الشاعرة فاطمة هاشم الحسيني

قصيدة "للسبي {هاي اخت عباس}
الشاعرة "فاطمة هاشم الحسيني

"""""""""""""""""""""""""""""""""""""""""""""""""""
هاي اخت عباس سبع الكنطره
قدوة النسوان دنيا واخره

⊱━━⊰✾ياصاحب الزمان✾⊱━━⊰

قدوه بلأخلاق مو بس بلصبر
درس للأجيال هاي ام الخدر
بيهه ياهلناس حيدر يفتخر
صدك ثلث انعام من بت حيدره


⊱━━⊰✾ياصاحب الزمان✾⊱━━⊰


اي ثلث تنعام تستاهل صدك
تقرأ ايات الصبر من تختنك
قدمت لله قربان العشك
ياهو كال هناك ضلت حايره


⊱━━⊰✾ياصاحب الزمان✾⊱━━⊰


ياهو كال هناك ذلت بت علي
هيه اخت عباس واقنع تنولي
شكاتب التاريخ تصرخ ياهلي
مشتبه قران تقرأ وصابره


⊱━━⊰✾ياصاحب الزمان✾⊱━━⊰


مشتبه غلطان ماذلهه السبي
الرسم مصيون ماشافه اجنبي
لبسن الخيمات من لبسن عبي
ماتذل متخاف شنهي ميسره


⊱━━⊰✾ياصاحب الزمان✾⊱━━⊰


راحت اويه الكوم غايتهه هدف
كلشي عد الناس بلخطبه اختلف
وضحة بلشام دم ياهو النزف
الجانو بأفراح ناحو علجره

#الشاعرة_فاطمة_هاشم_الحسيني

https://t.me/fatm_t4

ياعلي❤️

لا تستهين بقوّة الدعاء فلا يوجد على
الأرض ماهو أقوى من دعائك، حتى ولو
رأيت أن الإجابة تأخرت ألحّ وتيقن أن
موازين الحياة كلها تنقلب بدعاءٍ من قلب
صادق، تذكر دائمًا أن نوح أغرق الارض
كلها بدعاء "إني مغلوب فانتصر"وامتلكها
سليمان بدعاء "وهب لي ملكًا"، مهما عز
طلبك تذكر قدرة الله…

اذكرونا بمجالس فاطمة عليها السلام امانة🙏

القصيدة "للزهراء ع حال السيدة زينب ع
الشاعرة "فاطمة هاشم الحسيني
"""""""""""""":""""""""""":"""""""":"""""""":"""'""""""

اشبع من عطرها اليلة خليني
اموتن لو شلتها وانت تدريني


⊱━━⊰✾ياصاحب الزمان✾⊱━━⊰


خليني ارد اشمها واكعد انعاها
بيه شلون مااكدر بلياها
وسدني بحظنها ادفني وياها
هيه الشوف هيه وزهرة سنيني

اشبع من عطرها اليلة خليني
اموتن لو شلتها وانت تدريني


⊱━━⊰✾ياصاحب الزمان✾⊱━━⊰


ريض بالنعش وبصفي خليها
الدارتني شوكت جا كلي اداريها
عاد انحب و اونن وابجي اعليها
ماداريتها الجانت تداريني

اشبع من عطرها اليلة خليني
اموتن لو شلتها وانت تدريني



⊱━━⊰✾ياصاحب الزمان✾⊱━━⊰


بدليلي النار بويه ادخيل لهابة
ضلعها المنكسر ماطيب اصوابة
شيصح بأيدي والدمعات سجابة
ماتت والدمع ماواكف بعيني

اشبع من عطرها اليلة خليني
اموتن لو شلتها وانت تدريني


⊱━━⊰✾ياصاحب الزمان✾⊱━━⊰


دليلي ولا وكَف ياحيدر صياحة
بعد هيهات زينب تبقى مرتاحة
هظم لوعات عمري يخلص انياحة
مصايب من مصايب بوية تعميني


اشبع من عطرها اليلة خليني
اموتن لو شلتها وانت تدريني


⊱━━⊰✾ياصاحب الزمان✾⊱━━⊰


السطرها اعله الجفن توليني احفادة
الشتمها بكربلة عله حسيني يتمادة
منارة اعله الرمح ياخيرة السادة
ذبيح وعلرمح جن راسه يحميني

