Ein Stein

" أن تعمل بصمت لا يعني أنك ستختفي
_ لا داعي لأن تشرح ...
كم أن الطريق وعرة
وكم منا من حاول بجد،
كم أن السبل تعددت
وكم ان الوجهة واحدة.

سنمضي جميعاً قدماً بصمت ...
ونفعل ما فعلناه دائماً،
نواصل ضمن نوايانا الحقيقية ...
ونعيش العمر كما عشناه دائماً_،

الجمال لا يختفي!!."


اضحى مبارك يا جماعة ❤️🌸
لا تواخذونا!!، بس الغايب عذره معه ☺️،
وكل عام وكل طريق ووجهة وبداية وكل نهاية إلى خير.

اينشتاين

النهايات، ...
أجمل ماسيكتب،
وأرقّ ماسيذكر،
وأصدق ما سيقال!!.

وكل التوفيق للجميع😄❤️🌸

ملف محادثة A1 Ösd prüfung:
• ملف تعريفي عن الامتحان.
• شرح تفصيلي لكامل مراحله.
• تجميعات شاملة عنه.
• ما يهم وما يلزم لاجتياز الامتحان.

⚫ فامتحان الـ A1 بمعهد الـ Ösd مبدأيا، متله متل أي معهد آخر، الفحص فيه عبارة عن أربعة أقسام، ورح نحكي عنن قسم قسم، ونتطرق الن بشكل جداً بسيط، لنوصل الموضوع بكامل جوانبه.

🔴 الأقسام كالعادة:
1. القراءة (lesen): كبداية عبارة عن كم اعلان جدا بسيطات،
بينتقلوا بعدها لفقرات صغيرة لازم نقرأها ونعرف مضمونها مشان نحل الصح و الخطأ،
وأخيرا بالليزن، مجرد توصيل جدا سهل، ومابينحكى فيه.
(بالذات قسم القراءة ما كان المشكلة بهاد المعهد).

2. الـكتابة (Schreiben): نوعا ما بسيط، وبيتكون من قسمين،
_ استمارة لبعض المعلومات الشخصية (شوية تمارين بسيطة عنها، والامور رح تمر بعدها جدا برواء).
_ القسم التاني والأهم، كتابة رسالة من كم جملة بسيطة أيضاً، بيتناول موضوع جداً تفاعلي، سواء مع رفيق، زميل، أو أي حدا، مع مراعاة قواعد كتابة الرسائل.

3. الـسماعي (Hören): نوعا ما متقارب مع المستوى المطلوب،
فـ كانوا الأسئلة كالآتي:
_ الأول: صور وربطها مع المقطع السماعي.
_ التاني: تعبئة فراغات مع السماعي، وبيختبروا من خلاله فهمنا للحروف والارقام والمفاهيم العامة باللغة.
_التالت (الاصعب كسماعي): مقطع مع اختيار متعدد، ولهيك بدو شوية تركيز، لنعرف نلقط الخيار المناسب.

ومنقدر نصل لمجموعة من النماذج إلها عن طريق عدة مصادر، واهمها اليوتيوب، ونحن شفنا قناة استخلصنا معظم هالخلاصة.
رابط القناة:
https://youtube.com/@montedeutsch



🟡 وهلئ ككل، فباقي الاقسام متل ما لاحظنا، الامور فيها نوعا ما منطقية،
⭕ ولهيك وهون بيخلص قسم (السهل)🥺،
لننتقل عقسم (الممتنع)، ألا وهو المحادثة 🥴⭕،

🤍❤️ وكونه الموضوع يطول، نسقنا ملف مناسب للامتحان جدا، بما بتناسب مع ترتيب مراحله، من طقطاااق للسلام عليكم!!! ✌🏻، ...

والسلام عليكم😄!!.


ملفنا، منتمنى نقدر من خلاله، تقل نسبة هالتجارب النوعية الي حكيت عنا، ونقدر نفيد أكبر قدر ممكن من الناس الي بهما الموضوع،

سآلين الله،
أن ينفع به، وينفع بنا ❤️🌸،

وكما العادة، أي استفسار يهم هاد الموضوع، او أي موضوع يهم الألماني، رح نكون معكم دوما، ... من خلال بوتنا الجميل :@Ein_Stein_bot.

وتضلوا جميعاً بخير❤️🌸،
ودوما،
أينشتاين.

10 -"الـ A1 والـ ösd، السهل الممتنع!!."

_ أنا B1 ومو همي!!.
_ بكرا بتخطب وبصير همك لك عمي🤕!!.

امتحان من بعيد منشوفوا جدا سلس بسيط، يعني هو شوية A1!!!، يعني لبنان ولا الاردن، شو يعني؟!!،
لك وحتى انو تقدم عليه وتحصل على كرسي وتاخد من خلاله اللشهادة، شي كمان جدا بسيط وما بيحتاج كتير جهد، ...
أي؟؟!، ...

إلا أنو وعدا التكاليف الي عم تصير،
عم يكون فيو صعوبة جدا ملموسة، بالذات بشهادة الـ A1،
خاصةً واولاً اني بيختلف الامتحان بمعهد الـ Ösd عن معهد غوتة!! (حسب معرفتي المتواضعة)،
وطبعا هاد الشي على عكس شهادة الـ B1 الي بيتشابه فيا المعهدين كامتحان ونماذج اسئلة وسير فحص المحادثة!!!.

ولكن ايضاً وتانياً وتحديداً عم تصير الصعوبة بقسم المحادثة،
لدرجة اني سمعت من بعض الاشخاص، اني هو قسم قد يتناسب مع قسم لا يستهان فيه من مستوى الـ A2!!.

وفعلاً وحقاً وحسب تجارب مرت حولي شخصيا، ورغم اني قد تكون قليلة بشكل عام، ولكن هالتجارب كانت جدا تجارب نوعية بالنسبة إلي،
مرت نوعا ما بتعب زائد لتعدي هالفحص، ...
وهاد الشي خلاني اضطر اشتغل فيه وابحث عنه لحصّل أكبر قدر من المعلومات واحكي فيا!!.

🛑 طيب شو السبب؟
ببساطة السبب أنو ما كان ببالنا أنو نتعلم من هالشي وإنما ننتهي منه ونأنجزه فقط، أو عنا رغبة لأنو نتعلم بس ما كنا متجهزين لهالشي .

