طلعت القصة مش محتاجة كل هالتعب، هيني ببساطة بقول أنا "الظالم" وبحرق الأخضر واليابس في غزة وبكل أريحية ووصل فية الحال أهد بالجرافات بيوت الناس على رؤوس ساكنيها، وأفجر أحياء كاملة ببراميل وربوتات متفجرة، وبترك مئات الناس اللي بتتصاوب تنزف لأيام وأسابيع حتى تموت، وبمنع المنظومة الصحية تشتغل في المناطق اللي بحرقها، وهي في مئات الأطفال والنساء عايشين تحت الأنقاض وبصرخوا وجنودنا بتسمعهم وبضل الدبابات والجرافات "تشوط" فوق ركام بيوتهم.
وهيني حرقت الناس أحياء في نصف مستشفى شهداء الأقصى اللي بتقع في وسط ما يقال عنها المنطقة الآمنة وأمام كاميرات العالم، وهيني بقول "أنا ربكم الأعلى" وما حدا قادر يحكي كلمة!!
هيني بحرق في غزة شبر شبر والعالم العربي يتراقص في البارات والخمارات!؟ وهي جنودي بنكلوا بالمعتقلين ووصل فيهم الحال يغتصبوا المساجين وأمام الكاميرات!!
نتنياهو نفسه استغرب من قدرته على السيطرة على العالم وعلى خراف الشرق الأوسط!!
طلعت القصة سهلة وأسهل مما توقع النتن وجيشه المرتزقة!!؟
هو يحرق والعالم العربي يرقص، والغرب يصفق !! بكل بساطة!!