Poetry and literature

ညီမသာ ညီမရဲ့
မျက်မှန်ဘောင်လေးတွေရဲ့
အပြင်ကို ကျော်ကြည့်တတ်ခဲ့ရင်
အကို့ရဲ့ ချစ်ခြင်းမေတ္တာတွေကို
တွေ့ခဲ့မှာပါလေ

ဖြူစင်လှပါတယ်ဆိုတဲ့
သစ္စာတွေ
သန့်ရှင်းလှပါတယ်ဆိုတဲ့
မေတ္တာတွေ
တစ်စတစ်စ
ငြိတွယ်လာနေမိတဲ့
သံယောဇဥ်တွေ
အရာအားလုံးဟာ
မင်းအတွက်ပါပဲ
အကို့ကို ရည်ငံစမ်းပါ
မျက်မှန်လေးရယ်.....

- သစ်ခက်

မင်းကချစ်စဖွယ် မျက်နှာလေးနဲ့သဘောကျစရာမျက်နှာထားလေးလေ
ငါမဟုတ်လည်း တစ်ခြားသူတွေက လာချစ်ကြမှာပဲ။

မင်းရဲ့အမူအကျင့်လေးတွေကအစ
မင်းဖြစ်တည်မှုတွေအဆုံးသဘောကျချစ်ပေးနိုင်မဲ့သူကိုမင်းကိုယ်တိုင်ရွေးချယ်မှရမှာ။

ဒါကြောင့်ငါဆိုလိုချင်တာက
မင်းငါ့ကို ရွေးချယ်ပေးနိုင်မလား....။
ငါ့ကိုအခွင့်အရေးတစ်ခါလောက်ပေးနိုင်မလား..။

-chichi

တစ်ယောက်က အခိုးအငွေ့လို
ပျံဝဲသွားတဲ့အခါ
တစ်ယောက်က ပြာစလိုကျန်ရစ်ခဲ့ရတယ်
ရင်ထဲထိတော့
မီးသတ်ကားကဘယ်ရောက်လာပါ့မလဲ။     

- အောင်ခိုင်မြတ်

အတိတ်တွေထဲကရုန်းထွက်ဖို့လိုပြီထင်တယ်။
အတိတ်တွေထဲနစ်မြှုပ်နေခဲ့တာ ဘယ်လောက်တောင်ကြာနေပြီလဲ။
နောက်ဆုံးတော့လည်း မေ့မရသေးတဲ့နေ့တွေအဖြစ်ပဲ ကျန်ရှိနေခဲ့တာ။
တကယ်ဆို သတိရရုံကလွဲပြီး ငါတတ်နိုင်တာဘာမှမရှိဘူးလေ။

-chichi

လူတစ်ယောက် ကိုယ့်ကိုချစ်နေသေးတယ်လို့

ထင်ရတဲ့စိတ္တဇက ကြောက်ဖို့ကောင်းတယ်။

သူ ကိုယ့်ကိုစိတ်ပူနေမလားဆိုပီး ကြည်နူးရ
သူ ကိုယ့်ကိုသတိရနေမှာပဲဆိုပီး ဝမ်းနည်းရ
သူအထီးကျန်နေမှာပဲဆိုပီး ကိုယ့်မှာ သတိရ ရနဲ့
အသားချင်းမထိပဲ အသဲစကားတွေ
ပြောခဲ့ကျတာပဲ မဟုတ်လား။

ချစ်ခြင်းမေတ္တာဟာ ကျွန်တော့်အတွက်တော့ တကယ့် စောက်ပြဿနာပဲ။
ကျွန်တော် မူးမူးရူးရူးနဲ့ သတိရတယ်ပြောဖို့ ဘယ်ဖုန်းနံပါတ်ကမှ မကြိုဆိုဘူး။
လူတစ်ယောက်ပြောဖူးသလိုပေါ့။
စောက်ပိုကတော့ မင်းလည်းပြောတတ်တယ် ငါလည်းပြောတတ်တယ်။

