الشاعرة فاطمة هاشم الحسيني

@fatm_t4

لااجـيز حـــذف الاســم من القــصائــد
او التلاعب بالكـــلام ونسبه لغير شخص
(وغـــيــر مبـــري الذمة من يفعل ذلك)

@Fatm21ee_bot

الشاعرة فاطمة هاشم الحسيني

22 Oct, 15:19

الحن🍂

178

الشاعرة فاطمة هاشم الحسيني

22 Oct, 15:18

القصيدة "للزهراء ع حال السيدة زينب ع
الشاعرة "فاطمة هاشم الحسيني
"""""""""""""":""""""""""":"""""""":"""""""":"""'""""""

اشبع من عطرها اليلة خليني
اموتن لو شلتها وانت تدريني

⊱━━⊰✾ياصاحب الزمان✾⊱━━⊰

خليني ارد اشمها واكعد انعاها
بيه شلون مااكدر بلياها
وسدني بحظنها ادفني وياها
هيه الشوف هيه وزهرة سنيني

اشبع من عطرها اليلة خليني
اموتن لو شلتها وانت تدريني

⊱━━⊰✾ياصاحب الزمان✾⊱━━⊰

ريض بالنعش وبصفي خليها
الدارتني شوكت جا كلي اداريها
عاد انحب و اونن وابجي اعليها
ماداريتها الجانت تداريني

اشبع من عطرها اليلة خليني
اموتن لو شلتها وانت تدريني

⊱━━⊰✾ياصاحب الزمان✾⊱━━⊰

بدليلي النار بويه ادخيل لهابة
ضلعها المنكسر ماطيب اصوابة
شيصح بأيدي والدمعات سجابة
ماتت والدمع ماواكف بعيني

اشبع من عطرها اليلة خليني
اموتن لو شلتها وانت تدريني

⊱━━⊰✾ياصاحب الزمان✾⊱━━⊰

دليلي ولا وكَف ياحيدر صياحة
بعد هيهات زينب تبقى مرتاحة
هظم لوعات عمري يخلص انياحة
مصايب من مصايب بوية تعميني

اشبع من عطرها اليلة خليني
اموتن لو شلتها وانت تدريني

⊱━━⊰✾ياصاحب الزمان✾⊱━━⊰

السطرها اعله الجفن توليني احفادة
الشتمها بكربلة عله حسيني يتمادة
منارة اعله الرمح ياخيرة السادة
ذبيح وعلرمح جن راسه يحميني

اشبع من عطرها اليلة خليني
اموتن لو شلتها وانت تدريني

#الشاعرة_فاطمة_هاشم_الحسيني

https://t.me/fatm_t4

180

الشاعرة فاطمة هاشم الحسيني

21 Oct, 06:59

عندما تترك كل شيء في يد الله .. سوف تلاحظ لآحقا ان يد الله في كل شيء !
#يا_حبيب_من_تحبب_إليك💚

253

الشاعرة فاطمة هاشم الحسيني

19 Oct, 14:08

الحن 🍂

374

الشاعرة فاطمة هاشم الحسيني

19 Oct, 14:08

القصيدة "ارد ثارج بديه
الشاعرة"فاطمة هاشم الحسيني

""""""""""""""""""""""""""""""""""""""""""""""""""
وحكج يالزجية
ارد ثارج بدية

لجل عيناج ابجي اعداج اجيب النصر يم كبرج هديه

⊱━━⊰✾ياصاحب الزمان✾⊱━━⊰

وحكَ حسين الج ضعفين ارد الحكَ يعنوان الامامة
عله الاشرار اهدن نار اشوفهم يبت طه القيامة
اذل اعيون اليشوفون الج مرقد يفرح اهل الكرامة
ارد هيهات الج رايات اعلكَهن بدي لهل الخدامة

