فاضل عباس الخزاعي

شوط كربلائي للامام الكاظم عليه السلام

مسموم بسجن هارون … سليل الزهره ابن جعفر
عليه امگدر او مكتوب … او مامش حل لِلِمْگدر
:
:
على الكاظم بچه الصوبين .. او يبجي الغربته دجله
غريب او ميّت او مچتوف .. او ما حضرت تشيعه اهله
مصيبها الها ينوح الكون .. او ينوح الها رسول الله

حگ لو تنعمي العينين
هالميّت حفيد احسين
وحيد او كل هَله ابعيدين


جبير الشان ابو الشارات .. جثته اعله الجسر تُشمَر !
:
:
جانت شيعته تتناه .. الفرج كاللهم الجمعة
منتظرين ذاك اليوم .. بس بگلوب منفجعه
لن الصايح امن ابعيد .. ميّت موسى يا ربعه

ميّت خير كل الناس
يا شيعة الطموا الراس
راح الما اله مقياس

عزيز الزهره ابو الضامن .. امصابه للصخر فسّر
:
:
صاحت كل اهل بغداد.. آه يا موسى ومصابه
ركضت للجسر حفاي.. الشيعة بعين سچابه
امام الرافضة مجتول .. او نار الگلب لهّابه

بالتابوت ومگيّد
هاي امصيبة ما تبرد
حگه الشيعي من ينْهد

امامه الميّت المظلوم .. السادس من ولد حيدر
:
:
التمت شيعته تنعاه .. السده مو هيّن اعليهم
يم راسه او يحاچونه .. لاچن ما يحاچيهم
بعد فرگه او غياب اشلون .. بتابوته يرد ليهم

مات الجان عزوتهم
شيهودها دمعتهم
حيف الوكت شتتهم

اشيخيطها الجروج اثكال .. البين بموسى هالسدّر
:
:
شالوا نعشه فوك الروس .. للطيّب تجي الوادم
لاجن عالجنازة اصياح .. مامش من بني هاشم
مكتبوب الهم ايموتون .. بالغربة ولد فاطم

غربتهم تهد الحيل
من السم لسحگ الخيل
عمرهم صار ويل ابويل


شلعان الگلب مكتوب .. عليهم عونة المضطر
:
:
يصاحب ثار هاشم وين .. او يمتى اتطالب بهالثار
كضوا بالغربة عدنانك .. عليهم كل ألم يندار
صيح ابثار ابن جعفر .. مو هيّن عليهه الصار

صيح ابثاره وبثارك
جرّد كوم فقارك
خل ايشب لهب نارك

يآخر سيف يل موعود … يمن للغانمة امگدّر
:
:
فاضل عباس الخزاعي

https://t.me/fadlkuzay

"الزيارة الرجبية"
:
اين الرجبيون

نادى المنادي في رجب
زوروا الامام المنتجب
حقّهْ وَهذا الحق وَجَب .. موسى بن جعفر .. موسى بن جعفر

محلاته والله اليكصد الحضره
يسعد گلبها فاطمة الزهره
هاي السعادة الباقية … او روحه تنول العالية
او يتطيّب بعطر النبي عطره

ناديله اجيت بدمعتي .. بجفوفي شايل حاجتي
يا مَن لكَ التفويض.. او بس عندك التعويض
من النار فكلي ركبتي
:
:
اين الرجبيون

كل اليجون المشهده
يسكيهم الحب والنده
ينجز لهم كل موعده .. موسى بن جعفر .. موسى بن جعفر

دار المُقامة والخلد داره
بالجنة صگ ينطيها زواره
بالكاظمية الضي بده.. بكلوب گصاده حده
مو مثل نيران العشك ناره

ما رده خالي اليسأله .. ويفوز بالحب آمله
تشهد اله بغداد .. بابه اسمه باب امراد
اليتعنه ليه ايدلـله
:
:
اين الرجبيون

الرادوا يفوزون بْعدن
هبّوا لموسى المؤتمن
يم بابه تنحل المحن .. موسى بن جعفر.. موسى بن جعفر

الطيّب وابن طيّب سليل الضي
الميّت يجيله او منه يرجع حي
تتشرف اتزوره الملَك .. الما حبه معناته هلك
عيش بغرامه او لا يغرّك رَي

باب المراد او مصدره .. من نور ربه صوّره
ابيت امه اجه التنزيل .. وصاحبُ التأويل
فردوس حبه او مفخره
:
:
اين الرجبيون

هذا رحيق الحيدري
اليصنع غيور او كوثري
الزاير يرد منه ثري .. موسى بن جعفر .. موسى بن جعفر

عالي البخت والشارة عنوانه
حاشى العقل يدرك علو شانه
هوّ النسيم العلوي .. او نور الجلال الرضوي
لجله او لَأَهله الباري سوّانه

من فضله هالدين اكتمل .. وراث علي خير العمل
ذا سابع الاقمار .. وَمَعْدن الابرار
لفظ اسمه احلى امن العسل
:
:
اين الرجبيون

يل سامع امنادي الفرج
يل زاير اكصد للحجج
يكشف الك كل اللجج .. موسى بن جعفر .. موسى بن حعفر


گِلّه أمْنية دلالي تدبيرك
رايد ارد بس ممتلي ابخيرك
يا ريت مو آخر عهد … ارد ارجع الحضره بعد
ما ريد اصد لو اعتني الغيرك


