الحسين مصباحُ هدىً و سفينة نجاة ❤️

#المربعه_بديوان_الدموع_الزينبية_الجزء_١٤_.


مربعه للأمام الحسين عليه السلام


رديت أبهضم والباب دكيته
انشد عالحنين وشال عن بيته
●●●●●🧿●●●●●
رديت ابهضم والباب ادكنه
انشد عالحنين وجيت اشوفنه
لكيت البيت خالي وحملو عنه
اوياهم ما كعدنه ولاتسامرنه
الموت الموت بجفاهم تمنينه
●●●●●🧿●●●●●
انشد دارهم ناديتهه اشمالج
ظلمه وموحشه من غرب اهلالج
وانه امدلوبه وحالي مثل حالج
لا ردلي المشه ولابعد ردالج
نايم عالرمل بالكبر خليته
●●●●●🧿●●●●●
نايم بالكبر مايرجع لحوشه
وانه لشوفته يادار معطوشه
لكيتج خاليه وبالحزن مفروشه
مشلوع الكلب وامكطعه اهروشه
كون يشوفني هاليوم ياريته
●●●●●🧿●●●●●
كون ايشوفني عالحايط اتوجه
نحيله امن المذله وكاطعه السجه
عيني مولحاهه النوح والمبجه
شو عني رحت يالعندك اتشجه
حيلي بنومتك عالكاع هدميته
●●●●●🧿●●●●●
صوبت الكلب من نمت هالنومه
وجهك بالمكابر ضموا رسومه
شنسه والدهر ماتنسه اهمومه
والشايل وليهه اتصير مهضومه
وين انروح وانته البيت سديته
●●●●●🧿●●●●●
ماليه نفس بالبيت ماطبه
شايل والسفر ماينكطع دربه
علينه اخلاف عينك من يحن كلبه
ضربانه الزمان وتوجع الضربه
فكس عيني بعزيزي البين تاليته
●●●●●🧿●●●●●
فكس عيني بعزيزي وبعد شيعوده
امر بالدار والكه الدار مسدوده
ياضيم التحمله الروح ممروده
للمذبوح اون والكطعو ازنوده
الطم واللطم مايوم مليته
●●●●●🧿●●●●●

*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي قضاء الرفاعي*
*صاحبه ديوان📚الدموع الزينبيه
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/amhejran12345

تعـ.ـزية ومـ.ـواسـ.ـاة
في ذمـ.ـة الله
امنا
( الملة ام رعد )
وبمزيد من الحـ.ـزن والأسـ.ـى
انتقلت الى رحـ.ـمة الله تعالى
خادمة الامام الحسين الحاجة ام رعد

الفاتحة على روحها الطيبة

شوط كربلائي
لعودة السيدة زينب ع والعيال في الأربعين
______
مسبيــة چنت واليوم
ردت يخوتي ضعوني
جبت العيلة يلوليان
اخيتكـــــم تلگــــوني
زينب آنة بت حيــدر
عقيلتكــم تســــموني
محـــد شاهد خيالي
ولا غربة الي سمعوني
امــــي الزهرة الكرار
ابوي الناس يــدروني
بعد ذبحتكم بعاشور
شفت لوعات بعيوني
بچتلكم جارو العدوان
وياكم ريت ذبحوني
شفت الروس فوگ رماح
بگطع الروس فجعوني
شبو نار بالصــيوان
بضهر عاشور هضموني
بين الخيل والنيران
بين انذال عفتـــوني
يهل الغيرة والنوماس
يهون الكــم تخلوني
فوگ الهضم والآهات
بسبي لشام ودوني
هزيلة النوگ جابوهة
عليهة الكوم رچبوني
السبي آه السبي لوعات
لأن ارجاس يحدوني
وين حسين والعباس
بهل حالة ينضروني
يسمعون الحرم واطفال
بحسرة مـن ينادوني
وين الي كفل لضعون
بهل نشدة ينادوني
الصخر ون العلي سجاد
بحديد وياه گيدوني
الف وسفة الدهر غدار
منهلي الگوم حرموني
صاح آنة أمام الكون
چنكم مــا تعرفوني
ورقية الشبگت علراس
وصاحت بوية يتموني
ونت شهگت ومــاتت
عليهة تمطر چفوني
شسولف يا الم يا جور
شكثر هضمات راوني
ومرت أربعين وجيت
وادري مـــــا نسيتوني
بعيلتكم اجيت اليوم
كل ضنهم تسمعوني
وآنة انشـــد الدفان
يعمة مــــا تدلـوني
وينة گبر ابوك حسين
ريت ويـــاه دفنوني
اريد اگصد گبر عباس
واگلة اعداك ظلموني
سبع الگنطرة ترضة
انة زينب يشتمـوني
انخاكم گلت بلچن
تسمعون وتحضروني
جينة وشفنة بس گبور
چــــــا وين اليردوني
***************
خادم أهل البيت ع
سيد عادل الموسوي

