بوح و شعر و قصيده

@facile90

بوح و شعر و قصيده (Arabic)

بوح و شعر و قصيده هو قناة تيليجرام تهتم بالأدب العربي، حيث يمكن للأعضاء مشاركة قصائدهم ونصوصهم الأدبية مع باقي المشتركين. يعتبر هذا المكان مثالياً لعشاق الشعر والأدب الذين يرغبون في التعبير عن أفكارهم ومشاعرهم من خلال الكلمات. يمكن العثور على تجميعات لأجمل القصائد والبوحات الشعرية للكتاب الموهوبين في هذه القناة، مما يجعلها وجهة مثالية للباحثين عن الإلهام والتأمل. إذا كنت من عشاق الأدب وترغب في الانضمام إلى مجتمع يشارك نفس الاهتمامات الثقافية، فلا تتردد في الإنضمام إلى قناة 'بوح و شعر و قصيده'.

بوح و شعر و قصيده

22 Jan, 07:30

بين رحلة غرامك ، و إتخاذ القرار
‏كنت جالس معاك وداخلي معركه

‏ الليّال الأخيرة .. ما عليها غبار
‏عشت فيها معاك وشفت فيها بركه

‏لو تركت السنين اللي بدون إنبهار
‏قلبك اللي بهرني عشق كيف اتركه

‏من بداياتنا .. لين الزعل ، وانت مار
‏" كل ضحكه هنا ماكانت مفبركه "

668

بوح و شعر و قصيده

21 Jan, 21:56

كيف توحشني؟
‏وأنا أشوفك صلَوات وسكينة؟
‏وأتهجَّى بك أماني قلبي وصادق رجاها
‏جيت جيّة صبح،
‏وارتاحت بشوفتك المدينة
‏لين غطّى راسها الغيم ولفح روحي هواها

715

بوح و شعر و قصيده

20 Jan, 04:34

عن إقفايته كان " الخطأ " جهدي المبذول
‏أنا كل ما أحرص لي على شي .. ضيعته.

909

بوح و شعر و قصيده

20 Jan, 04:32

يمكن أقنع بـ حلمٍ ماوصلته وأعيش
‏ما لبعض الأماني غير تطنيشها

‏لكن اعيش عيشة منكسر ؟ معليش
‏هذي العيشه اللي ما اقدر أعيشها.

879

بوح و شعر و قصيده

16 Jan, 04:06

أنا عبدك ولد عبدك وجدّاني هَل التوحيد
‏خطاياي أخجلتني " يالله الغفران والتوبة "

1,497

بوح و شعر و قصيده

10 Jan, 20:45

تفنن في تفاصيلك شعور و غايه و عادات
‏تعلم حُب نفسك لأن مايستاهلك غيرك

2,006

بوح و شعر و قصيده

10 Jan, 06:29

اكثر ماقالوا في صواديف ملقاه :
‏" عز الله ان اللي مربيه ربى "

2,015

بوح و شعر و قصيده

08 Jan, 11:33

أسافر بلا توديع وارجع بلا استقبال
‏ولا احس بالفرقا لو ان الزمن عكسي

‏ما احب الوداع اصلاً لأنه يغث البال
‏فلا حد يودعني سوى صاحب التكسي

2,270

بوح و شعر و قصيده

07 Jan, 07:01

تعالي في ذرى بشتي تدفّي مايجيك البرد
‏وفي صدري مكانك عن شقى الدنيا ومتاعبها

2,346

بوح و شعر و قصيده

05 Jan, 06:25

يا وجودي ..كل ليله وانا صدري يضيق
‏ويا عذابي يالله انك ... تـيّسر ما بقى ؛

‏تقصر يدين الهقاوي ورى خير الرفيق
‏والهقاوي خايّبه ويش حيلة من هقى ؛

‏ارسم لمستقبلي درب ويضيع الطريق
‏طاوياً صفحت الاماني بعد طول الشقى ؛

‏وكل شيء يهون يا كود غارات الصديق
‏لا نكشف ستر المثاليه ( بكثر اللقى )

