منشورات أسُوان . على Telegram

‏ساكت وانا اشوفك تدوّر علي الزله
‏ولا انت لاقي لو تدوّر على هونك

‏اللي تبي توصل له ما راح توصل له
‏ماني بمخطي عليك ، وريّح ظنونك

‏تبي المفارق ؟ طريق فراقي تدله
‏وماني موافق عليه وماني بعونك

‏وكلامي اللي يدور فـ خاطري خله
‏صاين كلامي قبل لا أفكر أصونك

‏لا طابت النفس ، ما للهوى داعي
‏حتّى المشاعر تموت و نارها حيه ..

ابشرك ماعـاد لك عندي عتاب
‏ولاعاد عندي بالزمن شي اخافه

‏اسلم وسلم لي على كل من غاب
‏الخاطر إليا عاف له شي عافه .

بطريقةٍ غامضة، كانت توقعاتي دائماً في محلها، وإحساسي صائب، وشعوري الأول لا يخيب، حتى في المرات التي تمنيت فيها أن يخيب، كان كل شيء حولي يثبت لي مدى صدق احساسي وتوقعي .

أبكي لأنك .. كنت نازل بصدري
‏وشلون تنزل في مكان وتضرّه ؟
‏ليت النهاية كانت شوي بدري
‏يمكن قدرت أسامحك وأتشرّه
‏وبتدوّر من بين النسا لين تدري
‏إنك خسرت أندر نساء المجرّه

‏نهاية الحب دايم مؤلمه للجميع
‏تعذب الي مشى وتعذب الي قعد

‏هو ضاع مّني وانا متاكد اني بضيع
‏من بعده الضيعه الي ما بعدها بعد

‏الموت قام يتشوف لي مع كل ريع
‏ويقول وينك ترى بيني وبينك وعد .

‏حنا فقدنا منهو أغلى من الروح
‏لكن عشنا عقبهم .. غصب عنا

‏هذي هي الدنيا مسرات وجروح
‏محـدٍ يحـقق كـل ماهــو تمنا

‏لا تدور مواصل .. من يدور جفاك
‏المقفي .. لا تنتظره و لا تتبعه

‏من يهمش كرم قلبك .. وينسى وفاك
‏سل سيف الجفا وأخذ الحبل واقطعه .

باع الهوى يانود واختار ثاني
وانا الين اليوم ماشوف غيره

ماعاند ظروفه ووقته عشاني؟
اقفى وقلبي ماعرف وش مصيره

ياما تمنينا سوا أحلى الاماني
وياما بنينا احلام يااااااهي كبيره

كم قال فيني شعر ولحّن أغاني
أنتي الحبيبه الاولى والاخيييره

ياكيف بعد الحب أرخص حناني؟
يالله عسى بفراقنا ألف خيييره !

مامرتني الذكرى القديمة مرور اكرام
‏أحس بـ وجعها ينتششر داخل أعماقي

‏تعشى الحزن طراف كبدي وشبع وقام
‏وأنا خايف يعود ويفطر على الباقي

‏أعذّل على نفسي وأقول الفرج قدام
‏و أردد مصير الحي بالحي متلاقي

‏لو أني من التفكير و الهم و الأوهام
‏ ما عاد أقدر أقف و أتحمل على ساقي .