'مساحتي'

@isad31

جنوبي الأصل، أسمر ڪَ خبز الأمهات
شيعي جداً واغلب قسمي بِـ" علي " .
- بوت التواصل : @ISAD3i_bot

مساحتي (Arabic)

القناة "مساحتي" هي مكان مخصص للجنوبيين الأصليين، أصحاب البشرة السمراء الجميلة، والذين يفخرون بأصولهم العربية القديمة. هنا، تجتمع أروقة الثقافة الجنوبية بكل تفاصيلها وتقاليدها العريقة. يمكنكم التعرف على أحدث الأخبار والمقالات والفعاليات التي تهم الجنوبيين، بالإضافة إلى النصائح والمعلومات المفيدة لهذه الفئة الغالية من المجتمع. إذا كنت مهتماً بتاريخ الجنوب، الأدب الجنوبي، الفنون التقليدية، أو أي مواضيع تتعلق بالجنوبيين، فهذه القناة هي المكان المثالي لك. انضم إلينا الآن وكن جزءاً من هذه الجماعة المميزة! للمزيد من الاستفسارات، يمكنك التواصل معنا عبر بوت التواصل الخاص بنا: @ISAD3i_bot

'مساحتي'

07 Dec, 09:11

مليت؟.. لو مامش ڪواغد
تحرگني بيهن وابقى گاعد
حالوب ترست المخدات
امنيتي انام وراسي بارد ..

150

'مساحتي'

07 Dec, 09:08

نامت الوادم وانا صاحي
ونشگ طَبل ذاني بصياحي
ما سولفتلك عن الجروح ؟
لرڪبهن تغط المساحي ..

154

'مساحتي'

07 Dec, 09:07

فيك خلص والعندي مده
الحمل شمسين على برده
لا هوَ اصبع حتى اوازيه
ويتراهم ويالمو بگده ..

156

'مساحتي'

06 Dec, 01:14

سَيرنا بس بساع " گمنا "
متغيرة الوجوه التحبنا .

301

'مساحتي'

05 Dec, 10:26

المُڪان البي تشاوفنه
وضحڪنا هواي، أمس
مريتله لوحدي وردت
للبيت أجيبه وياي .

403

'مساحتي'

03 Dec, 14:06

لو تجينه ماتحب لهلك ترد
ويا برد هذا اليجيسك ؟
نشعل البيت الحضرتك
هايَ اذا جاسك برد ..
احنىٰ ناس حنان ڪلش
لو يمرنا المثلك نضيفة ورد .

583

'مساحتي'

03 Dec, 14:03

‏عيناكِ يا حسناءُ سِرُّ هزيمتي
‏بهما أذوبُ وفي هواكِ أُسَتسلِّمُ
‏ما عادَ ينفعُني السلاحُ وعِزَّتي
‏فالحبُّ سيفٌ لا يُرَدُّ ويَحسِمُ .

542

'مساحتي'

03 Dec, 13:34

طبع بيه من اعاشر ما اعاشر لاش
هيچ من الگمايط هذا تڪويني
انا گاع الصدور التعشگ النعناع
مو ڪل هرش ينبت يرهم بطيني
اريد خيالتي التلعب بنص الخيل
نزرة وما " توالم " غير جفيني ..
تعجبني السبوگ النادرة من الخيل
لو يشتد حزنها الروح تنجيني
ڪون تعرف طبعي وترهم لشرواي
وتعجبها قسوتي وطيبتي وليني .

575

'مساحتي'

28 Nov, 13:35

يمڪن هالرسالة هواي متأخره
چنت اعتقد وصلت حالتي بنظرة
عن ذاك الشعور الچنت احسه وياك
قررت ابتعد بس حتى ما اخسره
مريت بظرف نفسي بسهولة احچي
بس المشڪلة ما لاگي اليفسره
اسمع صوتك يطاردني من فترة
ومن خلف النوافذ وجهك اتصوره
وتخيلك توصلني على غير اشڪال
مرة بقطة ، مرة بطير ‎ عالشجرة
وحرص من اتابع اي حدث بالڪون
واتوقعك تطلع عاجل بنشرة ..
ومن تحن اديه اللمستك مرة ؟
على اقرب جدار الگاها منڪسرة .

