتصير اسهل عليكم, وبعدها قسموا الphases بينكم.

بالدرايڤ حطيت فيه كل الاولد والكويزات الي قدرت اجمعها وسلايدات القسم بصيغة pdf وهوموركات ترم ٢٣١ مع الحلول.

JUST MEOW Drive:

https://drive.google.com/drive/folders/16IPp2GrEsiW_ZINq5za0GAaiqXQgU-Wq

رابط شامل:

https://drive.google.com/drive/folders/10Zwwvz8pWRJCPxIFFUwAf9xOoq31fp1u

مقاطع حماد:

https://youtube.com/playlist?list=PLkL_THhSKsIkG3QHYGttilD92puCAg8pm&si=aoT_oAkqfk1Y9zyz

مقاطع مجاهد:

https://youtube.com/playlist?list=PLIBS8ORjf4HQPFtU9EHHvI-aIi_RdcF2b&si=krpLMbJoTUhhiY6_

ME203
Term: 231
Instructor: Ahmed Abdelhafez

الكورس من أمتع الكورسات الي درستهم، بسيط ومافيه تعقيد نهائيًا. هو ست تشابترات… بتاخذون ال1st and 2nd of thermodynamics وكيف تتعاملون مع الاوبن والكلوزد سستم والانتروبي، واهم شي والي هو الاساس انكم تتعلمون تطلعون الproperties من التيبلز.

لفهم الكونسبت لان دكتوري جدًا ممتاز بالشرح كنت اركز معه وافهم تقريبًا 70%-80% بالكلاس واذاكر سلايداته، بعدها اتابع شرح دكتور فهد الزهراني لاني احب اسجل نوتات على راحتي. الشايع اعتمدته بحل المسائل بس لان الصدق عجبني شرح دكتور فهد اكثر بس جربوه يمكن يناسبكم دام كثير كانوا معتمدين عليه.

اما بالنسبة للتدريب ف سلايدات دكتوري جدًا ممتازه فيها اسئلة غالبًا تكون بسيطه جدًا ف احلها بس عشان اتأكد اني خلاص فهمت وبعدها اروح لقناة الشايع، اشوف الفيديوهات الي يحل اسئله فيهم واوقف المقطع واحاول احله لحالي واذا ماعرفت اشوف كيف يحله. وبعدها اسئله الهومورك واحل بعد اكثر عدد يمديني عليه من اسئلة الكتاب الي بنهاية كل تشابتر. هذا نظامي للمياجر والفاينل. الاولدات ماكنت احلهم عدا الفاينل حليت اولدين، كان كل تركيزي على اسئلة الكتاب وانصح حيل ان يكون تدريبكم منها، فيها افكار حلوه وهم اصلًا بالاختبارات مايجيبون الا منها.

اخر تشابتر بالكورس هو اطول واحد الي هو الانتروبي وفيه قوانين كثييييره، ف نصيحة افهموا الدرايڤيشن للقوانين لان بيسهل عليكم كثير كثير، وتراه درايڤيشن جدًا بسيط بس لما تفهموا الحاله الي عندكم بتعرفوا كيف تتعاملوا معه وتطلعوا القانون.

بالدرايف حقي حطيت فيه سلايدات وكويزات دكتور احمد وحلول الهوموركات والمودل انسر للمياجر والفاينل بترمي.

JUST MEOW Drive:

https://drive.google.com/drive/folders/11_Yob9QL88_iNX-WCES311JWagg9DleE

ME heroes Drive:

https://drive.google.com/drive/folders/13oN2JcStSRtpAIGZqh5TQDE8Jz3Ole6K

مقاطع دكتور فهد:
https://youtube.com/playlist?list=PLDIG8_gesACahSkQmpKWpoFItRUIKb0d9&si=pQ-F1MvCX9Muhgi1

قناة الشايع:
https://youtube.com/@user-jl4pw7wu8m?si=bdyB-vSPQMv5ZHH5

CE202
Term: 231
Instructor: Salah Othman Al-Dulaijan

بداية الكورس مواضيع نفس فزكس ١٠١، تحليل القوى والزخم وهذي الاشياء، وبعدها تبتدي مواضيع السترس بأشكاله العديدة. الكورس نظامه مد وفاينل مو مياجر ومتيريال المد مو داخل بالفاينل.بترمي المد رتن 7-8 اسئلة والفاينل اختياري 18 سؤال وفيه فورميلا شيت.

