Ecommercepro.ma Telegram Posts

🔴 الأغلبية تفكر كفاش إوصل 100 كوموند في نهار ل 100 كليان ولكن حتى واحد متفكر كفاش إوصل 10 المبيعات مع نفس الكليان ⚠️

بزااف تيصحاب ليهم نقطة النهاية هي تجيب مبيعة وتبقا تابعها حتى توصلها الكليان ديالك و يتوصل بيها.

إلى كنتي كتفكر هاكا راك غالط أ صديقي ... علاش ؟

آجي باش جبتي أول مبيعة شحال خسرتي عليها ؟ في تيست حتى لقيتي المنتج المزيان ؟ شحال درتي من حملة إعلانية و خسرتي فيها فلوس باش لقيتي لي صدقات ليك ؟ لي صيبو ليك المحتوى باش خدام الأدس ؟ لي كيديرو تأكيد الطلبيات ... ؟

كتجي تحسب في الأخر كتلقا راسك رابح شي بركة قليلة واخا درتي مجهود كبير .... و كتبقا تعاود نفس الطريقة مع المئات من الطلبيات ...

ولكن الحقيقة هي في هذيك النقطة لي كتعتابرها نتا النهاية هي البداية ... تخيل معايا بعتي لواحد الكليان ⚡ وتعاملتي معاه مزيان و قدرتيه وداكشي لي واعدتي بيه هو لي كاين وعطيتيه تجربة مزيانة ... و بقيتي مرة مرة كتصيفط لو إلى كاين شي عروض شي منتجات جداد، تخفيضات ليه هو مخصصة لأنه فايت شرا من عندك ....

في نظرك مغاديش تكسبو لديما ؟ فين محتاج شي حاجة مغاديش اجي عندك ؟ مفكرتيش شحال ديال الكليان جديد إقدر اجيب ليك من بعد ؟ و مفكرتيش بلي إلى خدمتي بهاذ الطريقة و أي حاجة جات من بعد راه كاملة رباح !! مخاسر عليه أدس ! مخاسر عليه إقناع ! معندك شك بلي كيتفلا .....

الكوموند الاولى تيكون رباح قليل ولكن الى خدمتي مزيان و ركزتي على الكليان ديالك .... غادي ابقا ديما ارجع عندك و تما فين عندك نتا رباح

✅ نقطة النهاية عند بزاف لي خدامين في التجارة الإلكترونية ... رجعها هي نقطة البداية عندك!!

🔴 أشنو أحسن وقت نطلق فيه الأدس ؟

هاذ السؤال كتعاود بزااف ... أنجوبكم بكل بساطة!!

أول حاجة المحتوى لي كتنشر على مواقع التواصل او الإعلان المدفوع يعني الأدس ... شكون المعني بيه ؟

بمعنى كتبيع منتج x : هاذ المنتج شكون غادي إشريه من عندك اقدر إكون منتج أو خدمة لي كان ... الحاجة المشتركة هي الفئة المستهدفة ديالك من خلال تحديدها وفهمها ... حاول تعرف أشنو كيديرو في نهارهم ... إلى كانت فئة لي خدامة باين غادي تستعمل مواقع التواصل حتى تسالي خدمتها و غادي تعرف الوقت، ولي في المغرب ماشي نفسهم في اوروبا ولا الخليج .....

الإعلان هو مجرد رسالة لواحد الأشخاص باغيهم اشريو الخدمة ديالك ... حاول تفهم وقتاش مسالين و أشنو المحتوى المفضل واش فيديوهات، صور، مقالات .... بناءا على تجربة ديالك وقراءة مؤشرات الأداء و تحسين باستمرار من خلال خدمة لي درتي من قبل ولا قدرتي تاخد آراء لي شراو من عندك هذا أحسن حل


بالنسبة الإعلان المدفوع فيسبوك كيحتاج على الأقل 5 أيام بالاعتماد على الذكاء الاصطناعي ديالو باش احسن الحملة الإعلانية ديالك يعني الفكرة نطلق دابا و نسد في الصباح مبلانش .... ما عدى لكنتي نتا فاهم مزيان وعندك داتا مسبقة على بزاف ناس شراو من عندك .... وهاذ داتا غادي تجمع من بعد متخدم و تحلل هاذيك البيانات لي كتشاركها معاك المنصة ....


بالنسبة للمنشورات على مواقع التواصل الاجتماعي خصوصا صفحات فيسبوك ... واخا تكون الصفحة عندك فيها 10 آلاف متابع، فيسبوك مغاديش إبين المنشور ديالك الكلشي بل واحد النسبة قليلة كتوصل ٪5 من المتابعين، بالإضافة الاستمرارية ديالك لي كتحسن نسبة التفاعل، تقدر متوصلش هاذ النسبة إلى كتحط مرة في الشهر ...

البلان الثاني هو فاش كتحط منشور على صفحة فيسبوك خاصك تدير في بالك بلي فيسبوك في الساعة الأولى من بعد النشر فين كيبدا كيطلع البوسط ديالك لهاذوك النسبة لي قلنا، الى نتا حطيتي بوسط مع 3 صباح راه مغاديش اجيب تفاعل لأنه الفترة فاش حطيتي ناس مكانوش داخلين الفيسبوك بالتالي، روبو دار داكشي لي عليه و سالات فترة العرض

البلان الثالث هو تحط روابط في المنشور، الروابط ديال موقع او واتساب او غيرها حاول تحطها في التعليقات و قولها المتابعين، الرابط في التعليقات، لانه كيحاول إخفي المنشورات لي فيها الروابط، السبب هو نتا كتخالف الرغبة ديال المنصة ولي هي كيبغي الناس ابقاو في المنصة الى نتا حطيتي روابط خارجية بالنسبة ليه مبلانش .... وهاذ شي كتشوفوه المنشورات لي كتلقا فيها روابط كتلقا فيها التفاعل ناقص، والصفحات الكبيرة كتحط روابط في التعليقات ....


