صيادلة العمالقة ❤️☺️ @hussein

صيادلة العمالقة ❤️☺️

11 Feb, 13:02

هذا تحليل مال الحالة
يعاني من أعراض مشاكل بالجهاز الهضمي على diarrhea والآلام بالبطن

ف من شفت هل تحليل الي هو stool
ف هذا بروتين لكيته عالي واصل 799 هو طبيعي أقل من 50

ف هذا بروتين ينفرز من يصير التهاب مناعي
ف تفرزه خلايا neutrophils ب stool

ف هنا من نشوف هل بروتين موجود ب stool يعني اكو التهاب ف نفكر ب 3 امراض

الي هي
ممكن Crohn's disease
ممكن celiac disease
ممكن ulcerative colitis

ف هنا منعتهم من الخبز والتمن والأشياء بيها گلوتين

وبنفس وقت كتلهم روحو لطبيب افضل ف قبل الحالة رايحين لأكثر من طبيب مصايره زينه

ف من شفت تحاليل وكتلهم هيج وهيج حالتها

ف هنا راحو للطبيب وعرفو تشخيص بس ودرسو بصورة تامه على انترنت ف صار تحسن ف راحو للطبيب علمود العلاج مساعد
بس هيج أمراض مثل Crohn's disease و celiac disease و malabsorption
و IBS علاجها اشياء خالية من گلوتين والطعام الي يهيج أغشية الأمعاء ف

انطيتهم اشياء non pharmacological

وتحليل أمامكم هسه بعد ما سألتهم على أعراض طلعت أعراض قليله كلش
وقابل لتحسن

ف هذا الكيس اجه من أحد كروبات النقاشات العلمية

ولهذا انصح بكروبات العلمية

61

صيادلة العمالقة ❤️☺️

11 Feb, 10:41

حمدالله والشكر ماشين صح

131

صيادلة العمالقة ❤️☺️

10 Feb, 20:20

هنا عدنا هي البشرة تكون sensitive هاي البشرة صعبة بالتشخيص وبنفس وقت مسويها حقل تجارب بس بحالة وحده الي هي تكون صعبة

البشرة sensitive تكون نوعين
1️⃣Visible sensitive facial skin
الترجمة حرفية البشرة الحساسة المرئية شنو يقصد بالمرئية

يعني شخص من يتحسس بشرته ف تلكا بشرته صارت حمره أو بيها تقشرات أو التهاب صار ف شي مبين ذاك هو
الاسباب رئيسية لهاي البشرة هي
1️⃣اذا شخص عنده eczema ف هنا تشخص بشرة حساسه

2️⃣اذا شخص عنده atopic dermatitis ف بشرته تتحسس بسهوله
3️⃣عدكم داء الوردية Rosacea من يتعرض للشمس او يأكل طعام حار كبل بشرته تصير حمره
هاي لهنا تشخيصها سهل لأن شي واضح ومبين

أما التشخيصها صعب والأطباء والصيادلة مسويها حقل تجارب الي هي نوع الثاني
2️⃣ Invisible sensitive facial skin

هنا المريض يجي يكول احس حكه واحس لسعه بوجهيي بس ماكو دلائل أن اكو احمرار بشرته ماكو يفحصها دكتور يلكاها طبيعية
ف ماكو سبب واضح علمود يحدد أن بشرته حساسه

ف هنا الطبيب شيسوي

ينطي corticosteroids بتركيز مناسب مثل hydrocortisone لمدة أسبوعين اذا تحسنت أعراض يعني هنا اكو التهاب 🤯جلدي خفيف

اذا ماتحسن من أخذ corticosteroids ف هنا يجيب patch test يشوف من أي مكون يتحسس بشره منه مثلا ماء الورد يشوفه إذا تحسس منه أو شغلات عطريه 😳

ف هاي تشخيصها يكون من تاريخ المريض مثلا مريض مصاب بالربو ف هنا ينسأل يكله هم رحت لبستان وتحسست اذا كال اي ف هنا يوصل لتشخيص اذا كال لا ف هنا تصير حقل تجارب بشرته 😂😂😂

بشرة الحساسة من أصعب البشرات للأطباء الجلدية بالذات النوع الثاني صعب تشخيصه 🤔🙂

والي عنده هيج أعراض بشرته الافضل طبيب تشخيصها من قبل الطبيب حصرا
عكس بقية البشرات تكون سهله واضحه

Ref: cosmetic and dermatological problems and solution

168

صيادلة العمالقة ❤️☺️

10 Feb, 18:54

ماهو نوع البشرة الي مسويها الأطباء والصيادلة حقل تجارب 🙂🙂??

173

صيادلة العمالقة ❤️☺️

08 Feb, 15:56

هنا اشلون افرق بين الاثنين
1️⃣ anemia of iron deficiency

اذا شفت بالتحليل serum iron منخفض و ferritin منخفض هنا كول نقص بسبب الحديد

◀️اسبابه
1️⃣نقص تغذيه
2️⃣مشاكل بالجهاز الهضمي بالذات الي عدهم Crohn's disease و celiac disease و malabsorption

3️⃣الحمل
امراض مزمنة مثل CKD

أما
2️⃣ Anemia of inflammation

هنا اذا شفت تحليل serum iron منخفض
و ferritin مرتفع أو طبيعي

1️⃣مثل TB
2️⃣مثل Crohn's disease
3️⃣مثل HIV.
4️⃣مثل malaria
5️⃣مثل بعض سرطانات مثل leukemia
Lymphoma

ف هنا لتأكد نطلب من المريض يسوي ESR أو CRP ذني مؤشر التهاب

ف ب anemia of inflammation تلكون ESR. مرتفع أو CRP

أما anemia of iron deficiency
هنا ESR أو CRP مستوى طبيعي

العلاج anemia of iron deficiency

حسب الحالة اذا جان مريض عنده CKD ف هنا ننطي اشياء مثل erythropoietin وننطي حديد
وهنا طبيب حصرا يصرف هل شي

حديد بدون erythropoietin ميفيد

اذا جان نقص بسبب سوء تغذيه أو نقص هنا ننطي supplements حديد هنا نگدر نصرف🙂

اذا كان عنده مشاكل بالمعدة مثلا peptic ulcer هنا نعالج ulcer وانوب ننطي تعويض للفقده من الحديد وهنا هم نگدر نصرف لتأكد من الحالة

◀️أما anemia of inflammation

العلاج هنا يم الطبيب 🙂🙂

تبقى حسب الحالة اذا عنده TB أو عنده ulcerative colitis هنا طبيب يعالج الحاله مع مكملات الحديد ف مو يمنى

اكو حالات نصرفها نگدر بس حالات لا مانصرفها ف تشخيص طبيب يشخص وينطي على إثرها

وان شاء الله استفاديتو من المنشور 🤍

245

صيادلة العمالقة ❤️☺️

08 Feb, 07:51

شنو الفرق بين anemia of iron deficiency
و anemia of inflammation اشلون افرق بيناتهم ؟

248

صيادلة العمالقة ❤️☺️

06 Feb, 08:44

هنا السبب هو من علاج نفسة tetracycline زين ليش 🤔🤔

اول بداية أن نعرف tetracycline هو يقتل normal flora
زين اذا قتلها شراح يصير؟🤔🤔

هنا normal flora وظيفتها تصنع vitamin K2 هذا وظيفته يساعد بتصنيع عوامل التخثر الي هي
1️⃣ prothrombin ✅
2️⃣ Factor VII ✅
3️⃣Factor IX ✅
4️⃣Factor X ✅
ذني عوامل يساعدن بالتخثر ✅

ف من ماكو K2 ذني ماكو يعني مراح ينتجن ف هنا راح تكون عند الشخص كدمات برجليه وبأدية وبظهره لأن صار bleeding

https://t.me/Hussein_99mo

329

صيادلة العمالقة ❤️☺️

05 Feb, 13:52

شخص ماخذ tetracycline مستمر عليه أكثر من شهر وكلك عندي كدمات كاعد تطلعلي شنو السبب
من العلاج لو عنده غير شي ؟

شاركونا رأيكم

364

صيادلة العمالقة ❤️☺️

03 Feb, 17:11

فائدة المصادر ابسط شي هذا الموضوع

بمصدر essential medical pharmacology ماشفت أن حديد ماينطي بحالة infection ف شفته بمصدر Lippincott

أما مصدر text of clinical pharmacology and therapeutics
لكيت بي معلومة أن 3% يصير عند المرضى الي ياخذون هاي إبرة

ولكيت معلومة اذا شخص يأخذ orally لازم يتركها 24 ساعه يله يأخذ injection ولازم ورا 5 ايام يأخذ orally علمود ميأذي المعده ف يقلل تهيجات الي بالمعدة ويقلل حدوث toxic dose

ف فائدة المصادر تأخذ من كل مصدر معلومة وتدمجها بمنشور واحد وتعمم فائدة أكثر

426

صيادلة العمالقة ❤️☺️

03 Feb, 17:06

هنا اذا شفنا بالوصفة Iron dextran

من ننطيها لازم ننطي ملاحظات ونصائح

أو ملاحظه الي هي مهمه لازم قبل لاياخذها يسووي اختبار تحسس لأن هاي ابرة كلش خطره ممكن تسوي anphylactic shock وهاي تصير 3% من الي ياخذون Iron n dextran

ملاحظه ثانية اذا يأخذها عضليا لازم يكون بشكل deep. علمود يقل التصبغ الجلد الي تسويها إبرة

ملاحظه ثالثه اذا جان يأخذ حديد بشكل oral قبل لا يأخذ الابره لازم يترك orally قبل 24 ساعه
ومن يأخذها ورا 5 ايام يله يأخذ الحديد بشكل orally

واذا لا سامح الله صار عنده infection وهو ياخذ الحديد هنا لازم يترك لأن الحديد يفاقم الحاله ف يساعد بنمو البكتريا

ف هاي ملاحظات ممكن تفيدكم

مصادر 📕

1️⃣A text of clinical pharmacology and therapeutics
2️⃣ essential medical pharmacology
3️⃣ Lippincott

375

صيادلة العمالقة ❤️☺️

02 Feb, 15:40

اجتك وصفة مكتوب بيها Iron dextran هنا شتگل للمراجع قبل لا تنطيها ؟

395

صيادلة العمالقة ❤️☺️

01 Feb, 09:07

كلنا نعرف أن أدوية H2 receptor antagonist تستخدم anti acid بس اكو استخدام ثاني يستخدمو بس مو شائع

يستخدمو بحالة urticaria الي هي من شخص يتحسس يصير احمرار وحكه ف ينطو أدوية first line هي H1 receptor antagonist بس هاي الأدوية مثل famotidine، cimetidine, ranitidine تعتبر مساعده

ف شافو بالتحسس الشديد أن H2 موجود بالاوعية الدموية وبالمعده هو

بس بالاوعية الدموية ف يسوي vasodilation ويسوي احمرار للمنطقة الي متحسسه ف هاي الأدوية تعتبر مساعده ل H1 receptor antagonist

Urticaria H2 blockers have adjuvant beneficial
action in certain cases of urticaria who do not
adequately respond to an H1 antagonist alone

Ref: essential medical pharmacology

https://t.me/Hussein_99mo

445

صيادلة العمالقة ❤️☺️

01 Feb, 07:42

شنو تعرفون عن أدوية H2 receptor antagonist??

349

صيادلة العمالقة ❤️☺️

30 Jan, 09:56

اجاكم كيس مسالك بولية مثلا ف هنا ايكول اخذت cefix وأخذت amoxicillin ومفاد شنو السبب ؟

هنا انت راح تجاوب جواب علمي 🙂

ادكله حجي اكو بكتريا تعيش بالامعاء اسمها E.coli هاي بكتريا تنزل للمسالك البولية وتسوي هل التهاب وهاي أكثر شيوعا تسوي التهاب مسالك بولية تقريبا 75-95%

زين ايكلك ليش من اخذت العلاج🤔 ماصرت زين؟ 🤔

هنا تجاوبه ادكله حجي هاي بكتريا تكون gram negative ف هاي تتكون من طبقة اسمه peptidoglycan ف هاي طبقة قليله وتتكون من lipoprotein ف

هاي أدوية ف اكو انزيم يكون peptidoglycan ف هاي أدوية تقفل هذا انزيم
زين lipoprotein منو يسدها هم طبقة تحافظ على البكتريا

ف هنا تكون مقاومة ل هاي الأدوية ولهذا مااشتغلت عليك هل أدوية

زين والحل؟ 🤔

الحل ننطي أدوية تشتغل على gram negative وتنحل مشكلتك ✅

مثل أدوية fluroquinlones
مثل ciprofloxacine أو levofloxacine

أو مثل أدوية من عائلة sulfanomide مثل methiprime

وطبعا ننطي الأدوية حسب التحاليل وحسب الأعراض

هو مفروض طبيب يشخص هل الحالة بس مادام حالة بسيطه وتحاليل موجوده نگدر نصرف هيج حالة

https://t.me/Hussein_99mo

492

صيادلة العمالقة ❤️☺️

29 Jan, 12:18

صيادلة كربلاء مو تنسون تقديمكم

للتذكير

407

صيادلة العمالقة ❤️☺️

29 Jan, 12:17

إعلان
ــــــــــــــــــ

السلام عليكم ..

على المُتعينين الجدد من خريجي كلية الصيدلة ،كلية التقنيات / تحليلات مرضية ، معهد التحليلات المرضية ، تنسب حضوركم الى قاعة المؤتمرات لمُستشفى الإمام الحسن المُجتبى (ع) التعليمي ، وذلك في تمام الساعة الحادية عشر صباحاً للأيام المؤشرة إزاء كل منكم لغرض توزيعكم على المؤسسات الصحية.