اشبع من عطرها اليلة خليني
اموتن لو شلتها وانت تدريني

#الشاعرة_فاطمة_هاشم_الحسيني

https://t.me/fatm_t4

القصيدة "لمولاتي فاطمة عليها السلام
الشاعرة " فاطمة هاشم الحسيني

=========================

غسلها بهداي يبويه الزهرة تتألم
لا يلجم الماي ضلعها الكله مهشم

امي مكسره اضلوع          خدها الطيبه مصفوع

غسلها بهدااااااي



⊱━━⊰✾ياصاحب الزمان✾⊱━━⊰


يبويه بهيده لا تلجم ضلعها
خاف الماي ليهيج وجعها
ميته وجن احس صبت دمعها
ثكَيله الباب والظالم دفعها
ولمن قاومت علخد صفعها
تصيح الغوث متشمت سمعها


من توكف اتطيح صفت من قوة الضربة
رد ليها بالسوط رجيم بلا رحم كَلبة

طكَها اعله الوجه حيل       منها المدمع يسيل

غسلها بهداااايي


⊱━━⊰✾ياصاحب الزمان✾⊱━━⊰


يمك قاومت واخفت حزنها
خسرت عافية وفكَدت ابنها
الجانت تحلم تشيله بحظنها
تفرهد حيلها وغمض جفنها
اثر لسياط  ما طيبة بمتنها
وحجاية وأن لسه بأذنها

تهظمها من كال عليها الباب ادفعوها
لو صاحت الغوث يبويه اهواي اشتموها


طاحت تنزف اجروح       ونها يعذب الروح

غسلها بهداااااي


⊱━━⊰✾ياصاحب الزمان✾⊱━━⊰

بعدهي ازغيره وبزهرة عمرها
وسافه اتنام من هسه بكَبرها
صدك شيطان متعمد سطرها
يزعل طه لو داري  بخبرها
زعجهم ونها لفراكَه وكدرها
بجتله ادموم واتطشر صبرها


من كَامت اتنوح لبوها وتذكر اسنينه
كالو يبو حسين تراها الزهره تاذينه


منعو ونها كل يوم       بيها الوادم تلوم

غسلها بهداااي



⊱━━⊰✾ياصاحب الزمان✾⊱━━⊰

يحكَك ينهدم حيلك عليها
سوده امن الضرب جفين اديها
البلسم جان لجروحك حجيها
ماتت وبهظم ضمت بجيها
تذب اتراب بجفوفك عليها
وادم حاربت بضعة نبيها


عد طه يدرون فقط بس هاي البنية
مو جانو اصحاب عجيبه اختلفت النية


عمدن حركو الدار       كلهم طلعو اشرار


غسلها بهدااااي


⊱━━⊰✾ياصاحب الزمان✾⊱━━⊰


تريد باليل للمظلم تزتها
وراها تموت لا ماتبطي بتها
وين تريد شبسرعه خذتها
اكعدي بداعتي بدمعه اندهتها
هاي النومه تهظم مو وكتها
ميته وحنت اعلينه شفتها


من صار الوداع شفتها فتحت ايديها
ولهاي الاملاك حزينه ونت اعليها


لمن صار الوداع         خلت حيلي بالكاع

غسلها بهدااااي

#الشاعرة_فاطمة_هاشم_الحسيني

https://t.me/fatm_t4

القصيدة "للوحشة بعد رحيل فاطمة ع
الشاعرة "فاطمة هاشم الحسيني
__

وحشه وحزينه الدار هاي المسية
خنكَة ودمع بالعين ماهي الزجية


⊱━━⊰✾ياصاحب الزمان✾⊱━━⊰


صار امن امس لليوم حالتنه حاله
حيدر علي مهدوم والون حلاله
والله احس مرات موته دناله
ياربي لو اجه الموت خذني ابداله

غير الدمع والنوح شيصح بدية


⊱━━⊰✾ياصاحب الزمان✾⊱━━⊰


الوحشه تكَظي الروح صعبه وثكَيلة
طفله وعمرها ازغير زينب نحيلة
كلش حزين حسين دمعه يسيلة
حيل الحسن مهظوم ذايب دليلة

