•جُودّي نِطفَجي|🌻

جودي و تطوراتها الجامعية :

- أول أسبوعين بالجامعة لما كنت داوم، كنت أجبر حالي اقعد أقرأ و اسمع بودكاست و ادرس لغة...الخ
أوصل آخر نهاري، مستنزفه، ومالي مبسوطة -بصراحة- من الضغط لكونته حولي .

-حاليًا هيك قصص، لما كون معطلة، و الأهم أنا حابة، مالي مجبره أو ملزمة .

-على سبيل الدراسة: مقصرة ببعض المواد، بس مو زعلانة، المهم لجزء لدارسته مركزته، و الباقي بيتلحق .

-زملائي بالجامعة، متل أي مكان، في أشخاص بيشبهونا و في أشخاص مختلفين عنا، مهم جدًا نتقبل اختلافهم، بس مو مهم أبدًا إنه نجبر حالنا على التعامل معهم بحال هاد الاختلاف ما بناسبنا .

-بالنسبة للدكاترة، ورغم إنه الحضور نظري(يعني ماعنا مخبريات/تجارب عملي)
بس في دكاترة جدًا المحاضرة معهم ممتعة و مفهومة وما بتحسّ بثقلها، و فعليًا لمواد لعم احضرها، عم تاخد معي وقت قليل للدراسة بالبيت (وهاد مريح جدًا لأيّ طالب) .

و هيك، حبيت وثق هل شي هون .

مِن آثار الحُبّ العليل،
أن تَصدأ حُنجرتك بسببِ البُكاء .

•جودي نِطفجي

جرد مُحاضراتنا الدراسية .

بعنوان كيف تُصبح محاسبًا في خمسة دقائق -عم امزح لا تصدقوا-

المهم طريقة بسيطة:
بحط المواد لعندي ياها هل فصل + إن في مواد حاملتها (بحال وجد)

بحدد أعداد المحاضرات المعطية أو رقم تقديري حاليًا .

كلّ محاضرة بدرسها بأكسّ عليها .

كفائدة: بحسّه ببعدني عن العشوائية+ بشوف حالي وين ماشية تمام شو المادة لمقصره فيها، شو لمادة للازم خصصلها وقت أكثر من غيرها+ بس توصل لأيام الفحص بتفديك بالمراجعة و التحضير .

#فائدة

بعد ما تابعت مسلسل الشمس تشرق من جديد(يلي حمسني للحياة جدًا)
و أثناء قرائتي الحالية لرواية شهيًا كفراق لمستغانمي .

انتابني شعور داخلي إنه صار الوقت ليكون في عمل أدبي باسمي .

وأنا أيضًا، لدي مَا يتوجبّ نشره .

صباح الخير جدًا .💕

كوّنه صرلي يومين ما درست و ما عم اضغط حالي بأيّ شيء .

فبدأت حاليًا بخطوات صغيرة .

بس لح نتشّارك اليوم بِ:

1-جدول جرد محاضراتنا الدّراسية .

2-الشركات المُغْفلة، بمثال عملي .

اديش بقرأ كتب و روايات، ولا مرة اعجبت بمقدمة العمل الأدبي لعم أقرأه،
بمثل إعجابي بالمقدمة الحالية .

كيف نَتقبل ذواتنا ؟

-الاعتراف بنقاطِ الضعف و القوة، مع العمل على ترميم نِقاط ضعفنا .
-الامتنان لاصغر الأشياء .
-تجنب النقد الجارح، و نقد أنفسنا بطريقةٍ بناءه .
-التفكير بإيجابية عقلانية .
-تقبل أوقات الحزن و الخيبة، مثل أوقات الفرح و السّعادة  .
-العمل على أنفسنا و لو بخطواتٍ بسيطة .
-و أخيرًا؛ إحاطة أنفسنا بعلاقات صحيّة .