توزيع الدرجات:
Midterm 35%
Final 40%
Quizzes 10%
Homework 10%
Attendance 5%

متيريال المد الي هو statics تافه جدًا وتكفيه مذاكرة يومين بالراحة وتفلل، كنت معتمدة فيه على شرح دكتوري لان كان ممتاز ويحل اولدات معنا واذا حسيت فيه شي مافهمته اتابع عكة واحل الهوموركات واسئلة السلايدات حقين الاسطا وشوي من اسئلة الكتاب.

اما متيريال الفاينل mechanics of material والي يعتبر اصعب بشوي ف لاني ما كنت انتبه مع الدكتور صرت اشوف الاسطا + جيف, والي سهله علي اني كنت اخذ me216 معه بنفس الترم ف كانت فيه مواضيع متكررة بالاثنين. بالنسبه للتدريب نفس نظام المد احل الهوموركات واسئلة السلايدات واكتفي ( مامداني احل من الكتاب ف اذا مداكم انصح تحلون منه زياده)، اذا عرفتوا تحلون الهوموركات بفهم عدل ف اموركم بالسليم لان غالبًا مايطلعون من افكاره. دكتوري هو الكورد ف اذا كان دكتوركم غير وكانت هوموركاته مختلفه ف اخذوا هوموركات الكورد من طلابه وحلوها.

سلايدات الاسطا:

https://drive.google.com/drive/folders/108FUZlDwEL3YbS2d4Q6BZY4MNEsNOne5

مقاطع عكة:

https://youtube.com/playlist?list=PLVgrGgkWLpZZBAvvS0I-6JUtCZM_3b-Db&si=Uf2tIlc0gAQnL1aV

مقاطع الاسطا:

https://drive.google.com/drive/folders/1D6mBJ4QKFtZ6DyJAloYRImrg9EHalwOO

مقاطع جيف:

https://youtube.com/playlist?list=PLRqDfxcafc21wlI3E56IkDmRJ-33apMjv&si=oUfwA-bbTB-MeR94

درايف شامل:

https://drive.google.com/drive/folders/17cu6QmQjXrIfCcyCgesA8v9ZnyF-P7kX

ME217
Instructor: Iman Onsa

توزيع الدرجات:
Reports: 70%
Final: 30%

اكثر لاب خربوطي ومامنه فايده بالحياة، حرفيًا كل لاب بس نروح ونناظرهم وهم يسوون التجربه واقل من نص ساعه ونخلص ونطلع. لكل لاب فيه ريبورت فردي ويكون الديدلاين الاسبوع الي بعده. الريبورتات طويله غالبًا 7-8 صفحات والمسّات يدققون على كل شي ف لازم تسوونه بضمير، يعني انا اخلي يوم كامل بالاسبوع ما اسوي شي غير الريبورت.

للريبورتات شوفوا من درايف الهيروز يساعدكم، اما الفاينل ف كان فيه رتن واختياري. لمذاكرته مريت على السلايدات الي المس تحطهم لنا وكان فيه كم اولد بعد بس اغلب الاسئلة ماكانت من الاولد جات من نص السلايدات🙃….

ME216
Term:231
Instructor: Saheb Nouari

توزيع الدرجات:
Major 1: 22%
Major 2: 23%
Final: 35%
Homework: 6%
Quizzes: 14%

الكورس ابدًا مو صعب لكنه ملييياان معلومات واشياء اول مره تمر عليكم، مواضيعه مختلفه اختلاف كبير عن chem101.

طريقتي بالمذاكرة للكونسبت كانت اني اشوف مقاطع بارود او احسان لان ماكنت افهم مره من الدكتور واذاكر من سلايدات دكتوري، فيها اهم الاشياء والحلو ان فيها اسئلة مع الحلول حقتها، وبعدها اروح للسمري الي بنهاية كل تشابتر بالكتاب. نصيحة حاولوا تفهموا اكثر من انكم تحفظوا لان المعلومات كثيره ف الحفظ بيتعبكم وبيخليكم تكرهوا الكورس.

للتدريب للنيوميريكال الهوموركات مفيده ومهمه كثير يجيبون من افكارها، اما اسئلة الكونسبت ف مروا على كل الاولدات لان يتكرر كثير منهم وبعد كويزات دكتوري حيل رهيبين مروا عليهم.