كَالو يفضه شلون حدر الوطية


⊱━━⊰✾ياصاحب الزمان✾⊱━━⊰


ماتت يفضة شلون ننساها نكَدر
ابلايها ظلمة الدار صرنه انتحسر
ابجي وعليهم حيل كَلبي التفطر
فركَاها ابد موزين بعيوني اثر

دار النبوه اليوم منها خلية


⊱━━⊰✾ياصاحب الزمان✾⊱━━⊰


مشتاكَه للقرآن من عدها اسمعه
يقراه علي الكرار وبعينه دمعه
صوت ام حسن بالبيت شنهي اليرجعه
بلساني اردد دوم وينج يبضعه

روحي التحبج حيل حنت خطية


⊱━━⊰✾ياصاحب الزمان✾⊱━━⊰


تعاملني بالاحسان وتحب خدمها
ياروحي فدوه تروح كون الجدمها
هموم الوكت صعبات وانساها يمها
تعبانه وانهاريت من شفته دمها

صاحت فزعتج وين يافضه الية

#الشاعرة_فاطمة_هاشم_الحسيني

https://t.me/fatm_t4

قصيدة "للزهراء عليها السلام
الشاعرة "فاطمة هاشم الحسيني
______

ابجي لمصابج كل مااصد باب
يازهرة الهادي ماطاب الصواب


⊱━━⊰✾ياصاحب الزمان✾⊱━━⊰

ابجي لمصابج يفاطم خلي تعمه اعيوني
من اجو شر اعله دارج صحتي لتئذوني
انه بت احمد نبيكم ليش شتطلبوني
انه ليسميني بضعة خاف متعرفوني

للأسف عدوان ماطلعو اصحاب
ابجي لمصابج كل مااصد باب


⊱━━⊰✾ياصاحب الزمان✾⊱━━⊰

محجبة وسالت دمعتج خفتي ليئذونج
وسوس الشيطان ليهم صارو يكتلونج
صحتي يابويه اغثني وهمه ليسمعونج
الهجم صاحب وقاحة كلهم يضربونج


يم بابج اذيابه ومكشره الانياب
ابجي لمصابج كل مااصد باب


⊱━━⊰✾ياصاحب الزمان✾⊱━━⊰

ابلا شعور الباب هوه ويبجي احسه الحالج
عين للمحسن و وضعه وعين تربي اعيالج
رجفة من كسرة اضلوعج بينت بخيالج
من تبعتي الغالي حيدر قنفذ الردالج

خله العضد بالسوط من لون الاثياب
ابجي لمصابج كل مااصد باب


⊱━━⊰✾ياصاحب الزمان✾⊱━━⊰

واجهيتي اشخاص صلفه جذب جان ايمانها
جلمة الحكَ متعرفها ولا تمر بالسانها
خطبتج هزت المسجد وانقهر شيطانها
والسمة اتناطر اشاره اتغيرة الوانها


تتبدل النعمة لو رفعتي احجاب
ابجي لمصابج كل مااصد باب

⊱━━⊰✾ياصاحب الزمان✾⊱━━⊰

الله يدري شكد زعلتي ومنهم اتأذيتي
جم رواية تكَول متي بحسرتج مرضيتي
يتمو احباب طه وشكثر عانيتي
ماتريد الفركَه روحج بالجفن ونيتي

حتى الشهم حيدر من الحزن شاب
ابجي لمصابج كل مااصد باب


#الشاعرة_فاطمة_هاشم_الحسيني

https://t.me/fatm_t4

نعم هي جريمة ..《قتلو الزهره الزجيه 》
الشاعرة "فاطمة هاشم الحسيني

"""""""""""""""""""""""""""""""""

يامحمد قتلو الزهره الزجيه

يامحمد وره الباب اعظم رزيه

يامحمد والوصي اجتافه وصيه



⊱━━⊰✾ياصاحب الزمان✾⊱━━⊰


ميخونك علي اطباعه يعرفوها
وصيتك بلصبر ضده استغلوها
منها و قررو فاطم يقتلوها
بدون انذار باب الدار دفعوها