#يوم الأحد المصادف 2 / 2 / 2025 / خريجي كلية الصيدلة

#يوم الإثنين المصادف 3 / 2 / 2025 / خريجي ( كلية التقنيات / التحليلات المرضية ، معهد التحليلات المرضية ). راجين الإلتزام والحضور في الزمان والمكان المحددين أعلاه . مع التقدير .

المكتب الإعلامي للدائرة بالتعاون مع شعبة القوى العاملة في قسم التخطيط

الأربعاء 29 كانون الثاني 2025

409

صيادلة العمالقة ❤️☺️

28 Jan, 17:21

تخيلوا من امك ادكلك جيبلي علاج مال معده واجيبلها علاج

وبالاخير تخابر مرت خالي ادكلها أخذي حبة حلوة 😂😂😂

هسه اني هنا شدوس

يعني تخيلو عالم يشتغل ويدرس طول عمره علمود علاج يكتشفه

وبالاخير تجي النسوان الكبار والله أخذ حبة حلوة

العالم اذا يسمع بسوالفهم جان طم روحه ومااكتشف اي شي 🙂😂😂😂😂

439

صيادلة العمالقة ❤️☺️

27 Jan, 17:34

دائما اسمع هذا السؤال والسؤال يدور بالي اشلون يصير النوم

هسه اني اسألكم اشلون يصير النوم🙂

شاركونا رأيكم

436

صيادلة العمالقة ❤️☺️

25 Jan, 19:55

هنا الدكتور يصرف esomeprazole للاطفال بحالتين

1️⃣اذا جانت حالة GERD with erosive esophagitis يعني بطانة المريء تتأكل ف هنا يصير الصرف من سنه وفوك أقل من سنة ميصير
ف ينطي
1-12 years 10-20mg
مرة يوميا لمدة 8 اسابيع

اذا اكبر من 12سنة ينطي 20-40mg مره يوميا لمدة 8 اسابيع

2️⃣ اذا جانت حالة GERD with erosive esophagitis healing يعني اكو التهاب بالمريء بس اكو التئام هنا
ينصرف esomeprazole من عمر شهر وفوك

1month-1 year

اذا جان وزن الطفل 3.5kg ينطي 2.5mg مره يوميا لمدة 6 اسابيع

اذا جان الطفل وزنه 3.5kg-7.5kg ينطي 5mg مره يوميا لمدة 6 اسابيع

اذا جان الطفل وزنه أكثر من 7.5kg ينطي 10mg مره يوميا لمدة 6 اسابيع

اذا جان عمره 1-12years
اذا أقل من 20kg وزنه ينطي 10mg مره يوميا لمدة 8 اسابيع

اذا جان وزنه أكثر من 20kg أو يساوي 20kg ننطي 10-20mg مره يوميا لمدة 8 اسابيع

اذا جان عمره 12 سنه واكبر
ينطي 20-40mg مره يوميا لمدة 4-8 اسابيع

والجرعة وقائية تكون 20mg لمدة 6 اشهر لهيج عمر اكبر من 12 سنه

Ref: Medscape

https://t.me/Hussein_99mo

563

صيادلة العمالقة ❤️☺️

25 Jan, 19:37

هذا مصدر يفيدكم للحوامل راقي ومفيد وبنفس الوقت حسب FDA ومرتب واضح

282

صيادلة العمالقة ❤️☺️

25 Jan, 17:43

اجتك وصفة بالصيدلية من طبيب اطفال كاتب esomeprazole لطفل عمره شهرين

هنا شراح تسوي ترجع وصفة تصرفها اشكد تصرف الجرعة ؟

شاركونا رأيكم

347

صيادلة العمالقة ❤️☺️

25 Jan, 12:13

هاي أدوية salmonella typhoid

ممكن تستفادون منها خاف شخص عنده typhoid ف تنطو أدوية حسب أمراضه وحسب عمره

يعني مثلا ciprofloxacine مايصير ينطي أقل من 18 سنه

أو مثلا ceftriaxone ميصير ينطي لشخص عنده فشل بالكبد

ف هذا مقصد

Ref: essential medical pharmacology

https://t.me/Hussein_99mo

389

صيادلة العمالقة ❤️☺️

22 Jan, 18:39

اشلون ننطي إبرة Amikacin

اول بداية standard dose
هو 7.5mg/kg كل 12 ساعة

واذا جان severe infection ينطو كل 7.5mg/kg لكل 8 ساعات

ف تجي هي بشكل IM,IV, Infusion

1️⃣عدنا IM

تنطي بشكل Deep

2️⃣IV direct

اكو ناس تخففها ب 3CC أو 2CC علمود الامان

بس حسب مصدر Injectable drugs ايكول اسحب الجرعة المطلوبة واضربها بالوريد مباشرة
2-3 دقائق يعني بشكل بطيء

3️⃣IV Infusion (بالمغذي)

اسحب جرعة مطلوبة حسب الوزن واضيفها ب Normal saline ابو 100 واخليها لمدة 30 دقيقه

Ref: Injectable drugs

https://t.me/Hussein_99mo

521

صيادلة العمالقة ❤️☺️

22 Jan, 17:27

Amoxicillin
راح يصير مثل صديقة ampicillin ينقرض استخدامه وبعد بكيفكم 🙂🙂

367

صيادلة العمالقة ❤️☺️

21 Jan, 06:59

بارحه جنت بصيدلية بيها صديقي
اجت حجية تقريبا عمرها ب 50 سنه

عدها ضيق بالصدر ف رايحه للمضمد منطيها dexamethasone
17 ابره يومية وحده تأخذ وبالاخير بين قوسين متگرمه بالكوه تمشي
رايحه للدكتور صارفلها نيروبين و D3

وبوقتها كتلها حجيه انتي عندج ضيق بالتنفس ترحين مضمد ليش اكو دكتور اختصاص امراض جهاز تنفسي دارس وفاهم بصوره صحيحه گالت الكشفية دكتور غاليه

يعني كشفية متوصل حته 10 الآلاف أو 25 الف احسن ماادمر صحتي واروح لمضمد مع احتراماتي للزينين طبعا

ومن كتلها گالت هذا مضمد مكسور الرگبة( بصريح العبارة) يعني ليش تخلي نفسك بهل موقف باجر عكبه تتحاسب على هاي لأن انت السبب

ف العبرة من هذا الموضوع أن لاتصرف من كيفك بأجتهادات شخصية مثل ما البعض يطبقون اجتهاداتهم الشخصية بدون اي مصدر ويصرف

أما نقطة الثانية الأهالي امهاتنا وابائنا لترحون لمضمد يشخص حالتكم نصيحة المضمد يدمرك مايعالجك

اكو دكتور اختصاص روحله وتعالج بصوره صحيحه

472

صيادلة العمالقة ❤️☺️

19 Jan, 18:00

Ciprofloxacine و levofloxacine

ذني الهن فعالية بقتل بكتريا H-pylori وبنفس الوقت بكتريا normal flora بالامعاء ماتتأثر بهاي الأدوية حتلو اذا تتأثر ف شي قليل ف تبقى محافظة على نفسها ماتنقتل ❌

عكس الأدوية البقية مثل amoxicillin ومثل tetracycline ذني أدوية ممكن يقتلن normal flora بشكل كبير ف هنا راح تصير خربطه بالامعاء ومشاكل بالهضم والامتصاص ف هنا هم اقل اضرار وهم فعال ✅

380

صيادلة العمالقة ❤️☺️

19 Jan, 13:29

ليش بعض الأطباء لعلاج H-pylori كاعد يلتجؤون ل ciprofloxacin او يخلون levofloxacin بوصفاتهم ؟

443

صيادلة العمالقة ❤️☺️

18 Jan, 08:22

ميكانيزم مال هاي الأدوية بيها طريقين هي بصورة عامه تسوي Inhibition of DNA synthesis

عدنا اذا جانت bacteria gram negative هنا راح تثبط انزيم اسمه DNA gyrase هذا وظيفته شنو هذا وظيفته يسوي انفصال ل DNA ف يخلي الخلية تنقسم ف أدوية Fluroquinlones تجي تثبط انزيم الي هو gyrase DNA ف بعد ماكو انقسام للخلايا ف تكون الخلية ❌

اما bacteria gram positive

ف هذا اكو انزيم بهاي البكتريا اسمه Topoisomerase IV ف هذا وظيفته يسوي تضاعف DNA ف أدوية fluroquinlones تجي تسوي inhibitors ❌ ل انزيم Topoisomerase IV

وعدنا بالجسم الإنسان انزيم يشبه انزيم هاي بكتريا هم اسمه Topoisomerase II ف هاي أدوية تكون بشكل امنه ف ماتثبط هذا انزيم ف اذا تثبط هل انزيم ف هنا DNA بعد مايتضاعف ولا تجدد الخلايا ف تموت الخلايا الجسم الجديده ولهذا هاي أدوية ماتسوي سميه واكو ادويه مال Cancer تشتغل على هذا انزيم الي هو Topoisomerase II بالجسم انسان الي موجود

بس اذا اخذ بكميات عاليه من أدوية fluroquinlones ف ممكن تأثر على انزيم Topoisomerase II ف هنا راح يأثر على الكبد ويأثر على الكلى ويسوي مشاكل بالجسم

Ref: essential medical pharmacology

https://t.me/Hussein_99mo

533

صيادلة العمالقة ❤️☺️

18 Jan, 05:41

شنو تعرفون عن ميكانيزم fluroquinlones?

417

صيادلة العمالقة ❤️☺️

14 Jan, 11:59

اسماء التعيينات الوجبة الثانية مُبارك الكم أن شاء الله والي ماطلع اسمه كلشي مختارة رب العالمين هو الخير النا وحمدالله على كل الحال

649

صيادلة العمالقة ❤️☺️

13 Jan, 14:55

هنا عدنا أدوية Antihistamines وعدنا أدوية glucocorticoid صح ذني اقوى بس بيهن side effects هواي

ف اذا نريد ننطي Antihistamines

اقوى شي يعتبر potent هنه
1️⃣Levocetirizine
2️⃣Fexofenadine

بس اقل side effects بين هل الاثنين هو Fexofenadine يعتبر lowest side effects

ذني كلش مفيدات بحالة allergy

Ref: Sam's guide

https://t.me/Hussein_99mo

672

صيادلة العمالقة ❤️☺️

13 Jan, 13:58

اجاك مراجع للصيدلية وكلك عندي حكه بأيدي تحسس صاير واريد اقوى علاج للتحسس شنو راح تنطو ؟

ويريده بشكل حبوب مو عصارة?

504

صيادلة العمالقة ❤️☺️

11 Jan, 17:01

شوفو عدنا طرق لاستخدام موانع الحمل

الطريقة أولى هي اسمها pregnancy typical use هاي طريقة الي اعتيادية الي هي ياخذون الحباية ومرات ينسوها وهاي طريقة ممكن تسبب حمل 3-7٪ حسب نوع contraceptive

أما الطريقة الثانية الي هي اسمها pregnancy ideal use هاي طريقة مثالية يعني هاي ملتزمة بالحبة وقت بوقته ف هنا يحدث حمل أقل من 1%

ومرات النساء يتركن نوع معين من contraceptive لأن مايلتزم بالحبايه ف هواي ف يسموها مدة استمرار على هذا contraceptive

زين حسين هاي موانع شنو أنواعها
1️⃣ combined oral contraceptive
2️⃣Drospirenone only contraceptive
3️⃣combined transdermal contraceptive
4️⃣Depot medroxyprogesterone acetate
5️⃣Copper IUD
6️⃣Levonogesrel IUD
7️⃣ progestin only impant

عدكم أقل استخداما هو combined oral contraceptive لأن هذا يعتبر ينسو دائما ف نسبة استمرار لمدة سنه عليه تقريبا 67%
وعدنا depot medroxyprogesterone acetate نسبتة 56% يستخدمو

أما أكثر استخداما ونسبتة عالية لا يگولون نسو الحباية ولا هم يحزنون

عدكم progestin only impant هاي اشلون عوده يجيبوها ويزرعوها بالجلد وهاي تفرز هرمون بروجستين هذا نسبتة توصل 89%

أما يستخدمن copper IUD الي هو لولب نحاسي نسبتة 78%

أما Levonogesrel IUD نسبتة 80% يستخدمو

https://t.me/Hussein_99mo

334

صيادلة العمالقة ❤️☺️

11 Jan, 10:00

ليش مرات النساء ياخذهن موانع حمل ورغم يصير عدهم حمل بس متاخذ اي علاج يسوي تسريع لعملية metabolism

شنو السبب ؟

269

صيادلة العمالقة ❤️☺️

08 Jan, 18:40

هنا ليش يجي imipenem+ cilastatin

ليش مايجي بوحده فقط imipenem ?