2,248

بوح و شعر و قصيده

05 Jan, 06:23

استحيت من المشاريه ومعاتب جفاك
‏واقتنعت إن الغلا ما يجي عرض وطلب

‏قلـت اصـد بـ كل حبي وتعظيمة غلاك
‏قبـل اصّـد بـ قلبٍ عايف وحال منقلب

2,217

بوح و شعر و قصيده

03 Jan, 17:13

ينتابني شي مايعلم . . به إلا الله
‏يجعلني أصدّ وجهي وأجلس لحالي

‏من ضيقة الصدر أخاف تخونني زلّه
‏وتجرح لها واحدٍ في خاطري غالي

2,450

بوح و شعر و قصيده

30 Dec, 10:24

له العهد فاللي عاد من عمري الموقوت
‏لا أسولف من أسمه لين يرثـونه أحفادي

2,873

بوح و شعر و قصيده

30 Dec, 10:21

يممت لك وجهي بلا تفكير ساجد
‏ماقدر يحصي جمايلك العديدة

‏اشكرك يا ربــي على أيـــام .. واجد
‏كنت انا فيها مع فضلك سعيدة

2,882

بوح و شعر و قصيده

28 Dec, 20:22

سُلاف الروح مربكني غيابك وأبتديت أخاف
‏على صفحات شوقي جيت لك سيراً على حرفي

‏أحس إن كل لحظاتي بدونك في الحياة إسراف
‏أبي لي عمر ثاني عمر واحد معكْ ما يكفي

2,888

بوح و شعر و قصيده

26 Dec, 18:24

يا سلّابة حشاي الحب فيه مْن الجنون فْصول
‏جمالك كعبة مْتيم هواك وقِبلة أشعاره

‏تمرّين المكان وتتركين الكل بك مذهول
‏لقاك المشهد اللي ما تمّل العين تكراره

‏تمادي في غرورك وألبسي لجلي قلادة لول
‏و ألبّسكْ الدلال اللي تغيض أقرانك أخباره

3,135

بوح و شعر و قصيده

24 Dec, 17:21

أنتِ
‏اللي حولتي خريف العمر إلى
‏ربيعٍ مستمر
‏ ❤️

3,085

بوح و شعر و قصيده

24 Dec, 15:08

تبسّم لي رحاب الارض كل ما وجهتي تسعاه
‏و احس إليا رحلت لْديرته "يا خف ترحالي "

‏أشوف به الليال المسفهله كل ما الفاه
‏"وانا كن السعاده ترتكز في قلبي لـحالي "

‏أحبه لا نطق احلى حكي يغمر غزل باشفاه
‏وأحب من الليالي ليلةٍ يجلس "بها قبالي "

3,071

بوح و شعر و قصيده

15 Dec, 19:03

لولا انك أغلى من رخيص النهايات
‏ما رحت اجازف فيك و احرق كروتي

3,600

بوح و شعر و قصيده

02 Dec, 05:19

حبيبي كان يرعبك الوصال ويزعجك طاريه
‏انا أخاف الوجيه اللي عقب فرقاك مألوفه

4,643

بوح و شعر و قصيده

28 Nov, 19:08

ياربي أكتبلي لقاك بنور وجه ونور عين
‏مثل النجوم اللي تنورني اذا ليلي دنا .

3,013

بوح و شعر و قصيده

23 Nov, 11:29

ياصوت ترحيب أبوي ولمّة أخواني
‏يـ لباقي من الوضوء على يدين اُمي

3,563

بوح و شعر و قصيده

17 Nov, 16:17

فيني من العزّ .. ما يملا يدين الوقار
‏ومن العقل ما تفاخَر به كفوف اليقين

3,907

بوح و شعر و قصيده

12 Nov, 05:22

حظ من ضاق صدره ثم غنى

4,286

بوح و شعر و قصيده

10 Nov, 20:19

جميع النّاس لا مرّوا فضا عمري: وميض شهاب
‏"وجيت بـ نورك الثابت..وفِقت اللي تصوّرته"

‏وجودك سيفٍ لـ قلبي..ليا منّه ضعف وارتاب؟
‏"تساقط أثقل همومي عن أكتافي ليا أشهرته"

4,220

بوح و شعر و قصيده

10 Nov, 20:18

‏قعده الليل مبنيه على مبدأ:
"تجيني في خيالي لين أصدق في لقاك الشوف/وتغيب لين أحس إن الأماكن مالها ذمه" .