لطميه لمأسآة السيده زينب عليها السلام بعد فقدها اخاها الامام الحسين عليه السلام

آيزينب آيذبح ازلامها
آيزينب آيحرگ اخيامها
بكربله مهضومه وضايعه ومظلومه
آيزينب آيزينب

بكربله مهضومه بت حامي الحمه
ضايعه وامست اخيمها امهدمه
تنحب ويلهب گلبها امن الضمه
ليش مال البين وي بت فاطمه
خله كل اخوتها بالطف نايّمه
واليتامه بالبراري هايمّه
دولبتها اهمومه بكربله مهضومه
آيزينب آيزينب

البين وي زينب گفه وبچاها
بالغرب من غير اهل خلاها
شلون حال الشاهدت وليها
اجساد عالغبره ويسيل ادماها
لا محب غسلها لا دفناها
وياهو يطلع لو مشت وياها
تنسبي المحشومه بكربله مهضومه
آيزينب آيزينب

شلون زينب لو مشت للكوفه
ابلا اخوان مسلبه ومچتوفه
ايعينها الله بعايله مكلوفه
الجيش يرفگها وتحفها اصفوفه
عگب اخوها وصولة معروفه
جرح زينب بالگلب شيروفه
من الهضم ملچومه بكربله مهضومه
آيزينب آيزينب

اليوم ملچومه العقيله من الهضم
شافت ابطف كربله هم وآلم
اليوم مشدوهه وتحشم بالزلم
تگول والله اتحيرت يهل الشيم
وحيل مابيه بعد اركض والم
باليتامه الشردوها اهل الظلم
وليلي اجه بهمومه بكربله مهضومه
آيزينب آيزينب

شردو امن ايدي اليتامه بالخلي
من اجاني الكافر او وج منزلي
حاقد وحقده يدفعه وجابه الي
دوّه صيواني وصحت بويه علي
گوم شوف احوال بتك يالولي
الدللتها اليوم مدمعها هِلي
اهنا يسبع الحومه بكربله مهضومه
آيزينب آيزينب

اهنا يسبع الحومه يابويه صحت
شحالي وشحال اليتامه ما شفت
بويه باحزان الطفوف اتوهدنت
من دوه الصيوان باسمك حشمت
هاي كلفه ياعلي وشو ما گمت
اشلون عينك عالهضم يابه غفت
وتحله بيها النومه بكربله مهضومه
آيزينب آيزينب

الچ يم الحزن انه ارثي واگول
وأعله اخوچ الصار ملعب للخيول
ابجاهچ اعله الله يبت بت الرسول
اظل الكم خادمه ودمعي همول
الحساب اعليه ما ريده يطول
وقبلي مني هالنظم باحسن قبول
قبلي هالمنظومه بكربله مهضومه
آيزينب آيزينب


بقلم خادمة الحسين عليه السلام زينب المشرفاوي

https://t.me/haneen_Ali_Faris

ليلة القاسم عليه السلام

طلع شباب امن الخيم ... گومي يزينب هلهلي
______

طلع مثل وجه الشمس گومي يزينب هلهلي
ما لابس اثياب العرس گومي يزينب هلهلي
عطشان من أول امس گومي يزينب هلهلي
اعليه الدمع ما ينحبس گومي يزينب هلهلي
جسام يا راعي الشيم گومي يزينب هلهلي

طلع شباب امن الخيم گومي يزينب هلهلي

بالحومه صارت زفته گومي يزينب هلهلي
اسيوف المنايه حاطته گومي يزينب هلهلي
ويلي عليه يا حسرته گومي يزينب هلهلي
متحني من دم رگبته گومي يزينب هلهلي
محد يداويله الالم گومي يزينب هلهلي