آخر حاجة هو ديما حاول تفهم الفئة المستهدفة ديالك باش تجيب نتيجة مزيانة، عرف دوافع الشراء عند هاذ الناس لي باغي تبيع لبهم، اشنو الاحتياجات ديالهم، المشاكل ديالهم، التخوفات ديالهم، باش نتت تقدر تجوب عليها من خلال المحتوى ديالك و تزيد عليها القيم ديالك أشنو اتعطيه كحل لداكشي لي محتاج من خلال المحتوى و هذاك المحتوى كيخلق الحاجة المنتج لي باغي تبيع بكل بساطة ....

✅ في مايخص الدورة المجانية سنتواصل مع من قام بالتسجيل قبل نهاية الأسبوع ... و التكوين الأسبوع المقبل إن شاء الله

♦️ حاليا نعمل على تطوير موقعنا الالكتروني لجعله أول موقع مغربي يضم كل ما يتعلق بالتجارة الإلكترونية والتسويق باللغة العربية

( المحتوى الحالي محتوى تجريبي)
ecommercepro.ma

المحتوى التعليمي قيد الانشاء بعد إنتهائنا سنقوم بنشره ... بالإضافة إلى المحتوى ستجدون أدوات و ملفات جاهزة لتنظيم و تسهيل عملكم

السلام عليكم إخواننا أخواتنا

عزاؤنا واحد الله ارحم الشهداء ويجعل مثواهم الجنة والله إشافي المصابين ويرزقهم القوة ... و الله إصبر كل من فقد أحد أفراد عائلته أو أقاربه 🤲

ليس من عادتنا كثرة المنشورات و الركوب على الموجات، فالله يعلم حزننا و تضامنا مع الجميع 🙏 فقط اعتدنا الكتمان و العمل في السر

قال الله تعالى :
﴿إِنْ تُبْدُوا الصَّدَقَاتِ فَنِعِمَّا هِيَ وَإِنْ تُخْفُوهَا وَتُؤْتُوهَا الْفُقَرَاءَ فَهُوَ خَيْرٌ لَكُمْ وَيُكَفِّرُ عَنْكُمْ مِنْ سَيِّئَاتِكُمْ وَاللَّهُ بِمَا تَعْمَلُونَ خَبِيرٌ ۝٢٧١﴾ [البقرة:27

قريبا تدريب مجاني فيه الإجابة على أسئلتكم

🔴 فاش كتبدا تفاهم مع شي مؤثر باش ادير ليك إشهار من بعد مقالك 5000 درهم 😂😂

🔴 بخصوص الدورة المجانية عن بعد :

✅ كنجمعو المعلومات من خلال الأسئلة لي درنا باش نقدرو نديرو شي برنامج لي تلقاو فيه جميع الإجابات على الأسئلة ديالكم

✅ من بعد أسبوع إن شاء الله غادي نوقفو جمع المعلومات

✅ ومن بعد 10 أيام إن شاء الله ... أي شخص شارك و شاركنا الأسئلة والمشاكل ديالو غادي إتوصل برابط الدورة عبر الواتساب

لي مزال مشارك وباغي إستافد إمكن ليك تخلي جميع الأسئلة هنا :
https://docs.google.com/forms/d/e/1FAIpQLSda9hxluPuF62hCF342YNrvtYVIOi77LIAbdAynTiBvXBT4zQ/viewform?usp=sf_link

🔴 في المغرب : الطاكسيات، الكيران، القطارات، TGV، الخطافة ..... خدامين منذ عقود ؟؟؟

مع ذلك جاو شركات بأفكار مختلفة .... و كيديرو نفس الخدمات وحققوا نجاحات ....

أمثلة :
✅ جات markoub.ma بفكرة كتسهل عليك تقطع التذاكر وتربحك الوقت و المجهود .... حققات نجاح كبير ؟؟؟

✅ جات Uber, indrive, kareem, yango .... و حققوا نجاحات كبيرة و أرباح بالملايير ....

✅ هاذو أمثلة قليلة ..... جاو فقط بأفكار وحلول كتسهل حياة الناس نجحوا

✅ في عالم ديجيتال نفس البلان ......

علاش كنجيو حتى المجال ديال التجارة لي كبييير بزااااااف وغير مكيزيد تكبر .... و تنقولو لا مبقا ميدار ....

⛔ المشكل كاين في الأفكار لي كنتبناوها و القناعات الفاشلة مع الأسف و كنحبسوا على أنفسنا الرزق

المشكل الحقيقي كاين فينا ... فاش تنفكرو نلقاو حلول كنلقاوها!!!

حيد العقبات من دماغك وغادي تيسر إن شاء الله ⭐

♦️ درتي الإكوميرس COD كيقولك كون غير درتي Dropshipping التجارة الإلكترونية في المغرب مبقا فيها ميدار ... غادي إحصل فيك روتور وتتخسر فلوسك في الأدس

درتي دروبشيبينغ .... لا مكانش عليك ديرو فلوسك غادي تهولدا في PayPal وكاينة المنافسة

درتي الكوسميتيك ناري سدااان .... مالك على حالتك
درتي الملابس .... أتغرق روتور و تاواحد ميجي قدو داكشي

درتي IPTV حرام داكشي كون خدمتي غير في الأدسنس 😂😂😂😂

هو أشنو كيدير ... واااالو نهار كامل و هو غير غروبات و الكريتيك كيصحاب لو صافي راه عارف كلشي

لكتعرف بحال هاذ النوع غير بعد منو ..... وركز على داكشي لي عاجبك و مع الوقت ايجيك رزقك