924

'مساحتي'

28 Nov, 13:30

شحچي لليسأل علينه ؟
بعد ماملگاك چان وياي شبگه
نرجع انسلم بأدينه ؟
انتَ ماڪاسرني بس لا ڪبرتني
شفت صارت ..
راحتي وياك وعفتني
ڪون عايفني گبل ماعودتني .

782

'مساحتي'

26 Nov, 18:37

صوتك حرز قبل النَوم .

893

'مساحتي'

25 Nov, 04:31

صَباح الخير والميّخالف 🩶 .

861

'مساحتي'

25 Nov, 00:22

ليلي يخلص بالمدافع ..
وطارش لباچر لهسّة بلاية
حس، ولصبح ماسوة شي
رجع ليه بشمس امس
وهي حلوة هواي
بس مالي نفس ..
الدنيا ما ادري عرس من ؟
ڪلها تتمرگص گبالي
وخفت اهز چتفي
ويفلشون العرس .

994

'مساحتي'

24 Nov, 23:56

نسيتك وشيجي منك بعد "ميغث"
واول مرة هايَ تصير جاي اڪتب
وما اورّث ..

1,073

'مساحتي'

24 Nov, 09:31

أنا وڪريم يوميّة نتيه بطرواك .

1,031

'مساحتي'

24 Nov, 09:28

أفرع واشتهيك ردود
وطشها الحنطه واتنطر
گطه عيونك ..
يتفاح السما شلونك ؟
يبرحي شرطبك
والشمس من سنين
ابد ما جاست خيالك
ياعثك الظفاير
يامتن شالك ؟ .

549

'مساحتي'

24 Nov, 09:27

چا تحسبني هيج ؟، حساب زايد
وانتَ الاخ البڪل القصايد
لا بطلت دمعي ولاني هايد
نزل زعلك لعظمي الچان بايد
مثل نزلت الحُر على الطرايد
هناا يالشوف وجهك ماي بارد
ضمني استاهل مچان الگلايد .

514

'مساحتي'

24 Nov, 09:25

يا زعلان يمثگل سلامك ..
بعيني الدنيا ڪلها بلون شامك
الله .. شنحبك يا غرامك
بدر ليلة ڪمالك وبتمامك
"أحبك" من طرف جدمك لهامك
شو مو مثل الاول بهتمامك ؟
يا واشي الوشالك ياهو لامك
اذا اسمع بنادم يوم ضامك ..
چنت اوگفلك اڪثر من عمامك

516

'مساحتي'

23 Nov, 11:38

ڪونك گريب الگرب شيفيد ؟
ونحبَك مِن بعيد لبعيد ..

629

'مساحتي'

21 Nov, 22:14

احنىٰ ڪلش مؤنسين
لو تجينه ماتحب لهلك ترد
ويا برد هذا اليجيسك؟
نشعل البيت الحضرتك
هاي اذا جاسك برد ..
احنىٰ ناس حنان ڪلش
لو يمرنا المثلك نضيفة ورد
خشن يمك جفن عيني
بيش اشبهك؟
ڪل خضار الدنيا عدنه
وعدنه ماي العوز وجهك
على ڪيفك بالوجع
ڪل احنىٰ طين ..
وين ودتني أذيتك
صوت نسمع بي ونين
منين اجتك هالقساوه ؟
بالحلم ڪلش حنين .

843

'مساحتي'

19 Nov, 21:38

حَتّى غَدَونا لا جاهّ وَ لا نَسبُ
وَ لا صَديق وَ لا خِل يُواسيّنا .

891

'مساحتي'

17 Nov, 10:30

ما تجين شهالڪطاعه
انا تعبان بغيابچ ..
وانتِ بالج مدري وين
ڪلشي بيا يصيح بسمچ
ما تجين ؟
انتِ مرتاحه بغيابي
وانا حال الضيم حالي
انا افك ريجي بجگاره
وانتِ ريجچ ياسمين
ما تجين .