3,958

بوح و شعر و قصيده

07 Nov, 20:27

عليم الله بـ الصدر الرحيم الطيب المكشوف
على النية وكل اللي وسط قلبي على لساني

ملذات الحياة وزخرف الدنيا ملتني خوف
ياكثر اللي بعد ما زانت الايام خلاني

عسى طيبي معاهم بـ الحياة الفانية مخلوف
وعسى طيب الحظوظ تعزني عنهم وتنصاني

انا من كثر ماشفت الجحود وضيعة المعروف
حمدت الله ع طيب الاصل .. واطباع جداني

كريمة بـ العطا حتى وأنا بـ الواقع المألوف
عطيت ومارضيت اقول طيبي وين وداني ؟!

اساير هالسنين الممحلة والموعد المخلوف
اذا ما هو على شان الوفا فيني على شاني

يشق ( الصبر ) صفحات الخطايا والعيون تشوف
تجاهلت الخطا ( عنوة ) - مدام ان العمر فاني

تشين ايام وتعدي على بعض الظروف ظروف
وهتان الرضا يسقي وطن قلبي وريضاني

4,155

بوح و شعر و قصيده

04 Nov, 02:48

ينازعني شعوري و المشاعر ماتحشْم الـ ليه
‏انا وشلون ابنهي لي شعور أجهل بداياته .

3,720

بوح و شعر و قصيده

02 Nov, 21:14

قبل تعطيني اقداري يارب الكون
‏ياربي عطني شعور الرضا فيها .

3,802

بوح و شعر و قصيده

02 Nov, 21:11

دارت الدنيا .. ولكن ذي ظروفي مثل ماهي
‏لا الفجر يجلب حصيل ولا المساء يضفي حنينه

‏انصفيني لوّ مرّه .. وارسمي ضحكة شفاهي
‏يالليال السود مثلي ما يموت مْن الغبينه !

3,993

بوح و شعر و قصيده

02 Nov, 21:10

في سماء حضنك عن الدنيا وما فيها سليت
‏يا عوض ربّي على قلبي وجنّة مشتهاه

‏عوّدت روحي ومن لجّة بحر حزني نجيت
‏جيت لك غارق وجيتيني مثل طوق النجاة

‏لو بذلت الروح لجل أفدى عيونك ما وفيت
‏ما عطيتيني حنان أنت ِ عطيتيني حياة

3,895

بوح و شعر و قصيده

01 Nov, 17:32

ما علم الا جرحه بقلب و اوراق
كثر القلوب اللي توسم بوسمي

ولا طاح كبري غير له خلق واخلاق
واللي خلق من سلسله طين جسمي

يا عل مالي فالوهم حلم منساق
و عسى شعوري دايما حول قسمي

يطري علي ان حمر الشمس الاشراق
و يطري علي ان سيل الغيم وسمي

و انا ادري ان له قلب ما غثه فراق
و يمكن مع الايام ما يذكر اسمي

أجيه مملي لهفه و خوف و اشواق
واروح كاسر خاطري رد رسمي

3,529

بوح و شعر و قصيده

27 Oct, 00:17

"لا شحت كفُوف الزمن امالنا مثل السحاب
‏تمطر صبَر وأرض القناعة والرضا تستعذبه"

3,714

بوح و شعر و قصيده

26 Oct, 14:12

لي موعدً مع ليلةً نجمها الحظ
‏ " أشوف فيها ما تمنيت واقع "

4,036

بوح و شعر و قصيده

26 Oct, 11:15

اخفّ من الهوى لامن عبر مع لفظه الانفاس
‏مرور الوقت في صدر المحبّ بقرب محبوبه

‏احبّه كلّ ماذعذع .. من الغربي عليّ نسناس
‏يا عنك انّه ماهـو بـ الثامن إلا اوّل اعـجوبه !

