Publications du canal دموع الحوراء

نعي للسيده زينب عليها السلام
ــــــــــــــــــــــــــــــــــــــ
  وحگ حسين ماهي  عله بيها
الشرف والصيت  زينب عله بيها
تمنيتچ نشــــــدتي  عله ابيها
بت المرتضى حامي  الحميه
ـــــــــــــــــــــــــــــــــــ
يمغســـــــلتها ويلتنـشدين
لامومريضه وداعة حسين
كتلتها زينب  فرگة  البين

ماگوضت همــــــها كتلها
افراگ الغوالي حيل شلها
وعن حالها محد ســــالها

نامت وحـــــسرتها بگلبها
والـــــــحزن ماتيه دربها
ماشـــكت لاحد غير ربها

لاماشكـــــت لحد كسرها
احتار كون الله    بامرها
عجـــــب الدنيا ياصبرها

بس الگضاها افراگ اخوها
واهل الكفر مــــــن  عذبوها
بحبال خـــــشنه جتفوها

هذا الاثر كله من الاحبــــال
وطاح الحمل من غير شيال
ماتت وضـــــل ينزف الدلال
ــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://t.me/DmoaaAlhwraa

مربعه للسيده زينب عليها السلام
ـــــــــــــــــــــــــــــــــــــــــ

شعطلها الهواشم ماتت ام عون
كون بـــساع فد فزعه  يفزعون
ـــــــــــــــــــــــــــــــــــ
كـون بســــــــاع يلفوها العقيله
نعشها ايريدله ارجـــال  التشيله
زينــــــب هاي ماتـــت  مو قليله
وكلها  مـــحزمه ويمها يهوسون
ــــــــــــــــــــــــــــــــــــــــــــــ
زينب ودعت مابيــــن الاغـــراب
لايــــــــــمها اهل لايمها احــــــباب
الله يعين ابو الباقر على امصاب
وحده وي النعش بس تجري العيون
ـــــــــــــــــــــــــــــــــــــــــــــــــــ
وينك يل طويـــت الارض سكته
احــــضرت سلمان بيدينك دفنته
شو نعش العزيزه الـــــــيوم عفته
بنص الشام بين الغربه مرهــــون
ـــــــــــــــــــــــــــــــــــــــــــــــــــــــ
ريته بالدفــــــــــن عباس موجـود.
يغطيها بعـــــــــــباته ايحضّر الجود
ونته اعله الاخـــــت تجهر ومتهود.
منگب بالعزه ا وويــــــــه اليدفنون
ــــــــــــــــــــــــــــــــــــــــــــــــ
ابو مـــــحمد عزيز الزهره وينه
يومه اليـــــــــوم للساجد يعينه
يخلون ام خــــدر  بيــنه وبينه
ياسين وعديلــــــه يمها يقرون
ــــــــــــــــــــــــــــــــــــــ
اظنه مادره ابـــــن الزچـــــيه
بالتربان  ضـــــل   بالغاضريه
كونه واگف عـــــيونـــه جريه
ويه اهل الشيم كلهم يونون
ـــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء اهدي ثوابها لروح والدي
https://t.me/DmoaaAlhwraa

قصيده للسيده زينب عليها السلام
وزنها وزن النعي ممكن تقرا على شكل نعي
ـــــــــــــــــــــــــــــــــــــــــــــــــــــــــــــــ

