كايّد のテレグラム投稿

انا طالبك لا تاقف على بابي
وتحجبني عن الدنيا ومن فيها

بعد هاذي تحمل قسوة عتابي
الألوان الضبابيه ما دانيها

- سفر الدغيلبي

في عجب خاطرك صامل وانتحاري
آخذ الصيدة من افواه الذيابه

رافعك بين المطلات السواري
ملحفك بالنجم وفراشك سحابه

مستواي الاجتماعي والتجاري
عند غيرك عامر وعندك خرابه

- سفر الدغيلبي

صرت أراقبك وألمح منك رمقات الإعجاب
بين الإغضاي أمام ويسار ويمين

كان ودك تصارحني وتفتح لي الباب
والخجل يمنعك لا تلتحق بالمحبين

- سفر الدغيلبي

يقول سفر الدغيلبي :

ياسعود كان الناس يدرون عن شيّ
أشيا ترا ماتدري الناس عنها

يدري بها اللي يازن الشمس والفيّ
مكفّن اسرار القلوب بكفنها

أنا بشر شتّى هموم البشر فيّ
وان شفتني مانيب جزعان منها

ترا ماغير اضحك واجاملكم شويّ
وآدمدم جروحٍ نبشها زمنها

‏لين صارت مُونة الرحلة صواديف وعّقايبِ
‏في خلاً لاطبه الذيب يغدي قلّبه رعاعه

‏أحرمتني عز ريعان الشباب وصرت شايب
‏واقتلت مبدا التكّاتف والصلاة مع الجماعة

- سفر الدغيلبي

وشوله احكي واطول مايفيد الحكى
العله اللي وباها ينتشر ماتطيب

ابا اتذيكا عليها لو مامن ذكاء
لاتنكشف ضحكة الاعداء وحزن الصحيب

وإن زادت الضيقه اللي تاليتها البكاء
ببكي لحالي قبل يبكي اقرب قريب

- سفر الدغيلبي

كل ما اشيّد من احلامي مقاصير وعماير
لا انتهى ليلي .. تصبحها مراسيم الازاله

قصةً تبدا من الضيقه اليا نثر العباير
مالها تفسير في علم البلاغه والدلاله

رحت للطب الحديث وقالوا ان الجرح غاير
مال جرح الذات طبّ الا التغافل عن مجاله

- سفر الدغيلبي

سويت في نفسي خطا غير مقصود
وكني غشيم بأصبعه سد عينه

عز الله ان الخط واسع و ممدود
و الهزعه من الخط ماهي بزينه

لا باغي حاجه ولانيب محدود
مير اللقافه تاليها غبينه

- سفر الدغيلبي

تعال صافح بالحشى لهفة الشوووق
ترا المواصـل بين الاحباب جنـه .

https://snapchat.com/t/YEex8DIL
سنابي مرحبابكم❤️.