ဟုတ်တယ် . . .
အသည်းကွဲတာကိုပဲ လူတွေက မြင်ကျတယ်
ခွဲသွားတဲ့ ဓား ဘယ်လောက် ထက် သလဲ သူတို့မှ မမြင်ကျပဲ။
ရီ နိုင် ပါ တယ် ။

- အလ်နီလွန်း

ဝမ်းမနည်းဘူး
မျက်ရည်မကျဘူး
ဘယ်အရာမှအလကားမရဘူး

ဒဏ်ရာတွေလည်း အလကားမရဘူး
ဒုက္ခတွေလည်း အလကားမရဘူး

ဘယ်အရာမှ အလကားမရဘူး
ဘယ်အရာမှ အလကားမရဘူး

-မောင်ချောနွယ်

"မရှိမဖြစ်" ဆိုတဲ့ခေါင်းစဉ်အောက်မှာ
ပျော်ပျော်ကြီးနစ်ဝင်ခဲ့တာဒီကောင်
သူမရှိရင်ဒီလူကသေမှာ
သူမှမချစ်ရင်သေမဲ့သစ်ပင်လေးကဒီကောင်တဲ့...

-chichi

အဲ့ဒီလူကို ဘယ်လောက်တောင် သဘောကျခဲ့သလဲ။
အိမ်ကိုလဲ ဝန်ခံခဲ့တယ်။
သူငယ်ချင်းတွေကိုလဲဝန်ခံခဲ့တယ်။
ငါခံစားချက်အကုန်ကိုလဲ ထုတ်ပြခဲ့တယ်။
ချစ်တယ်လို့တဖွဖွပြောပြခဲ့တယ်။
ငါမမှားရင်တောင်ခနခနတောင်းပန်ခဲ့တယ်။
ပထမဆုံးတောင်းပန်ခဲ့ဖူးတဲ့သူ။
လူသိမခံနိုင်တဲ့ အားနည်းချက်တွေကိုလဲပြောပြခဲ့တယ်။
အဆင်ပြေနေပြီးအနည်ထိုင်ကျနေတဲ့ ငါ့လိုလူဘဝထဲ သူဝင်လာဖို့တောင်းဆိုတုန်းက ခွင့်ပြုဖို့ ငါဘယ်လောက်တောင်အားယူခဲ့ရသလဲ။
စောက်တလွဲမေတ္တာတွေပါပဲကွာ။
နောက်ဆုံးကျတော့လဲ စွန့်ပစ်ခံရတာပဲ။
အနည်းဆုံးတော့ တသက်လုံးမေ့မရတဲ့ဒဏ်ရာအဖြစ်ပဲကျန်ရှိနေခဲ့တာပဲမလား.။

-chichi

တစ်ဖက်လူရဲ့ ဘဝထဲကို ဘုရားကပေးတဲ့လက်ဆောင်လေးအဖြစ်ပဲ
ဝင်ရောက်ဖို့ ဆန္ဒရှိပါတယ်။
ကိုယ်နဲ့ရှိရရင် ပြုံးရယ်နေပြီး
ကိုယ့်ကြောင့် အေးမြမှုနဲ့စိတ်ချမ်းသာခြင်းတွေကိုပဲ ရရှိစေချင်ပါတယ်။
သစ်ရွက်ကလေးပေါ်ရုတ်တရက်ကျသွားတဲ့နှင်းရည်စက်ကလေးလို။
ပိုင်ရှင်ရဲ့ အကြည်ဓါတ်ကလေးအဖြစ်ပဲ
ကာလရှည်ကြာ တသက်စာတည်ရှိသွားချင်တာမျိုးပါပဲ။