ديني ودين امي الك .. عشنه بخدامة كل هِلَك
يمأمن انت الطير .. تارسنه حب او خير
وتخدمك اصناف الملَك
:
:
فاضل عباس الخزاعي

https://t.me/fadlkuzay

يهاشم هاي زينبكم تشيعوها
اجنازتها ياهلها كوموا شيلوها
فوك امتونكم يالسادة خلوها

عمتكم يساده .. كوموا شيعوها
:
:
بفاتحتج يزينب كون نعمي اعيون
يام عون بلطمنه انريد منج عون
نهدلها عليج امتون بعد امتون

نيشان بوجهنه .. انسوي الج زينب
:
:
ماتت بالغرب وديار ما تنراد
واعزاز الاهل عن العقيله ابعاد
لطم الوجه للحره يصير اضماد

ماتت بالخرايب .. عمة السادة
:

نعش الحره هذا ايريد اله شيال
وين العنده غيره اليفرغ بهالحال
تراهي اجروح اخت ذاك الكفيل اثگال

ايريد شياله .. نعش اخت ابو فاضل
:

يخدام العقيلة اتريد فزعتكم
والتابوتها شيّاله رادتكم
تدريكم تحبّوها او تنختكم


مطروحه الجنازة .. اتريد اهاليها

https://t.me/fadlkuzay

هاي زينب رجعت المثواها
بالاحضان الزهره تتلكاها
:
:
غَمّضتْها العين من عگب المحن
لاجن اجروح المصايب ما هدن
زينب او امها المسه يتناشدن
عاللي صار ابزينب او ولياها
:
:
تروي زينب للزچية اللي جره
شلون ابنها احسين كطعوا منحره
اشلون اجت للشام بعده اميسره
اشلون ذباح الاخو سبّاها
:
:
امصاب لجله الكون رج او ارتعد
من على صدر الولي الطاغي كعد
شتحچي بله من مصايبها بعد
ما نصف بيها الوكت واذّاها
:
:
شتحجي عن ساعة وكع بيها الگمر
حين ظهر احسين عالخوّه انكسر
او صاح زينب راح اخونه اعله النهر
هاي زينب والدهر شلّاها
:
:
تحجي لامها اشلون رَكْبوها الهزل
شلون اديها ربّطوها بالحبل
اشلون بالسوگ اوكفت بت النفل
الله اكبر عالسده وياها
:
:
ماتت او ما مات جرح العايله
بالگبر تعنى مصايب كربلا
اشلون تكدر تنسى عملة حرمله
للترايب بالنعي وداها
:
:
فاضل عباس الخزاعي

https://t.me/fadlkuzay

https://youtu.be/Pl1GK9j5Sig?si=pfywqApMHIHLj7bH

فاطمة يافاطمة
فاطمة يا فاطمة

:
بليل نعش الزهره شاله المرتضى
ويه دمعة عينه يهتز الفضا
هذا حكم الله او رضا بهذا القضا
لجن حيله انهدم حماي الحمه
:
:
‏حيدر بهذا المسه فاگد وطن
داحي باب وگلبه بالباب انطحن
ما رحمهم آل هاشم هالزمن
امصيبة الزهرة ثجيله او مؤلمه
:
:
‏بيده شايل للگبر أجمل ضوه
راحت الجانت اله ماي او دوه
وأخذت وياها ضحكته والهوه
وي علي الكرار تنعى ارض او سمه
:
:
‏شله حيدر بعد و الله بالعمر
او هوّ دافن عمره بتراب الگبر
الله يعينه شلون ظل عنده صبر
اشلون ظل بعينه نور او ما عمه
:
:
زهرة ايامه التجبّر خاطره
او حيل جانت بالشداد الحيدره
سافرت والملتقى بالاخره
الحيد حيدر فَكِد فاطم هدّمه
:
:
دنيا ما خلت لابو زينب حبيب
ظل عكب فاطمته بالدنيا غريب
مشت عنه الجانت الجرحه طبيب
دنيا عكب الزهره كلش مظلمه
:
:
روح ابو الحسنين ضماها الترُب
عُجبه ظل عد حيدره ينبض گلب
عكب فاطم مُر صبح ماي الشرُب
جرح حيدر صعب واحد يفهمه
:
:
فاضل عباس الخزاعي

https://t.me/fadlkuzay

تضمين لقصيدة السيد حيدر الحلي رحمه الله "الله يا حامي الشريعة"
وجعلها للسيدة الزهراء صلوات الله عليها


الله يا حامي الشريعة .. الله يا حامي الشريعة

مهدينا فمتى تَجيءُ مُجبّراً ضلع الشفعية
"مات التصبر بانتظارك ايها المحيي الشريعة"
مكسورةٌ مقهورةٌ منهدة الركنِ الوديعة
"ماذا يهيجك إن صـــبرت لوقعـــة "الدار" الفظيعة"


فوق الزكيةِ بابها بِكَفِ العداة رموا جذوعه
حيث "البتول" على الثرى "والصدر قد طحنوا " ضلوعه"
يوم اغتيال النور ما جاءت مثيلتهُ فجيعة
"كم ذا القعود ودينكم هدمت قواعده الرفيعة "

قتلوا حبيبةَ أحمدٍ في فعلةٍ عظمى شنيعة
"فانهض فما أبقى التحمل غير أحشاء جزوعه"
هتكوا لبيت الوحيّ والانوار "حرمته المنيعة "
"فاشحذ شظا عصب له الأرواح مذعنة مطيعه"


