رِثاث رانَ @iiqyii Channel on Telegram

رِثاث رانَ

20 Feb, 14:42

احيانا تكون ملخبط ، مشتت
تريد ومتريد
تحب ومتحب
تكابر وتجازف
تخاف وتتشجع
تكون بالأعراف
انت تحب مو متحب
بس متعود اكثر من الحب
تشتاق وتحن
بس منطقك يمنعك
عاطفتك بودها باللحظة هاي تروح تحضن الشخص وخلي تنتهي الدنيا
عقلك يذكرك بكل اللي مريتوا بي وعشتوه
ذاكرتك تخونك مرات
وتسمع صوت من داخلك يگلك يلا
خلي نروحله
زين خلي ندير بالنه عليه اليوم مريض
خطية ليش سوينه وياه هيج
صوت آخر يرد :
يستاهل ، انقلبت الطاولة وخلي يتحمل تغيير الأدوار
خلي يعيش بدوري شوي ..
يتحمل الأذية و الوجع والتفكير اللي عشته وشفته
خلي يتلوع گلبه وعقله مثلي
وصوت آخر :
اوك يستاهل ، بس هم خطية جان مريض ، اليوم كُله بقى هيج ، محد فكر بي ولا جابله هوت شوكليت ، محد گله بردان ، محتاج شي
اساعدك .. خلي اخفف عنك
بالنهاية تتجمع الأصوات هاي كلها ويختلط العقل بالقلب والعاطفة بالمنطق
و يتكون النا أنسان
كائن بشري ..

307

رِثاث رانَ

19 Feb, 21:32

صديقتي مو اني 🤍

427

رِثاث رانَ

19 Feb, 21:32

- الرساله ؛ يعني انت متعينه

424

رِثاث رانَ

19 Feb, 21:26

هذا ميعني انو الناس التعيسة اللي حرگت گلبك و أذتك تبقي تعاملك وعلاقتك طيبة بيهم ( بس لان تخاف بيوم تحتاجهم )
وانما يم الناس الثانية اللي ازعاجتها عادية ومو شي مهم او مؤذي

437

رِثاث رانَ

19 Feb, 21:23

اكو شي تعلمته من شغلي بالحكومي ..
مصالحك فوك الكل
و لتقطع العلاقات
دايماً خلي خط رجعه
هالشي شگد ما يبين تعيس
من الخارج للقارئ
بس الأنسان الذكي
هو اللي لازم يفكر بنفسه ويحط الأولوية لنفسه قبل اي احد ثاني
اما خط الرجعة
فـ الافضل والأسرع بالتغيير بالحياة هو الأدوار ..
بلحظة ممكن تحتاج او تكون حاجتك يم الطرف الاخر
اللي هو أتعس بشر وهدمت كل الجسور وياه
او ممكن هل بشر التعيس
يخجلك ويوكفلك بموقف ..
اقرب الناس الك عافوك بي

443

رِثاث رانَ

18 Feb, 21:43

مستحيل ! شگد صح و تقريباً كل سنة هيچ
العام چانت من أصعب الفترات اللي عشتها وچنت بأسوء الأيام بس رب العالمين يعرف شي وأحنا نعرف شي ثاني
يـا ربّ رمضان هذا خير و عافية ويخفف علينا..

664

رِثاث رانَ

18 Feb, 19:57

ادعولي ..

543

رِثاث رانَ

18 Feb, 17:00

From me to you 🫂

739

رِثاث رانَ

18 Feb, 13:48

لما تحس انُ كل أحضان العالم متكدر ادفي گلبك ولا تهدي وجعك وقتها لازم توكف كلشي ويا روحك
وتعرف انُ هذا الگلب والروح ما محتاج أحد غيرك
محتاج منك تسامح نفسك تحتضن ضعفك وتطيب جروحك بإيدك
لأن انت الوحيد اللي تعرف شكد تعبت وشكد نزف وبچه گلبك بصمت بداخلك.

624

رِثاث رانَ

17 Feb, 10:20

ماكو اخطر من انسان عاجز وماعنده شي يخسرة بعد ..

645

رِثاث رانَ

16 Feb, 20:04

انت تگدر تكون الاشخاص ذولة كلهم
كلهم يكونون شخص واحد
المنتقم والمحب والحنون والخاسر والمجازف
ومتگدر دايماً تغذي جزء واحد منك ..
الانسان عبارة عن جزأين من الخير والشر
وكُلنا بداخلنا ولو ذرات من الشرور
والافكار السيئة
وكلنا سببنا أذيه بحياتنا لناس سواء بقصد او بدون
صعب تكبت جزء وتغذي جزء
لكن تگدر توازن احياناً
بتغذية اجزاء معينة واتخفيف او أسكات الاجزاء الثانية ..

718

رِثاث رانَ

16 Feb, 20:00

مرات افكر الانسان ليا حد ممكن يكون حنون ؟
و ليا حد يگدر يتمادى ويتجاوز الحدود ؟
وليا حد يگدر يوصل وينتقم ؟
و وين ممكن يوصل ؟
وبشنو مستعد يجازف حتى ليخسر ؟
وشنو الخسارات اللي يگدر يهضمها ؟
ويا خسارات ممكن تموته فعلياً ؟
وشكد ممكن يحب ؟
وشنو مستعد يسوي علمود اللي يحبه ؟

740

رِثاث رانَ

15 Feb, 18:35

قبل فترة قريت بوست جان يكول :
الغضب هو العقاب إلي تفرضه على نفسك بسبب أخطاء الآخرين.
وقبل يومين هم قريت بوست : انه انتبه وين تصرف طاقتك وعلى شنو ؟
من بداية اليوم حدد اني طاقتي هلكد اليوم
هل راح اضيعها بنقاش او شخص ؟
او اسوي شي ممكن يرفع من هل طاقة ويفيدني ؟
فـ صرت خلال اليوم من يصير شي سيء او شخص يزعجني
اوگف لحظة ويا نفسي و أكول هل الموضوع يسوة اتعصب واحرگ دمي عليه ؟
الموضوع ينحل لو لا ؟
وبعدين شنو اسوء شي ممكن يصير
بعدني دا اعصب ( ما اكذب ) بس صرت اتحكم ..
عقلي صار يتحكم اكثر
مو اللي حوالية ولا الظروف او الناس
وايقنت انُ الخسارة الوحيدة حتكون بالنهاية اليه اني
سواء كانت خسارة جهد او طاقة او مزاج لو عافية
فـ ليش منكون اكثر رأفه وحنية ويا نفسنا 🤍