‏عليه مـن الـغرام اللي ماهو ينعد او ينقاس
‏كبير اكبر من ابواب الـسما لـ دْعاه والتوبه

4,153

بوح و شعر و قصيده

26 Oct, 11:15

على كثر ما كانت ليّال الوصال قصار ..
على كثر ما كانت طويلة بـ ذاكرتي

2,293

بوح و شعر و قصيده

26 Oct, 10:53

طويتك حافظ الصفحه ممله و السنين كتاب
‏كتاب العمر عنوانه "نغيب أن ضاقت البقعه"

‏فمان اللي كتب بعد العمر هذا نصير أغراب
‏و لا به شي يعطيني على وصلك أبد دفعه

‏فمان الشوق و الذكرى و أماني لمّة الاحباب
‏فمان الله و خذ حبك ما عاد الصدر يتسعه .

2,211

بوح و شعر و قصيده

22 Oct, 22:11

بدا " ليل الشتا " يرسل مناديبه على الملهوف
‏هلا بـ أقسى مسايير . . السنة و أغلا مساييري
‏ٰ
‏أنا أدري ماوراك الا المتاعب والسهر والخوف
‏وحنينٍ يشعل أكوام الحطب في وسط تفكيري

2,426

بوح و شعر و قصيده

22 Oct, 18:23

ايا وجهً عطا الله من يشوفونه نظر مبخوت
‏يطريّك الدعاء تحت المطر لا ارتفعت ايديني

2,444

بوح و شعر و قصيده

18 Oct, 19:58

عن ضجيج الناس والمجتمع جاني جفَال
‏كـنّ ماذولا بـ ناسـي ولا ذي بـ بلـدي
‏.
‏والهـروب احيان نـوع من انـواع النضَال
‏لاوطت رجلك طريق الضياع السرمديّ
‏.
‏َجيت محتاجك وفيني كلامً ما يقال
‏اتعزز و ارفع الصوت و امشي و اعدّي
‏.
‏حطني في وجه حضنك من صدوف الليال
‏تايهٍ لا اخطيت من ضمتك وين اغدّي ؟

2,954

بوح و شعر و قصيده

08 Oct, 18:29

لك العهد وعهود المحبين تبقى دين
‏مايعرض غرامٍ لك بقلبي على الشورى

‏امجّد غرامك في ضميري عن الباقين
‏مثل ماتمجّد شيعة حسين عاشورى

3,562

بوح و شعر و قصيده

06 Oct, 18:17

تجي كنك على قلبي سحابة خير
‏و أشوفك تضحك و يضحك معك همي

‏تراك أنت الوحيد اللي بحياتي غير
‏و تراك أنت اللي غرامه يسري بدمي

‏أحس روحي معك كنها بخفة طير
‏شعور أعظم و أكبر من حكي فمي

‏تدري و أدري بدونك ما أصير بخير
‏وقلبي ! عن هوى غيرك معمي

3,574

بوح و شعر و قصيده

03 Oct, 16:29

ماغير أداريها مداراة الأيتام
‏من حبّها ، ولا ماهيب بيتيمه

‏لأرضيتها كني محقق لي أحلام
‏ولأزعلتها كني مسوي جريمه

2,679

بوح و شعر و قصيده

01 Oct, 20:38

يكفيني رحلت ولا حصل مني خطا وقصور
‏" وانا حتى وداعي فيه بصمه تثبت اخلاقي "

‏تخير فالديار اللي يغشيها ظلام ونور
‏وفرق النور بالظلمه يبين غلطة فراقي

‏تمرك ليلة تطغى مشاعرها على المغرور
‏تدور فالبشر مثلي ولكن صعبه تلاقي

2,767

بوح و شعر و قصيده

01 Oct, 20:38

يعرف أسمي ويعرف وقفاتي ويبخصني
‏ويدري إني فوق هقواته ، وفوق آماله
‏َ
‏"ويدري إنه ما يزودني .. ولا ينقصني"
‏لو تغني : حنجرة الأبداع .. من مواله
‏َ
‏كانه أرخصني فهو تافه وإذا ما أرخصني
‏قلت من ينسى الجمايل ما يسرك حاله
‏َ
‏إن نصيته في لزوم أقفى قفاية حصني
‏وإن نصاني جيت من بينه وبين ظلاله .