💡عملية التعلم (ومنفضل نسميها التعلم الفعال) بتتكون من أربع خطوات:

🔺التعلم Learn:
وهي عبارة عن أول ما يتبادر لذهننا من كتب أو دروس ومحاضرات أو صوتيات وبودوكاستات وما إلى ذلك.
هي المرحلة يلي النيردات ختموا ختم🤓
لكن للأسف، كتير منأخطأ لما تعلمنا للغة (أو أيا شي تاني) بيوقف عند هاد الحد، ولتكون نتيجة تعلمنا أكثر فاعلية وذاكرتنا بهالمجال أقوى لازم نتابع بالخطوات.

🔻عكس المعلومات على الواقع Reflect:
وهي أنو تسأل حالك السؤال التالي:
"كيف ممكن أنو استفيد من هي المعلومة في حياتي؟"
أو بأنو "تتخيل" التطبيق العملي لهالشي، على سبيل المثال عم تتعلم جملة (?wie viel kostet das)، فحاول تتخيل حالك دخلت لمحل حلويات بألمانيا، وقربت محل ماهو معروض الكاتو، واشتهيتلك على قطعة، وبعدها تسأل البيّاع wie viel kostet das (يا إلهي إذا بصير بألمانيا وبقولا🥴)
وبالتالي هالخطوة مهمة لنفكر كيف ممكن نوظف هالفكرة بحياتنا

🔻توظيف المعلومات Implement:
هون منكون وصلنا للمرحلة اللي عم ندرس كرمالها .. ألا وهي التطبيق العملي للي عم نتعلموا
وبما أنو عم نحكي عن اللغة، فهي المرحلة بهمنا فيا أنو نطبق الكلمات والقواعد اللي عم نتعلمها بجمل نستخدما بالمحادثة والكتابة، وممكن يكون توظيف معلومات الاستماع بأنو نسمع أخبار أو برامج ألمانية (أو حتى أفلام)
وطبعاً كلغة ألمانية التطبيق الواقعي ألها رح يكون بألمانيا، لكن نحنا رح نحاول قدر الإمكان نعمل محاكاة لهالشي بأنو نحكي مع رفقاتنا بالألماني اللي معنا بالبلد أو اللي بألمانيا (وراكم إن شالله 🤞😀)، نحكي محادثات بالألماني، نحكي مع حالنا بالألماني😂، كلو شغال .. المهم الممارسة.
وبالنهاية، توظيف المعلومات بمثال محل الحلويات السابق😋 أنو نعمل المثال على أرض الواقع، فهيك منكون طبقنا اللي تعلمناه (يعني بتطلع على ألمانيا، وبتروح عند محل كاتو، وبتقلو: wie viel kostet das 😁)

🔻 المشاركة Share:
"أفضل وسيلة للتعلم هي التعليم"
بهالخطوة رح نشارك رفقاتنا الشي اللي تعلمناه، ممكن نشرح لأشخاص قاعدة فهمناها، أو ندرًس أشخاص مستوى معين، وهالعملية رح تخلينا نكتشف نقاط ضعفنا باللغة أكتر، وتعطينا تمكّن أفضل للغة.

"حاولنا تكون الصورة بتشرح هي العناصر الأربعة ⁦✌️⁩"

طبعاً الـ Input 🔺 : التعلم Learn
والـ Output 🔻: عكس المعلومات على الواقع Reflect - توظيف المعلومات Implement - المشاركة share

ومتل ما حكينا .. أغلبنا بيركز على عملية التعلم (الـ Input🔺)
ومنأهمل الخطوات التلاتة اللي بعدها (الـ Output 🔻)
⭕ ولحتى يكون تعلمنا فعال، لازم نحط ببالنا إذا صرفنا ساعة على الـ Input🔺لازم يكون عنا ساعتين مقابلا على للـ Output🔻

⛔ ولازم نركز جداً بأنو التعلم بدون تطبيق عملي لهالمعلومات رح يعطيك وهم الثقة بمعلوماتك .. لذلك ادرس، طبّق وشارك

وطبعاً المعلومات اللي حكيناها ممكن نطبقها بأيا مجال في حياتنا (متل الطب اللي نحنا بحاجة ماسة لأنو نطبق هالخطوات في تعلموا بهالعقلية)

والمعلومات هي أخدناها من فيديو بعنوان "How to learn anything fast" لـ Nishant Kasibhatla (خبير بأمور الذاكرة) .. وهاد رابط الفيديو: https://youtu.be/ZVO8Wt_PCgE


وفي حال عندكم أيا استفسار حول هالموضوع أو أيا موضوع بخص الدراسة الذاتية فمنتمنى تتواصلوا معنا من خلال البوت :@Ein_Stein_bot

وترقبوا مواضيعنا القادمة إن شاء الله

وكل التوفيق 💜🌸،
أينشتاين

#لغة

9- «ادرس .. طبّق .. شارك»

رح نتابع بموضوع عقلية الدراسة، وبوست اليوم ممكن يساعدنا بأنو يكون عنا ثقة حقيقية بالشي اللي عم نتعلموا، ونفهم آلية التعلم الفعال لأي مجال من خلال فهم الخطوات الصحيحة لهالشي.

⁦▫️⁩كتير بصير معنا بأنو نقرأ كتاب بشي مجال معين، وبعد ما ننتهي منو وحدا يسألنا شي عن الكتاب .. منفرش😁😂
ومنكون مو متذكرين غير العناوين الرئيسية (هي إذا تذكرناهم🙃)

⁦▫️⁩وكتير مننا بيحط تركيزو على الـ "Input" من كتب وفيديوهات وبودوكاستات ودروس وما إلى ذلك، من دون ما يكون في "output" كنقاشات أو شرح أو تطبيق عملي لهالمعلومات، وهالمفارقة هي يلي بتخلي الشخص ينسى اللي تعلمه.

🔴 بشكل عام، ومتل ما حكينا، التطبيقات كتيرة،
_ بس شوو هنن ومن وين؟!!
فالجواب: أي تطبيق podcast من الغوغل بلاي بمشي الحال،
ومو مهم أصلاً غير انو يكون عندك واحد منن،
ولكن كأشيع وكمجرّب وحكيم 😀:
• الـ Podcast addict.
• الـ Google Podcast.
فمنحمل الـ addict ومننطلق ومنختار القنوات الألمانية الي ممكن تجذبنا بشكل عام،
وبتناسب شخصيتنا بشكل خاص،
لاني بالاخير الموضوع مو بالإكراه،
يعني الواحد مننا فوق ما عم يدرس،
وفوق انو ما عم يفهم 😆،
يسمع مواضيع مو زابطة معه 😑،
ولو بالاحاسيس ولإيماء!!!😪.