مكسور خاطرها النجيبه
بساعة اجلها شو غــريبه
عباس ياهو الي يـــجيبه
العدها الكفل حسره وعجيبه
اتموت بين الغربه شلون
ـــــــــــــــــــــــــــــــــ
ماطارش المر اعله الحسين
وينه عــلي سبع الميادين
زينب لفاها بغربه البــين
تتلفت ايسار ويه اليمين
مهظومه محد يمها ام عون
ــــــــــــــــــــــــــــــــــ
ماوصل چا لــيكم خُبرها
بتكم تره خلــــص عمرها
من حضر اچفـان وسدرها
وياهو حفـــــــر ليها گبرها
ولاجيتو  للشام وتونون
ـــــــــــــــــــــــــــــــــــــــــ
ماناشديتــــــــو بعد عنها
لسه الـــجرح باقي بمتنها
كل يوم بيكم يـــجر ونها
حيل المــــصايــب دولبنها
ليل ونـــهار وتجري العيون
ـــــــــــــــــــــــــــ
وهسه غريبه وبين الاجناب
ولحد وصــــلها من الاحباب
والناس تتناشد عــلى الباب
ليش الحياده.اليوم   غياب
كون العزه همه اليحضرون
ــــــــــــــــــــــــــــــــــــــــــــ

كون  الولي يذب العمامه
منگب وحيل يشد لثامه
ويدز على اهله وعــمامه
وكلها الزلم ذيـچ النشامه 
يم النعش هوسه يهوسون
ــــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://t.me/DmoaaAlhwraa

انتي ملايه تعالي وياي اخذچ لقناة الشاعره ام زهراء الفاطميه

ادري بيكم تحتاجون قصائد حتى تواسون السيده زينب وحتى توصلون للي تردونه من قصائد
تعالو وياي ونشوف الشاعره شمجهزه الكم اليوم حبيبتي الخادمة اختاري القصائد والنعي الي يفيدچ بالعزاء لاتنسين تدعيلها بالتوفيق

هاااا ولتنسين منا الأشترااك

👇🏻👇🏻👇🏻

https://t.me/AAAAAFCTP6mH2egqJ1qA

ل للامام الباقر عليه السلام
ــــــــــــــــــــــــــــــــــ

الباقر أنه ومــــــــن الزغر بين مشيبه
شرد احجي ياشيعة علي عن يامصيبه
ـــــــــــــــــــ
اربع سنيني والدهــــر راواني كلشي
الشفته من طف كربله گطعلي هرشي
ايام مـــــــرت بالسبي  مايغفه رمشي
جدي بقى فوگ الثرى وعمتي غريبه
ام عـــ✍🏻ـــلي البابلي
ــــــــــــــــــــــــــــــــــــــــــ
جدي بقه فوگ الثرة ورحنه سباية
چبدي تهون على الذي  ماشرب ماية
نصبوو يشيعه ماتمي  سوو القراية
ذكروو الحسين بكربله وعلوو نحيبة
ام وليـــــ✍️ـد الموسوي
ــــــــــــــــــــــــــــــــــــــــــ
علو النحيب اعله البقه عالثره عطشان
لا يمه ناسه ولا هله لا يمه خوان
شفت المصيبه ابعيني انه وخنگت الدخان
والله غريبه قصتي وكلش عجيبه

✍️أم أحمد
ــــــــــــــــــــــــــــــــــــــــ
شرد احجي عن سبيي الأهل لو موت الحسين
لو احجي عن ام خدر دخلت دواوين
ماطاب جرحي لموتتي دم تبچي العين
عالجثته بحر الشمس ضلت سليبه

زينـــــــ✍🏻ب الواسطي
ــــــــــــــــــــــــــــــــــــــــ
شفت الجثث وسط الشمس واعله الوطيه
شحچي بعد عن عمِّتي الراحت سبيه
ياقصه اسولف يا هظم بالغاضـــريه
راح البطل كافل ضعنّه امنين اجيبه

أم صـــ✍️ــــادق المنصوري
ــــــــــــــــــــــــــــــــــ

شیبنی امصاب الي شفته بيوم عاشور
سلبوا بنات المصطفی  واحسین منحور
او  بعد السبی رحنه یساره او شفت کل جور
والله ذبح جدي بقى بگلبي لهيبه

خادمة اهل البيت عليهم السلام العلويه ام سيد مهدي الموسوي
ــــــــــــــــــــــــــــــــــــــــــ
مرسومه بعيوني صور كل اهلي البدور
واجساد ضلت بالفله اعليها العده اتدور
اتلم بينه زينب عمتي والگلب مكسور