749

رِثاث رانَ

14 Feb, 20:21

بالحياة دايما اكو طرق هواية ..
لكن الثابت نوعاً ما طريقين
تختار تكمل ؟
لو توگف
تبجي لو تمسح دمعتك
تواجه بكل قوتك؟
لو تتهرب
تكون شجاع ؟
لو جبان
اكو قرارات آنية
لازم تتخذها بسرعة
سريعة لدرجة ..
تاخذها بنفس اللحظة هاي
هاي القرارات احياناً تكون مصيرية
بمجرد ما تتخذها تتغير حياتك
ومجرد ما تتهرب منها فـ تصير حياتك تسير على رتم مختلف جداً
تصير عبارة عن جماد
ثابت بمكانك
العالم كلة يتحرك الحياة تتغير الناس تمشي وتطلع وتروح وتجي
و انتَ ثابت بمكانك
هذا هم قرار واختيار وطريق
انت اختاريته
لازم دايماً ( نسبة ٩٠٪؜ تعرف شنو تتصرف ، تقرر ، تختار )
لان النتائج والعواقب محد راح يتحملها غيرك

820

رِثاث رانَ

14 Feb, 19:43

♥

803

رِثاث رانَ

14 Feb, 16:52

احب القلوب ترا ها حطولي من انشر 😔

768

رِثاث رانَ

13 Feb, 21:02

" لا تصير مثل الگدر، يسخن للغير وهو يبرد" بمعنى لتجهد نفسك دائمًا علمود ترضي غيرك على حساب راحتك وسعادتك.

918

رِثاث رانَ

07 Feb, 05:36

ويا بداية هل يوم تذكر ..
اللي ميحب نفسه ويقدرها محد راح يحبه ويقدره ..
و احترامك انتَ بنفسك تفرضه ع الآخرين والعالم الخارجي
بتصرفاتك و افعالك و احترامك وتقديرك لنفسك بالأول قبل أحترامك للناس الباقيين
من تكون صاحب مبدأ وشخصية
وتشتغل وتنطي و تقدم بما يرضي الله
فـ هالشي كله ينضاف لشخصك و روحك
بيدك تخلي نفسك أعلى المقام
و بيدك تنزلها لأسفل السافلين

177

رِثاث رانَ

04 Feb, 21:54

مادري
بس خلي دايماً عندك أمل
اللي جاي حيكون احسن 💚💕
وحتى وان كان كلشي سيء هسة
فـ دايما بنهاية كلشي وبلحظة وحدة رب العالمين يفتحها علينا ممكن ..

422

رِثاث رانَ

04 Feb, 19:35

تذكير 🪄 :

447

رِثاث رانَ

03 Feb, 18:17

♥

622

رِثاث رانَ

03 Feb, 14:35

محد راح يجي يساعدك حتى تكمل الطريق
او يحاول يصنعلك السعادة
انت بيدك تكمل طريقك وتصنع سعادتك لنفسك
وحتى لو تعثرت مرة مرتين
راح تگدر ترجع تكوم على حيلك وتكمل بالطريق
الموضوع ميحتاج غير انه نكون ونفكر مثل الاطفال 💚
منتعب ولا نخاف من المحاولة
وان تعبنا فـ نرتاح شوية وراهه نرجع نكمل 💕🤍

597

رِثاث رانَ

02 Feb, 11:20

اليوم بجيت ..
كـ انسانة مثلي متعودة دايماً تكتم مشاعرها بداخلها وتطلع من عيونها نار ومتحجي شي ..
بجت كدام كل الموظفين والمراجعين!
وممتندمة ع هالشي
لان بنهاية كلشي
وبنهاية كل الأيغو ( الأنا )
اني انسان
من مي وطين واحساس
مو روبوت عديم الشعور
طبيعي انقهر و ابجي واتأذه وابين هالشي كلة كدام العالم
ومثل ما تگول تالة الخليل :
لمن تتعب اوگف
ولمن تتأذة انسحب
لمن تريد تبجي ابجي

671

رِثاث رانَ

01 Feb, 12:36

صعبة من أنت بنص شغلك والهوسة وتشتاق لـشخص متوفي متكدر لا تتصل عليه ولا تروحله ..
تمسح دموعك وتكمل اللي أنت بي لان هي هيج الحياة مابيدك شي غير تكمل وتبين انُ أنت طبيعي

775

رِثاث رانَ

01 Feb, 11:26

إحنا مو اللي صار لنا، إحنا اللي نختار نكونه..
الحياة مليانة تحديات وصعوبات، بس قوتك الحقيقية تطلع لما تقرري تقومي على رجليكي، تتعلمي، وتصنعي واقع جديد يليق بطموحك..
لا تخلي الماضي يحددك، خليّه يكون دافع يرفعك لفوق، اختاري تكوني أقوى، أذكى، وأسعد، لأنك أنتِ الوحيدة اللي بيدها تغير حياتها!
مستقبلك قدامك، وقرارك هو اللي يصنع الفرق 🤍

700

رِثاث رانَ

31 Jan, 20:22

مرات تتصرف تصرفات تكون
واعي و ما واعي لحظتها
انت واعي انك دا تتصرف خطأ
و ما واعي عن سبب الحقيقي
لتصرفك الخطأ
فـ تبقى متردد لحظتها
بس لسهولة الخطأ تكمل بي ..
بعدها ترجع تحاسب نفسك
بنهاية اليوم
بس حتى تكون منصف
و واضح ويا روحك
لان ع الكل تگدر تجذب ( عدا نفسك )
راح تكعد ويا نفسك
وتكول انا تصرفت هيج ؟
شنو السبب الحقيقي وره هل تصرف ؟
من شنو جنت خايف اني ؟
زين شلون ممكن نحل هل مشكلة بدون ما تتكرر مرة ثانية ؟
تحس نفسك للحظة
داخل سيناريو تمثيلي
بين شخص كبير وطفل صغير
و اثنينهم انت ..
الشخص الكبير يسأل بحزم
والطفل الصغير يجاوب بكل
خوف و تردد
مثل انك تشوف نفسك كـ
طفل بالماضي
وشخص كبير بالحاضر
الشخصيتين نفسهم يلتقون
و يحاولون يفهمون بعض
ويسندون الخ
و الشخص الكبير يسمع
للطفل الصغير ويتعلم منه
السبب اللي خلاه يسوي هيج
كـ معادلة من تعيشها او
تتجرأ تخلقها وتعيشها
صعبة گلش ومو كل واحد يتجرأ يسويها
بس لمصلحتك لازم تسويها
حتى تفهم نفسك القديمة
وتكون اكثر حذر بحياتك شخصك الكبير هسة ..

