هبةُ_الله

اعتيادك على كثرة المباح سبب لتشتتك
سببك لتذبذك
سبب لعدم ثباتك على اورادك
سبب لوقوعك في الفتن
سبب لقسوة قلبك

يعنى ايه؟؟؟

يعنى اعتدت على الجلوس لساعات طويلة على الفيس

ف جلوسك الطويل ده لغير الحاجه هيفتح لك المجال انك تشوفى حاجات ملهاش لازمه ، ويوم بعد يوم من متابعه هذه الحاجات هتلاقي نفسك مبقيتيش تلاقى وقت لورد القرآن
وهتلاقي نفسك رايحة تنامى مش قادرة تنامى الا لما تتصفحي شوية الفيس وتنامي متأخر ومش هتقدرى تقومى للقيام وبعدها ترك الاوراد هيسبب عندك تشتت وضعف وبداية انتكاسة

ف عشان كده لاتفرطي في المباح

يعنى لاتنامى كثيرا
ولا تاكلي كثير
ولا تتكلمى كثير ومتقعديش ع الهاتف كثير
ولا تضحكى كثير
ف و الله كل ذلك سبب لموت قلبك

ومعالجة الإفراط في المباح هو إنه يكون في هم بيضرب على قلبك وهو انك عاوزة ربنا يرضى عنك وعاوزة الجنة

وتكوني منظمة وقتك وعامله جدول ولا تتنازلي عن جدولك مهما كان وتقعدي اكبر وقت مع القرآن والذكر

وتكوني فاهمه كويس انه كثرت المباح سبب لموت قلبك👌

https://t.me/heba_allah_mohammed

ممكن لو مفيهاش إساءة أدب يعني؛

لما تشوفوا اي قصه حُب مبنية علي الحرام وعلاقه قبل الزواج " طبعاً حتي لو مخطوبين " ، متقولوش اللهم بارك ،، ايه الجمال ده،،
ويالهوي ايه العسل ده،،
والكلام اللي مالهوش اي لازمه ده ،،

وايه يارب اوعدنا دي كمان !!

الحرام مبنقولش عليه اللهم بارك ، ولا تفرحوا لما الذنوب يجهر بيها غيركم ..
المُباركه في الحرام ازاي !؟

احنا نفرح باللي عف نفسه وطبق شرع ربنا وبس

الكائن الرومانسي الحنين ابو قلب خسايه اللي جواكم لو مش هزعجه يعني فهموه ان الحب الحلال بس هو اللي يتقال عليه اللهم بارك

اللي التزم بضوابط الخطوبة ومنتظر العقد عشان يبوح بمشاعره هو ده اللي يتقال عليهم اللهم بارك .

اللي تاب ومستني حبيبته في الحلال .

اما بقي اللي بيجهروا بالذنوب وانتو تقولوا عليهم اللهم بارك ، فالنبي ﷺ قال كل أُمتي مُعافون إلا المجاهرون .

و والله وبالله وتالله اللي اتبني على الحرام صعب ربنا يبارك فيه ، والجواز لا يجُب ما قبله

ف أرجوكم بطلوا تحسسوا البنات ان ده ذنب عادي !

https://t.me/heba_allah_mohammed

عندنا تجربة مهمة جدا ولازم كلنا نعملها
👇
يلا حضروا نفسكم للتجربة ؛

هاتي شوية عسل
تمام جبتِ!!
هاتي شوية خل ..
تمام حُطي الخل فوق العسل ....

ها
حصل ايه في العسل ؟؟؟
اقولك
فسد العسل لما حطيتي فوقه الخل صح كده ؟؟

شايفة التشبيه ده بقي ؟
ده إللي أخبرنا النبيﷺ به..
شبه عملك الصالح بالعسل ولكن لو كنتي تتعاملي مع الناس بسوء خلق ، ف كأنك افسدتي عملك بسوء خلقك.

قال النبيﷺ:[ و إِنَّ سُوءَ الخُلُقِ يُفْسِدُ العَمَلَ ، كما يُفْسِدُ الخَلُّ العَسَلَ ]

وعشان كده محتاجين نستعين بالله ونحافظ على عسلنا😁🍯

#اخلاق_المسلمة

https://t.me/heba_allah_mohammed

إِن أَحببت أحداً فَقربه إِلى الله ..

https://t.me/heba_allah_mohammed

صبحكم الله بالخير ❤️

كنت بتسمع أغاني وبطّلت؟!
ـ هتلاقي في العربيّة الأغاني اللي بتحبّها وكنت بتسمعها دايما.

كنت بتُقع في ذنب مُعيّن وبطّلت؟!
ـ في مرّه هتلاقي نفسك لوحدك وكُل حاجه حواليك متظبّطه علشان تعمل الذنب بتاع زمان.

كنتِ بتلبسي لبس ضيّق ومكياج وكده، وبطّلتِ؟!
ـ في مرّه هتلاقي كل أصحابك حواليكي بتتكلّم عن المكياج الواو والفُستان التُحفه اللي علىٰ صحبتك فُلانه.

كنت بتكلّم بنات وتُبت لربّنا ؟!
ـ في مرّه هتلاقي بنت كان نفسك تكلمها وتلاقي الدّنيا متهيّئه جدًا إنّك تبدأ كلام معاها، والعكس للبنت.

كُنت مبتصليش وبعدين بقيت تصلّي؟!
ـ بعد فتره هتلاقي ألف حاجه تشغلك عن الصلاة.

كنت بتعمل ذنوب وتُبت؟!
ـ بعد فتره هتقع في نفس الذّنوب تاني.

ليه كل ده ؟!
عشان ربنا سبحانه وتعالي قال ؛
"أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ".

أنت مش هتسيب ذنب كده والموضوع انتهىٰ لاء !
هتجيلك فتنه وهجيلك إختبار من ربّنا ..
وهيكون مطلوب منك متيأسش لما تقع .. وتجدّد توبتك وتقوم تاني،
ومتسيبش نفسك للشيطان ييأسك ويحزنك ويقولك يااه كل مرّه بتقول مش هعمل ذنوب تاني وتقع .. ده أنت مفيش رجا منك!

قال رسول الله ﷺ :"إن الله لا يملّ حتى تملّوا "
فأنت محتاج تظهر إيمانك وصدق قلبك إنّك توبت لربّنا ,,
علشان ينجّيك ويخلصك.

https://t.me/heba_allah_mohammed

ما اسموش " تريند " ❌

اسمه " وَكُنَّا نَخُوضُ مَعَ الْخَائِضِينَ "

https://t.me/heba_allah_mohammed

-بتصلي الفجر؟
=اه الحمد لله، أحيانا!

واحدة بتحكي وبتقول ؛ 👇

انا كنت كدة وبقولها بكل أريحية ومعنديش أدنى مشكلة ولا ضميري بيأنبني إني مبصحاش في الفجر.. لحد مرة صحيت الساعة سبعة الصبح كدة على صوت ماما بتعيط جامد.. وبحرقة.. أنا كنت متأكدة اني هاسمع خبر موت أو كارثة..

اتخضيت جدا لمنظرها وأعدت اسألها في ايه؟

لاقيتها بتقولي الفجر فاتني.. انا عارفة فاتني ليه.. وأعدت تقول كدة من غير توضيح..
انا بصراحة اتضايقت واتنرفزت وبيني وبين نفسي حسيت "ايه الافورة دي"!

بس هديتها وقولتلها طيب معلش اتوضي وصلي دلوقتي وعوضيها يعني ياماما.. ان الله غفور رحيم.. اتوضينا وصلينا وبعد الصلاة بحاول أخرجها من الجو ده راحت قايلالي "يا حنان الفجر فاتني علشان ربنا بيديني إشارة اني اراجع نفسي على حاجة عملتها امبارح لسة مش عارفة ايه هي"

...
ماما مسؤلة عن مجموعة من الأسر الفقيرة في كذا منطقة وفي الفترة دي كان في عجز كبير اوي في التبرعات فاضطرت تفلتر شوية وتخلي شديدي الحاجة فقط.. وقبل الموقف دة بيوم قررت تستثنى بعض الأسر..

كان من ضمنهم ست شكلها كويس وولادها لابسين كويس ومش باين عليهم الحاجة زي غيرهم.. فماما قالت اكيد فى ناس مستحقين اكتر منها..

ولما جات تراجع نفسها عملت زيارة للأسر اللي شالتها وكان معظمهم على وضعهم عادي وامورهم ماشية إلى حد ما.. إلا الأسرة دي ماما راحت لاقت الباب مقفول وطفل صغير بيعيط ورا الباب ومش راضي يسكت.. ماما أعدت تكلمه.. مش فاهمة منه حاجة.. اخته 10 سنين ردت على ماما وقالتلها اصل ماما خرجت من بدري ولسة مجاتش..!

بعد كدة عرفنا ان الست بنتها التانية تعبت واضطرت تصرف كل الفلوس اللي معاها على الكشف والدوا.. ونزلت تاني يوم تشتغل وواخدة بنتها معاها وسايبة الولد والبنت التانيين وقافلة عليهم في البيت ومكانش عندهم اي حاجة ياكلوها..

والحمد لله الذي هدى امي لما فعلت فيما بعد..!
والحمد لله انها أدركت عتاب ربنا ليها لما فاتها الفجر "مرة"!
...
ماما فهمتني بالموقف دة إن صلاة الفجر اللي كنت غفلانة عنها وبصليها في المواسم دي مش فضل وتكرم مني.. دة فرض ربنا فرضه عليا في الوقت دة والوقت دة بالتحديد مش قبل الضهر بخمس دقايق ولا مع فجر تاني يوم.. ربنا بيختبر مدى طاعتي لأوامره في اي وقت كانت..

وكمان خلتني اشوف إن الفجر في حياة بعض الناس مبقاش مجرد فريضة مرة اصليها ومرة اقضيها مع الفرض اللي بعده.. إنما اتحول لبوصلة تحددلهم هما على اني طريق.. وامتي تاهوا.. وازاي يرجعوا!

...

=بتصلي الفجر؟
- اليوم اللي يفوتني فيه براجع نفسي عن ذنوب اليوم اللي قبله 🙂

الفجر رزق..ربنا ما يحرمنا من رزقه ❤

https://t.me/heba_allah_mohammed

اوعي تتكلم علي حد علشان ترضي حد تاني !

ساعات بنتعرض لمواقف ان بيكون حد من أهلك " والدك او والدتك " ،،
او حد كبير من قرايبك ،،
بيتكلم علي حد متضايق منه !
ف انت علشان تظهر له تعاطفك معاه ،، تقعد تتكلم وحش و تشتغل غيبة ونميمة !

" وَلا يَغْتَبْ بَعْضُكُمْ بَعْضاً "،،

= لما تسمع مشكلة من حد ،، متتعاطفش معاه من غير ما تسمع من الطرف الثاني ،،
لأن كل واحد بيحكي من وجهة نظره 👌

لما واحدة تيجي تقولك دي فلانة عملت وعملت وعملت ،،
ولّا حد من عيالك ييجي يشتكي من أخوه ويقولك أصل عمل وعمل ،،
ولّا أمك بتشتكي لك من أختك ،،
ولا زوجة بتشتكي من زوجها ولّا...ولّا..

اوعوا تحكموا على حد إلا لما تسمعوا من الطرف الثاني هو فعلا قال أو عمل كده أو لأ !