مثل البتولة فاطم أتطولها كفّ القطيعة ؟!
"أين الذريعة لا قرار على العدا أين الذريعه"
قتلوا أصول الدين في اسقاط حاضنة الشريعة
" "قُتلت" وما" قُتلت" محامد عزها الغرّ البديعة"

مصفوعةٌ بنت الهدى " أتَقر وهي كذا مورعة "
"بك تستغيث وقلبها لك عن جوى يشكو صدوعه"
لليوم يابن المصطفى بالآه فاطمةٌ صريعة
" قد مزقت ثوب الأسى وشكت لواصلها القطيعة"

يا مدرك الثارات قم واطلب بثارات الوديعة
"فالسيف إنَّ به شفاء قُلوبِ شيعتك الوجيعة"
انهض بعزم المرتضى واركب ببارقةٍ سريعة
"لا ينجعُ الإِمهال بالعاتي فقم وأرق نجيعه"
:
:
فاضل عباس الخزاعي

https://t.me/fadlkuzay

https://youtu.be/PgAJ6LF1hs0?si=I22qGgtgK06V3dMI

https://youtu.be/f5B1QFa65Lg?si=P4PrlhiJrnwFC98W

https://youtu.be/GXmWskT27ug?si=AipUqr4ZKxbxv-TZ

https://youtu.be/3WtY_RexeNg?si=Z6L7XmvykKox3uK8

يا رسول الحب .. مولانا
الباري لعيونك .. سوانا
ما تحد عطفك .. هالدينا
ربنه حط بيدك .. ميزانه


يا خالق الدمعة .. للحسين
جيت ابدمعتي اسعى .. والونين
طهرني واحركني .. للخيام
عندي البجي والون .. خيرُ دِين


من عطفك .. البجي من عطفك .. اخذني ابجفك .. يا رسول الله
بس نظره .. بحق الزهره.. دليلي اتطهره .. يا رسول الله
:
:
بؤبؤ الدينا .. والمحور
يا نبع صافي .. يا كوثر
يا ابو الزهره .. شيوصفك
الذِكَر لفظ اسمك .. يتطهر


لوحة جمال او حب .. بالوجود
يل ما تحد فضلك .. كل حدود
أطهر واعلى ما يُخلق .. كل زمان
يا دوحة الرحمة .. اعليه جود


لفظ اسمك .. يطهرنه اسمك .. عظيم ابرسمك .. يا رسول الله
من خيرك .. ترسنه خيرك .. الرزق تدبيرك .. يا رسول الله
:
:
بسملة الحيدر .. جان اسمك
كل نبي ياخذ .. من علمك
بس علي او ربه .. اللي ايعرفك
يا رسول الله .. شِيْفِهْمَك


فوق العقل وصفك.. يا عظيم
من ايدك او فضلك .. هالنعيم
من نورك انصاغت .. هالسماء
ذو القدرة والحكمة .. والرحيم


سلطانك .. اشعظم سلطانك … عظيم ابشانك .. يا رسول الله
ما تنحد .. ابد ما تنحد .. او الهك يشهد .. يا رسول الله
:
:
يل ترب جدمك .. نوراني
نبض دلالك .. رباني
نورك الباقي .. ما يطفه
ذكرك الاقدس .. احياني

حرز الامان اسمك .. والجمال
اكساك باريّك .. بالجلال
يا مصدر الحكمة .. والضياء
بگلوبنه ترنيمك .. لا يزال


ما مثلك .. بشر ما مثلك .. اليضدك يهلك .. يا رسول الله
خَدامك .. الوحي خدامك .. طوال ايامك .. يا رسو ل الله
:
:
يا نبي الرحمة .. والعالي
ماكو ابد مثلك .. كل غالي
سيّد العالم .. والقاضي
وحدك التسكن .. دلالي

نور السمه الاوحد .. والفريد
يل اسمك الباقي .. ما يبيد
سنيت دين الحك .. بالوجود
طول الدهر دينك .. ظل جديد


لا تدرك .. ابد ما تُدرك .. جبير بسرّك .. يا رسول الله
من فاطم .. ابوها الفاطم .. رؤوف او راحم .. يا رسول الله
:
:
فاضل عباس الخزاعي

https://t.me/fadlkuzay

https://youtu.be/tponsg5EYto?si=NcdG9X8CNtYClngi

الايات القرانية المشار اليها في القصيدة

#المستهل

"أَمْ حَسِبْتَ أَنَّ أَصْحابَ الْكَهْفِ وَ الرَّقِيمِ كانُوا مِنْ آياتِنا عَجَباً" الكهف ٩

#البيت_الاول

"السَّابِقُونَ السَّابِقُونَ @ أُولئِكَ الْمُقَرَّبُونَ" الواقعة ٩-١٠

"إِنَّ الَّذِينَ آمَنُوا وَ عَمِلُوا الصَّالِحاتِ لَهُمْ جَنَّاتٌ تَجْرِي مِنْ تَحْتِهَا الْأَنْهارُ ذلِكَ الْفَوْزُ الْكَبِيرُ" البروج ١١

"فَلَمَّا أَتاها نُودِيَ مِنْ شاطِئِ الْوادِ الْأَيْمَنِ فِي الْبُقْعَةِ الْمُبارَكَةِ مِنَ الشَّجَرَةِ أَنْ يا مُوسى‏ إِنِّي أَنَا اللَّـهُ رَبُّ الْعالَمِينَ "القصص٣٠