طلع شباب امن الخيم گومي يزينب هلهلي

خل الهلاهل تنسمع گومي يزينب هلهلي
عريس بس مامش شمع گومي يزينب هلهلي
طشن بل امخيم دمع گومي يزينب هلهلي
يا من دليلچ منشلع گومي يزينب هلهلي بعده شباب وما سلم گومي يزينب هلهلي

طلع شاب امن الخيم گومي يزينب هلهلي

خل المدامع دم تصب گومي يزينب هلهلي
عريس هاشم عل ترب گومي يزينب هلهلي
بسيوف داروه الغرب گومي يزينب هلهلي
ويلا نزف دم الگلب گومي يزينب هلهلي
ابطعنات واسيوف انلچم گومي يزينب هلهلي

طلع شباب امن الخيم گومي يزينب هلهلي

عريس وابعمر الورد گومي يزينب هلهلي
عطشان چبده منمرد گومي يزينب هلهلي
جسام مات او مايرد گومي يزينب هلهلي
عن امه رايح مبتعد گومي يزينب هلهلي
والحيل من انهدم گومي يزينب هلهلي
يزينب هلهلي
عن امه رايح مبتعد

ابو فاطمة الطائي


https://t.me/haneen_Ali_Faris

موشح خفيف (الذنوب اهوايه)


وين اوچي والذنوب اهوايه
وبس خدمتك للذنب محايه

خدمتك يابو علي تمحي الذنب
ياحسين وحبك اينور الگلب
النار تطفي بدمعه لو لجلك تصب
والصعاب ابحبك مگضايه وين اوچي

كل صعب يگضي ويصير النه سهل
لو على امصابك مدامعنه تهل
لو ذكرنا الراحن بظهر الهزل
من خذوهن للـلعين اسبايه وين اوچي

راحن اسبايه على النوگ العرج
بس حرم واطفال وابعيده الطرج
هالمصاب انذكره ونريد الفرج
بجاه ابو الكلفات راعي الرايه وين اوچي

بجاه ابو الرايه الترفرف عالنهر
ايفرج النه الله بظهور المنتظر
يزيح عن الناس همها لو ظهر
انريد تجبرنا يربي ابهايه وين اوچي

أبهاي ياربي نريد امجابره
ورحمه منك للگلوب الصابره
بجاه ابو صالح وامه الطاهره
أنريد نظره للاجن عزايه وين اوچي

للاجن للتعزيه وليها اعتنن
يعزن ام حسين وبحرگه بچن
عالمصاب الصار وآذه ام الحزن
مانسنها ونصبن الها اقرايه وين اوچي

اقضي ياربي حوائجهن اليوم
وزيح من اگلوبهن ثگل الهموم
بجاه ابو اليمه البقى بذيچ السموم
يسهل امر البچت والملايه وين اوچي


بقلم خادمة الحسين عليه السلام زينب المشرفاوي

https://t.me/haneen_Ali_Faris

قصده للحسين ع. عن لسان الشاعر
😭😭😭😭😭😭
نون طول السنه ونتذكر حسين
ووي شرب العذب تتهامل العين
عايش دوم. وياي
بزادي بشربت الماي
نون طول السنه ونتذكر حسين
😭😭😭😭😭😭
اذا مره انجرح والجرح ياذيني
اتصير جروح ابو اليمه گبل عيني
واذا اعطش واشرب ماي. يرويني
عطش جبده جمر يسري بشراييني
واذكر حرك الخيام
واضل الطم على الهام
نون طول السنه ونتذكر حسين
✍🏻العلويه ام مرتضى. الموسوي
😭😭😭😭😭😭
حسيني ساكن بنبضاتي واحساسي

وي شم الهوه مقرون بانفاسي

اميري صار ابو السجاد اعز ناسي

باسم احسين مولاي ارتفع راسي

ذكره شلون انساه
اظل للموت انعاه

نون طول السنه ونتذكر حسين

ام منذرالحجار
😭😭😭😭😭😭
من يگبل شهر عاشور وهلاله
يضل دمعي على ابو السجاد يتلاله
اذكرنه. لمن داسته الخياله
على كبر الكاع طشت. ويلي اوصاله
وتجي زينب تجمعه
تون وعليه. تنعه
نون طول السنه ونتذكر حسين
العــ✍🏻ـلويه ام مرتضى الموسوي
😭😭😭😭😭😭
من اذكر مصايبهم يهل دمعي