293

'مساحتي'

17 Nov, 10:24

ما تجين ؟
عاودو ڪل النودهم
انتِ يمتى تعاودين ؟
يمتى یالفرگاچ سل
وينهش بريت السنين
انتِ وين ؟
اقلامي خلص ڪل حبرها
والمڪاتيب شڪثرها
وهوه مو ڪل طير امين
رحتي وين ؟
وصار قلمچ گوه یڪطر
فوگ شطر العاشگين ..
ما تجين ؟ .

297

'مساحتي'

17 Nov, 09:11

ما رضىٰ يوادعني ظلك
ظل وراك، لا توادع يالبديك !
والغصن مد راسه من
شباچنة يدور عليك ..

290

'مساحتي'

17 Nov, 09:10

قلت غلاتك والوعي ازداد
ووخرته دمعي الفوگ المخاد
چانت قبل تخنگني وتضيگ
بس هسه جنه بعيني بغداد .

289

'مساحتي'

13 Nov, 02:32

صَباح الخير والميّخالف 🩶 .

648

'مساحتي'

13 Nov, 02:31

شوگي مثل خيالي يُڪبر بالنهار
ومن يجيني اليل من شوگي اختنك
انتَ تدري الگعده يمك انتصار ؟
وحيل ارد مغرور من اشبع شبگ
تدري من اتغيب وابقى بأنتظار
مو جگاره ضلوعي احسن تحترك
انا ابن وادم وقار على الوقار ..
ويمك اصغر حيل ڪلش وانطفگ
مو خفيف وداعتك بس گلبي نار
واليحب له انسان يحچيله الصدك
روحي چانت تينه ميته بلا ثمار
ومن عرفتك بالصخر طگلي عرگ
هواي باعوني وگلت فات القطار
ونظرة منك رجعتني على العشك
انتَ هاون ذڪرىٰ باقي من الحصار
يونس التعبان صوتك من يدك
وخاف اغثك يوم والله عليك اغار
تدري ناس اليوم ما تستر تشگ
انتَ ضحڪة فرحه بحلوگ الصغار
وڪلها چذبه بعُمري بس انتَ الصدك .

624

'مساحتي'

12 Nov, 09:41

حاشا لِحسنكِ أن يُصَاغ بأسطرٍ
أنتِ الفَصاحةُ واللغاتُ جميعاً .

615

'مساحتي'

12 Nov, 09:25

اگضي الليل احضر بالحچي لملگآچ
و خلصت النجم وچفوفي بالعَده
مدري اشچم شته يضيع برجفتي ويآچ
ضگتهن بيچ بس احرورتچ وحده
اجيت امشي نفس يم رية الغرگان
گالو جدمه خانه يروح ويصده
رديت وفشلتي مخيطة على الگاع
ومي وجهي خلص من ڪثر ما نده
من احضن صورتج يم شلب يشبع ماي
ولحد خصر النخل دمعاتي تتعده
انا وشط العرب خوان محسوبين
بصدري شچم بلم هز حسرتي بمهده
و ارجع وشتڪيج بڪل وجه بردان
ياهو لمار بيچ وڪزبرت جلده
گالو ترس اذاني انساها ماتهواك
لتسوي الصنم بيديك وتعبده
اضيع هيبته من اوڪف على الشلال
و اوصلج وڪلشي بروحي يتبده
و ارجع ذاك الاول بي الفشلة شراع
غارگ چني ملگه الماي لسده
النده المايفتهم يوڪع بصف الراح
لو يندل مڪانة يطيح عالوردة

- الشهيد علي رشم .

622

'مساحتي'

08 Nov, 15:57

‏بإمكان زهرة وحيدة أن تكون حديقتي .

