Publicaciones de Telegram de El warsha🛠️💊

راوند 9 و نصف🙂

يا نهار ابيض
انا كتبت دا كله
دا جحيم الوعي دا ولا اى 😂

اخر حاجه
فكرة المواصلات و وقت المذاكرة و سمعان المحاضرات وكده
ساعتين مواصلات مش مشكله عادى
انا مواصلات ساعتين برضوا ساعه رايح و ساعه جاي و لو هنلغي وقت اللى بيضيع فى الموقف
كدا كدا سوا انت ساكن او بتركب مواصلات فأنت هتضيع وقت
ف متخليش فكرة المواصلات تسرب لك انك بتضيع وقت
لا عادي
ممكن تستفاد بيها بالاذكار أو تسمع محاضرة أو تسمع حاجة مفيده أو تنام عادى

بالنسبة للشرح الخارجي مش مهم طالما شرح الكلية مفهوم ولو محتاج يبقي بعد ما تروح من الكلية اسمع
خلى المعلومات تدخل سخنه على بعضها عشان تثبت

✅و فى النهاية تذاكر نصيحة الاسطى و مثاله الشهير

المحاضره ذي المحشي لازم تتاكل سخنه لو برد مش هتعرف تأكله
انما
الحل و الأسئلة ذي البامية كل ما تبات كل ما طعمها بقا احلى 👌

نكمل بقا رساله صديقنا العزيز 🫡
✅ بتنظم وقتك اذاى
بص حط فى دماغك إن الدنيا مش مذاكرة وبس
الحياه خمس اقسام
1-مذاكرة
2- عيلة
3- دينك
4- اصحابك
5- نفسك
ودا سرد مش ترتيب حسب الأهمية لان كلهم مهمين
ممكن أثناء الامتحانات و الضغط بتلاقي الخمسه بقوا اثنين 1- مذاكرة 2- دينك
بس احنا هنتكلم
فى العادي
انت محتاج تنظم اسبوعك وليس يومك على الخمسة دول
لازم تعملهم كل اسبوع ، لو شلت واحده ممكن تلاقي نفسك بتتاثر بالسالب
1- المذاكرة
اظن دى فى كليتنا ثابته كل يوم لازم على الاقل تقرأ المحاضرات مش شرط تذاكر بس تعدى عليهم
2-عيلتك
دا جزء مهم بلاش تنعزل عنهم حتى لو تفكيركم و الإدراك بينكوا مختلف وخصوصا امك حاول مهما كنت مضغوط يبقي كل يوم لك كوبايه شاي ساعه العصر تشربها وانت قاعد تحكي مع امك فى اى حاجة بلا هدف
هيفرق معاك جدا جدا جدا جدا
3- دينك
حاول على قد ما تقدر انك متبوظش علاقتك مع ربنا خلى دائما لك عمل صالح فى الخباثة بينك وبين ربنا
دا هيفيدك دنيا و اخره و كمان هيخلي نفسك قوية مش بتتاثر بسهوله باي غيث بيحصل حواليها
4-صحابك
حاول على قد ما تقدر كل اسبوع تشوفهم أو تتقابلوا الموضوع بيفرق بجد

5- نفسك
اعظم حاجة ممكن تعملها وانت فى العشرينات لنفسك
انك تقدر تكتشف نفسك
تعرف اى بيفرح واى يزعلك اى يخرجك من المود و اى يخليك تقدر تكمل
خلى دائما لك ولو عشر دقائق كل اسبوع اقعد معاها و شوف انت عملت اى اثر فيها و اتحاسبوا سوا

3- المشي
ودى طريقه غريبه شوية نفس التكرار بس انك تكرر و انت بتمشي
انا دورت عليها كتير ملقتش عنها معلومات كتير بس من وجه نظر الاسطى
من الطرق الفعاله فى المذاكره وقت الضغط
و كمان لها نفس مميزات طريقه التكرار
بس متعبه اكتر

4- بالتحديد
ودى انك تقراء فى سرك و تحدد على المعلومات
دى تعتبر اسرع طريقه فى المذاكرة و أقلهم من حيث المجهود
عيوبها
انها اسرع وحده بتتنسي
ممكن تستخدمها فى المراجعة أو المذاكرة لاول مره مع طريقه تانية

5- المخططات
دى مبتكره شويه و بتحتاج حد متعود عليها
او متعود يذاكر بالمخططات
سريعه و فى نفس الوقت فعاله .
عيوبها أنها بتاخد وقت لحد ما تتعود عليها و كمان تعمل المخططات

6- ودى تعتبر مش طريقه
دى دمج بين اى طريق من اللى فاتت
ودى الافضل شوف اى المميزات و العيون اللى هتتعامل معاها
و حاول تختار طريقه او اثنين و ذاكر بيهم

نصيحه الاسطى
اللى بيتحكم فى طريقة المذاكرة هى المحاضره اللى بتذاكرها
فى محاضرات مطلوب منك تعرفها كلها فطريقة الكتابة بالرغم من أنها ابطئ لكنها افضل
فى محاضرات مطلوب نعرفها على السريع
فطريقة التكرار كويسة لها أو التحديد

