دَخــيــل • Outsider @dakhil11 Channel on Telegram

دَخــيــل • Outsider

18 Jan, 23:32

وبعدين مع الحالات الفردية؟
لأيمت بدنا نضل عم نستخدم هالعبارة كتبرير لكلشي عم يصير؟
ما كأنو الحالات الجيدة هي اللي عم تتحول لتصير حالات فردية والحالات السيئة عم تتحول لتصير نهج عام؟

#دمسرخو
#اللاذقية
#سوريا_الحرة
#دخيل

153

دَخــيــل • Outsider

18 Jan, 15:47

هالنوع من الشماتة بيعكس نوع من التشوّه النفسي الناتج عن إحساس بالعجز أو الغضب المكبوت

لما الإنسان بيشمت بمآسي مثل حرائق وبيدعي يصيب غيرها، هو ما بيكون عم ينتصر لقضية أو يوجه رسالة، هو بس عم يفرّغ إحباطو الشخصي بوسيلة مليانة عدائية وغير أخلاقية

الشماتة هون ما بتدل على وعي أو قوة، بالعكس لان الله لا يحابي الجهلاء، هاد النوع بيكشف عن ضعف بالتعاطف ونقص بالإنسانية، لأن أي كارثة طبيعية بتضرب بشر، أغلبهم ما إلهم علاقة بسياسات حكوماتهم أو مواقف دولهم

إذا كنت حاسس بالظلم أو الغضب تجاه أميركا أو أي دولة، فهالطريقة بالتعبير بتدل إنك عالق بدائرة سلبية، بدل ما تفكر بطرق بنّاءة لتوصل فكرتك أو تحقق هدفك
هالتعليقات ما بتقوي موقفك، بالعكس، بتخلّي الناس يشوفو عدائيتك قبل أي شيء تاني

فكّر شوي قبل ما تنشر هيك كلام
الإنسان الناضج هو اللي بيعرف يميّز بين غضبو من الحكومات وتعاطفو مع الأبرياء
لو كل واحد منا استخدم كوارث العالم ليفرّغ كراهيتو، شو اللي بيخلّفنا عن اللي مننتقدهم؟ الفرق الحقيقي بين القوي والضعيف، هو إنك تبقى إنسان حتى لما تحس بالقهر

ولكن الوعي الديني :
مصائب علينا : امتحان الهي
نفس المصائب عليهن : غضب الهي

#دخيل

550

دَخــيــل • Outsider

18 Jan, 11:44

البند اللي بيقول “أن لا يكون موظف لدى الجهات الحكومية بين عامي ٢٠١٥ و٢٠٢٤” بيعني إنو الأشخاص اللي اشتغلو مع الحكومة بهي الفترة ما بيقدرو يشاركو بالمؤتمر الوطني

شو الدلائل من هالبند؟
1. خوف من تأثير النظام:
• هالفترة اللي عم يحكو عنها كانت وقت النظام عم يسيطر بشكل كبير، فشكلها القصد إنو يقللو احتمال وجود ناس إلهن ارتباط مباشر بالنظام أو كانو تحت تأثيرو

2. محاولة لإعادة بناء الثقة:
• عم يحاولو يعملو مؤتمر يكون مستقل أكتر وما يكون فيه ناس ممكن العالم ما تثق فيهن لأنهم كانو جزء من الحكومة بهديك الفترة

3. رسالة سياسية:
• البند ممكن يكون متل “إعلان” إنو ما بدن حدا من بقايا النظام أو يلي كان جزء من الفساد الحكومي بهالمرحلة

شو السلبيات؟
1. إقصاء عدد كبير من السوريين:
• كتير ناس اشتغلت مع الحكومة بهي الفترة لأسباب معيشية بحتة، مو لأنهن كانو مؤيدين للنظام، فهالشي ممكن يظلم شريحة كبيرة ويبعدها عن المشاركة

2. تقسيم المجتمع أكتر:
• بدل ما يحاولو يجمعوا كل الأطياف، البند ممكن يزيد الانقسام لأنو عم يستثني ناس كانت مضطرة تشتغل مع الحكومة وما بكيفها، عم نحكي نحنا مثلا عن دكاترة جامعة وحقوقيين ومحاميين وقضاة ما بي عن المجتمع المدني

3. ضياع الكفاءات:
• في ناس عندها خبرات كتير مهمة واشتغلت بالحكومة بس كانت بعيدة عن السياسة وقرارت النظام ودم الشعب السوري، فاستبعادهم ممكن يحرم المؤتمر من ناس فعلاً قادرة تساعد

4. خلق حساسيات جديدة:
• هالنوع من البنود ممكن يخلي ناس تشعر إنو هي مو جزء من العملية الجديدة، وهاد الشي بيخلق نوع من التوتر وعدم الثقة

بالنهاية، هالبند شكلو هدفو سياسي أكتر، بس لازم يكون في توازن لحتى ما يظلمو ناس ما إلها ذنب وما تسبّب مشاكل جديدة بدل ما يحلوها

#سوريا_الحرة
#دخيل

685

دَخــيــل • Outsider

18 Jan, 11:20

#متداول

المؤتمر الوطني السوري الشامل
الموعد والمكان:
الخميس ٢٠ شباط ٢٠٢٥ ميلادي
الموافق ٢١ شعبان ١٤٤٦هجري
في دمشق برعاية أممية

المشاركون:
١-فئة الشباب ( ذكور وإناث)الكفاءات ٧٠٠ مدعو.
٢-رجالات دين من كل الأديان ١٠٠مدعو.
٣-شيوخ عشائر ورجالات مجتمع مدني .
٤- فئة من سيدات المجتمع المدني و الكفاءات

توجيه الدعوات بدأ منذ مساء أمس ..
الدعوات توجه وفق معايير منها :
- مواطن عربي سوري لأبوين سوريين.
- أن لايكون موظف لدى الجهات الحكومية بين عامي ٢٠١٥ و ٢٠٢٤
- الموجودين بالخارج تتم دعوتهم عن طريق السفارات السورية
- الدعوة مبدئياً بإتصال هاتفي (موافقة مشاركة) ومن ثم اتصال ثاني (تأكيد)
وبعدها دعوة خطية

نأمل ونتمنى لمؤتمرنا الوطني الشامل النجاح وتحقيق آمال ملايين السوريون أينما كانوا

#سوريا_الحرة
#دخيل

677

دَخــيــل • Outsider

17 Jan, 21:59

😒🫵🏻

824

دَخــيــل • Outsider

17 Jan, 13:25

أسوأ ما مرّت فيه هالمرحلة ما كان بس الخسائر البشرية أو المادية، بل كان شعور عميق بـ”المظلومية” يلي سيطر على كتير من المسلمين السنة

هالشعور ما إجى من فراغ، لأنو المدن اللي تهدمت كانت مدنهم، والحيوات اللي اتدمرت كانت حياتهم، وهنة اللي دفعو التمن الأكبر بكل شي صار

هاد الإحساس بالمظلومية حقيقي وصعب إنو ننكرو، بس هون بيجي السؤال الأهم: كيف فينا نقول إنو أي ثورة ممكن تحقق أهدافها إذا ما اعتمدت على قوة الأغلبية؟

إذا بنفكر بالقصة بعيدًا عن العواطف ومن منطلق منطقي وفلسفي، منلاقي إنو أي حركة شعبية أو ثورة كبيرة لازم تستند على قاعدة قوية من الأغلبية

يعني لو كانت الثورة، مثلاً، طالعة من الأقلية الدرزية وما لاقت دعم من السنة، هل كانت بتقدر تواجه النظام؟
أو لو كانت منطلقها العلويين أو المسيحيين، هل كانت لتتحول من فكرة إلى واقع ملموس بدون دعم الأكثرية؟
الجواب واضح: بدون السنة، يلي هني الأغلبية، الثورة ما كانت رح تتجاوز حدود الحلم

هاد الشي بيخلينا نستنتج نقطة مهمة: الأغلبية هني العمود الفقري لأي حركة شعبية
دخول السنة بالثورة عطاها روح وحياة، وكان هاد الشي مبين بوضوح بالتوزيع الجغرافي للحراك، لأن مناطق السنة كانت الساحة الأساسية، وباقي المكونات كانوا عم ينضمو إلها للمشاركة

خلينا ناخد مثال بسيط: إذا تجمع ألف متظاهر، وكان فيهن 800 من السنة و200 من باقي الأطياف، وصار انفجار، فمن الطبيعي يكون أغلب الضحايا من الأغلبية

بس هون بتجي المفارقة يلي بتطرحها الفلسفة السياسية: لو صار بالمستقبل نظام سني وقرر يقمع مظاهرات شعبية، رح تضل الأغلبية نفسها، السنة، هني يلي يدفعو التمن الأكبر

#سوريا_الحرة
#دخيل

906

دَخــيــل • Outsider

17 Jan, 12:21

يوتيوب خالفت الفيديو تبع جو حطاب مو كرمال مضمونو، انما كرمال الصورة المصغرة باسفل الفيديو، لانها اعتبرته عم يروج لشخص هي بتعتبره ك ارهابي

المخالفة انو وقفولو الأرباح على الفيديو وحدّو من انتشارو

#سوريا_الحرة
#دخيل

895

دَخــيــل • Outsider

17 Jan, 11:04

ما الذي يمنع الاتحاد الأوروبي من إزالة كافة العقوبات على #سوريا بعد سقوط نظام الأسد؟
مفوّضة الاتحاد الأوروبي للمساواة وإدارة الأزمات حاجة حبيب تجيب

#سوريا_الحرة
#دخيل

889

دَخــيــل • Outsider

16 Jan, 20:21

اكثر من 112,414 شخصًا في عداد المختفين قسريًا، ويُرجح أنهم قُتلوا أثناء فترة احتجازهم ودفنوا في مقابر جماعية

حتى ديسمبر سجلت الشبكة السورية لحقوق الإنسان تغييب 136,614 مغيب قسري

بعد سقوط النظام وفتح السجون، تم الإفراج عن نحو 24,200 معتقل فقط والبقية مفقودين حتى هذه اللحظة 💔

966

دَخــيــل • Outsider

16 Jan, 16:34

اقل بسطة خضرة بالسويدا 💅🏻

#سوريا_الحرة
#دخيل

985

دَخــيــل • Outsider

16 Jan, 13:38

بعض الاعمال الفردية 💅🏻
دمشق / باب توما

تابعونا على الفيسبوك:
https://www.facebook.com/dakhiloutsider11

#سوريا_الحرة
#دخيل

986

دَخــيــل • Outsider

16 Jan, 12:39

إذا سقط الطاغية
لا يعني ذلك أن الشمس ستشرق في سمائنا
يجب أن نكون نحن الشمس

تابعونا على الفيسبوك:

https://www.facebook.com/dakhiloutsider11

#محمود_درويش
#سوريا_الحرة
#دخيل

970

دَخــيــل • Outsider

16 Jan, 11:17

بيان صادر من الطائفة العلوية في تاريخ 20.07.2011

بيان شباب الطائفة العلوية بخصوص الأحداث الأخيرة في مدينة حمص

بيان شباب الطائفة العلوية بخصوص الأحداث الأخيرة في مدينة حمص
لقد رفضت الانتفاضة السورية على مدى أربعة أشهر الانقياد وراء أي توجّه يحرف مسار الانتفاضة عن سلميّتها ووطنيّتها رغم محاولات النظام الرامية إلى نفي صفة سلمية الثورة ووطنيتها وذلك باختراع رواية العصابات المسلحة واتهام المتظاهرين بإثارة الفتنة الطائفية والعمل لصالح أجندات خارجية، وذلك كلّه لكي يجد مبرراً لممارساته القمعية الموجّهة ضد المظاهرات والمناطق والمدن المنتفضة والتي تتسع دائرتها يوماً بعد يوم، وهو اليوم يسعى جاهداً لإثارة فتنة طائفيّة تكون مخرجاً له من أزمته الراهنة داخلياً وخارجياَ.
كما حاولت بعض التيارات والشخصيّات ذات التوجّه الطائفي _ وما تزال _ استغلال اللحظة الراهنة لإيجاد موقع لها حين تسنح لها الفرصة للحديث باسم الثورة وتقرير ماهيتها بما ينسجم مع أيديولوجيتها الطائفيّة، إلا ان الشارع المنتفض والملتحم والموحد متجاوزاً انتماءاته الدينية والطائفية والإثنية، استطاع بحسّه الوطنيّ العالي نبذ أي جهة حاولت تشويه صفة هذا الحراك الشعبي السلمي الوطني، رافضاً أن يكون لهذا الحراك أي صبغة دينية أو طائفيّة أو عرقيّة.
ونحن شباب الطائفة العلوية كنا وما زلنا نرفض أن نعبّر عن أنفسنا بهذا الوصف، لكن حساسية المرحلة وضرورة تسمية الأشياء بمسمياتها اقتضت أن يصدر البيان تحت هذا المسمّى، ليكون في ذلك دلالة تنفي وجود أي اقتتال ذو منشأ طائفي .. من هنا يأتي التأكيد على:
- نعلن رفضنا الشديد لأي سلوك أو تحريض يقوم على أساس مناطقي أو ديني أو طائفي ونؤكد على رفض العنف أيّاً يكن مصدره، ونحمّل النظام وأدواته من الزعران والشبّيحة من كافّة الطوائف المسؤولية الكاملة عمّا جرى في مدينة حمص من قتل وتخريب وتحريض على الكراهيّة.
- وقعت بعض حوادث العنف المتفرقة المؤسفة خلال الفترة الماضية، وهي لا تتعدى السلوك الفردي ونرفضها بالمطلق. إلا أن مايجرى في حمص حالياً هو محاولة يائسة من النظام لإخماد جذوة الثورة والسعي لتحويلها إلى صراع أهلي بعد أن فشلت محاولاته في اللاذقية وبانياس وجبلة وغيرها من الأماكن التي تقطنها الأقليات عموماً والطائفة العلوية بشكل خاص لتضييع الفرصة على الثوار الحقيقيين الذين أرادوا ولا زالوا سورية حرة مدنية ديمقراطية.
- إنّ الاستبداد لا دين له ولا طائفة، فهو تحالف قوى ومصالح تنتمي لمختلف مكوّنات المجتمع، وإن اتهام الطائفة العلوية بولائها المطلق للنظام يصبّ في خدمة النظام الذي يحاول تجيير الطائفة إلى مصلحته عبر تخويفها من التغيير، في وقت يعلم الجميع كم من التضحيات التي قدّمها ويقدّمها الآلاف من أبناء الطائفة في صفوف المعارضة طيلة عقود قارعوا فيها الاستبداد وذاقو من التعذيب والتشرّد والاعتقال الكثير.
نحن جميعاً سوريون تجمعنا سوريا العظيمة، ولا بدّ من الوقوف معاً في وجه محاولات النظام لإثارة النعرات الطائفيّة فيما بين أبناء الشعب الواحد. فليرتفع صوت العقل ولنعلم جميعاً أنّ وحدتنا الوطنيّة هي صمّام الأمان لنجاح الانتفاضة الشعبيّة، وبناء سوريا الحرّة التي نحلم بها.
لا للطائفيّة لا للعنف يسقط الاستبداد وعاشت سوريا حرة ديمقراطيّة لجميع أبنائها

#سوريا_الحرة
#دخيل

995

دَخــيــل • Outsider

15 Jan, 21:12

منذ بداية الحرب في 7 أكتوبر 2023، ارتفع عدد الضحايا في قطاع غزة بشكل كبير

بحسب وزارة الصحة الفلسطينية في غزة، بلغ عدد الشهداء حوالي 46,565 شخصًا، وأكثر من 109,660 جريحًا.
من بين هؤلاء الضحايا، هناك نسبة كبيرة من النساء والأطفال
كما تسببت الهجمات في تدمير واسع للبنية التحتية، بما في ذلك المستشفيات والمدارس والمنازل، مما أدى إلى نزوح حوالي 1.9 مليون شخص داخل القطاع.
بالإضافة إلى ذلك، تشير التقديرات إلى أن حوالي 10,000 جثة ما زالت تحت الأنقاض، مما يجعل من الصعب تحديد العدد الدقيق للضحايا.
في الجانب الإسرائيلي، قُتل حوالي 1,200 شخص في الهجوم الأولي لحماس، بالإضافة إلى مقتل 840 جنديًا إسرائيليًا خلال الصراع.

تشير التقديرات إلى أن حوالي 80% من البنية التحتية للقطاع قد تضررت أو دُمرت
تضررت أكثر من 92% من الطرق الرئيسية
تضرر حوالي 67% من مرافق المياه والصرف الصحي
تضرر أكثر من 84% من المرافق الصحية
تضررت حوالي 75% من البنية التحتية للاتصالات

قدرت تكلفة الأضرار التي لحقت بالبنية التحتية بحوالي 18.5 مليار دولار خلال الأشهر الأربعة الأولى من الصراع

كلفة اعادة الإعمار تخطت ال 60 مليار دولار وتحتاج إلى 80 سنة

#دخيل

1,221

دَخــيــل • Outsider

15 Jan, 21:04

قال حماس تعلن انها انتصرت على إسرائيل نصراً ساحقاً

يا اخي محور المقاومة دايما هيك انتصاراتو خلّابة وجذابة 💅🏻

#سوريا_الحرة
#دخيل

1,045

دَخــيــل • Outsider

15 Jan, 18:26

اتفاق وقف اطلاق النار شاف النور بين حماس والجيش الاسرائيلي 🫶🏻❤️

#سوريا_الحرة
#دخيل

1,131

دَخــيــل • Outsider

15 Jan, 16:07

طبعا هاد الشعار هو نسر الأرثوذكس

1,216

دَخــيــل • Outsider

15 Jan, 11:07

الآن من جامعة الحواش…..

جامعة الحواش الخاصة تقع في وادي النصارى بمحافظة حمص،التوزع الديمغرافي في المنطقة يتسم بالتنوع الديني والطائفي مع غالبية عظمى للمسيحية الأرثوذكس
بعض الضيع العلوية والقليل من اهل السنة الذين أتى معظمهم نزوحاً إلى منطقة الوادي خلال فترة الحرب وقصف النظام المخلوع لمناطقهم

مقاطع اكثر بالتعليقات

#سوريا_الحرة
#دخيل

1,240

دَخــيــل • Outsider

06 Jan, 14:17

هل من المعقول ان يصدق العقل بان ضابطاً من الامن ينزل في الشارع بزيه ورتبته العسكرية ليعتقل الافراد؟ 🥴🥴

#سوريا_الحرة
#دخيل

245

دَخــيــل • Outsider

06 Jan, 12:52

خلال النقاشات السياسية حول الأشكال المطروحة لمستقبل الحكم في سوريا .. البعض اقترح إنو الحل هوي باللامركزية السياسية والبعض الآخر أخد الموضوع لمستوى أبعد واقترح الفيدرالية بالحكم🤔

طيب شو يعني كل وحدة منهم وهل فعلًا بقدموا حلول للوضع الحالي؟

لنفهم أول شي القصة لازم نعرف إنو النظام المعتمد ب 165 دولة حول العالم هو المركزية ومن بينها سوريا لحد اللحظة طبعًا😁
والمركزية بمعنى بسيط يعني إنك تمركز السلطة بأحد المناطق وبتسميها العاصمة وبتمثل الدولة بشخصية اعتبارية وحدة (رئيس أو ملك أو رئيس وزراء حسب كل دولة) بس بالنهاية البلاد بكاملها تخضع لدستور واحد

هالشي إلو إيجابياتو ال بتشمل ضمان وحدة البلاد وتقديم السلطة المسؤولة بقوة أمام المجتمع الدولي!

لكنها ما بتاخد بعين الاعتبار الاختلافات بين المناطق وبالتالي ما عندها المرونة الكافية .. وبتكون قدرة الأفراد على التغيير محدودة نسبيًا.
اللامركزية والفيدرالية بالمقابل بيتمتعوا بالمرونة وبياخدوا بعين الاعتبار الاختلاف بين المناطق .. بس لازم تضل تتابع معهم موضوع وحدة البلاد
الفيدرالية بتقلك ح اعطي لكل منطقة (ولاية أو محافظة) دستورها الخاص وسلطاتها الخاصة وخليها تدير أمورها كأنها دويلة ضمن الدولة الكبيرة.. لكن الدفاع والسياسات الخارجية هنن شيء منتفق عليه جميعًا وبتكون مسؤولة عنو الولاية أو العاصمة المركزية

هالشي بتشوفو مثلا بالولايات المتحدة الأمريكية وألمانيا .. بتشوف كل ولاية الها قانون خاص فيها وتشريعات وأوراق تعديل للشهادات .. والخ بس بالنهاية كدولة عندها سياسة خارجية واضحة ومتفق عليها
اللامركزية بالأخير هيي حل وسطي تقريبًا بين ما سبق ..
خلص الدستور واحد والقوانين وحدة والسلطة وحدة .. لكن بالدستور منعطي صلاحيات لكل ولاية بشؤون فيها تتصرف فيها بدون ما ترجع للسلطة المركزية

لبسطلك الصورة صديقي شوف كيف مثلًا ببعض المشافي منقول (هيئة مستقلة) بس بالنهاية بتضل تابعة لمديرية الصحة بالمحافظة🤷‍♀️ .. بس منكون عطينا هالمشفى شوية صلاحيات زيادة متل انو تنظم ميزانيتها لحالها وتعمل مثلًا كم مشروع بترجع عائداتو الها مو لوزارة الصحة مثلًا!

بالنهاية ببلد متل سوريا بوضعها الحالي صعب تطبق نظام ما يضمن وحدة البلاد بشكل كامل بظل الانقسامات ال عم نشوفها .. لهك الفيدرالية أكيد مانها الحل بالمرحلة الحالية عالأقل خوفًا من الانفصال والتقسيم
والمركزية ما ح تاخد بعين الاعتبار الاختلافات (يعني يا أخي حق الأكراد يعلموا شيء من ثقافتهم بمناطق انتشارهم .. ما فيك تلغي قوميتهم!)

وبالتالي الحل الأمثل هوي مزج ما سبق (وهو شيء عم تدعو عليه الدول مؤخرًا حول العالم) يعني اتفقوا ع شغلات مركزية .. وشغلات تانية لامركزية وخليكم مرنين صديقي
هلا ع شو ح نتفق مركزي وشو لامركزي .. بس نتفق منعرف 😁

خبرونا انتو شو برأيكم الشكل الأمثل للدولة مستقبلًا؟!

#سوريا_الحرة
#دخيل

337

دَخــيــل • Outsider

05 Jan, 23:26

بيان صادر من أهالي حي باباعمرو في مدينة حمص 🫶🏻

#سوريا_الحرة
#دخيل

644

دَخــيــل • Outsider

05 Jan, 20:59

الشيخ العلامة الدكتور وليد كبولة تم تعيينه من نص ساعة تنطح ساعة كمدير للتربية في محافظة اللاذقية 🥸

#سوريا_الحرة
#دخيل

695

دَخــيــل • Outsider

05 Jan, 20:16

تابعونا على صفحة الفيسبوك :

https://m.facebook.com/story.php?story_fbid=pfbid0yNUWoyhtAXDJnhE8M4yCvsPUvnPetsVc8nZELzur52ZZC1hU4mKK8TwQdCGN4eosl&id=61571639483533

🫶🏻🫶🏻

#دخيل

875

دَخــيــل • Outsider

05 Jan, 19:32

شوي بحس إنو خلص، مشي الحال، والبلد أخيراً رح تقوم بعد عقود من القهر والحرمان
بعد شوي بحس ببعض الأمل، بحس إنو عم نتحرك باتجاه الحرية والكرامة، وإنو التضحيات الكبيرة بلشت تعطي نتائجها

بس بنفس الوقت، أحياناً بتشائم، بحس إنو لا، نحنا مو رايحين على بر الأمان، نحنا رايحين على أسلمة قسرية وفرض أنماط جديدة من السيطرة
واحيانا لا ليكو القرارات ما احلاها وبتصب بصالح المواطن

كل ما منقول طلعنا من دائرة الظلم، بنكتشف إنو في ناس بدها ترجعنا لدائرة جديدة، بشكل جديد وأساليب مختلفة
كأنو ما تعلمنا شي من التجربة، وكأنو كل شي صار مجرد تبادل مواقع بين ضحية وجلاّد

اللي بدنا ياه هو بلد حر، بلد لكل السوريين، ما فيا مكان لفرض فكر واحد أو نهج واحد على الجميع

التغيير اللي عم نحلم فيه مو بس بتغيير السلطة، هو بتغيير العقول والقيم اللي بتحترم التعددية، بتحترم حق كل واحد يعيش بفكره وقناعاته بدون خوف أو إكراه

فيا ترى، رح نقدر نوصل لهالبلد؟
ولا رح نضل نلف بنفس الدوامة؟

شاركونا 😏🫶🏻

#سوريا_الحرة
#دخيل

725

دَخــيــل • Outsider

05 Jan, 17:48

متابعينا من حمص، طمنونا عنكن

749

دَخــيــل • Outsider

05 Jan, 16:13

يتداول حديثًا بيان منسوب للإدارة السورية الجديدة يدّعي إصدار أمر عسكري بحرق مقام السيدة زينب واتهام فلول النظام بذلك. إلا أن هذا البيان زائف، حيث أظهرت المقارنة مع بيانات رسمية سابقة اختلافات في نوع وتنسيق الخطوط ولغة كتابة الأرقام.