371

صيادلة العمالقة ❤️☺️

08 Jan, 18:07

يعني كارثة ذوله جماعة بثوث هذا اختصاص تحليلات مرضية ويداوم بصيدلية
سألته سؤال قطرة اوترافين الي هي xylometazoline عادي استخدمها لمدة 10 ايام جان جوابه اي عادي تستخدم طبيعي

يعني والله العظيم المراجع الي يجي لهيج أشخاص عايش برحمة الله والله العظيم

يعني كل واحد سواله حساب تكتوك وضل يفتح بث وضل يصرف بكيفه ماكو هيج شي بالله الكريم

يعني اشكد انقهر من اشوف الناس تسأله وهو مو على دراية يعني شي متعرفه بصورة تامه ليش تنطي للناس وتروح تشتري وبالاخير يصير بيهم شي وين تروح من الله

يعني الى متى نبقى هيج بدون وعي وبدون ثقافة طبية

شخص بالصيدلية مو اختصاص على شنو اسئلة

والناس تسأله يصرف بكيفه جيوب انفية أخذ قطرة اوترافين تفيدك يگلهم

لو مااعرف شنو. وتعليقات تسأل. ماتدري العلاج صحيح خطأ

ترا شي مو صحيح وياريت من الجهات الرقابة تسوي حل لهيج الناس لأن
اغلب الناس بليل على مواقع التواصل ف صار مواقع تواصل اجتماعي هي الأساس بهذا العالم

أن شاء الله احنا نغير من هذا الواقع بأذن الله بس اشويه يراد تعاون

423

صيادلة العمالقة ❤️☺️

08 Jan, 15:03

بشرة من بيها رؤوس سوداء 😂😂😂

354

صيادلة العمالقة ❤️☺️

06 Jan, 13:53

Acitretin
هذا علاج يستخدم ل psoriasis
ويعتبر من مشتقات Vitamin A (retinoic acid)

Mechanism of action
يجي هذا العلاج يرتبط ب مستقبلات retinoic acid receptors
ف هنا راح تنظم keratinocyte differentiation وبالتالي راح تقلل من نمو تكاثر الخلايا غير طبيعي الي هي هاي تقشرات الي تصير بالصدفية

يعتبر هذا العلاج أقل فعالية من methotrexate و cyclosporine

ونكدر نستخدمه ويه calcipotriene الي هي عصارة vitamin D ويكدر ينطو ويه phototherapy علمود يحصلون نتيجة أفضل

وجرع مالته
يجي جرعتين
يجي جرعة 25mg ويجي 50mg

بس اكثر أمانا هي جرعة 25mg يوميا بس هنا جرعة منخفضه تعتبر مايفضل ينطي بوحده لازم ويا أدوية ثانية

اشوكت انطي؟
ينطي with meal علمود الامتصاص يكون افضل ✅

Adverse effect

1️⃣يسوي hyper triglyceride
2️⃣ويسوي ممكن جفاف بالعين أو
3️⃣يسوي تشقق بالشفاة
4️⃣نزيف الانف ممكن
5️⃣جفاف بالجلد
6️⃣اظافر تتكسر
7️⃣اضرار جانبيه نادره ممكن يسوي jaundice أو hepatitis ويسوي increase enzyme بالكبد

الموانع الاستخدام: ❌

Pregnancy
يعتبر catagory X يعني ممنوع منعا باتا ❌

واذا مخططه للحمل ف تركه خلال سنتين يله تسوي حمل لأن هذا العلاج يبقى داخل الجسم تقريبا سنتين

والي يتبرعون بالدم هم مايصير❌ يتبرع الا ورا سنه واحده من ترك العلاج يله يكدر يتبرع

Ref: Dipiro's pharmacotherapy Handbook

https://t.me/Hussein_99mo

388

صيادلة العمالقة ❤️☺️

06 Jan, 13:12

شنو تعرفون عن علاج Acitretin ؟

359

صيادلة العمالقة ❤️☺️

04 Jan, 08:08

طبعا عدنا شي اسمه هرمون androgen هذا موجود بالنساء وبالرجال
بس بالنساء يكون كمياته قليله كلش

بس اذا زاد هذا هرمون بالنساء أكثر من طبيعي

راح يسوي مشاكل ومن ضمنها Acne

ف هنا Oral contraceptive من يصرفوها الأطباء بحالة Acne

هنا آلية العمل اشلون 🤔
ف هنا هرمون androgen من يزود راح يخلي غده الدهنية تفرز أكثر من اللازم من افرازات الدهنية وبالتالي راح تسوي انسداد بالمسامات وتسوي حبوب بالبشرة أو الجلد

هنا oral contraceptive الي يحتوي على estrogen
هذا راح شيسوي يجي يروح للكبد

اكو بروتين موجود بالكبد اسمه SHBG هذا شيسوي بروتين يجيب Androgen يلزمه يگله وين رايح ف يقلل من androgen وبالتالي راح يقل Acne

وطبعا العلاج يكون 3-6 اشهر يله يطلع نتيجة

وبس🙂♥️

https://t.me/Hussein_99mo

522

صيادلة العمالقة ❤️☺️

03 Jan, 19:04

هم سامعين Oral contraceptive ينطي لحالات acne 🤔؟

361

صيادلة العمالقة ❤️☺️

03 Jan, 17:26

هاي كل ماانشر منشور يغادر واحد 🙂😂😂😂 شنو فلم ماادري

418

صيادلة العمالقة ❤️☺️

03 Jan, 11:52

السبب بالأدوية الي هي تعتبر biological agent
الي هنه أدوية
Inhibitors TNF (adalimumab,certolizumab,etanercept,golimumab,infliximab)

Non TNF
(Abatacept,sarilumab,tocilizumab,rituximab,anakinra)

ذني الأدوية ماينطوهن الا يسوون تحليل التدرن (السل) يسوون tuberculin skin test(TST)1️⃣
2️⃣Interferon Gamma Release Assay (IGRA)

هاي تحاليل اشلون يسووها🤔؟

تحليل رقم واحد يجيبون بروتينات البكتريا المسببه للسل ويضربوها تحت الجلد (IS)

بعد 48-72 ساعه اذا لكو احمرار وتورم يعني اكو وجود عدوى الكامنة
يسمو latent tuberculosis (السل الكامن)

اما التحليل الثاني

ف يسحبون دم ويشوفون نتائج اذا طلعت positive يعني اكو عدوى كامنه ( السل الكامن)

وتحليل كبد فايروسي الي هنه
1️⃣HBsAg
2️⃣Anti-HBs
3️⃣Anti-HBc

زين حسين عدوى الكامنة شنو هاي🤔🙂؟

هاي العدوى موجوده داخل الجسم بس مامفعله عن الشخص normal ف جهاز مناعي مسيطر عليها مايخليها تتفعل

بس اذا جانت مفعله داخل الجسم ومايدري بيها

ومن يأخذ أدوية biological agent هنا هاي أدوية اصلا وضيفتها تثبط الجهاز المناعي ف عدوى كامنه مفعله داخل الجسم

هنا جهاز مناعي مثبط ❌
ف هنا العدوى تضل تسوول وتجول بالجسم وممكن توصل الشخص إلى الوفاة وتوصل المريض إلى مراحل خطرة ❌

هسه عرفتو ليش يحللون ذني تحاليل من شخص يريد يأخذ أدوية بايلوجيه هذا هو السبب ✅

زين اذا طلع عنده هل كبد فايروسي أو عدوى كامنه ( السل الكامن) اشلون بهيج حالة🤔؟

هنا الجواب أن يعالج العدوى أو التهاب الكبد الفيروسي

بالأدوية المناسبة لكل حاله

وانوب يله يبلش بالعلاج biological agent

زين اذا هو مستعجل اشلون

ينطون بدائل الي هي أدوية DMARDs وينطون أدويةJAK inhibitors ذني بدائل

وكان الله يحب المحسنين ♥️

https://t.me/Hussein_99mo

530

صيادلة العمالقة ❤️☺️

03 Jan, 07:24

ليش الي ينطوهم علاج بايلوجي لازم يسوون تحليل السل ويسوون تحليل التهاب كبد الفايروسي نوع B

شنو السبب ؟

455

صيادلة العمالقة ❤️☺️

01 Jan, 14:01

هنا omeprazole vial
تجي جرعة 40mg
وينطوها عبر الوريد بطريقتين

الطريقة الأولى:

ينطوها بشكل مباشر عن طريق الوريد بس بشرط أن مذيب الخاص بي الي هو أمامكم يتكون من macrogol 400 و citric acid يجي 10ml

تسحب 10ml وتضيف 5ml للأبرة تخبطها وانوب طلع الهواء وانوب اضيف 5ml الثانيه من مذيب وانوب اخلطها مره ثانيه وانوب
اضربها مباشرة ب الوريد

أما
الطريقة الثانية:

هي طريقة عبر IV infusion يعني تسريب وريدي

اخذ من normal saline 0.9%
أو Dextrose 5%
اخذ 5ml واخلطها ويه الابره اخليها تذوب

وانوب اضيف كمية إلى 100ml من normal saline أو
Dextrose

يعني مجموع يصير 105 من اريد اخلي ب مغذي

وطبعا مو دفعة وحده غلط

يبقى مدة
20-30 دقيقه على مغذي

ف ديربالكم ادكلولهم ضيف 5ml وذوبها وخليها ب normal saline ابو 100 وهاي هيه

لازم تذكرون الوقت الي يستمر بي

الي هو وقت 20-30 دقيقه

Ref: Injectable drugs guide

https://t.me/Hussein_99mo

492

صيادلة العمالقة ❤️☺️

01 Jan, 13:25

اجاك واحد للصيدلية وكلك انطيني إبرة omeprazole 40mg. وكلك اشلون تستخدم ؟

شلون دكلوله يستخدمها؟

322

صيادلة العمالقة ❤️☺️

31 Dec, 17:51

من شخص يجي يسألك على تحليل مو كل تحليل ينحجي بي

مثل هذا التحليل
اكبر غلط من ادكله بيك هيج شي

طبعا هذا التحليل من ضمن تشخيصاته هو سرطان بالمبيض
وممكن أورام خبيثه وممكن حميده

وممكن التهاب بالحوض

ممكن امراض بالكبد

ف گبل شفته كتلها عندج سرطان بالمبيض غلط اول بداية نفسية مريض كلش مهمه

ثاني شغلة لتصدم بمريض ابد حتلو إن كنت تعرف

گبل جاوب بأسلوب صحيح بدون تخوف على المريض

أن دكتور لازم هذا تحليل واكو تحاليل ثانية لازم تنعمل ف علمود هو يمه

وحتلو اذا اصر كالولك شنو بي گلهم مااعرف والله يم الدكتور

حفاظا على نفسية المريض بس انت تنصح أن يرحون للدكتور بأقرب وقت ممكن علمود الحالة لا تطور

https://t.me/Hussein_99mo

441

صيادلة العمالقة ❤️☺️

29 Dec, 16:05

شوفو هل الاخبار لتخلوها تأثر عليكم ومعليكم بالسوالف هاي

احنا حاليا بزمن التميز يعني شخص علميته قوية ويبدع بأختصاصه هو الي يكون أكثر يحصل فرص العمل

ف معليكم بهل اخبار

اقروا اشكد ماتگدرون وتعبو على انفسكم لحد

وقال الله تعالى
(وَأَن لَّيْسَ لِلإنسَانِ إلاَّ مَا سَعَى)

لتخلون هل اشياء بالكم

مادام الله موجود كلشي ينحل ومايبقى على حاله

والله هو قادر على كل شيء

بس خلو ايمانكم برب العالمين كلش قوي
وخلو ثقتكم برب العالمين عالية والله العظيم مراح يضيع ذرة من تعبكم

بس عليكم تعبون بمجالكم فقط لا غير وراح تشوفون عوض الله كلش جبير الكم

وكل التوفيق الكم يارب وان شاء الله صيادلة ابطال نشوفكم بالمستقبل ♥️

497

صيادلة العمالقة ❤️☺️

29 Dec, 15:32

واني نيتي ودي اكمل كلية صيدلة وكلش احب هل اختصاص حتلو ميحسبوها موافق

بس عل أقل يحسبوها إليه كشهاده أن أكمل بيها ماستر

حته شهادة ماستر تريد تكمل ماينطوها الك لأن مامتعيين ف كلش صعب احتساب الشهاده

وبلكت الله يصير حل الي يريد يكمل دراسة يكمل ويخلو ويحسبوله شهاده

402

صيادلة العمالقة ❤️☺️

29 Dec, 15:29

صراحة شي يقهر
يعني ترحيل 21 الف بدون تعيين

بس أن شاء الله خير
وان شاء الله هذا صالح الحسناوي يقيلو بأذن الله مايبقى ابد اشوف نهايته قريبة لأن حوبت الخريجين كلها راح تطلع بي

426

صيادلة العمالقة ❤️☺️

28 Dec, 12:16

هسه قريت موضوع يعني قدرة الخالق ورحمة الخالق
يعني مسوي كلشي عند المرأة في سبيل يحافظ على الجنين داخل الرحم

البروجيستيرون وظيفته يثبت البيوضه(الجنين) بالرحم ويخلي بطانة الرحم قوية

زين progesterone منين ينفرز

ينفرز من ورا 14 يوم الي هو هرمون LH يفرز الجسم الأصفر وهذا جسم الاصفر يطلع progesterone يفرز كميات 10-20mg يوميا ويطلع
Estrogen
بكميات أقل

زين هاي كمية كافية خلال الثلث الاول طبعا لا

هنا راح يجي هرمون HCG هذا وظيفته يحافظ على الجسم الأصفر ويخلي يفرز progesterone بكميات هواي

زين الثلث الثاني والثالث منين يجي progesterone بعد🤔?