يامحمد خانو العشره الصحابه

يامحمد راحو البيتك عصابه

يامحمد عاملو بنتك سبيه


⊱━━⊰✾ياصاحب الزمان✾⊱━━⊰

حيدر بلوصيه مجتف اذراعه
كظم غيضه رغم ماكسرو اظلاعه
امر لله ورسوله ملتزم طاعه
بشرط ماتندبه فاطم بهل ساعه

يامحمد واعدك يصبر علينه

يامحمد بشرط ماتنخه الحنينه

يامحمد ذوله ماعدهم حميه


⊱━━⊰✾ياصاحب الزمان✾⊱━━⊰


من صابوها كَلب المرتضى اتكَطع
ذو الفقار يجري لحالهه المدمع
الزهره تصيح يافضه وعلي يسمع
تدري من تحشمه ولا عدل يرجع

يامحمد بكَلبه مو بلباب ناره

يامحمد منهظم حتى فقاره

يامحمد ضيعو حكَ الوفيه


⊱━━⊰✾ياصاحب الزمان✾⊱━━⊰


ابو الحسنين ياهو اليوصل الحده
الاف الجيوش تخاف من عنده
جبل ودموع فاطم كَدرت اتهده
حلال الشدايد واكَع بشده

يامحمد شدته جانت جبيره

يامحمد عبد يشتم اميره

يامحمد أطلعو شر البريه



⊱━━⊰✾ياصاحب الزمان✾⊱━━⊰



شيطان الأمر والثاني نفذله
وسفه يقدسونه البيه الف زله
ليحركَ دار طه شنهو من مله
ساجد للصنم جاب العمر كله

يامحمد هبل يجري وي دماهم
يمحمد كلشي ماينفع اوياهم
يامحمد همه اصل الجاهليه


⊱━━⊰✾ياصاحب الزمان✾⊱━━⊰


موش اصحاب جنهم يطلبونك دم
قتلو زهرتك وحسينك اتيتم
يحنون لهبل مابيهم الأسلم
شصار خلاف موتك وشحصل تعلم



يامحمد صبت ادموع الحسافه

يامحمد والله غايتهم خلافه

يامحمد صارو البيتك اذيه


#الشاعرة_فاطمة_هاشم_الحسيني

https://t.me/fatm_t4

القصيدة " الزهراء ع (عمت عيني عليهه )
الشاعرة "فاطمة هاشم الحسيني
...............................

عمت عيني عليهه الزهره مظلومه
خلف الباب ونت حيل مالومه


⊱━━⊰✾ياصاحب الزمان✾⊱━━⊰


عمت عيني عليها اجروحه اهوايه
فص العين من ناحت نشف مايه
الله يعين كلبك ياعلي بهايه

(مهشمينه ظلع ام حسين )


⊱━━⊰✾ياصاحب الزمان✾⊱━━⊰


مهشمينه ضلعهه شلون تحملهه
حكك من تنوح وعينك تهلهه
تره البسمار يوجع حيل علعلهه

(مأذيهه بسمار الباب )


⊱━━⊰✾ياصاحب الزمان✾⊱━━⊰


مو هينه تراهه الضربه جتاله
ونت من ألمهه العين هماله
كلب ام عون ذيج الساعه شحاله

(المهظومه وتعاين لمهه)


⊱━━⊰✾ياصاحب الزمان✾⊱━━⊰


ويلي شلون شافت امهه تتألم
صعبه اهواي هيج بسرعه تتيتم
ابلا امهه على الصدمات تتعلم

(يبجوهه بلطف اهواي)


⊱━━⊰✾ياصاحب الزمان✾⊱━━⊰


باجر بلطفوف تحير زينبهه
وكت اغروب بلحسرات تندبهه
ذبح حسين هد الحيل عذبهه

(مذبوحه زينبكم ضلت)


#الشاعرة_فاطمة_هاشم_الحسيني

https://t.me/fatm_t4

القصيدة "ارد ثارج بديه
الشاعرة"فاطمة هاشم الحسيني

""""""""""""""""""""""""""""""""""""""""""""""""""
وحكج يالزجية
ارد ثارج بدية

لجل عيناج ابجي اعداج اجيب النصر يم كبرج هديه


⊱━━⊰✾ياصاحب الزمان✾⊱━━⊰

وحكَ حسين الج ضعفين ارد الحكَ يعنوان الامامة
عله الاشرار اهدن نار اشوفهم يبت طه القيامة
اذل اعيون اليشوفون الج مرقد يفرح اهل الكرامة
ارد هيهات الج رايات اعلكَهن بدي لهل الخدامة

