اكو فد موضوع اريد اوضحه للجميع
قناة التليجرام صارلها 4 سنوات من سويتها و ما فد يوم حجيت على مدرسين او مدرس ابد لكن اكو شئ بصراحة لازم احجي به لفائدة الجميع .
صار كم سنة بالتدريس الخصوصي و بالاخص في بغداد نظام اشتهر و كل سنة دينعاد و ديشتهر اكثر و هو المدرس يمشي ببطئ مبالغ به جدا ، بحيث يضيع العطلة الصيفية كلها بفصل واحد بس او
يضيع 6 اشهر من الطالب بفصلين و نص بحجة دنظبط مادة و بحجة جاي انطيك افكار هوااي و اثرائيات هواي و و و ... الخ من الحجج .
هذا النظام هو نظام ضحك و استغلال للطلبة لان الطالب بالبداية ميعرف مصلحته و يصدك انه هذا النظام صحيح و يفيده و بالاخير المادة تتشربت عليه بحيث بشهر واحد يتم شرح ٤ فصول للطالب.
و المشكلة اكو البعض من المدرسين مجاي يصحح خطأه بالسنة الي تجي و انما مستمر كل سنة على هذا النظام و اللي بسببه يتدمرون الطلاب و الاغلب لو يأجل لو يعيد سنة بسبب المدرس و مخلي الحسابات الوهمية مال مساعدين شغلهم يمجدون بيه و يسووه بالاعلام بس هو و بس و الغاية من البطئ هو .. غايات اخرى و هي ابقى الم طلاب من غير اساتذة لان الطالب بالبداية ميعرف مصلحته و عباله البطئ ديضبط مادة له ، ميدري ديضحك عليه و الغاية هي استقطاب طلاب اكثر لغرض الفوائد المالية .
كل المدرسين المخلصين للعمل و اللي عدهم شرف المهنة ، المفروض يتعاونون علمود ينهون هذه المهزلة اللي صارلها 5 سنوات و بالاخص ببغداد لان الضحية الوحيد بالاخير هو الطالب و كل واحد يدمر الطلاب و يدمر مستقبلهم ، اكو رب بعدين يحاسبه على كل اللي ديسويه .