"وَ عِبادُ الرَّحْمنِ الَّذِينَ يَمْشُونَ عَلَى الْأَرْضِ هَوْناً وَ إِذا خاطَبَهُمُ الْجاهِلُونَ قالُوا سَلاماً" الفرقان٦٣

"مِنَ الْمُؤْمِنِينَ رِجالٌ صَدَقُوا ما عاهَدُوا اللَّـهَ عَلَيْهِ فَمِنْهُمْ مَنْ قَضى‏ نَحْبَهُ وَ مِنْهُمْ مَنْ يَنْتَظِرُ وَ ما بَدَّلُوا تَبْدِيلاً" الاحزاب
٢٣

#البيت_الثاني

"لا يَسْمَعُونَ فِيها لَغْواً إِلاَّ سَلاماً وَ لَهُمْ رِزْقُهُمْ فِيها بُكْرَةً وَ عَشِيًّا" مريم ٦٢

"وَ سِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَراً حَتَّى إِذا جاؤُها وَ فُتِحَتْ أَبْوابُها وَ قالَ لَهُمْ خَزَنَتُها سَلامٌ عَلَيْكُمْ طِبْتُمْ فَادْخُلُوها خالِدِينَ" الزمر ٧٣

"فَأَنْشَأْنا لَكُمْ بِهِ جَنَّاتٍ مِنْ نَخِيلٍ وَ أَعْنابٍ لَكُمْ فِيها فَواكِهُ كَثِيرَةٌ وَ مِنْها تَأْكُلُونَ" المؤمنين ١٩

"ادْخُلُوها بِسَلامٍ آمِنِينَ" الحجر ٤٦

"وَ أَذِّنْ فِي النَّاسِ بِالْحَجِّ يَأْتُوكَ رِجالاً وَ عَلى‏ كُلِّ ضامِرٍ يَأْتِينَ مِنْ كُلِّ فَجٍّ عَمِيقٍ" الحج ٢٧

"وَ مَنْ يَتَوَلَّ اللَّـهَ وَ رَسُولَهُ وَ الَّذِينَ آمَنُوا فَإِنَّ حِزْبَ اللَّـهِ هُمُ الْغالِبُونَ" المائدة ٥٦

"وَ أُولئِكَ هُمْ أُولُوا الْأَلْباب" الزمر ١٨

"وَ أَمَّا مَنْ آمَنَ وَ عَمِلَ صالِحاً فَلَهُ جَزاءً الْحُسْنى‏ وَ سَنَقُولُ لَهُ مِنْ أَمْرِنا يُسْراً" الكهف ٨٨

#البيت_الثالث

"إِنَّ الَّذِينَ آمنوا والَّذِينَ هاجَرُوا وَ جاهَدُوا فِي سَبِيلِ اللَّـهِ أُولئِكَ يَرْجُونَ رَحْمَتَ اللَّـهِ وَ اللَّـهُ غَفُورٌ رَحِيمٌ" البقرة ٢١٨

" الَّذِينَ أُخْرِجُوا مِنْ دِيارِهِمْ وَ أَمْوالِهِمْ يَبْتَغُونَ فَضْلاً مِنَ اللَّـهِ وَ رِضْواناً وَ يَنْصُرُونَ اللَّـهَ وَ رَسُولَهُ أُولئِكَ هُمُ الصَّادِقُونَ" الحشر ٨

" أُولئِكَ عَلَيْهِمْ صَلَواتٌ مِنْ رَبِّهِمْ وَ رَحْمَةٌ وَ أُولئِكَ هُمُ الْمُهْتَدُونَ" البقرة ١٥٧

" وَ إِنْ تَعُدُّوا نِعْمَةَ اللَّـهِ لا تُحْصُوها إِنَّ اللَّـهَ لَغَفُورٌ رَحِيمٌ" النحل ١٨

"وَ لكِنْ يُرِيدُ لِيُطَهِّرَكُمْ وَ لِيُتِمَّ نِعْمَتَهُ عَلَيْكُمْ لَعَلَّكُمْ تَشْكُرُونَ" المائدة ٦

" قالُوا يا قَوْمَنا إِنَّا سَمِعْنا كِتاباً أُنْزِلَ مِنْ بَعْدِ مُوسى‏ مُصَدِّقاً لِما بَيْنَ يَدَيْهِ يَهْدِي إِلَى الْحَقِّ وَ إِلى‏ طَرِيقٍ مُسْتَقِيمٍ" الاحقاف ٣٠

" بِسْمِ اللَّـهِ الرَّحْمنِ الرَّحِيمِ‏ إِذا جاءَ نَصْرُ اللَّـهِ وَ الْفَتْحُ" الفتح ١

"وَ الْمُوفُونَ بِعَهْدِهِمْ إِذا عاهَدُوا وَ الصَّابِرِينَ فِي الْبَأْساءِ وَ الضَّرَّاءِ وَ حِينَ الْبَأْسِ أُولئِكَ الَّذِينَ صَدَقُوا وَ أُولئِكَ هُمُ الْمُتَّقُونَ" البقرة ١٧٧

#البيت_الرابع

"جَنَّاتُ عَدْنٍ يَدْخُلُونَها تَجْرِي مِنْ تَحْتِهَا الْأَنْهارُ لَهُمْ فِيها ما يَشاؤُنَ كَذلِكَ يَجْزِي اللَّـهُ الْمُتَّقِينَ" النحل ٣١