_ أما عن القنوات الشائعة المهمة الي ناسبت المعظم كفائدة لغوية، ورح تناسب المعظم أكيد،
منبحث عنها، ومننطلق فيها،

• الأساسية، فهي مرتبة تقريبا حسب "التسلسل اللغوي بالمستوى":
1. Slow German.
2. langsam Gesprochene Nachrichten.
3. Deutsch lernen durch Hören.
4. Top Thema.
5. Easy German ⭐.
6. Alltagsdeutsch.

⭐ الـ Easy german، طبعاً إذا مو الكل بيعرفا، فالمعظم بيعرفا،
لاني هي الأساس فعلاً،
وبالذات إني الهدف منا لغوي تعليمي،
وغير هيك، قد نشوف فيها مناقشات ظريفة جداً عن (القواعد - الثقافة الألمانية - واللغة العامّية)،
🤞🏻 وطبعا والاجمل، انو معظمها كصوتيات، رح نشوفها مع الترانسكريبت (مع الكتابة الصوتية للنص)،
يعني في حال حبينا نشوف ونقرأ شو عم ينحكى،
فهو إغناء ومطلب جداً عظيم،
ولكن يفضل نشوف الترانسكريبت بالمرة التانية من الاستماع!!.
⭕ لكن مشكلة هي القناة، (المستوى!!)،
فهو تحتاج مرحلة متقدمة، لهيك حطينا بالترتيب قبلها قنوات ابطئ، واروق!! ⭕.

• قنوات إضافية:
1. Deutsch warum nicht?! (1 - 2 - 3 - 4).
2. Dazpod.

• قنوات طبية شائعة:
1. Medizin im Ohr (الأعم والأبسط كمواضيع).
2. AMBOSS.
3. NDR Info.
4. NOTAUFNAHME.

🟡 سؤالنا الأهم، ... شو لازم هلئ أتصرف؟؟!!.
هلئ بشكل عام:
_ أنت مبلش مسبقاً ومنطلق باللغة وبمستوى نوعاً ما جيد أو مقبول(A2 - B1)، فعليك أنو تنطلق بالقناة المناسبة لإدنك، ومن القنوات الموجودة فوق، وتشوف المستوى المناسب إلك.
وكملاحظة هون حبينا ننوه عليها جدا، وهي:
⭕ في حال ماعم نفهم كتير (أول فترة بالذات)، وحتى بالفترات اللاحقة، شي عااادي جداً،
مراحل التطور رح تعدي بعدة مراحل، اهمها،
(اني مخنا يتقبل اللغة ويخزنها ولو حتى بدون فهم،
ونعتاد مع الوقت عالصوت واللغة الالمانية)،
لاني هي المرحلة الي بتثبطنا ومنوقف،
والمفروض هو العكس، واني نستمر!!⭕.

_ أما في حال أنت مالك مبلش وحابب تستفيد منن وتنطلق فين،
فيفضل قبلن تكون سمعت بما يقارب 20 تسجيل صوتي من الصوتيات الي حكينا عنا ببوست سابق الـ pimsleur،
وبعدها تستمر فين سوا، او تستمر بلي بناسبك!!.
رابط البوست: https://t.me/Ein_Stein_Group/40

ويمكن تحميل تطبيق Podcast Addict من خلال بوت التطبيقات: @Germanappsbot

ودااااايمة وبس وحاااج 😯!!!!.

وفي حال عندكم أيا استفسار حول هالموضوع، أو أيا موضوع بخص الدراسة الذاتية، فمنتمنى تتواصلوا معنا من خلال البوت :@Ein_Stein_bot.

وكل الشكر لوصولكن لهون 🌸😄✌🏻،
وجداً، جزيلاً 🌸❤️،

وطبعاً هاردلك للشباب الحلوة 😶🤍🌸،
أينشتاين

وقبل السلام والكلام بوستنا اليوم برعاية،
من خلصت الدقايق الـ 93🥴،
وطلعت الريال من الأبطال ارتاحيت 😂✌🏻!!!.

وبسم الله نبدأ، ...

8 - « الاستماع (Hören) و الـ Podcast »

متل ما شفنا، انو نحن عنا أربعة أقسام رئيسية،
ومتل ما الكل مأجمع وبيعرف،
أنو قسم السماعي هو اكتر قسم سقيل وغريب،
وفيو تساؤولات كتيرة وكتير كتيرة،
جينا اليوم لحتى نحكي وننوه عن أهم مصدر ومرجعية لتطوير قسم السماعي، واكتر طريقة فعالة بعد الكثير من السؤال والتجربة والتفحيص والتمحيص، ...
الـ Podcasts!!!.

⚫ طبعا قبل كلشي،
الـ Podcasts عبارة عن ملفات صوتية،
منصلّها نحن بكل بساطة عن طريق تحميل كتير تطبيقات،
والي رح نشوف فيا كمان كتير قنوات،
وكتير لغات،
وكتير مستويات،
الهدف منا بلغتنا الالمانية واحد،
هو أنو نستقطب القنوات الي ممكن تحسن تلقّينا الها،
ونقدر من خلال الروتين فيها،
نتطور ونشد ونواظب عليها،
لنلاحظ مع الوقت الفرق الكبير جداً فينا بهي المهارة تحديداً!!!.

#request
Learn German: The Daily Readle v3.0.5 [Premium]
Play Store Link

@SyrianCrackers

في حال أي استفسار اتواصلوا معنا من خلال بوتنا الخاص: @Ein_Stein_bot

🔴 التطبيق كفائدة،
_ تطبيق بيخدم جدا وبشكل أساسي قسم القراءة،
وبشكل ثانوي قسم الاستماع.

_ قراءة وسماع النص،
ترجمة الكلمات الجديدة،
وفهم المضمون العام لأي نص!!.

_ رح يترك لأي حدا فينا فائدة جداً كبيرة وتراكمية،
بالذات بعد ما نعمل منو روتين بسيط وخفيف باليوم،
نص باليوم، او نصين، او تلاتة، مابتفرق،
المهم، عدم الانقطاع.

_ قد نكون أول فترة ماعم نحس بهي الفائدة العظيمة،
لكن مجرد حضورنا بأي كورس،
او اختلاطنا مع أي حدا بنفس مستوانا اللغوي،
ونلاحظ انو كمية التعرض الهائلة الي حصلنا عليها عملت فرق جدا واضح كـ ...
(لغة _ ثقافة _ فهم عقلية الكتابة الالمانية_ توقع الاحداث بالعقلية ذاتها).