صَباح الحبّ مِن جودي .🧚‍♂
#فائدة

اللّهم صلِّ على نبينا مُحمد و على آلهِ و صحبهِ أجمعين .💕

يا الله شو تعبت لصغته بهل طريقه
ليتم فهمه من قبل كل التخصصات .
بس مبسوطة فيه😂❤️

حلويات نبيل نفيسة و إخوانه
عبارة عن شركة تَضامن .
شو يعني؟ وكيف؟
تابع معي :
🔺أجى عمّك نبيل، عنده خبره كبيرة بصناعة الحلويات العربية، و معه رأسمال لا بأس فيه بخليه يأنتج الحلويات،
راح لعند أخواته بقصد المشاركة، و قبلو يشاركوه .
(استنتاج1: شركة التضامن، عبارة عن أشخاص بيجمعهن رابطة قرابة/معرفة بمثالنا هون الرابطة هي الأخوة .)

🔺عمّك نبيل كونه عنده خبره أكثر، و رأس ماله أكبر من أخواته، ترأس اسم الشركة  .
(استنتاج2: بشركات التضامن بظهر اسماء الشركاء+ يلي حصته أكبر و خبرته أكثر بيترأس الاسم)

🔺بالمعاملات القانونية لبتخص شركة الحلويات ، كلها عم تتم باسم نبيل نفيسه .
(استنتاج3: لازم يكون في بشركات التضامن عنوان تجاري، يعني اسم شخصي لتمشي الأوراق و المعاملات)

🔺جيبة عمّك نبيل و اخواته وحدة+ إن وجب الأمر جيبة عيلة نفيسة كلها فدى الشركة .
(استنتاج4: بشركات التضامن، في ضمان بين الشركاء، يعني ان نبيل ما قدر يسد دينه، بقوم حدا من اخواته ميسور الحال بدق على صدره و بيدفع عنه، أو حتى ممكن يبيع بيته ليوفي دينه!)

🔺بحقّ لعمك نبيل أو لحدا من أخواته يكون مدير الشركة، و عنده مسؤولية غير محدودة .

🔺مستحيل عمك نبيل يتصرف أي تصرف بدون ما ياخد رأي اخواته واحد واحد .
(استنتاج5: آراء الشركاء مهمة و تأخذ بالحسبان + الإدارة و الملكية مالهم مفصولين عن بعض)

🔺لا قدر الله، بحالّ انسحب/توفى إحدى الشركاء تُفض الشركة
(لهيك نبيل نفيسة عامل احتياطاته و عامل شركة باسم نبيل نفيسة و أولادة)

إعداد: جودي نِطفجي

•جُودّي نِطفَجي|🌻 pinned Deleted message

بوتات عم تساعدني بدراستي :
1-@GPT4Telegrambot
شات جي بي تي، عبارة عن بوت، أي سؤال بطرحه عليه، بيعطيني إجابة مفصلة و مفهومة

2-@PDF_Ai_lbot
بحول المحاضرات بصيغةpdf إلى اسئلة لحتى يختبر معلوماتكم .

دَعواتُكم لي .

#فائدة

على فكرة، أول تجربة إلي بالتدريس كانت فاشلة .
أول سنة بالكلية كمان كانت فاشلة .
أول مقال كتبته بمجال كتابة المحتوى كمان كانت تجربة فاشلة .
أول صداقة كونتها بالجامعة، كمان كانت فاشلة .

لا كمان في تجارب مو بس فاشلة، كانت مؤلمة و كثير .
بس رغم هيك كانت البوصلة لأعرف وين امشي هلق ...

صرلي شهر، عم اعطي طالب صف سادس، دروس خصوصي بالرياضيات ،
لكن للأسف لما اجى لعندي، ما بيعرف يعد إلّا للتسعة، و الطفل عنده نوعا ما صعوبات تعلم .

ليوم بعد شهر كامل من المتابعة و الإعطاء، اتقنا العدّ للرقم خمسين، مع عمليات الجمع، و الرفع لليد .
و الطرح و الاستلاف .