دلالها من القهر ضاعف نصيبه

خادمـــ✍🏻ة آل البيت ع
ـــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /8/ ذو الحجه/ 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://t.me/DmoaaAlhwraa

حي الله الخادمات الملايات تعالو وياي لقناة الشاعرة زهراءالحربي تحصلون بيها القصائد المنوعه والحزينه

من هنا الأشتراااك

👇🏻👇🏻👇🏻👇🏻👇🏻

https://t.me/ECYULhLFeQ2NTYy

https://t.me/ECYULhLFeQ2NTYy

دموع الحوراء pinned Deleted message

📜قصيدة لمولاتنا زينب "عليها السلام"

جينه ننشد زينب اشأخبارها
ليــش هل ايــام محـد زارهـا

جينه ننشد جابنه بشوگ الگلب
فـارغ المــــرقد ولا واحـد يطب
گالـوو أيــزيد النـذل عالن حرب
وحرمله الملعون شاعـــل نارها
ــــــــــــــــــــــــــــــــــــــــــ
وحـرمله الملعون وي زمرة يزيد
الحقد بيهم عاد راجع من جـديد
حارس الزينب بطل ماعنـده ايـد
واگـف ومحــد يصل لكتـــــارها

ام وليــ✍ـد الموسوي
ــــــــــــــــــــــــــــــــــــــــــ
واگف اباب اخته والمدمع يكت
شــــافها بحرگه گلب چن تلتفت
تگله شوف شكد قسى اوياي الوكت
حرموا اختك حتى من زوارها
ــــــــــــــــــــــــــــــــــــــــــ
صوت من مرقدها بي ونت ألم
احميها گوم وجيب وياك العلم
عادت اعليها حرگ ذيچ الخيم
والحبال البـعده بيـــهـا آثارها

✍🏻زينب الواسطي
ــــــــــــــــــــــــــــــــــــــــــ
گوم ياعـــــباس ماني امدلله
شيلو گبري وادفـنوني بكربله
الشام.يـــبن الفحل مااتحمله
وردت اعليه بحقد   فجارها
ــــــــــــــــــــــــــــــــــــــــــ
وردو يصيحون يمي اسبوها
هاي اخـت عباس  لتخـلوها
بعدو كل زوارها وهظموها
وامحو عن الشيعه كل تذكارها

ام علي البابلي
ــــــــــــــــــــــــــــــــــــــــــ
تمت بعون الله وتوفيقه بأقلام الخادمات
✍🏻ام وليد الموسوي
✍🏻ام علي البابلي
✍🏻زينب الواسطي
لانجيز حذف الاسماء نسألكم الدعاء

https://t.me/DmoaaAlhwraa

📜قصيدة لمولاتنا الزهراء "عليها السلام" على طور "توأم يا زمان"


زمــــرة  انتقام
ماتــعرف حرام
نقضوا ابعهد الرسول وحرگوا الدار
.....................
هجموا أعله الدار هجمه.ضلوعها طحنوها أُمنه..والوكت ليل
وين ننطي الوجه صحنه..فضه أجت واكعدت يمها والدمه يسيل
ينچوي گلبي البچيها..مات محسن بين اديها وتصرخ الويل
لو تريد اتگوم سكته تخفي من عدنا ألمها وبالمشي اتميل

يرضا الله الرضاج...ظالم ما رعاج
    والوصية قيدت حيدر الكرار

✍🏻زينب الواسطي
.....................
آه يا أمنه مصابج ، بالگلب چانون ناره سنين يسعر
بعيني شفت الصار كله من هجم وي العصابة الحطب وجّر
ظالم وميخاف ربه ولا استحى من منكراته بحقده عبّر
مأمن ومرتاح باله هاجم ويمشي يتبختر موّصى حيدر