الرسالة دى فيها اسئلة كتير
تعالى ناخدها حته حته و نقف عندها
✅ بنذاكر اذاى
فيه طرق كتير للمذاكرة ، هقولك اللى اعرفهم و مميزات و عيوب كل طريقه من خلال تجربة الاسطى

1- المذاكرة بالتكرار انك تمسك المعلومات و تفضل تقرأها اكتر من مرة
طريقه كويسة تخيلي المعلومات تثبت عن طريق ان المخ يحفظ نغمة معينه و بتالى لما ترجع بعد فترة لنفس النغمة هتلاقي نفسك فاكر كويس
مش بتاخد وقت قليل ولا وقت كتير ممكن نسميها متوسطة
مش محتاجه مكان معين ممكن تذاكر بيها فى اى مكان
--عيوبها
انك بتحفظ بنغمة معينه لو غيرتها هتلاقي نفسك بتذاكر من الاول
لازم توحد معاها مصدر المذاكرة و بتحتاج لهدوء مش هتنفع لو انت متوتر فى ليالي الامتحان

2- الكتابة
ودى انك تكتب المعلومة
طريقة كويسة مش بتهتم بنغمة أو ايقاع و مش لازم معاها مصدر موحد بتحفز اكتر من جزء فى المخ أنه يستقبل المعلومة
---عيوبها
تعتبر بتاخد وقت كتير بالنسبة للباقي
مرهقة و بتحتاج بريك كل فترة
بتستهلك ورق و اقلام اكتر من العادي

بما إن الاسطى راجل كبير سنا وعدي عليه مشاكل كتير ذي دى
من وجه نظر الاسطى
فلازم نصحح ثلاث نقاط عشان الدنيا تمشي كويس

✅اولا
الاسطى مش معترض على الادمن كأشخاص ولكن هو معترض على بعض الأجزاء
ذي مثلا أن يكون هو الادمن و نلاقي فيه شباب عارفه مواعيد و شكل الامتحانات و حاجات تانيه كتير قبله ، معني ده أنه مش بيسال كويس أو متراخي فى الجزء ده
انا فاكر أن فيه سكشن جراحة اتلغي و الاسطى معرفش غير وهو فى المواصلات من الجروب
الادمن نفسه عرف من الجروب فدا جزء
و الجزء التانى أن رساله ميديكو للمحاضرات تكون مش كامله على عكس رساله الجروبات العادي ذي الورشة أو فلاش أو غيرهم
دا بيدل على أنهم مش بيحضروا ودا غلط برضوا

✅ثانيا
القرارت المتأخرة وان الدفعة كلها ملهاش راي فى حاجه
ذي تغيير جدول الامتحانات بعد ما امتحنا مادة منهم ، او الوعد بالمراجعات و محصلتش المفروض يكون للدفعة على الاقل صوت مسموع
يوصله الادمن للدكتور
يعني بلاش نراضي الكلية على حساب الدفعة

✅ثالثاً
فكرة عدم تكافؤ الفرص ودا ظهر قوي مع جروب B
عشان كده لو هنمشي ذي الترم الاول
لازم يكون متحدد الامتحان العملي هيجي من اى قبل ما نبدأ اى مديول
عشان يكون فيه تكافؤ فرص
لان جروب B فى امتحانهم لما سألنا الدكتور أحمد قال كل حاجة اتشرحت معاكوا
و لما جروب A جه يمتحن اتلغي من عليهم مواضيع مهمه * وهنا الاسطى لايقصد أنه يقول حاجة عن جروب A دا مجرد ضرب مثال 🫡


يعني لو الثلاث نقاط دول اتصلحوا
الدنيا هتكون حلوة

نقطع الإجازة دى ثواني

نداء لجروب B
هنبداء من النهاردة يا شباب
قيام الليل ودعوة مظلوم
من اكبر واحد لحد اقل عامل
مش هنسيب حد

صباح الخير على كل اسطي خلص امتحانات و قاعد يمارس احلي شعور فى الدنيا
🥰♥️الاكل و المرعي و قله الصنعة 🥰♥️
أولا كده
كل سنة وانتو طيبين يا شباب
رمضان كريم وكل سنة وانتو فى خير وصحة 🫡🥰
بدايه القول إن
الاسطي بيتمني أن قدر يساعدكوا على قد ما يقدر
و بعتذر لو حد بعت رساله و اتاخرت عليه أو رسالته ضاعت فى وسط الرسائل الكتير اللى بتيجي
سامحوا الاسطى لانه كان وحيدا الترم ده فالموضوع كان صعب شويه 🫡
و متنساش الاسطى من دعواتك الحلوة في رمضان يا صديقي ♥️

وتذكر إن ضاقت بك السبل يوما وشعرت بأن لا احد يحبك ، فتذكر أن الاسطى يحبك و يحب كل من يحبك لانك حلو وستفعل كل ما هو حلو
وهذه الورشة ظلت و ستظل ملجأ آمن لك 🥰♥️

و إن شاء الله الورشة هتتقفل لفترة عشان الاسطى هياخد إجازة و ناوي يبعد عن كل حاجة لها علاقة بالتعليم 🫡

دا لينك الصراحة لو حد عايز يقترح حاجة
او يقول رسائل للاسطي
http://eastb55.sarhne.com

مسك الختام
والمرة دى بجد ♥️🥰