667

دَخــيــل • Outsider

05 Jan, 15:16

نحنا السوريين عايشين وكأنو في حاجة دائمة نتبع حدا، نلحق شخص أو فكرة ونتعلق فيها بكل جوارحنا، وكأنو ما منقدر نعيش بدون هالتبعية

يا تبعية لرجل سياسي، يا لرجل دين، يا حتى لفريق كرة قدم!
المشكلة مو بهالتعلق بحد ذاتو، المشكلة وقت بيصير الولاء أعمى، غير قابل للتزعزع، وبيصير النقد ممنوع

#سوريا_الحرة
#دخيل

756

دَخــيــل • Outsider

05 Jan, 14:36

يا حبيبي، السياسي مانو أبوك او صهرك حتى تكنلّو مشاعر ود وحب وتصير تدافع عنو بجنون

السياسي هو موظف عندك بتعاملو على حسب عملو وانتاجيتو

العلاقة مع السياسي لازم تكون قائمة على الرقابة والمحاسبة، مو على الود والحب 😅

دورك كشعب مو إنك تحب السياسي ولا تنبهر فيه، دورك إنك تحاسب قراراتو وتحلل مواقفو وتسأل: “يا ترى هالقرار لصالحنا؟ أو عم يلعب على مصالحو الشخصية؟”

وقت يجي بدو يصاهرك ويكون جزء من عيلتك الظريفة، وقتا خيي حبو وابعتلو قلوب ودافع عنو 😉

#سوريا
#دخيل

769

دَخــيــل • Outsider

05 Jan, 14:23

كلما شفت صورة واحد سياسي بدون ذكر اسماء اول حرف من اسمو احمد الشرع

بتذكر القصيدة الخالدة للشاعر أحمد شوقي:.

برز الثعلــــب يومــــــــا في ثياب الواعظينا
فمشى في الأرض يهذي ويسب الماكرينـــا
ويقول الحمـــــد للــــــــه إله العالمينـــــــــا
ياعباد الله توبــــــــــــوا فهو كهف التائبينا
وازهـــــــدوا في الطــــير إن العيش عيش الزاهدينا
واطلــــــــــبوا الديك يؤذن لصلاة الصبــــــــح فينا
فأتى الديك رســـــــــول من إمام الناسكينا
عرض الأمـــــــــــــر عليه وهو يرجو أن يلينا
فأجــــــــــاب الديك عذرا يا أضل المهتدينا
بلــــــــــــــــغ الثعلب عني عن جدودي الصالحينا
أنهم قالــــــــــــــوا وخير القول قول العارفينا
مخطئ من ظن يـــــــــوما أن للثعلب دينا 🫶🏻

#سوريا
#دخيل

742

دَخــيــل • Outsider

05 Jan, 11:04

شو يعني عقوبات اقتصادية؟
ليش بيعاقبوا؟
طيب نحنا عقابنا وخيم ولا مو وخيم؟ يعني كتير؟

فكرة العقوبات الاقتصادية بدأت من القرن التاسع عشر لما نابليون بونابرت تحالف مع ألكسندر الأول وقرروا مع حلفائهم قطع كل الأنشطة التجارية مع بريطانيا لأنه كان صعب ينتصر عليها عسكرياً، اللي انعرف بعدين بالBlocus Continental.

بعد الحرب العالمية الأولى، تشكلت "عصبة الأمم"، اللي صارت بعد الحرب العالمية الثانية "مجلس الأمم المتحدة".
كان ميثاق دول المجلس قائم على إلزام الدول المتحاربة و المتنازعة على حل مشاكلها دون اللجوء للحروب العسكرية.
عن طريق فرض عقوبات اقتصادية على تلك الدول و تطورت فيما بعد لتشمل معاقبة الأنظمة الحاكمة، الشركات و الأفراد.
وللعقوبات الاقتصادية أشكال عدة :
- عن طريق قطع العلاقات الدبلوماسية مثلا
- تجميد أرصدة بنكية لمنظمات أو أفراد تابعة للدولة المعاقبة، وقد تطال العقوبات أيضاً أفراد و منظمات أجنبية تتعامل مع تلك الدول.
- منع عمليات الاستيراد والتصدير مع تلك الدول.
و أشكال كتير من العقوبات مثل العقوبات الذكية ال smart sections.

فبيجي قال هاد النظام المُعاقَب أو الدولة المُعاقبَة بتحاصر اقتصادياً وببطل عندها تمويل لعملياتها العسكرية الإجرامية، القمعية أو الإرهابية، فتضطر انها تخضع للحل السياسي السلمي و إنهاء الصراع.
بالحالة السورية كان الحديث حول إخضاع النظام السوري السابق لما يعرف بالقرار 2254 الذي كان يتمحور حول فكرة حوارٍ وطني مع قوى المعارضة السورية، يفضي في النهاية إلى حلٍ سياسي يسلم فيه النظام السوري السابق السلطة بشكلٍ سلمي.

بعد ما فهمنا شو يعني عقوبات اقتصادية وليش بيعاقبوا .. يا ترى بعد كل هاللي صار عقابنا وخيم؟

لنشوف شو وخيم، بدنا نعرف ايمت بدأ تاريخ العقوبات مع سوريا.

تم فرض أولى العقوبات الاقتصادية على سوريا في عام 1986، بعد ما تم تصنيف سوريا من الولايات المتحدة الأمريكية بعام 1979 كدولة راعية للإرهاب.
بعدين تحسن الوضع شوي بالتسعينات لما شارك النظام السوري السابق بالتحالف ضد العراق بحربها مع إيران ومشاركته بمؤتمر مدريد للسلام.

بال 2003 ، رجع جورج بوش الإبن عاقبنا بتهمة دعم الإرهاب في العراق ومحاولة احتلال لبنان.

بالـ2005، أوروبا ومجلس الأمم المتحدة انضموا لأمريكا وعاقبونا زيادة بعد تورط النظام السابق بعملية اغتيال رئيس الوزراء اللبناني الأسبق رفيق الحريري.

بالـ2008، رجع أوباما شدد العقوبات كمان مرة.و كمان مرة لتدخل سوريا بالشأن العراقي وعرقلة محاولات الوصول للاستقرار في البلاد.

قبل 2011 كانت العقوبات الاقتصادية تنفرض على سوريا بسبب دور نظام الأسد السلبي وممارساته الإجرامية في دول المنطقة أما بعد 2011 فصارت بسبب سياسات النظام القمعية وممارساته الإجرامية تجاه الشعب السوري لمواجهة الثورة الشعبية .

واجه نظام الأسد الشعب السوري بالقمع و القتل منذ بداية الثورة السورية في آذار من عام 2011 و ارتكب أبشع الجرائم و مجازر الإبادة الجماعية في حق الشعب السوري طوال 14 عام.

رجع الاتحاد الأوروبي وأمريكا قرروا فرض عقوبات جديدة، حتى الVeto الروسي والصيني اللي تم استخدامه 16 مرة، ما منع زيادة العقوبات من أمريكا وأوروبا وحتى الجامعة العربية.
تم إصدار الكثير من الأوامر التنفيذية من الولايات المتحدة، تستهدف شخصيات من النظام وتستهدف تقييد الحركة التجارية بين البلدين.

في عام 2019، أقر الكونغرس الأمريكي بقانون قيصر، حيث سعت أمريكا إلى توسيع إطار العقوبات لتهدد الحكومات والشركات وحتى الأفراد التي تمارس أي عمل تجاري مع النظام المخلوع عن طريق تدمير أصولهم البنكية.
ما ساهم بخلق حصار خانق على الاقتصاد السوري اللي كان بالفعل مدمر خاصة مع تودهر الليرة السورية

تابعونا على الفيسبوك:

https://m.facebook.com/story.php?story_fbid=pfbid0yNUWoyhtAXDJnhE8M4yCvsPUvnPetsVc8nZELzur52ZZC1hU4mKK8TwQdCGN4eosl&id=61571639483533

#سوريا
#عقوبات
#دخيل

793

دَخــيــل • Outsider

04 Jan, 20:00

تداول مستخدمو مواقع التواصل الاجتماعي تسجيلين مصورين يظهران عمليتي إعدام بحق امرأتين بتهمة "الإفساد والدعارة" وقالوا الرجل الذي تلا الحكمين هو وزير العدل في الحكومة التابعة للإدارة السورية الجديدة، شادي الويسي. وتلقينا رسائل تستفسر طلبا للتحقق.

منصة "تأكد" أجرت عملية تحقق دقيقة بأدوات تقنية متخصصة لمطابقة الملامح ونبرة الصوت التي تُسمع بوضوح في أحد التسجيلين على الأقل، مع ملامح وصوت الوزير شادي الويسي الذي ضهر حديثاً بعدة لقاءات مصورة. وأظهرت النتائج تطابقًا عالي النسبة، رغم رداءة جودة التسجيلين المنتشرين.

وللتأكد بشكل قاطع ونظرا لخصوصية التحقق في مناطق الصراع وفق المنهجية المعتمدة، تواصلت منصة "تأكد" مع عدة جهات في الإدارة السورية الجديدة وأكد مسؤول رفيع أن الرجل الذي يظهر في التسجيلين هو بالفعل وزير العدل الحالي شادي الويسي وكان حينها قاضيا.

مسؤول رفيع في الإدارة السورية السورية الجديدة فضل عدم الكشف عن هويته للتحدث بحرية بشأن قضية حساسة قال في تصريح خاص لمنصة تأكد
https://verify-sy.com/ar/details/10597

645

دَخــيــل • Outsider

04 Jan, 16:11

بعالم الطب والصيدلة في مصطلح اسمو:
(العلاج المثلي: Homopathic)
وال فينا نعتبرو الوجه العلمي للمقولة : "وداوها بالتي كانت هي الداء"
وبالمعنى الطبي لأعطيك مثال: إذا شخص عندو حساسية لمادة ما .. بيقترح أصحاب هالنظرية إنو بدل ما تعالجلو أعراض حساسيتو .. تحاول تعودو عالمسبب لهي الحساسية!
لبسطلك الأمور : شخص بيتحسس من مادة ما .. بجيب هالمادة وبصير قدملو ياها بكميات صغيرة ولفترة طويلة وكل مدة معينة بزيد الكمية
خلال هالوقت جسمو بيبدا يتعرف عالمادة ال كان عم يتحسس منها وبيتعود ع وجودها
ومفاجأة! مع الزمن ببطل يتحسس منها لأن جسمو ما عاد مصنفها مادة غريبة...

إذا بدك تسقط هي الفكرة عالعالم السياسي ح تشوف إنو جزء كبير من قناعاتك الحالية هيي محصلة تعود حصلت عليه من محيطك .. وممكن فكرة حاليا أنت بتعتبرها مقبولة جدا .. هيي بالأصل كانت مخيفة الك من مدة! أو مخيفة لشخص غيرك مو متعود ع وجودها
ممكن صديقي تتقبل راية الها معنى ديني أو سياسي معين لأن تم تقديمها الك ع مراحل ولفترة طويلة .. وحطوها قدامك بكل مكان .. وعودوك وحسسوك انها شي طبيعي وبتشوفو كل يوم
صورة رئيس بالكتب .. شعار معين..
وبتلاقي حالك مع الوقت مو بس متقبلها وإنما مستغرب إذا غيرك تحسس منها!!!
هلا بعّد الصورة .. شوف كمراقب خارجي
وحاول تحط نفسك مكان الآخر
ع شو تربى وعلى شو متأقلم...
اعزلوا بعض من محيطكم وارجعوا فكروا سوا ..
هل هي الراية أو الصورة أو الشعار أو الاعتقاد أو أو .. هنن فعلًا أشياء عادية ولا في احتمال أنك تكون تأدلجت عليهم مع الزمن!

#ملاحظة من الذكاء بمكان لما شخص بدو يقوم بالأدلجة إنو يقسمها ع مراحل وبخطوات صغيرة .. أما يعطيها دفعة وحدة كبيرة للجماهير وفجأة ..
ح يتحسسوا منها يا أخي..
مو بأيدن القصة!!