واظل طول العمر اذكرهم اوانعي

لو هل الحرم يختلف وضعي

لجل اضلوع ابو اليمه انحنه ضلعي

مامل ونيني دوم
يحسيني يامظلوم

نون طول السنه ونتكذر حسين

ام منذرالحجار
😭😭😭😭😭😭
ماانسه الغريب حسين ومصابه
ولاانسه الجمرلاحركت اطنابه
بضعة فاطمه ومسلبه اثيابه
مسلوبه خواته مذبحه أحبابه

لمن انظر الماي
من دم تهل عيناي
نون طول السنه ونذكر حسين

✍️هديل المياحيه
😭😭😭😭😭😭
من يجبل محرم تنعصر روحي

وجرح حسين احسه يلجم جروحي

من اول يوم يبدي وني ونوحي

وحس تتهدم من العالي اصروحي

اقيم المجلس ابيتي
بجاله يرتفع صيتي

نون طول السنه ونتذكر حسين

✍🏻 الحجيه ام علي
.😭😭😭😭😭😭

اللهم ارزقنا فطرة ونقاء وصفاء سريرة هذه الخادمة للحسين عليه السلام

يبقى دوم عالي بيرغ حسين
غصبا عالنواصب و المبغضين

صحنه بصوت عالي وماخفيناه
(ابد والله ما ننساك يحسين )

عهد لله ورسوله وفاطمة الزهره
وللمسموم اخوك والك كل حين

ماننسى مصابك دوم يالمظلوم
كل عام اليمر لجلك تهل العين

عين المابچت لمصيبتك والله
اگللها ولچ اعمي اشتنتظرين


((العين الماتبچيلك عميه ولا شافت ياريت))

زينب المشرفاوي

#غير_مبرئ_للذمة_من_يعيد_النشر_دون_رابط_القناة_.
#من_ديوان_جروح_لا_تشفى_الجزء_٢٨_.


مربعه للامام الحسين عليه السلام


عندي اويه الحنين اعتاب اطلبه بريحة الخوه
وندري الي تطيح ابضيج تنخه البيه المروه
🏴🏴💔🏴🏴
عندي اويه الحنين اعتاب يادفان تانيني
ناديت بهضم گلبي والدمعه بطرف عيني
خل باب اللحد مفتوح والوالي يحاچيني
بلچن لو حچيت اوياه اتهزه للولي النخوه
🏴🏴💔🏴🏴
عندي اويه الحنين اهواي كلام اوياه اريد احچي
ومن هضمي يدفانه للوالي اريد اشچي
اريد أتوسد ابلحده واجر حسراتي وابچي
حنين ومن بعد عيناه گلبي ما اله سلوه
🏴🏴💔🏴🏴
اريد انشد عزيز الروح عدمن بعده خلاني
اجر وناتي واتحسر واصيحن يادهر تاني
ليش اوياي متوازي وماخليت ولياني
چانولي نعم الاخوه ولومال الحمل تچوه
🏴🏴💔🏴🏴
اريد اعتب على ابن امي وبالخوه اطلبنه
خلاني ابغرب ديره حزينه وأجهر الونه
ما اهجع. ابطل النوح اريد أبهاي تخبرنه
واگله ابدنيتي كلها گلبي غيره مايهوه
🏴🏴💔🏴🏴
اه اليوگع ابشده يصرخ ياخلگ تدرون
يعني ايحشم اخوانه والخوه تگر العيون
واخيي امن اندهت باسمه ماگام وبقى بالكون
وانه ادري الولي گصته تنضح غيره ومروه
🏴🏴💔🏴🏴
اصيحن اه يبن امي انهض ليه يالوالي
طحت بيد النذل ادري وايد مايرحم بحالي
مدري ينسال مني وتدرون الخدر غالي
انه ام الخدر زينب دهري شوفو اشسوه
🏴🏴💔🏴🏴
أخليكم على الغبره هاذي تصعب اعليه
وامشي للنذل للشام من الكوفه مسبيه
يشيعه هاي اذكروها وصبوا ادموع مجريه
لاجلكم هاذي تضحيتي ولاجلكم گلبي اتچوه
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره المله العلويه المرحومه ام معتصم الذبحاوي*
*صاحبه ديوان📚جروح لا تشفى*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/haneen_Ali_Faris