بالدرايف حقي حطيت سلايدات وكويزات دكتور نواري وحلول هوموركات ومياجر ترم 231

JUST MEOW Drive:

https://drive.google.com/drive/folders/10O32_YK7p2WkB5c2VDjeUQ2RsWVjGkcP

ME Heroes Drive:

https://drive.google.com/drive/folders/0B2tTwLoN_JgaMzNwaElrc1JodGs?resourcekey=0-UF6KP7d7B5bE7k8ZBkfgwA

مقاطع احسان:

https://drive.google.com/drive/folders/1Pr9qdl99ghCXC7jbCsXim8ADXeX1D4Fw

اهلًا اهلًا… إجازة سعيدة للكل🥳🥳

إن شاء الله ان نتائج هذا الترم ارضتكم، واذا لا ف باقي خير تعوضون فيه بإذن الله🤝🏼

Engl214📎

اخذت الكورس بالصيف مع مستر سايمون. بالنسبه لي ما اشوفه يشبه 102 ب اي شي، حتى الريبورت الي فيه مختلف حيل عنه. نقدر نقسم الكورس إلى ثلاث فترات: قبل الريبورت - اثناء الريبورت - بعد الريبورت.

قبل الريبورت:

• Report title:
بالبداية راح يعطوكم ثيم الترم حقكم وتبدون تبحثون عن موضوع يربط بين تخصصكم والثيم، بعد ماتطلعون عنوان للريبورت الدكتور يفتح لكم ملف بأكسل تحطوه فيه وبيكون فيه ديدلاين بحيث لو بعد الديدلان غيرتوا عنوانكم راح تنقصون درجة لان اختيار العنوان بس عليه درجة.

• Source notes:
مطلوب ثلاثه سورس نوتس، يعني تبحثون عن ثلاث سورسات ولكل واحد منهم فيه ملف تعبونه، تكتبون سمري قصير لموضوع الارتكل وشنو الاشياء الي ممكن تستخدمونها منه مع الرفرنس حقه، طبعًا كل واحد له تسليم لحاله مو كلهم يتسلمون مع بعض وكل واحد عليه درجة يعني اجمالي ثلاث درجات.

• Progress report :
هو عليه ست درجات، المطلوب منكم:
Report outline
Propose statement
Problem statement
Scope and audience
وبعد اقل شي تحطون اربع سورسات ولاثنين منهم بتكتبون سمري وتسوون ايفالويشن له

( سايمون رضى لنا نستخدم السمري وكل شي نفس الي سلمناهم بالسورس نوتس الي قبل ف شوفوا دكتوركم اذا يرضى عشان ماتتعبون نفسكم زياده).

اثناء الريبوت:

• First draft:
بالبداية تسليم اول درافت للريبورت مطلوب عدد الكلمات 1200-1600 بس عادي توصلون لين 1900. بأول درافت لازم يكون فيه اقل شي فيقر او تيبل وحده ولازم اقل شي ست سورسات مختلفه. نصيحة وانتو تسوون البرفريزنق من السورسات اخذوا سكرين شوت للجمل الي تسوون لها برفريز وحفظوها عندكم لان بالفاينل درافت مطلوب منكم تحطون هالصور بنهاية الريبورت عشان يشيكون على البرفريز حقكم ف سووه من البدايه عشان ماتضيعون وقت بعدين وتقعدون تدورون الجمل الي استخدمتوها.

• Midterm:
بعد الدرافت الاول بيكون المد ترم، المد سهل بس بيعطوكم ارتكل تكتبون الرفرنس حقه وتسوون سمري وايفالويشن له. بالفورم الي بيعطوكم اياه للبروقرس ريبروت مكتوبه النقاط الي لازم تذكرونها بالسمري والايفالويشن ف انتبهوا لهم وتأكدوا انكم تذكرون كل النقاط عشان تجيبون قريد. المد عليه 15 درجة، 1.5 على الرفرنس و 7.5 على الايفالويشن و6 على السمري.

• Final draft:
الفاينل الدرافت بيكون المطلوب 1600-1900, بس البنلتي اذا وصلتوا 1950 ف تقدرون تكتبون لين 1949. لازم يكون فيه اقل شي فيقرين او تيبل وفيقر او تيبلين، اهم شي صورتين يعني.