هنا راح تجي placenta تفرز كميات كبيرة من progesterone+estrogen علمود يحافظون على الحمل

لحد مايجي للدنيا

الله سبحانه وتعالى♥️ مخليك تحت رعايته من انت داخل الرحم لحد ما تكبر وهو يحافظ عليك وينطيك كلشي تريده

بعد ليش ماتصلي ليش ماتصوم 🤔
ليش ماتذكر ربك ليش ماتشكره🤔

يعني والله العظيم كل مااقرا فد موضوع معين اگول سبحان الله الخالق❤️

ملاحظة📙

سنة 1929 يله العلماء يگدرون يعزلون هرمون progesterone ويسوو بشكل علاج صناعي

وقبل 100 سنة يله العلماء عرفو أن المبيض يفرز هرمونين الي هو progesterone و estrogen

444

صيادلة العمالقة ❤️☺️

27 Dec, 20:13

هنا اشلون نحسب الجرعة
عدنا هاي جرعة مكتوب عليها مليون وحده دولية

ف هنا اشلون نحسبها 🤔

عدنا قاعدة 📕
نشوف وزن المريض

اذا وزن المريض أقل من 60kg هنا
50000-75000
لكل كيلو

مثلا مريض وزنة 50kg

نطبق
50000IU 1kg
X. 50kg

X=50*50000= 2500000IU

أما إذا ناخذ 75000
X=50*75000=3750000

يعني جرعة تتراوح
2500000-3750000IU

يوميا

على جرعة موجوده هي ام مليون

يعني هنا أكدر انطي 2 فيال ام مليون وياها ام 500 الف علمود يصير مليونين ونصف وحده دولية

وتكدرون تنطون 3 فيال ام مليون تصير 3 مليون وحده دولية لأن
هو يتراوح بين مليونين ونصف وبين 3 ملايين و 750 الف وحده دولية

◀️زين اذا أكثر من 60 وزنه
هنا ننطي
1-2 مليون كل 8 ساعات و الحد أقصى 6 ملايين وحده باليوم

يعني تكدرون تنطون 6 فيالات ام مليون اذا وزنة أكثر من 60

زين الي عدهم مشاكل بالكلى

◀️اذا كرياتينين مالته أكثر من 20-50 يعتبر طبيعي هنا بالدقيقه هنا نعامله معاملة وزن أقل من 60

◀️اذا كرياتنين بين 10-20 لكل دقيقه هنا مشكلة بالكلى عنده هنا
ننطي 1 مليون وحده دولية كل 12-18 ساعه

◀️اذا كرياتنين أقل من 10ml بالدقيقه
هنا ننطي 1 مليون وحده دولية لكل 18-24 ساعة

*ملاحظة / يجي بشكل infusion ويجي بشكل nebuliser
Nebuliser
ينطو 1-2 مليون وحده دولية مرتين باليوم

Dose:
1️⃣500 الف
2️⃣1 مليون
3️⃣2مليون

Ref: injuctable drugs

https://t.me/Hussein_99mo

384

صيادلة العمالقة ❤️☺️

27 Dec, 16:41

اجتك وصفة ومكتوب هذا العلاج
أو بالمستشفى مكتوب بالطبلة المريض وانت دورك كصيدلي وكلولك احسب الجرعة وهذا واجب من واجبات الصيدلي ومعاون صيدلي هم يكدر يساعده بالحساب الجرعة في حساب الجرع
اذا كان شاطر ومتمكن

وهذا العلاج ينحسب بالدقة لأن زيادة جرعة تسوي مشاكل ونقصانه يسوي مشاكل

هنا اشلون تحسب هاي الجرعة ؟

360

صيادلة العمالقة ❤️☺️

27 Dec, 11:58

طبعا ردا لكل شخص يستهزأ بمهنة الصيدلة

هنا تداخل علاجي خطير ❌ولازم نجنبه يعتبر من تداخلات الخطيرة الي هو digoxin+ omeprazole

لأن digoxin يتأثر بالحامض ف يمتص عن طريق الأمعاء هذا بالحالة الطبيعية اما من ينطي omeprazole وطبعا هاي فيال مو كبسول ف هنا راح يثبط إفراز الحامض و digoxin مراح يتأثر بالحامض ف يروح يمتص بنسبة جبيرة ويسوي مشاكل يعني يزداد تركيزه

واكو تداخل هم بالطبلة يعتبر monitor closely يعني تحت مراقبة يكون

الي هو atorvastatin+ digoxin
Digoxin+levofluxacine

ذني تداخلات يزودن من digoxin ويعتبرن تداخلات caution

بس تداخل الاول لازم يتبدل Omeprazole اي علاج من PPI. ماينطي ويه digoxin ف هنا ينطون من أدوية H2 receptor antagonist هنا تثبيط الحامض مو نسبة عالية ف تركيز digoxin ممكن يقل ويمتص بالكمية محدوده

ويجيك واحد يكلك صيدلاني مااله دور بالمستشفى 🙂

ومهنتي احبها ومن حقي ادافع عنها

https://t.me/Hussein_99mo

394

صيادلة العمالقة ❤️☺️

27 Dec, 11:40

طبعا هاي طبلة مريض
واكو تداخل علاجي مفروض يتبدل 🙂🙂 يعتبر من تداخلات serious

برأيكم يا تداخل ؟

320

صيادلة العمالقة ❤️☺️

27 Dec, 11:12

رأيكم بكلامه ؟

323

صيادلة العمالقة ❤️☺️

26 Dec, 18:09

#اشلون_تقرأ_تحليل_هشاشة_بالعظام🙂

اكو مرضى مرات يسوي تحليل ويكلك تعال اقراليا شنو بي

اكو دكاترة ميحجون فقط يشوف تحليل ومايكلولهم شنو بيكم ف يكله حالتك بسيطة والتزم بالعلاج علمود لايخوفه ويضوج ونفسيته تنهار

هسه هذا تحليل الي هو DXA

هذا first line of diagnosis لحالة مريض عنده هشاشة بالعظام

ف هشاشة العظام تصير أكثر شي هي بالفقرات
وتصير عظم الفخذ (الورك) عظم الرسغ
وتصير بالساعد والكعب والاصبع

هسه بهذا التحليل AP spine هذا العمود الفقري وطالع نتيجة osteopenia

Left femur
هذا عظم الفخذ الأيسر هم عنده osteopenia

وعدكم left forearm
هذا الساعد الأيسر
عنده normal

زين اشلون عرفت
من خلال T-score

ايكلك اذا جان الرقم أعلى من -1 ف هنا يعتبر normal

اذا الرقم
-1- -2.4
هذا يعتبر osteopenia يعني عنده كثافة عظامة قليله

أما إذا جان أعلى من
-2.5
هذا يعتبر
Osteoporosis
يعني عنده هشاشه بالعظام 🦴

أما تحاليل الي يسويها دكتور البقية ممكن يشوف المسببات مثلا عنده انخفاض بالفسفور انخفاض بالكالسيوم

ممكن يأخذ أدوية
بس كتشخيص نهائي من خلال DXA أشعة مقطعية ياخذون

https://t.me/Hussein_99mo

319

صيادلة العمالقة ❤️☺️

01 Dec, 13:55

مصدر الي نشرته مال Sam's guide

الي يقرا اصلا ميحتاج يدخل كورسات ولا شي والله العظيم مصدر كامل متكامل من ناحية كتدريب صيفي

130

صيادلة العمالقة ❤️☺️

30 Nov, 17:05

كونكم صيادله شنو اشياء الي تركتوها من دخلتو هذا المجال 🙂

اني تركت الشسوار أن يدمر البويصله والحراره على فروة الرأس مضرة

وتركت الخيط أو شمع الي يسوو للوجه علمود الشعر لأن مستقبلا يسوي scar أو حفر ومشاكل للبشرة

انتم شنو اشياء الي تركتوها من دخلتو لمجال طبي 🙂?

254

صيادلة العمالقة ❤️☺️

30 Nov, 15:10

ابن عمي طبيب مقيم دوري اقدم
يداوم بمستشفى بالناصرية

شخص عنده arrhythmia

وصارفيله levofloxacine

ف الصرف الخطأ بدون سؤال

هاي نهاية مريض

صاير عنده torsade de pointe

من أخطر arrhythmia طبعا

ف الحذر بهيج أدوية بالذات أدوية erythromycin أو Azithromycine ذني دائما ينصرفن بشكل عشوائي

أو loratidine هم ينصرف

ف اسألو مريض ودائما نجنب سؤال أن عندك مشاكل بالقلب لولا ف هذا سؤال مانسأله

نادرا تلكون شخص يسأل عن علاج يسوي QT prolonged

ف الاسئلة تنقذ حياة مريض من علاج يسوي side effect مضر بصحته

443

صيادلة العمالقة ❤️☺️

29 Nov, 19:16

هنا اول بداية نسأل المراجع
حجينا شنو أدوية تأخذها
طلعلك الأدوية مكتوبات واحد منهن valporic acid وثاني phenobarbital

هنا سألته سؤال للمراجع
حجينا هذا العلاج صارلك اشكد عليه

رد عليك گلك صارلي تقريبا أكثر من 8 اشهر

هنا انت صيدلاني شاطر🙂 وبطل گبل لكفتها

حجينا انت عندك نقص بالمعادن الي يغذن العظام الي هنه كالسيوم و D3 ولهذا السبب العظم هش صاير ولهذا انكسرت مرتين بالشهر

وبنفس الوقت الآلام بالعظام نتيجة النقص ⛔

زين والحل

الحل بسيط أن تحلل فيتامين D💉💊💊 وتحلل كالسيوم وننطيك علاج على وفق التحليل الي هو مكملات غذائية وان شاء الله ترجع زين

طبعا مو بس الأدوية الي ذكرهن الحجي 🧑‍🔬

عدكم phenytoin, carbimazapine
هم يقللن من معادن الي تغذي العظم🦴

والحجي يكلك رحم الله والديك وهمزين نبهتني 🙂

https://t.me/Hussein_99mo

266

صيادلة العمالقة ❤️☺️

29 Nov, 14:41

اجاكم مراجع للصيدلية وكلكم عندي إرهاق وتعب ورجلية يوجعني كلش وانكسرت مرتين بهذا الشهر

وكالك اني بيه صرع
دكتور الصرع هم يأثر على هيج حالتي

بروح والديك الحگني لأن كلش تعبت ورجلية وعظامي كلها توجعني

هنا صيدلاني شاطر شنو راح يخطر ببالك 🙂🙂 وشنو اسئلة الي راح تسألها للمراجع

259

صيادلة العمالقة ❤️☺️

29 Nov, 09:16

تعليق الكم 🙂🙂
على طاري منشور بارحه
🙂

278

صيادلة العمالقة ❤️☺️

28 Nov, 14:32

ف العبرة من المنشور ديربالك من الاستعجال بحياتك العملية

والله يوصلك لمشاكل ماتطلع منها وبنفس الوقت يأنبك ضميرك اذا جنت انت متسبب بالحالة

هواي تصير أخطاء بالصيدليات

مثلا مغذي ينطي غلط لان يشابهن ف مايقرون گبل ينطي

لو تنطي cefotaxime بمكان ceftriaxone

لو تنطي ceftriaxone عضلي وهمه يردون وريدي وهاي صارت بأحد الناس مقربين عليه

يعني تنطي عضلي ويضربوها وريدي هنا هم مريض يروح لداهيه لأن بيها lidocaine وهذا lidocaine وريدي يسوي tachycardia وتلاص 🙂

ف رجاءا انتبهو اذا اجه مراجع للصيدلية وكلك مستعجل كله اني بالاستعجال مااعرف اشتغل واذا انطيتك علاج غلط مو اني راح اتحمل مسؤولية ف خليني براحتي اشوف شغلي

ف ديربالكم من الاستعجال صح هو منشور مايخص الأدوية بس هذا شي مهم ف مثل مايكول نتفادى الأخطاء الي يسووها غيرنا

298

صيادلة العمالقة ❤️☺️

28 Nov, 13:59

قبل فترة بالعناية المركزة بالدوام

العناية مركزة دائما يكونون المرضى فاقدين الوعي الاغلبيه ف الي حالتهم غير مستقرة

ف هنا المريض نعرفه أن هل حالته مستقره أو غير مستقرة من خلال العلامات الحيوية من خلال الأجهزة

ف هنا اكو مريض من مرضى أن توقف قلب 🫀

ف اجه الكادر الممرضين والمخدرين والأطباء ف سوو CPR للمريض علمود يرجع قلبه ف هنا مفروض أنطو adrenaline علمود يساعد من عضلة القلب ف اجو للصيدلية الي تكون بالعناية مخبوصين لابو الصيدلية

ف انطينا ادرينالين مريض راح يموت
الولد الي بالصيدلية مكان ماينطي ادرينالين انطا زوفران الي هي ondansetrone مال تقيء 🙂🙂

ف هنا المريض توفى بسبب الاستعجال وعدم الإنتباه

302

صيادلة العمالقة ❤️☺️

27 Nov, 16:58

وهذا المصدر وتدللون ♥️

313

صيادلة العمالقة ❤️☺️

27 Nov, 16:50

مصدر Sam's guide

ايكول

نجنب إعطاء ceftriaxone و cefotaxime عن طريق الوريد بشكل سريع

علمود ليصير arrhythmia وتوصل مريض إلى الوفاة

هنا الحل شنو
الحل ننطي 2-4 دقائق بشكل بطيء

وهواي الناس تموت بسبب هاي الابره تلكا مو سبب الحساسية ماعدهم حساسية بس همه بسبب إعطاء السريع الإبرة والمريض يموت نتيجة arrhythmia 🫀

ف هسه حاليا مقبلين على شتاء وهواي ممرضين يصرفون هل ابرتين 💉💉
والدكاترة ف من يجوكم للصيدلية نبهوهم من يضربوها عن الطريق الوريد

حجاية وحده منك تنقذ حياة شخص وشكد عظيمة عند الله من تنقذ شخص بسبب كلمة أن دكله لتاخذها بشكل سريع اخذها بشكل بطيء لمدة 2-4 دقائق

346

صيادلة العمالقة ❤️☺️

27 Nov, 16:27

هواي مرضى ماتت بسبب إبرة ceftriaxone و cefotaxime

برأيكم شنو سبب الموت ؟

255

صيادلة العمالقة ❤️☺️

27 Nov, 13:35

هنا اشلون نخلي المراجع يرجع ب 3 شغلات مهمه

1️⃣اول شغلة الأسلوب ويه المريض هذا شي مهم يعني يدخل يسلم وعليكم السلام وتحجي اويا بكل حب واحترام

2️⃣ثاني شغلة العلمية

3️⃣ثالث شغلة نصائح غير طبية أو غير علاجية

يعني من تنطي علاج أن تنصحه أن مياخذ اشياء تضره اكلات شي ❌

أو مثلا انطيت فرضا قطره مال العين👀 كون تعلمه اشلون يستخدمها 🔁

انطيته مرهم تعلمه اشلون يستخدمه

مثلا انطيته شراب تعلمه اشلون يشرب الشراب

حبوب تعلمه كم حبايه يأخذ

واذا عنده أدوية هواي ف تجيب قصاصه وتكتب هذا مال ضغط هذا مال كحه واستخدامه

واذا جان يريد شراب اطفال لابنه أن تأخذ الوزن وطبق كدامه أن ادكله اشكد وزن الطفل وانت حافظ جرعه مناسبة وطبق كدامه عملية رياضيه بالحاسبه تكتب بورقه هنا راح يشوف مراجع هذا صيدلاني كلش مهتم وفعلا لازم نهتم بهاي الأمور علمود نبري ذمتنا أمام الله سبحانه وتعالى

هنا المراجع من يشوف اكو اهتمام هنا ابد مراح يعوفك ويتعنالك

وبنفس الوقت سمعة للصيدلية أن هاي الصيدلية فلانية بيها كادر من أسلوب ومن علمية ويفتهمون

صح اشياء معروفة بس نادرا تلكون صيدليات تتعامل ويه المراجع هيج

306

صيادلة العمالقة ❤️☺️

27 Nov, 09:20

https://t.me/Hussein_mo_76

شاركو ارائكم وطرق بهذا الكروب انضموا اله

270

صيادلة العمالقة ❤️☺️

27 Nov, 09:03

شنو الطريقة الي تخلي المراجع الي يجي للصيدلية يرجع مرا ثانيه الك ويصير (معميلك)?