انتقل إلى رحمة الله تعالى الشيخ لطيف ال فرج الله الاسدي رحمه الله اخو زوج المله الشاعره ام شيماء فرج الله الاسدي ادعوا له بالرحمه رحم الله من قرأ له سورة الفاتحه وصلى له صلاة الوحشه في هذه الليله العظيمه المباركه رحمه الله تعالى

#تراث


مربعه للأمام علي عليه السلام


يلوج المرتضى واتراده هالليله
گوم الوالدك ياحسن تچيله
🏴🏴💔🏴🏴
اتراده الليله ابونه وانخطف لونه
يلوج ونزل سم السيف لعيونه
تــجوله بهــداوه لا تلچـــمونه
ابو اليمه علي ترجف مفاصيله
🏴🏴💔🏴🏴
ياموت العده يمجندل الفرسان
ياسور العلينه وعز بني عدنان
من عگبك يبويه نلبس الاحزان
فگدنه اليوم عزنه وحامي ادخيله
🏴🏴💔🏴🏴
بگينه انوح اله ونجريله الدمعه
وعلوالد دليلي بعد شيهجعه
بعد هيهات صوته يأذن انسمعه
ضلت صارخه وتنحب مداليله
🏴🏴💔🏴🏴
لا نسمع بعد صوته ولا انشوفه
ريت اخلاف عينه انهجمت الكوفه
بناته التمن ويشتمن اچفوفه
ولغصت العود المدمع تسيله
🏴🏴💔🏴🏴
دارو ولده يتباچون مخبوصين
كلهم من ابو الحسنين مايوسين
صاحو ياحمانه ياعماد الدين
اتضل بهضم من عگبك العيله
🏴🏴💔🏴🏴
اتضل بلهضم عگبك يوالينه
بويه اخلاف شخصك من يطب لينه
ليهم دار وجهه ودم تهل عينه
عمت عيني عليه مهدوم كل حيله
🏴🏴💔🏴🏴
ليهم دار وجهه وهاجت احزانه
ومن شدت الطبره انخطفت الوانه
يوصي بزينب وتتهامل اجفانه
يخاف خلاف عينه تبقه اذليله
🏴🏴💔🏴🏴
العلويه رثت لجدادها وتمدح
ولمصابه الدمع فوگ الوجن يسفح
منكم طالبه دنيا اخره نربح
يجدي وبالقيامه راسي اتشيله
🏴🏴💔🏴🏴

✍الشاعره المله العلويه زهره محمد المؤمن

https://telegram.me/haneen_Ali_Faris

#من_ديوان_لبيك_ياحسين_في_رثاء_امير_المؤمنين_.


هوسات جنوبيه للامام علي عليه السلام



ماهوس اذا مايوسع الميدان
لبو الحمله علي ومجندل الفرسان
جبل شامخ يضل ماهزته العدوان
بفضاله نطق ويسولف القرآن
       نزلت جم ايه
       بمولانه اهوايه
       تشهدله الرايه
((اترف بجفوفه وتشهدله الرايه))
🏴🏴🏴💔🏴🏴🏴
تشهدله الروايه وبيرغ الاسلام
ابو الحمله شجاع وعالهضم مانام
خل تسمع حجينه وتسكت الظلام
بالعشره بصمنه الحيدر الضرغام
        وعايش ويانه
        وينبض بدمانه
        حيدر مولانه
((احنه الوفايه وحيدر مولانه))
🏴🏴🏴💔🏴🏴🏴
وفايه العلي ومن عنده شنوافي
اريد احجي امر عالبشر ماخافي
يضل حيدر ضوه وللآبد ماطافي
بس جفه الطبيب وللمرض شافي
        بيده ايشافينه
        انطلبه وينطينه
        حيدر والينه
((اهلاً بالكالت حيدر والينه))
🏴🏴🏴💔🏴🏴🏴
هله ومية هله بالكال يامولاي
حب حيدر لذيذ والذ من الماي
اريد احجي كلام وابز عين اعداي
علي رحمه علي نعمه علي وفاي
        امجرب بالشده
        ولاكاصد رده
         ياناس شحده
((الينكر حيدر ياناس شحده))
🏴🏴🏴💔🏴🏴🏴
شحده الينكر الكرار وافعاله
ياخيال مالحكوه الخياله
كريم ومايرد ضيف التعناله
انشدك باب خيبر منهو الشاله
       حيدر بس حيدر
      عادل مايغدر
       وبيوم المحشر
((يحضرنه انريده بيوم المحشر))
🏴🏴🏴💔🏴🏴🏴