بعد الريبورت:

• Job advertisement:
بالبداية تدورون عن اعلان وظيفة وحاولوا تختاروا وظيفه عندكم فكرة شوي عن متطلباتها او عندكم اشياء تقدرون تحطوها بالسي ڤي وتكون مرتبطه فيها.

• CV:
بتسوون لكم سي ڤي عليها خمس درجات وتحطون فيها اي خبرة او مهارة حتى لو كذبيه عادي مو لازم صدق بس لا تشطحون كثير.

• Cover letter:
هذا عبارة عن ايميل تكتبونه للشخص المسؤول عن التوظيف بإعلان الوظيفة الي اخترتوها، يكون له ستايل معين دكتوركم بيعلمكم عليه وعليه خمس درجات.

• Interview:
بيكون فيه مقابلة مع الدكتور وعليها 10 درجات، بيسألكم سبع اسئله موجوده بالسلايدات، نصيحة تدربوا حيل زين وحاولوا تكون اجاباتكم مثاليه، تقدرون تكتبون الاسئله بيوتيوب وبتشوفون ناس كثير حاطين اجابات مثاليه لهم ف بس اخذوا منهم وعدلوا على الي يناسبكم، انا اخذت من كلامهم وزدت عليه على الي يناسب الوظيفه واخذت البلس.

• Report presentation:
عرض عن الريبورت عليه 15 درجة، بالضبط نفس نمط عرض 102 بس الفرق ان هنا راح تذكرون المشاكل والحلول الي ذكرتوها بالريبورت حقكم، ولازم اقل شي يكون فيه ٢ سايتيشن وواحد منهم لازم فيقر، عادي تحطون اكثر من واحد الي يعجبكم.

• Final:
الي يروح الفاينل بدون مايذاكر الاولد اكزامز او بالاصح يحفظهم غبي، حرفيًا اسهل شي ممكن تجيبون فيه قريد هو الفاينل، تقريبًا كل الاسئله من الاولد اكزامز نسخ لصق، الاسئلة فيها شوي قرامر والباقي بيكون عن شغلكم الي سويتوه طول السنه، زي مثلًا شنو الاشياء الي لازم تكون موجودة بانترو الريبورت وهكذا.

بالدرايڤ حطيت الريبورت والبروقرس ريبورت واولد فاينلز:

https://drive.google.com/drive/folders/10CNHRCfeGvhuRQEoRzf162EOLmYRVlRkEngl214

Math208 📎

الكورس حاليًا صار عبارة عن math202+ math208. عالعموم، هو حرفيًا اسهل كورس ماث ممكن تدرسوه، مواضيعه جدًا بسيطه ومافيه اي تعقيد وتركات زي الماثات الي قبله. اغلب الكورس عبارة عن بروسيجر تمشوا عليه وخلاص والمسائل الي تحتاج انتقريشن فيه جدًا بسيطة ف عكس ماث 201 مو مهم انكم تاخذوه على طول بعد ماث 102 . الي انضاف له من ماث 202 هو بارت السيريس بس لا تحاتوه جدًا بسيط وسهل مو زي الي بماث 102 الي كان معقد نوعًا ما. مصادر الكورس مو كثيره بعد ما تغيّر فماراح تحتاروا تعتمدوا على شنو. انا كنت معتمدة على شرح دكتوري الي هو د. العطاس لان ماكان فيه مقاطع (قبل الفاينل بيومين اكتشفنا ان د. الخليفي شارحه😬)، المهم اذا قدرتوا تنزلوها مع دكتور شرحه زين بترتاحوا كثير. بعد ما افهم الدرس من الدكتور كنت احل اسئلة الكتاب المقترحة وشوي زياده برا المقترحة، اما بالنسبه للاولدات والسلايدات ماكان فيه الا حقين د. العطاس والي الاغلب اعتمد عليها، السلايدات بالنهايه فيها اسئلة اولد اكزامز حلوه. بأختصار للتدريب الكتاب+ اولد العطاس كافية ووافيه انكم تجيبون توتال 400 بالكورس.

