«بسم اللّٰه والصلاة والسلام على رسول اللّٰه، الحمد للّٰه الذي علّم بالقلم علّم الإنسان ما لم يعلم والصلاة والسلام على معلم الناس الخير محمد صلىٰ اللّٰه عليه وسلم.» 🌿
♦️النهاردة بإذن اللّٰه هنتكلم عن:-
1. معادلات كتابة الـ Copy writing.
اتفقنا إن الـ Copy = بيع،
فأي بوست أو محتوى للبيع يُفضل استخدام معادلات كتابة معينة علشان تحقق أكبر قدر من إن العملاء يتفاعلوا معاها.
▫️في معادلات كتير جدًا، تقريبًا 27 معادلة، هنكتفي بشرح أهم 3 فقط، ولو حد عايز يعرف أكتر ممكن يبحث على جوجل.
📍أول معادلة معانا هي
BAB اختصارًا لـ⏬
= Before After Bridge
Before يعني حالة العميل قبل شراء المنتج.
After يعني حاله هيتغير إزاي بعد حل المشكلة.
Bridge يعني إيه الحل اللي هيوصله لكدا.
(بمعنى إنك بتوضحله قد إيه هو في وضع صعب، وإزاي كل دا هيتغير بعد شراء المنتج.)
____
📍تاني معادلة PAS
اختصارًا لـ Problem Agitate Solve.
الأول بتذكرله المشكلة، ممكن على شكل سؤال أو توضحله إيه هي فالأول ⏪ Problem.
تاني حاجة تبدأ في مرحلة تأجيج المشاعر، توضحله خطورة الوضع اللي هو فيه وإن الموضوع ممكن يكبر (كبر الموضوع يعني.) ⏪ Agitate
بعدين تبدأ توضحله إيه الحل اللي هو (المنتج.) ⏪ Solve.
__
📍أهم معادلة والأخيرة معانا هي AIDA
اختصارًا لـ Attention Interest Desire Action
تبدأ الأول تجذب انتباهه (من خلال العنوان مثلًا.) ⏪ Attention
بعدين تزود اهتمامه بالمشكلة وتوضحله إيه هي (في المقدمة كشرح للعنوان.) ⏪ Interest
ثم توضح الرغبة للشراء وتعدد المنافع ومدى التحول بعد شراء المنتج (في الموضوع /Body.) ⏪ Desire.
وأخيرًا تطلب منه رد فعل أو توضح الـ CTA (اشتري/ جرب معانا..) ⏪ Action.
__
▪️تاني حاجة معانا النهاردة خاصة بجانب كتابة المقالات على المواقع _ جوجل_:-
1. إزاي أرفع مقال على جوجل ❓
▫️عن طريق إن شركة يكون عندها موقع، وتضيفك للكتابة.
▫️أو عمل موقع خاص بيك،
هتلاقوا الطريقة على يوتيوب أو جوجل.
____
▫️هنكتب المقال إزاي؟
▪️زي م اتعلمنا، عن طريق التركيب التشريحي للمقال، استخدام مستوى لغة مناسب، مراعاة القمع التسويقي، وتحديد شخصية العميل، والبحث عن الموضوع والمنافسين زي م قولنا قبل كدا وإننا نقرأ كويس علشان نعرف نكتب، ومراعاة الـ Brand Voice والـ Tone of Voice،
ومراعاة معايير الـ SEO.
ثم رفع المقال على الوورد بريس.
____
⁉️ طب يعني إيه وورد بريس ؟
الوورد بريس هو نظام إدارة محتوى أو لوحة التحكم في الموقع، يُستخدم في كتابة المحتوى.
بيكون فيه جانب لكتابة الموضوع، وجانب للعنوان، وجانب للصور، والروابط.
▫️ممكن تشوفوا ڤيديو بيشرح الوورد بريس بالتفصيل.
_
🎗️إزاي نختار الصور والروابط وكل التفاصيل دي؟
كنا قولنا إن علشان تكتب مقال ينزل على موقع لازم تراعي معايير الـ SEO =Search engine Optimisation.
📍يعني تحسن محركات البحث علشان مقالك يظهر في نتائج البحث الأولى ويزيد عدد الزوار.
🖇️ إيه هي بقى معايير الـ SEO ؟ وإزاي نحققها ؟
1. الكلمات المفتاحية.
هي كلمات أغلب الناس بتكتبها في السيرش، زي كلمة (كيفية.)
طب أعرف الكلمات دي إزاي⁉️
في مواقع مجانية/ مدفوعة بتعرفك الكلمات دي، على حسب المقال اللي هتكتبه.
▪️هنبعتلكم أشهر المواقع.
📍الكلمة المفتاحية بتتكرر من 2:2,5%
يعني لو عدد كلمات المقال 1,000 كلمة، تكرر الكلمة المفتاحية 20 مرة في المقال كله - على فترات.-
📍ومهم جدًا تكتبها في العنوان، والعنوان الجانبي.
_
2. الترويسات.
الترويسات هي مكان في الوورد بريس بيحدد العناوين الموجودة في المقال.
▫️ترويسة 1 /أو H1 = يعني العنوان الرئيسي.
▫️ترويسة 2/ H2 = العنوان الفرعي.
(كل العناوين الفرعية في المقال اسمها ترويسة 2.)
▪️ترويسة 3= العنوان الجانبي.
(اللي تحت العنوان الفرعي،
وكل العناوين الجانبية اسمها ترويسة 3.)
▫️ترويسة 4 = العنوان الجانبي التاني.
(بيكون تحت العنوان الجانبي الأول،
وكل العناوين الجانبية التانية اسمها ترويسة 4.)
فـ لازم تحدد الترويسات بتاعتك في المقال علشان دا بيظهر المقال أكتر.
___
3. الوسوم والتصنيفات.
▪️في جانب الوسوم تكتب كلمة مفتاحية (من اللي استخدمتها في العنوان مثلًا.)
▫️ومن جانب التصنيفات تختار تصنيف لمقالك.
_
4. الصور (ك صورة بارزة للمقال تظهر من الخارج.)
📍 من جانب تعيين الصورة البارزة للمقال، تختار صورة
"مهم جدًا الصورة يكون اسمها نفس اسم المقال بتاعك."
والكلمات التوضيحية للصورة= تكون نفس العنوان أو عنوان تاني باستخدام الكلمات المفتاحية.
الوصف للصورة = نتكلم عن العنوان باستخدام الكلمات المفتاحية.
__
5. الوصف.
▫️بيظهر تحت العنوان، فلازم يكون جذاب ونستخدم فيه بردو الكلمات المفتاحية،
ويكون شرح بسيط لعنوان المقال.
(زي وصف الصورة، بس دا لازم يكون جذاب، يخلي القارىء يختار قراءته.)
____