*تـــمت والـــــفضـــ🤲ـــل لله تعالى*
*بقلم✍الشاعره المله أم غصون العمارجيه اخت المله ام هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/haneen_Ali_Faris

نعي للإمام الكاظم عليه السلام


اسم الله اعله ابو القاسم توفه
غريب الوطن محد يعرفه
عود الرضا مات الف وسفه
🏴🏴😭🏴🏴
حماميل اجو للنفل شالوه
واعله الجسر ياحيف حطوه
ينشدون عنه وما يعرفوه
🏴🏴😭🏴🏴
الحمال من جابه او ذبه
غريب النزل والناس غربه
وعليه محد يحن گلبه
🏴🏴😭🏴🏴
ممدود فوگ الجسر شلك
ماجه الرضا ليك ويغشلك
غريب النزل مايمك اهلك
🏴🏴😭🏴🏴
يعود الرضا يالمالك احد
فوگ الجسر نعشك امدد
وشعطله وين ابو محمد
🏴🏴😭🏴🏴
ترى مصيبتك والله مصيبه
وجنازتك ضلت غريبه
تشبه حسين البالحريبه
🏴🏴😭🏴🏴
محد يگلكم يال هاشم
عالجسر من ذبو الكاظم
ماله اهل تنشد الوادم
🏴🏴😭🏴🏴
عالجسر نعشك يبو الطلبات
ينشد عليه المار والفات
هاي الجنازه امنين بالذات
🏴🏴😭🏴🏴
جنازه وين اهاليها
كل اليمر ينشد اعليها
عالجسر شو ذابيها
🏴🏴😭🏴🏴
واحد يگل الواحد منين
التمو عليها الناس صوبين
غريب وما اله ناس المحبين
🏴🏴😭🏴🏴
عليك الخلگ مرت اهوايه
ومحد يعرفه بيا ولايه
عود الرضا البيه الاكفايه
🏴🏴😭🏴🏴
محد يعرفه الناس وتلوم
ميدرونه الكاظم المعصوم
واعله الجسر مشمور مسموم
🏴🏴😭🏴🏴
يعود الرضا ذبك الحمال
ومنين هذا ابد ماگال
حيدر علي ماجاك خيال
🏴🏴😭🏴🏴
مصابك يشابه جدك حسين
على الجسر يالمالك امعين
وليدك القاسم مايجي وين
🏴🏴😭🏴🏴
عالجسر نعشك بين الاجناب
شنهو الجنازه المالها احباب
وين العشيره وين الانساب
🏴🏴😭🏴🏴
عليك الخلگ ضلت بحيره
يگولون ماعنده عشيره
سلمان اجه وجابته الغيره
ولحسين ماحصلت عشيره
واچفان ابو اليمه حصيره
واخته مشت للشام اسيره
🏴🏴😭🏴🏴
سلمان اجه وعالي اصياحه
وحسين ماتضمد اجراحه
ومن الدمه صاير سباحه
وابن الرجس سلب اسلاحه
عمري عليه يگضي بنياحه
🏴🏴😭🏴🏴



*تـــمت والـــــفضـــ🤲ـــل لله تعالى*
*بقلم✍المرحومه الشاعره لميعه الديوانيه*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://telegram.me/haneen_Ali_Faris

الامام علي عليه السلام يقول كن في الفتنه كأبن اللبون لا ظهر فيركب ولا ضرع فيحلب .. هذه وصية امير المؤمنين عليه السلام

الله يرحم ملالي قبل ملالي الصدك ملالي الستر والعفاف ملالي الخدمه الحسينيه المخلصات بخدمتهن الجانن مايقرن إلا يتأكدن ماكو رجال بالبيت والان الملالي مدري شبيهن شي ينشرن اصواتهن وشي ينشرن وجوهن وشي يفتحن بث الهدايه منك يا الله ياهادي🤦🏻‍♀️