جمعت بالدرايڤ حقي حرفيًا كل شي ممكن تحتاجونه:
• سلايدات العطاس
• اولدات العطاس مع حلولي لها بالتفصيل
• كويزات العطاس ( كويزاته طويله وشامله كل الافكار لدرجة ان بالفاينل ماراجعت المتيريال القديم الا منها عشان اتأكد اني اذكر كل شي)
• مياجر ترم 223
• ملفات ريفيو لكل المنهج( هي نفسها القوانين والاشياء المهمه الي بالسلايدات مع الاولدات بس مجمعه بملف، الصدق انا ماكنت افتحهم لان حتى الاسئله الي فيهم هي نفس الي بملف الاولدات بس كثير كانوا يراجعوا منهم)
• الكتاب

JUST MEOW drive:

https://drive.google.com/drive/folders/1-qKwWyYkJrDtwkHIuBBdZve27vYJUFZE

شرح د. الخليفي( تشابتر ٦ هو نفسه تشابتر ١١):

https://youtube.com/playlist?list=PLQsyjK4ugUy-90x7bk4qU85JrpyxnBKPP&si=Whbfx0GEBl62mpTf

ملخص احد الطلاب:

https://drive.google.com/drive/folders/1thfHLAoetVQAwYRoNJQVijMEPrtb_g-6?usp=sharing

اهلًا اهلًا، إن شاء الله انه كان صيفي خفيف لطيف للي منزلين واجازة ممتعة للمتخاذلين 🥳🥳🥳

تو اضفت ملف ل Engl102 وحطيت فيه مودلز لرايتنيق تاسك 1&2 و الريبورت والبرزنتيشن كلهم بقريد A/A+ ، يمكن يفيدكم.

* رابط الcheck points للكتاب :
https://liveexample.pearsoncmg.com/checkpoint/Chapter1.html

اذا بغيتو تغيرون الشابتر لشابتر ثاني بس غيرو رقم الشابتر من اللنك نفسه

* قنوات يوتيوب
الافضل اذا ما فهمتو جزئية معينة تبحثون باسمها باليوتيوب وتشوفون الفيديو اللي يناسبكم بس بشكل عام قناة الدسوقي حلوة للجزئية الاولى من الكورس ، وبرضو فيه قناتين بالنسبة لي كانو الافضل وفيديوهات قصيرة و on points فانصح فيهم بشدة
https://youtube.com/@CodingWithJohn
https://youtube.com/@alexlorenlee
في قنوات ثانية بعد موجودة روابطها بالدرايڤ

* قروب التلقرام
https://t.me/KFUPM_ICS108


بشكل عام افضل طريقة للمذاكرة اشوفها ان اول شي تفهمون الكونسبت زين سواء من دكتوركم اذا كان كويس او من اليوتيوب لو ما فهمتو بالكلاس زين، بعدها تمسكون الكتاب وتذاكرونه وتقرون امثلته وتحاولون تفهمونها وبعدها تحلون اسألة الcheckpoints و الmcq من الموقع وبإذن الله اموركم بتكون فوق الممتازة. وفالكم التوفيق ان شاء الله.

ICS108 🔗

المادة هذي تركز بشكل كبير عن مفهوم الobject oriented programming وكيف نعامل البرامج كobjects

المتيريل مقسم لاربع اجزاء تقريبا
القسم الاول واللي هو اول ٤ وحدات ( تعادل ٧-٨ شباتر على تقسيم الكتاب ) تقريبا كلها اعادة لمتيريل ics104 لكن بـ java ، فأول قسم يخليكم تحاولون تتعودون على الستركتشر الجديد بجافا واللي تعتبر مختلفة تمامًا عن بايثون وبمنطق مختلف.

اما القسم الثاني يعتبر لب الكورس وبتاخذونه بشكل مفصل وعلى مهل اللي هو مفهوم الobject oriented programming وكيف تكتبون classes على هذي المنهجية وتعاملون البرامج على انها objects وتحددون خصائصها وغيرها وعلى اساسها تقدرون تكتبون الكود ، وهذا بتاخذون على ٣-٤ وحدات ( تعادل بالكتاب ٥ شباتر من شابتر ٩ الى ١٣ ).