724

رِثاث رانَ

31 Jan, 14:03

" المايجي بدكة گلب شيفيد لو جابه العتب "

751

رِثاث رانَ

31 Jan, 10:08

‏﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

749

رِثاث رانَ

31 Jan, 10:03

♥

1,716

رِثاث رانَ

30 Jan, 15:45

الحياة تقوم الأنسان
شگد ما يحاول يحط قوالب
لنفسه ويوسع بيها
تجي الحياة تقومه من كل
أطرافه و أجزاءه وتخلي يوسع
ويتشكل على حسب قوالبها ..
شكد ما تحارب
بالنهاية راح تدخل هل قالب ..
الموضوع يشبه الموت
شكد ما نحاول ننسى و نتناسى
فـ نعيشه بنهاية كلشي

847

رِثاث رانَ

30 Jan, 12:37

كثرة الناس حواليك تشتتك و تتعب حياتك
بس قلتهم هم تخليك تفكر
اني ليش وحيد ؟
الانسان صعب يتوازن او يحصل على التوازن بالحياة
دايماً تبقى اكو اشياء يريدها
وكلما يحصلها تجي بمكانها اشياء ثانية يريدها
هل مخلوق صعب يتم إرضاءه
وبنفس الوقت تجي لحظات يرضى بأبسط الأمور
صعب انك تگدر تحرز هالشخص
شنو يريد من اعماقه
وشلون دا يسعى حتى ياخذ اللي يريده؟
ما اعرف ..
احنة الكائنات الوحيدة على الأرض اللي تبقى غامضة وصعب تنفهم ..

733

رِثاث رانَ

30 Jan, 11:23

هذا المسچ مستحيل يجي يوم أنسا ❤❤❤❤❤

704

رِثاث رانَ

29 Jan, 15:15

الناس اللي بحياتهم احد من العائلة يسمعهم و يسندهم
الأب او الأم
انتوا بنعمة عظيمة
و يا حبذا لو كان الطرفين ..
اما الوحيدين ..
فـ عزائكم الوحيد
رب العالمين يمكم

843

رِثاث رانَ

29 Jan, 14:35

كل يوم تعيشه راح تكتشف شي جديد وتتغير اشياء هواية بداخلك وبحياتك ..
تسوي كل اللي گلت ما اسويه
تصير بكل وضع كلت ما اصير بي
وبعيداً عن المثالية فـ راح تجي أيام تفرح بيها وبداخلك تگول يستاهل هالشي اللي صار بي
تفرح لان حقك انرد مربع
و كله صار من رب العالمين
بدون ما تسوي شي
ولا تحرك اصبعك حتى
وما اخجل من هالشي
لانها دنيا تاخذ وتنطي بيها
و بالأيد اللي تنطي راح تأخذ
وبقدر الوجع اللي تسبب بي راح تعيشه ولو بعد ألف سنة
ومحد ينكر انو انتَ لو حاربت او شگد ما گلت لا ميصير اتشمت و اگول يستاهل فـ يبقى جزء بداخلك يگول لا يستحق هالشي وحقي أنرد
ما اعرف ..
صدك بهل دنيا كل يوم بحال و أحوال مختلفة نكون
و الناس اللي جنا نحضهم البارحة وندعيلهم بالخير
صرنا اليوم منسمح يتقربون النا ولو لمسافة متر واحد وندعي عليهم او نسلمهم بيد ربنا
فـ تستوعب انو بالنهاية ماكو شي ثابت بهل دنيا و راح يبقى يمك وبحياتك غير رب العالمين ..

777

رِثاث رانَ

29 Jan, 11:08

♥

882

رِثاث رانَ

28 Jan, 20:19

تساؤل :
انت كـ انسان شلون ممكن تمنع نفسك من انك تتشمت بشخص أذاك وهسة دارت الدنيا عليه ؟

779

رِثاث رانَ

22 Jan, 21:02

مرات نحس الحياة تمشي بشكل سريع
ومرات نحس الحياة تمشي بشكل بطيء
الموضوع كل مرتبط بالحسحسه شلون تحس ، وبطريقة اللي تعيش بيها

442

رِثاث رانَ

22 Jan, 12:40

ماذا يُدريك أنّ حياتك لن تكون أفضل ان انقلبت رأساً على عقب ؟

- شمس التبريزي 🤍

468

رِثاث رانَ

21 Jan, 22:19

كل اللحظات الصعبة اللي مرينا بيها ، كل الصمود اللي بقينا بي اقوياء واحنا وحدنا جانت تسوي منّا اللي احنا عليه اليوم نحتاج نشكر نفسنا على صبرها ، على قوتها ، على حبّها اللي بقى موجود رغم كل الأذيه اللي دتتعرضلها اذا يوم ردنا نشكر أحد فـ خلي نشكر نفسنا بالبداية لأنها تستاهل كل الحب والإمتنان على كل خطوة مشت بيها رغم التعب

545

رِثاث رانَ

21 Jan, 15:25

احلىٰ شي من تنام بدون منبه 💆🏻‍♀️

676

رِثاث رانَ

21 Jan, 09:33

ماكو صاحب صدگ "
هاي الجملة مااعرف لشوگت راح ابقىٰ اكولها..

612

رِثاث رانَ

20 Jan, 21:46

جداً والله 🌟

686

رِثاث رانَ

20 Jan, 09:27

يارب خليها تضبط هالمرة بدون كسرة خاطر
خليها تصير مكافأة لكل شعور متعب

1,800

رِثاث رانَ

20 Jan, 03:33

و لتنسى ابد
لتنسى ..
اللي گدامك شخص مريض ( بمرض نفسي )
فـ طلعه من حياتك في حال بعده باقي
وحط حد واضح أله
و ان كنت مجبر على التواصل بحكم العمل او اي شي خلي علاقتكم سطحية و بحدود
و انتبه تحاول تحاربه او تخليه يخسر
لان عقله وآليات دفاعه كـ شخص مصاب بالنرجسية أقوة منك و يفتقر للتعاطف هوه اساساً
فـ الخاسر الوحيد راح تكون انتَ
و خليها تكون تجربة واضحة و صريحة بحياتك
حتى ترجع تحب نفسك وتقدرها و متمنحها لشخص بهالشكل
ولا تنتظر او تحاول تكمل روحك بشخص ثاني
و لا تسمح لنرجسي مرة ثانية يدخل لحياتك

822

رِثاث رانَ

20 Jan, 03:33

ما اعرف منو يحتاج يسمع هالشي ..
بس خلي ببالك ورة كل علاقة تنتهي بالأخص ان كانت ويا شخص نرجسي
( احد أطراف العلاقة نرجسي )
لتفكر ابد انُ خلصت الحياة
بعد متلگي شخص يحبك ( ع اساس ) مثله بالبدايات
مثل ما كان يمثل عليك
اعرف هل سطور ممكن تجرحك و انت تقراها
بس كون واثق انك شخص ينحب و محبوب وتستاهل كل الحب والتقدير ومو انك شخص لازم يتحملونه الناس ( متنحمل ومحد يتحملك مثله ) مثل ما جان مبينلك بالعلاقة او تمنن عليك بنهاية العلاقة و هو يكلك لو مو اني منو جان يتحملك ؟
دير بالك تصدك بهل كلمات و التلاعب النفسي