عليج اعيوني تربي واناطر امر ربي

الج مهموم اناطر يوم اصيح بصوت ثاراتج عليه

وحكج يالزجية
ارد ثارج بدية

لجل عيناج ابجي اعداج اجيب النصر يم كبرج هديه


⊱━━⊰✾ياصاحب الزمان✾⊱━━⊰


هظم مجروح اصبر الروح اعرفج فاطمة يسرج قيامي
انه الموعود اوفي اوعود اجيلج منشهر نصرا حسامي
يبت عدنان الج برهان اشيد كَبتج واذكر سلامي
مثل عباس اهد بحساس اروي اترابج الجفيني ضامي


اشيد كَبرج انه خدم يزهر مجانه

حشد احرار الج زوار ابد ماهابو اعيون المنيه

وحكج يالزجية
ارد ثارج بدية

لجل عيناج ابجي اعداج اجيب النصر يم كبرج هديه



⊱━━⊰✾ياصاحب الزمان✾⊱━━⊰


جرح للباب ابد ماطاب اسولف بيج واتذكر مصابج
يستر لله صعب انساه غيور وتنرخص روحي الحجابج
وعد مكتوب انه المهيوب اجيبه الثار موهين شبابج
يزهرة نور الج مذخور اخلي الحور فرحه تحني بابج

وحكَج يالشهيدة فرحتج مو بعيدة

تجيج اخبار اخذت الثار انه ابنج منتصر ها يالوفيه


وحكج يالزجية
ارد ثارج بدية

لجل عيناج ابجي اعداج اجيب النصر يم كبرج هديه



⊱━━⊰✾ياصاحب الزمان✾⊱━━⊰

الهظم ينزاح اعوض الراح اجيبن شيعتج باجر تزورج
الظلم خسران انه الربحان ابن راعي الشدد وبوجهي نورج
يبعد الحيل اضوي اليل اقدس كلمتج ويهمني شورج
امم تنهاب اكلها انعاب اجيت ومايضل علدنيه جورج

وحكَ نار الفجيعة ترد الاقصى شيعة

زلم شجعان اهل ميدان ابد مافرطو بيها القظيه

وحكج يالزجية
ارد ثارج بدية

لجل عيناج ابجي اعداج اجيب النصر يم كبرج هديه

#الشاعرة_فاطمة_هاشم_الحسيني

https://t.me/fatm_t4

القصيدة"الزهراء ع (زحمه يم هلا)
الشاعرة "فاطمة هاشم الحسيني

"""""""""""::""""""""""::"""""""""::"""""""::""""""""

زحمه يم هلا بيتج تعوفينه
مهجور ويون مترب تخلينه


⊱━━⊰✾ياصاحب الزمان✾⊱━━⊰


زحمه يم هلا بابج يسدوهه
جلمات الهلا والخير فكدوهه
خبزة عافيه امن ايدج يريدوهه

(رديله يابيتج ينحب )


⊱━━⊰✾ياصاحب الزمان✾⊱━━⊰


رديله تراه البيت يتهدم
هوه عله المحنه وعطرج معلم
حيطانه تون وسكَفه يتألم

(هم حزنانه حيطانه تون)


⊱━━⊰✾ياصاحب الزمان✾⊱━━⊰


من فركاج راح اولادج يموتون
كل غروب بلحسرات بس يبجون
كل امجان بيه ذكره الج يلكَون

(يشمونه عطرج بلبيت )


⊱━━⊰✾ياصاحب الزمان✾⊱━━⊰


ياعطر المحنه اليوم يردونج
ياكوثر قلب قران يدرونج
دنياهم طفت وي سدت اعيونج

( متعوبه والرؤح اخلافج)


⊱━━⊰✾ياصاحب الزمان✾⊱━━⊰


ولهانه عليج تريد الملاكه
يرؤح الروح والله الروح مشتاكه
تدرين العزيز يموت افراكه

(تدرينه يفراكج يكتل )