ولو فعلا عمل كده ،، فاعرفوا الدافع والسبب اللي خلاه يعمل كده ،،

مش يمكن هو كان رد فعل لظلم وقع عليه ،،
أو بسبب تصرف خاطئ من الشخص اللي جاي و بيشتكيلك،،
أو أصلا الشخص دة سئ الظن ،، وهو اللي فهم الشخص التاني غلط ،،

" يا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ ،، "

طب لو معرفتش أو مينفعش اتواصل مع الطرف الثاني !؟

يبقي ارجوك ،، اسكت خالص وقت لما تلاقي أي حد بيغتاب في حد ،،
متردش خالص ،، ولا تتفاعل بأي رد فعل ..

وهتلاقيه هو كمان بطل كلام لانه ملقاش تفاعل منك ..

ماتعصيش ربنا عشان خاطر أي حد ،،
* لا طاعة لمخوق علي معصية الخالق " الله " *

#هبةُ_الله

https://t.me/heba_allah_mohammed

إوعى تقلدى بنات التيك توك وتعملى زيّهم

إقطعى حبل الخواطر والوساوس اللى بتجيلك تقولك فلانه أحسن منك فى إيه 😏

لأ يا حبيبتي انتي أحسن منها 😍💪
……………………….

_ أبوكى رباكى وكبرك علشان ترفعى راسه فى وسط الناس
مش تكسفيه وتحرقى دمه والناس تشوفك بتتمرقعى ع التيك توك فيقولوا إلعيب مش عليها ألعيب ع الديوث إللى رباها

أيوة يا حبيبتي إنتي أحسن منها 😍💪

_ إحترمتى نظرة ربنا لكِ وإفتكرتى إنك مأمورة بستر عورتك وستر مفاتنك من عين الناس،،
والأمر ده من سيدك إللى كل حاجه فيكِ منه
مش زى اللى تاجرت بجسمها وإظهار ملامحها وجمالها اللى ربنا إدهولها ،فقامت بفتنة الناس به، ونسيت إن فى لحظة يسلب كل دا منها

أيوه يا حبيبتي إنتي أحسن منها 😍💪

_ عداد حسناتك شغال مش بيقف طول ما بتنشرى حجات ترفعى راسك بها قدام ربنا وانت شايفاها فى صحيفتك يوم القيامة
مش زى اللى عداد سيئاتها شغال مع كل نظرة شاب لها
وكل واحد اتفتن بها، وكل واحدة قلدتها وعملت زيها
كل ده هتشوفه بيعرض عليها يوم القيامة

والله يا حبيبتي إنتي أحسن منها 😍💪

حتى لو كل صحباتك كشفوا سترهم قدام الناس على التيك توك
حتى لو كلهم ضدك وهاجموكى
حتى لو اتهموكى بإنك قديمة ومش عايشه الواقع

إثبتى فأنتي على الحق
فقدوتك خديجة وعائشة
أما هم فقدوتهم ……!!!

نسأل الله الستر والعفاف لبنات المسلمين أجمعين 🤲

https://t.me/heba_allah_mohammed

تعرفي إن كان فيه امرأة بتصلي وتصوم وتقوم الليل وف الآخر دخلت النار😲؟؟؟

عارفة ليه؟!
تعالي أقولك ليه 👇

في يوم من الأيام الصحابة راحوا للنبي ﷺ وقالوا له يا رسول الله إن في المدينة إمرأة قوامة لكنها تؤذي جيرانها

فقال ﷺ : هي في النار .

قالوا يا رسول الله إن في المدينة إمرأة صوامة لكنها تؤذي جيرانها.

فقال ﷺ هي ف النار .

قالوا يا رسول الله إن في المدينة إمرأة تتصدق لكنها تؤذي جيرانها.

فقال ﷺ هي في النار.

تخيلي تكوني بتصلي الليل ، وتصلي الضحي والسنن الرواتب ، تقرأي القرآن ، تصومي وبتعملي كل الطاعات والعبادات الجميلة دي
لكن بتغتابي جارتك ، وبتنقلي الكلام وتفسدي بين اخواتك ، وتشتمي فلانة وتتكلمي علي فلانة

هل النبي ﷺ رغم كل الطاعات والعبادات دي قال يغفر لها لأن لها جبال من الحسنات ؟!
لأ مقالش كده
قال فهي في النار !!!

ليه ؟!
لأن النبي ﷺ يعلم خطر اللسان .

صلاتك وقيامك وصومك دي عبادات بينك وبين الله ، لكن اللسان بسببه طلقت زوجات ، وشتت به أسر ، وتعكرت النفوس .

فخلى بالك الحسنات اللي جمعتيها في العبادات مش هتنفعك لما تشاركي ف الغيبه والنميمة والكلام على الناس !!

#هبةُ_الله
الحديث صحيح 👇
قالوا: يا رَسولَ اللهِ، فُلانةُ تَصومُ النَّهارَ وتَقومُ اللَّيلَ، وتُؤذي جيرانَها؟ قال: هيَ في النَّارِ، قالوا: يا رَسولَ اللهِ، فُلانةُ تُصلِّي المَكتوباتِ، وتَصَّدَّقُ بِالأَثوارِ مِنَ الأَقِطِ، وَلا تُؤذي جيرانَها؟ قال: هيَ في الجنَّةِ

https://t.me/heba_allah_mohammed

البنات اللى تابت من سماع الأغاني المحرمة
وانتقلت للأناشيد الإسلامية .

تعالي كده أقولك كلمتين مهمين👇

أولاً لا تكثرى من سماع الأناشيد واكثرى من سماع القرآن الكريم.
ليه !؟
لأن كثرة سماعك للأناشيد يجعل حاجز بينك وبين القرآن واستثقال قرائته .

عارفة بعدها هيحصل ايه ؟!
هيلعب معاكي الشيطان لعبه دنيئه مادام شايفك تاركة لكتاب الله وفارغه من الداخل .

الخطوة الأولى للشيطان ⛔️
يوسوس لك ان تكثرى من سماع الأناشيد وتهجرى القرآن
، فلو استجبتى له هيحصل ايه بعدها ؟

هيوسوسلك ان تسمعى الاغانى المحرمة ولكن اسحبى منها الموسيقى ويقنعك ان هذا ليس بحرام
فلو استجبتى له؟!

⛔️هياخدك للخطوة الثالثة وهو رجوعك للاغانى بالكلية .

⛔️وبعدها هياخدك للخطوة الرابعة ان تحللى ذلك وتجادلى وتتبعي الهوى

⛔️واخر خطوة هياخدك الشيطان ليها وهى الإنتكاسه وترك الإيمان شئ فشئ

فانتبهى من الأول واغلقى عليه الباب من الاول ( واستمسكى بالقرآن)

وخليكي فاكرة 👇
(يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ ۚ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَىٰ مِنكُم مِّنْ أَحَدٍ أَبَدًا وَلَٰكِنَّ اللَّهَ يُزَكِّي مَن يَشَاءُ ۗ وَاللَّهُ سَمِيعٌ عَلِيمٌ)

https://t.me/heba_allah_mohammed

= عاوزة عبادة تعمل تغيير درامى فى حياتِك؟

تعالي أقولك 👇😉
1️⃣ {ذِكْرُ رَحْمَتِ رَبِّكَ عَبْدَهُ زَكَرِيَّا}

سيدنا زكريا كان كثير الذكر ، فلما أكثر من ذكر الله ربنا ذكره برحمتُه
ف أول حاجة لازم نعرفها ان كلما زاد الذكر زادت الرحمات .

👈 ربنا جاب بعدها 3 حاجات جبارة فى حياة سيدنا زكريا

1️⃣ {إِذْ نَادَىٰ رَبَّهُ نِدَاءً خَفِيًّا}

نادى نداءً : يعنى ربنا أعطى له قوة فى الدعاء وعزيمة وطاقة الدعاء ، ربنا أعطى له طاقة نفسية جبارة

2️⃣ {قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُن بِدُعَائِكَ رَبِّ شَقِيًّا}

{وَلَمْ أَكُن بِدُعَائِكَ رَبِّ شَقِيًّا}
يعنى عمرى ماشوفت شقاء معاك يارب ، ولا يوم وحش معاك يارب
مش معني كده انه بيقول إن عمرى ماجالى مرض عمرى ماجالى أزمة نفسية ، لأ طبعاً ، بيقول عمرى ماشوفت يوم وحش ، قلبى على طول عمران فيه من برودة الإيمان والسكينة ❤️

القصة مش أن حياتنا مايبقاش فيها مشاكل
القصة مش فى المشاكل مش فى كلمة السر مش فى التعاسة والمشاكل
القصة فى تعاملك أنت مع المشاكل

3️⃣ {وَإِنِّي خِفْتُ الْمَوَالِيَ مِن وَرَائِي وَكَانَتِ امْرَأَتِي عَاقِرًا فَهَبْ لِي مِن لَّدُنكَ وَلِيًّا}

{ وَلِيًّا } ياعبدالله أنت عندك 90 سنة ،العيل لسه قدامه 9 شهور ومراتك مش بتخلف ولا أنت كمان بتخلف وبعد 9 شهور هتعمل بيه إيه ؟
{يَرِثُنِي وَيَرِثُ مِنْ آلِ يَعْقُوبَ ۖ وَاجْعَلْهُ رَبِّ رَضِيًّا}

هعلمه واربيه أُحسن تربية ، ده بقى الأمل ، ده واحد عنده 90 سنة ولسه عنده أمل
ربنا ملى نفسيته بالطموح والأمل

انا بقي عايزة أقول إيه ؟
عايزة أقول ان كل اللي حصل لسيدنا زكريا ده بسبب {ذِكْرُ رَحْمَتِ رَبِّكَ عَبْدَهُ زَكَرِيَّا}
ذكر ربنا أعطى له السعادة
خلاه يواجه مشاكل الدنيا ويبقى قد الحياة ومفيش مشكلة تعمل حاجة فى نفسيته
ذكر ربنا أعطى له قوة اتصال بالله ، أعطى أمل وتفاؤل

↩️ ده كله غير عطاءات الله للذاكرين {فَاذْكُرُونِي أَذْكُرْكُمْ} أذكروا ربنا ، ربنا هيذكركم من فوق سبع سموات
اذكروني بالثناء أذكركم بالعطاء ❤️

الذكر من أكتر العبادات اللى هتقربك لربنا ذكر الله عزوجل❤️

عبادة هتخلي ربنا يفرحك كل يوم ومش هيبقى عندك يوم وحش! ❤️

https://t.me/heba_allah_mohammed

_لمَّا راجل يمد ايدُه عشان يسلم عليكي ،، قولي مبسلمش علىٰ رجال غير محارمي و وضحي كده ومتتحرجيش خالص. 💪

_لمَّا راجل يجي ويقعد جمبك في العربيه وخلاص مفيش وقت حطي الشنطه بينګوِ ✋

_لمَّا تطلعي عربيه ومتلاقيش غير مكان واحد جنب راجل هيقعد قريب منك انزلي. ✋

_لمَّا يقولولك إنتي يعني خلصتي كل حاجه في الدين ومبقاش إلا دي؟
قولي ايوه ،،

_ومتتكسفيش فى دين اللّٰه لأن الدين لا يتجزأ .✋

النبي ﷺ قال :
«يِأْتِي عَلَى النَّاسِ زَمَانٌ الْقَابِضُ عَلَى دينه كالقابض على الجمر» رواه الترمذي..