740

رِثاث رانَ

15 Jan, 21:42

هو طبيعي اللي ممكمل مادة الامتحان يروح يمتحن؟

1,178

رِثاث رانَ

15 Jan, 09:02

سنحيا بعد كُربتنا ربيعاً
كأننا لن نذقٍ في الأمس مراً

علي بن ابي طالب

2,674

رِثاث رانَ

14 Jan, 13:18

الله ليعيش احد القلق والتفكير اللي دا اعيشة هل فترة
وشلون مخرب عليه كل حياتي

1,340

رِثاث رانَ

14 Jan, 02:40

أدعولي 🤍

1,216

رِثاث رانَ

13 Jan, 23:25

حسبي الله ونعم الوكيل

1,277

رِثاث رانَ

13 Jan, 09:09

نادِ علياً مظهر العجائب
تجدهُ عوناً لك في النوائب

1,464

رِثاث رانَ

12 Jan, 12:05

اكثر شخص اخاف من افعاله بهل دنيا هو اللي ماعنده حد
ماعنده نقطة يوگف يمها
اللي حتى الحرام عنده عادي
اللي ماعنده مبادئ ولا اخلاقيات توگفه عند حد معين

هذا الانسان گلشي اتوقع منه ..
ما اخاف منه خوفاً كـ شخص
وانما من تأثير افعاله ولا تتناثر عليه بحكم الشغل والمسؤولية اللي انفرضت عليه وياه

1,354

رِثاث رانَ

12 Jan, 00:50

وحدة من فوائد انك تكون متوازن ..
هي لمن توگف لشخص وتكون وكفتك بداعي الأنسانية

من تفتر الدنيا ويجي يوم تكون محتاج وگفته بيها وميوگف يمك
متهتم ولا تضوج
لانك جنت متوازن و قدمت على قدر طاقتك مو زيادة 🤍

1,337

رِثاث رانَ

11 Jan, 16:25

كلشي تتعلقين بي ينأخذ منج ..

1,254

رِثاث رانَ

10 Jan, 06:34

‏﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

97

رِثاث رانَ

09 Jan, 11:30

بمرور هاي الأيام عرفت
انُ من اكبر الخسائر للأنسان هو " الوقت "

406

رِثاث رانَ

08 Jan, 15:20

كلش هواي احترم الشخص اللي مهما چان يومه او مزاجه سيء بس ميقلل من احترام الناس ولا يعاملهم بشكل سيء

572

رِثاث رانَ

08 Jan, 12:20

بس اتمنى من رب العالمين يطلعني من اللي اني بيه و تنتهي هل أيام التعيسة 🤲🏻

547

رِثاث رانَ

07 Jan, 23:57

وشغلة ثانية :
محد بينا عنده قوى خارقة حتى يعرف شبيك
مو بحجة ظرفك ومشاكلك تجي تكسر وتهدم
وراهه لازم احنة نتوقع انُ عندك ظرف ونسامحك !

ماكو هيج حجي

595

رِثاث رانَ

07 Jan, 23:33

تذكير :
محد راح يحترمك اذا انت نفسك ما مخلي أحترام لنفسك

565

رِثاث رانَ

07 Jan, 17:38

حكمة الله .. أكبر من حدود ظنّك

610

رِثاث رانَ

07 Jan, 17:20

شايفين من تفكرون لشي وتخافون ليصير
يصير عدكم رعب بهذاك اليوم خاف يجي ويصير اللي يصير
وكلشي يتلخبط عندك توصل مرحلة بأي شي تلهي نفسك بأي شي حتى ميجي ببالك هذا التفكير..

607

رِثاث رانَ

07 Jan, 16:55

انك تكون انسان واعي ، متصالح ويا نفسك ، من تخطأ تعرف تعتذر بشجاعة
من دون ما تخاف لا تقل من قيمتك و الأنا مالتك

فـ اعرف انك انسان سوي ذاتياً و متصالح ويا نفسه 💚❤️

586

رِثاث رانَ

04 Jan, 20:13

صارلي يومين ببالي هل جملة
denemezsen bilemezsin

898

رِثاث رانَ

04 Jan, 20:10

اذا متجرب مراح تعرف ..

872

رِثاث رانَ

03 Jan, 19:51

اقصى مراحل التعب من تنام بدون متدري بنفسك

1,012

رِثاث رانَ

02 Jan, 21:33

مرات گد ما مبين عليك قوي من الخارج
و الكل يشوفك بهل طريقة
متگدر تعترف بخوفك
ولا تكول انك خايف لبشر واحد حتى ..

1,116

رِثاث رانَ

02 Jan, 08:41

تذكير :🪄💛

1,188

رِثاث رانَ

01 Jan, 18:20

من تجي تتمنن على شخص بشي سويته أله فـ اعرف انك قليل أصل
و من تجي تحسسه انك مضحي علموده
فـ اعرف انك اتخذت هل قرار بقرارة نفسك و محد جان يجبرك او يفرض عليك هل شي

1,250

رِثاث رانَ

31 Dec, 22:39

لتحسد غيرك على شغلة أنت متعرف
رب العالمين شنو أخذ منه بمكانها ..

1,373

رِثاث رانَ

31 Dec, 21:20

♥

1,258

رِثاث رانَ

31 Dec, 21:11

1 يناير
يا رب ، البدايات الجديدة
الطرق الواضحة ، الناس الطيبة
الطمأنينة التامة ♥

1,102

رِثاث رانَ

31 Dec, 07:21

اكتشفت انُ اني مااحب المناسبات ولا أيام اللي تكون بيها احتفالات
كلش انتمي للأيام الهادئه واللي كلمن ملتهي بنفسه وحياته
ما أحب يكون كل مكان فوضى وأحتفالات
ليش؟ اني هم الصراحة ما اعرف ليش..
بس هيج أيام اتمناها تمشي بسرعة و تخلص وگلشي يرجع طبيعي

1,532

رِثاث رانَ

30 Dec, 20:51

اكو بعض الناس ..
لازم تحطلهم حد
لحد هنا ، بهل مقدار قابليتي و أمكانيتي
لهل حد اگدر اقدم و انجز
لأنهم ميفهمون ..
ميفهمون انه الأنسان أله حد معين يوگف عنده
يبقون يطلبون
و يستمرون بالطلب ..
لو أنطيتهم أيدك اليمين
حيگولون وينها أيدك اليسار
لو أنطيتهم عين وحدة
حيگولون الثانية وينها ؟
هم نريدها !
حتى و ان كانوا أهلك
لازم تحددلهم مكان
لهنا و اوكفوا خلص
هذا حدي و حدكم
اكثر من هيج ماكو