918

'مساحتي'

08 Nov, 15:41

وأعد ليله على ليله وهجرك يزيد
وبطة ذراع المشابك عن الاحضان
ذڪرتك والدرب ينزف مواعيد ..
وطرت بحسبتك من دون جنحان
أنا وخلي وحيد مضيع وحيد
زرع ونشال عرگه لغَير بستان
يخنگني الحطب لو ثلج ليهيد
من تبچي الغيوم اتريد دخان
عشگتك من برودك للمواليد
لآخر نجمة چنت عليها سهران
لو أدري بمڪان طيوفك بعيد؟
مادزيت عيني اتدور المچان .

912

'مساحتي'

08 Nov, 15:31

https://t.me/E4_4l/s/172

209

'مساحتي'

07 Nov, 09:55

من گتلك
اموت بدون ماشوفك
چنت چذاب ..
لو تڪتلني لو تخطيني
لا خلف الله عالچيلة
التحطلي صواب
منا وانتهت ..
والباب يوسع باب .

947

'مساحتي'

06 Nov, 20:51

رُبما گلبج يحن يوم وتجين؟
وامنية گلبي القديمة ينولها
رُبما نتصادف بشارع بعيد
وتلتفت ڪتالتي المڪتولها
وتجي عينه بعينها وتختفي الناس
وتقرع بصدره الاشواگ طبولها
وينڪث ترابه ويفز گلبي هذاك
الچان حافظ صوت رن حجولها
نلتقي وبس الله يدري شلون راح
نلتقي ، اسئلة گبال حلولها ..
چن خصلتين بگصيبة بت حلال
هيج يتشابگن طولي وطولها .

878

'مساحتي'

06 Nov, 20:01

إذا بعيونك اصغَر؟، صيتي ڪبران
الگمر يتمنىٰ صيت هِلال رُمضان
طَريق الفرگة مثل السبحة وَياك
مِن صوبَين يبدِي منِين ما چَان
يَالجروحك مِتاع ألدربي الطويل
الدَم بِلا جَرح ما يعرف يسِيل
لو أدرِي مِيل الساعة مگص چَان
عِشرتَك والله اگصها بطَبگة المِيل
لو ادري تمَوت ڪلشي بيه روح
چا ضيعت روحي ويَ المِچَاتيل
لِزمت بگلبه لزمة ريشة بِالطَير
اذا طاحت بعد ما تنبت بـ غير
صَباح الخير گال..ويشهد اللّه
من عدها وعرفت الخَير مو خير
صرت شوف ودَخلت بعينه بَس حَيل
وتسألت اشيشوّف اليدخل بهَيل؟
وعَلي من شفت ظَلمة روحه غَصيت
ومن عدها وعرفت الليل مو ليل .

908

'مساحتي'

05 Nov, 23:24

نشف واهس عيوني بڪل الوجوه
ذبل عمري واحلامي انطشن تراب
خريفك هوى يمرني ويخنگ الشوك
وعليه يمر خضارك لابس ثياب ..
الك مو عيب لازم دمعتي اتطيح
مثل ما عيب سيف ينام بگراب
الي فك باب خلگك وانخل الليل
نهر توگع صفنتي اليبقى چذاب
انا برحة غيابك طاحن ايام ..
وملبس طعنتي وسيفك انگاب
استحي گدام غيرك يطلع السيف
وبعتبت طعنتي اتشوفه الاغراب
يالمرجف خيالي بحرگة الشوگ
غصن تانيت جيتك وانتَ حطاب
انا بالنفس من فرگاك غصيت ..
ولا دگ على ظهري متانه الاحباب
سنابل ذڪرياتك يبسن اوداع
وعلي غيم انتظارك ڪلشي ماذاب
الي تشهد طعنتك وانا ابريك
وگلت خنجر رحيلك بيا ماطاب
نفس ضميت سرك وانا غرگان
متت بيك وعليك الشوگ ماهاب
على سرعة مشيتك صفنت الخيل
چنك للفراگ محسب حساب ..
- الشهيد علي رشم .