#هبةُ_الله

https://t.me/heba_allah_mohammed

أنا هنام عشان نعست❌
انا هنام لكى اتقوى على طاعة الله ✅

النبيﷺ قال ((إنما الأعمال بالنيات ))

انتِ ممكن تحولي العادات إلى عبادات بنيتك
ف اتبعي سنة نبيكﷺ ❤️

https://t.me/heba_allah_mohammed

‏لن يُهدم حلماً، كان صاحبه يظن بالله خيراً ❤

https://t.me/heba_allah_mohammed

سمعتوا قبل كده عن درَّة ؟!
= درَّة !!! مين درَّة دي ؟

الصحابية درَّة بنت ابو لهب ؟
= صحابية وكمان بنت ابو لهب !!!

ايوة بنته واسمها الصحابية دُرة بنت أبو لهب -رضي الله عنها-
( بنت عم النبي ﷺ )
وأمها حمالة الحطب
وأخويها عتبة وعتيبة..

درَّة مع ان عيلتها مذكوره في القرآن ب ابشع الصور.
إلا ان إسلامها وهروبها من أبيها وأمها إلى الله ورسوله مثيراً للإعجاب والعجب،،
اتحدت درة رضي الله عنها أسرتها وبيئتها من أجل الإسلام، وأعلنت كلمة التوحيد، وأسلمت وحسن إسلامها وكانت من المهاجرات إلى المدينة.

درة اتجوزت في الجاهلية من الحارث بن نوفل بن عبد المطلب وجابت منه عقبة والوليد .

الحارث زوجها اللي كان ف الجاهلية اتقتل في يوم بدر، اليوم الذي نصر الله فيه الإسلام وأذل فيه الكفر..

وبعد أن دخلت درة -رضي الله عنها- الإسلام عوضها ربنا سبحانه وتعالى بالصحابي الجليل إللي تقدم لخطبتها دحية الكلبي وتم الزواج.

الصحابي الجليل دحية، كان من أجمل الناس هيئة .
لدرجه انه كان جبريل -عليه السلام- يروح للنبي بصورته، ف أي شرف بعد كده ؟!

= وف يوم من الأيام مجموعه نساء من بنى رزيق قالت لدرة بنت أبى لهب:
- أنتِ ابنة أبي لهب الذى يقول الله عز وجل فيه {تبت يدا أبي لهب وتب} فما تغني عنك هجرتك؟
يعني هجرتك لله والرسول مش هتشيل ده عنك !!

فراحت للنبي ﷺ وقالتله اللي حصل.

فقال لها: -اجلسي .
وقام النبي ﷺ يصلي بالناس الظهر ووقف على المنبر ثم قال:
-"أيها الناس ما بال أقوام يؤذونني في نسبي وفي ذوي رحمي؟
ألا ومن آذى نسبي وذوي رحمي فقد آذاني، ومن آذاني فقد آذى الله..

يعني وصلني ان ناس ذكرت عيلتي بالسوء لان ابو لهب قريب الرسول . والدفاع عنها عن بنته .

ثم قال عليه الصلاة والسلام :
- لا يؤذى حى بميت.

وبعد كده درة بقت علاقتها بأم المؤمنين عائشة رضي الله عنها وأرضاها قوية جداً، وأخذت تكثر الدخول عليها ..
يعني بقى في زيارات بينهم كتيير ..

لتأخذ منها العلم والفقه في الدين.

توفيت رضي الله عنها في سنة عشرين للهجرة في خلافة عمر_بن_الخطاب -رضى الله عنه-.

ابرز العبر من حكايتها ...

ان مفيش أي عذر لينا لو البيئة المحيطة مش بتساعدنا على الإلتزام ف نقول خلاص كده مش هنقدر نتقرب إلي الله ونلتزم ،،
مستحيل حالنا يكون أسوأ حال من أبي لهب،،
مستحيل حال اهلك والبيئة المحيطة يكونوا اسوء من حال ابو لهب ،،
مستحيل حد يقدر يحاربك في التزامك وحجابك ونقابك وعباداتك ، لن يكونوا أشد في محاربتنا من محاربتهم ل درة

وافتكروا دائما
وأن ليس للإنسان إلا ما سعى، وأن سعيه سوف يُرى، ثم يُجزاه الجزاء الأوفى.

https://t.me/heba_allah_mohammed

الفجر اليومين دول الساعة 5:00 صباحًا
و المغرب الساعة 5:00 مساءً
يعني ساعات الليل 12 ساعة

- الثلث الأول من الليل من 5 مساءً_ 9 مساءً
- الثلث الثاني من الليل من 9 مساءً - 1 صباحًا
- الثلث الثالث من 1 صباحًا - 5 صباحًا

يعني اي حد بيسهر للساعه 1 بليل يقدر يصلي ركعتين قيام ليل و يدعي في الثلث الأخير من الليل ( أفضل أوقات الدعاء)

عن أبي هريرة رضي الله عنه ، أن النبي صلى الله عليه وسلم قال:
"ينزل رَبُّنَا تَبَارَكَ وَتَعَالَى كُلَّ لَيْلَةٍ إِلَى السَّمَاءِ الدُّنْيَا حِينَ يَبْقَى ثُلُثُ اللَّيْلِ الآخِرُ يَقُولُ : مَنْ يَدْعُونِي فَأَسْتَجِيبَ لَهُ،مَنْ يَسْأَلُنِي فَأُعْطِيَهُ ،مَنْ يَسْتَغْفِرُنِي فَأَغْفِرَ لَهُ"💛

https://t.me/heba_allah_mohammed

ما تاب عبد لله إلا وامتحن الله صدق توبته بتسهيل السبيل للذنب الذي تاب منه .

فانتبهوا

https://t.me/heba_allah_mohammed

مقطع مؤثر من #المقابر

رسالة من ربنا ليك !!

كفاية مُتابعة للممثلين والمغنيين ولأي حد صاحب محتوى حرام.. متعملش للرخيص تمن!

هو باع دينه وخد فلوس، أنت بعت دينك وخدت ايه؟!

https://t.me/heba_allah_mohammed

ذنوب رجب مش زي أي ذنوب !!

أجرء عاصي في الدنيا اللي بيعصي ربنا في الأشهر الحرم ، زي شهر رجب اللي إحنا فيه دلوقتي

- اللي بيعصي ربنا في الأشهر الحرم ده مسجل خطر
ليه ؟!
لأنه لو فهم الفرق بين المعصية في الأشهر الحرم وباقي الأشهر عمره ما هيعمل في نفسه كده

- المعصية في شهر رجب وفي باقي الأشهر الحرم بتغلظ العقوبة فيها ، لدرجة ان ابن عباس وابن مسعود وابن عمر روي عنهم أن المعصية في مكة بتغلظ 100ألف زي الحسنة

ومكة دي الحرم المكاني والحرم الزماني هو الأشهر الحرم من بينهم " رجب "

كثير من العلماء لم يريدوا السكنة في مكة بسبب أن السيئة ب100ألف ضعف

يعني ايه كل ده ؟
يعني المعصية في الأشهر الحرم هي اعتداء على حرمة ملك الملك مباشرة

- سيدنا عمر كان بيقول( لأن أعصي الله سبعين معصية خارج مكة أحب إلي من أن أعصيه معصية واحدة داخل مكة)

⛔في الأشهر الحرم الصغيرة بتكون عقوبتها كل الكبائر والكبائر بتكون عقوبتها مشددة

⁉️فكل صاحب معصية ازاي ، ازاي في رجب بتعصي ؟!
ازاي مابتصليش ؟!
ازاي في رجب كاشفة شعرك ؟!
وازاي بتحطي برفان ؟!
و ازاي بتعمل شات مع بنت أو بتعملى شات مع ولد ؟!
ازاي كل المعاصي دي وأكتر بتحصل ؟!

حبايبي إحنا لسه في أول رجب فتوبوا إلى الله وجددوا التوبة و أكثروا من الاستغفار

قال النبي ﷺ (مَن أَحَبَّ أن تَسُرَّه صحيفتُه ، فَلْيُكْثِرْ فيها من الاستغفارِ)

قانون العقوبة الرباني بيشدد في رجب

🌟قال رسول الله ﷺ (مَا مِنْ رَجُلٍ يُذْنِبُ ذَنْبًا فَيَتَوَضَّأُ فَيُحْسِنُ الْوُضُوءَ ثُمَّ يُصَلِّي رَكْعَتَيْنِ – وَقَالَ مِسْعَرٌ ثُمَّ يُصَلِّي – وَيَسْتَغْفِرُ اللَّهَ إِلَّا غَفَرَ اللَّهُ لَهُ)

ننتبه يا جماعة رفع الأعمال بتاعت السنة كلها الشهر الجاي في شعبان

- ازاي ترفع صحيفتك وهي مليانة ذنوب وخاصة ذنوب في شهر من أشهر الله الحرم

اتقوا الله
وخدوا كل الاحتياطات اللي ممكن تمنعكم من الوقوع في الذنوب

أكثروا من التوبة ومن الاستغفار ومن الطاعات ومن كل شيء صالح
ربنا يغفرلنا ويغفرلكم يارب 🤲

https://t.me/heba_allah_mohammed

ليه إحنا محتاجين قراءة سورة الكهف كل اسبوع ، بل ويُستحب قراءتها؟

=سورة الكهف تنجي من أعظم فتنة (فتنة الدجال)؛ إذن
فهي تنجي مما دونها من الفتن.

لأن الفتن متتالية وبتتزايد،،
فأنت كل أسبوع محتاج نور عشان تقدر تقاوم،،
وأنت لو مش معاك نور=مش هتقدر تقاوم الفتن دي،،
فإحنا محتاجين زاد أسبوعي من النور، وهي سورة الكهف.

