Publications du canal Xəbərzadə  

“Rəsmi Bakı Rusiya tərəfinin Azərbaycan təyyarəsini vurmasını etiraf etməsini, Azərbaycan xalqından rəsmi üzr istəməsini və hərtərəfli araşdırma aparmasını, nəticədə bütün təqsirkarların məsuliyyətə cəlb ediləcəyini gözləyir”.

“Qafqazinfo” xəbər verir ki, bu barədə “Caliber.Az” Azərbaycan hakimiyyət orqanlarından əldə etdiyi məlumata əsasən məlumat yayıb.
Bildirilib ki, araşdırmanın ilkin nəticələrinə görə, AZAL-ın sərnişin təyyarəsi Rusiyanın “PANTSIR-S” hava hücumundan müdafiə sistemi tərəfindən vurulub:

“Bütün şahid ifadələri, o cümlədən gəmidə eşidilən partlayışlarla bağlı məlumatlar qəzanın hava hücumundan müdafiə sisteminin işi olduğuna işarə edir. Araşdırmada iştirak edən Azərbaycan tərəfi üçün vəziyyət göz önündədir. Heç kim bunun qəsdən edildiyini iddia etmir. Lakin müəyyən edilmiş faktları nəzərə alaraq, Bakı Rusiya tərəfinin Azərbaycan təyyarəsinin vurulmasını etiraf etməsini, Azərbaycan xalqından rəsmi üzr istəməsini və hərtərəfli araşdırma aparmasını, nəticədə bütün təqsirkarların məsuliyyətə cəlb ediləcəyini gözləyir” , - məlumatda deyilir. 

Əlavə olaraq qeyd olunub ki, hadisənin baş verdiyi saatlarda Qroznı səmasında dron hücumları gözlənilirdisə, Rusiya tərəfi mülki təyyarələr üçün hava məkanını bağlamalı idi.

Aktauda AZAL-ın təyyarəsinin qəzaya uğradığı yerdə ikinci qara qutu tapılıb.

Qazaxıstanın Aktau şəhərində müalicə alan yaralılar artıq Bakıya gətirilib.

“Azərbaycan Hava Yolları”na məxsus sərnişin təyyarəsinin Aktau yaxınlığında qəzaya uğramasına səbəb Rusiyaya məxsus raket olub”.
“Qafqazinfo” xəbər verir ki, bu barədə məlumatı Azərbaycan hakimiyyət orqanlarındakı mənbəyə istinadən “Euronews” yayıb. 
Mənbə bildirib ki, raket Qroznı üzərində pilotsuz uçuş aparatı ilə hücum təhlükəsi olduğu zaman buraxılıb.
Qeyd olunub ki, Rusiyanın hava hücumundan müdafiə vasitələri tərəfindən buraxılan raket hava gəmisinin yaxınlığında partladıqda qəlpələri təyyarəni zədələyib. 
Məlumata görə, pilotların təcili enişlə bağlı müraciətlərinə baxmayaraq, zədələnmiş təyyarəyə Rusiyanın hava limanlarında yerə enməyə icazə verilməyib və heyətə Xəzər dənizi üzərindən Aktau istiqamətində getməsi bildirilib. Həmçinin qeyd edilib ki, dəniz üzərində bütün uçuş boyu təyyarənin GPS naviqasiya sistemi bloklanıb. 
***
“AnewZ” portalı isə raketin “Pantsir-S” sistemi vasitəsilə buraxıldığını yazıb. 

🟥 AZAL-ın zərər görmüş təyyarəsinin pilotları məcburi eniş üçün sorğu göndərsələr də Rusiya hava limanlarında təyyarəyə eniş icazəsi verilməyib.

Azərbaycan hökumət mediası təsdiqlədi

Bakı-Qroznı marşrutu üzrə hərəkət edən AZAL təyyarəsi Qroznı şəhərinə yaxınlaşarkən Rusiyanın “Pantsir-S” hava hücumundan müdafiə sistemi tərəfindən hücuma məruz qalıb.

Qəza baş verən yerdə axtarış-xilasetmə işləri artıq başa çatıb. Sabah Braziliya aviasiya orqanlarının və "Embraer" şirkətinin Qazaxıstana gedişi gözlənilir. (Orda nəşri)

NATO təyyarə qəzasını hərtərəfli araşdırmağa çağırıb

Təyyarə qəzası ilə bağlı Qazaxıstan və Azərbaycana kömək etməyə hazırıq.

ABŞ Dövlət Departamenti

Sağ qalan şəxslərin ölkəyə gətirməsi günü ikinci yarısında həyata keçiriləcək. Həyatını itirən şəxslərin cənazəsi isə iki gün ərzində gətiriləcək. Təyyarənin qəza səbəbi barədə nəsə demək tezdir. Hazırda detallı araşdırılma aparılır.

AZAL-ın Prezidenti Samir Rzayev