#الشاعرة_فاطمة_هاشم_الحسيني

https://t.me/fatm_t4

القصيدة " الزهراء ع {عفتي حسين}
الشاعرة "فاطمة هاشم الحسيني

"""""""::"""""::""""""""::"""""""::"""""""::"""""""::""""

عفتي حسين مهظوم دمعه يسولف اهموم

يم الباب مكسور


⊱━━⊰✾ياصاحب الزمان✾⊱━━⊰


عفتيه الولد وشكال كلبج
عد رجليج كاعد باله يمج
انه حسين كلج جاي اكلمج


كلج كلبي ملجوم عفتي حسين مهظوم


⊱━━⊰✾ياصاحب الزمان✾⊱━━⊰


كلالج ييمه فتحي عينج
حبيبج انه يمه بين ادينج
فدوه شبيج شو عالي ونينج


ليش بعينج دموم عفتي حسين مهظوم


⊱━━⊰✾ياصاحب الزمان✾⊱━━⊰


بلهفته لمن صرخلج يلحبيبه
شابكج ومعذب الدنيه نحيبه
هذا موقف واحد بكبره مصيبه


ازغير وحيله مهدوم عفتي حسين مهظوم


⊱━━⊰✾ياصاحب الزمان✾⊱━━⊰


راح اموت يصيح يمه كلميني
ليش مافزيتي وشعلوه ونيني
دمعي مايرحم ابد تعبلي عيني

بحركه ويبجي مالوم عفتي حسين مهظموم



⊱━━⊰✾ياصاحب الزمان✾⊱━━⊰


يمه طمنيني عليج شلونج
وليدج وكلي جرح من دونج
انه راحت عمري هاي عيونج

ثاري الراحه مدوم عفتي حسين مهظوم

#الشاعرة_فاطمة_هاشم_الحسيني

https://t.me/fatm_t4

القصيدة"الزهراء ع {يمه راسي ألماني }
الشاعرة "فاطمة هاشم الحسيني

...................

يمه راسي ألماني كعدي يازهرة زماني

بشيلتج شديه ليه
اقري بسم الله عليه

يمه راسي الماني


⊱━━⊰✾ياصاحب الزمان✾⊱━━⊰


الماني وداعتج يا يمه راسي
الم فركه ولا احمله اهوايه قاسي
الهوه الاشتمه بعدج بيه مآسي

بيه خنكه المغربيه
اقري بسم الله عليه

يمه راسي الماني


⊱━━⊰✾ياصاحب الزمان✾⊱━━⊰


الآخ ماتكمل قبل تنزل دمعتج
كلشي يخنكني واجي بلهفه الحجرتج
ياسلام الله على هيبة حضرتج

تاكل بكلبي الاذيه
اقري بسم الله عليه

يمه راسي الماني


⊱━━⊰✾ياصاحب الزمان✾⊱━━⊰


خلي ايدج فوك كلبي ارد اعيشن
نبضي ساكت لا يغرج من انوحن
يهون كلشي وذكرياتج مايهونن

احن للكعده سويه
اقري بسم الله عليه

يمه راسي الماني



⊱━━⊰✾ياصاحب الزمان✾⊱━━⊰


شعجب ماكلتي بقت بتي وحيده
ياحنانج والدفو يايمه اريده
جنت رغم الامي بس يمج سعيده

هسه دمعاتي جريه
اقري بسم الله عليه

يمه راسي الماني


⊱━━⊰✾ياصاحب الزمان✾⊱━━⊰


كبرج بيا جاه احلفه يردج النه
والله غربه نعيش بعدج بين اهلنه
وسفه نشتم الهوه وميت املنه

حالي ترهمله الخطيه
اقري بسم الله عليه

يمه راسي الماني

#الشاعرة_فاطمة_هاشم_الحسيني

https://t.me/fatm_t4

وبضلوعج رمح😥

القصيدة "للزهراء عليها السلام
الشاعرة "فاطمة هاشم الحسيني

""""::"""""::"""""""::"""""::""""::""""""::"""""""::"""""