-chichi

ရပ်တန့်ပစ်လိုက်ဖို့ အကြိမ်ကြိမ်
ဆုံးဖြတ်ကြည့်ခဲ့ပေမယ့်
အကြိမ်ကြိမ် ငြိတွယ်မိနေပြန်တာပဲ။
အဲ့ဒီ မျက်ဝန်းတွေကို
ငေးကြည့်မိရင်ပဲ ဖြစ်ဖြစ်
လေလှိုင်းလေးထဲ တိုးဝေ့ဖြတ်သန်းလာတဲ့
အဲ့ဒီ ရယ်သံသဲ့သဲ့လေး ကြားလိုက်ရရင်ပဲ ဖြစ်ဖြစ်
ရှောင်ဖယ်ကာ ထွက်ပြေးလို့ မရနိုင်ခဲ့ပြန်ဘူး ။
အကြောစိမ်းလေးတွေပေါ်နေတဲ့ အဲ့ဒီလက်ကလေးကို ကြည့်မိရင်ပဲ ဖြစ်ဖြစ်
ဘယ်လောက်ပဲ မျက်ကွယ်ပြုထားပါစေ
စိတ်ကူးတွေထဲအမြဲ ပြန်ပြန်ရောက်လာတတ်တယ်။
အမြတ်နိုးဆုံးကတော့ မျက်မှန်အောက်ကမျက်ဝန်းကလေးပါပဲ။ ။

-chichi

ပန်းပွင့်ချပ်လေးတွေကိုရေတွက်ကြည့်တော့ စုံဂဏန်းကျတယ်။ဘာအရေးလည်း။ ချစ်နေမှတော့ အဲ့တာကံကြမ္မာဆိုရင်တောင် လွန်ဆန်မှာပဲ။

-ကျော်ဇေယံထွဋ်(နေရောင်ခြည်လိုနွေး)

He love another gurl but I love him so ..just say "အပြစ်မမြင်ပါဘူး ချစ်ချင်တာပဲသိတဲ့နောက် ဖြစ်သမျှဟာအကောင်းပဲပေါ့"

-chichi

လူတစ်ယောက်ကို ချစ်ပြီးပြီဆိုရင်
နောက်တစ်ယောက်ကို မချစ်ရဘူးတဲ့

တကယ်လို့ နောက်တစ်ယောက်ကို ချစ်နေပြီဆိုရင်လည်း
ရှေ့က တစ်ယောက်ကို လွှတ်ချပေးလိုက်တဲ့

ချစ်ခြင်းမေတ္တာမှာ သစ္စာရှိရပြီး
တစ်ယောက်တည်းအတွက် ရည်းစူးထားရင် တစ်ယောက်တည်းကိုပဲ အဆုံးထိ ချစ်သွားရမယ်တဲ့

မလိုတဲ့သူကိုလည်း အတင်းမဆွဲထားနဲ့တဲ့
ပြီးတော့ ကိုယ်ချစ်တဲ့သူကိုလည်း
ချစ်ပေးဖို့ မတောင်းဆိုရဘူးတဲ့

ကိုယ့်ကြောင့် ဖြစ်တည်လာတဲ့ အချစ်ကိုပဲ ရှာတဲ့
တကယ်ချစ်တဲ့သူကိုပဲ တွဲပါတဲ့
ကိုယ့်ကို နေရာပေးနိုင်တဲ့သူကိုပဲ
အချစ်တွေ ပုံအပ်လိုက်ပါတဲ့ .. ❤

-crd

ရုန်းကန်ရတာ မောတယ်လို့ အော်ပြီး
အမေ့ပေါင်စွန်းမှာ ခေါင်းအုံးနေရမယ်ဆိုရင်

ငှက်တွေမြင်ရင် ပြေးလိုက်မယ်
သက်တံတွေ့ရင် ပျော်ရွှင်မယ်

စက္ကူလှေကလေးတွေ ခေါက်မယ်
ပန်း၀ါ၀ါတွေ ခူးမယ်

မီးမရှိလည်းလရောင်ထဲထိုင်နေမယ်
ပုံပြင်လေးတွေ နားထောင်မယ်
ကြယ်လေးတွေကို ရေမယ်

ပိုးစုန်းကြူးတွေ ဖမ်းမယ်
ဖန်ပုလင်းလေးပိုက်ပြီး အိပ်ပျော်သွားမယ်

ဒါပဲမှတ်လား

မရှိခြင်းထက် မသိခြင်းကို တောင့်တလာတဲ့အခါ
ငယ်ငယ်ကလို မဟုတ်ပေမယ့်
ငယ်ငယ်ကလို ဘ၀လေးတော့ မက်မောတယ်