تابعونا على الفيسبوك : اضغط هنا

#سوريا_الحرة
#سياسة
#دخيل

854

دَخــيــل • Outsider

04 Jan, 13:47

الحكم الديمقراطي هو الأفضل لسوريا بالوضع الحالي لأنها بلد متعددة الأعراق والديانات والطوائف، والحل الأفضل لهالنوع من التنوع هو نظام بيحترم حقوق الجميع بالتساوي وما بيميز بين حدا على أساس ديني أو عرقي أو طائفي

وخلونا نوضح كيف:

1. المساواة بين المواطنين: بالحكم الديمقراطي المدني، الكل بيتعامل كمواطنين قبل ما يكونوا منتمين لطائفة أو دين معين
أمام القانون جميع المواطنين سواسية، ما في تمييز بين حدا على أساس هويتو الدينية أو العرقية، والكل بيكون عندو نفس الحقوق والواجبات
يعني المسلم والمسيحي والعلوي والسني والكردي والدرزي، الكل بيكونوا سواسية قدام القانون

لمتابعة القراءة على صفحتنا الفيسبوك: https://m.facebook.com/story.php?story_fbid=pfbid0yNUWoyhtAXDJnhE8M4yCvsPUvnPetsVc8nZELzur52ZZC1hU4mKK8TwQdCGN4eosl&id=61571639483533

#سوريا_الحرة
#دخيل

875

دَخــيــل • Outsider

03 Jan, 18:39

أول بوست على صفحتنا الفيسبوك
هنا

او هنا:

https://m.facebook.com/story.php?story_fbid=pfbid024jPvDjo9PtUBgdTtgEP3tV3xzJd4fniqBS4DrFnZb9Yfd7Ua9eW7YkgRXKMxw6ZRl&id=61571639483533

منتمنى دعمكم 🫶🏻

#سوريا_الحرة
#دخيل

937

دَخــيــل • Outsider

03 Jan, 16:49

أهلين بكل المتابعين الأعزاء ❤️

في عنا خبر حلو كتير اليوم!
متل ما تعودتو علينا، هدفنا كان دائماً هو التوعية السياسية ونشر اقرب فكرة صحيحة عن الواقع اللي عم نعيشو بسوريا، ومع مرور الوقت حبينا نطور أكتر ونعمل تأثير أكبر

بفضل دعمكم وثقتكم، فريقنا كبر وصار عنا كادر عمل مكون من 7 أشخاص
كل واحد منا جاية من خلفية مختلفة، بس اللي بيجمعنا هو حب الوطن والرغبة الحقيقية بنشر الوعي السياسي والوحدة الوطنية
واللي أهم من هيك، حبنا نكون جزء من التغيير

وكجزء من خطتنا للتوسع، صرنا على وشك نطلق صفحتنا الجديدة على الفيسبوك 🎉
واليوم المسا رح يكون أول بوست إلنا على الصفحة، وعم نحضر آخر اللمسات على اللوغو اللي رح يكون الواجهة الأساسية لقناتنا وصفحتنا

شكراً لكل واحد فيكن على دعمكن المستمر، ونتمنى تضلو معنا بهالمسيرة اللي هدفها خدمة المجتمع السوري وتوعية أكبر عدد ممكن من الناس
كونوا معنا اليوم المسا على الفيسبوك وشاركونا رأيكم وتفاعلوا معنا مثل العادة 🙏

المسا رح نرفق رابط الفيسبوك

#سوريا_الحرة
#فريق_دخيل
#دخيل

955

دَخــيــل • Outsider

03 Jan, 14:36

شبو أبو حميد؟ 🫠🙈

980

دَخــيــل • Outsider

02 Jan, 23:54

انتشار رايات "داعش" في الساحل السوري: حقيقة أم تهديد؟

وصلت لمنصة "تأكد" العديد من التساؤلات حول مقاطع فيديو وصور تُظهر مجموعات عسكرية ترفع رايات سوداء تعرف بـ"رايات العقاب" في بلدات وقرى مختلفة بالساحل السوري. وقد أثار هذا المشهد ذعر الأهالي، خاصة مع ارتباط هذه الرايات بتنظيم داعش الإرهابي في أذهان الكثيرين.

بعد التدقيق والتحقق من المصادر الميدانية الموثوقة، تبين أن العناصر الذين ظهروا في هذه المقاطع لا يتبعون لتنظيم داعش، بل ينتمون لجهاز الأمن العام التابع للسلطة الحالية في سوريا. هذه المجموعات الأمنية تعمل منذ أيام على تنفيذ عمليات لملاحقة المطلوبين والمجرمين المتورطين بجرائم قتل وانتهاكات ضد السوريين بحسب ما أعلنت عنه السلطة قبل عدة أيام وفيما يلي مقطع فيديو من قرية خربة المعزة ريف طرطوس يظهر عناصر يتبعون لجهاز الأمن بعضهم يحمل تلك الراية.

سياق الراية واستخدامها

من المهم الإشارة إلى أن راية العقاب تُعد رمزًا إسلاميًا تاريخيًا، وتُستخدم أحيانًا من قبل جهات غير مرتبطة بالتنظيمات الإرهابية. ومع ذلك، فإن استخدامها في مناطق تشهد توترات أمنية قد يؤدي إلى سوء تفسير نوايا الجهة التي ترفعها، ما يثير حالة من الفزع وعدم الاستقرار بين السكان المحليين.

رسالة إلى السلطة

توجه منصة "تأكد" نداءً إلى السلطة الحالية بضرورة اتخاذ خطوات واضحة لمنع رفع أي رايات أو رموز قد تُفسر بطريقة خاطئة، خصوصًا في ظل الظروف الحساسة التي تعيشها المنطقة. كما ندعوها لتوضيح أهداف هذه الحملات الأمنية للرأي العام، بما يضمن طمأنة السكان وتجنب انتشار الشائعات والمخاوف غير المبررة.

وتهيب منصة "تأكد" بالجمهور التحقق من صحة الأخبار المتداولة عبر وسائل التواصل الاجتماعي قبل مشاركتها، والاعتماد على مصادر موثوقة لتجنب نشر الذعر والمعلومات المضللة. نحن ملتزمون بالتحقق من أي مزاعم تثير القلق العام وتقديم الحقائق بدقة وشفافية.

https://verify-sy.com/ar/details/10595

927

دَخــيــل • Outsider

02 Jan, 19:29

طرطوس : هااام

عناصر الأمن العام يطاردون عصابة قامت بأعمال اجرامية وترعيب وتخريب في منطقة الأحلام
يرجى من الأهالي البقاء في منازلهم ريثما تنتهي المهمة.

#متداول
#سوريا_الحرة
#دخيل

1,196

دَخــيــل • Outsider

28 Dec, 11:48

اعتقال سفاح صيدنايا وقتل جزار الحولة في أضخم حملة لاستئصال فلول الأسد.. من هم شجاع العلي ومحمد كنجو الحسن؟

#سوريا_الحرة
#بلينكس
#دخيل

285

دَخــيــل • Outsider

27 Dec, 13:23

انتشر ادعاء بأن إسرائيل قصفت طرطوس بقنبلة نووية مصغرة، مستندًا إلى رصد إشعاع في قبرص وتركيا. إلا أن التقارير تؤكد أن هذه الزيادات الإشعاعية طبيعية وتُلاحظ بانتظام، حيث سجلت المحطة ذاتها زيادة أكبر في 3 ديسمبر الجاري دون أي صلة بنشاط نووي.

573

دَخــيــل • Outsider

27 Dec, 13:00

سوريا بدون الأسد ( المخاض والأفق)

بعد سقوط سريع و غير متوقع للنظام البائد، تواجه الإدارة الحالية مشكلات على مستويات عدة
أبرزها التحدي الأمني وبسط سيطرتها على كافة مناطق نفوذها الآن وإعادة الأمان والاستقرار الجزئي على الأقل

ولقد برز خلال اليومين الماضين عوامل لزعزعة هذا المسعى عبر أحداث متفرقة لكن ترتبط على الأرجح بأيادي من أنظمة كانت سبب بقاء الأسد المخلوع في سدة الحكم لقرابة خمسة عشر عاماً من الصراع

إنها أنظمة تتغذى على الفوضى وتحاول إدخال البلد الهش والمنهك في صراع أهلي على أساس طائفي، قد لا يتقبل البعض الخسارة، لكن من سيحاول بشتى الوسائل إحداث الفوضى هو من كان مستفيدا من بشار الفار

لا مصلحة للفقراء الذين أنهكهم الصراع بمزيد من الدمار هم وقود الحرب لا داعموها من كل الطوائف والقوميات

واليوم، يقع على عاتق الإدارة الجديدة مسؤولية كبيرة لضبط النفس لا سيما وأنها تحت الإختبار، الداخلي والإقليمي والدولي، والمستقبل هو من سيخبرنا إن كانت قادرة وفاعلة أم عاجزة ومنفعلة

شاركونا بآرائكم

#سوريا_الحرة
#دخيل

718

دَخــيــل • Outsider

27 Dec, 11:43

"قالوا إن السوريين سيأكلون بعضهم بعد سقوط النظام، اليوم يبرهن السوريون على أنهم مستعدون لبناء الدولة"

ماذا قال المفكر السوري وأستاذ علم الاجتماع السياسي بجامعة السوربون برهان غليون عن الشعب السوري بعد سقوط نظام الأسد؟

اكثر شخص بشوفو مخوّل لقيادة البلد 🫶🏻

#سوريا_الحرة
#دخيل

744

دَخــيــل • Outsider

27 Dec, 11:30

‼️ عاجل

اصوات المروحيات في سماء طرطوس تابعة لإدارة العمليات العسكرية حيث تقوم المروحيات بتمشيط المنطقة لملاحقة فلول النظام البائد

#سوريا_الحرة
#دخيل

716

دَخــيــل • Outsider

26 Dec, 23:37

عوي ولك.. قول ادلب ع راسي ولك.. لا تقول ثوار قول المجاهدين على راسي.. قول ابو محمد الجولاني على راسي ولك

‏كنا بالشبيحة صرنا بالمجاهدين كنا بالقرداحة صرنا بادلب كنا ببشار صرنا بجولاني 😏

#سوريا_الحرة
#دخيل

907

دَخــيــل • Outsider

26 Dec, 21:02

سياسة الاستيعاب (التوظيف من أجل استيعاب الخريجين)

مع بدايات حكم الأسد ظهر نوع من أنواع سياسة الاستيعاب الوظيفي بالمؤسسات الحكومية و الي ببساطة هي توظيف الخريجين الجدد بهدف تحقيق التنمية و تلبية متطلبات الشعب

صارت الناس تتخرج و فوراً تتوظف بالدولة، مما أمَّن عند الناس شعور بالأمان (بس اتخرج وظيفتي محفوظة) هالشي منيح من ناحية تأمين الدخل و سيء من ناحية تحديد أفق الموظفين بالتطور او التقدم بالحياة المهنية (مافي داعي اتعذب المصاري هيك هيك واصلة)
و بقيت هالسياسة قائمة سنين طويلة..

بالسنين الاخيرة مع تفشي و تفاقم الفساد و الرشاوي، الموظفين صارو يرشو مراقب الدوام و يقعدو ببيوتن و يقبضو راتب اخر الشهر، أو الناس الي يطلع تعيينا بالريف ما يعجبا و كمان تدفع رشوة لتنتقل على اماكن تانية ممكن هي الاماكن مافيا شواغر اصلا!

فصار في موظفين كتير بالدولة مع ناتج عمل قليل، التجأت الدولة لزيادة عدد الموظفين لحل هي المشكلة، بطبيعة الحال رح تزداد الرواتب الي الدولة مطالبة بدفعا للمواطنين

مما أدى إلى انو الدولة تخفض الرواتب حتى يتناسب الكم الهائل من الرواتب مع خزينة الدولة المتواضعة..

الي عم تعملو القيادة الجديدة حاليا بالمؤسسات شيء ملفت للنظر:
• إحصاء لعدد الموظفين الفعلي
• مراقبة دوامهم و التزامهم الفعلي
• سنين خدمتهم و كفاءاتهم

لحتى بالاخير يصير في إعادة هيكلة للناس و توزيع الوظائف بشكل مدروس يتناسب مع طلبات المؤسسات وليس بشكل اعتباطي.

كيف شكل إعادة الهيكلة ؟اسا مو واضح..

ممكن يكون دفع بعض الناس للتقاعد المبكر او تسريح بعض الموظفين الي انتاجهم قليل، ممكن النظر بأماكن السكن و الوظائف القريبة..

شي جدير بالذكر انو بتصريحات سابقة للحكومة، تبين انو في لجوء لخصخصة و الاعتماد عالقطاع الخاص..

كيف هاد الشي بأثر على الرواتب، حال الموظفين، انتاجية المؤسسات و فعاليتا الحقيقية, هاد الي رح تثبتلنا ياه الايام القادمة

#سوريا_الحرة
#دخيل

927

دَخــيــل • Outsider

26 Dec, 19:07

يتداول مؤخرًا، عبر فيسبوك وإكس، مقطع فيديو يزعم متداولوه أنّه يوثّق مشاهد لمقتل مدني من الطائفة العلوية حديثًا، إلا أنّ الفيديو قديم ومأخوذ من احد اصدارات داعش، -لم يتسن للفريق تحديد تاريخه بدقة بسبب سياسات المحتوى الحساس- ومع ذلك فإنّه نُشر على الأقل قبل عامان.

819

دَخــيــل • Outsider

26 Dec, 17:39

اللواء محمد كنجو حسن.. حكم بإعدام آلاف المعتقلين

أطلقت “إدارة العمليات العسكرية” عملية أمنية لملاحقة فلول النظام السابق في الساحل السوري، وخلال الملاحقة الأمنية انتشرت أخبار عن إلقاء القبض على اللواء محمد كنجو حسن المعروف بسجله الإجرامي خلال الثورة السورية.

اللواء محمد كنجو حسن من مواليد بلدة خربة المعزة في ناحية دريكيش بريف طرطوس عام 1960، وكان مسؤولًا عن المحاكم الميدانية في سجن صيدنايا، وإصدار أحكام الإعدام بحق المعتقلين.

موقع “مع العدالة” المتخصص بتوثيق انتهاكات مجرمي الحرب في سوريا، تحدث عن السجل الإجرامي للواء كنجو حسن، حيث حصل على شهادة في الحقوق ثم تطوع في جيش النظام السابق، وتدرّج في سلك القضاء العسكري حتى استلم منصب النائب العام العسكري في المحكمة العسكرية الميدانية.