_ وكل ما سبق،
رح يخلق وعي بدراستنا وثقة كتير كبيرة فيا،
ثقتنا ووعينا رح يدفعنا، ننطلق للمستوى التاني من القراءة،
والي هو الانطلاق لوسيلة تانية غير هاد التطبيق،
وبكون وقتا الـ Readle عمل الي عليه،
بعد ما نكون نحن عملنا الي علينا 🤗.

🟡 التطبيق بيحتاج نسخة خاصة فينا كبلد (نوعاً ما كني مهكرة)، يعني مارح يشتغل في حال حملناه من غوغل بلاي،
ولهيك رح يرفق ببوستنا!!:
https://t.me/Ein_Stein_Group/59

وفي حال عندكم أيا استفسار حول هالموضوع، أو أيا موضوع بخص الدراسة الذاتية، فمنتمنى تتواصلوا معنا من خلال البوت :@Ein_Stein_bot .

وكل الشكر لوصولكن لهون 🌸😊،
وجداً، جزيلاً 🌸❤️،
أينشتاين

#مصادر

7- « القراءة (lesen) والـ Readle »

و اليوم رح يكون حديثنا عن تطبيق خفيف ورايق وظريف، ولهيك اخترته لنحكي عنو قبل المباراة بكرا ✌🏻🤕،

⚫ مبدأياً التطبيق كتطبيق،
عبارة عن نصوص قصيرة، لكل المستويات حتى الـ C1،
مفروزة، ومشكلسة جداً 😍،
اختار المستوى، وانطلق،
رح تلاقي فيو بعد كل نص:
_ كويزات صغيرة رايقة.
_ خاصية تطبيق Anki مصغر عن كلمات النصوص الي انت بتختارها وبتحددها، وبيختبرك فيها كل فترة.
_ واخر شي، شرح بسيط عن القواعد الواردة بالنص الي أنت عم تقرأه.

يعني قفلتنا فيه كتير مرتبة، وما بتحتاج كتير وقت،
اما مشكلتنا انو ⭕ الشروح الي فيوو بالانكلش 🤞🏻،
بس ماهي هالمشكلة الكبيرة باذن الله.

يسعد مساكن جميع ❤️🌸
وان شاء الله تكون ايامكن كلها عخير!!.

متل ما شفنا بكم بوست سابق انو عم نتبع طريقة عرض كم وسيلة لتدعيم دراسة الاقسام الاربعة الأساسية، والشرح عنها،

واختيارنا لهاد الشي عم يكون حسب سؤالكن عنن أولاً،
وحسب تجربتنا ثانياً،
ومنتمنى نكون عم نوصل الشروح بطريقة وافية ومريحة، ونقدر نفيد فين ولو بكلمة، او فكرة.

وطبعا نحن رح نستمر ان شاء الله بعرضن معظمن،
ففي حال وجود أي رغبة بعرض أي افكار تانية او تطبيق وممكن ينحكى عنن وغفلنا عنن،
خبرونا عنن بكل بساطة،
قبل ما ننتقل لمحور تاني من اللغة،
ونحن ان شاء الله رح نكون دوماً جاهزين ☺️🌸.

- طيب أوك، وكيف ممكن نستفيد من هالتقنية؟!.
استفادتنا بتكون بعد ما ندرس لوحدنا، وبوت الـchat يكون علينا كـ "أستاذ"،
نبعت جملنا المكتوبة (مواضيع الكتابة اللي منكتبا خلال دراستنا)، وهو بدوره يصحّحها.
وصراحةً إمكانيات هي التقنية رهيبة جداً، لكن لازم الشخص يعرف كيف يتعامل معها بالشكل الصحيح (يعني كل ما كان سؤال الشخص محدد وواضح أكتر!!، كل ما كانت النتيجة أكثر إرضاءً ووضوحاً!!).

🔺وهي مثال بسيط لشرح طريقة عمل البوت،
إلي رح نجرّب فيا نكتب جملة بسيطة فيا أخطاء ليصلحنا ياهن:
❓ سؤالنا:
صحح لي النص التالي وبعد ذلك أذكر لي الأخطاء التي تم تصحيحها وأذكر لي بعد ذلك أي اقتراحات لتحسين الجملة:
"Ich habe in meinem Auto einsteigen aber der Auto is nicht angespringen"

💡 جواب البوت:
( Ich bin in mein Auto eingestiegen, aber das Auto ist nicht angesprungen.)

تم تصحيح الأخطاء التالية:
- تم استخدام "einsteigen" بدلاً من "eingestiegen".
- تم استخدام "der Auto" بدلاً من "das Auto".
- تم استخدام "angespringen" بدلاً من " angesprungen".

اقتراحات لتحسين الجملة:
- يمكن استخدام صيغة الماضي البسيط للفعل "einsteigen" والقول: Ich stieg in mein Auto ein.
- يمكن استخدام كلمة "versucht" قبل الفعل "anzuspringen" لإظهار أن المتحدث حاول إشعال السيارة.

- التصحيح الافضل (باستخدام قاعدة الجملة الثانوية):

Ich stieg in mein Auto ein, aber als ich versuchte es anzuspringen, funktionierte es nicht.

...... "انتهى المثال" .....

🔹منلاحظ من المثال السابق أنو فعالية البوت جداً قوية (رغم وجود أخطاء صلحها بدون ما يذكرها)، بس مع ذلك يمكن الاعتماد عليه بشكل أساسي جداً للأخطاء القواعدية وعلامات الترقيم والأخطاء الإملائية للكلمات.

الملاحظات:
⚫ ممكن الشخص يحاول مرة ومرتين وتلاتة يعيد صياغة سؤاله ويحاول لحتى يتدرب ويتمكن من استخدام البوت والوصول للإجابة بالشكل الأكثر فعالية والنتائج المطلوبة والأفضل.

🔴 حتى ممكن انو الشخص يجرب طرح "نفس السؤال" على كذا بوت ليحصل على نتائج أفضل!!!.

🟡 نقطة الضعف الوحيدة: هي انو إذا خلال كتابتنا، البوت ما رح يصحح الا الأخطاء الي ذكرناها، أما الأخطاء المتعلقة بالمعنى، كـ (الخروج عن سياق الموضوع)، فللأسف مارح يتعرف عليها،
🔺بس طبعاً نقطة الضعف هي سببها هو نحن وليس البوت😅،
بس طبعاً إذا صار الواحد أقوى بالتعامل مع البوت ممكن يحددله هي الأمور والأخطاء، ويساعده فيها ويحددله كافة التفاصيل اللي لازمته إذا عرف يسألها صح وبعدها رح يحصل على أفضل النتائج.

