طُفَلُيَ🖤👼🏻 のテレグラム投稿

.
أكو شيء يروح من ينكسر حاجز الأمان بين أي أثنين قريبين من بعضهم ، مهما چان نوع وطبيعة العلاقه بيناتهم ، أكو أحساس بالطمأنينه لمن يروح بعد ميرجع شگد محاولت ، أحساس أنك عادي تنعاف ، عادي أنه يتم أستبدالك بشخص ثاني ، تزعل وتنقهر وتنترك أيام لوحدك لأفكارك وقلقك وأحباطك عادي ، أحساس يكون أساسه أنك تهون عليهم عادي ، زعلك يهون والدنيا متوگف ولا اللي وياك وگف حتى يلتفتلك ويطمئن عليك ، أكو أحساس بالأرتكان وفقدان الثقه لو راح صعب يرجع.

.
لكل أنسان تركيبته الخاصه وأحتياجاته ، ماينفع كل الناس يتخلون بميزان واحد ، أكو ناس ميعرفون يتعاملون غير بلغة الأرواح ، لغة الأحساس ، لغة الحب ، هذي تركيبتهم ، الناس هذي الخساره بالنسبه ألهم مو فلوس ولا ماديات ولا عمر ولا وقت ، الخساره بالنسبه ألهم هي روح تستنزف ، مبادئ وقيم ، رحمه ومشاعر ، الناس هذي دائماً تشعر بالذنب لو عملت شيء خطأ ، الناس هذي يخافون يكونون ظالمين لو مجرد أخذو حقوقهم ، الناس هذي غاليين جداً وتقدر تشتريهم بس بكلمه صادقه ، الناس هذي ماعدها لف و دوران ، الناس هذي حتى توصل لمرحلة أنها تصرخ وتگول كافي تكون روحها أنطفت ، الناس هذي ما ينفع تشوفهم بعينك وأنما محتاجين قلبك اللي يشوفهم ، وبصيره تُدرك بيها روعة جمالهم وقيمة حضورهم ونعمة وجودهم ، أحترام الفروقات بلغات التفكير والأحتياجات والأحساس بين البشر هو واجب أنساني ، وعلى قول الكاتب أحمد خالد توفيق : أن خاطبكم أحدهم بالعاطفة فلا تعجزوه بالمنطق فدعوا للأرواح متنفسها. 🔅

.
أوقات هوايه الأنسان من كثر حجم الضغط والتفكير والزعل اللي بداخله يفقد التركيز ، يحس بأنه مُشتت وضايع ، يكون مُعرض لأتهامات هوايه من الحواليه ، بأنه هو شخص مُتعالي ومتكبر أو يتجاهل وممهتم ، الحقيقه هو بسبب زيادة الضغوطات اللي عليه روحه أنطفت و صار فعلاً لامركز لا بأحداث ولا بالناس ولا بالتواريخ.
لاتزعل من هالشخص ، لأنه ينفهم غلط ، وينزعل منه بدون سبب ، بس فعلاً كثر الأعباء اللي عليه وضغط التفكير وكثرة فترات الزعل فعلياً تخلي الأنسان بعالم ثاني لوحده ، دائماً ينسى ومُشتت وقلق وتايه ، أعذر هذا الشخص ، هو لامتعمد بأنه يتجاهلك ، ولا رايد يلغيك من حياته ولا متكبر عليك ، بس هو فعلاً يمر بمرحله صعبه وعدم وعي ، فاصل بسبب فيضان التفكير بكل شيء ، هو حرفياً محتاج اللي يعذره ، الله يريح باله وقلبه ويعينه على هذا الكم الچبير من التعب ، فلاتصير أنت والهموم عليه. 💌

.
راح تضطر تعيش نهايات متريد تعيشها ولا بيوم توقعتها ، راح تكون مجبور على أنك تعيش وجعها وألمها وأنت تتفرج ومتگدر تسوي أي شيء لتغير الأحداث اللي تصير ، راح تكون واگف من بعيد وشايف النهايه گدام عيونك ، أنت قلبك حاس أنها النهايه ، بس عقلك مديستوعبها ومدتگدر تصدگ بأنه اللي گدامك هو الحقيقه اللي لازم تستوعبها ، تحاول تقنع نفسك بينك وبين نفسك بالعكس ، تحاول تواسي نفسك وتگول لا ما أعتقد تكون هيج النهايه ، بس ترجع للواقع اللي يصدمك بمصداقية اللحظه هاي ، تخيل نفسك توگع من جبل ، أنت مغمض عيونك وخايف من الموقف ومتريد تشوف نهايتك ، بس حاس بيها ، أنت تعرف بأنك بعد لحظات راح تصطدم بقوه بالأرض ، فتات عظمك راح يگدرون يلموه ، بس فتات قلبك اللي تناثر بالسما وأنت توگع محد راح يگدر يلمه ويوصله.. ❤️

.
أنت ممزعلك غيابهم ، ولاقرارتهم وأفعالهم اللي تجرح ، ولاتصرفاتهم اللي تهدم ، أنت اللي مزعلك هو أيامك وعمرك اللي راح على أشخاص مأخذو محبتك بجديه ، أنت اللي مزعلك هو طيبتك وتفانيك بالعلاقه لأخر نفس ، أنت اللي مزعلك تربيتك النظيفه ومعدنك الأصيل اللي تعتبرهم سبب بأزمتك وياهم ، اللي مزعلك ثقتك اللي مطلعت بمحلها ، العشم اللي عشته بكل تفاصيله ، اللي مزعلك هو كرمك الچبير وعطاءك اللي تقابل بالنكران وعدم اللامبالاة ، اللي مزعلك مو أحد معين ولامجموعه من الأشخاص ، أنت مزعلان من أحد ، ولا على أحد ، أنت زعلان من روحك ، اللي مزعلك هو نفسك وبس. ❤️

.
من علامات صفاء النيه وطهارة القلب هي الوضوح ، بأنه اللي يتعامل وياك يكون واضح بكلامه ، ردوده ، أسئلته ، محبته ، مشاعره ، عطاءه ، هذا يدل على أنه داخله نظيف ، وهالشيء من أحلى المميزات اللي ممكن تلگيها بأي أحد لأنه تسهل عليك الدنيا ، والتعامل وياه يكون بسيط وسهل وبدون لف و دوران وتعب للأعصاب حتى لو چان وضوحه يكون عكس توقعاتك ، هم حيكون أفضل من أنه يضل يجيبك ويوديك بنقاشات تشتت تفكيرك وتلهيك عن الحقيقه المره اللي يحاول أنه يضمها عنك طوال الوقت ، الوضوح يعتبر نعمه يتمنى الواحد أنه يلگيها بالأخرين حتى يطمئن ويرتاح. ❤️

عشت وياك بـ عالم ثاني 🤎

بتلوموني ليه ❤️

لَيله مَن ليل البنفسج ❤️

احضنك وأغنيلك انا حاير وين اضمك ♥️🥺.