منشور صح بعيدا عن الأدوية بس تفيدنا بحياتنا عملية

شاركونا الطرق 🙂🙂

287

صيادلة العمالقة ❤️☺️

26 Nov, 19:19

هاي معلومة للأطباء وللصيادلة ولازم يعرفوها

الطبيب من يريد يصرف علاج antibiotics
أو صيدلاني من يريد يصرف antibiotics

لازم قبل لا يصرف العلاج يأخذ كم شغلة

يأخذ تاريخ المريض:

مشاكل كلى أو مشاكل الكبد

تحسس من العلاج

يكدر يأخذ عن طريق الفم أو لا

شدة المرض🥵

العمر 🔁

يأخذ أدوية ثانيه علمود التداخل

اذا جانت female 🧕

حامل او مرضع 🤱نسألها✅

تأخذ أدوية موانع حمل ✅

لتجنب التداخل ❌

صح هي بسيطه بس هاي اسئلة أغلبيتهم ميسألوها ف السؤال أكثر شي ينسأل للمريض هو عندك حساسية من هذا العلاج أكثر سؤال البقية ميسألون ❌

Ref: Sam's guide

https://t.me/Hussein_99mo

333

صيادلة العمالقة ❤️☺️

25 Nov, 18:06

اختي❤️🥺قبل كم يوم سألتني راوتني ذني امهات الصالون أن اشلون ينظفن البشرة

كتلها انتي مصدكه بهل سالفة ادگلي اي

كتله خل احجيلج علميا 👍
كتلها البشرة مالتنا بيها طبقتين اساسيات
طبقه اسمها epidermis و dermis
Epidermis
هي طبقة خارجية الي موجوده وهسه الي كاعد نشوفها بعينا والي هي تقشير بيها وجلد ميت وهل سوالف

أما dermis الي هي طبقة داخلية الي تغذي البشرة الي بيها أوعية دموية وخلايا الدهنية وخلايا melanocytesالخ..

ف تنظيف شيسوي اول بداية بشرة كلش حساسه يعني من واحد يعتني بيها✅ كون يعتني بيها على كيفه مو بقوه ❌

ف هنا من نسوي تنظيف بشرة اول بداية راح تتوسع مسامات 😭
نقطة ثانيه حاجز البشرة يضرر 😭الي هو keratin راح يقل سمكه ومرور الزمن يسوي تجاعيد

ف من كملت كلام كتلها هسه اقتنعتي

ف لدمرين بشرتج ❌بحجة ترويج الي كاعد تشوفي ف عالجي مشاكل البشرة بأدوية مدروسه ومثبوته علميا

وهسه اني ويه كل عائلتي أن اوعيهم على الشيء الصحيح✅ والي يستخدمو

وانتم كذلك وعو اهلكم ف توعية والثقافة الطبية تصير بالمجتمع تبدي من الأهل واشويه اشويه يتوعى المجتمع✌️ لحد ما يوصل لشئ أن مايستخدم اي علاج الا يأخذ نصيحة من الصيدلاني أو الطبيب🙂

366

صيادلة العمالقة ❤️☺️

24 Nov, 19:43

من أخطاء الي دتصير بالصيدليات

اجت حالة جلدية بمكان معين اني صح اختاريت علاج الصح بس لازم اختار

Cream
Ointment
Gel

مثلا حالة جانت بالوجه
هنا ميصير انطي ointment لأن بي خاصية يسد مسام البشرة وممكن البشرة يصيرلها حبوب

ف اما gel. أو cream يكون خفيف على البشرة

ف اذا جانت حالة أن بيها التهاب أو يكون مكان مشعر ميصير انطي ointment

لأن يحبس الحرارة ويسوي مشاكل

مثلا حالة بالوجه ومسويه جفاف للمنطقة منو افضل خيار هنا

هنا cream لأن بي خاصية emollient effect

Ref: Sam's guide

345

صيادلة العمالقة ❤️☺️

23 Nov, 20:03

اقروا هاي على طاري الكحة

ف هنا توصلنا لقرار دكتور او نعالجه

ف قرار ريفرل بعد اسئلة الي سألتها اله

445

صيادلة العمالقة ❤️☺️

21 Nov, 12:32

سألته هذا السؤال اريد اشوف شنو يجاوبني

جاوبني گلي موجود وسعرة ب 12 الف

اني ذوله اتونس عليهم 😂😂😂 مرات يحظروني

اول بداية كولاجين مايمتص جزيئاته جبيرة وماينطي اي فعالية وحته اذا كان بشكل oral هو عبارة عن amino acid
و peptide
ف يتكسر كولاجين ف حسب جسم اذا يحتاجه وتحليل لل كولاجين ماكو ف هو مبين من وجه أكثر شي اذا جان نقص بي يصير تجاعيد بالوجه لأن هو الي الي يشد الوجه كولاجين و أيليستين

ف هنا حسب الاحتياج جسم اله ف فعاليته مو مباشرة جسم مايحتاجه ف انسى تلكى فعالية بي

ف كافي يضحكون على الناس بحجة يمشون بضاعتهم

وان شاء الله احنا من هذا مجالنا نوعي الناس أن يأخذون استشاره من شخص الصح

122

صيادلة العمالقة ❤️☺️

20 Nov, 17:58

شراب Isilin

شركة المصنعة / النيل المصرية

مكوناته
⏩ Ammonium chloride
⏩ Diphenhydramine

استخداماته
1️⃣ Relief cough ✅
2️⃣Sore throat ✅
3️⃣runny nose ✅
4️⃣Watery eyes ✅
5️⃣Sneezing and releif allergy ✅

⏩Contraindications الموانع استخدام

مشاكل الكبد ❌
مشاكل الكلى ❌
الي يسافرون والي يشتغلون بأدوات خطره مثل كوسرة الخ.. ❌

Dose:

الكبار : من 6 سنوات فما فوق
ننطيهم 10cc اربع مرات باليوم ( كل 6 ساعات)✅

الاطفال : من 2-6 سنوات
ننطيهم 5cc اربع مرات باليوم (كل 6 ساعات)✅

Pregnancy: catagory C
Breastfeeding: غير معروف

Mechanism of action

Diphenhydramine : block H1 receptor and anticholinergic

Ammonium chloride: expectorant

190

صيادلة العمالقة ❤️☺️

20 Nov, 17:34

بما أن تصويت اغلبيته اي ف راح انزللكم هسه علاج combination

194

صيادلة العمالقة ❤️☺️

20 Nov, 09:32

اول بداية اشكال العلاجية مال salbutamol
تجي
1-tablet
2-inhalation
3-syrup
4-injection

نجي هل salbutamol يرفع الضغط؟

الجواب اي بس اذا عبر الجرعة العلاجية يعني اخذ أكثر من جرعه محدده
زين شلون يرفع الضغط؟
جواب احنا مو عدنا salbutamol يشتغل selective beta 2 agonist

رفع الضغط أما يكون الأوعية دمويه تتقلص أو يكون عن طريق القلب أو يكون احتباس بالسوائل
زين هنا salbutamol من مريض يأخذ فوك جرعه محدده راح يفقد selective وراح يتجه على beta 1 ف يحفزها من تتحفز beta 1 راح يسوي tachycardia ويزداد الضغط

فقط بحالة إذا أخذ جرعه زائدة أما إذا أخذ جرعة علاجيه مايرتفع الضغط علمود تكون معلوماتنا دقيقة

أما للحوامل يعتبر catagory C يعني ينصرف بوصفة طبية وليس مو أمن
ف اكو فرق بين مو أمن شلع واكو فرق أمن بس تحت إشراف دكتور اختصاص
Salbutamol
يأثر على الارانب بس على انسان ماكو دراسات عليه ف مايدرون أمن أو مو أمن

وابسط دليل ينطو بحالات تقلصات الرحم متكرره ف يسوي relaxation للرحم بس هم تحت إشراف طبيبة هنا

https://t.me/Hussein_99mo

214

صيادلة العمالقة ❤️☺️

20 Nov, 07:35

بارحه شفت قناة من القنوات أن salbutamol يرفع الضغط وغير أمن للحامل

شنو رأيكم بكلامه صحيح ؟

217

صيادلة العمالقة ❤️☺️

19 Nov, 18:19

اكلكم صدك تعداد سكاني هم اجوكم لولا

شو احنا ولا واحد وصلنا معقولة زايدين بالعراق 🙂😂

266

صيادلة العمالقة ❤️☺️

19 Nov, 09:41

كلنا نعرف أن بالصيدليات عدنا أدوية عشبية مدروسه ولحد الان تستخدم

مثل اوراق لبلاب
مثل عرق السوس
مثل لافندر
مثل شجرة الشاي

مثل cranberry

ف هاي تفيدكم

لكيته بأحد مصادر وحبيت اشاركها الكم ممكن تستفادون منها بالصيدلية

https://t.me/Hussein_99mo

284

صيادلة العمالقة ❤️☺️

18 Nov, 19:12

نصيحة

اذا تردون طورون من علميتكم وماعدكم صيدلية

ف عدكم كروبات مرات يدزون بيها وصفات وكيسات ويسألون بيها. يصير بيها نقاشات ناقشو بالشي تعرفو علمود تترسخ بالكم وبنفس الوقت شوفو ردود الناس من يردون على الكيس شوفو صح خطأ اذا خطأ ناقشو بعلمية أن هذا خطأ وابحثو ودورو لتبقون على معلومات الجامعة ابد ماتكفيكم

اني عن نفسي يمكن اكو ناس يعرفوني بكروب نقاشات ادخل كيس معين احاول اشوف شنو عنده يطلب دكتور اكله دكتور يطلب علاج انصحه بالأدوية يأخذها ف كلش فادتني هل نقاشات العلمية صراحه

289

صيادلة العمالقة ❤️☺️

18 Nov, 16:37

هنا كلام غير صحيح

فيتامين C بالبرتقال يساوي 2mg

أما بالحباية يجي جرعة 200mg ويجي 100mg وفورات كذلك

يعني اخذلي 50 برتقاله يله يعادل حباية وحده ام 100mg

والبرتقال اصلا مابي فيتامين C عالي

فيتامين C موجود بالليمون تقريبا 58mg
موجود بالسبيناغ تقريبا 28mg

ف كلام غير دقيق مو صحيح والبرتقال مو مصدر أساسي لفيتامين C

299

صيادلة العمالقة ❤️☺️

18 Nov, 13:51

اكو منشور لشخص شفته على انترنت أن البرتقال يحتوي على فيتامين C ويعادل الف فوار فيتامين C والف حباية فيتامين C

برأيكم كلامه صحيح لو خطأ

نشوف تعليقاتكم🙂

294

صيادلة العمالقة ❤️☺️

17 Nov, 13:49

اليوم بالدوام جنت كاعد بالمذخر ماعدنا طلبيات ف جنت كاعد ف دوامي بصفة مركز أورام الي هو مرضى السرطان الله يشافيهم بحق فاطمة الزهراء

ف ورا فجئة لكيت ناس تبجي أن توفى واحد منهم شفتهم كلت بگلبي صدك دنيا صغيرة

وفكرت بالمصابين بالسرطان صدك هل مرض أن يخليك تخسر أحبابك

الانسان شما يعمل وشما يسوي هو يبقى ضعيف

ف احمدو الله وشكرو مليار مره أن رب العالمين منطينا كنز وهذا الكنز احنا مفروض نحافظ عليه

الصحة ماكو مثيل الها بكنوز الدنيا

ومليار وملايين مرات انگول حمدالله والشكر على هاي النعمة ♥️

329

صيادلة العمالقة ❤️☺️

17 Nov, 12:25

منو مستخدم شراب كولاجين 🙂؟

هم شفتو فعالية عليه أو لا ؟

328

صيادلة العمالقة ❤️☺️

17 Nov, 10:20

علم cosmetology والله حلو هل العلم اكول البنات مهتمات بي أكثر من الشباب هستوني يله استوعبت بعد ماقريت مصادر صدك فد شي وغير الطلبات والمشروع بي خرافي اذا جان شخص شاطر بي

338

صيادلة العمالقة ❤️☺️

15 Nov, 21:05

الصيادلة يكشفون أدوية ويصنعون الأدوية

وبالاخير ماالنا دور بالمستشفى يجي الدكتور يكتب أدوية واحنا نزلهن

شنو فلم ماادري 😂😂

466

صيادلة العمالقة ❤️☺️

15 Nov, 16:49

هواي هسه الاطفال تركيزهم صفر وبمستوياتهم بالمدرسة صفر

وبنفس الوقت نوم ماكو

ف أحد الأسباب الموبايل عدم النوم الضوء الأزرق الي هو إشعاع الموجود بالموبايل يتفاعل مع ميلاتونين وهذا من يتفاعل ف هنا الإشعاع مراح يخلي ميلاتونين يشتغل بصوره صحيحه