"وَ لا خَوْفٌ عَلَيْهِمْ وَ لا هُمْ يَحْزَنُونَ" البقرة٢٦٢

"وَ لا تَهِنُوا وَ لا تَحْزَنُوا وَ أَنْتُمُ الْأَعْلَوْنَ إِنْ كُنْتُمْ مُؤْمِنِينَ"ال عمران ١٣٩

#البيت_الخامس

"وَ عَمِلَ صالِحاً فَأُولئِكَ لَهُمْ جَزاءُ الضِّعْفِ بِما عَمِلُوا وَ هُمْ فِي الْغُرُفاتِ آمِنُونَ" سبإ ٣٧

"وَ يَلْبَسُونَ ثِياباً خُضْراً" الكهف ٣١

"إِنَّ الَّذِينَ يَتْلُونَ كِتابَ اللَّـهِ وَ أَقامُوا الصَّلاةَ وَ أَنْفَقُوا مِمَّا رَزَقْناهُمْ سِرًّا وَ عَلانِيَةً يَرْجُونَ تِجارَةً لَنْ تَبُورَ" فاطر ٢٩

"وَ يُسارِعُونَ فِي الْخَيْراتِ وَ أُولئِكَ مِنَ الصَّالِحِينَ" ال
عمران ١١٤

"لا يَحْزُنُهُمُ الْفَزَعُ الْأَكْبَرُ وَ تَتَلَقَّاهُمُ الْمَلائِكَةُ هذا يَوْمُكُمُ الَّذِي كُنْتُمْ تُوعَدُونَ" الانبياء١٠٣

"هَلْ جَزاءُ الْإِحْسانِ إِلاَّ الْإِحْسانُ" الرحمن ٦٠

إن زوار الحسينْ .. كانوا .. من آياته عجبا
:
:
"السابقون السابقون" .. الى الحسين
" أولئك المقربون "… مِن الحسين
وفي جنانِ الزهرا مخلدون

الزيارة "ذلك الفوز الكبير"
الى" البُقعة المباركة" المسير
جنان الله في هذا الوجود
عليها ابن الزجية اصبح امير


"عباد الرحمن ".. اجت مشاية
يزورون احسين .. زلم وفاية
" رجالٌ صدقوا" .. الگلب والنية
على اسم العباس .. ترف الراية
:
:
"لا لَغْوَ" في هذا الطريق .. بحب الحسين
وفيه جبريلٌ رفيق .. بحب الحسين
المشايه درع اليبعد لظى الحريق


و "سيْقَ "اللي مَشِوا الجنة الحسين
ونودوا "إدخلوها خالدين "
"لكم فيها "رضه الزهره البتول
سلام الله عليكم "آمنين "

فـ"من كلِّ فَج ".. مشي للحضره
وهم" حزب الله" .. رجال العتره
"اولو الالبابِ ". اجوا بالمدمع
"جزاءَ الحسنى" .. نعيم الزهره
:
:
"إن الذين آمنُوا ".. بحب الحسين
"والذين أُخْرجُوا" .. بحب الحسين
"عَليهم صَلواتٌ "بما آمنوا

"فلا تحصوها نعمة هالدرب"
"يطهِّرْكم" تره او يجلي الگلب
"طريقٌ مستقيمٌ" للحسين
محال ايكون مثله والله حُب

فذا" نصر الله .. وَفتْحٌ أكبر"
تجي ابدربه افواج .. برعاية حيدر
و"موفونَ العهدِ" .. لروح الزهره
اليجيه مشايه.. ذنوبه تُغفر
:
:
"جناتُ عدنٍ يدخلون" .. بحب الحسين
"لا خوف لا هم يحزنون" .. بحب الحسين
بجف الكفالة للجنة يُحضرون


"همُ الاعلون "والنور الجميل
يمشون بحمه او راية كفيل
عليهم صلى رب العاديات
او تصيح احسين دكّات الدليل

مسير الانوار .. لارض الرحمة
منازل للخير .. او محط للنعمة
المشي ما تنحد .. فضل خطواته
محال اتوصفه .. او تحده الكلمة
:
:

"في غُرِفاتٍ آمنون ".. بحب الحسين
"ثياباً خُضرَ يَلبسون ".. بحب الحسين
يفدون ابو اليمه المال والبنون

منِّ البحْرِ للنحر الزيارة
"تجارة او لن تبورُ هالتجارة "
"يسارعون في الخيْرات "دوما
ربح هاي السچة ما بيها خسارة


مشي للعلياء .. يروح الزاير
مصب للخيرات .. هذاك الحائر
فـ"هذا يومكُمُ .. الذي توعدون "
"جزاء الاحسان ".. ورزقٌ وافر
:
:
فاضل عباس الخزاعي

https://t.me/fadlkuzay

يا هلي ..
كلشي اختلف ليل اهدعش
من الاميره للهزل
معقوله بت حيدر علي
مشدوده اديها بالحبل


ليل او موت .. او مامش صوت .. كافلي
بذاك الليل .. مات الحيل .. يا هلي

لا رفت علم .. لا ظلت خيم .. للفاطمية
لا جف هاشمي .. للحره ايحمي .. بذيج المسية

ما يتوصف المصاب
خوف او دمه او عذاب
واحسين عالتراب
:
:
كربلا
ما رحمت بدلالي ابد
ذبحت هلي بعد العطش
والصار ما صار ابشر
جسم الاخو بخيل انفرش


ظل احسين .. نور العين .. عالترب
ياهل الراي .. يحمل هاي .. يا گلب

من شفت المهر .. رد او منكسر .. وبلايه والي
حيل اتحيرت .. من عدها اعرفت .. ما ظلي غالي