وعقب اندلاع الثورة السورية، كان كنجو النائب العام العسكري في المحكمة الميدانية العسكرية في دمشق برتبة عميد، وتولى من خلال منصبه محاكمة عدد كبير من المدنيين المعتقلين، إضافة إلى معتقلين من الضباط وصف الضباط والجنود، بتهمة محاولة الانشقاق عن الجيش أو حتى نتيجة الانتماء المذهبي.

تلفيق تهم لإعدام المعتقلين
يعتبر كنجو المسؤول الأول عن إصدار آلاف أحكام الاعدام والسجن المؤبد أو السجن لسنوات طويلة بحق المعتقلين، وتعتبر أحكام المحكمة الميدانية غير قابلة للطعن، حيث كان يقوم الرئيس المخلوع بشار الأسد أو وزير دفاعه بالتصديق على الأحكام الصادرة عن هذه المحكمة.

ووفقًا لشهادة أحد الضباط المنشقين لموقع “مع العدالة“، فإن كنجو اتفق مع قادة الأجهزة الأمنية على إضافة عبارة في إفادات المعتقلين، تنص على اعتراف المعتقل بأنه “أقدم بالاشتراك مع آخرين على مهاجمة منطقة عسكرية بالأسلحة النارية، ما أدى إلى مقتل عدد من عناصر هذه الحواجز”، علمًا أن المعتقل يتم إجباره على توقيع الإفادة الخاصة به دون أن يعلم محتواها.

وتعتبر الجملة أعلاه كلمة السر التي يتم الاتفاق عليها، بين رئيس فرع التحقيق في الجهات الأمنية والقاضي محمد كنجو حسن لإصدار حكم الإعدام بحق المعتقل، حتى وإن كان بريئًا من التهم المنسوبة إليه.

بدوره، ذكر موقع “الذاكرة السورية“، إن محمد كنجو حسن، دأب خلال عمله في المحكمة الميدانية العسكرية، على ابتزاز عدد كبير من أهالي المعتقلين من أجل الحصول على أموال منهم، وتمكن من جمع ثروة كبيرة من ذوي المعتقلين.

لمتابعة تغطيتنا حول سوريا زوروا موقعنا الإلكتروني.

#عنب_بلدي
#سوريا_الحرة
#دخيل

968

دَخــيــل • Outsider

26 Dec, 15:57

‼️ انضم لفريق عمل قناتنا!

متابعي ومتابعات قناتنا الأعزاء،

نظراً لتزايد التفاعل وتطور القناة، حابب أعمل فريق عمل مميز للمشاركة في إعداد المحتوى وتطوير الأفكار
القناة دائماً كانت منكم وإليكم، وهلق بدنا نوسع جهودنا سوا لنشر الوعي السياسي والوحدة الوطنية بين السوريين بما انو هلق اجا وقتنا وصوتنا صار بيعمل فرق كبير

إذا كنت/ي مهتم/ة وبتحب/ي تكون/ي جزء من هالفريق، عندك شغف بالشأن السياسي، بتحب/ي تكتب/ي، أو بتحب/ي تساعد/ي بأي شكل، شارك/ي رأيك بالتعليقات

ول يلي بحب/بتحب ينضم/تنضم وبيعتقد/بتعقتد انو/ها قادر/ة يساهم/تساهم بالأفكار

مجال عمل الفريق:
• البحث والتأكد من الاخبار
• التحليل السياسي
• كتابة المحتوى التوعوي
• ادارة النقاشات والتعليقات
• ادارة المحتوى المرأي
• تطوير الأفكار واستراتيجيات النشر والوصول
(لاحقاً بوست تفصيلي عن المهام)

خلونا نتساعد ونكون صوت للوحدة الوطنية والتوعية في بلدنا

طلب التفاصيل من الراغبين بالانضمام

• الخبرة: إذا عندكن خبرة سابقة بكتابة المحتوى أو متابعة الشأن السياسي
• الاهتمامات: شو المجالات يلي بتحبو تشتغلو فيها (من اللائحة السابقة).
• أسباب الرغبة بالانضمام: ليش مهتمين تكونو جزء من فريق دخيل؟
• التواصل الشخصي: [email protected]

معاً، نحو سوريا موحدة، أقوى، وأوعى

#سوريا_الحرة
#سوريا

924

دَخــيــل • Outsider

26 Dec, 14:35

العدالة مو بس موضوع الانتقام أو تصفية الحسابات، هي حماية للقيم والمبادئ اللي لازم تكون أساس بناء أي دولة قوية ومجتمع متماسك

حتى لو كان الشخص مجرم حرب، هالشي ما بيعني إنو ما لازم يخضع لمحاكمة عادلة
المحاكمات العادلة بتضمن إنو الأدلة واضحة والشخص بياخد عقوبتو المناسبة ضمن القانون، وهاد بيحمي المجتمع من الفوضى والانتقام الشخصي

لما يتم محاكمة مجرمي الحرب بشكل قانوني، هاد بيخلق ردع للمستقبل وبيمنع الآخرين من ارتكاب نفس الجرائم لأنهن بيعرفو إنو في محاسبة فعلية

أما الإعدامات الميدانية أو الانتقام المباشر، فهي بتفتح باب الفوضى والانتقام المتبادل، وبيزيد من دوامة العنف

حتى في أصعب الظروف، القانون الدولي والإنساني بيحمي حق المحاكمة العادلة للجميع
انتهاك هالحق حتى ضد مجرمين الحرب بيضعف المبادئ اللي الدولة أو المجتمع عم يحاول يقوم عليها

أي دولة أو جهة بتلجأ لتصفية الحسابات خارج القانون، بتعرض حالها للانتقادات الدولية والعقوبات
الالتزام بالقانون الدولي والمحاكمات العادلة بيقوي موقف الدولة على الساحة العالمية

الموضوع مو مسألة تعاطف مع مجرمي الحرب، بل مسألة الالتزام بمبدأ القانون والعدالة اللي بيضمن عدم الغرق بمزيد من الفوضى والعنف

#سوريا_الحرة
#دخيل

905

دَخــيــل • Outsider

26 Dec, 13:13

لا فرق بين شبيحة اليوم وشبيحة الأمس

يسقط مفهوم الدولة الشمولية الشعبوية العميقة

وقت النظام المخلوع صار ينشر فكرة الحذاء العسكري لدرجة انو صار في دوارات وأماكن بالبلد عليها جزمة عسكرية حاطين جواها تراب وورد، كان بيقصد هاد تماما اللي بالفيديو

الشبيحة الجدد عم تمارس نفس ثقافة النظام المخلوع بالحذاء العسكري

تفه!

947

دَخــيــل • Outsider

26 Dec, 12:38

تعلن القيادة العامة تعيين السيد/ أنس خطاب رئيسا لجهاز الاستخبارات العامة للجمهورية العربية السورية

__

الـ CV تبع السيد خطاب من مجلس الأمن الدولي 😂
للصراحة سيرة ذاتية مشرفة 🤮

لقراءة تقرير مجلس الامن الدولي هنا

————-

#سوريا_الحرة
#سوريا

1,393

دَخــيــل • Outsider

26 Dec, 11:24

الفيديو حساس جداً 🔞

إعدامات ميدانية!!!!!!!

نحنا بدنا دولة قانون ما دولة جنون!!!!
إذا كان مشارك بقتل افراد الهيئة بخربة المعزة ف يقدم إلى القضاء وبيتم التعامل معو بطريقة قانونية

ما اشبه اليوم بالأمس، ممارسات النظام المخلوع باقية وبقوة ايضاً!!!!!!
من تحت الدلف لتحت المزراب…

992

دَخــيــل • Outsider

26 Dec, 11:12

ما بعرف شو قصة الفيديو لهلق

ولكن، هاد منظر مزعج جدا ويدمي القلب
شو ما كان عامل يكون هالمراهق، ما بيصير يتم التعامل معو بهالطريقة الهمجية
هي الطريقة (الدعس ع الراس والاهانة والضرب) هي نفسها طريق النظام المخلوع اللي اتبعها مع معارضيه

1,083

دَخــيــل • Outsider

26 Dec, 10:17

وكالة الأنباء السورية تعلن قيام عناصر تابعة للحكومة الانتقالية في ⁧ سوريا ⁩ بقتل عدد من "فلول نظام ⁧ الأسد ⁩" بعد مطاردتهم في أحراش وتلال ⁧ طرطوس ⁩

#سوريا_الحرة
#دخيل

974

دَخــيــل • Outsider

26 Dec, 09:09

الشيطان الأكبر

976

دَخــيــل • Outsider

25 Dec, 22:18

‼️ عاجل

وزير الداخلية السورية محمد عبد الرحمن: استشهاد 14 عنصراً وإصابة 10 آخرين من عناصر وزارة الداخلية إثر تعرضهم لكمين غادر من قبل فلول النظام المجرم بريف محافظة طرطوس، أثناء أدائهم لمهامهم في حفظ الأمن وسلامة الأهالي

#سوريا_الحرة
#دخيل

123

دَخــيــل • Outsider

25 Dec, 20:52

المجرم الطائفي لقمان بدر غرة أحد ذيول إيران في سوريا ، يتوعد ويحرض بكلمات طائفية إجرامية في المظاهرات على قطع الرؤوس وسفك الدم

#شبكة_اخبار_المعارك
#سوريا_الحرة
#دخيل

387

دَخــيــل • Outsider

25 Dec, 20:40

خود بقا

احد الشيوخ في اللاذقية 😏

#سوريا_الحرة
#دخيل

460

دَخــيــل • Outsider

25 Dec, 20:30

هذا الشعب محميٌّ بوحدتهِ، ضعيفٌ إذا انفردَ 🫶🏻

#هشام_الجخ
#دخيل

459

دَخــيــل • Outsider

25 Dec, 19:31

رتل من افراد الهيئة بحمص عم يندهو لبيك ياعلي لبيك يا خصيبي 🫶🏻

#سوريا_الحرة
#دخيل

598

دَخــيــل • Outsider

25 Dec, 18:46

اصدقائنا بطرطوس وحمص واللاذقية كتبولنا كيف الأوضاع عندكن؟

662

دَخــيــل • Outsider

25 Dec, 18:39

إثر رفض الأهالي تفتيش المنازل في خربة المعزة.. اشتباكات مسلحة في طرطوس السورية بين موالين لـ"الأسد" وقوى الأمن الرسمية ومصادر "العربية" تؤكد مقتل 6 من قوات الداخلية

#سوريا_الحرة
#دخيل

697

دَخــيــل • Outsider

25 Dec, 18:36

‼️ عاجل

القيادة العامة

تُعلن القيادة العامة أنه سيتم اتخاذ إجراءات قانونية صارمة بحق أي شخص يُثبت تورطه في الأعمال التالية:

إثارة الطائفية بأي شكل كان.
تلقي أموال من خارج البلاد بغرض إثارة الفتنة أو زعزعة الأمن.
نشر مقاطع فيديو أو تعليقات تحمل طابعًا طائفيًا على أي منصة، بما في ذلك:
وسائل التواصل الاجتماعي
تطبيقات المراسلة مثل تيليجرام أو واتساب
العقوبة: الحبس لمدة 5 سنوات قابلة للتجديد وفقًا لحجم المخالفة.

تؤكد القيادة العامة أن هذه الإجراءات تهدف إلى الحفاظ على أمن الوطن ووحدته، دون تمييز بين مكونات المجتمع.

#سوريا_الحرة
#دخيل

666

دَخــيــل • Outsider

25 Dec, 18:31

‼️ عاجل

إعلان صادر عن القيادة العامة:

تعلن القيادة العامة فرض حظر تجول شامل يبدأ من الساعة الخامسة صباحًا وحتى الساعة الخامسة صباحًا من اليوم التالي، وذلك في المدن التالية:

طرطوس
اللاذقية
حمص
القرى المحيطة بهذه المدن
يُمنع التجول نهائيًا خلال الفترة المحددة، وتُهيب القيادة العامة بالمواطنين الالتزام التام بالتعليمات. سيتم تكليف قوى الأمن الداخلي بتنفيذ مهام مداهمة ومتابعة فورية لكل من يخالف القوانين أو يساهم في نشر الفوضى في البلاد.

يرجى التعاون لضمان أمن وسلامة الجميع

#سوريا_الحرة
#دخيل

687

دَخــيــل • Outsider

25 Dec, 18:30

" الخوف الجماعي يحفز على غريزة تشكيل القطيع، ويميل بقوة إلى إثارة الشراسة و العنف اتجاه أولئك الذين لا يعتبرون أعضاء من القطيع ".