تخسأ يا جبان … تأشر بالبنان

هذا حامي دخيله هذا حامي الجار

✍️العلوية أم منتظر جمال الدين
..................
يخسأ الطاغوت  يوصل باب امي ورحمة الله لولا الكتاب
وياقلم بالك تكتبه حيدره  مادافعلها وياك الي  إعتاب
هز ابن صهاك هزه اقره ابن قيس و مجلسي تلگه الجواب
اكتب اوجوه الحقيقه الصار باسرار الخليقه باچر احساب

سجّل بالمداد..تاريخ السواد

العن العنها الذيابه واصرخ الثار

ام عــــــــــ✍🏻ـــــــلي البابلي
.....................
اصرخ بثــار الوراثه وألعن الزمرة الثلاثه من فعلـهم.
وجهه يم الباري اسود الضرب بضعة محـمد نحچي عنهم.
كلهم، لطگـوو ضلعها هالعصابه الله جمعها هنا حشرهم
حطب لنار وجهنم جنة الباري ميشتم اي جعلهم

النار الهم مكان ..ويعـيد الزمـــان

الهم التاريخ يشهد ماجره وصار

ام وليـــ✍ـد الموسوي
.....................
يشهد التاريخ الهم والجهنم صفوا كلهم ما يفوزون
النقض بيعة نبينه وحاربانه ونكر دينه يربح اشلون
الما اخذ صك الولايه واعترف بالزهره ايه انحسب مجنون
هاي ريحانت ابوها البضعه حيف ايبضعوها مركز الكون

من عز الشباب .... لاحضان التراب

بعد ماينفع عتاب وتنفع اعذار

خادمة آل البيت عليهم السلام
.....................
✍🏻✍🏻تمت بعون الله وتوفيقه بأقلام الخادمات
زينب الواسطي
العلوية ام منتظر
ام علي البابلي
ام وليد الموسوي
خادمة آل البيت عليهم السلام

نسألكم الدعاء
https://t.me/DmoaaAlhwraa

موشح وكأني بلسان حال مولاتي زينب ع
--------------------

ارد اسولف محنتي ابـدمعاتي
واكتب ابسيل الـجـفـن آهاتي
آنـه زينب والحزن صاير نديم
راح اســرد قـصـتـي كـل آتـي

--------------------

اول الـشـوغـات دلالــي انــچـــوه
يوم شفت الزهره والمحسن سوه
چنه عـرش البـاري عالـعـتبه هوه

ابتدت من ذاك الـوكت مأساتي

--------------------

الـوكـت سچـيـنـته بـجـروحـي سن
عيوني ذيـچ الصور لحضه ما نسن
طـبـرت الـكـــرار لـو سـم الـحسن

ياهي سهله او ما توج جمراتي

بقلم خادمة آل البيت ع

--------------------
والامر واصعب عليّ يوم الطــــفوف
بگلب اخيي اتلاگت ارماح وسيوف
وعلنهر رايتــــنه وي ذيچ الچفوف
الاه والون ترجمن چلماتي
ام علي البابلي
--------------------
الاه والون زادن بســــبي العيال
من عفت مطروح اخيي عالرمال
طـــاح عــــباس وفـگدك يـالدلال
ابچي لو طگ العدو ابنياتي

✍🏻زينب الواسطي
--------------------
اختلطت الاحزان بجروح الدهر
مايفارگني ابد ليش القهر
مارحم گلبي عذابي والقدر
شبچت اعليه بهظم حسراتي
--------------------
الليل عود استر علينه من يچي
لاچن اشيطفي دموعي بالبچي
عله ضيم الكلب والاه انتچي
تكسر الخاطر صفت خطواتي

مريم العبوديه اسيرة الاحزان 💔
--------------------
شحجي واني الشام بچاني اشكثُرررر
طرت السوگ الخدت مني عمُر
صحبه صرت اويه الحزن من الزغُر
وبين افراگ الاخو ابنبراتي

زينب الواسطي
--------------------
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://t.me/DmoaaAlhwraa