958

رِثاث رانَ

29 Dec, 16:29

هواي مرات تعتقد ..
انك تحب هالشخص
لكن بالحقيقة انت تحب وحاب الأشياء والمشاعر اللي يقدمها الك
و شلون يخليك تحس تجاه نفسك
و تعويضه عن النقص والحرمان اللي بداخلك
ورة فترة ..
فترة طويلة
ممكن اذا جنت واعي ع نفسك وحاب تطورها ودا تهتم بيها
راح تكتشف بشكل واضح وصريح
انك ما جنت تحب الشخص هذا .. و ان كانت منتهية علاقتكم او انت اللي نهيت العلاقة
فـ نهيتها بس لأنه بطل ينطيك الأشياء اللي انت محتاجها و خلصت فترة تعويضه عن حرمانك العاطفي!
راح تصفن لـ لحظة ويمر گلشي مثل شريط گدام عينك ..
هنا راح تفهم انت شنو اللي عشته و سويته
و الذنب مو ذنبك
وأنما الخلل الأساسي بدأ من نشأتك و عائلتك
لكن باللحظة اللي تقرر انك تبقى مثل ما انت وما تعالج هالشي
فـ هو ذنبك ١٠٠٪؜
و راح تكون ظلمت نفسك قبل ما تظلم اللي حواليك

1,031

رِثاث رانَ

28 Dec, 22:58

بعد نقاش صغير ويا chat gbt 🤣💚❤️

916

رِثاث رانَ

28 Dec, 09:58

اعتراف صغير :
الطبخ طلع شي حلو و يونس 🩵💚🩷
بس اني جنت اشوفه مسؤولية كبيرة وخايفة منه 😬🌚

المهم هل اعتراف خلوه بيناتنه 🤓🤣

1,013

رِثاث رانَ

27 Dec, 22:02

جانت سنة غريبة نوعاً ما ..
عشت بيها هواي أشياء وتجارب مختلفة
توجعت حيل
بس تعلمت
مريت بهواي عواصف
وانحطيت بمواقف لازم أقرر بيها لوحدي
تحملت مسؤوليات كثيرة
كلها گدرت اطلع منها و راسي مرفوع 🩶
و بكل مرة تخيرت بين روحي والعالم اختاريت روحي
جازفت واخذت قرارات صعبة
ضغطت ع نفسي وحققت اهداف كثيرة
كبرت گلش
صَرت اكثر قناعة بوحدتي ومبادئي
و صلت لمراحل ما ممكن يتحملها بشر لو يطلع منها
و تحملت و طلعت منها
فـ اذا اكو شخص فخورة بي فـ هو نفسي
أما الأمتنان فـ ميتقدم غير لرب العالمين
لان محد غيره جان يمي وساعدني و مدني بالقوة 🤍🖤

1,120

رِثاث رانَ

27 Dec, 20:52

ما ادري يعني ..
بس جديات ما أستوعب شلون شخص يقلل من قيمتك ويبينلك بشكل واضح انت مو مهم بالنسبة أله
و متسوة واحد يسويلك موقف و يوكف وياك بعز ضعفك ومرضك ..
تگوم بنفس اليوم تجيبله أكل
توصيله ولا كأنوا صار شي بينكم ( تمالختوا ) ولا ان طلع بالعالي وياك !

والرد : والله اني بس اخذ موقف ما ازعل!

صدقاً كرامة الأنسان فوك گلشي

585

رِثاث رانَ

26 Dec, 22:01

مرات كل اللي تحتاجه شخص يسمعك من صدك
يسمعك حتى يفهمك مو علمود يرد عليك

845

رِثاث رانَ

26 Dec, 18:28

محد يعرف ولا مُدرك كمية المحاولات اللي تحاولها ويا نفسك طول اليوم علمود بس تعديه ولا احد يعرف عن نفسيتك للأحداث علمود تعدي وإن تركيزك بـ تفاصيلها يتعبك أكثر كل شغلة عديتها بصعوبة واخذت من وقتك وطاقتك اللي باقي منها.

746

رِثاث رانَ

26 Dec, 12:19

اكو شغلة لازم تستوعبها المرأة ( البنات المزوجات )
قيمتج من قيمة زوجج
وكرامتج من كرامته
فـ من تقللين من قيمتة وكرامته كدام الرايح والجاي
محد راح يحترمج ولا يحترم زوجج
لان انتي اساساً محترمتي شريك حياتج وحجيتي عنه و انطيتي بي كدام الكل

فـ ليش تنصدمون بعدين من منحط اعتبار لأزواجكم او الكم من يصير شي لو ينذكر طاريهم ..؟

845

رِثاث رانَ

26 Dec, 12:08

مرات الانسان يستغرب ليش الناس متحترمه وتقدره
بدون ما يفكر بسبب شخصيته الضعيفة وان هو ما منطي اهمية و احترام لروحه
حتى العالم تنطيه

فـ شلون تنطيك الناس شي انت ما منطيه لنفسك ؟

775

رِثاث رانَ

25 Dec, 18:37

غمضت عيني لـ لحظة
مر گدامي شريط حياتي
من سنة ٢٠١٨ لحد هسة

782

رِثاث رانَ

25 Dec, 14:54

ويا كل علاقة تعيشها
بأسلوبك و طريقتك انت تحدد شلون المقابل يكون وياك
من يكون بينكم تواصل واضح
بدون ما تحجون شي مختلف و انتوا تردون شي ثاني
( بسبب خوفكم من المواجهة او رد فعل المقابل )
من تكونون واضحين بأحتياجاتكم و الاشياء اللي تردوها و تتقبلوها
وتحددون بشكل واضح شنو اللي متتقبلوه و ان هذا حدك
كلشي راح يمشي بشكل حلو وسلس
حتى وقت المشاكل
لازم تحجون بدال ما تتهربون او تعاقبون المقابل بدون كلام ومن دون ما تنطون فرصة للأستماع والفهم
صدقاً كل الخسارة اللي حتكون هنا هي للطرفين
من وقتهم و عمرهم
كل المطلوب منك تكون على حقيقتك و طبيعتك بس

859

رِثاث رانَ

24 Dec, 16:54

لا تخاف اللّٰه يحلها ♥

820

رِثاث رانَ

23 Dec, 19:29

آخر كم يوم ..
دا ابجي على كلشي تقريباً
على مشهد ، مقطع فيديو ، اي شي يطلع گبالي
دا اخذ اشياء قديمة عذر
بس ماگدر اكول لنفسي
اني دا ابجي علمود ذاك الجرح اللي بداخلي

1,018

رِثاث رانَ

23 Dec, 10:39

الانسان يعتقد
من يكون بالمستشفى او من يكون الشخص مريض
حيكون محتاج للأكل او الشرب لو شغلات ثانية ثانوية
بينما هو كل اللي يحتاجه هو و جودك يمه بشكل حقيقي
تگعد بصفه ، تحاول تخفف من ألمه بكلماتك ، افعالك ، نبرة صوتك الحنينة ،
يشوف خوفك وقلقك عليه ، سعيك حتى يكون بخير
و بس ..
هذا كل اللي يحتاجه

1,066

رِثاث رانَ

23 Dec, 06:08

الحياة تستمر
لو تفكر بيها حتفهم

948

رِثاث رانَ

22 Dec, 21:45

خليك واثق انُ ربنا شايفك ويعرف بتعبك ومعاناتك..