ف يخلي الطفل مينام👀 ويصير عنده ارق

نقطة ثانية
تلكاهم النمو مالتهم ضعيف 😭

هرمون growth لكو يتحفز أثناء النوم ف هنا من طفل من مينام بسبب الموبايل هرمون growth قليل ف هنا راح يقل⬇️ النمو

وغير مشاكل العقلية🧠 من ضمنها التوحد والادمان
والتركيز والإدراك

والاجهاد على العين👁️‍🗨️ تلكوهم يصير حول عدهم أو تلكاهم مشاكل بالعين يعني ميشوفون زين وأغلبية الاطفال ملبسيهم مناظر

ف ديروبالكم على اطفالكم والموبايل📱 مضر
وحتلو اذا انطو الموبايل ف فترة محدودة مو ساعات مستمره

يعني باليوم ساعه1️⃣ او ساعتين2️⃣ كلش كافي

ف ديروبالكم على اطفالكم ❤️

المصدر

https://www.jaincollege.ac.in/blogs/10-harmful-effects-of-mobile-phones-effects-on-students-and-studies

https://www.footprintseducation.in/blog/harmful-side-effects-of-mobile-phones-on-children/

470

صيادلة العمالقة ❤️☺️

15 Nov, 11:09

مصادر مال هذا منشور
Lippincott
Pharmacology essential
Clinical pharmacology
BNF
Medscape
Pre work pharma guide
Pathophysiology of disease
Medical pharmacology

Appelied therapeutic
BRS pharmacology
Katzung basic and clinical pharmacology

369

صيادلة العمالقة ❤️☺️

15 Nov, 11:04

Finasteride

ميكانيزم مالته
يثبت
5-alpha reductase
الي يطلع DHT هذا موجود بالبروستات وموجود بالجلد وموجود ب فروة الرأس لهنا تمام 👍
عدنا بالبروستات شيصير عدهم يصير تضخم بالبروستات والي سبب تضخم بروستات هو DHT ف من ينطوهم finasteride راح يقلل ⬇️من حجم البروستات ومرات يجي combination ويه جماعة alph1 blocker علمود يحسنون تدفق urine
ف فعالية ينطي تقريبا 6-12 شهر
ويستخدم بحالة alopecia الي هي الثعلبة ف لكو أن DHT موجود ب scalp ف يعيق الشعراية ف finasteride يمنع DHT
وهم فعاليته 6-12 شهر

بس اضرار بي بالذات إذا ننطي بشكل oral

من ضمن اضرار مشاكل جنسية وأكثر سايد افيكت يعتبر very common
ممكن يسوي عقم

وشافو اذا رجل يأخذ هذا العلاج ومتزوج ف من يريد يمارس ف لازم ياخذ condom لأن finasteride لكو بالنطف

وبنفس الوقت غير أمن للحامل اذا لكيت باودر أو حبابه مكسوره ف يسبب مشاكل للجنين

وبالذات اذا جان الجنين ذكر لأن لكو يسوي انسداد ومشاكل بالأعضاء التناسلية للجنين الذكر

ولكو يستخدم بحالة hirsutism
الي تصير بالنساء ف ممكن ينطوهم finasteride
ويجي جرعتين
جرعة 1mg ل alopecia
جرعة 5mg للبروستات

423

صيادلة العمالقة ❤️☺️

13 Nov, 19:19

عدكم finasteride باللون الازرق
وعدكم minoxidil باللون الاحمر

Finasteride
آلية عمله من انطي بشكل topical
راح يروح يثبط اكو شي اسمه
5-alpha reductase
هذا انزيم يحول testosterone إلى dihydroxytestoaterone الي مختصر DHT هذا موجود بالرجال 🧑‍⚕️هذا الهرمون أكثر من النساء يعني نساء كلش قليل عدهم

موجود ب scalp بفروة الرأس هذا الهرمون وموجود بأماكن أخرى

زين هذا هرمون من يتفعل شراح يسوي للشعراية راح يخليها تساقط يعني تلكا الشخص عنده زيادة ب بهرمون اندروجين أو تيستوستيرون ويسوي هل شي بسبب DHT

زين النساء هم ننطيهم هذا العلاج

النساء ماننطيهم topical solution بي finasteride ليش
لأن اول بداية مراح يفيدهم بشي لأن DHT ماموجود بالنساء🧕 بكميات عالية هاي نقطة

أما نقطة الثانية ممكن يمتص ويسوي مشاكل جنسية وممكن يسوي mild acne وممكن تغيرات هرمونية ✝️

ف يفضل ننطيها فقط minoxidil ✅

أما الحامل ممنوع منعا باتا ننطيها finasteride❌

https://t.me/Hussein_99mo

467

صيادلة العمالقة ❤️☺️

13 Nov, 17:06

اجتكم بنيه للصيدلية

وكالتلكم شعري يتساقط وحجيتو اوياهه وكلشي طبيعي ونقص ماعدها اي شي من المعادن والفيتامينات

وجان عدكم هذا النوع بالصيدلية

هذا صحيح صرف لو خطأ

لتغلسون جاوبو 🙂🙂

https://t.me/Hussein_99mo

279

صيادلة العمالقة ❤️☺️

13 Nov, 16:13

هم هيج تعانون ويه مراجعين 😂😂

257

صيادلة العمالقة ❤️☺️

13 Nov, 16:12

اجاك شخص للصيدلية
مراجع: السلام عليكم
صيدلاني أو صيدلانية: وعليكم السلام

المراجع: اريد بخاخ مينوكسديل لأن شفته واحد على تكتوك ويكول خوش يرجع الشعر اريد منه اذا عندك

الصيدلاني الي ماينصح😡: اي صدك جذب تدلل هذا بخاخ مينوكسديل مرتين باليوم تستخدمه

المراجع : رحم الله والديك وجزاك الله خير 🙂

أما الصيدلاني الشاطر والي همه المراجع قبل الفلوس: حجي شيسوي بي هذا بخاخ

مراجع: شعري يتساقط واريده اله

الصيدلاني الشاطر : حجي تساقط انت محلل لو انتم عدكم وراثة تساقط

المراجع: والله هو وراثه بس وراثة مو بهذا العمر بس اني أريده بلكت الله يطلع شعري 😂🙂

الصيدلاني الشاطر: حجي هي مو تجارب غير نعرف تساقط اذا جان عامل خارجي لازم تحلل وتسوي تحاليل ونشوف النقص ونعالج على نهج النقص الي عندك
وهذا مينوكسديل ميفيدك إذا جان عندك نقص فيتامينات أو معادن
لأن هذا يسويلك انبات بالشعر صح بس من ينترك يرجع يتساقط أكثر من السابق
وبنفس وقت يسوي آثار جانبية كلش مو حلوه من ضمنها زيادة الشعر بكل جسمك يعني اذنك تلكاها متروسه شعر وجسمك متروس شعر كثيف
بعد انت بكيفك
المراجع: خوش نصيحة رحم الله والديك زين شنو تنصحني شسوي

الصيدلاني:حلل

276

صيادلة العمالقة ❤️☺️

12 Nov, 20:21

الكل تعرف هذا التداخل العلاجي

أن حسب متداول هواي شفت منشورات هي معلومة شبة صحيحه مو صحيحة 100٪

أن omeprazole يقلل من plavix وهذا شي مو مضبوط 100٪

لأن اكو فرق بين تقليل من فعالية العلاج يعني علاج يشتغل بس فعالية ماينطي بالصورة مطلوبة

واكو فرق بين أن العلاج مايشتغل نهائيا

ف الصحيح 100%
أن plavix
يعتبر من أدوية prodrug يعني هذا العلاج من شخص يأخذه عن طريق الفم يعتبر غير فعال

ف من يدخل للجسم يدخل عن الطريق الكبد بواسطة metabolism راح يتحول من غير فعال إلى فعال بواسطة انزيم معين بالكبد

ف omeprazole شيسوي يجيب هذا الانزيم يگله تعال مااخليك تتحرك😭 ف يثبطه من راح يثبطه plavix شيسوي بهيج حالة يبقى prodrug يعني يدخل للجسم غير فعال ويطلع غير فعال لأن انزيم الي يحوله متوقف بواسطة omeprazole

ف هنا الفرق بين تقليل وفرق بين العلاج نهائيا ماينطي نتيجة

هواي اشوف تعليقات ومنشورات ف مفتهمين أن omeprazole يقلل من فعالية plavix بس هل شي مو صحيح 100%

ودمتم سالمين

294

صيادلة العمالقة ❤️☺️

11 Nov, 18:57

اكو قول الدنيا دوارة

هاي قبل فترة رحت مقابلة علمود صيدلية ف سألني اسئلة من ضمن اسئلة جاوبتها بكل حذافيرها بس هذا الشخص يحاول يسأل اسئلة أن في سبيل يخلي الشخص يطفره ومايخلي يشتغل ف سألني سؤال من الضمن الاسئلة گلي اذا شخص متعارك ومزورك كلش شتسويله كتله اني كصيدلاني مو صلاحيتي ف هنا حالته طارئة ف طوارئ گلي يعني ماتنطي شي كتله اي ماانطي شي

ف قبل كم يوم اجه نفسه بالدوام الي اني اداوم بي ف يريد طلبية لان اني اداوم بالمذخر وشتلته 3 ساعات كتله انتظر عندي طلبيات قبلك 😂😂

ف اريد اعرفه هذا شنو صيدلاني اختصاصه لا

ف سألت الي وياي صيادله كتلهم هذا شنو صيدلاني گلولي لا هذا ممرض جامعي 🙂🙂

ف هنا دخيل طلع وجاي يطبق براسي

والله مع الاسف كل صيدلاني مخلي دخيل بصيدليته وكل ذرة ضمير ماعنده والله لا يوفق كل شخص الي خرب مهنة الصيدلة

من ارقى المهن بنظريتي هي الصيدلة بس للأسف ابد مامنطين استحقاقها بالعراق

388

صيادلة العمالقة ❤️☺️

10 Nov, 15:35

منو يعرف مكاتب بكربلاء يبيعون مصادر طبية ؟

381

صيادلة العمالقة ❤️☺️

10 Nov, 12:15

أتعجب على صيادلة جايبين دليل صيدلاني ناجح ويقرون بي 😂😂😂 صدك جذب

456

صيادلة العمالقة ❤️☺️

10 Nov, 10:23

هاي اعرف شخص حق معرفة يلعب حديد ويأخذ growth hormone
ف هذا وظيفته شيسوي يدخل amino acid للعضلات ويدخل glucose للعضلات ف يسوي بناء للعضلات

هنا صح مكيف وبناء عضلات وجسمه حلو صاير بس مايدري بالمخاطر الي راح تصيرله

اول مياخذ growth hormone يصيرله hypoglycemia

لأن يدخل glucose للعضلات ف يقل glucose بالدم

بس ورا ساعه او اقل راح يصير hyperglycaemia
لأن growth hormone يروح للكبد

ف كبد يطلع شي مشابه ل growth hormone
ف هذا يسوي glycogenolysis ف يطلع glucogon بالكبد الي متخزن ف راح يرفع السكر

ف قبل كم يوم كال اخوي فلان عنده سكر ف اني من گلي عنده سكر ف اني كبل خليت هل احتمال بالي ف هسه مكضيها على الأدوية صاير عنده

Resistance of insuline

ف diabetes type 2

واكو بيهم ياخذون هرمون ابر testosterone هاي ابر تحفز growth hormone وبالتالي تكبر العضلة مال جسمه

ف جماعة الي يلعبون حديد نمو عضلات بالبروتينات الطبيعية وليس أخذ هرمون وإذ تريد تأخذ كون بأستشارة طبية علمود بأنتظام يكون مو شامي عامي وبالاخير يصير بيكم سكري وتعال عمي شيلني

488

صيادلة العمالقة ❤️☺️

09 Nov, 16:42

هنا السبب الطفل من يكون بهذا العمر ف هنا الرئة تكون غير مكتمله ف من يجي للدنيا اكو بالشعب الهوائية ف طفل من يسحب نفس ويطلع النفس الي هي عملية الشهيق والزفير ف هاي الشعب الهوائية بالطبيعة لازم اكو شي يزيت هل منطقة علمود ماتلزك ف هنا الطفل من يجي بهذا الشهر هنا راح تلزك لأن تزييت ماكو للمنطقة ف بتالي يختنگ ويبقى بالخدج ممكن يموت

زين اشلون يعيش
يعيش قبل موعد الولاده المبكرة يعني قبل لا يجي الطفل ينطون ابره يسموها إبرة نضوج الرئة للجنين هاي الابره اسمها betamethsone لمدة يومين كل 24 ساعه او ينطوها dexamethasone كل 12 ساعه لمدة يومين

زين هاي الإبرة شنو وظيفتها قبل لا نبدي بالوظيفة عدنا كورتيزول هو الأساسي علمود يزيت منطقة علمود تصير عملية التنفس بصورة صحيحة وهاي شوكت يصير تزييت بالولادة الطبيعية يعني بشهر تاسع هنا رئة تكون كامله

أما بالولادة مبكرة

ف هنا هاي الإبرة تعتبر cortisol خارجي ف كبل تعبر placenta وتروح للرئة الطفل وتسوي تزيت للمنطقة لأن كورتيزول خارجي يعتبر

ف من يجي للدنيا الطفل يتنفس طبيعي ويبقى بالخدج فترة معينه ويعيش الطفل

https://t.me/Hussein_99mo

346

صيادلة العمالقة ❤️☺️

08 Nov, 18:58

ليش الي الطفل يجي بشهر الثامن أو قبل وقت الولادة ممكن يموت شنو السبب ومرات يعيش ؟

439

صيادلة العمالقة ❤️☺️

08 Nov, 13:04

*يعتبر من أدوية glucocorticoid
يكون من أدوية long acting
36-55 ساعه مدة عمله

Mechanism of action
لكل حالة الها ميكانيزم معين

يعني اشلون يرفع السكر يسوي stimulate hepatic glucose
عن طريق انزيمات الكبد ف يفعل عملية gluconeogenesis
يكون anti inflammatory
يقلل من leucocytes و macrophage علمود ماتستجين ويه antigens

يقلل من prostaglandin و leukotrrienes عن طريق تثبيط phospholipids A2

يقلل ACTH عن طريق تثبيط CRH

Uses
*Addison disease
*Cushing syndrome
*Congenital adrenal hyperplasia
*Relief of inflammatory symptoms
*Treatment of allergies
*Acceleration of lung maturation

Adverse effect
*Decrease growth in children
*Glaucoma
*Centripetal distribution of body fat
*Osteoporosis
*Increase risk of infection
*Increase risk of diabetes
*Increase appetite
*Emotional disturbances
*Hypokalemia
*Hypertension
*Peripheral edema

611

صيادلة العمالقة ❤️☺️

07 Nov, 20:44

شنو تعرفون عن dexamethasone?