ابن امي ظل طريح
فوك الرمل ذبيح
او بسمه الگلب يصيح
:
:
منكسر
ظهري على افراك الأهل
بذاك المسه گلبي انفطر
محتاره الم العايله
لو روحن الصوب النهر


بهاي اشلون .. تبقى اعيون .. ناظره
اصياح اطفال .. والكفال .. انطره


تنزل دمعتي .. ما عندي اخوتي .. وانه العقيلة
ليل بنص غرب .. شيصير الگلب .. ابلايه كفيله


انشد على الكفيل
ودموعي دم تسيل
وتوجّر الدليل
:
:
غربتي
بذاك المسه ما تنوصف
حرمه وحيده بلا ولي
محيوطه بعيون العده
يا عازته الظيغم علي


والخوان .. بالوديان .. املسبه
بنص شمات … والدمعات .. ساچبه


ابن امي المنذبح .. راسه اعله الرمح .. هاي العجيبة
اعياله اتشاهده .. بجفوف العده .. اشعظم المصيبة


يا ضيمي عاللي صار
تتفرهد الزغار
او تحركها وسفه نار
:
:
محترك
گلبي مثل حرك الخيم
والحومة متروسه رعب
جم طفل بالهيمه انسحك
لو ضيعت عينه الدرب


خيل او نار .. او هاي ازغار .. بالفلا
حكها الروح .. مني اتروح .. بكربلا


مكتوب السبي .. لعيال النبي .. ها يالهواشم
وسفه الاجنبي .. عكب الطالبي .. يحدي الفواطم


جرح الگلب چبير
ويه الغرب أسير
حگي أنه أحير
:
:
فاضل عباس الخزاعي

https://t.me/fadlkuzay

مصيبة.. كربلا .. عذبت .. گلب ام عون
عجيبة.. بالفلا .. اطلعت .. بين اعيون

مكسوره .. عكب الكمر مكسوره
مقهوره .. بت فاطمة مقهوره

محتاره .. بلايه ولي محتاره
بتاره .. راح الاخو او بتاره

يهل الراي .. زينبكم وحيده
بلا حماي .. يرضاها الصميده
ما معقول.. مسبية او غريبة
تمشي اشلون .. لديار البعيده


ويلي بذاك الظهر
من رد خالي المهر
طلعت أم الخدر
:
:
غربية .. تلتفت .. للنهر .. بحسره او لوم
تكله .. ما شفت .. ضي كمر .. بين الكوم

مهضومه .. بطف نينوى مهضومه
ملچومه .. مامش ذخر ملچومه

تتلافت .. اتدور الاهل تتلافت
ما شافت .. فَي هاشمي ما شافت

اخت احسين .. سلتها المصايب
بلايه اخوان.. وليتها الاجانب
الطايح تاذيه.. ضحكات الشماته
بت عدنان.. راحت للخرايب

جرح اكبر من جرح
من الهم للذبح
راس العز عالرمح
:
:
جبيرة .. مخدره .. واركضت .. بين الخيل
تدور .. بالثره .. وعثرت .. باهل الحيل

مرعوبه .. فرت تره مرعوبه
مسلوبه .. خدر او خيم مسلوبه

اتطشّر .. ذاك الضياء اتطشر
بت حيدر .. محد بقه البت حيدر

كتر احسين .. من تلها تناظر
اتكله اشلون .. تولاك الحوافر
طايح وين .. يبن امي ارد اجيلك
ما معقول .. تسكت عني صاير

يا عزنه انهض تره
سموني اميسره
انه الجنت امخدره
:
:
تعاين .. بس غرب ..والحبل ..بالايدين
يهلها .. يلقلب.. عالهزل ..اخت احسين


مجتوفه .. ام الخدر مجتوفه
للكوفة .. خذها العدو للكوفه
مسيبة تالي اصبحت مسبية
مو هيه .. جن بت علي مو هيه

يهل ام عون .. كوموا اتلاحكوها
لارض الشام .. زينبكم خذوها
وبلا صوت .. تبجي اعله الهواشم
موت او خوف .. درب البي سبوها

تمشي او تنشد عسه
الكافلها ما نسه
يرجع ليها المسه
:
:
الاميره .. انسبت .. ودخلت .. بالديوان
حسافه .. عاينت ..بالطشت .. روس اخوان

انفاسها .. اتكطعت انفاسها
عباسها .. راسه برمح عباسها

بالحسره .. تچوي الگلب بالحسره
منكسره.. سكته البجي منكسره


بسوك الشام .. خدر الله يهاشم
اشلون بهاي .. يا خضر العمايم
كلشي اهناك .. شامت بالعقيلة
حتى الماي .. شامت بالفواطم