2,319

رِثاث رانَ

22 Dec, 21:03

بتمنى اللي بعمله يتردلي .. لأني ببساطة عمري ما أذيت حد ، ولا اتمنيت لحد حاجه وحشة ، ولا كان في ايدي أساعد حد واتأخرت ، ولا بحب أشوف حد زعلان وأسيبه كده ، ولا نيّتي عمرها كانت مش صافية تجاه أي حد ..
طول الوقت نيّتي خير واللي جوا قلبي هو نفسه اللي بعامل الناس بيه ، لا بعرف أنافِق ولا أزيّف شعوري ودي أكتر حاجه بحبها في نفسي ♥️

1,030

رِثاث رانَ

22 Dec, 14:48

مستحيل اكو شي يوصف النظرات تحس تحجي كل الحجي اللي متكدر تعبر عنه أنت ♥

973

رِثاث رانَ

22 Dec, 14:12

عيون الانسان 🤍
ماكو شي اعظم منها
ماكو شي دقيق بگدها
بيها تشوف كل الحماس والحب والتقدير او العكس
عيون الأنسان متكذب ابد
بالأخص الشخص المحب
عيونه اللي تركض وتسولف بداله للطرف الثاني
عيونه تعبر عن كلشي
فـ مادري يعني
بس من اكثر الاشياء اللي انتبه عليها بالناس اللي تحبني عيونهم
و هي الدليل الوحيد على حبّهم الي

1,131

رِثاث رانَ

21 Dec, 21:14

راح تشوفني بكل الخسارات
و راح تحطني الأول من تعدها

883

رِثاث رانَ

26 Nov, 15:13

اعتقد شوي شتت عقلكم ومو الكل فهم ، فـ راح اشرح وضعي
عندي مسؤوليات تجاه بيتي
وعائلتي
وعندي مسؤوليتي تجاه شغلي ومرضاي و الوقت اللي ملتزمه بي ولازم اكون بالدوام
وعندي مسؤوليات تجاه نفسي كـ دانية واحلامي
و عندي مسؤوليتي تجاه شغفي التصوير
بعد ما جبت كل المعدات من كاميرا وعدسة واضاءة اختلف كلشي
لگيت نفسي فجأة تجاه طريق ماعرفه!
قبل جنت اتوقع انو خلص مجرد ما اجيب الكاميرا والاضاءة
اطلع جلسة جلستين وافهم قواعد و ازرار الكاميرا
خلص راح ابدي تصوير وينتهي كلشي
بس بالحقيقة الطريق گلش مشوش وضباب ..
زادت الصعوبات والمسؤوليات والمتطلبات
دخلت بمنعطفات وأعماق ما جنت متوقعه ادخلها
هاي من عدا حياتي الشخصية والأمور اللي تصير بالدوام وكثير تفاصيل متنحجي

111

رِثاث رانَ

26 Nov, 15:07

دا احاول افهم نفسي ونفسكم
انو عادي تكون ضايع او تمر بمرحلة الضياع
وطبيعي تخاف
انك تجرب وتخطي خطواتك
وعادي تضوج من اخطائك و محاولاتك المتكررة رغم الخطأ
و انك تحاول بكل مرة تخطي خطوة ليكدام
طبيعي عقلك يحاول يشتتك ويحميك من تكون قريب لهل درجة من هدفك

182

رِثاث رانَ

25 Nov, 15:46

كُن مُمتناً للأبواب المغلقة ولرسائل الرفض والنهايات الغير سعيدة إنها حماية إلهية لك
من اشخاص واماكن لم تعد متوافقة مع روحك ومرحلة للـ إلتفات للنفس بعد استنزاف الرصيد الكامل من الفرص
هم سيجدون من يشبههم وانت ستجد نفسك🤍

360

رِثاث رانَ

24 Nov, 02:03

ادعولي اكون بخير

502

رِثاث رانَ

21 Nov, 12:21

و لكن عليك في كل حالاتك السيئة و التعيسة و منعدمة الأمل أن تكون ممتناً، ممتناً للإنقاذ الإلهي اليومي.

886

رِثاث رانَ

20 Nov, 18:19

مرات رب العالمين يخليك
بأختبار تكون بيه عاجز
و متعرف شنو الحل ؟
و بنفس الوقت ياخذ منك كل الناس
بس حتى تلجأله ويسمع
صوتك و انت تناجيه 🤍

1,905

رِثاث رانَ

19 Nov, 14:24

رغم الموضوع كله يُختصر بجملة وحدة ..
كل دة كان ليه ؟

961

رِثاث رانَ

19 Nov, 14:23

عدو الانسان نفسه
اليوم عشت لحظة ضعف وصديت شخص جان يريد يوگف يمي ويسندني
فـ هنا استوعبت شغلة ..
أني اللي أبعد الناس عني
مو الناس هي البعيدة
اني اللي صعب أثق
وميعجبني أياً كان يشوف ضعفي
غير الشخص اللي يدخل بمزاجي و اثق بي وأتقبل انو ابينله ضعفي
رغم الموضوع جان كله طبيعي
وانو كل ما بالإمر جنت راح أبچي وأنهار
بس ما اريد احد يشوفني بهل حالة وأنتجي عليه
ما اريد استند اريد اسند روحي بروحي
مثل ما تعودت وعشت طول عمري
أرفض مساعدة الناس
و اعتمد ع روحي وأفضل اساعد بنفسي على ان أحد يساعدني

928

رِثاث رانَ

19 Nov, 06:53

ستتعلم ..
ستتعلم ان اكبر ضعف هو الحب
سيجعلك اكثر من تحبهم تدفع اغلى ثمن دائماً
و اكثر من تضحي من أجله
ستكون اكبر خيانة منه

839

رِثاث رانَ

18 Nov, 19:38

أنت ماتستاهلش حد موارب بابَك
أنت "تستاهل" حد
مش شايف غير الباب بتاعك.

961

رِثاث رانَ

17 Nov, 18:51

الصورة تحچي ♥..

1,698

رِثاث رانَ

15 Nov, 21:33

خاف
بس لا توگف بمكانك
خلي عقلك يتشوش
بس لا تترك السعي
عصب
بس لا تنسى ان تهدي نفسك
اخذ الحياة بسهولة
بس لا تترك الألتزام والتنظيم
حب
بس لتحب اكثر من نفسك و فوك طاقتك
اسعى تجاه هدفك
بس مو لدرجة متنطي لنفسك راحة و مجال للنفس

1,162

رِثاث رانَ

15 Nov, 09:35

‏﴿ إنّ اللّٰهَ ومَلائكتَهُ يُصَلُّونَ على النبي يا أيُها الذينَ آمنوا صَلُّوا عليهِ وسلِّمُوا تسليمًا ﴾ ♥

1,204

رِثاث رانَ

14 Nov, 20:13

أسبوع اخر مَر
كُل إنجازاتي فيه - أنني لَمْ أستسلم -
أسبوع اخر
يؤكد لي أنني قوي ، أملك قدرة تحمل عظيمة ، قلب جميل ، و لسان لا يجرح أحد ..