- برتراند راسل / من كتاب "Unpopular Essays"

834

دَخــيــل • Outsider

25 Dec, 18:16

‼️ عاجل

إدارة العمليات العسكرية تقول إنها تواجه مسلحين في #طرطوس و #اللاذقية و #حمص وانتشار أمني في #دمشق

#سوريا_الحرة
#دخيل

666

دَخــيــل • Outsider

25 Dec, 16:35

مظاهرة في حي البرّانية ضد هي المظاهرة

واييييييه يا حبايب

#سوريا_الحرة
#دخيل

865

دَخــيــل • Outsider

25 Dec, 16:28

‼️ عاجل

فرضت إدارة العمليات العسكرية حظر تجوال في مدينة حمص يبدأ من الساعة السادسة مساءً وحتى الثامنة صباحاً، وذلك على خلفية مظاهرات شهدتها الأحياء الموالية سابقاً لنظام الأسد الساقط.
جاءت هذه الاحتجاجات بعد تداول مقاطع فيديو قديمة تظهر حرق أحد المقامات مما أثار حالة من الغضب في صفوف أهالي هذه الأحياء.

وخلال المظاهرات رُفعت شعارات ذات طابع طائفي وطالب المتظاهرون بإصدار عفو عام يشمل عناصر جيش النظام السابق الذين تورطوا في عمليات قتل وتهجير الشعب السوري خلال السنوات الماضية.

يُذكر أن القائمين على مقام السيد الخصيبي أصدروا بياناً أكدوا فيه أن تداول مقاطع الفيديو القديمة في هذا التوقيت يهدف إلى إثارة الفتنة والنعرات الطائفية

#شبكة_اخبار_المعارك
#سوريا_الحرة
#دخيل

792

دَخــيــل • Outsider

25 Dec, 15:50

‼️ عاجل

من امام مجلس مدينة طرطوس منذ قليل

#سوريا_الحرة
#دخيل

826

دَخــيــل • Outsider

25 Dec, 15:38

‼️ عاجل

مجلس مدينة #جبلة يعلن عن حظر تجوال من الساعة الثامنة مساء حتى الثامنة صباحا

#سوريا_الحرة
#دخيل

786

دَخــيــل • Outsider

25 Dec, 15:23

خربة المعزة

827

دَخــيــل • Outsider

24 Dec, 17:39

‼️ عاجل

وزير الخارجية السوري:

الجميع سيشعر بالانتماء إلى سوريا الجديدة وسنطوي صفحة الظلم والاستبداد

سنؤمن عودة عزيزة لكل مهجر من أرضه وبيته

بوصلتنا في سوريا الجديدة تمثيل بلدنا بكل أطيافه وأعراقه تمثيلا عادلا والدفاع عن قضاياهم

سوريا ستعود إلى دورها الإقليمي والدولي لتكون فاعلا أساسيا في المنطقة

سنكون أمناء لعهد الشهداء وأوفياء لوصايا المعتقلين ومن قتل تحت التعذيب وسنطوي تلك الصفحة

آلمتنا صور الجثث والمسالخ البشرية وسنعمل على ملاحقة من تورط بذلك قانونيا ونقدمهم للعدالة

#سوريا_الحرة
#دخيل

406

دَخــيــل • Outsider

24 Dec, 15:02

خسرنا شوفة هالاشكال له له له 🫠

#سوريا_الحرة
#دخيل

567

دَخــيــل • Outsider

24 Dec, 11:35

‼️ عاجل

"اتفاق جميع الفصائل خلال اجتماعها مع أحمد الشرع على حل نفسها ودمجها تحت مظلة وزارة الدفاع"

هالشي يعني إنو بدل ما كل فصيل يكون مستقل ويتصرف لحالو، هلق رح يكون في قوة عسكرية موحدة تحت قيادة مركزية (وزارة الدفاع)، وهاد بيدل على محاولة لتوحيد الصفوف وتنظيم القوى العسكرية ضمن كيان رسمي (وزارة الدفاع) بدل الفصائلية والانقسامات، بهدف تحسين التنسيق والسيطرة العسكرية والسياسية بالمناطق اللي بتخضع لسيطرة المعارضة

#ادارة_الشؤون_العسكرية
#القيادة_العامة
#سوريا
#دخيل

687

دَخــيــل • Outsider

24 Dec, 11:07

إذا قسمنا 144 طن من المساعدات القطرية على عدد سكان سوريا (فرضاً 24 مليون نسمة)، بيطلع لكل مواطن حوالي 0.006 كيلوغرام (يعني 6 غرامات) من المساعدات 😏🫶🏻

#سوريا_الحرة
#دخيل

628

دَخــيــل • Outsider

24 Dec, 11:07

🔴 عاجل | المتحدث باسم الخارجية: المساعدات وصلت ضمن الجسر الجوي المستمر تضم مساعدات طبية وغذائية ومستلزمات إيواء

🔔 اشترك بقناة التيليجرام: t.me/televisionsyria

571

دَخــيــل • Outsider

24 Dec, 09:24

تفاصيل الساعات الأخيرة من حكم الأسد.. حقائب معبأة مسبقا واضطرابات وخلافات بين قادة الجيش

الخسيس، الخائن، الكذاب

#سوريا_الحرة
#دخيل

695

دَخــيــل • Outsider

23 Dec, 20:32

لو نقارن هالحكي مع وضع الشعب السوري بظل نظام بشار الأسد، المخلوع، منلاقي إنو النظام كان يمارس سيطرة كاملة على حياة الناس، سواء بالحريات البسيطة أو الكبيرة

الشعب كان محروم من حرية التعبير، حرية الاختيار السياسي، وحتى حرية الحياة الشخصية، وعاد الشيء كان يخلق حالة من الخوف والقمع، وكأن الناس عم تموت تدريجياً بفقدانهم لحريتهم وكرامتهم

804

دَخــيــل • Outsider

23 Dec, 18:34

سوريا ستقوم بهذه العملية قريبا بعد سقوط بشار الأسد

كيف تستبدل الدول عملتها المحلية؟

#سوريا_الحرة
#دخيل

858

دَخــيــل • Outsider

23 Dec, 15:36

الضابط العقيد مصطفى شدود الذي تعتبره المعارضة الثورية شهيد الوطن فما قصته ؟

#سوريا_الحرة
#دخيل

850

دَخــيــل • Outsider

23 Dec, 09:29

ايران للوقاحة عنوان 😏

#سوريا_الحرة
#دخيل

903

دَخــيــل • Outsider

22 Dec, 21:46

😅😅😅😅

874

دَخــيــل • Outsider

22 Dec, 21:46

اعتقال نساء في حلب عقب مظاهرة تطالب بإطلاق سراح معتقلين .. ما علاقة حزب التحرير وماذا نعرف عنه؟

التفاصيل المتوفرة في المادة التالية 👇

https://verify-sy.com/ar/details/10576

771

دَخــيــل • Outsider

22 Dec, 21:35

أنور رسلان هو ضابط سوري سابق كان مسؤول بفرع أمني تابع للنظام السوري، وبالتحديد بفرع الخطيب بدمشق
هاد الفرع معروف بأنو كان فيه كتير عمليات تعذيب وانتهاكات لحقوق الإنسان، خاصة ضد المعتقلين السياسيين والمتظاهرين خلال بداية الثورة السورية.

أنور رسلان انشق عن النظام بالـ 2012 وهرب لألمانيا، بس في 2019 تم إلقاء القبض عليه بألمانيا بعد ما بعض الناجين اللي هربو كمان على أوروبا تعرفو عليه وقدمو شكاوى ضدو، واتهموه بأنو كان مسؤول عن تعذيب المعتقلين وانتهاكات كتير كبيرة بحق الناس اللي كانت محتجزة بفرع الخطيب

محاكمتو صارت بألمانيا بموجب مبدأ “الولاية القضائية العالمية”، اللي بيسمح للدول تحاكم أشخاص ارتكبوا جرائم حرب أو جرائم ضد الإنسانية، حتى لو الجرائم ما صارت على أرض هالدولة

بمحاكمتو، تم تقديم شهادات وأدلة من ضحايا وناجين، وبعد جلسات طويلة، بــ فبراير 2022، المحكمة حكمت عليه بالسجن مدى الحياة بتهمة ارتكاب جرائم ضد الإنسانية

896

دَخــيــل • Outsider

22 Dec, 21:15

أنور البني هو محامي وناشط حقوقي سوري معروف بدفاعه عن حقوق الإنسان ومعارضته للنظام السوري

على مدى أكتر من 20 سنة، كان ناشط بالدفاع عن المعتقلين السياسيين وحقوق الإنسان بسوريا
تعرض للاعتقال عدة مرات بسبب نشاطاته، وأشهرها كانت سنة 2006 لما حكم عليه بالسجن لمدة 5 سنين بعد دفاعه عن معتقلين سياسيين وانتقاده للنظام.

بالنسبة لدوره بمحاكمة مجرمي الحرب السوريين، أنور البني لعب دور كتير مهم بعد ما انتقل لألمانيا

ساعد بتقديم أدلة وشهادات عن الجرائم اللي ارتكبها مسؤولين سوريين خلال الحرب، وخاصة الجرائم المتعلقة بالتعذيب والانتهاكات بحق المعتقلين
واحد من أبرز إنجازاتو كان دوره بمحاكمة أنور رسلان، الضابط السوري السابق، يلي اتهم بارتكاب جرائم ضد الإنسانية بفرع أمني في دمشق
البني اشتغل على جمع الأدلة والشهادات من الناجين اللي هربو لأوروبا، وهالشي ساعد بمحاكمة رسلان وأشخاص تانيين تورطو بجرائم الحرب

باختصار، أنور البني كان صوت أساسي لضحايا التعذيب والانتهاكات، وكان إلو دور كبير بملاحقة مجرمي الحرب السوريين دولياً، خاصة بألمانيا

844

دَخــيــل • Outsider

22 Dec, 21:02

الاستاذ أنور البني رئيس المركز السوري للدراسات والأبحاث القانونية يصدر مسودة إعلان دستوري توافقي للمرحلة الانتقالية في سوريا

المسودة الدستورية اكثر من رائعة

#سوريا_الحرة
#دخيل

821

دَخــيــل • Outsider

22 Dec, 20:29

كشفت صحيفة "HABERTURK" التركية أن أسماء الأسد زوجة الرئيس السوري المخلوع بشار الأسد، تقدمت بطلب طلاق في إحدى المحاكم الروسية

وقالت إن أسماء تريد السفر إلى بريطانيا باعتبارها تحمل جنسيتها، وذلك بدعم من والدتها سحر العطري، التي بدأت مفاوضات مع مكتب محاماة مرموق في إنجلترا، مستندة إلى إصابة أسماء بسرطان الدم، وأن حالتها الصحية لا يمكن مراقبتها بشكل كافٍ في موسكو

وأشارت إلى تقدم أسماء بطلب طلاق إلى محكمة روسية مع إذن خاص بالمغادرة، وأوضحت أن أسماء الأسد عبرت عن عدم ارتياحها لحياتها الجديدة في موسكو، وأنها ترغب في العيش بجانب عائلتها في إنجلترا

حتى انتي يا اثماء؟ 💅🏻💅🏻

#سوريا_الحرة
#دخيل

934

دَخــيــل • Outsider

21 Nov, 11:09

" - كيف تخطيت كل ذلك وبقيت كما انت؟
‏- لا أحد يتخطى و يبقى كما كان ، مع كل تخطي هناك شيء بتر منك و احتل الخوف مكانه"

لما بتقول “كيف تخطيت كل ذلك وبقيت كما أنت؟” الجواب هو إنو ما حدا بيقدر يتجاوز الصعوبات ويمر بالتجارب الحياتية القاسية بدون ما يتغيّر من جوّاتو
لأنو كل تجربة، خاصة إذا كانت صعبة أو مؤلمة، بتترك أثر، وهاد الأثر غالباً بيغيّر شي بشخصيتنا أو طريقتنا بالتفكير

إنك تتجاوز شي وتبقى نفس الشخص هي نوع من الخيال أو الوهم
يعني، كل مرة منواجه فيها تحدي أو صعوبة، في جزء مننا بيتغير أو “بينبتر”، سواء كان هالجزء هو البراءة، الثقة، التفاؤل، أو حتى الأمان النفسي

وأكتر من هيك، المكان اللي كان فيه هالجزء المفقود غالباً بيجي الخوف ليحتله
الخوف هون ممكن يكون خوف من المستقبل، من تكرار التجربة، أو حتى من الألم نفسه
يعني مثلاً، إذا شخص خسر حدا عزيز أو عاش تجربة مؤلمة، هالشي بيخلق عندو مخاوف جديدة، سواء من فقدان ناس تانين أو من تكرار نفس الألم

الفكرة الأساسية إنو التخطّي مو عبارة عن نسيان أو تجاوز كامل، بل هو عملية معقدة بتخلّف وراها آثار مُتراكمة
الشخص بيتغيّر بطريقة أو بأخرى، وبينفقد منو شي، بس بنفس الوقت بيتعلّم شي جديد
الخوف اللي بيجي مكان الجزء المفقود هو جزء طبيعي من هالتجربة، لأنو لما منخسر أو منمرّ بصعوبة، منبني ميكانيزمات دفاع جديدة ومنصير أكتر حذرين ومنتعلم، على أمل انو ما نوقع بالجورة اكتر من مرة مرتين تسعة 🌚