القسم الثالث اللي هو javaFX شابتر وبتغطونها على وحدة بس وتعادل ٣ شباتر بالكتاب اللي هم ١٤ و ١٥ و ١٦ ، الـ javaFX هي عبارة عن اداه من جافا تساعد على تصميم الواجهات ( GUI ) وبالنسبة لي كانت امتع جزء بالكورس لكن المتيريل ثقيل فما يدخل بالفاينل او المد لكن البروجكت كله بيكون عليه سواء كان لعبة نفس الترم حقنا او بيكون تصممون واجهة لنظام معين. والهدف انه جا بالنهاية تقريبا عشان تقدرون تطبقون مفهوم البرمجة الشيئية في تصميم واجهة مستخدم.

اخر قسم من الكورس مقسم على على ٤ وحدات. بتتعلمون فيها اساسيات بسيطة بعلم الحاسب مثل الgenrics و recursion والmaps والlists وغيرها من الdata structure اللي بتتعمقون بدراستها اكثر بics202 , وبرضو بتدرسون عن exception handling و files.


* الاختبارات :
بالنسبة للمد والفاينل واللاب تست والبروجكت، زي ما قلت البروجكت كله بيكون باستخدام javaFX فقط وهالجزئية ما بتختبرون فيها لا كويزات ولا لاب تست ولا مد ولا فاينل، على ترمنا كانت فقط بالبروجكت بحكم انها جزئية ثقيلة وصعب جدا الواحد يختبر فيها.

المد :
المد راح يغطي الجزء الثاني من الكورس اللي هو OOP، الجزئية الاولى من الكورس اللي كانت اعادة ل ics104 ما راح تدخل بالمد بس يفترض انها اساسيات تعرف منكم لان بتحتاجونها بالجزء الثاني. المد كان على ترم ٢٢٢ عبارة عن mcq و output و programming. بالنسبة للprogramming هو يجي سؤالين ، الاول غالبا على lists والثاني يكون برنامج كامل باستخدام مفهوم الobject oriented ، ويعتبر نوعا ما سهل للاغلب لان يكون فيه كومنتس مكتوبة قبل كل function مكتوب فيها وش مفروض نسوي فالكودنق الثاني يعتبر هدية ودرجاته مضمونة. بالنسبة للاوتبت يحبون كثير الconstructors ويلعبون فيها لان سهل الواحد يغلط فيها ، فذاكروها زين مررره.

الفاينل :
بالنسبة للفاينل يعتبر المتيريل اصعب من المد لكنه حلو ، الفاينل بيغطي الجزئية الاخيرة اللي تتكلم عن data structure و exception handling والfiles و كان عبارة عن mcq و coding فقط ، وقابل للتغيير لان من ترم لترم يختلف. الmcq يكون اما اسألة نظرية او كود وتختارين الاوتبت له من الخيارات نفس طريقة المد. فبشكل عام اختبارات المادة ماهي comprehensive بما معناه ان اللي اختبرتوه بالمد ما راح ترجعون تختبرون فيها بالفاينل فهذي نقطه حلوة بالكورس.

اللاب تست:
بالنسبة للاب تست غالبا يكون على الfiles بحسب ما شفناه بترم ٢٢٢ والاترام اللي قبلنا. بيجيكم سؤال فيع فايل وفيه بيانات وانتو تقرون البيانات من الفاينل وتسوون المطلوب بالسؤال عن طريق استخدام هالبيانات.


المادة جميلة وممتعة وبالنسبة لي احلى من ١٠٤ بكثيييير رغم انها اصعب منها. المتيريل دسم لكن المذاكرة اول بالو تضمن لكم درجات حلوة ويمدي ينجاب قريد بالكورس وبالرااااحة اذا عطيتوه حقه. خصوصا المد الجزئية تعتبر سهلة والكودنق كاتبين لكم كومنتس قبل كل شي وش تكتبون ووش تسوون.

افضل المصادر للمذاكرة هي الكتاب 👌🏻 ممتاز جدا ويغطي كل شي بالتفصيل وفيه اسألة حلوة. ومهم مرررررررره تذاكرون اسألة الmcq اللي من موقع الكتاب لان احيانا يجيبون منها ، وصراحة مصدر ممتاز بحكم ان المادة مصادرها شبه معدومة. بالنسبة للكودنق برضو الكتاب نهاية كل شابتر مجمع اسألة كودنق ومحدد مستواها من سهل لصعب فلو حابين تتدربون اكثر على الكودنق اشوف اسألة الكتاب حلوة. مهم برضو تسوون tracing لاكواد الكتاب وتفهمونها زين جدا بتساعدكم بالفهم واسألة الاوتبت.