أود لو أُصفق لي
لِكوني ثابت ، مُضيء ، مُميز ، و مُحب لنفسي حتى في أحلك أوقاتي

يا ربَّ
أيام مملوءة بِلُطفك..

1,155

رِثاث رانَ

13 Nov, 20:43

احياناً ..
لازم ينكسر شي
جام او خشب
حتى يفوت ضوة للمكان
و احياناً لازم قلبك ينكسر
حتى يفوت النور لروحك

1,159

رِثاث رانَ

13 Nov, 15:41

اتمنى ..
اتمنى لو اگدر ارجع بالزمن
و امسح على قلبي هل الآلآم و الاوجاع
اتمنى لو درت ظهري وما
مشيت بهل طريق
اتمنى لو ما عشت
هالإحساس والشعور
لو ما ضحكت كل هل ضحكات
ولا فرحت كل هل فرحات
ولا تحمست ولمعت عيوني
بس في سبيل أبعد هل ألم و الوجع
من قلبي وعقلي
اعيش بطمأنينة
وتسكت الافكار والكلمات
اللي تصرخ بعقلي
ويكون بالي صافي
و عقلي ميضل يكرر الاحداث
والأمور والأفعال
يسكت ومينتبه لشي ولا يركز
يشوف اللي گدام عينه بس
مو وره الأوجه والإجساد ..

1,343

رِثاث رانَ

13 Nov, 07:03

كلش محتاجة تدعولي رب العالمين يسهل أمري وميصير غير كل الخير

997

رِثاث رانَ

27 Oct, 21:49

كل اللي وصلته اليوم كل يوم يعود لفضل رب العالمين عليه وتالة وهاي الجملة 💚..

باقي حياتك كله
ممكن يوقف
على قرار وخطوة
يا تكون قدها
يا تضيع منك وانت تتفرج
اذا ما متت ورا حلمك
راح تموت الدنيا كلها بعيونك

320

رِثاث رانَ

27 Oct, 21:44

عمري كله مراح انسى هل جملة ..

362

رِثاث رانَ

27 Oct, 15:15

يا ربّ هي صعبة
بس ما تصعب عليك

1,011

رِثاث رانَ

25 Oct, 22:46

مرات كل اللي تحتاجه هو تتكور حول نفسك
او تگدر تنتجي على شخص بثقة
بدون ما تخاف من خيانته

559

رِثاث رانَ

25 Oct, 18:06

♥

600

رِثاث رانَ

25 Oct, 17:16

اكو نَعم عدنا ما منتبهين عليها ولا منطيها أي اهمية
وحدة من هاي النَعم اكتشفتها اليوم هي أمكانية تحريك أيديناتها ومقدرتنا على وضعها بعده أوضاع وانو نگدر نطبگها ويا جسدنا
بدون ما تبقى مقوسة

بالفترة الفاتت خلال اسبوع الفات جنت مريضة وما اگدر اطبك ايدي بالصورة الطبيعية بجسدي ومن اطبكها فـ اتوجع بشكل مخيف و روحي تطلع اذا يطخ بيها شي
وبالدوام ابقى مقوستها واني اشتغل
فـ اي هاي وحدة من النَعم الكثيرة اللي واجب علينا نحمد ربنا عليها ونشكره ❤️

588

رِثاث رانَ

24 Oct, 13:43

احلى البدايات هي بدايات الشتاء

936

رِثاث رانَ

24 Oct, 13:14

"سنحيا بعد كربتنا ربيعا كأننا لم نذق في الأمس مرًا.."

- علي بن ابي طالب

703

رِثاث رانَ

23 Oct, 22:49

هل أمور اكثر اللي يعيشها هم الشباب والبنات اللي بعدهم بفترة المراهقة 🤍
لتنطون بنفسكم لهل درجة وتشوفوها شي قليل ، نسبة كبيرة من الناس مشافت ابسط مقومات الحب والتقدير و كلمات التشجيع ( عفية ، انت سباعية وعاشت ايدك )
فـ لتنطون مجال لشخص يستغل نيتكم الصافية وسذاجتكم
بمجرد ما ينطيكم كلمتين تطيب خاطركم منو ما كان صديق ، صديقة ، علاقة حب ..

747

رِثاث رانَ

23 Oct, 22:48

نصيحة لوجه الله ..
لحد يفكر يرجع يشوف نفسه القديمة قبل سنوات شنو جانت تحب وتعيش وشنو جان اللي يعجبها من اشياء وشخصيات وناس ..
بالأخص الصور
مرات تنقهرون ع نفسكم
من تشوفون شلون جنتوا مفرطين بيها
وشگد جنتوا فقرة و كل اللي محتاجينه هو حب على گد كسرة خبز
ما محتاجين غير احد يشوفكم ، يحس بيكم ، يهتم بيكم

747

رِثاث رانَ

22 Oct, 21:33

دائماً لازم نعيش الحَياة على مَبدأ
" شوف راحتك وين وروحلها "
راحتك بناس ، بشغل ، ببيت ، باصدقاء والخخ.."
لا تفرض على روحك شي الحَياة مليانة اشياء حلوة مثل ما مليانة اشياء مؤذية ."

735

رِثاث رانَ

21 Oct, 19:09

أطمئنوا ♥..
سيكون لنا غدٌ لأن الليل تعب من الظّلام
ستكون لنا شمس لأن الغياب تعب من الوحشة
سيكون لنا فوز لأن القلب تعب من الحزن
سيكون لنا روح لأن الجسد تعب من الطين..