وين اتصد الدرب
ما بي بس الغرب
شلون اتصبر الگلب
:
:
فاضل عباس الخزاعي

https://t.me/fadlkuzay

https://youtu.be/NEtOvxqpaOQ?si=n28DUxNkfmct4MEI

https://youtu.be/x5o7QsFKz3Q?si=qxYGcZboW73UexCQ

البدار البدار .. يا صاحب الزمان
:
يا جَلِد يا حيد يربات الزلم
يلي طود الكفر بيدك ينهدم
يلي ما جابت مره مثلك شهم
شيل بيرغ حيدر او شد العزم
يا عميد السادة يا جيدومها
:
:
كوم يا سردال هاشم يا تَلِد
يا جبير الطايفة او راعي المجد
تعجز الدنيا توصفك يا صَلِد
يلي ثار الزهره بسمك منعقد
يمتى هاشم يرجعلها يومها
:
:
يا عمود الرافع انجوم السمه
بيك تنحل يا فحلها الموزمة
انهض ابفقار حمّاي الحمه
واطلب بثارات امك فاطمه
بيمنتك تشفي يبنها اهمومها
:
:
الباري لعيونك خلق هاي الحياة
يمتى ثارك تطلبه امن العاديات
الرضت اصدور الهواشم بالفلاة
هد يبن فاطم على الزمرة الطغاة
يا سليل اسيوف مُرّه اعلومها
:
:
إِلگِد المهره او تِجدّم يا غيور
يلي كل الكون بيمينك يدور
كوم واشفي بطلعتك هاي الصدور
واحرگ اللي سبه ربّات الخدور
هاي هاشم لسه تجري ادمومها
:
:
صول يا ضيغم علي او لا تستراح
ما يداويها الجراح الا الجراح
خلي دار اعداك يترسها النياح
شد لثام اوصيح حي اعله الفلاح
او شيعتك خل ينسعد محرومها
:
:
حان وكتك يا وريث المتقين
انصارك اليوم المجد متلهفين
كوم يا حيل الكفيل او لا تلين
واكسر اخشوم البغاة الحاقدين
او داوي للزهراء كل إكلومها
:
:
فاضل عباس الخزاعي

https://t.me/fadlkuzay

ابكوا على العرّيسْ .. في الطفّ يُنحرْ
ضجَّتْ لهُ الزهراءْ ..والدمع يُنثرْ

دمعٌ جرى .. فوق الثرى
في الطف ينحر
:
:
سليل الجود فوك الرمضه يتوذر
او سيوف امسممه اتصلي على المنحر
طايح عالرمل چنه ورد أحمر
بياض الكون برماح العده اتطشر
يريد ايجمعه عمه احسين ما يكدر
الله ايساعد احسين اعله هالمنظر


نوحُ ودمعٌ كان .. في الغاضرية
شبلٌ قضى عطشان .. عُظمى الرزية

نورٌ سرى .. فوق الثرى
في الطف ينحر
:
:
عجيبة الماي بالطف يعطش او يذبل
مصيبة جاسم الها المرتضى اتهدل
غصن ريحان وتكسر تره ابْمِعْوَل
الرمال بدم نحر جسام تتحكل
مو ثوب العرس ثوب الدِّمَه اتفصّل
زمن ملعون لا يفهم ولا يخجل


صوتٌ علا العلياء. .. يبكي "لجاسم"
نورُ رسول الله … في الترب نائم

موتٌ شرى .. فوق الثرى
في الطف ينحر
:
:
جسام الكسر حيل او گلب عمه
مثل طير او مخالب تنهش بجسمه
جمال الله المواضي اتحنّت ابدمّه
تِبدّه ماي وبصحره صعب لَمّه
ظل ابحيره ابو اليمه اشيكل لامه
تِفرهد منّه يام القاسم النعمة؟!


ينعى المصابَ اللَوح .. والدمع من دم
في عرصة البلواء .. صرحٌ تَهدّم

ماءُ الورى .. فوق الثرى
في الطف ينحر
:
:
جبيرة او تهضم الكل عملة العاشر
ظل احسين حاله يكسر الخاطر
دليل الكون بالطف يالخلگ حاير
يشوف اوصال جسم ابن الاخو صاير
ضوه وبكل شبر عالكاع متناثر
زفّت قاسم اسيوف او رمح غادر

جرحٌ له جبريل.. أَنَّ وناحا
في مدمعٍ هتّان .. يبكي الصباحا


اذ صوّرا .. فوق الثرى
في الطفّ ينحر
:
:
جوانب مظلمة مرسومة مِنّ الدم
بحيث القاسم العريس ما يسلم
السهام الخرسه كلها بصدره تتكلم
طايح والرماح ابگلبه تتيمم
وجه العاشر بدم منحره غيّم
راح اللي بدمّه يتشرف نبع زمزم

في كربلاء الموت .. والضيمُ حلّا
في منحر العريس.. السيفُ صلى

قلبٌ فرى .. فوق الثرى
في الطف ينحر
:
:
تناطر رَجْعِته للخيمة والدته
او گلبها بنار خوف او شوگ حارگته
تحسّه ما يرد سالم لعايلته
كون آنه تكله الميته موش انته
يعود البان بس الخيل ساحكته
من بعدك منام اعيوني هاجرته


لهفي لعمرٍ راح .. بين المراهف
كان على الرمضاء .. مثل المصاحف


وسط العرا .. فوق الثرى
في الطفِّ يُنحر
:
:
فاضل عباس الخزاعي

https://t.me/fadlkuzay

واحد الحب .. حسن
منه نُطلب .. حسن
ذو العجايب ..والمنن
امروته اتصُب ..حسن


مولانا الحسن حسن برهان السمه
بجفوفه الكرم نزل سلطان الحمه
من عنده بده الضوه او من عنده العشك
ما يتوصف الحسن ضي من فاطمه

رب العرش كمّله
وعله الخلك. فضّله
بيده الكرم .. نزّله …

ما تنوصف .. صورته
تنشد حرز .. چلمته
كل المَلَك .. عشكته ..
:
:
سر مقدس ..حسن
حب تنفس .. حسن
ضي سماوي.. والبهي
جفه الاشوس .. حسن