مصادر 🛑
* هذا رابط شامل فيه المدات والفاينلات السابقة والكتاب وروابط لبعض الفيديوهات
‏ https://drive.google.com/drive/folders/1EFEgOwtVOmbg6G6MD3xENvWYihSJnbPm

* رابط اسألة الكتاب mcq :
https://liveexample-ppe.pearsoncmg.com/selftest/selftest11e?chapter=21&username=liang11e

اذا بغيتو تغيرون الشابتر لشابتر ثاني بس غيرو رقم الشابتر من اللنك نفسه ، مثلا غيرو chapter=21 الى chapter=1 لو بغيتو اسألة شابتر ١

ME210🔗

الكورس كامل عبارة عن تدريب لاستخدام برنامج تصميم هندسي SolidWorks وكيف تسووا بارتات من رسمات 3D و 2D بالبرنامج وبعد drawing sheet للبارت وبنهاية الكورس راح تتعلموا كيف تسووا اسمبلي للبارتات ( تركبوا اكثر من بارت ويصير عندكم جهاز او اي شي). الكورس فيه جزء عملي وجزي نظري، الجزء النظري كله اوبن بوك سواءً الكويزات او الفاينل ف مذاكرتهم سهالات كل الي عليكم ان تشوفوا الاولدات القديمه وتحددوا بالكتاب واهم شي تعرفوا كيف تستخدموا الجداول. الجزء العملي هو المهم والي عليه تقريبا حول 70% من القريد ف المهم ان تتدربوا زين من رسمات الكتاب خصوصًا الي بتشابتر (٧-٨-١٤) لان الرسمات الي بالمد والفاينل تكون منهم غالبًا، والهومووركات بعد تكون بارتات تسووها ف اعتبروها تدريب وحاولوا تسووها بنفسكم واذا علقتوا اكتبوا اسم البارت بيوتيوب وبيطلع لكم.

• لازم تسوون لكم ملف بقوقل درايف تحفظون فيه كل شي تسوونه بالكلاس عشان الدكتور يشوفوه ويقيّمكم على شغلكم.


المد (٢٠ درجة) :
١- رسمة 2D تحولوها لبارت
٢- رسمة 3D تحولوها لبارت
٣- بارت جاهز وتسوون له drawing sheet

الفاينل العملي (٢٥ درجة ويكون غالبًا اخر اسبوع دوامات او الي قبله):
١- رسمة 2D تحولوها لبارت
٢- بارتات جاهزه تسوون لها اسمبلي وتسوون drawing sheet للاسمبلي
٣- بارت جاهز تسوون له drawing sheet

الفاينل النظري( ١٠ درجات ويكون بأسبوع الفاينلات):
يعطوكم رسمة لاسمبلي من الكتاب ويطلبوا معلومات منها (نفس نمط الreading exercises ف تدربوا عليهم)، واشياء ثانيه من التشابترات زي الكويزات. سلايدات يعقوب حلوه فيها تقريبًا كل الاشياء المهمه وباختصار ف فتحوها وخلوا الكتاب قدامكم وحددوا فيه و حطوا نوتس من الاشياء الموجوده بالسلايدات.

البروجكت (١٠ درجات): بيكون قروب 4-5، كل ترم يطلبون شي مختلف ف مثلًا T222 طلبوا نصمم خلاط يدوي. مطلوب منكم تسوون قطع الجهاز كامل وتسوون لهم اسمبلي ودروينق شيت لكل بارت وللاسمبلي بعد وريبورت وبرزنتيشن وبوستر وبأخر اسبوعين بيكون فيه مسابقة افضل بوستر. نصيحة اختاروا ناس مهتمه تشتغل عدل مو اي كلام، مو بس يبون يفتكون من البروجكت لان بستفيدوا منه.

🛑طريقة الاسئلة بالمد والفاينل العملي ممكن تتغير ف تأكدوا من دكتوركم.