-နွေသစ်ငြိမ်း

ငါကမင်းကိုချစ်တယ်ဆိုတာလေ
မင်းနှလုံးအိမ်မှာ
ငါ့သွေးကြောကလေးတွေတွယ်ညှိစေချင်တာ
မင်းရဲ့ အင်္ကျီအိတ်ကပ်ထဲမှာ
ငါ့အသက်ဓာတ်ကလေး ထုပ်ပိုးပေးလိုက်ချင်တာ
မင်းရဲ့စိတ်နံရံကလေးမှာ
ငါ့ပုံတူပန်းချီလေး ချိတ်ဆွဲထားစေချင်တာ...
ပျော်ရွှင်မှုတွေကြုံလာတိုင်း ငါ့နာမည်ကိုစာလုံးပေါင်းစေ့ချင်တာပါ။

-အင်ဖလော်ရီ

ချစ်ခြင်းမေတ္တာနဲ့ လူတွေရဲ့အတ္တဟာ
ကိုယ်လက်လှမ်းမီဖို့ သိပ်ခက်တဲ့အရာတွေ..*

-chichi

*အလုံးစုံဆိုတဲ့စကားလုံးမှာ ချစ်ခြင်းမေတ္တာပါ ထပ်ပေါင်းထည့်ခဲ့တာမို့ ပူတယ်၊အေးတယ်၊ဝေးတယ်၊နီးတယ် မဆိုပဲ ဘာဖြစ်ဖြစ်ပေါ့ ခင်ဗျားသာ ပါဝင်ပတ်သတ်နေမယ်ဆို အရာအားလုံးကို လက်ခံနိုင်စွမ်းရှိတဲ့ လူဟာ ငါပဲပေါ့ ခင်ဗျားရယ် ငါပဲပေါ့။

-chichi

ကိုယ့်စိတ်နဲ့ကိုယ်ကြိုးစင်တက်
သံယောဇဉ်ကြိုးကိုလည်မှာချိတ်ပြီး
နောက်ဆုံးဆန္ဒအနေနဲ့
စိတ်ဝိဉာဉ်ကို ခင်ဗျားထံပါးလှူပါတယ်။
သည်သံသရာကနေ မလွတ်မြောက်ဖို့
အမျှမဝေပါနဲ့။

-ဆီးနှင်းခဲ(HoarFROST)

Channel photo updated

"ဝင်္ကပါထဲ တဝဲလည်လည်နဲ့
ပြန်လမ်းမရှိတဲ့ အချစ်နွံမှာ
ရုန်းမရအောင်နစ်ခဲ့။
စွန့်စားရင်းနဲ့ လောင်းကြေးတွေမှာ
အချစ်နဲ့ ဘဝတွေကို
ရက်ရက်ရောရော ပုံအောခဲ့ကြ။
ပတ္တမြားမှန်ရင် နွံမနစ်ဘူးလို့ဆိုတော့
အချစ်စစ် မှန်ရင်လည်း
နှလုံးသားချင်း မဝေးပါဘူးလေ။
တစ်ဖက်စီ လှည့်ငိုနေမဲ့အစား
လက်ချင်းတွဲပြီး မြင်ရတာကိုပဲ
လိုလားပါတယ်။"

-ဇေး(မြကျွန်းညိုမှလိပ်ပြာဝှက်တမ်း)