2,779

بوح و شعر و قصيده

28 Sep, 15:52

مرَّه أتبع رغبتي — و مرَّه أعيف ميولي
‎مالقيت لهذي الفوضى سبب يشرحني

‎لا بديت أحل مشكلتي تضيع حلولي
‎كل مارتّبت صوتي نبرتي تفضحني

‎قالوا إن حِدة مزاجي تجرح اللي حولي
‎والله إني قبلهم أحسها — تجرحني

2,912

بوح و شعر و قصيده

23 Sep, 19:07

ودي اضمك لين اوجع ضلوعك
ماهي عداوه لكن اشتقلك !

3,206

بوح و شعر و قصيده

22 Sep, 21:16

‏وإذا شاب الغياب وشحّوا المقفين
‏أنا أعرف الليالي ، " طبعها جاحد "

‏من أول كنت ادور عن لقى والحين ؟
‏أشوفك أو ما أشوفك ، كلها واحد :)

3,341

بوح و شعر و قصيده

19 Sep, 19:40

و أقفيت و أنا أكبر من التبرير و العذر السمين
‏حتى لو إن خاطري ما كلّ شيء يصبّره

‏القلب يكسره اللسان .. ولا تجبّره اليدين
‏ماهوب عظمً كل يوم .. تكسّره و تجبّره

‏ما عاد عندي فرصةً تهدر من العمر الثمين
‏واللي بينشدها من أسباب الفراق تخبّره

3,729

بوح و شعر و قصيده

19 Sep, 06:14

اوعدك كان حضوري مسبب ازعاج
‏بودعك واغيب و الغي حضوري

‏ماني بفاتح باب قلبي للإحراج
‏ولا احب اكون انسان ماهو ضروري

‏يوم انت كنت لظلمه ايامي سراج
‏ماخافت الخطوات حزه عبوري

‏ببعد وانا ادري ماورى بعدك علاج
‏والهجر والله ماهو من دواعي سروري

3,411

بوح و شعر و قصيده

14 Sep, 12:46

معك ادور ما يجر السوالف والقصيد
‏ومع جميع الناس حتى الكلام يكودني

3,686

بوح و شعر و قصيده

13 Sep, 21:31

تدري أنك عندي أغلى من الغالي و زود
‏وان لك فالقلب جره .. و لك ماطى قدم

‏جعلني ماذوق حزنك وجعلك فالوجود
‏وجعلني ما أعتاااض ! ولا خلا ولا عدم

3,602

بوح و شعر و قصيده

10 Sep, 19:48

لا تعذّر عن عيونك فالظروف المستحيلة
‏وأنت تدري.. ما ورا ضحكَاتها إلَّا حتوفي

3,634

بوح و شعر و قصيده

08 Sep, 20:53

جوارحي لـ الغياب المر مضطره
‏والوصل مانيب فيه اليوم متجود

‏ان كانك تروح مره و تحضر مره
‏انا اقدر اروح / لكن ماقدر اعود

3,725

بوح و شعر و قصيده

08 Sep, 18:04

أغليك وأقدرك ولكن ماادري بقدري !

3,647

بوح و شعر و قصيده

02 Sep, 03:23

يا أحن من لمس أوطان روحي وأستحلني
‏ وخذاني من همّ أوهامي لفرح آمالي

4,184

بوح و شعر و قصيده

02 Sep, 03:22

وراء كل مشرق شمس ومداعبة نسناس
‏على غرّةٍ محبوسه، وضحكةٍ حرّه

‏أوقّف بفوضى نفس، ومغالبة وسواس
‏وأشوف الحقيقه مرّه و وقفتي مرّه

‏يا ليت الحياه تبرّني.. برّها بـ الناس
‏ولك وجهي إن مالي سوى وجهك أبرّه

‏أنا حاشد شعورٍ حقيقي، وشِعْر، وباس
‏وراء كلمةٍ بقولها في العمر مرّه

4,112