420

صيادلة العمالقة ❤️☺️

07 Nov, 12:28

هاي قبل اشويه جنت كاعد ويه العائلة الكريمة

ف امي حجت كالت فلان يريد يزوج لأن يريد اطفال ورغم هو عنده بنيه بس يريد بعد طفل ويه بنته وزوجته عدها عقم

ف بما أن اختصاصنا طبي
ف سألتها كتلها شنو السبب من الزوجه لو من الزوج

جان رد ماكو اي سبب
زين ليش عدها عقم كالولي رابطين البيوض ف اني هنا كلت ماكو هيج حجي شنو بيوض شنو هل حجي

ف من بحثت عن هاي الحالة
هنا أثناء عملية القيصرية الي جابت البنيه ف رابطين قناة فالوب بالغلط ف بيوض هنا ماتوصل للرحم علمود يصير عملية إخصاب الها من قبل النطفة
هنا سبب الها عقم دائمي بسبب خطأ طبي

زين يجي سائل هل هذا شي فقط بخطأ طبي لو يستخدمو بحالات ثانية

اي يستخدم بحالة السرطان المبيض أو يسوون إزالة للمبيض

يستخدمو بحالة التهابات المستمرة ف يسوون هل حالة
يستخدمو أن مايردون اطفال بعد بس كون حياتها مستقرة ويه زوجها ويكون قرار منها ف تسوي هل عملية

ف هنا الله يعينها بسبب خطأ طبي سوو عقم دائمي

واذا يردون يزيلون هل شي عملية مكلفة

512

صيادلة العمالقة ❤️☺️

06 Nov, 16:55

جماعتي الي داومو مستشفيات ياهو اسئلة اكلهم وين خلوكم هذا يگلي صيدلية استشاريه ذاك يگلي صيدلية طوارئ الثاني يگلي صيدلية جناح الخاص

الا اني شمروني بمذخر جراحي حته اسماء عجيبة غريبة مااعرف ولا يم اختصاصي

ليش هيج ماادري شنو بيها حكمة 🤣🤣🤣

425

صيادلة العمالقة ❤️☺️

06 Nov, 16:49

https://www.instagram.com/p/DCCXV-UO_pB/?igsh=d3YzYXBxamtpOTc2

لايكاتكم 🙂🙂

279

صيادلة العمالقة ❤️☺️

05 Nov, 17:48

Sugammadex
سامعين بي هذا علاج؟

304

صيادلة العمالقة ❤️☺️

04 Nov, 19:44

ترا معلومة أدوية prozosin وجماعتها مو علاج للهل حالة هواي أخذوها علاج لهل حالة ترا هاي أدوية تستخدم للضغط وتستخدم أكثر شي للبروستات ف هاي بروستات تشخص من قبل دكتور اختصاص ف دكتور من ينطيها يكتبها مره واحده لو مرتين ف نكله تأخذها وانت كاعد أو قبل النوم نصائح دائما تكون من قبل الصيادلة وليس الدكتور اكو دكاتره ماتنصح على أدوية

366

صيادلة العمالقة ❤️☺️

04 Nov, 19:23

السبب لا فقر دم ولا اي شي الشخص سليم مابي شي

بس نتيجة الوقوف لفترة طويلة أو الجلوس لفترة طويلة راح يسوي شي اسمه orthostatic hypotension واله اسم ثاني اسمه postural hypotension
هذا يصير انخفاض بالضغط الدم مفاجئ بسبب قوة الجاذبية الأرضية للدم
يعني كاعد الشخص لفترة طويلة تراكم الدم راح يصير فقط مستوى الاعلى بس من شخص يقوم من مكانه هنا دم راح ينزل من أعلى للاسفل بشكل مفاجئ ف هنا اذا صار انخفاض بالضغط طبيعي راح يصير عنده دوخه 🥱

واكو أدوية بروستات جماعة prozosin هاي من side effects تسوي postural hypotension ف ننصح المريض ياخذهن قبل لا ينام علمود من ينام يكون الضغط مالته متزن 😐

وبس

https://t.me/Hussein_99mo

382

صيادلة العمالقة ❤️☺️

04 Nov, 19:12

اذا شخص كاعد لفترة طويله ومن يكوم يحس بدوخه برأيكم شنو عنده ؟

311

صيادلة العمالقة ❤️☺️

02 Nov, 13:41

https://www.instagram.com/p/DB3r3z_CRao/?igsh=NzdhejRsajN5ejZw

لايكاتكم على منشور نشرته

437

صيادلة العمالقة ❤️☺️

02 Nov, 08:34

المنقذ مسوي وجبة أساسية الزنك

يومية أخذ منه
مناعتك تمشيك 4 سنوات ليكدام بدون انفلاونزا 🙂 وبدون اي التهاب معين

468

صيادلة العمالقة ❤️☺️

01 Nov, 15:21

خاف تجيكم وصفة مكتوب بيها

Spironolactone+captopril
أو أي علاج من ACEI

هنا انت صيدلاني شاطر ودارس راح تعرف أن اكو تداخل بيناتهم

ف يسوي severe hyperkalemia

من يسوي يوصل مريض إلى حالة يرثى لها ف كلش خطر هل تداخل

بعض الأطباء مايعرفون تداخلات ف هنا انت كصيدلاني لازم تعرفهن ف هنا راح تنقذ المريض من تنبه الطبيب
أن اكو تداخل بيناتهم

وبس 🙂

465

صيادلة العمالقة ❤️☺️

01 Nov, 13:58

اذا فرضا اجتكم وصفة طبية من دكتور ومكتوب بيها والمريض عنده مشاكل بالقلب وصاير عنده edema وكلش تعبان

هنا تصرفون وصفة لو شسوون ؟
Rx/

Spironolactone
Captopril

416

صيادلة العمالقة ❤️☺️

01 Nov, 08:25

https://www.instagram.com/p/DB0kYc4ufgW/?igsh=MXE4MXZ1cmFjNDJwNg==

سويت حساب على انستا انشر بي اشياء تداخلات وغيرها وبنفس الوقت اشياء توعوية من خلال الأدوية الي تنصرف للناس

تابعو وشاركو اذا تكدرون

429

صيادلة العمالقة ❤️☺️

30 Oct, 16:30

خاف واحد يجيكم للصيدلية يريد maalox وبنفس وقت عنده تحسس وكلكم اريد علاج مال حساسية كتلتني

وانطيتو maalox و fexofenadine

هنا لازم تنبهو أن من يأخذ العلاج maalox ورا ساعتين يأخذ fexofenadine مو اثنيناتهن سوه

والافضل

Maalox
يأخذه من يصير عنده GERD أثناء الطعام

و fexofenadine قبل لا ينام يأخذه

اكيد وقت بين العشاء أكثر من ساعتين

ف هنا مريض استفاد من العلاج ويصير زين ويجي يكلك رحم الله والديك

وبس 🙂

614

صيادلة العمالقة ❤️☺️

27 Oct, 13:44

سؤال داير بالي

ليش طالب من يتخرج بعد ينسى شي اسمه دراسة بس يتخرج بعد مايفتح اي كتاب ولا مصدر خاص بمجاله

شنو السبب وليش
اريد سبب مقنع ...

596

صيادلة العمالقة ❤️☺️

26 Oct, 18:46

توقعاتكم للكلاسيكو 🙂

162

صيادلة العمالقة ❤️☺️

26 Oct, 14:16

جماعتي بالقناة بس ياخذون معلومات وميتفاعلون شبيكم ماادكلولي 🙂😂

209

صيادلة العمالقة ❤️☺️

26 Oct, 14:00

هاي اليوم صار نقاش اني ومعاون صيدلي خريج معهد الاردن بالدوام اوياي طبعا هو ويشتغل بصيدلية

ف صار نقاش ف سألته كتله اذا شخص عمره 9 سنوات ويريد مسكن الم شنو تنطي

يرد عليه ايگلي انطي اسبجك لو انطي فولتارين 50mg

اني هنا كتله تحجي صدك ايكلي اي والله

انوب ضليت اسئل بي كتله اذا انفلاونزا شخص عنده شنو تنطي كتله انتي بايتك ماتنطي مفروض گلي مفروض ينطي كتله ليش يگلي علمود وقايه كتله اشلون وقايه بله 😂😂😂

صراحة خبلني بأجوبته كلت منين يجيب هل مصادر مااعرف اشلون ماادري 😂😂

عمي اني وغيري مصادر وطركاعه من ننطي معلومة انكول خاف غلط بمعلومتنا خاف وخاف

لو يگلي العلاج وحيد يرفع الضغط بس البروفين كتله شلك بهل سالفة گلي اي والله أما البقيه ميرفعن هواي طبيعي 😂😂

والله ماادري منين يجيب هل سوالف مااعرف

اسبرين اني لعمر 18 انطي واخاف مو انوب 9 سنوات ظاهر ماعندي شي اسمه Reye syndrome 🤣🤣

والله الله الحافظ الي ياخذون منه

واني ادرس مصادر وطركاعة صيدلية ممحصل الله يرضاها 😂🤣🤣

216

صيادلة العمالقة ❤️☺️

25 Oct, 17:17

Salbutamol
يعتبر من أدوية
Short acting B2 agonist
يستخدم بحالة
Attack asthma
Acute asthma
Chronic asthma
هذا متعارف عليه

بس اكو استخدامات ثانويه

يستخدم بالوصفات النسائية. بحالة التقلصات الرحم المبكره يقلل من التقلصات الرحم يسوي relaxation uterus

ويستخدم بحالة
Severe hyperkalemia

بحالة زيادة البوتاسيوم بالدم جماعة الفشل الكلوي يصير عدهم زيادة بالبوتاسيوم ف ممكن ينطوهم salbutamol IV

ف يدخل البوتاسيوم إلى الخلايا

بس مايعتبر first line بحالة hyperkalemia

https://t.me/Hussein_99mo

684

صيادلة العمالقة ❤️☺️

25 Oct, 13:07

شنو تعرفون عن علاج salbutamol ?

467

صيادلة العمالقة ❤️☺️

23 Oct, 15:00

هاي قبل فترة رحت للصيدلية اريد اجيب قطرة adol
اني رحت ادري بالصيدلية هاي بيها دخيل

ف رحتله كتله اريد قطرة anti pyretic گالي قطرة antibiotic
😂😂😂 هو هنا ضل صافن شنو هاي جديده 😂😂

كتله لا anti pyretic 😂😂

هو هنا شاف وضعية لاصت گلي ماكو ماعدنا 😂😂😂

انوب شفتها لاصت عليه كتله انطيني ادول بمكانها

وعلي غير من طلعت متت ضحك عليه 😂

298

صيادلة العمالقة ❤️☺️

21 Oct, 18:37

اليوم بالدوام أغلبيتهم اوياي صيادله وعدهم صيدليات
ف سألوني گالولي حسين انت شنو مشتغل بصيدلية سابقا لا مدرب بصيدلية

كتلهم اي مشتغل ومدرب
كالولي اشلونك
كتلهم اني مااقيم نفسي كتله اسئلني واجاوبك 🙂

ف هنا سألني وجاوبته بالتفصيل الممل 😂

ف هو گلي تعال اشتغل بصيدلية اوياي كتله وين صيدليتك گالي بمكان معين كتله بعيده عليه حاليا مااريد صيدلية لأسباب معينه

ف هنا العلمية والدراسة الي درستها بالبيت واكتسبت خبرة مراحت البلاش

الله وكيلكم لحد الان 3 صيدليات كالولي تعال اشتغل ومارحت بعيده عليه وظروف عندي ف حاليا مكنسل شغل الصيدلية

صح اني دوامي بالمستشفى مااشتغل بأختصاصي
بس اختصاصي اني امارسة بالبيت من خلال اطلاع وبحث عن معلومات في سبيل تطوير علميتك

ف العلمية كلش الها دور ولحد يكلكم ماتفيدكم ومااعرف شنو

العلمية هي الأساس بالعمل
وبنفس الوقت التوفيق يجيك من رب العالمين
لأن كل شخص يتعب على نفسه كل ما الله يوفرله رزق ويفتح أبوابه ويسهل أمره بكلشي

وكل هذا فضل من الرب العالمين واهل البيت

وحمدالله والشكر ❤️

ف هاي مجرد نصيحة طبقوها وشوفو نتائجها بالاخير

399

صيادلة العمالقة ❤️☺️

19 Oct, 20:26

هذا فيديو يخص معلومات عن الفريق الطبي الي قبل فترة نشرت عنه شوفو اذا تحبون تنضمون اهلا وسهلا بيكم

420

صيادلة العمالقة ❤️☺️

19 Oct, 20:26

https://www.instagram.com/reel/DBUaMi-CANK/?igsh=MWk1cTA0c2gxcnUzMg==

416

صيادلة العمالقة ❤️☺️

19 Oct, 13:56

اليوم موقف صار بالردهة الطوارئ
دكتور صارف esomeprazole vail
مفروض تنحل ب N\S 100ml