عليج اعيوني تربي واناطر امر ربي

الج مهموم اناطر يوم اصيح بصوت ثاراتج عليه

وحكج يالزجية
ارد ثارج بدية

لجل عيناج ابجي اعداج اجيب النصر يم كبرج هديه

⊱━━⊰✾ياصاحب الزمان✾⊱━━⊰

هظم مجروح اصبر الروح اعرفج فاطمة يسرج قيامي
انه الموعود اوفي اوعود اجيلج منشهر نصرا حسامي
يبت عدنان الج برهان اشيد كَبتج واذكر سلامي
مثل عباس اهد بحساس اروي اترابج الجفيني ضامي

اشيد كَبرج انه خدم يزهر مجانه

حشد احرار الج زوار ابد ماهابو اعيون المنيه

وحكج يالزجية
ارد ثارج بدية

لجل عيناج ابجي اعداج اجيب النصر يم كبرج هديه

⊱━━⊰✾ياصاحب الزمان✾⊱━━⊰

جرح للباب ابد ماطاب اسولف بيج واتذكر مصابج
يستر لله صعب انساه غيور وتنرخص روحي الحجابج
وعد مكتوب انه المهيوب اجيبه الثار موهين شبابج
يزهرة نور الج مذخور اخلي الحور فرحه تحني بابج

وحكَج يالشهيدة فرحتج مو بعيدة

تجيج اخبار اخذت الثار انه ابنج منتصر ها يالوفيه

وحكج يالزجية
ارد ثارج بدية

لجل عيناج ابجي اعداج اجيب النصر يم كبرج هديه

⊱━━⊰✾ياصاحب الزمان✾⊱━━⊰

الهظم ينزاح اعوض الراح اجيبن شيعتج باجر تزورج
الظلم خسران انه الربحان ابن راعي الشدد وبوجهي نورج
يبعد الحيل اضوي اليل اقدس كلمتج ويهمني شورج
امم تنهاب اكلها انعاب اجيت ومايضل علدنيه جورج

وحكَ نار الفجيعة ترد الاقصى شيعة

زلم شجعان اهل ميدان ابد مافرطو بيها القظيه

وحكج يالزجية
ارد ثارج بدية

لجل عيناج ابجي اعداج اجيب النصر يم كبرج هديه

#الشاعرة_فاطمة_هاشم_الحسيني

https://t.me/fatm_t4

531

الشاعرة فاطمة هاشم الحسيني

18 Oct, 05:33

يا اللَّه ربّ الحُب والدهشة، رب الرَّحماتِ والأمنيات، رب العطايا السَّابغات، أدعوك أن تُبلغنا تمام الأشياء لا أنصافها ..جمعة مباركة ❤️‍🩹.

384

الشاعرة فاطمة هاشم الحسيني

15 Oct, 15:40

الحن 🌼

541

الشاعرة فاطمة هاشم الحسيني

15 Oct, 15:38

القصيدة "لمولاتي فاطمة عليها السلام
الشاعرة " فاطمة هاشم الحسيني

=========================

غسلها بهداي يبويه الزهرة تتألم
لا يلجم الماي ضلعها الكله مهشم

امي مكسره اضلوع          خدها الطيبه مصفوع

غسلها بهدااااااي

⊱━━⊰✾ياصاحب الزمان✾⊱━━⊰

يبويه بهيده لا تلجم ضلعها
خاف الماي ليهيج وجعها
ميته وجن احس صبت دمعها
ثكَيله الباب والظالم دفعها
ولمن قاومت علخد صفعها
تصيح الغوث متشمت سمعها

من توكف اتطيح صفت من قوة الضربة
رد ليها بالسوط رجيم بلا رحم كَلبة

طكَها اعله الوجه حيل       منها المدمع يسيل

غسلها بهداااايي

⊱━━⊰✾ياصاحب الزمان✾⊱━━⊰

يمك قاومت واخفت حزنها
خسرت عافية وفكَدت ابنها
الجانت تحلم تشيله بحظنها
تفرهد حيلها وغمض جفنها
اثر لسياط ما طيبة بمتنها
وحجاية وأن لسه بأذنها