سورة الكهف هي نور يضيء ما بين الجمعتين.

https://t.me/heba_allah_mohammed

ستظل فى جهاد إلى أن تلقاه ❤️

والله دى حقيقة هتفضلى فى جهاد طيله حياتك سواء كنتى ملتزمه أو طالبه علم او داعيه ستظلى فى جهاد مع نفسك وشيطاين الإنس والجن

ضعيها أمامك 👇
وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا

هو انا بقولك كده ليه؟!.
عشان مش عايزاكى تيأسى
انا كل مابتوب برجع ،،
كل مااخشع فى الصلاة شويه بعدها مش بلاقى قلبي ،،
بعمل العبادات بالعافيه ،،
اولادى تاعبينى،،
وغيره وغيره

انا عايزة اقولك أنه إذا كان جهادك قد يكون احب الى الله من الطاعه نفسها 😍

عارفه لما تبقى مثلا حد بتحبيه جدا وقاعده بتحاولى تعمليله كيكه🍰 ومش عارفه تعمليها وتبصى ف الكتاب ده وتسئلى فلانه دي وتحاولى مرة واتنين وثلاثة وتبوظ منك ، شويه وترجعى تعدليله

كل ده وهو بيراقبك ، فكرك هتكبرى فى نظره أو نظرها ازاى انك بتتعبي نفسك لأنك بتحبيها

ولله المثل الأعلى في السموات والأرض ليس كمثله شئ جهادك وعثرتك وكل خطوه بتاخديها بصعوبه لا تخفى عليه وسبب لانه سبحانه جل في علاه يحبك ويهديكِ السبيل❤️

اذا ياسُكره مش عايزين يأس
مفيش احباط ولا استسلام👏🏻

وقعتى قومى تانى ، صعبه دى!؟

عايزين همم عاليه ومجاهده قويه لو الشيطان غلبك جوله اغلبيه التانيه💪🏻

ومتنسيش 👇
وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ..

https://t.me/heba_allah_mohammed

عمرك شوفتي مسيحي متصور جنب خروف في عيد الأضحى ؟
= لأ.
اومال لازقة مناخيرك في شجرتهم ليه !!

https://t.me/heba_allah_mohammed

صبحكم الله بالخير ❤️

✍لكل حد بيهنى النصارى بعيدهم أو بيشاركهم إحتفالاتهم

للنصارى في ليلة رأس السنة (31 ديسمبر) اعتقادات باطلة❌

بيحتفلوا بمولد سيدنا عيسى المسيح اللى بيعتقدوا انه ابن الله
_تعالى الله عما يقولون علوا كبيرا

قال الله عز و جل : _
وَقَالُوا اتَّخَذَ الرَّحْمَنُ وَلَداً(88) لَقَدْ جِئْتُمْ شَيْئاً إِدّاً(89) تَكَادُ السَّمَاوَاتُ يَتَفَطَّرْنَ مِنْهُ وَتَنشَقُّ الْأَرْضُ وَتَخِرُّ الْجِبَالُ هَدّاً(90) أَن دَعَوْا لِلرَّحْمَنِ وَلَداً(91) وَمَا يَنبَغِي لِلرَّحْمَنِ أَن يَتَّخِذَ وَلَداً(92) إِن كُلُّ مَن فِي السَّمَاوَاتِ وَالْأَرْضِ إِلَّا آتِي الرَّحْمَنِ عَبْداً(93

إزاى إحنا كمسلمون نشارك النصارى في أعيادهم
و احتفالاتهم و نهنيهم بالمناسبة دى ؟!

المفروض إننا كمسلمين ننكر المنكر ده مش نشارك فيه .

في ناس بحسن نيتها بتهنى النصارى ومبيبقاش قصدهم فعلا أنهم يوافقوا على عقيدة النصارى

لكن مينفعش التهنئة ، التهنئة لاتجوز❌

لأنك كده بتهنيه بحاجة تغضب ربنا سبحانه وتعالى
بتهنيه بحاجة كفر بربنا سبحانه وتعالى .


فأنكروا المنكر ومتشاركوش فيه👌

#لا_للتهنئة_و_الإحتفال_برأس_السنة ✔

https://t.me/heba_allah_mohammed

سرقة الواي فاي حرام حتى لو بتابع بيها مواقع اسلامية!!

https://t.me/heba_allah_mohammed

اللبس الفضفاض فرض مش تديُن.

-الصلاة في أوقاتها فرض مش تدين .

-الإختلاط لغير الضرورة حرام مش تشدد.

-انك تشيلي شعرة من حواجبك ده اسمة نمص و فيها لعن.

-الصلاة مينفعش تتأجل عن وقتها.

-الشتيمة بالأب و الأم والشتيمة عمومًا مش هزار ده من اكبر الكبائر.

-الغش مش جدعنة و رجولة ، الغش حرام.

-الحجاب = ألا يصف + الا يشف + ألا يكون معطر + ألا يكون زينة في نفسه.

-لما تاخد فلوس من والدك او والدتك من وراهم دي مش شطارة ، دي سرقة.

-الحاجة اللي حرمها ربنا ها تفضل حرام حتى لو بقت open mind.

-كلامك مع أي ولد مش من محارمك حرام حتى لو بابا و ماما عارفين و مافيش زي اخويا و صاحبي ، مافيش صحوبية بين ولد و بنت و ضوابط الخطوبة فرض مش قفلة.

-سب الدين = مش هين ده من الكبائر ويقال انه كفر.

-السلام بالإيد على حد مش محرم ليكم حرام مش تشدد.

-قلع الحجاب في خطوبة او فرح او لبس فستان ضيق حرام و علشان هي زي ما بتتسمى ليلة العمر مينفعش اقابل نعمة ربنا ادهاني بمعصية.

-التربون مش حجاب..! الرقبة و الأذن و منبت الشعر دول معانا برضو في الحجاب!!

كونى بنت الاسلام وافتخري بدينك ❤️


https://t.me/heba_allah_mohammed

باقي على رمضان حوالي شهرين وأسبوع ❤️ 🌙

🌙شهر رمضان شهر الفتوحات والانتصارات والخيرات والتمكين

شهرٌ كانت فيه غزوة بدر غلبت فيها الفئة القليلة الكثيرة بإذن الله
وكثير من الغزوات والفتوحات كانت في رمضان.

فعساها البشرى..

*﴿نَصۡرٞ مِّنَ ٱللَّهِ وَفَتۡحٞ قَرِيبٞۗ وَبَشِّرِ ٱلۡمُؤۡمِنِينَ﴾*

وعسى ألا يأتي رمضان إلا وقد بلغنا الله النصر والعز والتمكين..اللهم آمين

💪🏻فاستعدوا لرمضان وأعِدُّوا العُدَّة.

- ف نصيحة
لاتترك نفسك بدون وِرد قرآن و لا تدبر ولا عِلم ولاعبادة، وتترك قلبك غافلًا مشتتًا..

⚠️ترك نفسك للحزن بسبب الأحداث والإفراط والاستغراق فيها؛
يُسبب الوَهن ويُضعف الإنسان عن العمل،
والله عز وجل نهانا عن هذا..

*﴿وَلَا تَهِنُواْ وَلَا تَحۡزَنُواْ وَأَنتُمُ ٱلۡأَعۡلَوۡنَ إِن كُنتُم مُّؤۡمِنِينَ﴾*

👊🏻انشغل بإصلاح نفسك بالقرآن قبل شهر القرآن، فبصلاحك يصلح مجتمعك وأُمتك، وتنتصر بإذن الله.

🤲🏻فاللهم بلغنا رمضان وبارك لنا فيه واكتب لنا فيه التوفيق و القبول.
واللهم نصرك الذي وعدت.🤲

https://t.me/heba_allah_mohammed

كل اللي انتكسوا مكنوش عارفين إنهم هينتكسوا ،،
وكل اللي حياتهم فجأه اتحولت ومعصيتهم ظهرت للناس ، عاشوا كتير اوي تحت ستر ربنا بس متعظوش للأسف!!

الشيخ اللي حياته كلها بين المسجد والقرآن ، عُمره ما تخيل إنه يموت علي الكُفر .

المُنتقبه اللي لبسها إسود في إسود ، عمرها ما تخيلت تقلع الحجاب وتلبس بنطلونات .

برصيصا العالم الجليل صاحب الخُلق والدين ، الناس كانت بتلجأ إليه من كل مكان عشان يحل مشاكلهم ويدعيلهم ويعالجهم بالقرآن من السِحر وغيره
جاله ناس وطلبوا منه ان أختهم تفضل معاه وهم في كامل الآمان والثقه إن عالم الدين والراجل الطيب ده لا يفعل الحرام
، بقا يحط لها الاكل قدام الباب وبعدين بدأ يدخل الأكل ليها وبعدين ياكل معاها إلي أن وقع في الحرام وفعل الفاحشه ، لما اكتشف إنها حامل قتلها والشيطان زُين له أنه لو ركع له سيُنجيه وبالفعل ركع له ثم قبضه الله ومات علي الكُفر !!

اكتر حاجه بخاف منها هي حديث النبي ﷺ "إن العبد ليعمل بعمل أهل الجنة حتى ما يكون بينه وبينها إلا ذراع، فيسبق عليه الكتاب، فيعمل بعمل أهل النار فيدخلها " ..

الشيطان مش هيجي يقولك إزني او اقتل او أكفر بالله ، لكن هي خُطوات بتتبعها
ممكن تبدأ بضحكه ، بصوره ، بمحادثه ، بأغنيه ، ببوست ، بفيلم ، بخُلوه علي النت ، ممكن توصلك إنك تموت علي الكُفر فمتستهونش ابداً بالذنب ..

احذر أن تهتك سِتر الله عليك ..

اللهم ثبت قلوبنا اللهم ثبت قلوبنا واحسن ختامنا واجعلنا علي الوجه الذي يُرضيك عنا ، وقِنا شر الفِتن ما ظهر منها وما بطن.

https://t.me/heba_allah_mohammed

يا بنات اللي عليها صيام من رمضان
الآن أقصر أيام في العام
آذان الفجر الساعة 5:21
و آذان المغرب 5:02
يعني فعلياً الصيام ١٢ساعة فقط
وبيروح منهم كم ساعة الصبح بتكونوا نايمين والجو حلو مفيش عطش
فلا تتأخروا في السداد و لا تضيعوا الفرصة

الهمة الهمة يا حلوين
ذكروا أخواتكم وبناتكم وصديقاتكم واقاربكم وجيرانكم تقبل الله ❤️

https://t.me/heba_allah_mohammed

الموضوع موضوع عقيدة انتبهى ❌.

اعتزى بدينك وقولى لن احتفل ف الكريسماس

https://t.me/heba_allah_mohammed

احمدوا الله علي النِعم اللي غيرنا بيتمنى حتة بس منها 💔

آمنين ، مُعافين ، عارفين ناكل ونشرب ، على الأقل لاقيين اللقمة والمياة ..
كل واحد قافل عليه باب بيته وعارف ينام كويس .
عياله وسطيه وأهل بيته .
بعقله مش مجنون .
كل واحدة بشرفها مش مُغتصب.ة

احمدوا الله علي كل النعم اللي احنا مغمورين فيها وبنتذمر برضو

سبحان الله والله : إن الإنسان لربه لكنود فعلاً

#سوريا

https://t.me/heba_allah_mohammed

نفسكِ تصحي بكرة وأنتِ حاسة نفسك عندك قوة في بدنك عشان تقدرى تعملى شغل البيت ؟!

تعالى نتعلم هدي النبيﷺ عشان نطبقه ❤️

مرة فاطمة رضي الله عنها ابنة النبيﷺ أتت للنبيﷺ بتحكيله عن تعبها ف شغل البيت وكانت طلبت من النبيﷺ ان يكون عندها خادمه

النبيﷺ قال لها قبل ماتنامى قولى سبحان الله ٣٣مرة
الحمدلله ٣٣مرة
الله اكبر ٣٤مرة
وهي خير لك من الخادم ..

وبكده اتعلمنا سنة جديدة من سنن النبيﷺ
يلا اتعلميها وطبقيها وخلى زوجك أو اخوك او ابوك أو امك برضو يتعلموها ويطبقوها🌸

#سنن_النبيﷺ

https://t.me/heba_allah_mohammed

- هتيجي تقرئي قرآن .. تليفونك هيرن !
- هتقومي تصلي ركعتين .. هتجيلك رساله على واتس اب او الفيسبوك !
- هتفتحي كتاب تقرئيه .. أختك او صاحبتك هتفتح معاكِ موضوع !
- هتنوي تعملي أي عمل من أعمال البرّ .. هتظهرلك أي حاجه تعطلك !

قال ابن القيّم .. 🌸
اذا أقبل العبد على طاعه .. بعث الله له صوارف ليَتَبيّن صِدقه
فإذا جاهد و صبر وثبت .. عادت هذه الصوارف في حقه معاونات على الطاعه !