زبدة الحشي:
ما في حدا بيتخطى الصعوبات ويبقى “نفس الشخص”
دايماً في تغيّر داخلي بيصير، سواء كان ظاهر للناس أو مخفي، ودايماً في شي جديد من الخوف أو الحذر بيحل محل الجزء اللي اتغيّر فينا، والوقت بيشفي يعني 🫶🏻

والسلام عليكم 🧉

#فلسفة
#دخيل

224

دَخــيــل • Outsider

20 Nov, 11:07

الفيلسوف سينيكا قال: "ليس هناك أي حصن يحمينا من القدر ، لذلك علينا أن نبني دفاعاتنا في دواخلنا ، إذا كان حصننا منيعاً وآمناً يمكن مهاجمتنا ، لكن لا يمكن احتلالنا "

القدر أو الظروف الصعبة بالحياة هنن أشياء ما فينا نهرب منها أو نمنعها بشكل كامل
الحياة بطبيعتها فيها تحديات، مصاعب، وأشياء ما منقدر نتحكم فيها
فحتى لو بنينا “حصون” مادية، متل مال، منصب، أو قوة خارجية، هالحصون ما بتكفي لتضمن سلامنا أو راحتنا
ليش؟
لأن الظروف الخارجية دايمًا ممكن تهاجمنا وتتغير الأحوال

لهيك، الحل الصحيح هو إنو نبني حصن داخلي جواتنا، بمعنى إنو نشتغل على حالنا نفسياً وعقلياً لنوصل لمرحلة من القوة والثبات الداخلي اذا طرأ اي تغيير خارجي ف نحنا مستعدين إلو
إذا كنا واثقين من حالنا ومن مبادئنا، وعنا تحمّل وقدرة على التعامل مع الصعوبات، حتى لو هالظروف حاولت تضغط علينا، رح نقدر نثبت وما ننهار

الفكرة متل مثال الشجرة القوية: إذا كانت جذورها عميقة ومتماسكة، الرياح القوية ممكن تهزها بس ما رح تقلعها
أما إذا كانت ضعيفة من جواتها، مجرد هزة صغيرة رح تكسرها قدرما كانت عملاقة

سينيكا عم يدعونا نكون متل هالشجرة القوية، نعتمد على قوة داخلية بدل ما نعتمد على أشياء خارجية دايمًا معرضة للتغيير 🤌🏻

والسلام عليكم 🧉

#فلسفة
#دخيل

326

دَخــيــل • Outsider

19 Nov, 12:54

"سوف تكتشف متأخراً بأن الأخطاء التي شكلت كثير من معاناتك كانت آتية من أن نفسك لم تكن على رأس اولوياتك، في محطة من محطات الحياة سوف تكمل وحيداً مع تلك النفس التي ارهقتها الأيام"

بعد فترة من الزمن، رح نوصل لمرحلة من الوعي الذاتي وقت نكتشف انو سبب كبير من معاناتنا كان ناجم بشكل اساسي عن إهمالنا لنفسنا ومشاعرنا

لما الإنسان ما بيحط نفسو وأولوياتو على رأس اهتماماتو، بيصير يعطي وقت وطاقة لناس أو أمور بتستنزفو بدون ما يحس، بحجج مثل “المسؤولية”، “التضحية”، “الواجب" أو حتى "الحُب"

هالمسميات الناعمة، بتضل عم تسحب من طاقتك النفسية والجسدية شوي شوي لحتى تلاقي نفسك مُنهك، وخصوصا وقت تكون هالمسميات بدون جدوى…

كتير ناس بيفكرو إنو الاعتناء بالنفس أو إعطاءها الأولوية هو نوع من الأنانية، بس بالحقيقة هالشي هو عين العقلانية
لما ما تكون مرتاح مع نفسك أو ما عم تعطيها حقها، ما فيك تكون فعّال بأي جانب من جوانب حياتك سواء بشغلك أو بعلاقاتك مع الآخرين

نفسك هي الأساس، وإذا ما اعتنيت فيها، كل شي تاني رح يتأثر

وفي مرحلة معينة من الحياة، الكل بيوصل لمكان بيحس إنه مهما كان حواليه ناس أو علاقات، بالنهاية هو رح يكمل لوحده مع نفسو
متل ما قال سارتر : "الجحيم هو الآخرون"

هون بيجي أهمية الاهتمام بالنفس من البداية، لأنك إذا ما كنت مرتاح وعم تعتني بنفسك، رح تحس بتعب كبير لما توصل لهالمرحلة وما رمرتقدر حتى انك تعتني بالآخرين بطريقة صحيحة

انت بحاجة دايماً تحط حالك وأولوياتك بمقدمة اهتماماتك، مش لأنو العالم ما بيستاهل أو ما في ناس يستحقوا اهتمامك، بس لأنك إذا كنت منهك ومهمَل، ما رح تقدر تعطي أي شي لأي حدا أو لأي شي بطريقة صح 🫶🏻

والسلام عليكم 🧉

#فلسفة
#دخيل

412

دَخــيــل • Outsider

18 Nov, 11:31

"من اعظم هِبات الحياة هي إنسان تحدثه كما تحدث نفسك ، تغادره فارغ من الكلمات و المشاعر ، الكلمات التي تظل حبيسة داخلنا تعود و تظهر كندوب ، أنها الوحدة القسرية ، العجز عن التواصل الحُر مع إنسان آخر تجد لذة التعري معه"

‎التواصل الحقيقي هو لما تكون قادر تحكي مع حدا بنفس الصدق والصراحة اللي بتحكي فيها مع حالك
يعني، ما في داعي تتصنع أو تخبي شي، بتحس إنك مرتاح وعم تحكي كل شي جواتك بدون خوف أو تردد أو قيود

‎لما ما نقدر نعبر عن مشاعرنا وأفكارنا، هالشي بيخلق جواتنا نوع من الوحدة القسرية
يعني، حتى لو كنا محاطين بالناس، منحس حالنا وحيدين لأن ما في حدا فعلاً عم يفهمنا أو عم نقدر نحكي معو بصدق

هالشخص بيكون متل المرآة اللي بتعكس مشاعرنا وأفكارنا بدون حكم أو انتقاد
لما نحكي معو، منحس إنو الكلمات والمشاعر اللي جواتنا عم تطلع للسطح وبتخلينا نرتاح

بس لما نحتفظ بالكلمات والمشاعر جواتنا وما نحكيها، هالشي بيخلق ندوب نفسية
يعني بتصير في جروح داخلية بتأثر علينا على المدى البعيد
هالندوب ممكن تظهر بشكل قلق، توتر، أو حتى اكتئاب

‎زبدة الحشي:
التواصل الصادق مع حدا نفهمو ويفهمنا هو واحد من أعظم الهبات اللي ممكن نحصل عليها بحياتنا
لأنو بيساعدنا نتخلص من الوحدة والعزلة النفسية وبيخلينا نشعر بالراحة والسكينة 🫶🏻

——

مين أول الشخص خطرلكن بعد قراءة هالكلام؟ 🙅🏻‍♂️

والسلام عليكم 🧉

#فلسفة
#دخيل

494

دَخــيــل • Outsider

17 Nov, 12:17

"البيئة التي تدفعك لأن تكون في حالة دفاع دائمة عن أفكارك ، قناعاتك ، حريتك ، موقفك ، لا تحاول إصلاحها بل غادرها"

البيئة اللي بتضطرك دايماً تكون بحالة دفاع عن أفكارك وقناعاتك وحريتك هي بيئة سامة ومُرهِقة نفسياً
بهيك أماكن، بتلاقي حالك عم تضطر تبرر كل كلمة وتصرف بتقوم فيه، وكأنك دايماً تحت المجهر
هالشي بيستنزف طاقتك وبيمنعك تعيش براحة أو تطور ذاتك

الهدف مو إنك تقنع الكل برأيك أو تدافع عنو بكل مناسبة، لأن ببعض الأحيان مهما حاولت، الناس بهي البيئة مو مستعدة تفهم أو تتقبل

لهيك، النصيحة هي بدل ما تضيع وقتك وجهدك بمحاولات إصلاح أو تغيير هي البيئة، الأفضل إنك تغادرها وتدور على مكان أو بيئة بتقدّر حريتك وتفكيرك بدون ما تحس حالك دايماً بحالة دفاع

اي على اساس تغيير البيئة بإيدنا ونحنا متكبرين مو؟ 🌚

بما انو تغيير البيئة ممكن يكون صعب كتير بسبب ظروف مادية او مالية او حتى معنوية، التحدي بيكبر قدامنا
كم اقتراح ع الماشي :
• حدد مساحاتك الآمنة: حاولو تلاقو اشخاص او اماكن يكونو متقبلين لأفكارك وبيحترموها ولو كانو مختلفين تماما معها

• حافظ على حدودك: ما دايما تبررو نفسكن؛ او تدخلو بجدالات عقيمة، وقت تشوفو اللي قدامكن سكّر عقلو على النقاش، اكتفو بجواب محدد صغير "اي، طيب، ماشي، متل ما بدك" بالاضافة ل انو تعرفو تقولو "لأ"

• طور نفسك: بدل ما تستهلك طاقتك بالدفاع، استثمر هالطاقة بتطوير نفسك لتصير اقوى داخلياً
دير بالك على صحتك النفسية: البيئة السامة بتسمملك صحتك النفسية

• خطط للمستقبل: ولو كانت ظروفك الحالية ما بتسمحلك تغير مكانك، حاول يكون عندك خطة طويلة الأمد، الخطة ممكن تكون دافع الك للتقدم

والسلام عليكم 🧉

#فلسفة

562

دَخــيــل • Outsider

16 Nov, 11:26

"كل شيء يمكن تزييفه إلا غياب الرغبة"

في كتير شغلات بالحياة ممكن الواحد يزيفها أو يمثلها، مثل المشاعر، الابتسامات، أو حتى الكلام

بس الشي الوحيد اللي مستحيل تقدر تزيفو هو الرغبة الحقيقية
إذا ما كان عندك رغبة أو شغف تجاه شي معين، هاد الشي بيبين بشكل واضح، حتى لو حاولت تتظاهر بالعكس

مثلاً، إذا شخص عم يحاول يبدي اهتمام بعلاقة أو بشغل معين بس هو فعلياً ما عندو الرغبة الحقيقية، مهما حاول يمثل إنو مهتم أو إنو عم يشتغل بجد، رح يبين إنو ما عندو الدافع الداخلي
هي الأمور ما بتنكتم، لأن الرغبة بتخلق طاقة وحماس بيظهرو بتصرفات الشخص بشكل جداً واضح

كيف منعرف إذا الشخص عندو رغبة باللي عم يعملو او لا؟
الطاقة والحماس، الاهتمام بالتفاصيل، التركيز والمثابرة، لغة الجسد والتواصل اللفظي

وبالعكس، غياب الرغبة بيؤدي لبرود، إهمال، أو حتى انسحاب بشكل غير مقصود، وهاد شي بيبين للناس حواليك

الرغبة شي بيجي من جوا وما فيك تخلقو أو تخبيه بمجرد التظاهر 🙅🏻‍♂️💃🏻

والسلام عليكم 🧉

#فلسفة
#دخيل

627

دَخــيــل • Outsider

15 Nov, 12:48

‼️عاجل ‼️

قصف اسرائيلي يستهدف منطقة المزة في دمشق

عاجل ‼️
قصف اسرائيلي قلت يستهدف منطقة كفرسوسة

عاجل ‼️
جيش الاحتلال: هاجمنا طرق عبور على الحدود السورية اللبنانية تستخدم لنقل الأسلحة

#سوريا
#سياسة
#دخيل

739

دَخــيــل • Outsider

15 Nov, 12:20

لمصور السلوفاكي "جوزيف مورغوس" ذهب لقرية Žabokreky شمال البلاد وشاهد شجرة كرز فأعجب بها وقرر زيارتها خلال الفصول الأربعة لتصويرها.