تهظمها من كال عليها الباب ادفعوها
لو صاحت الغوث يبويه اهواي اشتموها

طاحت تنزف اجروح       ونها يعذب الروح

غسلها بهداااااي

⊱━━⊰✾ياصاحب الزمان✾⊱━━⊰

بعدهي ازغيره وبزهرة عمرها
وسافه اتنام من هسه بكَبرها
صدك شيطان متعمد سطرها
يزعل طه لو داري بخبرها
زعجهم ونها لفراكَه وكدرها
بجتله ادموم واتطشر صبرها

من كَامت اتنوح لبوها وتذكر اسنينه
كالو يبو حسين تراها الزهره تاذينه

منعو ونها كل يوم       بيها الوادم تلوم

غسلها بهداااي

⊱━━⊰✾ياصاحب الزمان✾⊱━━⊰

يحكَك ينهدم حيلك عليها
سوده امن الضرب جفين اديها
البلسم جان لجروحك حجيها
ماتت وبهظم ضمت بجيها
تذب اتراب بجفوفك عليها
وادم حاربت بضعة نبيها

عد طه يدرون فقط بس هاي البنية
مو جانو اصحاب عجيبه اختلفت النية

عمدن حركو الدار       كلهم طلعو اشرار

غسلها بهدااااي

⊱━━⊰✾ياصاحب الزمان✾⊱━━⊰

تريد باليل للمظلم تزتها
وراها تموت لا ماتبطي بتها
وين تريد شبسرعه خذتها
اكعدي بداعتي بدمعه اندهتها
هاي النومه تهظم مو وكتها
ميته وحنت اعلينه شفتها

من صار الوداع شفتها فتحت ايديها
ولهاي الاملاك حزينه ونت اعليها

لمن صار الوداع         خلت حيلي بالكاع

غسلها بهدااااي

#الشاعرة_فاطمة_هاشم_الحسيني

https://t.me/fatm_t4

547

الشاعرة فاطمة هاشم الحسيني

13 Oct, 18:45

الحن 💔

600

الشاعرة فاطمة هاشم الحسيني

13 Oct, 18:44

القصيدة 'معاناة الزهراء ع بعد ابيها💔
كلمات 'فاطمة هاشم الحسيني
ــــــــــــــــــــــــــــــــــــــــــــــ

هاي الحنينة تودع بواليها
تعبانة تنحب والحزن غاطيها
تدريها ناسه لو رحل تاذيها

صار الوداع وهل دمع عيناها
الراحه عگبه بيا كتر تلگلها
باجر يغثهم نوحها ومبجها

اذا مات      مو هينة المصيبة
حسافات     عگبة اتضل غريبة
سلامات        هظموها الحبيبة

⊱━━⊰✾ياصاحب الزمان✾⊱━━⊰

عد راسه گعدت وبحزن تنعاله
وايات من كل السور تقراله
صارت صدگ والموت ضل يدناله

گالتله اسئلك ياحبيبي شلونك
يابعد حيلي المن تغير لونك
انه العزيزة التدري اموت ابدونك

بلياك         مايخلص ونيني
تره اوياك    توگف كل سنيني
يفرگاك       صدك يعميها عيني

⊱━━⊰✾ياصاحب الزمان✾⊱━━⊰

يابويه البنيه التحبها تعوفها
ترضاها عد بابك حزينه تشوفها
عن السياط تشاگفلها اجفوفها

يمثل تراه ومو حقيقي ايمانه
يعبد صنم ليهسه مو ويانه
يشتمني بويه ومايرد السانه

وان گال     ضربوها الزجية
ترة عال    وانه اشگف بدية
الدمع سال.   ماراعو وصية

⊱━━⊰✾ياصاحب الزمان✾⊱━━⊰

المات ابوها تعيش ما مرتاحة
حسرة و ونين الگلب عالي صياحة
يخلص عمرها والهجر ذباحة

بس النواعي تفيد للتعبانة
دخيلك تگله ارويحتي خلصانة
بوية العزيز ايضل فراغ امجانة

علي ضاع    طولك ياحبيبي
والاوجاع     صارت من نصيبي
عله الگاع      اكتبلك نحيبي

⊱━━⊰✾ياصاحب الزمان✾⊱━━⊰

صارت الفرگه ومن صدگ عافاني
بين الدموع وحسرتي وعدواني
براحة اليموت العاش يبقۍ يعاني