795

رِثاث رانَ

19 Oct, 18:27

يا ربّ تتحول كُل الايام الثكيلة
لأيام تشبه نسيم الهوا البارد
حتىٰ يشفي جروح گلوبنا

936

رِثاث رانَ

19 Oct, 08:44

الحب الحقيقي ما يقتصر على المشاعر و ان تسكن روحك الى شخص..
الحب الحقيقي ان تلتقي بمن يحمل انسانيه عاليه..قيم و مبادئ..تأمن على نفسك معه "كإنسان" و ليس فقط كمحبوب
المشاعر مع الوقت متغيره لكن المواقف اللي تستشعر فيها عظمة هذا الانسان صدقه عمقه نبل اخلاقه ثابته
احرصوا ان تكون علاقاتكم مبنيه على اساس متين متجذر ثابت يرتقي بكم ❤️

997

رِثاث رانَ

17 Oct, 18:02

ممكن اني مخليه ببالي شي معين
وهذا الشي ما صارلي راح اعترض على حكمة رب العالمين؟ أكيد لا..
لأن بالنهاية هو لو زين اليه ويناسبني ماچان راح مني وربنا اختارلي غيره
فـ دائماً خلي إيمانكم قوي برب العالمين

و عسىٰ ان تكرهوا شيئاً و هو خيرٌ لكم
وعسىٰ ان تحبوا شيئاً و هو شرٌ لكم ♥

1,157

رِثاث رانَ

17 Oct, 18:01

يمكن هذا الشي تحسوا غريب..
بس اني انسانة ممخليه ببالي فد طموح او فد شي أريد أوصله
ولازم هو لو ما اريد
ما اكول ماكو تخصص ما احبه لا أكو.. بس مو مُصره عليه ولازم هو هذا ، لأن بالنهاية ما اعرف شنو مكتوبلي
اني راضية بكل مكان ربنا ديخليني بي
مخليته هو يختارلي المكان اللي يناسبني
ومتأكدة اني ماراح اكون بمكان اذا ما چان بي الخير اليه

964

رِثاث رانَ

17 Oct, 11:18

شايفين لحظة الأدراك اللي تجيكم وأنتوا بالسيارة
تصفن وتشوف حياتك كدامك شكد متعبة
بحيث تلگى عيونك تدمع لا ارادياً..

1,017

رِثاث رانَ

16 Oct, 17:06

شكد ما تكبر
وشكد ما تشوف جثث من بعيد
وشكد ما تسمع أصوات الناس
وهي تعيط وتبجي
فـ راح يبقى اكو شي بداخلك يتوجع من تسمع مريض يعيط من الألم
راح تبقى تصير نغزة بگلبك من تتردد على مسامعك اصواتهم وهمه يتوجعون
ما اعتقد راح يجي يوم بعمري
اتعود بي ع صوت الألم او الدمعة متصير بنص عيني
من اسمع المريض يتوسل بالطبيب يوگف وميكمل علاجه من ألمه
بس اذا وصلت بيوم لهل مرحلة
وقتها اكيد راح اكون فقدت
انسانيتي وضميري ..

1,115

رِثاث رانَ

16 Oct, 07:01

بفترة من فترات عمرك
راح تصادف اشخاص
الوقاحة والغرور تشوفها بيهم
من بعيد ويا لغة جسدهم
ونبرة صوتهم
مو عاد افعالهم وتصرفاتهم
مرات تنعمي عينك ومتشوف
هل تفاصيل وغيرك يشوفهم
ومرات تكون واعي و ذكي لدرجة تشوفهم ومتنخدع بيهم وبأسلوبهم المتلاعب

975

رِثاث رانَ

16 Oct, 03:14

صباح الخير 🔆
مصير الشمس تشرق
واللي تحس بي يهدئ ، واللي توجعت منه يخف و يتشافىٰ
لتنسى إنُ رحلة الشفاء أساسها الصبر

925

رِثاث رانَ

15 Oct, 17:05

من تبتسم بس بداخلك نوح
الدموع اباب عينك سكتة تلتم

913

رِثاث رانَ

15 Oct, 01:09

راح تجي ايام من عمرك تنسى نفسك بيها ..
تنسى نفسك لدرجة يجي يوم تباوع بي للمرايا تشوف انعكاس شخص ثاني
آثار و جروح صارتلك ما تدري بيها شلون وشوكت ولا حتى تدري انك
شلون تجاوزتها وعديتها
و طلعت منها بدون ما تموت
تحس روحك غريب عن نفسك
لدرجة تكول هذا الانسان منو ؟
و شخصيتي القديمة وينها ؟
روحي الحلوة والمليانة حياة شصار بيها ؟

1,101

رِثاث رانَ

12 Oct, 11:28

السَّلامُ عليكِ يَّا مُمْتَحَنَةُ امْتَحَنكِ الذي خَلقَكِ فَوجدكِ لِمَا امْتَحَنَكِ صابِرَةً .

1,833

رِثاث رانَ

11 Oct, 19:32

مرات من انت بنص الهوسة
وتصفن الها هنا عقلك راح ينترس تساؤلات..
شبسرعة وشوگت صار گل هذا
وليش كل هاي المسؤلية بهذا العمر هواي هواي حچي حتى متكدر تحچي ويا نفسك
والأصعب ماراح تلگى جواب لكل هاي الأسئلة..

1,292

رِثاث رانَ

11 Oct, 14:24

تقبل انُ اكو زاوية سودة بقلبك بيها كل الاشخاص اللي حبيتهم و أذوك

1,299

رِثاث رانَ

10 Oct, 20:45

🤍🤍🤍🤍🤍🤍ㅤㅤㅤ

1,156

رِثاث رانَ

10 Oct, 20:44

- الرساله ؛ قريت كُلشي منزلته بالقناة وحرفياً اهنيج !! يعني هسه هواي ناس يمكن يكونون بوضع صعب او بوضع ضعيف مجرد بس يقرون كلامج حيتغير كلشي بيهم حيغيرون عقليتهم وتفكيرهم خطتهم بالحياة هم ماعرفج ابد ابد بس كُلش فخوره بيج فخوره انو اكو هيج شخص بمجتمعنا الحالي وكُلش عاجبني اعرفج اكثر لان بحياتي مشفت احد عقليته قريبه على عقليتي او هيج نفسهَ طيبه هلكد بختصار جذبني حجيج هواي استمرييييي🤍

1,040

رِثاث رانَ

10 Oct, 19:08

أصعب شي من أيامك تصير عبارة عن ركضة
تخلص بسرعة وبنفس الوقت تتعبك
بحيث من تجي بنهاية كل يوم تتذكر انت شنو سويت راح يسترجعلك بس الألم
وانت متعرف شنو نهاية هاي الرحلة

1,002

رِثاث رانَ

09 Oct, 21:01

الكثير من الميخالف..

1,014

رِثاث رانَ

09 Oct, 19:16

تذكر انك بشر نظيف داخلياً
ولتنسى ابد انو الدنيا تفتر
باجر عليك واليوم وياك
كون منصف وعادل قد الإمكان
وابتعد عن أذية البشر والحفر الهم
ولتنطي بالناس اللي طلعت من حياتي وتطلع خصوصية علاقتكم
ولتنسى على قدر افعالك راح تتجازة
وبالنهاية ما يبقى بس الذكر الطيب وافعالك تسولف عنك
فـ هنا كون أناني وفكر بنفسك
من تفتر الدنيا علي شنو اريد يتقدملي ؟
ومن اغلط راح يتم الدفاع عني لو انترك بالوسط ..

1,272

رِثاث رانَ

رِثاث رانَ (Arabic)

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ

رِثاث رانَ