فلا ناسين ضلعج والمصاب احنه
سبع فدوات كون الدمعتج رحنه



⊱━━⊰✾ياصاحب الزمان✾⊱━━⊰


فلا ناسين ضلعج والسده وحالج
كل ماشفنه باب نصير ننعالج
تمرد من هظمهم وسفه دلالج

مهظومه //حكَج من عدهم


⊱━━⊰✾ياصاحب الزمان✾⊱━━⊰


مهظومه عمت عيناي مهظومة
ياعمر الورد شو شلتي مالومة
علامات الزعل بالعين مرسومة

زعلانه //عل حركو بابج


⊱━━⊰✾ياصاحب الزمان✾⊱━━⊰


بعيونج زعل والروح تتألم
ودموعج حمر مبجاج جنه الدم
زينب ياوسافه شلون تتيتم

يحرموها //من عندج ليش


⊱━━⊰✾ياصاحب الزمان✾⊱━━⊰


حرمو طفلتج من حظنج الدافي
يامن شوفتج للعله اتشافي
ردي الطفلتج ماتحتمل كافي

تعبانه //من دون اعيونج


⊱━━⊰✾ياصاحب الزمان✾⊱━━⊰


جبيرة فركَتج وابنيتج ازغيرة
شوف اعيونها لمجانج اتديرة
بين اخوانها وفركَاتج ابحيرة

راعيها //والفركَه اتدولب

#الشاعرة_فاطمة_هاشم_الحسيني

https://t.me/fatm_t4

القصيدة "رقية ع (آه يالشام )
الشاعرة" فاطمة هاشم الحسيني

""""""::"""""::""""""::"""""::""""""""::"""""""""::"""""

آه يالشام بجيتي الحنينات
ماتت يارقية بالخربات


⊱━━⊰✾ياصاحب الزمان✾⊱━━⊰


آه يالشام اخذتي اليوم علوية
روح حسين هاي ومهجته هية
دار الكون بيها ولنها مسبية

عجيبة الكون من يدور دورات
آه يالشام بجيتي الحنينات


⊱━━⊰✾ياصاحب الزمان✾⊱━━⊰


ماتت بالخرايب طفلة عطشانة
من السوط ماضل حيل تعبانة
تناشد وين ابوها اعليه ولهانة

تناشد وين كَولن يامحبات
آه يالشام بجيتي الحنينات


⊱━━⊰✾ياصاحب الزمان✾⊱━━⊰


ياشام الجرح جتال شيضمدة
ذبلت بالخرايب ماتت الوردة
ابوها حسين ماتحمل ترة بعدة

تريد حسين بديار الغريبات
آه يالشام بجيتي الخريبات


⊱━━⊰✾ياصاحب الزمان✾⊱━━⊰


تريد حسين وين حسين ماجاها
ماشاف الشمر بالسوط طكَاها
ماشاف الدمع ذبلها عيناها

مصابة الصار هزاها السماوات
آه يالشام بجيتي الحنينات


⊱━━⊰✾ياصاحب الزمان✾⊱━━⊰


مصاب الصار خلة بالكَلب حسرة
طفلة والهظم جتال متكَدرة
ماتت شوكَ وبدلالها العبرة

غايب وين يزماط العفيفات
آه يالشام بجيتي الحنينات

#الشاعرة_فاطمة_هاشم_الحسيني

https://t.me/fatm_t4

القصيدة "الزهراء ع (ماطبت الحجرتهه)
الشاعرة "فاطمة هاشم الحسيني

""""""""::""""""::"""""::""""""":::"""""""":::""""""