لمن تفارگ واحد بعز روحك
تكبر تشيب من ونين اجروحك
تكعد تنوح اليل يبجي النوحك

تون حيل     راح منك خليلك
مراسيل       لا تودي وتجيلك
دمه يسيل   دمع يخلص حيلك

#الشاعره_فاطمه_هاشم_الحسيني

https://t.me/fatm_t4

836

الشاعرة فاطمة هاشم الحسيني

13 Oct, 12:56

هذا الحن 🔥
واكو لحن (يبن امي ع التربان عفتك )
وبعد اهواي الحان ترهم

بس هذا احبه

414

الشاعرة فاطمة هاشم الحسيني

13 Oct, 12:54

القصيدة "للوحشة بعد رحيل فاطمة ع
الشاعرة "فاطمة هاشم الحسيني
__

وحشه وحزينه الدار هاي المسية
خنكَة ودمع بالعين ماهي الزجية

⊱━━⊰✾ياصاحب الزمان✾⊱━━⊰

صار امن امس لليوم حالتنه حاله
حيدر علي مهدوم والون حلاله
والله احس مرات موته دناله
ياربي لو اجه الموت خذني ابداله

غير الدمع والنوح شيصح بدية

⊱━━⊰✾ياصاحب الزمان✾⊱━━⊰

الوحشه تكَظي الروح صعبه وثكَيلة
طفله وعمرها ازغير زينب نحيلة
كلش حزين حسين دمعه يسيلة
حيل الحسن مهظوم ذايب دليلة

كَالو يفضه شلون حدر الوطية

⊱━━⊰✾ياصاحب الزمان✾⊱━━⊰

ماتت يفضة شلون ننساها نكَدر
ابلايها ظلمة الدار صرنه انتحسر
ابجي وعليهم حيل كَلبي التفطر
فركَاها ابد موزين بعيوني اثر

دار النبوه اليوم منها خلية

⊱━━⊰✾ياصاحب الزمان✾⊱━━⊰

مشتاكَه للقرآن من عدها اسمعه
يقراه علي الكرار وبعينه دمعه
صوت ام حسن بالبيت شنهي اليرجعه
بلساني اردد دوم وينج يبضعه

روحي التحبج حيل حنت خطية

⊱━━⊰✾ياصاحب الزمان✾⊱━━⊰

تعاملني بالاحسان وتحب خدمها
ياروحي فدوه تروح كون الجدمها
هموم الوكت صعبات وانساها يمها
تعبانه وانهاريت من شفته دمها

صاحت فزعتج وين يافضه الية

#الشاعرة_فاطمة_هاشم_الحسيني

https://t.me/fatm_t4

698

الشاعرة فاطمة هاشم الحسيني

13 Oct, 10:07

الحن 🌷

433

الشاعرة فاطمة هاشم الحسيني

13 Oct, 10:07

قصيدة "لسان حال الامام علي بعد غياب الزهراء ع
الشاعرة "فاطمة هاشم الحسيني

.......................