🤞🏻 أما للاشخاص الي مبلشين جديد جديد باللغة، ومالن قدرة لسا انو يشكلوا جملة ليصححها البوت:
بتقدر تطلب بالعربي طبعاً إنشاء أي جملة مقصودة،
ويفضل هي الجملة تكون بسيطة نوعا ما،
ويفضل أيضا تحدد المستوى المطلوب ككلمات (A1)،
بحيث يضل ضمن مقدرتنا اللغوية.


‌✴️⁩ وبالتالي وكخلاصة، ...
_ ممكن الاعتماد على البوت لتصحيح الأخطاء القواعدية والإملائية،
وترتيب الكلمات في الجملة وأخطاء علامات الترقيم في حال كان سؤالنا واضح ...
(فهاد الشي ما بيتطلب خبرة كتير باستعماله)،

_ لكن إذا حبينا يقترح جمل مناسبة أكتر،
أو أنو ينتبه إذا استوفينا نقاط الموضوع،
أو طلعنا عن السياق ...
(أما هاد الشي بيحتاج ممارسة ومحاولات وخبرة أكتر بالتعامل مع البوت).

وهي روابط بعض البوتات اللي بتشتغل بهالتقنية:
@OpenAI_GPT_Chatbot (😍وهو الأفضل)
@JWGPT3_bot
@chatgptzs_bot
@GPT4Telegrambot

وفي حال عندكم أيا استفسار حول هالموضوع أو أيا موضوع بخص الدراسة الذاتية فمنتمنى تتواصلوا معنا من خلال البوت :@Ein_Stein_bot

وترقبوا مواضيعنا القادمة إن شاء الله

وكل التوفيق 💜🌸،
أينشتاين

#مصادر

6- « الكتابة (Schreiben) والـ ChatGBT »

بالفترة الحالية شفنا التطور الرهيب لتقنيات الذكاء الاصطناعي، اللي تشعّب بأغلب المجالات اللي ممكن تخطرلنا،
ومن الأمثلة البسيطة اللي ممكن يشتغلا :
• يكتبلك مقال تخصصي عن موضوع معين.
• كتابة كود لتصميم أي برنامج.
• تصميم صور أو فيديوهات بالوصف اللي بدك ياه.
• الترجمة والكتابة بلغات كتيرة وتصحيح الأخطاء الإملائية أو القواعدية (وهي النقطة هي اللي رح نحاول نستثمر فيا بدراستنا).

⁦▪️⁩الـ chatGBT: هو روبوت محادثة يعمل بتقنية الذكاء الاصطناعي، طوّرته شركة OpenAi الأميركية، طريقة عمله ببساطة هي من خلال أنو تسأله أي سؤال ويجاوبك، أو تطلب منه تنفيذ شي وهو ينفذ هاد الشي.
التطبيق هاد بيدعم اللغة العربية (لكن محظور عنا وعند أغلب الدول العربية🙃)، طبعاً في طرق ممكن الشخص المهتم يعملها لحتى يستفيد من التطبيق النظامي ومن كل خصائصه (vpn أميركي وهالحركات) وللصراحة مارح نتطرقلا هون.
ولحل مشكلة الوصول لأله صار في على التلجرام عدة بوتات بتشتغل على تقنية ال chatGPT، وروابط هي البوتات رح تكون بآخر البوست!!.

موضوعنا هاد اسئلته الي فوق من النمط التاني،
مننوهم عم ناخد اللغة صح،
مننوهم عم نتلقى صح،
مننوهم اني نحن كمستوى عم ننجز المستوى صح!!!.

_ بالاخير بجيك شخص 😎 بعد ما حس بالمشكلة فعلاً، بقلك أنا خلصت مثلا B1، ولكن أنا فعلي A2 واوقات أقل!!!.


⚫ حل هاد الموضوع، هو العقلية الصح في دراسة اللغة،
العقلية الصح هي السهل الممتنع بأي لغة مو بس حتى الالمانية!!.
فالتقدم بالمستوى ما بعبر عن فهمك للعقلية،
وفهمك لهي العقلية لا يقتضي وصولك لمستوى متقدم باللغة.

يعني بالمشرمحي😀، ...
_ قد تلاقي شخص A1 باللغة، ماعندو الا كلمتين،
ich komme aus Syrien!!,
ich bin single 😢,
ومبسوط عليهن، وعم يقولن لابوه وابن اخته، واموره عال العال!!!.

_وقد تلاقي شخص خلص عشر مناهج، وقواعدن، وكلمات، كلمات، كلمات🥴، وبالاخير وبصراحة عم يحس اني ماعم يعرف يتحرك ضمنن، او يستخدمن، او يرتاح فين،
ماعم يلاقي مهرب غير من خلال حفظ الكليشيات، والمواضيع، و Redemittel!!.

• صحيح الشخص وقت يتقدم بالمستوى، ويشوف ويسمع ويقرا كتير، أنو قد تصله هي العقلية، ولكن بطريقة غير مباشرة، والموضوع لوقتا كتير بعذب، وعن تجربة!!!، ...
⭕ وليش ما نحصل عليها من محل ما نحن، وبالذات إذا هلئ رح نبلش!!! ⭕

أيي خلصنا بقا 🤬👊🏻👋🏻👋🏻😂😂😂
شو هية العقلية الي بدنا ياهاا!!!.

🔴 العقلية، ...
بتكون صح بعد فهمنا لمنحيين:
_ الأول: خلينا نسميه النظري،
يعني وقت اتلقى أي شي من أي دراسة وكلغة تحديدا،
لازم تكون دراستي مقسمة على أربع مهارات،
(والي رح نحكي عنن بعدين بالتفصيل) :
1. Lesen القراءة
2. Hören الاستماع
3. Schreiben الكتابة
4. Sprechen المحادثة

يعني انا طالب A1 وأدامي نص مثلا، ...
1. أقدر أقرأه واحلله كجمل ومضمون وليس ككلمات.
2. أقدر اسمعه بغض النظر عن مقدرتي عالترجمة، وانما مجرد اسمع الي انحكى وفقط مبدأيا.
3. اقدر اكتبه، ولو طلع معي شوية اغلاط.
4. لازم اعرف بعد ما فهمت المضمون احكيه بطريقتي، واعبر عنه، ولو تنقلت منو كم فكرة وقت انساهن، ولو خربطت قواعديا، او لفظيا.

