Посты канала نَعش مَنسي "

وكأني أغُرمت

يَاريت هَسه تِجي
ونكعُد سَوه ونبتِسم
ويَاريت ذاكّ الحلِم
يطَلع صّدُك مَو حِلم
شَايف جَدار وعَتگ
هَيچ أني جَاي انّثلم
وبدونَك تغّيرت
مَو نَفسي ذيَج القَبل
والعيون هَاي أنعَمت
والوجَه هذا ذبل
لا والتَحز بالگلُب
كالوّا فَراگكّ سَهِل .

ما أجيك
أخاف من فكرة رجعتي وياك
خاف ما الگه بگلبك حنين
ناسي من گتلك أحبك
وانتَ تگلي تچذبين
وجاي هسه تعاتبني بَما تجين!

ما تَجيّن ؟
شظَل بَعد و المَن تَتأمليّن
انتَحرت النَجمة بسَمانا
و انذَبح زاجَل هَوانا
و اعلَن البُلبُل حَدادهَ
و طائر النَورس حَزين
ما تَجيّن ؟

ما أجيك
لأن اليحب لازم يشوف
گدامه بس الحنين
وانتَ ما وفرتلي غيـر الونيـن
شباوعلك بعد؟ وگلبك هذا ما يلين
ما أجيك لو تصير آخر نبي بالباقين

ما أجيك
لاتنعاد بيه أوجاع السِنين
من أجيك وبروحي لَهفه وشوك
وتخذلني وترجّعني مثل اليَتيم
خايب ومحترگ گلبه ويدور الحَنين

ليش أجيك ؟
لا وحق كل دمعه نزلت ما أجيك
اشتريتك يالبعتني والزمن غشاني بيك
وصعبة أبيعك مو لأن غالي الثمن
بس أفكر من أبيعك راح أغش اليشتريك
حيرتني دموع عيني
ساعة يعرضلي عذابك وأبچي منك
وساعة أحن لشوفتك وأبچي عليك

منين أجيك ؟
كل الدروب مسددة لتودي عليك
گلبي حن وعود واجيتك
ثاري ما عندك حنين
ثاري هاي دموع عيني لجل عُمري
الضيع وياك السنين

مَا أجيك ولا تِجيني
بعَد ماخلص حَنيني؟
بعَد ما عُبرت سِنيني؟
بعَد ماطاحت عُيون مِن السَهر؟
گَلبي أسود صار بَس مِن القَهر
هسه جاي تريدنّي ارجع؟
مَا أجيك ولا تِجيني.

أخر عُمري أجي أبچيلك صدڪ تحچي؟
ماباچي بفواتحنا عليك أبچي؟
طلقة براسي أحطها ولاعشت مذلول
توصل للكرامة هنانة أهد كلشي
وآذا من عيني طاحت دمعة ألك فد يوم؟
گبال عيونك أني أتبرئ من رمشي .