كَلبي اشتاك ياناس كلولي شبديه

ماتت جوه الاتراب زهرتنه الزجيه

كَلب العاشك يخاف فجاءه وحيد ينعاف

كلبي اشتاك ياناس كلولي شبديه

⊱━━⊰✾ياصاحب الزمان✾⊱━━⊰

لو لزمت دموع عيني تفضح اشبيه حسرتي

وانه كاعد حيل افزن مرت الزهره بصفنتي

اشلون اكابر ما اونن الكبر ماخذها فرحتي

اذكر الصار بضلعها ارخص اونيني ودمعتي

حتى اكبال شمات طاحن مني دمعات

الزهره ابيتي اتنظام مو هين عليه

⊱━━⊰✾ياصاحب الزمان✾⊱━━⊰

يعينه الله البي محنه وفجأه يفكد ضل حبيبه

كلشي ميت من هجرها واهسي الجان شيجيبه

المثلي يفكد مثل فاطم بيه حرمه يكف نحيبه

البيت فارغ هيه ماكو يعني هاي اكبر مصيبه

بارد موحش البيت بهمي لوحدي ضليت

دفنت الغاليه وجيت بتراب الوطيه

⊱━━⊰✾ياصاحب الزمان✾⊱━━⊰

يون كلبي اليل كله اشلون اصبره الفكد ولفه

وكتي يخلص وانه اسولف وين راحت عني صدفه
حتى باب البيت يجرح خله كلبي يفيض نزفه

تجي الصوره التهد حيلي شلون لاذت روحي خلفه

لاذت خايفه الروح خلفه وتنزف اجروح

شلت السيف فزاع ردتني الوصيه

⊱━━⊰✾ياصاحب الزمان✾⊱━━⊰

حيل صعبه اتموت هيه وانه اعيشن خنكه خنكه
شله بلدنيه وحياته الما اله وي احبابه ملكه

موقف اصعب منه ماكو مثلي ياهو الدفن عشكه

مااريد لبيتي ارجع ارجع المن كلي شلكه

ارجع وانه مكسور بيتي مفارك النور

بحسراتي افتح الباب دمعاتي جريه

⊱━━⊰✾ياصاحب الزمان✾⊱━━⊰

هاي هيه وخلص كلشي ماتت الزهره الحنينه

شلع كلبي حسين ابني يكسر الخاطر ونينه

يكلي بويه اشلون راحت هسه تشتاك وتجينه

كلبه فاكدها الزجيه الحظن ذاك الدافي وينه

كَلب حسين مشتاك مثلي مغيره الافراك

الميت حيل يرتاح البعده يضل خطيه

#الشاعرة_فاطمة_هاشم_الحسيني

https://t.me/fatm_t4

516

الشاعرة فاطمة هاشم الحسيني

11 Oct, 15:32

يمهل الله مايهمل 🌸

654

الشاعرة فاطمة هاشم الحسيني

11 Oct, 14:37

﴿فَمَنْ عَفَا وَأَصْلَحَ فَأَجْرُهُ عَلَى اللَّهِ﴾

510

الشاعرة فاطمة هاشم الحسيني

11 Oct, 08:03

الحن 🌸

580

الشاعرة فاطمة هاشم الحسيني

11 Oct, 07:51

قصيدة "للزهراء عليها السلام
الشاعرة "فاطمة هاشم الحسيني
______

ابجي لمصابج كل مااصد باب
يازهرة الهادي ماطاب الصواب

⊱━━⊰✾ياصاحب الزمان✾⊱━━⊰

ابجي لمصابج يفاطم خلي تعمه اعيوني
من اجو شر اعله دارج صحتي لتئذوني
انه بت احمد نبيكم ليش شتطلبوني
انه ليسميني بضعة خاف متعرفوني

للأسف عدوان ماطلعو اصحاب
ابجي لمصابج كل مااصد باب

⊱━━⊰✾ياصاحب الزمان✾⊱━━⊰

محجبة وسالت دمعتج خفتي ليئذونج
وسوس الشيطان ليهم صارو يكتلونج
صحتي يابويه اغثني وهمه ليسمعونج
الهجم صاحب وقاحة كلهم يضربونج

يم بابج اذيابه ومكشره الانياب
ابجي لمصابج كل مااصد باب

⊱━━⊰✾ياصاحب الزمان✾⊱━━⊰

ابلا شعور الباب هوه ويبجي احسه الحالج
عين للمحسن و وضعه وعين تربي اعيالج
رجفة من كسرة اضلوعج بينت بخيالج
من تبعتي الغالي حيدر قنفذ الردالج