صدقًا فرحت بالنتيجة و كأنه ابني ، لأن لما عطيته ما كان مجرد منفعة علمية إله، و مادية إلي،
القصة كانت يا بنجح بهل تجربة يا لا .

كيف أبني علاقة مع ذاتي ؟
بث مُسجل لنورا إدريسي (اضغط للمشاهدة)

نقاط مُهنة لبناء علاقة متينة مع أنفسنا :

-تفهّم مشاعرنا، أفكارنا، و تحليلها على مدار اليوم(وهم، منطلق من موقف، حقيقة، تأثر بالمحيط..الخ)

-الحفاظ على الصحة الجسدية( مياة كافية، طعام صحي قدر الإمكان..الخ)

-تقبل ذواتنا و كلّ جوانبها(فرح، رضا، عافية، حزن، خيبة ...الخ)

-ممارسة الهوايات للتفريغ (رسم، كتابة، قراءة..الخ)

-قتل الفراغ( الانشغال بالمفيد نعمة )

-علاقتنا مع الله و الآخرين .

-البعد عن إلقاء النقد الجارح لأنفسنا -كنّ لطيفًا-

-و المؤكد دومًا، هو ثقتنا بأنفسنا .

تلخيص: جودي نِطفجي .
#استماع

في مُسلسل الشمسُ تَشرق من جديد، يجسدّ لكَ الكادر الفنَي،
بأن الرزقُ الوحيد الناقص في الحياة،
هو السّعادة !
مثلًا، سلوى و عماد قفصُهم الزوجي قضبانهُ التفاهم و كلّ مصطلحات الحُبّ، و متأكدة أن هذا القفص حُلم الكثيرين، لكنهُ انتقص بإنجابهما لطفلٍ مُقعد و وحيد!

أمّا عن رامز وَ أماني، السّعادة، كانت كقنبلةٍ موقوته، سُرعان ما انتهى صَداها، بمُراهقهِ رامز في عقدهُ الخامس، وَ ماعادت سعادة هذه العائلة مثالية وَ كاملة .

و حتى أم مريم، ميرام، باسمة، و أمين، جميعهم حصلوا على سعادةٍ ناقصة .

إلّا الحزن نَأخذهُ كاملًا، كاملًا حدّ الامتلاء .

•جودي نِطفجي .

اليوم ناوية خلص جزء من المحاضرات المتراكم عليّ، لهيك لح حاول نظم وقتي لأنهي لبقدر عليه -لأن بلشت اتوتر-

وكوّنه قاعدة بالبيت لح استغل الوقت و شارككم منشورين مفيدين إلي و ألكم :

•بودكاست لنورا إدريسي .

•شركات التَضامن( عفكرة كلّ منشور ببعثه بخصّ الاقتصاد، ببعثه لثبته بذاكرتي و بالقناة) .

و أنتو شو برنامجكم اليوم؟

أحقر قناة إعلامية، هي العربية
كيف بتنقل الحدث يا الله و بتسوقه لطرف إسرائيل .

من شوي قرأت عليها خبر عاجل،
إنه اسرائيل ضربت بعد أن أنذرت بالإخلاء .

اليوم متأكدة مية بالمية إنه هل قناة عميلة لإسرائيل .

إعلام مضلل و رجسّ كمان .

اليوم رجعت زرت مكان، إله فضل كبير عليّ .
هي المكتبة كنت ادرس فيها هداك الفصل،
و بالأخص مادة الرياضيات المالية و الإدارة .

اليوم بعد ما دخلتها، حسيت بمشاعر غريبة .
بس للأمانة مافي أحلى من إنك تسترجع ذكرايات دراستك بالمكان نفسه،
و أنت سلتك مليانة منه !💕

اللهم اعطِني الحكمة لاصبر على مالم استطع تغييره،
وَ اعِني على تغيير ما اقدر .💕