پست‌های تلگرام أسئلة إمتياز فلسطين

يا جماعة في شغلة عنجد أنا مش فاهمها اذا بزبط حد يشرحلي اياها
يعني شو السبب المنطقي الي بخليني اعطي outpatient تبخيرات ventolin + aerovent + budecort مع Allow بنفس الوقت 🤔

يعني مثلا بستوعب هيك خلطة لطفل عنده ARDS أو acute severe asthma بس هاظ حد علمي لازم ينام بالقسم، ومسموح استخدم بروتوكول عنيف شوي معهم لانه خطورة الحالة تستوجب تدخل قاسي

بس بما انه مريضك outpatient ليش تستخدم كل هذول ؟
حد عنده تفسير علمي؟
جماعة الاطفال بالذات يا ريت يفيدونا

مساء الخير
هذا الفيديو فيه معلومات بصراحة اول مرة بسمع فيها
حد عنده معلومة عن هالحكي؟

تجميعات من زميلنا الدكتور علي الرفاعي مشكورا
جعلها الله في ميزان حسناته

طيب طلع التسجيل متمدد ليوم الخميس الجاي ٣٠/١ وأنا معيش خبر 🤷🏻‍♂️
فيعني الوضع تمام
الي ما سجل او سلم او دفع يستعجل يخلض قبل الخميس
أطباء غزة يراجعوا مركز غزة ☝🏼☝🏼☝🏼 المجلس هيك حاكي بالاعلان

السلام عليكم
بالاعلان كانوا حاكيين انه بكرا آخر موعد للتسجيل لامتحان الامتياز والتصنيفي
بس بكرا المفروض عطلة رسمية بمناسبة ذكرى الإسراء والمعراج
هس بعرفش بصراحة المجلس والبنوك راح تعطل ولا لا بس احتياطا الي ما سجل او دفع او سلم وراقه يسلمهن اليوم قبل نهاية الدوام بلاش ينفلم بكرا

هم ليسوا أرقام، لكل واحد منهم قصة، وفي كل قصة ألف قصة وقصة

"وقالوا الحمد لله الذي أذهب عنا الحزن، إن ربنا لغفور شكور"

قبل سنة تقريبا كتبت منشور عن غزوة حمراء الأسد، اليوم وقته كمان مرة
يا ريت تشوفوه

السلام عليكم
أجيت بدي أنشر منشور عن جرثومة المعدة وشو الطريقة الصحيحة للعلاج، وكنت متخيل أني عارف الموضوع وانه العلاج بس هو بروتوكول ماستريخت للعلاج الثلاثي والرباعي
طلع الموضوع اكبر مني بكثيييييييير، واني ما بعرف من الجمل غير ذانه 🤷🏻‍♂️
ولكن جمعت كلشي بملف واحد راح احطه باول تعليق👇🏼
ويا ريت اذا حد بعرف اشي كمان يفيدنا باي اضافة 🤲🏼

الحقوا يا اخوان ☝🏼
نازل تحديث جديد لعلاج جرثومة المعدة H pylori
Amoxicillin 1000 1*2 - 5 days
Nexium 40 1*1 - 7 days
الميكانيزم تاعها بيخلي الجرثومة تموت من الضحك 🦠
واحد صاحبنا بحكي الي ١٤ سنة بعالج المرضى هيك ومحدش راجعني بعدها، أكيد قصده انهم طابوا، صح؟ 🤔

كلشي بتدور عليه موجود ع البوت
@ImtiazFalastin_bot
كتب، أسئلة سنوات سابقة، سنوات لاحقة، بنوك اسئلة، كلشي هان
ادخل وادعيلي ☝🏼