خله العضد بالسوط من لون الاثياب
ابجي لمصابج كل مااصد باب

⊱━━⊰✾ياصاحب الزمان✾⊱━━⊰

واجهيتي اشخاص صلفه جذب جان ايمانها
جلمة الحكَ متعرفها ولا تمر بالسانها
خطبتج هزت المسجد وانقهر شيطانها
والسمة اتناطر اشاره اتغيرة الوانها

تتبدل النعمة لو رفعتي احجاب
ابجي لمصابج كل مااصد باب

⊱━━⊰✾ياصاحب الزمان✾⊱━━⊰

الله يدري شكد زعلتي ومنهم اتأذيتي
جم رواية تكَول متي بحسرتج مرضيتي
يتمو احباب طه وشكثر عانيتي
ماتريد الفركَه روحج بالجفن ونيتي

حتى الشهم حيدر من الحزن شاب
ابجي لمصابج كل مااصد باب

#الشاعرة_فاطمة_هاشم_الحسيني

https://t.me/fatm_t4

625

الشاعرة فاطمة هاشم الحسيني

10 Oct, 17:50

نعم هي جريمة ..《قتلو الزهره الزجيه 》
الشاعرة "فاطمة هاشم الحسيني

"""""""""""""""""""""""""""""""""

يامحمد قتلو الزهره الزجيه

يامحمد وره الباب اعظم رزيه

يامحمد والوصي اجتافه وصيه

⊱━━⊰✾ياصاحب الزمان✾⊱━━⊰

ميخونك علي اطباعه يعرفوها
وصيتك بلصبر ضده استغلوها
منها و قررو فاطم يقتلوها
بدون انذار باب الدار دفعوها

يامحمد خانو العشره الصحابه

يامحمد راحو البيتك عصابه

يامحمد عاملو بنتك سبيه

⊱━━⊰✾ياصاحب الزمان✾⊱━━⊰

حيدر بلوصيه مجتف اذراعه
كظم غيضه رغم ماكسرو اظلاعه
امر لله ورسوله ملتزم طاعه
بشرط ماتندبه فاطم بهل ساعه

يامحمد واعدك يصبر علينه

يامحمد بشرط ماتنخه الحنينه

يامحمد ذوله ماعدهم حميه

⊱━━⊰✾ياصاحب الزمان✾⊱━━⊰

من صابوها كَلب المرتضى اتكَطع
ذو الفقار يجري لحالهه المدمع
الزهره تصيح يافضه وعلي يسمع
تدري من تحشمه ولا عدل يرجع

يامحمد بكَلبه مو بلباب ناره

يامحمد منهظم حتى فقاره

يامحمد ضيعو حكَ الوفيه

⊱━━⊰✾ياصاحب الزمان✾⊱━━⊰

ابو الحسنين ياهو اليوصل الحده
الاف الجيوش تخاف من عنده
جبل ودموع فاطم كَدرت اتهده
حلال الشدايد واكَع بشده

يامحمد شدته جانت جبيره

يامحمد عبد يشتم اميره

يامحمد أطلعو شر البريه

⊱━━⊰✾ياصاحب الزمان✾⊱━━⊰

شيطان الأمر والثاني نفذله
وسفه يقدسونه البيه الف زله
ليحركَ دار طه شنهو من مله
ساجد للصنم جاب العمر كله

يامحمد هبل يجري وي دماهم
يمحمد كلشي ماينفع اوياهم
يامحمد همه اصل الجاهليه

⊱━━⊰✾ياصاحب الزمان✾⊱━━⊰

موش اصحاب جنهم يطلبونك دم
قتلو زهرتك وحسينك اتيتم
يحنون لهبل مابيهم الأسلم
شصار خلاف موتك وشحصل تعلم

يامحمد صبت ادموع الحسافه

يامحمد والله غايتهم خلافه

يامحمد صارو البيتك اذيه

#الشاعرة_فاطمة_هاشم_الحسيني

https://t.me/fatm_t4

720