" وَ الذِينَ جَاهَدُوا فِينَا لَنَهدِيَنهُم سُبُلَنَا " ❤️

https://t.me/heba_allah_mohammed

كان نفسي حد ينصحني هذه النصيحة فى مقتبل عمري
ف عشان كده انا هنصحكم بها لعل أحد يعمل بها وينتفع .

الإمام بن الجوزى قال :
( إكتم عن الناس ذهبك وذهابك ومذهبك)

👈فأما ذهبك :
فمالك وحالك وكل نعمة تنعم بها ،، فكل ذي نعمة محسود .

👈أما ذهابك :
يعني أي أمر تنوي عمله ، بيت جديد ، خطوبة ، مشروع ، يعني أي حاجة لسه محصلتش إمسك لسانك عنها ستجد خططك تتحقق
سيدنا يعقوب قال لإبنه يوسف : لا تقصص رؤياك على إخوتك فيكيدوا لك كيداً ..!
سيدنا يعقوب خاف على إبنه أن يحسده إخواته ، رغم إن النعمة كانت مجرد حلم لم يتحقق ..!

وهنا طبعاً سؤال مهم جداً سيتبادر للذهن وهو :
إزاي اجمع بين الرأى ده 👆 وبين الآية "وأما بنعمة ربك فحدث" ؟
هقولك ان الآية دي معناها انك متنكرش نعمة ربنا عليك ، وإحمده على كل حال ، وتظهر آثار نعمته عليك فى اللبس والبيت والتوسعة على أهلك دون تبذير أو تفاخر طبعاً .

👈وأما مذهبك :
يعني لا تنصح احد الا لو طلب النصيحة ، ولا تتكلم عن نفسك كثيراً ماذا تحب وماذا تكره .

سيدنا عمر بن الخطاب بيقول :
ندمت على الكلام مرات، وما ندمت على الصمت مرة ..!

https://t.me/heba_allah_mohammed

_كان في بنت بتسأل عن ان اخواتها بيسيبوا حلويات بتاعتهم في التلاجه و هي بتاكل منها من وراهم و هل في ذلك حرمانيه. ؟؟؟

_الشيخ افتاها انه حرام رغم ان الموقف يبان تافه.!

بعدها اتفاجأت لما عرفت ان فى ناس كتير متعرفش ان في حاجات كتير اكتر الناس بيعملوها و شايفينها عادي، لكن ممكن نعذب بسببها في القبر و يوم القيامه..

عارفين الحاجات دى زى ايه ؟!!

ـ الواى فاى اللي بيتسرق !

ـ الكتب اللي بتنزل Pdf من غير استئذان الكاتب !

ـ اللي بيدوق من علي عربيه قبل ما يشترى من غير استئذان !!

ـ اللي بياخد فوق الميزان ثمرة ولا اتنين دون رضا من البائع!!

ـ اللي بيتكلم من موبايل حد من غير استئذان !!

ـ اللي بتستخدم حاجات جارتها اللي كانت بعتالها فيها حاجه ألف مره لحد ما تهلكها وترجعها رديئة !!

ـ اللي بيستخدم حاجه من مستحضرات التجميل بحجه يجربها ويشم ريحتها وهو مش فى نيته يشترى اصلا .!!

🌸 في ناس هتشوف كلامى تشدد زيادة وفى ناس هتتذكر حديث النبي صلى الله عليه وسلم :
(إِنَّ الْحَلَالَ بَيِّنٌ، والْحَرَامَ بَيِّنٌ، وبَيْنَهُمَا مُشْتَبِهَاتٌ لَا يَعْلَمُهُنَّ كَثِيرٌ مِنَ النَّاسِ، فَمَنِ اتَّقَى الشُّبُهَاتِ فَقَدِ اسْتَبْرَأَ لِدِينِهِ، وعِرْضِهِ، ومَنْ وقَعَ فِي الشُّبُهَاتِ وقَعَ فِي الْحَرَامِ)

اللهم ارزقنا الحلال وقنا شر الحرام .🤲

https://t.me/heba_allah_mohammed

كُن واقعياً في كل شىء إلا في الدعاء بَالِغ؛ أنتَ تسأل رب المستحيل.❤️🌧️

صبحكم الله بالخير ❤️

نصيحة لكل امرأة
توقفي عن الشكوى و التذمر ..

- عندما تقومين بتنظيف غرفة الجلوس يعني أنكم قد اجتمعتم فيها..
قولي : " اللهم أدِم هذا الجمع "

- عندما تقومين بترتيب غرفة الأطفال يعني أنهم في صحةٍ جيدة..
قولي : " دومًا أصحاءَ يا رب "

- عندما تُطيلين الوقوف في المطبخ يعني أنه لديكِ ما تطبخينهُ..
قولي : " لا تقطع الخير عنا يا رب "

- عندما تكثر المواعين المتسخة فوق رفوف المطبخ يعني أنك لن تنامي على جوعٍ
قولي : " الحمد لله؛ أدمْ علينا النعمة و احفظها من الزوال "

- عندما يحضر عندك الضيوف و يشاركونك الوقت و اللقمة
قولي : " اللهم ازرعْ مزيدًا من حبنا في قلوبِ خلقِك "

كل تعب عندما تُرجعينه إلى أصله تجدينه نعمة
فتنظيف الفوضى التي يتركها الأطفال في المنزل هي فعلاً أمر شاق وصعب، لكنها لن تكونَ أشقَّ من مرضٍ يمنعُهم من صنع هذه الفوضى..
وقفة المطبخ قد تؤلمُ الظهر، لكن عدمَ امتلاك ما تطبخينه سيؤلم أطفالك أكثر..
باختصار :
البيتَ الذي لا يحتاجُ تنظيفًا و شغلا هو البيتُ الذي ليس فيه الانسُ و اللمة و الفرح و السعادة.
فقولي : الحمد لله دائماً و ابداً ❤️

https://t.me/heba_allah_mohammed

من أكتر الحاجات إللي بتخليكي واثقة في نفسك 💪
هي المقياس الشرعي .

بمعنى؟!
انك تشوفي كل حاجة في حياتك من (قولٍ او فعل) هل ترضي ربنا ولأ .. ؟!

- لو عملت كده ربنا هيرضى عني ولا لأ
- حياتي كده ترضي ربنا ولا لأ
- لو قولت كده يرضي ربنا ولا لأ
- التصرف ده هو الصح ولا سيغضب ربنا

يعني تتحري كل قول وفعل .

لو عملتي كده هتكوني من المتقين لأن تقوى الله = هي تجنب معصيته
وهتكوني في معيته دائماً وهتختاري صح
وهيرزقك خير في صحبتك واقوالك وافعالك
وهيرزقك مخرج وحل من أي مشكلة تحصل معاكي ❤️🌸

عشان كده خليكي فاكرة 👇
" ومن يتقِ الله يجعل له مخرجا ، ويرزقه من حيث لا يحتسب "
" ومن يتقِ الله يكفر عنه سيئاته ويعظم له أجراً "

https://t.me/heba_allah_mohammed

انتي عامله ايه ؟
- عليا فلوس وظروفي زفت

*يعني كويسه ؟
- لا جوزي قارفني و مطلع عينى

*طب اخبارك ايه !
-تعبانه وضهري واجعني

*طب انتي بخير ؟
- هييجي منين الخير

-اولادك عاملين ايه؟
تعبانين و دايخة بيهم علي الدكاترة

*طب يعني انتي مالك !؟
- الدنيا ماشيه بضهرها حطت عليا

فيه ناس كده للأسف على لسانهم الشكوى الدائمة .

الصحابي على عهد النبي ﷺ كان يحب يسأل صاحبه وأخوه في الله عن أحواله عشان لما يقول الحمدلله ياخد الأجر ويذكروا الله مع بعض

أما دلوقتي تسأل واحد عن اخباره يفضل يشتكي م كل حاجة .

الله عز وجل يقول ( إنَّ الْإِنْسَانَ لِرَبِّهِ لَكَنُودٌ )

قال الحسن البصريَ - رحمه اللّه :

“الكنود :”هو الّذي يعدّ المصائب ، وينسى نعم اللّه عليــه

امبارح حد قالى كلمه ؛
قالى ندمت على كل يوم مضى على و انا بخير و لم اشكر الله عليه

فالشكر يديم النعم ويزيدها والله
وربنا سبحانه وتعالى إللي بيقول كده
" لَئِن شَكَرْتُمْ لَأَزِيدَنَّكُمْ ۖ"

اللهم عافنا وأصلحنا وذكرنا واشغلنا بشكر نعمك يا الله 🤲

الحمد و الشكر لله دائماً وابداً♥️

https://t.me/heba_allah_mohammed

- الصاحب اللي تخرج معاه وترجع البيت تلاقى نفسك مصلى الفروض والسنن وقايل الأذكار هو ده الصاحب الصالح

- الصاحب اللي تتكسف تعمل حاجه غلط قصاده هو ده الصاحب الصالح

- الصاحب اللي تشوفه أو تسمعه يذكرك بالله هو ده الصاحب الصالح

- الصاحب اللي قعدتك معاه يا بتتعلم منّه حاجه أو بتعلّمه حاجه هو ده الصاحب الصالح

- الصاحب اللي قعدتك معاه مفيهاش ذنوب هو ده الصاحب الصالح

- الصاحب اللي يزعل منّك لمّا تغلط أو تعمل ذنب أو تقصّر في طاعه وما يزعلش منّك لأي أمر شخصي هو ده الصاحب الصالح

- الصاحب اللي تقعد معاه ولمّا تسيبه تلاقي همّتك عاليه للعباده هو ده الصاحب الصالح

هي ده الصُحبه الصالحه اللي بتعين غير كده شكليات.

https://t.me/heba_allah_mohammed

صبحكم الله بالخير ❤️

حبايب المؤمن يحصل له فتور
يحصل له كسل
يقع بعض الاحيان
ولكن بالإستعانة بالله والإستغفار يعود بسرعة .

ليه بقول كده ؟
لأن اخت بتسأل اثناء الفتور لا أحس بالخشوع في العبادة
ف ياتري اسيبها ؟!
ياتري اجري ناقص لأني لا أحس لا بالخشوع ولا بحلاوة العبادة؟!
ياتري ربي غير راضي عني ؟

ف تعالي اذكرك بحديث النبي ﷺ 👇

*إنَّ لكلِّ عملٍ شِرَّةٌ ولكلِّ شِرَّةٍ فَتْرَةٌ ، فمن كانت شِرَّتُه إلى سنَّتي فقد أفلح ، ومن كانت فَتْرَتُه إلى غيرِ ذلك فقد هلكَ*

يعني إيه !؟

يعني من رحمة ربنا سبحانه وتعالى بالمسلمينَ أنْ جعَلَ لهم هذا الدِّينَ يُسْرًا

والنبي ﷺ حثَّنا على الاقتصادِ في العبادةِ، مع الإخلاصِ فيها والتَّسديدِ والمُقارَبةِ
ونهانَا عن التَّشدُّدِ والغُلوِّ، وعن الرِّياءِ والسُّمعةِ بالأعمالِ.