شيخ المرجله الحسن حيدر لو حمل
فارس ما اله شبه تشهدله الجمل
ذو الجف الكوي الشهم بركان الغضب
ضيغم طالبي الأشم ما مثله فحل

من النبي .. سلطته
من حيدره ..قوته
تفني الزلم ..خزرته

يكرم تره ..بالحرب
يلوي الركب ..من يطب
جف هاشمي.. والصعب
:
:
بيده كلشي .. حسن
بدمنه يمشي .. حسن
اشمحله عشكه .. بالگلب
بدونه نعشي .. حسن

سر النونِ والقلم سر القل هو
روح القدْسِ يخدمه. او مصدر للضوه
مكنون الحسن تره وتجهله اللسن
فيض او ما اله وصف من كلشي حوه


بيده العشك ..يبتدي
يمه الگلب ..يهتدي
باقي الحسن.. سرمدي

شيخ الحرب .. والكرم
منبع تره .. للنعم
ضي أزلي ..والأشم
:
:
بالبداية .. حسن
بالنهاية .. حسن
ذو المعالي .. ذو الكرم
لله ثاية .. حسن

مدفون بگلب علي واتعله اعله الوصف
من عنده بدت تره كل رحمه او عطف
عالي او محد الفهم كدره او شانه ابد
محور للنعم نزل بجفوفه اللطف

خير البشر .. فاطمي
بدمه نَبض .. هاشمي
باسمه الگلب .. يحتمي

من الضوه .. انخلق
من دم علي .. انبثق
محد اله .. قد سبق
:
:
وجه سوره .. حسن
ادخيل نوره .. حسن
اشرف الكل .. سيدي
الطه صوره .. حسن

هاله امن الكرم بزغ بلُّطْف الجلي
يُحيي الميت الحسن. بحچاية علي
ذو القدرة الفلا وصل. فهمه الآدمي
مُعجز ماا يحده حد. فيضٌ عَلوي


اشرف واجل .. ما وِجِد
بكلشي الحسن .. مُجْتَهِد
منه الكرم .. منولِد

ما تندرك .. قدرته
يم العرش .. رايته
اينجي غدا .. شيعته
:
:
فاضل عباس الخزاعي

https://t.me/fadlkuzay

تنزل دمعتي
ابجي الغربتي
راحوا صُحبتي .. ويلاه

شيصبر الكلب
واعزازه اعله الترب
هذا الهَم صعب .. ويلاه

كربلا .. مني خذت حتى النبُض
صحبتي .. ناموا على جمر الأرُض

بالدمع .. اندبهم او گلبي انفجع
يالزلم .. منكم ولا واحد رجع

يشيوخ الكلافه .. ردوا عليه
حبيبٌ يا حبيبي .. ارجع اليه
ينصاري الغياره .. شيلوا المراهف
ترضون بعدوكم .. ايشمتون بيه
:
:
يبطال الصفه
عالدينا العفه
ضي عيني طفه .. ويلاه

يدروع الخيم
يربات الشيم
كل حيلي انهدم .. ويلاه


يا علي .. كوموا احلفكم بعلي
يا هلي .. صحباني انتم او هلي

التفت .. بلكي يرد ليه نفر
اصرخت .. ظهري عليكم انكسر

بدموعي او نحيبي .. او كل المشاعر
صاحبكم وانادي .. هل ليه ناصر
رحتوا امن ايدي كلكم .. فوك الترايب
يزلام المراجل .. احسينكم حاير
:
:
صاحبكم وحيد
عطشان او طريد
والشاطي بعيد .. ويلاه

يا خير الصحاب
شيحمله المصاب
غيبتكم عذاب .. ويلاه

امن العطش .. غيبتكم اقسى امن العطش
والهضم .. دمكم على الرمضه انفرش

حيرتي .. وحدي بقيت ابكربلا
والتِهد .. عطشانه كل العايله


من رحتوا عني .. حيلي تِهدّم
يسمع صوت نوحي .. كل المخيم
شيصبّر دليلي .. وچبير كسره
للموت بفكدكم .. قلبي تِجدّم
:
:
روحي امعلعله
عيني الهامله
آ يا كربلا … ويلاه

غربة الطف تره
روحي امگَدَّره
نمتوا اعله الثره .. ويلاه

يا وصف .. يكدر يوصف حالتي
مو انه .. تبجي الفكدكم خيمتي

ابفاطمه .. ردوا يزلم الموزمه
بالجفه .. هالدينا صارت مظلمه

يا حيل البقالي .. او ربعي جفوني
من كد البواجي .. ذبلن عيوني
حيل الدينا جارت .. وي كلبي حيل
كل ناسي الاحبهم .. وحدي اتركوني
:
:
اخر مُنيه هاي
شوفة ربعي ماي
اظلمت كل سماي .. ويلاه

جرح الطف ثكيل
كمت امشي او أميل
بيه الكل يعيل .. ويلاه

منيتي .. يرجع زهير او صولته
منيتي .. ينهض حبيب برايته

كلشي صاح .. من صحت يا غربتي
كلشي طاح .. من طاحت آخر دمعتي

هاي الحاله تهضم .. ابن الزهره وحده
كل ربعي دمايه .. هاي المشده
بيش الگلب يصبر .. وعزازه صرعه
ماي اصحابي چنهم .. بصحره تبده
:
:
فاضل عباس الخزاعي

https://t.me/fadlkuzay