798

'مساحتي'

05 Nov, 06:06

طَير وعارڪت چم غِصن ماحطيت
وگفت علىٰ الشرك چي بيتَك بصفة
خذا رِجلي النزف وعيوني عالشباﭺ
اخاف تفوتني عُيونك مِن الغُرفة
ماتعرفني احبَك وانا راضي بهاي
احبك حتىٰ وانتَ تگول ماعُرفة .

861

'مساحتي'

05 Nov, 05:48

أَمَامهَا جِئتُ بالأَشْعارِ أقرَأُها
والحُبُ فِي عَينِها للشِعرِ ملْحُوظُ
تقُولُ اللّه! ياحظي إذَا استمعَتْ
وَما دَرت أنَ هذَا الشِعرَ مَحظُوظُ .

812

'مساحتي'

05 Nov, 05:46

يحتار بي عند اللقا أعدائي
و أمام حسنكِ بُعثِرَت أشلائي
ما كُنت مهزوماً و لكِن بالهوىٰ
ضَاعت وَ ربكِ عزتي و إبائي .

566

'مساحتي'

05 Nov, 05:34

انتِ اطيَب مِن مُطر هاي المَدينة .

574

'مساحتي'

04 Nov, 09:03

بلا طَعم هايَ المواعيد الي غيرك
بيها أواعد، الله يحُرمني المڪان
البي أفوت وما الاگيك انتَ گاعد .

659

'مساحتي'

04 Nov, 08:55

اترسني مَلگى وعَوض ذِنوب الفَراغ
شگد مُطر بَيا اشتهى ينگط وَراك
- عَلي رِشم .

716

'مساحتي'

01 Nov, 15:02

دايسه بڪل الحمل فوگي الظروف
وحاير العينه شجيب وشرد اعوف
والهدية تهون.. بس شنطي قليل
ڪون ينحط بظرف گلبي العليل
هو بس گلبي يلوك العينه
وڪل هدية بلا گلب مو زينه
لو سعرها يجيبلك ڪلشي تريد
والله اذا مو من حبيبك ما تفيد .

281

'مساحتي'

01 Nov, 15:00

وانا والله ما مصدك
گلبي گام يحب عجيب ؟
چنت حاير بالجثث بالموت
بالهم وين احطنه الحبيب ؟

282

'مساحتي'

01 Nov, 14:55

أحبها.

303

'مساحتي'

01 Nov, 11:42

عفية

347

'مساحتي'

01 Nov, 11:41

فتحتلڪم التفاعلات جربوها آبويه ؟

342

'مساحتي'

01 Nov, 11:39

وقد طَوَّفْتُ في الآفاقِ حَتى
رَضيتُ من الغنيمة بالإيابِ .

351

'مساحتي'

01 Nov, 09:32

مري يَحبيبه الشتا يدگ باب روحي
ومالي حيل وي المطر اگضي السوالف .

367

'مساحتي'

01 Nov, 08:56

ترڪضين تحت المطر بتلك
الطريقة التي تجعل المارّة
وسائقي السيارات يصدّقون
أنه يهطل من أجلك .

381

'مساحتي'

30 Oct, 11:31

تِدري صار شگد أدور عاليشبهك ؟
مالگيت..وجاي أئيس وأنتَ أجيت

545

'مساحتي'

30 Oct, 11:13

‏الحب ليس القيام بأشياء
خارقة للعادة، إنّما ممارسة
الأشياء الاعتيادية بحنان .

539

'مساحتي'

30 Oct, 11:10

بعَدني معلعل بدونك
شما ڪثرت عليه عيون
فدوه تروح لعيونك
وذا وياي صارو ناس
ڪل عقلك يعوضونك؟
لاتتوقع تخطيت
انتَ بگلبي ماخونك .

558

'مساحتي'

23 Oct, 01:10

بردُ الشّتا يهوى نعومةَ وجهها
‏يأتي إليها كما النّسيمُ يُداري .