_ التاني والأهم: ننسميه العملي.
• هو بكل بساطة تفهم فكرة (الجملة!!!)،
يعني إذا عندك فكرة، وعندك فاعل الها وعندك فعل،
صار عندك جملة،
وصار فيك تحكيا!!.
• احكي أي فكرة وانت عم تمشي، بكلماتك،
اخترع تعابيرك الخاصة انت ورفقاتك،
عيط، عصب، سب، بالالماني!!.

• ويعني الي كتب ال Redemittel هو بس اخترع جملة صحيحة قواعديا، وقلك شوفا وبس،
ما حكا انو نحفظها،
ليش؟!! ...
لاني أنت بكل بساطة كمان، خرجك تكتب جملة تانية تماما، ولكن بنفس المعنى والنتيجة!!.


🟡 وبعد هيك وهلئ بقدر اقلك، ...
تعلم زيادة كلمات،
تعلم القواعد المناسبة لمستواك،
تعلم تراكيب حلوة،
وطوّر جملتك عأساس كلمات المستوى الي عم تدرسه!!،
ورح يصير وقتا عندك شي اسمه العقلية الصح في دراسة اللغة الالمانية!!.

_ وهيك بقدر قول كمان ما بقا هاد الموضوع سؤال مخبى😌،
وصار فينا إذا مستوانا متقدم😎، نساعد الاشخاص الي عم تتعلم جديد،
وصار فينا إذا مستوانا مبتدئ🤓، نسأل الاقوى مننا عن هاد الموضوع، ويساعدنا نريح بطرحنا أي فكرة حابين نحكيا، وبكلماتنا البسيطة الي منعرفا.

وفي حال عندكم أيا استفسار حول هالموضوع أو أيا موضوع بخص الدراسة الذاتية فمنتمنى تتواصلوا معنا من خلال البوت :@Ein_Stein_bot

وترقبوا مواضيعنا القادمة إن شاء الله

وشكراً، وعفواً ❤️🌸
أينشتاين

#اللغة

5- « العقلية الصح »

_ ننزل البوست امبارحة، والكل عم يشوف المباراة، وما حدا يهتمله😪 (العقلية الخطأ)،
ولا نشوف المباراة معن، ويصير البوست اليوم، وكلنا نقرأه (العقلية الصح)✌🏻!!.

_ كيف لازم تكون عقليتنا ونحن عم ندرس اللغة؟!!.
_ هل دراستنا لمستوى متقدم بيضمن العقلية الصح؟؟!.


• الاسئلة نمطين، ...
1. الاسئلة الشائعة (إلي كلنا منعرفها): وهي متل أي سؤال بيخطرلنا اثناء دراسة أي علم، وبكل بساطة منطرحه وبكل بساطة مناخد جوابه!!.
2. الاسئلة المخباية: الاسئلة الي لازم تنطرح أثناء أي علم من خلال الأستاذ حصراً، أو الأشخاص المتقدمين كمستوى، وهاد الشي بسبب خبرتن بأهمية الموضوع،
ولكن أنا كطالب عم ادرس لحالي ما بتخطرلي، ولا بطرحها، وما بحس اني عندي سؤال أصلا، ومابلاقي حالي الا مع الوقت عندي مشكلة بشي قسم، او بشي فقرة، وماعم اعرف شو السبب!!!.

وأخيراً ... المرحلة الأخيرة بخطتنا، وهي:

⛔ماقبل فحص اللغة⛔

‌▫️⁩ مرحلة النماذج Zertifikat:
• المدة: شهرين (٦٠ يوم)
• تفاصيل المرحلة:
- الدراسة رح بتكون من نماذج ال Zertifikat واللي هنن عبارة عن ١٥ نموذج.
- الوقت كشهرين حسب كتير تجارب هنن كافيات، وبالعادة كل شخص بيمشي بالنماذج خلال هالشهرين بطريقته الخاصة.
- ودراسة النماذج إن شالله رح بتكون كافية بهالمرحلة، وبعد تجهيزاتك السابقة (الخارقة الحارقة المدمّرة) رح بتكون إن شالله شغلة النماذج رواق وتحصيل حاصل.
- رح ينزل بوست لاحق، مخصص للنماذج، وطريقة دراستن بالتفصيل والتفسير، ورح نرفق فيه كل المصادر اللازمة.

................••••••••••••••••••••••••................

💠 مختصر الخطة:

‌▫️⁩مرحلة الاستطلاع: شهر (٣٠ يوم) / تطبيقات + قنوات يوتيوب.

‌▫️⁩مرحلة ال A1: شهرين وعشرين يوم (٨٠ يوم) / Menschen A1 + Grammatik aktiv (يوم درس من ال kurs ثم يوم درس من ال Arbeit ثم يوم استراحة حتى نهاية المنهاج) +(كل يومين ملف) Pimsleur +(نص يومياً) Readle + متابعة مع التطبيقات وقنوات اليوتيوب المُختارة.

‌▫️⁩مرحلة ال A2: شهرين وعشرين يوم (٨٠ يوم) / Menschen A2 + Grammatik aktiv (يوم درس من ال kurs ثم يوم درس من ال Arbeit ثم يوم استراحة حتى نهاية المنهاج)+(كل يومين ملف) Pimsleur +(نص يومياً) Readle + متابعة مع التطبيقات وقنوات اليوتيوب المُختارة + بالإضافة للبدء بالاستماع البودكاست.

‌▫️⁩مرحلة تصقيل ال A2: شهر وعشر أيام (٤٠ يوم) /كتاب ال üben(خلال ٢٠ يوم) + كتاب ال Themen Aktuell (خلال ٢٠ يوم كل يومين درس) + المُختار من المصادر الإضافية السابقة.

‌▫️⁩مرحلة ال B1: شهر ويومين (٣٢ يوم) / Menschen B1 (كل يوم درس من كلا الكتابين دون استراحة) + المُختار من المصادر الإضافية السابقة.

‌▫️⁩مرحلة النماذج Zertifikat: شهرين (٤٠ يوم) / كتاب ال Zertifikat وهو عبارة عن ١٥ نموذج.