النبي ﷺ بيقول في الحديث 👆
"إنَّ لكلِّ شَيءٍ"

يعني كل الأشياءِ والأمورِ زي العمل والعِبادةِ والاجتهادِ، والحبِّ والكُرْهِ، وغيرِ ذلك، له، "شِرَّةً"

شِرَّةً يعني نشاطًا وشِدَّةً وحِرْصًا ورغبةً في أوَّلِه

"ولكلِّ شِرَّةٍ فَترةٌ"
يعني ضعفٌ وخمولٌ وسكونٌ في آخِرِه

فالعابدُ هيبالغ في العبادةِ أوَّلًا، ثمَّ تَسكُنُ شِرَّتُه وتَفتُرُ عَزيمتُه

عشان كده النبي ﷺ أمر وقال فمَن كان فَترتُه"
يعني من كانت فَترةُ خُمولِه وضَعفِه، "إلى سُنَّتي فقد اهْتَدى"

وسُنَّةُ النبي ﷺ الاقتصادُ والتَّوسُّطُ، مع *المُداومةِ والإخلاصِ للهِ،* وعدَمِ الرِّياءِ والسُّمعةِ،

"ومَن كانت إلى غيرِ ذلك فقد هلَكَ"
ليه؟!
لأنَّ مَن سلَكَ غيرَ هدي النبي ﷺ فهو مِن الهالكينَ.
وفي الحَديثِ: حثٌّ على لُزومِ السُّنَّةِ .

طب اختصار الكلام ده كله إيه ؟
اختصاره ان احنا طول الوقت في ابتلاء
الصبح في ابتلاء والمساء في ابتلاء .

النشاط ابتلاء ، والفتور ابتلاء

ففي حال انك كنتي في نشاط ، اعبدي الله وانشطي في العبادة واشكري الله عز وجل الذي وفقك إلى هذا

وفي حال الفتور داومي علي الأعمال والعبادات ولا تتركيها قدر الإستطاعة .

طب حد عنده سؤال ❓

هو ليه مرة يصبنا النشاط ومرة يصبنا الفتور ؟
لعدة أسباب ؛
اولا عشان نلجأ الى الله ونعلم أننا ضعفاااااااااء ولا حول لنا ولا قوة إلا به

ثانياً عشان نسأل أنفسنا هل نحن نعبد الله على هوانا ام على هوى الكتاب والسنة ؟!

طب ازاي اعبد الله على هوى الكتاب والسنة ؟

مثلاً :
عندي ورد يومي من القرآن، وجأني فتور ومش حاسة بلذة هذا الورد المفروض اعمل ايه ؟

استمر على الورد ده واجاهد نفسي ولا اتركه واحتسب الاجر ، حتى لو كنت مش حاسة باللذة
وأسأل الله القبول والثبات
وأقول يارب انا أمَتك الضعيفة رغم اني لا أحس بحلاوة ولا خشوع في قراءة وردي او صلاتي ولا رغبة لي فيه ولكن حباً فيك وابتغاء مرضاتك لن أتركه
فيارب قوي في رضاك ضعفي

وكوني على يقين انك لك أجر مضاعف

أجر الطاعة وأجر مجاهدة النفس والهوى والشيطان ❤️

https://t.me/heba_allah_mohammed

البنات اللى عايزه تعرف ازاى تثبت على طريق ربنا ومش عارفة تعمل إيه

بصو يا حبيباتي لو أي حد مننا مسافر ،هل ممكن ينسي الشاحن بتاعه!؟

اكيد لا
طب ليه؟
لأن الموبايل هيفصل !
صح كده ؟!

هسألك سؤال تاني
أي عربيه ماشيه لو مفولتش هتمشي ولا هتقف ؟
هتقف مش كده ؟

أهو احنا بقي كده
البنات يقولوا انا عندي فتور ومش عارفه اصلي مش عارفة انتظم !!

و تلاقي بنات تانية علاقتها بربنا ف الطالع مره والنازل مره ، تلاقيها بتعمل طاعات كبيرة ومره تلاقيها ف الارض وبتعمل معاصي لايمكن كانت تتخيل انها تعملها !

طب حل التذبذب ده ايه !؟
حل اني مش مستمرة ايه !؟

هبسطهالك .

-عارفة لما تروحي لدكتور ويكتبلك اسبرين ف تقوليله يادكتور انا دافعة كشف
ف يقولك يابنتي انتي علاجك اسبرين !

أهو أنا دلوقتي بقي هديلك الأسبرين دي

الأسبرين دي علاجك فيها انك تشحني قلبك ب 5 شواحن :

1-حضور الدروس الدينيه ، ودي هتشحن طاقتك دائما

2-سماع الدروس يا حبيباتي
احنا عندنا كميات مقاطع ودروس هنتسأل عنها والله
انتي بتقعدى قدام الفيس بالساعات مش عارفه تسمعيلك نص ساعه درس عن الله!!

3-الورد
ورد القران ولو صفحتين

4-الصحبة الصالحة دي اللي هتكون سبب فى نجاتك وهتتنافسوا مع بعض ف الطاعات

5-الدعاء
منستهونش بالدعااء.
ومنناس الادعيه اللي تعلمناها من النبي ﷺ

أعانكم الله علي طاعته وثبتكم حتي المماتٌ 🤲

https://t.me/heba_allah_mohammed

ساعات الواحد بيبقي عايز يخلص صلاته و يقوم يجري يشوف اللي وراه أو يُرد علي حد بينادي أو يرد علي التليفون أو يطفي علي البوتجاز .

لحد ما سمعت الحديث ده :
قال رَسُولِ اللَّهِ صلى اللَّهُ عَلَيْهِ وَسَلَّمَ قَالَ (مُعَقِّبَاتٌ لا يَخِيب ُقَائِلُهُنَّ أَوْ فَاعِلُهُنَّ دبر كل صلاة مكتوبة : َثلاثاً وَثَلاثُين تَسْبِيحَةً ، وَثَلاثٌاً وَثَلاثُينَ تَحْمِيدَة ، ً وَأَرْبَعٌاًً وَثَلاثُين تَكْبِيرَةً )

لا يخيب قائلهن عارفين يعني ايه ؟

يعني مش هتخيبي في أي حاجة بتعمليها و معاكي توفيق من ربنا في كل حاجة بعدهم ❤️
ده غير مغفرة كل الذنوب و إن كانت مثل زبد البحر ..
غير أن الملائكة زي ما قال النبي ﷺ تصلي علي أحدكم مدام في مصلاه تقول : اللهم أغفر له اللهم أرحمه

ف بعد ما تسلمي من الصلاة متقوميش تجري!
الأذكار مش هياخدوا خمس دقايق منك و الملايكة تدعيلك و ذنوب تتغفرلك و توفيق ثم توفيق ثم توفيق من المولي سبحانه 🌸
(لا يخيب قائلهن)

https://t.me/heba_allah_mohammed

احرصى على ان تبدئي يومك بصلاة الفجر .

- ياتري ايه اخبارك مع صلاة الفجر ؟

= بصراحه كده انا مش بصلى الفجر بنام عنها ، بصراحه ببقى نفسى اصليها وبرضو مش بقوم🥺

- طيب ركزي معايا كده عشان هشد عليكِ شويه واستحملينى لانى خايفه عليكى
لأن النوم عن الصلاة كبيرة من الكبائر وسبب لعذاب القبر

انتى تستحملى عذاب القبر ؟

ده انتى بتخافى من الصرصار !!

النبي ﷺ فى رحله الاسراء والمعراج مر على رجل نائم وفى ملك بيمسك الصخرة الكبيرة جدااا ويضربه على رأسه حتى تفشفش نهائى، ويفضل يكرر المشهد ده كذا مرة

طب ليه كل ده؟
لأنه كان بينام عن الصلاة المكتوبة

لذلك لازم نتعاهد انا وانتى حبيبتي انك لاتضيعيها لأننا لا نتحمل عذاب القبر ولا لفحة واحده من عذاب جهنم.

= طيب انا فعلاً مش بعرف اصحى بعد ما بضبط المنبه وبرضو مش بقوم انصحينى اعمل ايه ؟

توعدينى تطبقى ؟!
وبعد ما اقولك تكفِ عن الشكوى وتبدئى بالعلاج فوراً ؟

- اعدك بذلك🤝🏻🤎

يلا قومى هاتى ورقه وقلم و تعالى اقولك هنعمل ايه عشان نحافظ على صلاه الفجر.

بصي ياستى أولاً قاعدة مهمة جدا اعرفيها وحطيها في دماغك دائما ، ان (ما لا يكون بالله لا يكون)

يعنى ايه ؟

1_يعنى ياوردتى استعينى بالله مش هتقدرى تعبديه بدونه ما يعينك ، فادعيه كتييير انه يقومك ويجعلك من اهل الفجر ويرزقك الوقوف بين يديه سبحانه وتعالى

2_ تانى حاجه اصلحى حالك مع ربك قبل ما تنامى
جددى توبتك كده واستغفري ربك كتير وياسلام لو تقولى اذكار النوم

3_ بلاش تنامى وانتِ لسه وأكله لأنه ثبت علمياً ان ده بيخليكى متقدريش تقومى بسهولة فنامى خفيف كده

4_ عارفه لو عندك امتحان وخايفه يفوتك هتعملى ايه ؟
- هظبط منبهات واخلى حد يصحينى ده مستقبلى

مظبببوط والصلاة برضو هى مستقبلك وامتحانك الحقيقى ، لازم تكونى أشد حرصا عليها ، اضبطى منبهات البيت كله⏰
وقولى لحد من اهلك او اصحابك يصحيكي وافضلى كده لحد ما تتعودى
بعدها هتلاقى نفسك بتقومى لوحدك ان شآءالله

5_ اسمعى اكتر عن فضل صلاه الفجر وعقاب تاركها والمقصر فيها لأنك لما تعرفى أهميتها هتحافظى عليها بلا شك .

كده خلصنا؟

انا كده اه خلصت

لكن انتى بدايتك من هنا ❤️👌

#صلاتك_هي_حياتك

https://t.me/heba_allah_mohammed

صبحكم الله بالخير ❤️

سبب مهم جدا من أسباب خراب البيوت

عارفين إيه هو؟
= التليفون

التليفون سبب من أسباب خراب البيوت لأن اكثر النساء بتنشغل عن زوجها وبيتها بالتليفون المحمول !

- تلاقي واحدة زوجها بيكلمها وهي قاعدة جنبه بتقلب في الفيس،،
- وواحدة ثانية زوجها راجع من شغله جعان جدا وهي مشغولة ومتأخرة عن الأكل بسبب التليفون ،،

- وواحدة مقصرة في شغل البيت وتنضيفه بسبب إنها ماسكة التليفون ليل ونهار .

والحقيقي إن دي من أكبر المشاكل اللي بتستصغرها معظم النساء " الا من رحم ربي "
وبتعلق على شماعة " برفّه عن نفسي، كل زمايلي ماسكين التليفونات دايما، اصل صاحبتي عندها موضوع مهم وكنت مشغولة بيه وهكذا " .

واللي المفروض النساء تنتبه له إن بيتها اللي هو وطنها الصغير المفروض تتعبد لله بالحفاظ على سكينتة ودفئه وبهجته ..

فـتتأدب وقت جلوسها مع زوجها ومتفكرش تمسك التلفون أصلًا،،
تسمع له بكل حب ولين وتبدأ تتعامل بفطرتها مع كلام زوجها وتحافظ على البيئة الهادية اللي ربنا رزقها بيها وحرم منها الكثير .

