.،دكتور محمد الغليظ كتب تقسيمة حلوة ليوم عرفة منعا للتشتت ♥️
خلاص يا شباب جينا لوقت الجد.. يوم عرفة هو اليوم اللي ممكن حياتك بعده تتغير جدًا ومش كلام
طب أعمل إيه؟
1- تتوب لله عز وجل.
لأن الإنسان قد يحرم الخير كله بذنب فابدأ بداية صح
ابدأ يومك بصلاة الفجر و بالتوبة والاستغفار
2- تصوم يوم عرفة طبعا.
عندما سئل النبي عن صيام يوم عرفة قال:
( يكفر السنة الماضية والسنة المقبلة)
3- تحفظ سمعك وبصرك ولسانك
يعني لو قدرت تقضي اليوم بين البيت و المسجد أو أي عمل صالح تبقى فزت بإذن الله
النبي قال:
(إن هذا يوم من ملك فيه سمعه وبصره ولسانه غفر له).
4- تكثر من الذكر..
النبي -صلى الله عليه وسلم- قال: "خير الدعاء دعاء يوم عرفة، وخير ما قلت أنا والنبيون من قبلي لا إله إلا الله وحده لا شريك له، له الملك وله الحمد وهو على كل شيء قدير".
5- قراءة ما استطعت من القرآن مع تدبره
6- الدعااااء العام
النبي قال:
(خير الدعاء دعاء يوم عرفة )
لا إله إلا الله وحده لا شريك له له الملك و له الحمد وهو على كل شيء قدير ..
لا إله إلا الله وحده لا شريك له له الملك و له الحمد وهو على كل شيء قدير ..
كرره كثيراً كلما فترت و كلما ضعف حسن ظنك بالله لتتأكد بأن الله وحده على كل شيء قدير 💜
اقعد دلوقتي جهز كل اللي نفسك فيه من خيري الدنيا والآخرة
متضيعش ولا لحظة ولااااااا لحظة و حاولانك ما تنشغلش و ما تناامش في اليوم ده ..كله يوم واحد بالسنة
قسم دعواتك عشان ما تتشتتش
-دعوات الآخرة
-دعوات للدنيا
-دعوات لمن تحب
-دعوات للآخرة:
نفسك تكون إنسان صالح
إنسان متدين قريب من الله
نفسك تخشع في صلاتك وتحسن إقامتها
نفسك تحفظ كلام ربك وتفهمه وتعمل بيه
نفسك ربنا يستعملك لنصرة دينه
نفسك ربنا يهديك ويأخذ بقلبك إليه
نفسك في قلب سليم
نفسك ربنا يتوب عليك من المعاصي أو من معصية معينة مش قادر تسيبها
نفسك ترزق بحسن الخاتمة
نفسك قبرك يبقى روضة من رياض الجنة
نفسك تدخل الجنة بغير حساب ولا عذاب
نفسك تشوف النبي و تحشر معه
نفسك تشوف الله جل جلاله
نفسك في الفردوس الأعلى ..
- دعوات للدنيا ..
ادعي بالتفصييييل .اطلب كل اللي انت عايزه
نفسك تتجوز .. نفسك تتخرج .. نفسك تنجح.. نفسك تتفوق نفسك تنجب من البنين والبنات ..
نفسك ف صحبة صالحة ..
عندك مشكلة في شغلك... في دراستك .. في عملك ...
عندك أزمة مالية أو أسرية..
متخانق مع زوجتك أو زعلانة من زوجك..
خايف على عيالك ونفسك ربنا يحفظهم وتأمن حياتهم ومستقبلهم..
نفسك تكون حياتك أفضل أو تحسن من مؤهلاتك أو وظيفتك
نفسك ربنا يشفيك..
خايف من حاجة .. بتتمنى حاجة..
- دعوات لمن تحب :
هات قلم وورقة ويلا اكتب أسامي صحابك وقرايبك وأهل الفضل عليك وأهل الحقوق عليك ومن وصاك بالدعاء..
خلي ليهم وقت مخصوص ادعيلهم وقلبك متعلق بالله أنه يحقق لهم اللي يتمنوه وأنه يغفر لهم ويجمعكم في الجنة.
وما تنساش تدعي لمن مات ولم يدرك اليوم مثلك
وتدعي للمسلمين ولأمة الإسلام ..
وأن يفرج عن إخوانك المستضعفين في المشارق والمغارب
أن يفتح لهذه الأمة وأن يفرج كربها.
ولا تنسوني من صالح دعائكم ♥️