💌 وصرنا جاهزين للفحص بإذن الله

✨ فالمرحلة التالية، بتقدموا فحص، وبتطمنونا عن نتائجكم

وأيا استفسار هالا او خلال طريقكم فنحنا موجودين معكم إن شالله من خلال بوتنا : @Ein_Stein_bot

وهاد رابط رسالة المصادر : https://t.me/Ein_Stein_Group/30

والله يختار الخير بدربنا جميع،
ويعطينا المعونة لنتابع فيه 💜🌸

أينشتاين



#خطة

⁦▫️⁩مرحلة ال A1:
• المدة: شهرين وعشرين يوم (٨٠ يوم).
⭕ملاحظة مهمة: ممكن البعض يستغرب من أنو المدة طويلة شوي، بس السبب هو أنو يكون عنا أساس قوي باللغة، ونحاول قدر الإمكان نبعد عن موضوع الملل، فلا تقارن حالك مع غيرك من خلال المستوى كتسمية، وإنما قارن حالك معو من خلال اللغة كشي فعلي على أرض الواقع.
• تفاصيل المرحلة:
- العنصر الأساسي لهي المرحلة هو منهاج Menschen ومتل ما قلنا (زليار مرة) هو أفضل للدراسة الذاتية وفي ألو أساتذة منيح على اليوتيوب بيشرحوه (وطبعاً بإمكان الشخص يدرسو لوحدو تماماً دون أيا مشاكل تذكر).
- مستوى ال A1 مقسوم لقسمين ( A1.1 / A1.2 ) كل قسم بيضم 12 درس + 4 Modul (اللي هي مراجعة وتركيز افكار لكل ٣ دروس)،
وبالتالي عندنا 24 درس و 8 Modul لقسم A1 كاملاً، وطبعاً في عنا كتابين (Kursbuch / Arbeitsbuch) فخطتنا كالتالي:
يوم مندرس الدرس من ال Kurs،
واليوم اللي بعدو مندرسو من ال Arbeit،
واليوم اللي بعدو استراحة،
وهكذا لحتى نهاية المستوى،
وبالتالي بياخد معنا المستوى ٨٠ يوم متل ما ذكرنا.

⛔ ولكن ...
⭕في دراسة اللغة مافي عندنا شي اسمو استراحة⭕

• اللغة بتعتمد على التراكمية بشكل أساسي لذلك الكميات الصغيرة على فترة طويلة نتيجتا أفضل من الكميات الكبيرة على فترة قصيرة.

° أي، والمطلوب مننا؟ 🧐

• يوم الاستراحة هاد لازم نخصص فيو شي نواظب عليه متل أنو نراجع الكلمات اللي حفظناها، نشوف فيو كم فيديو عن اللغة، أو نمارس اللغة باي طريقة كانت بحيث ما يكون عنا انقطاع، ونحافظ على تراكمية اللغة.

+ بالإضافة للمنهاج لازم يمشي كتاب القواعد Grammatik aktiv بشكل متناسب مع تقدم الشخص بالمنهاج ...
+ متل ما ذكرنا سلسلة ال Pimsleur ممكن الشخص يحافظ على أنو يسمع كل يومين ملف ( الشرح عنو بهاد البوست https://t.me/Ein_Stein_Group/40) ...
+ قراءة نص من تطبيق Readle مستوى ال A1 (يتم تحميلو من بوت التطبيقات) يومياً.


................••••••••••••••••••••••••...............

⁦▫️⁩مرحلة ال A2:
• المدة: شهرين وعشرين يوم (٨٠ يوم).
• تفاصيل المرحلة:
- نفس خطوات المرحلة السابقة.
- ممكن نضيف إلها الاستماع ل Podcast سواءً على Google Podcast أو تطبيقات البودكاست ضمن بوت التطبيقات.


.................••••••••••••••••••••••••...............

⁦▫️⁩مرحلة تصقيل الA2:
• المدة: شهر وعشر أيام (٤٠ يوم).
• تفاصيل المرحلة:
- هي المرحلة ألها كتابين واللي هنن:
🔺 كتاب ال üben(٢٠ يوم): كتاب رائع جداً كثيراً جزيلاً😃
وهو عبارة عن قسمين:
(قراءة وكتابة) واللي هو الأفضل والاكثر فائدة + (استماع ومحادثة)، وهنن عبارة عن تمارين بتقويك بهي المهارات الأربعة. وقسم القراءة فيو ممكن يدخلك بشكل جميل على بعض المواضيع متل عقد الآجار واختصارات الإعلانات والقصة السريرية ومواضيع تانية.

🔺كتاب ال Themen Aktuell (٢٠ يوم): لا يقل أهمية عن الكتاب السابق، وهو كمان قسمين أشبه لتقسيمة المناهج، وهو عبارة عن عشر دروس كل درس بيحكي عن موضوع معين وبيقوي الشخص بمجموعة قواعد معينة.

🛑 عند هي النقطة منحب نهنيك🎉🎊

صرت عبارة عن وحش (مصغّر😺) في اللغة الالمانية ومستواك إن شالله بخليك تبدا بسهولة وسلاسة بال B1.


.................••••••••••••••••••••••••................

▫️مرحلة ال B1:
• المدة: شهر ويومين(محسوبة باليوم باباتي😁) (٣٢ يوم).

° بس .. شلون هيك 😯 😲 😳 .. معقول!!،
كيف ال A1 (٨٠ يوم) وهون بس (٣٢) ؟؟!!،

• صراحةً، هاد الشي طبيعي جداً لأنو اللغة هي عبارة عن شي تراكمي، والطبيعي أنو الشخص كلما تقدم بالمستوى يكون صار مُهيّء لألها بشكل أفضل، وهدفو صار أوضح، ورح تقل فترة الاستراحات ويبلش الالتزام الجدي.
وهي الفترة لازم يبدا الشخص بفكرة:
⭕أيمتا لازم يكون موعد فحصي للغة⭕،

وممكن الشخص بالمراحل السابقة يكون خلص جزء منيح من قواعد هاد المستوى من كتاب ال Grammatik aktiv واللي رح يزيد سلاسة تقدمو في المنهاج.

• تفاصيل المرحلة:
- رح نتابع بسلسلة ال Menschen،
(وبإمكان الشخص طبعاً إذا حب يحوًل على ال Aspekte وينسق أمورو على أساسو فممكن ياخد وقت أطول شوي، ونحنا اعتمدنا المدة القصيرة لأنو رح يكون عنا تقوية للمستوى من خلال المرحلة التالية "النماذج" ).
- كل يوم درس من "كلا الكتابين" (ومتل ما قلنا كل مستوى هو عبارة عن ٢٤ درس و ٨ Modul)، وطبعاً بهي المرحلة مارح يكون في استراحة (حاجتنا😂).
+ بالإضافة للعادات اللي كونّاها سابقاً من Pimsleur أو قنوات يوتيوب أو بودكاست وما إلى ذلك.
- وهي المرحلة بيكون صار عندك الخبرة والمعرفة الأفضل لتمشًي شغلات بجانب المنهاج.