تضبط مواعيدها على مواعيد زوجها، بحيث يرجع يلاقيها مهيئة إنها تقابله،،
الأكل جاهز،،
البيت نضيف .

من أكتر الأسباب اللي ممكن تضايق الرجل، إنك تقصري في حقه وبيته بدون عذر .
بمعنى: لا مكالمة فون ولا زيارة ولا شات ولا أي شيء يشغلك عنه وعن بيتك،

اتعلمي تخلي[بيتك بناسه أولا] ثم بعده باقي المهامات،
مش مجرد تقصير هيعدي والسلام،
لا؛ دي مسؤولية هتقفي امام الله تُسئلي عنها ..

إذا ٱستأمنكم الله على البيوت فأحسنوا سكنها فإن خراب البيوت عند الله ليس بهيِّنٍ .

https://t.me/heba_allah_mohammed

ابتدت الدراسة خلاص؟

أنا جاية أقولك بقي
بلاش اهتمامك كله ينصب فى المذاكرة والمدارس ودروس الأولاد وتهملى الجانب الدينى

علموهم أن الدين مُقدم على الدنيا فينتفعوا بهذا وذاك.

https://t.me/heba_allah_mohammed

خافِ علي شكلك قدام ربنا
زي ما أنتِ بتخافِ على شكلك قدام الناس!!

صبحكم الله بالخير ❤️

نصيحة لله

لما تتعزموا على فرح أو خطوبة

ويكون العريس والعروسة مقررين إنه هيبقى إسلامي
يبقى يا إما تروحوا تفرحوا معاهم بالطريقة اللي هما عايزينها وحابينها لأن ده يومهم وهما المُتحكمين الوحيدين فيه ، يا إما ماتروحوش

- هتروحوا تستغربوا الموضوع متروحوش

- هتروحي تتريقي يبقا متجيش

- هتروحوا تقولوا شغلوا أغاني كذا خلينا نفرفش يبقي متروحوش
لأن هتزعلوا من رد فعل العريس والعروسة لأن مالكمش دعوة لإن إحنا بنشغل أناشيد فرفشة برضو بس مش بنشيل بيها ذنوب وبالنسبالنا بتفرحنا وتفرفشنا أووي

- هتتذاكوا وتعملوا فيها أصحاب بيت وتروحوا مشغلين إنتم حاجات على مزاجكم ف دي بتكون قلة ذوق منكم و رد فعلنا مش هيكون لطيف ف روحوا بيتكم أفضل واللي عايز يعمل معصية يعملها في بيته مش ف بيوت الناس!

حابين تفرحوا معاهم بالطريقة اللي هما عايزنها أهلاً وسهلاً بيكم
مش حابين يبقى متجيش تنكد عليهم .. ولا تعرضوا نفسكم لموقف محرج

لأن مش من حقكم تعترضوا أو تتريقوا أو تفرضوا رأيكم لأنكم تاااااني ملكمش دعوة

مفيش حاجة اسمها هنعملك حنتك أو فرحك أو خطوبتك على مزاجنا عشان نفرفش ، حضرتك دي مناسبة متخصكش وتخص العريس والعروسة بسس و يعملوها زي ما يحبوا ..

دول أتنين عايزين يفرحوا بالطريقة اللي ترضِ ربنا
كون إنكم شايفين إنها مفيهاش فرحة يبقى الغلط عندكم مش عندهم

#افرحوا_بالحلال❤️

https://t.me/heba_allah_mohammed

بمناسبة الخناقة اللي بتحصل كل سنة علي السوشيال ميديا بسبب الاحتفال بمولد النبي ﷺ

💡 النبي ﷺ كان بيحتفل بمولده بالصيام أسبوعيًا مش سنويًا ، أنت بقى بتحتفل به سنويًا بإيه؟
وليه تارك سنته أسبوعيًا في الصيام مادام عايز تحتفل بمولده ؟

- ذكري مولد النبي ﷺ معانا ٢٤ ساعة بكثرة الصلاة عليه ، مش هننتظر سنويًا نحتفل بيه

انت كمسلم مستني ذكرى ميلاد حبيب الله محمد عليه الصلاة والسلام عشان تحتفل بحلاوة المولد !!؟

- اللي عارف الأنبياء صح و عارف سيرتهم هو اللي هيعرف يحتفل بالأنبياء صح

تخيل لو في أديب عظيم وده يوم إحياء ذكراه هل هيكون الاحتفال به بحلاوة ولا احتفال يليق به ؟
اكيد طبعاً هنحتفل احتفال يليق به

احنا بقي عايزين احتفالنا بذكرى مولد النبي ﷺ يليق بمكانة النبي ﷺ

‼️ لو النبي ﷺ كان موجود يوم الاحتفال هيقول عننا إيه ؟!!!

هيقول ده تكريم له مثلاً ؟
معتقدين ده هيفرح النبي ﷺ ولا هيحزنه

⭕ الاحتفال بالنبي ﷺ إنك تعرف مين هو النبيﷺ

لا تترك لحظة لسانك يفتر عن الصلاة على النبي ﷺ يمكن قلبنا ينور بذكره

محمد ﷺ معجزة التغير والتأثير

استيف جوبز ده مخترع عظيم اخترع الآيفون لكن. علاقته بوالده سيئة جدًا

إنما الرسول ﷺ ناجح في كل حاجة

الأدباء مبهورين بيه وأخذوه قدوة ،،
قدوة القواد العسكريين وهو الأعظم على الاطلاق ،

الحكام مفيش حاكم مثله
زوج مثالي مفيش زيه محدش يقدر يبقى مثالي زي محمد ﷺ ،،
كعابد محدش يعرف يعبد ربنا مثله وفي كل حاجة ,,

⛔️ عايز تعرف بتحتفل بمين شوف كل اللي أحتك بالنبي ﷺ حياتهم عاملة إيه قبل وبعد

أبوهريرة رضي الله عنه قبل النبي ﷺ كان فقير بعد النبي ﷺ أمير المدينه المنورة

ابن مسعود قبل النبي ﷺ واحد ساقة نحيفة والناس بتتريق عليه من كترة نحافته بعد النبي ﷺ معلم للبشرية كلها ،

سيدنا بلال كان أسود حبشي بعد النبي ﷺ رمز من رموز الهداية والنور

اللي احتكو بالنبي كان جواهم روح معنوية جبارة .

‼️ هو احنا كده بنحتفل بالنبي ؟! احنا كده بنهين النبي ﷺ ده مش احتفال ..

سيدنا محمد كان معجزة تغيير

محمد ﷺ حول رعاة غنم لقادة ، وحد قبائل كانت همج و بيقتلوا في بعض

💢 الاحتفال بالنبي مش بالحلاوة ولا دي كانت رسالته

لازم نعيش زي ما النبي عاش ونكافح زي النبي نكون مخلصين للبشرية زي ما هو كان مخلص للبشرية ..

💟 عايزين نستقيم زي ما أمرنا عايزين نعيش ونموت زي النبي ﷺ

#احتفل_بمولده_باتباع_سنتهﷺ

تزعجني كلمة عيشي حياتك!

وكأن الإلتزام والاستقامة ستفقدني حياتي !!

فلَيتَهُم يعلمون أن كل المُتعة والسعادة في طاعة الله والقُرب منه.❤️

https://t.me/heba_allah_mohammed

عارفة السعادة الحقيقية تلاقيها فين؟!

- تجديها عندما تسمعي الآذان ( نداء الرحمن ) ،وتستشعري أن الله سبحانه وتعالى يناديكي للقاءه

ياتري انتِ مستشعرة ان ربي الملك العزيز الودود ينادي عليكي أنتِ ؟!.

حي علي الصلاة حي على الصلاة
حي على الفلاح حي على الفلاح

يلا بسرعة قومي و اجري علي ربك ولبي النداء
اتوضي وادخلي محرابك واحمدي الله واشكريه أنه يسر لك الصلاة وغيرك تلهو ومنشغله بملذات الدنيا وشهواتها ،
اصطفاكي من بين كثيرين نائمين فهذا الاصطفاء يستحق الحمد والشكر لله ❤️

سعادتك في طاعه الله حبيبتي الطيبة
صلاة الفجر يا غاليات
سنة الفجر خير من الدنيا وما فيها .

https://t.me/heba_allah_mohammed

صباح الخير ❤️

أنا جاية أقولك إن لو مفيش حد بيحبِك ف انا بحبِكك جداااااا🫣❤️"

لو معندكيش أُخت ف أنا أُخت ليكي🙂❤️"

لو مخنوقة وعايزة حد يسمعك ف اعتبريني أُختك وادخلي كلميني واحكيلي وفضفضي وهسمعك بكل حب والله🥹❤️"

بحبكن جداً في الله ❤️

https://t.me/heba_allah_mohammed

اللهم اجعلنى ممن لا يفعل إلا الخير ولا يقول إلا الخير ولا يُذكر إلا في الخير.. !🤲❤

https://t.me/heba_allah_mohammed

صباح الخير ❤️

‏اغرسوا في أبنائكم أنّ الباطل باطل ولو كثر أتباعه، وأنّ الحق حقٌّ ولو قلّ أتباعه، وإنّ راية الحقِّ قائمة وإن لم يرفعها أحد، وراية الباطل ساقطة ولو رفعها كلّ أحد،

والحرام حرامٌ ولو فعله كلّ الناس.

https://t.me/heba_allah_mohammed

بدأ موسم الاعتذار لمعلمي القرآن ؛
عشان معلش يا شيخ الدروس بدأت والدراسة خلاص هتبدأ والولد والبنت هيغيبوا كتير وممكن مايكملوش لأن الأولاد اللي ف الإبتدائي بيحضروا دراسات عليا
واللي في الإعدادي بيحضر ماجستير وهيبقى عالم ذرات .
👌
معلش أصل الواد عنده خمستاشر درس ومش هيعرف يحفظ معاهم ولما تيجي الأجازه هنرجع تاني ومفيش وقت خالص 🤚

كل هذا ترسيخ لمفهوم إن القرآن بيأثر على وقت وذهن الطالب

عايزة اقولك ما زاحم القرآن شيئاً إلا ملأه بركة،،

وإن الله عزوجل يرفع بهذا الكتاب اقواماً ويضع به أخرين ،،

وأسألي الأهالي اللي أهملت القرآن فين اولادهم دلوقتي ؟

طيب أسألي اللي أولاده ختموا القرآن هما في إيه دلوقتي ،؟

السعي والجد للفانيه مع إهمال الآخرة الباقيه😔

قد يرسب ولدك اليوم في ماده أو مادتين
وقد ينجح فيهما غداً او بعد الغد والمجال مفتوح للتعويض ،👌

أما في الأخرة فلا مجال للتعويض
فقط مؤمن وكافر ،،
فقط فريق في الجنه وفريق في السعير ،،

ماذا تغني عنه شهادته اذا أوتي كتابه بشماله ؟
ماذا تفعل له شهادته اذا وضعته غداً في قبره ووحشته؟

مش بنقول اهملوا اولادكم ولا بنقول دعوهم
ولكن نقول إن الآخرة هي اولي بالإهتمام واجدر للسعي واحق بالعمل ❤️⁩

وابتغ فيما اتاك الله الدار الآخرة ولاتنس نصيبك من الدنيا🌹

https://t.me/heba_allah_mohammed

صبحكم الله بالخير ❤️

من علامات التوفيق للعبد:
أن يجعلهُ الله " ملجأً للناس "
يُفرّج هما ،،
يُنفّس كربا ،،
يقضِي دينا ،،
يُعين ملهوفا ، ينصر مظلومًا ..
ينصحُ حائرًا ، يُنقذ متعثرا ، يهدي عاصِيا ..