هنا ممرض ماقاري مامنتبه ف منطي metronidazole infusion ف خبطها ويه esomeprazole vail

هنا المغذي صار اسود بسبب التفاعل الي صار وهنا تلاحكناله وتفادينا الأمر هو صح ماكو تداخل
ك drug drug intreaction
بس اكو تفاعل كيميائي بس المركبات بي بين esomeprazole vail و metronidazole

ف هنا ركزو من تنطون شي لان فعلا metronidazole و normal saline
يشابهن بالشكل ف من تصرفون هل شي اقرو ماده شنو يله تصرفوها

ودمتم سالمين

494

صيادلة العمالقة ❤️☺️

17 Oct, 18:03

https://t.me/pharmacy_87

عدكم هاي قناة زميلتكم الصيدلانية بنين
فتحت مشروع حلو ومصدر رزق الها اتمنى دعموها من خلال هاي القناة
ومنتجاتها كلش حلوه واصلية وطبعا وبنفس الوقت يعني علمية تامة عن منتجات البشرة وغيرها

477

صيادلة العمالقة ❤️☺️

14 Oct, 18:55

الي مستقبلا من يتعينون الي يريد لود قوي وشغل قوي يروح طوارئ. واستشاريه ومعلومات قوية

البنات أغلبيتهم استشاريه وطوارئ يخلوهن اما الولد مذاخر سواء كليات أو معاهد
ومرات يخلوهم خفر الولد بالطوارئ أو استشارية الخافرة

562

صيادلة العمالقة ❤️☺️

14 Oct, 18:47

كل يگول شنو

خلوني بمذخر الجراحي تجهيز طلبية طبعا مو بس المعاونين حته صيادله مخليهم بمذخر جراحي
هذا شنو بي

هذا مذخر جراحي بي أدوات الجراحة والتيوبات والاوكسجين كل اشياء متعلقة بالجراحة

واكو مذخر الدوائي هذا متعلق بالأدوية تجهيز أدوية

واكو مذخر المحاليل ومختبريات هاي اشياء متعلقة بالمحاليل وأشياء متعلقة بالمختبر التحليلات
يعني مثلا فصائل الدم شنو يحتاج علمود يكشفون فصيلته ف مو اكو محاليل يضيفوها للدم هاي مختصه بهذا المذخر

ف اني خلوني بمذخر الجراحي مو يم اختصاصي هاي سوالف جراحة اني حته دراسة اسم جراحة مدارس 🤣🤣

588

صيادلة العمالقة ❤️☺️

14 Oct, 16:10

والله جان كل امالي من اباشر حاير بين صيدلية طوارئ وصيدلية استشاريه

بالاخير سوولي سبرايز شمروني بمكان حته ولا يم اختصاصي 🤣🤣🤣 معاناة ورب الكعبة 🤣🤣

486

صيادلة العمالقة ❤️☺️

12 Oct, 20:21

فولتارين IV. هم سامعين؟

552

صيادلة العمالقة ❤️☺️

11 Oct, 14:34

#نصيحة

هواي طلاب متخرجين ف مو ماحصلو صيدلية يدربون بيها أو عمل بالصيدلية ماكو بسبب الدخلاء الي متواجدين بالصيدليات

ف طلاب متخرجين يتانون التعيين ف ضلو يشتغلون شغل خارج اختصاصهم
هذا يشتغل بالعماله هذا يشتغل بالمحل اسواق
وهذا يشتغل بالصبغ وغيرها من أعمال الحره

من اجه التعيين ف ناسي معلومات الي درسها بالكلية أو المعهد

هنا راح يعاني لازم يراجع معلومات من جديد

ف انت مالكيت صيدلية تدرب بيها أو تشتغل بصيدلية مالكيت

حتلو تشتغل غير شغل مجالك اهمشي لتعوف اختصاصك ادرس بالبيت طور من معلوماتك هنا راح تسيطر من يجيك شغل بصيدلية انت مسيطر

ومن تتعين انت مسيطر

اني اول ماتخرجت ماعفت اختصاصي صح اشتغلت غير مجالي بس اني وبالشغل اقرا مصادر 🤣😂

بوقت فراغي اقرا معلومه وحمدالله كله بفضل الله واهل البيت هسه مسيطر على الوضع من ناحية التعيين ومن ناحية شغل بالصيدلية

ف الي بعدهم او الي راح يتخرجون ف ماحصلتو تعيين أو شغل بصيدلية أو تدريب بصيدلية اقرو بالبيت علمود ماتنسون معلوماتكم 🤎

لحد ماالله يفرجها عليكم

https://t.me/Hussein_99mo

697

صيادلة العمالقة ❤️☺️

11 Oct, 11:09

وصفة دكتور شنو عدها المريضه ؟
عدها مفاصل

وليش كاتب omeprazole بهل وصفة شنو علاقة omeprazole بالمفاصل 🤔?

562

صيادلة العمالقة ❤️☺️

10 Oct, 20:55

تفاعلكم قليل ليش 🙂 شنو ماعجبتكم معلومة 🤣

553

صيادلة العمالقة ❤️☺️

10 Oct, 14:12

شوفو المصدر الغذائي للعظام هو كالسيوم
والكالسيوم نسبة أمتصاصيته هو من فيتامين d لهنا تمام

الاذن شنو بيها عظام هي الأساس بالسمع واخر شي انطيكم دليل قول الامام علي عليه افضل الصلاة والسلام

العظام موجوده بالاذن هي المطرقه والسندان والركاب ذني 3 عظيمات صغيره هي الأساس بعملية السمع وذني عظام مصدر قوتهن هو كالسيوم ومصدر كالسيوم أغلبيته من فيتامين d اذا قل فيتامين d بشكل كلش severe ممكن شخص يفقد سمعه
ف هاي الحالة كلش نادره اذا صار هشاشه بالعظام

قال الإمام علي بن أبي طالب (ع): اعجبوا لهذا الإنسان ينظر بشحم ويتكلم بلحم ويسمع بعظم ويتنفس من خرم

ودليل الامام علي أن الإنسان يسمع من عظام والعظام يسمع بيهن الي ذكرتهن ف مصدر اساس سمع يعتبرن

https://t.me/Hussein_99mo

585

صيادلة العمالقة ❤️☺️

10 Oct, 11:16

هم سامعين نقص فيتامين D. ممكن يسوي فقدان بالسمع ؟

420

صيادلة العمالقة ❤️☺️

09 Oct, 20:29

كيس شفته بأحد التواصل
بس بحثت عنه إن زياده فيتامين d3 شنو يسوي

شوفو احنا عدنا فيتامين d يقوم بأمتصاص كالسيوم نسبة 40%

وبنفس الوقت الفسفور هم كذلك

من شخص يأخذ فيتامين D3 بدون تحليل ومايدري أن هو بالأساس ماعنده نقص

راح يسوي مشاكل كارثيه

بالبداية راح يصير hypercalcaemia زيادة الكالسيوم بالدم اذا زاد كالسيوم راح يسوي مشاكل ومن ضمن المشاكل
هي renal stone
Tachycardia
Hypertension
يسوي جلطات ممكن لأن كالسيوم يدخل بعملية التخثر
يسوي تشنج عضلات كلش قوي يعني بحيث العضله ماتتحرك يعني ايد ماتتحرك أو رجل تبقى اشلون حجر

يسوي hyperphosphateamia
يسوي weakness

وزيادة فيتامين D
تسوي مشاكل ثانيه
Drowsiness
Nausea
Abdominal pain

ف شخص من يأخذ فيتامين d يحلل يله يأخذ اذا اكو نقص عنده يأخذ ماكو نقص مياخذ

احنا بالعراق صح عدنا هواي نقص فيتامين d بس مو كل عرض شفنا من فيتامين d يعني هذا نقص عدنا هذا مفهوم غلط

عنده دوخه أخذ فيتامين d بدون ميحلل وهذا شي غلط
عنده ضعف بالعضلات يتعب
لو ينام كبل كال هذا ماكو غيره فيتامين d عندي نقص وهذا هم مفهوم غلط
ف مشاكل زيادة فيتامين d كلش خطره ف ديربالكم
🌹❤️

493

صيادلة العمالقة ❤️☺️

09 Oct, 12:40

منو يأخذ فيتامين D3 بدون تحليل ؟

444

صيادلة العمالقة ❤️☺️

07 Oct, 18:52

ثقافة طبية ماعدنا بالذات اهاليتنا الي متعودين اي شخص يحترق يوكع عليه چاي يوكع عليه الزيت گبل ينطو معجون اسنان على الحرق وهذا شي غلط بالعكس يزود الحاله ومايعالجها

هاي قبل اشويه خابروني اني جنت بالشغل
ابن اخوك وكع عليه چاي واحتركت رجله وهو عمره سنتين

كتلهم شسويتوله كالولي حطيناله معجون اسنان

اني هنا شسويت تعاركت اوياهم اشلون تخلون معجون اسنان والله يردون عليه علمود لا يطگك 🤣😂😂

معجون الاسنان اكبر جريمه يتخلى على الجلد

لأن بي فلورايد وبي منثول وذني الاثنين مادتين يهيجن الجلد وبنفس وقت يخلن الجلد عرضة للالتهاب

التصرف الصحيح للحروق

اذا عندك نورمال سلاين تغسل الجلد بي وتعقمه بي
وتخلي كريم حروق مثل هامازين وتلفه بشاش

واذا ماكو نورمال سلاين يكدرون يبردون الجلد بالماء العادي وليس البارد المي لا هو بارد كلش ولا هو حار يعني متوسط البروده

https://t.me/Hussein_99mo

558

صيادلة العمالقة ❤️☺️

07 Oct, 11:42

هاي تفيدكم
اذا شخص اجاكم للصيدلية

ويريد ابر
مثلا عدكم frusemide
هنا لازم كل 4mg ينطي بدقيقه هو يجي 20mg
ف مو مباشرة تنطو ف هنا يسوي ototoxicity

عدكم vancomycin
لازم الجرعة تنطي ساعة عدل مو اقل من ساعة لأن اذا أقل ف يعتبر سريع ويسوي red man syndrome

عدكم إبرة cimetidine هم تنطي بشكل بطيء
علمود اجنب arrhythmia واجنب توقف القلب

ف هاي تفيدكم مو گبل
تنطو الإبرة اذا اجاها بالاسم او مكتوبة من قبل دكتور

الابر دائما تحذرو منها ودائما من تنطوها تنبهون الشخص اشلون يستخدمها لأن تكون قاتله اذا مانبهت عليها بصورة صحيحة
كلش خطرة تكون

ودمتم سالمين 🌹

https://t.me/Hussein_99mo

473

صيادلة العمالقة ❤️☺️

05 Oct, 14:50

بارحه اجاني كيس من صديقي خل أفيدكم بي

صديقي عنده الم بأذنه وبنفس وقت حسب كلامه ايكول تذب مي ابيض لهنا تمام وضع

انوب كتله بعد شنو عندك أعراض
گلي عنده كحه صارلها فتره كتله اوك

ف اني سئلته كم سؤال من ضمن الاسئلة

الكحه صارلها اشكد ؟
جوابه تقريبا 25 يوم

عندك احد من أهلك وراثه مصابين بالربو ؟
جوابه لا ماعدنا

زين مضروب برأسك ضربه قويه ؟
جوابه لا

عندك دوخه أو تحس نفسك مغوشه عيونك ؟

جوابه لا

بعد ماسألته ذني اسئلة كتله عندك التهاب قوي ونازل لجهازك التنفسي ولهذا مولد كحه عندك
ومولد الم بأذنك

ف اني كتله اكدر اصرفلك انتي بايتك وتروح تأخذه من صيدلية لأن اني بطلت من صيدلية بسبب ظروف ولهذا مااشتغل هل فترة بصيدلية

ف كتله أخذ ليفوفلوكساسين بس هو كال راح اروح للدكتور افضل كتله براحتك ودكتور هم راح يكتبلك هذا العلاج
من تروحله

راح للدكتور اليوم شفته كتله ها بشر گلي هذا العلاج انطانيا والي صارفه
طلع levofluxacine وفعلا طلع عنده التهاب قوي حسب قول الدكتور وفحص أذنه بجهاز خاص بيهم وطلع التهاب عنده قوي

الخبرة تشخيص مااجت بالهين اجت بعد تعب وعناء ودراسة

ودمتم سالمين 🌹

https://t.me/Hussein_99mo

539

صيادلة العمالقة ❤️☺️

04 Oct, 14:45

كلكم شايفين هاي بالباكيت مال جكاير
تحذير

اول بداية جكاير بيها 4000 عنصر
من ضمن العناصر
هو نيكوتين واول أوكسيد الكاربون

ف ذني شيسون من يدخلن للجسم يدمرن بطانة أوعية الدموية
وبنفس وقت يقللن من NO أوكسيد نتريك هذا وظيفته موسع قوي للأوعية الدموية
وبنفس وقت catecholamines
راح ينفرزن الي هنه ادرينالين وغيرهن راح يصير ارتفاع بالضغط ويصير زيادة بضربات القلب

ف هاي الخطوره مالته على القلب
وبالذات الي عدهم زيادة بالدهون والي عدهم ارتفاع ضغط مزمن توصلهم حالة MI بسبب التدخين

أما بحالة الرئة هم نفس الحالة سببها زيادة بالتخثر ف تصير بحالة pulmonary embolism
وهم أحد أسبابه الي عنده دهون وعنده ارتفاع بالضغط مزمن ف تدخين هو أول مايسوي مشاكل بالقلب وانوب الرئه

https://t.me/Hussein_99mo

520

صيادلة العمالقة ❤️☺️

صيادلة العمالقة (Arabic)

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️

صيادلة العمالقة ❤️☺️