• Yaqub quizzes& slides + reading exercises + Final T222+ Worksheets :

https://drive.google.com/drive/folders/1-CpW-P0-f064c3qhQytxUyXozq8J7V8f


• ملف شامل من ME heroes:

https://drive.google.com/drive/folders/1GYX8EVqYedin3HbWMHu8k_m37oT-mDAF

جددت رسالة Phys102🛑

Math201🔗

الكورس جدًا جميل اغلبه اذا مو كله دبل وتربل انتقريشن، اشوفه اسهل من ١٠٢ بكثيير… لو درستوه دايركت بعد ١٠٢ بعد بيسهل عليكم نوعًا ما بس مو ضروري لان المعادلات الي بتسوون لها انتقريشن ماتكون معقده زي ١٠٢، بعد لازم تتعودون ترسمون خصوصًا بجزئية الفاينل لان حرفيًا اذا رسمتوا عدل ف انتوا حليتوا نص السؤال كذا.

عالعموم، الكتاب الكتاب الكتاب اهم شي، بكل كورسات الماث الكتاب المفترض انه يكون مصدركم الاول، اذا كان شرح دكتوركم مو ذاك الزود تقدرون تتابعون احد الشروحات الي بحطها تحت، وبعدها حلوا الاكزامبلز الي بالكتاب بعدها الاسئله الي فيه، ممكن انكم تكتفون بالاسئله الي موجودة بالسيلابوس بس ما اشجع، حلوا اسئله زياده عليهم لان العاده يجيبون اسئلة برا المقترحه. بعد ماتحلون الكتاب هنا يجي وقت الاولد، اولد د.العصار اشوفها ممتازه وكافيه، وقبل الميجر او الفاينل حلوا ٢-٣ اولد ميجر/فاينل. وصح ترى اسئلة الهوموورك يجيبون منهم بنفس الافكار بس طبعًا ارقام اسهل ف يعني حاولوا تعرفون افكارهم وطريقة حلهم.

• شروحات:

⁃ ابو زهرة
https://youtube.com/playlist?list=PLvuToPs04FnCLH05yN8D857rLjQs41Rbe

-مقاطع د. الخليفي
https://drive.google.com/file/d/1M1nm1zdrZDdJ4WhE-TXUAPGsLWL9m9ck/view?usp=share_link

• اولدات:

⁃ اولدات د. العصار:
https://drive.google.com/drive/folders/
1-1nd46rZb-tASyOOltBhbRH1YICOQDOr

⁃ رابط شامل اخذوا منه الاولد ميجرز وفاينلز:

https://drive.google.com/drive/folders/1sz5V2LHdeWTHrI5Ze6eiWrnM3Kf2XR9q

نصيحة ترى كل الاولدات نفس بعض ف اعتمدوا بس واحد الي يعجبكم وباقي الوقت خلوه على الكتاب + فيه مصادر زياده بس حطيت الي انا اعتمدتهم وفادوني .


قروب المادة:
https://t.me/KFUPMCalc3

Channel name was changed to «KFUPM resources»

اهلًا اهلًا ، اجازة سعيده🥳🥳
القناة ان شاء الله راح تصير لمصادر كورسات زياده على حقين الفرشمن، ف يعني حتى كورسات السفمور العامه والميكانيكال الي ادرسهم بحطهم هنا مع نصايح وطرق مذاكره مقترحه 😬

🛑 برسالة phys101 شلت الاولدات الي فيها وحطيت بس اولدات الكحيلي الجديده وقوندال ، نصيحة هم اهم اولدين لا تشتتوا نفسكم بغيرهم

اهلًا اهلًا ، إجازة سعيدة 🤝🏼 .

من خططي كانت اني نهاية كل ترم احط بالدرايڤ حقي الاشياء المهمه الي بتفيد فيه. عالعموم توي بديت فيه والاشياء قابله للزياده إن شاء الله. إلى الآن الي فيه هو:
Phys101 : ملفات الريڤيو حقت د.واثق للمياجر والفاينل + كويزاته. (الريڤيو انصح فيها بقوه)

ICS104: اللابات محلوله + نماذج لاب تست مع حلولهم + ميد وفاينل ترم ٢٢١ + هومووركات ترم ٢٢١ محلوله . طبعًا اكيد الاترام الجايه اسئلة اللابات والهومووركات بتتغير بس يمكن تستفيدوا منهم.

IAS121: فيه اولدات كثير بس.

https://drive.google.com/drive/folders/1PvlGpUKb_DuyyAapm-ldQq_uJ5aJ2zz_

لا تنسوني من دعواتكم🙏🏼