أكرِم بهذا العبد الذي اختاره الله و جعلهُ سببًا في نفع الناس وإعانتهم ..
يقول صلى الله عليه وسلم :

" إن من الناس مفاتِيحًا للخير مغاليقًا للشر ، و من الناس مفاتِيحًا للشر مغاليقًا للخير ، فطُوبى لمن جعل الله الخير على يديه ..."

و اعلم أن مثل هذا لا يُخزيه الله أبدًا فمن أحسن إلى عباد الله كان الله إليه بكل خير أسرع ،،
ويسره لليسرى و فتح له أبواب العلم ،،
بل وسيرى من ألطافِ الله ما لا يخطر له على بال ..!

فاللهم استعملنا ولا تستبدلنا🤲

لن ينسى الله خيرًا قدمته، ولا همًا فرجته ولا عينًا كادت أن تبكي فأسعدتها !

فلنعش حياتنا على مبدأ :

كـن مُحسناً حتى وإن لم تلق إحساناً ، ليس لأجلهم بل لأن :
الله يحب المُحسنين .

اتبعى النبى ﷺ فى تعاملك مع الناس
( وان تطيعوه تهتدو)

https://t.me/heba_allah_mohammed

- لما تنجح هبقى اجبلك التلفون اللي نفسك فيه .
- لما تسمعي الكلام هجيبلك المكعبات اللي نفسك فيها .
- لو جيبت المجموع كذا هديلك أي حاجة تطلبها.
- لو دخلت الكلية كذا هسفرك في المكان إللي بتحلم به .

كتير مننا بتوعد اولادها بالوعود دي 👆 لكن قله قليلة أوي إللي بتكون أد كلامها .

تعرفي يا غالية إنك لو مشترتيش لأولادك الحاجات دي ونفذتي الكلام اللي وعدتيهم به تكوني أنتِ كده اتصفتي بصفات المنافقين❌
لحديث النبي ﷺ (آية المنافق ثلاث: إذا حدث كذب، وإذا عاهد أخلف، وإذا خاصم فجر).

ده غير انك بتهدي الثقة بينك وبين أولادك لأنهم هيعرفوا انك مش أد كلمتك .

ف قبل أي شيء يا غالية ، أنه من الإيمان أن يكون عندك أمانة في أقوالك
يعني قبل ما تنطقي #بلسانك اي وعد شوفي هل هتقدري على تنفيذه ولا لا
واختاري دائماً الأمور اللي تكوني واثقة انك هتقدري تنفذيها.

وعشان تخرجي من الصفة دي ، قولي لنفسك يا ترى أنا عاوزة اسمي يكون عند ربنا إيه ؟
هل منافقة ام صادقة ؟
وبالإستعانة بالله وذكر الله طول الوقت هيخلي عندك قوة ايمان بتنفيذ الوعود ❤️

https://t.me/heba_allah_mohammed

‏﴿فَأَمّا مَن ثَقُلَت مَوازينُهُ فَهُوَ في عيشَةٍ راضِيَةٍ﴾ ..

- طب أثقل ميزاني إزاي؟!
👇
ب
" سُبْحَانَ اللَّهِ وبحمدِهِ .. سُبْحَانَ اللَّهِ العظِّيم "

فإنها تُثقل الميزان ❤️

https://t.me/heba_allah_mohammed

بتقرا قرآن إزاي ؟؟

= بالتجويد ،،

اه بالتشكيل يعني ،، طب برضو إزاي 🤔

يعني قولي كده مثلاً بسم الله الرحمن الرحيم ،،!

= بِسْمِ اللَّهِ الرَّحْمنِ الرَّحِيمِ

حسيت بإيه !!؟

= حسيت إن أخدت حسنات !

بس !!

= وحسيت إن محتاج أقرأ قرآن ،،

بس !!

= مش فاهم ،، هو المفروض يعني أحس بإيه !؟

بالخشووووع ، بالهدوووء ، بالراااااحة ❤

شوفت بقي المفروض من أول ما تبدأ ب " بسم الله الرحمن الرحيم " تحس بإيه
ده كده وأنت لسه مقرأتش حاجة، ما بالك بقي لما تبتدي تقرأ

= طب إزاي أحس بكده وأنا لسه بسمي الله !؟

هو النبي ﷺ كان بيقرأ الآيات إزاي ؟
= إزاي 🤔

النبي ﷺ كان بيمد حروف المد ،،
يعني لما كان بيبدأ ب بِسْمِ اللَّهِ الرَّحْمنِ الرَّحِيمِ ،،
كان بيقول :
بسم اللاااااه الرحماااااان الرحييييييم !

ويسكت ويقف عند الآية ،،

الحمدلله رب العالميييييين ،،

ويسكت ويقف عند الآية ،،

الرحماااااان الرحييييييم ،،،

ويسكت ويقف عند الآية ،،

مالك يوم الدييييين ،،،

ها حسيت ب إيه ؟؟

= حسيت ب رااااحة وتركيييز اوي ❤

أهو الحكمة بقي من ترتيل القرآن ، إنه بيخليك مركز اووووي في كل حرف وأنت بتقراه ،،

هيأثر في قلبك اووي ،، وتحسه بيهدي .

الترتيل بيخلي قلبك يخشع ويتأدب لله سبحانه وتعالى ،،

لو عرفت ترتل القرآن زي النبي ﷺ
يبقي يا بختك بالتأمل وفهم كلام ربنا ،،
ويابختك بالخشوع والراحة اللي هتملي قلبك ،،

ويابختك بأنك هتكون حققت ونفذت كلام ربنا ليك ❤
👇
وَرَتِّلِ الْقُرْآنَ تَرْتِيلاً

#ورتل_القرآن

#وصف_الرسولﷺ

#هبةُ_الله

#كأنك_تراه

https://t.me/heba_allah_mohammed

ألا صحيح هو المسجد الأقصى هو هو هيكل سليمان إللي اليهود بيقولوا عليه🤔!؟

= نعم !!!!!
إيه اللي جاب القلعة جنب البحر !😒

ما هما اللي بيقولوا ..!

= هما مين دول اللي بيقولوا !!
وبعدين أساساً أنت عارف يعني ايه هيكل اصلا !! ؟

الصراحة لأ..!

أقولك ..
الهيكل ده اللي هو المعبد ..
يعني " بيت الإله " ..
يعني مكان للعبادة ،،

طيب إيه علاقته برضو بالمسجد الأقصى !!؟

اليهود فاكرين إن سيدنا سليمان بني ليهم الهيكل " المعبد " ده عشان هما اللي يتعبدوا فيه بقي لديانتهم قال
وبيقولوا إنه موجود تحت المسجد الأقصى، عشان كده عايزين يوقعوه.

اه يعني هما بيكدبوا اصلا !!

= بالظبط ..!

طيب مش المسجد الأقصى اصلا كان موجود ،، إزاي سيدنا سليمان هو اللي بناه !؟

المسجد الأقصى هو ثاني مسجد بُني في الأرض وإللي بناه كان سيدنا يعقوب .

بعد ما فاتت سنييين كان المسجد اتخرّب،،
فسيدنا داود كان بدأ يجدده،،
بس للأسف مات قبل ما يكمّل تجديده،!!

وقبل ما يموت كان وصي سيدنا سليمان إنه يكمل من بعده تجديده وترميمه،،

سيدنا سليمان أمر الجن والإنس بإنهم يساعدوه في مهمة البناء والترميم دي،،

فربنا كان مسخّر الجن لخدمة سيدنا سليمان سواء الكافر أو المؤمن .

"وَمِنَ الْجِنِّ مَن يَعْمَلُ بَيْنَ يَدَيْهِ بِإِذْنِ رَبِّهِ ۖ وَمَن يَزِغْ مِنْهُمْ عَنْ أَمْرِنَا نُذِقْهُ مِنْ عَذَابِ السَّعِيرِ"

كان مجموعة منهم بيبنوا له القصور والتماثيل وأحواض كبيرة عشان يجمع فيها مياة ،،
ومجموعة تانية كانوا بيغوصوا في البحار عشان يطلعوا له منها الجواهر واللآلئ،،

"يَعْمَلُونَ لَهُ مَا يَشَاءُ مِن مَّحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَّاسِيَاتٍ".

وبيعملوا كمان أعمال مختلفة،،
و مكنش حد يقدر يخرج عن أمر سيدنا سليمان .

"وَمِنَ الشَّيَاطِينِ مَن يَغُوصُونَ لَهُ وَيَعْمَلُونَ عَمَلًا دُونَ ذَٰلِكَ وَكُنَّا لَهُمْ حَافِظِينَ"

الشياطين كانوا بيقولوا للناس بقي إنهم كانوا بيعلموا الغيب،،
وكانت الناس مصدقاهم لأنهم كانوا بيشوفوا قوة الجن وقدرتهم الخارقة،

وكان سيدنا سليمان بيقول لهم إن ده مش صح،،
فمحدش يعلم الغيب إلا الله،،
لكن الناس مكنوش مقتنعين.

سيدنا سليمان دعي ربنا إنه يُخفِي عن الجن موته عشان يثبت للناس إن الجن كدابين في معرفتهم بالغيب..

وفي يوم من الأيام
كان سيدنا سليمان بيتابع شغل الجن وبيشرف عليهم بنفسه عشان مايكسلوش عن الشغل.

فكان واقف وساند دقنه على العصاية بتاعته بيراقبهم وهمّ شايفينه باصص عليهم ..

و هو في الوضع ده ربنا قبض روحه ومات.

الجن كانوا شايفينه مفتح وباصص عليهم..
لكن هو في الحقيقة ميت.
وطبعا ماكنوش يعرفوا وعمالين يشتغلوا بدون راحة،.!

واستمر الوضع كده فترة .

أد إيه بالضبط؟
الله اعلم ،، يقال أسبوع ..
يقال شهر..
ويقال برضو سنة..!

فربنا أرسل دودة الأرض تأكل عصا.سيدنا سليمان إللي هو كان ساند عليها،،

فضلت الدودة تاكل العصا من تحت لحد ما العصا ضعفت وبقت هشة فوقعت،،😱
ووقع سليمان عليه السلام على الأرض..!

"فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَىٰ مَوْتِهِ إِلَّا دَابَّةُ الْأَرْضِ تَأْكُلُ مِنسَأَتَهُ"

و عرفت الجن وقتها إن سيدنا سليمان كان ميت بقاله فترة وهماّ ميعرفوش حتى أد إيه ولا من إمتى،،

واعترفوا إنهم فعلا لو كانوا يعرفوا الغيب مكنوش استمروا في التعب والذل والمشقة المستمرين كل ده .

"فَلَمَّا خَرَّ تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ"

وطبعاً الناس عرفت إن الجن كانوا بيكذبوا عليهم وإنهم مايعرفوش الغيب ولا حاجة

لأن محدش يعلم الغيب إلا الله سبحانه وتعالى ❤

#سيدنا_سليمان4

#هبةُ_الله

https://t.me/heba_allah_mohammed