................••••••••••••••••••••••••................

💠 مفردات الخطة:
🔹 المدة: حوالي ١٠ شهور (أو ١١ شهر في حال بدأت من مرحلة الاستطلاع).
🔹 المستوى: نهاية مستوى ال B1.
🔹المصادر: سيتم ذكرها بالتتابع وتحميلا من الرابط بنهاية البوست.
🔹المراحل:
‌▫️⁩مرحلة الاستطلاع
‌▫️⁩مرحلة ال A1
‌▫️⁩مرحلة ال A2
‌▫️⁩مرحلة تصقيل ال A2
‌▫️⁩مرحلة ال B1
‌▫️⁩مرحلة النماذج Zertifikat
🔹الهدف: فحص اللغة من أجل السفارة.


..................••••••••••••••••••••••••...............

🔘 نصائح قبل البدء بالخطة:

١- استحضار غاية دراسة اللغة:
⭕اللغة بالنسبة لألنا، هي بشكل أساسي التطبيق العملي ألها في المشفى⭕
وهالشي من أهم الأمور للدراسة الفعّالة والالتزام فيا، خصوصاً أنو نحنا كأطباء، اللغة بالنسبة ألنا عامل حاسم واتقانها مهم جداً، سواءً لحاجتنا لمهارة الاستماع والكلام لتسجيل القصة المرضية والتواصل مع المرضى وزملائنا والمشرفين، أو لحاجتنا لمهارة الكتابة والقراءة لتسجيل البيانات وقراءة معلومات المرضى بشكل أساسي.

٢- دفتر للمفردات:
من الأمور البديهية، لكن ترتيبو من البداية بيعطينا نتائج حلوة مع الوقت، كمقترح لترتيب الدفتر بأنو يتم تخصيص لكل موضوع صفحات محددة بيتم فيا جمع الكلمات الخاصة بهالموضوع (الأكل - الطقس - الحيوانات - الأماكن - المواصلات - الأفعال - الظروف والصفات ...) والكلمات اللي بتحتاروا فيا ممكن تخصصولا صفحة عامة للكلمات.
ولحتى يكون في عندنا تنظيم أكتر، فالصفحة الوحدة ممكن نقسما لثلاث عواميد للمذكر والمؤنث والحيادي (der / die / das) .. وبالنتيجة بيكون عند الشخص مع الوقت دفتر خارق ومرتب للكلمات وممكن ترجعلو بأيا وقت (فلذلك يفضل تجمعوا الكلمات الخاصة فيكم وما تكتفوا بحفظا من ملفات الكلمات اللي مع المناهج ... لأنو هي العملية بتقوي عند الشخص حفظ الكلمة وموضوع كتابة الكلمات بشكل صح).

٣- طباعة المنهاج المُراد دراستو:
- واللي أغلبنا بيعملوا، بس حبينا ننوه على فكرة هون واللي هي انو يُفضل ما تكتبو معاني الكلمات بالعربي على الكتاب، لحتى تعودوا حالكم على تخمين معنى الكلمة قبل ما تتأكدو من القاموس أو دفتركم، وممكن الكلمات الجديدة نحددها بالهايلايتر.
- اي .. وطبعوا ملف الحلول (ال lösungsschlüssel) بحيث تحسنوا تتأكدوا من حلكم بسهولة.

٤- اعتمد على نفسك:
وهي النقطة حبينا ننوه عليها جداً، نحنا عم نحاول نعرض الخيارات المتاحة لسبب واللي هو، أنو الشخص يجرب اللي بيظبط معو، لأني كل شخص مننا ألو طريقة تفكير وأسلوب مختلف عن التاني، فلا تخلي تعدد المصادر يشتتك، وإنما عطي لنفسك فرصة تجريب اللي منقترحوا كأفضل شي بدايةً وإذا ما ظبط ممكن تجرب المقترحات التانية (سواءً بالمناهج او التطبيقات أو قنوات اليوتيوب أو أيا شي).



................••••••••••••••••••••••••...............

والآن، وبعد أن لغفنا قلبكم بالمقدمات هي😇 (اللي كان لابد منا) نبدأ بـ :
⭕ملاحظة قبل البدء: نهاية البوست رح نجمّع الخطة باختصار، لكن ينصح وبشدة شديدة جداً قراءة كافة التفاصيل.

منرجع منعيد، نبدأ بـ :

🔘الخطة:

‌▫️⁩مرحلة الاستطلاع:
• المدة: شهر.
• تفاصيل المرحلة:
- هي المرحلة للصراحة اختيارية بس ألها فوائد وممكن نسميا تجاوزاً مرحلة (الروداج)، بحيث لما الشخص يبدا بالمناهج يكون عندو خلفية عنا وصارت شي مألوف بالنسبة ألو.

- خلالا رح يكون عنا نمطين أساسيين من المصادر:
🔺 التطبيقات: وممكن هون الشخص يبدا بتطبيق Busuu أو Dulingo بشكل أساسي وخلال هالشهر ممكن يخلص ال A1 بسهولة (التطبيقات بتعطي المعلومات بشكل سطحي وسهل فهي بداية مريحة)، وممكن الشخص يتطلع بهي المرحلة على باقي التطبيقات ببوت التطبيقات (متل ما قلنا كافة المصادر موجودة برسالة المصادر بالقناة اللي رح نحط رابطا بنهاية البوست)، وطبعاً مافي ضرورة الواحد يتابع فين بالمراحل التالية (إلا التطبيقات اللي بتحسا لسى مفيدة لألك).

🔺قنوات اليوتيوب: وهون في تنوع ونحنا ذكرنا بعض القنوات اللي ممكن الشخص يرجعلا،
- بس بشكل أساسي ممكن الشخص يبدا بالأحرف.
- يشوف فيديوهات سهلة متل أدوات التعريف والتنكير والقواعد البسيطة.
- يشوف فيديوهات بتحكي عن اللغة الألمانية بشكل عام.
- ويشوف شوية فيديوهات عن ألمانيا والحكي الألماني بحيث يدخل بالجو.
- ممكن الشخص بهي الفترة مشان يزيد انتمائو الألماني 😂، يتابع أفلام أو مسلسلات ألمانية (ممكن قريباً ننزل بوست عن هالموضوع) .. بس الأغاني للصراحة ذوقن سيء فلا ينصح فين 🚫😂!!.

................••••••••••••••••••••••••................