صار اهواي ماطبت الحجرتهه
لا قران نسمع لا حجايتهه


⊱━━⊰✾ياصاحب الزمان✾⊱━━⊰

صار اهواي ماهيه الحنينه
عليهه الدار ملهوفه وحزينه
تون اعليهه من تسمع بواجينه

الدار اويانه هم مشتاكه رادتهه


⊱━━⊰✾ياصاحب الزمان✾⊱━━⊰


عمت عيني عليهه شالت بسرعه
من غبشه جنت قرآنهه اسمعه
هسه مكابله الحيطان بس انعه

وين الزاجيه الجتاله فركتهه


⊱━━⊰✾ياصاحب الزمان✾⊱━━⊰


وين الزاجيه التنكط محنيه
عافتني اونن حيل مابيه
شالت ياحسافه و طالت الجيه

ام الخير هل كطعت بجيتهه


⊱━━⊰✾ياصاحب الزمان✾⊱━━⊰


كطعت ماتجيني النوب ياحسره
افز بليل واصرخ يمه يازهره
ليش ام المحنه كاطعه المره

بتج من هظمهه تزيد ونتهه


⊱━━⊰✾ياصاحب الزمان✾⊱━━⊰


صار بعيد ياهيهات الملاكه
تهد اجبال بتج حيل مشتاكه
يوجه العافيه الماتكدر افراكه

رادت ريحتج والشيله شمتهه

#الشاعرة_فاطمة_هاشم_الحسيني

https://t.me/fatm_t4

القصيدة "الزهره ع (لحبيبه ماهيه)
الشاعرة"فاطمة هاشم الحسيني
""""""":::""""""::""""""::"""""::""""""::"""""::""""""

عليهه اتراب ام حسين ماهيه
ونن ياحبايب عافت ابنيه


⊱━━⊰✾ياصاحب الزمان✾⊱━━⊰


ونن ياحبايب لطمن بحركه
احبيبتجن مشت ومتونهه زركه
نامت بلترب وبعينهه طكه

(لطاريهه سون ميدان )


⊱━━⊰✾ياصاحب الزمان✾⊱━━⊰


جينه الفاتحتهه نلطم بهوسه
هاي ام الحسن حنيه متروسه
هظمه بلكلب لليوم محبوسه


(يهظموهه شمسويه الزهره)


⊱━━⊰✾ياصاحب الزمان✾⊱━━⊰


التمن ياحبايب لطمن اعليهه
هايه ام المحنه الشفجه ندريهه
يرد الرؤح كد ماترف طاريهه

(اشتاكينه ياكون تعود )


⊱━━⊰✾ياصاحب الزمان✾⊱━━⊰


شتاكينه الحجيهه وذاك ملكاهه
جنهه العافيه ويلي فكدناهه
اشلون تنام واحنه شلون ننساهه

(يختمونه مجلسهه بهوسه)


⊱━━⊰✾ياصاحب الزمان✾⊱━━⊰

ختمنه الفاتحه للفلة العشره
وكفه من لطمنه والحزن يقره
الدنيه اخلاف عينج تخنك ومره

(موزينه والدنيه اخلافج )

#الشاعرة_فاطمة_هاشم_الحسيني

https://t.me/fatm_t4

القصيدة "الحسين ع (كلشي ولا بناتي)
الشاعرة " فاطمة هاشم الحسيني

""""""":::""""""::""":::"""""""::"""""""::""""""::""""""

كلشي ولا بناتي اغله من حياتي

ياسهم المنية ادنه بس الية

كلشي ولا بناتي



⊱━━⊰✾ياصاحب الزمان✾⊱━━⊰



كلشي ولا بناتي اعزاز عندي
وين الخيل خل تسحكَلي جبدي
عساهن سالمات انسحكَ وحدي

ذني مدللاتي كلشي ولا بناتي


⊱━━⊰✾ياصاحب الزمان✾⊱━━⊰


عزيزات الكَلب خوفي عليهن
نقطة ضعفي من اسمع بجيهن
ترد العافية بريحة عبيهن

نسخة من خواتي كلشي ولا بناتي


⊱━━⊰✾ياصاحب الزمان✾⊱━━⊰


مابين الحوافر روحي يمهن
وين يروحن وحركو خيمهن
مسحوكَ الكَلب جا وين اضمهن

لحد ساعة مماتي كلشي ولا بناتي



⊱━━⊰✾ياصاحب الزمان✾⊱━━⊰



افكر بيهن ومشدوه بالي
حنين وينهظم كَدامه غالي
اسمع بس بجي وصياح عالي

ذبحوها امنياتي كلشي ولا بناتي


⊱━━⊰✾ياصاحب الزمان✾⊱━━⊰


خرز ياقوت طشن بالصحاري
بكَد ادموعهن ضل دمعي جاري
طفت نار الخيم وبكَلبي ناري

المحنه من صفاتي كلشي ولا بناتي

#الشاعرة_فاطمة_هاشم_الحسيني

https://t.me/fatm_t4