1,188

'مساحتي'

22 Oct, 11:43

طبعچ مثل خَدج هم حلو و لين
وتنحبين مثل اسوالف الشياب
الحديث العدهم احنين
چنتي بالي مِن سألوني
عن شيبّي وگلت "هَين"
جُل الخالقج سواج ماي وجام
من فوك الجلد وعروگچ تبين .

668

'مساحتي'

20 Oct, 16:39

مِن غيرك سمعته المنك اتمناه
وضگت حرورة المشتاك لو سير
عرفت اللي يحب والما يحب يالون
وعرفت المشتهيني بڪل ظرف يحضر
ليش اطلب تمر؟، وانا املك البستان
واظل بمَنت الفلاح واتعير ..
مو طبعي الخضوع وارضىٰ بالموجود
حُر واڪسر الماعون من يصغر .

737

'مساحتي'

19 Oct, 02:23

الزموا الحقّ تلزمڪم النّجاة
لا تداهنوا في الحقّ إذا ورد
عليڪم وعرفتموه فتخسروا
خسرانًا مبينًا
ـ الإمام عليّ (عَليهِ السّلام) .

912

'مساحتي'

19 Oct, 00:32

تگلي أحميك وانتَ ملثّم من الخوف
وتسولف عالندىٰ وتحرگ بساتيني
تڪتل ناس چيَ ما گدرو يحبوك
ودرس عن الحُسين تريد تنطيني
تدليني بدرب ما تدري دربه منين
دندل الدرب بعدين دليني ..

887

'مساحتي'

16 Oct, 06:47

تُمر من بابِنة وتِدير عينك
شعَلامة بابِنة وشطلع بينة؟
حَتى البيت سَميناه أعلىٰ اسمك
وعلىٰ لَون التحبة صابغينة
تِدري الباب من يشوف رَسمك
يصَفگلك هلا بطلاگتيِنة .

1,171

'مساحتي'

15 Oct, 05:32

ميعبرن عليه وحالي حال الناس
أعرفهم حمام شلون اگول اصگور ؟

1,295

'مساحتي'

15 Oct, 05:21

جنت صاحي ومحمد ها متاني
هلڪت وريولي طاحت هامتاني
يلاهي الفرج ليمت؟ .. ها متاني
اول ماصرت مڪطوع بيه .

1,121

'مساحتي'

13 Oct, 05:40

فحطت خلگي وبعد زعلك طويل
ودرب الملاڪه عليه شبعده صار
روحي مابيها عشگ خلص عليك
وبسمة جروحي حنينك ڪله طار
فرفحت روحي ونڪثت جروحي حيل
من سمعت بواهسك يم غيري صار .

1,279

'مساحتي'

13 Oct, 05:37

گاداني گلبي جاهل بسوگ
والدرب ماتتحمله النوگ
مهضوم من رأسي للعروگ
زلمه ويرد لمريته مطكوگ
ڪتله اثگل وما طاوعاني
ولصوب التبهذل خذاني
للڪعدت غيري بمڪاني
لخلتني عايش عالأغاني
بعشريني واسمع ياحريمه
مهدم ومنسي ومالي قيمه
مثل السراديب القديمه
جانت عيوني عيون جلاد
خلتهن عيون اليتيمه
تلاگينه بس شلون ملگه
نضحك لچن بلضحڪه حرگه
وصار المعاتب بس بلعيون
ڪلمن عيونه تريد حگه .

1,217

'مساحتي'

13 Oct, 05:33

نومكِ الباڪر لا يَزال مشڪلة
انهضي لواجبك يا " امرأة "..
نحن بلا نُور وأنتِ على سَريرك
تغطين في ضوء عميق .

945

'مساحتي'

13 Oct, 05:20

بعتلك عمر طيبة ومستحة وأخلاق
على بيعة ضميري لاتوازيني
سڪت سيفك وخل نحچي انا وياك
لتضل ساڪت، وسيفك يحاچيني
گلّي بطيب خاطر موت، أشبع موت
تگلّي اسڪت بغيض لسان تلگيني
بالطيبة تمشّيني اعلى حدّ السيف
بالسيف اعلى طيبة ما تمشّيني .

646