‏هكذا كانت النتيجة 😍

#حول_العالم
#دخيل

744

دَخــيــل • Outsider

14 Nov, 21:29

‼️ عاجل :

قالت صحيفة "معاريف" العبرية، إن الهجوم الذي استهدف العاصمة السورية دمشق، الخميس، جاء بعد وقت قصير من وصول علي لاريجاني مستشار المرشد الأعلى الإيراني علي خامنئي

وأعلن الجيش الإسرائيلي أنه شن هجمات جوية على مواقع مرتبطة بحركة "الجهاد الإسلامي" في العاصمة دمشق، فيما قالت وزارة الدفاع السورية إن القصف استهدف عددا من الأبنية السكنية في حي المزة بدمشق ومنطقة قدسيا بريف دمشق، وأسفر عن مقتل 15 شخصا وإصابة 16 آخرين بينهم نساء وأطفال ووقوع أضرار مادية في المباني المستهدفة، في حصيلة غير نهائية للهجوم

#سياسة
#سوريا
#دخيل

770

دَخــيــل • Outsider

14 Nov, 11:59

نحنا البشر عادةً منبني تصورات مسبقة عن الأمور من خلال التربية، الثقافة، الدين، والمجتمع يلي منعيش فيه
وهالتصورات هي بتصير متل عدسات لعيوننا، بحيث كل شي منشوفو و ومنختبرو بالحياة بيتوضح وبيتفسر من خلال هالعدسات

يعني، لما منكون عم نقرأ أو نتعرف على ثقافة جديدة، معتقد جديد أو أفكار ما منعرفها، ما عنا أي شي سابق نحكم عليه، فممكن نشعر بالدهشة، الجمال أو حتى التسامح مع هالشي المختلف عننا
بس لما نجي على موضوع نحنا عنا خلفية مسبقة عنو، سواء من خلال الدين أو التربية أو المجتمع، بيصير أصعب نتعامل معو بموضوعية

ليش؟
لأن عقلنا من بداية الموقف بيكون عم يحاول يأكد أو ينفي شي هو أصلاً مبرمج عليه

التحرر من التصورات المسبقة هو شي مو سهل أبداً

لازم الواحد يكون عندو إرادة حقيقية ليتعلم ويشوف الأمور بطريقة جديدة
لما الإنسان يبدأ يتحرر من هالتصورات، بيكتشف إنو العالم أو الأمور حوالينا ما هي بهالتعقيد يلي ممكن كنا متصورينو، وإنو الاختلافات بين البشر أو المواقف او الأفكار هي غالباً نابعة من أفكار وصور عقلية تم غرسها فينا من إحنا وصغار، يعني تصورات مسبقة عن أمور لا نعلم عنها شيء

كل ما كانت هالتصورات متجذرة أكتر، كل ما بيصير صعب نتقبل أفكار جديدة أو نحاول نفهم الآخر
وهون بيصير في نوع من “الموقف النفسي” يلي بيرفض فكرة الفهم
يعني بدل ما نحاول نفتح عقلنا للفهم، منوقف بوجه هالفكرة و منتمسك برأينا أو بموقفنا، وهالشي بيخلق تفاوت بين الناس بكيفية تعاملهم مع الواقع

بالنهاية، التحرر من التصورات المسبقة بيطلب وعي و جهد كبير والخروج من الـ comfort zone بيتطلب شجاعة كبيرة جداً

مو بس إنك تقرأ أو تتعلم، لازم يكون عندك الرغبة إنك فعلاً تشوف الأمور من منظور مختلف وتكسر هي الحواجز العقلية 🫶🏻

والسلام عليكم 🧉

#فلسفة
#دخيل

802

دَخــيــل • Outsider

13 Nov, 18:50

الليالي البيضاء ل دوستو، بيحكي فيها عن قصة شاب بيلتقي بشوارع سانت بطرسبورغ بفتاة عم تبكي اسمها ناستينكا

الرواية بتستكشف موضوعات متل الوحدة والحب غير المتحقق والحنين

الشاب بيشعر بانو حبو لناكستينكا بيمنحو الامل بالهروب من حياتو الحزينة
بس بعد انتهاء اللقاء بتتحطم آمالو

دوستويفسكي بيطرح سوال إنساني فلسفي عميق بالرواية : "كيف يشعر من تعلق قلبه بإنسان ثم أدرك أنه لم يعد له للأبد؟"

#دخيل

739

دَخــيــل • Outsider

13 Nov, 11:30

"إذا كنت متدين سوف يتم انتقادك
‏إذا كنت ملحداً سوف يتم انتقادك
‏إذا كنت مفكراً سوف يتم انتقادك
‏إذا كنت جاهلاً سوف يتم انتقادك
‏إذا كنت غنياً سوف يتم انتقادك
‏إذا كنت فقيراً سوف يتم انتقادك
‏عش نفسك ، يشعر الإنسان بقسوة النقد كلما عاش بغير حقيقته"

مهما عمل الإنسان، دائماً رح يكون في حدا ينتقدو
إذا كنت متدين، رح تلاقي ناس تنتقدك لأنك متدين
إذا كنت ملحد، رح تواجه نفس الشي
نفس الموضوع إذا كنت غني، فقير، مفكر، أو حتى جاهل
يعني، النقد دائماً موجود مهما كان خيارك أو طريقة حياتك
الموضوع بيرجع لطبيعة الحياة الاجتماعية والمجتمع، يلي بيخلينا نشعر دايماً اننا تحت المجهر

بس النقطة الأساسية، واللي هي أهم شي، إنو الإنسان بيحس بوجع النقد أكتر بكتير لما بيكون عايش بطريقة مو حقيقتو
بمعنى إنو إذا كنت عم تحاول ترضي الناس وتعيش بطريقة مغايرة لشخصيتك الحقيقية، وقتها كل نقد رح يكون مؤلم أكتر بمراحل
بينما لما تكون عايش على حقيقتك وما بتكترث لرأي الآخرين، بيصير النقد أقل أهمية وما بيأثر فيك بنفس الدرجة لأن الإنسان لما بيعيش حياة مغايرة لحقيقتو الداخلية، بيحس بضغط أكبر

زبدة الحشي:
النقد دايماً رح يكون موجود، بس كيف نحس فيه بيعتمد على مدى توافقنا مع ذاتنا الحقيقية. لما منكون متصالحين مع حالنا، النقد بيصير مجرد صوت بالخلفية، ما بيأثر فينا بنفس القوة لأنو من جواتنا مرتاحين وعايشين حقيقتنا 💃🏻🙅🏻‍♂️

والسلام عليكم 🧉

#فلسفة
#دخيل

760

دَخــيــل • Outsider

12 Nov, 11:10

قال غرفة صناعة دمشق أعلنت عن مبادرة لدمج النازحين اللبنانيين في سوق العمل السوري
وقال البيان انو جرى بحث مبادرة دمج النازحين في سوق العمل مع منظمة العفو الدولية

وتمحور الاجتماع حول إمكانية ايجاد فرص عمل للبنانيين وكذلك السوريين العائدين من لبنان الو سوريا من خلال حصر مهاراتهم لربطها بسوق العمل

اللله، ما اجمل غرفة الصناعة وما اجمل الصناع 🥹

#سوريا
#دخيل

810

دَخــيــل • Outsider

11 Nov, 11:53

"إذا وصلت إلى مرحلة لا رغبة لديك في الدفاع عن فكرة او تصحيح معلومة خاطئة او حتى يكون لك وجهة نظر فأنت لست مكتئب او فاقد الشغف بقدر ما هو نضج و إدراك أن سلامة مزاجك و داخلك هي أولوية مقابل أن تخوض معارك محكوم بالخسارة على من يعرف أكثر"

لما الواحد بيوصل لمرحلة ما بيعود مهتم يدافع عن فكرة أو يصحح معلومات غلط أو حتى يكون عندو رأي بكل شي، هاد مو استسلام أو خمول، بل هو إدراك عميق إنو راحة البال والهدوء الداخلي أهم بكتير من الدخول بمعارك فكرية أو نقاشات ما إلها نتيجة

بكتير من الأحيان، الناس بيفكرو إنو لازم يربحو كل نقاش أو يثبتو وجهة نظرهن مع إنو غاية النقاش هي التفكير لا الإقناع
مع الوقت والتجارب بتكتشف إنو هالنقاشات ممكن تكون مرهقة وغير مفيدة
مو كل الناس مستعدين يتقبلو الحقيقة أو يغيرو وجهة نظرهن، وبالتالي، الدخول بنقاشات هيك مع ناس عنيدة أو متمسكة برأيها بيكون مجرد هدر للطاقة

النضج الفكري بيخليك تعرف تختار معاركك، ومو كل شي بيستاهل تدخل فيه أو تقاتل مشانو
مع الوقت، بتصير تفهم إنو في ناس ببساطة ما رح تقتنع لمجرد انها ما بدا تخسر النقاش حتى لو كنت عم تحكي الصح 100% ولو قدمتلن جميع الحجج والبراهين والإثباتات والدراسات يلي بتأكد صحة كلامك

في مواقف ممكن تستنزفك نفسيًا وعقليًا من غير أي فائدة
بهي المرحلة، الصحيح انك تفضل تحافظ على سلامتك النفسية والعقلية بدلاً من إنك تفوت بصراعات أو تحاول تقنع ناس مو مستعدين يتقبلوا أفكار جديدة

باختصار، اللي عم نحكي عنو هو نوع من الوعي والنضج اللي بيخليك تعرف إنو مو كلشي بالحياة بيستاهل الدفاع أو الجدال عليه، وبتصير بتعطي الأولوية لصحتك النفسية والراحة الداخلية

لهيك، اعتزل ما يؤذيك 💃🏻🙋‍♂️

والسلام عليكم 🧉

#فلسفة
#دخيل

778

دَخــيــل • Outsider

10 Nov, 11:09

"الثابت الوحيد عبر العصور بأن البشر تخاف كل تغيير ، تحافظ على واقعها ، لا تثق في الآتي ، لذلك يعاقب من يحملون شعلة التطور ، يعاقبون بقسوة من قبل الجميع قبل أن يتحولوا إلى ايقونات في الضمير الإنساني"

الإنسان بطبعو بيخاف من التغيير وبيفضل يضل متمسك بالواقع اللي هو متعود عليه، حتى لو كان هالواقع فيه مشاكل أو حتى غير صالح للحياة
الخوف من المجهول أو من أي تغيير بالوضع الحالي هو جزء من طبيعة البشر، وهاد الشي بيخليهن يحاربو أو يقاومو أي شخص بيجي بفكرة جديدة أو رؤية مختلفة للمستقبل

هالشي منشوفو عبر التاريخ، الأشخاص اللي بيحملو أفكار تقدمية أو بيحاولو يدفعو المجتمع للتطور أو التغيير عادةً بيلاقو مقاومة شديدة من الناس حواليهن

هالناس ممكن يشوفوهن كتهديد لأسلوب حياتهن أو لمعتقداتهن اللي هنن متعودين عليها

ومو بس هيك، اللي بيحاولو يغيرو أو يجددو، غالباً بيتعرضو للاضطهاد، أو السخرية، أو حتى العقاب الجسدي
مثل غاليليو اللي تعرض للسجن لأنو قال إنو الأرض بتدور حول الشمس، أو سقراط اللي اتهموه بإفساد الشباب وأعدموه لأنه كان يشجع الناس على التفكير النقدي

الغريب إنو هالأشخاص اللي بيعانو من الرفض والاضطهاد بوقتهن، مع مرور الزمن بيصيرو رموز للتغيير والتطور، وبتتحول أفكارهن يلي كانت مرفوضة وقتها لتصير جزء من الوعي الجماعي للبشرية لاحقاً

يعني بوقت معين، المجتمع بيعاقبهن، بس بعد فترة بيصيرو أيقونات بضمير الإنسانية، وأفكارهن بتتحول لشي الناس بتفتخر فيه
مثلا غاليلو عاش بال 1600 والكنيسة قدمتلو اعتذار. بالعام 1992 وبنولو تمثال بالفاتيكان

وهالتحول بيتطلب وقت، وبيتطلب من الناس إنهن يواجهو مخاوفهن ويتقبلو إنو التغيير جزء من التطور الإنساني

بالمختصر، اللي بيتحدو الوضع الراهن وبيحملو شعلة التطور غالباً بيتعرضو لمقاومة شديدة، بس هالمقاومة نابعة من خوف الناس من التغيير

ومع مرور الوقت، المجتمع بيتجاوز هالخوف وبيعترف بأهمية الأفكار التقدمية، وبيتحولو أصحاب هالأفكار من مرفوضين لأيقونات 💃🏻🤷🏻‍♂️

والسلام عليكم 🧉

#فلسفة
#دخيل

878

دَخــيــل • Outsider

09 Nov, 14:01

"عندما تملك رأي مختلف في مجتمع لا يقبل الإختلاف فإنهم لا يكتفون بإدانتك في الدنيا بل ويسعون إلى إدانتك في الآخرة"

الضغط الكبير يلي بيتعرضلو الشخص لما يكون عندو رأي مختلف أو معتقدات مختلفة عن المجتمع يلي عايش فيه، خصوصاً إذا كان هالمجتمع ما بيتقبل التنوع أو الإختلاف
لما الإنسان يختار طريق مختلف، سواء كان دينياً، سياسياً، أو اجتماعياً، المجتمع ما بيكتفي إنو يعزلو أو يدينو بالدنيا، بل كمان بيحاول يخوفو من العقاب بالآخرة

يعني إذا خالفتهن برأي، بيبلشو يتهموك بالضلال والخروج عن المألوف، ومو بس هيك، بيحاولو يصورولك إنو إنت رح تكون معاقب بالدنيا والآخرة
من هالمنطلق، المجتمع يلي ما بيقبل الاختلاف بيربط أفكارو الدنيوية بأفكار دينية أو روحية، بحيث بيخلي الشخص يلي بيختلف كأنو مو بس عم يرتكب خطأ اجتماعي، لا، كمان عم يرتكب ذنب أو معصية كبيرة رح تلاحقو حتى بعد الموت

هالشي بيولد شعور بالخوف والذنب عند الشخص المختلف، لأنه المجتمع بيستخدم الدين أو الأخلاق كأداة للسيطرة على الفكر والتوجهات

فالفرد هون بيصير مو بس مهدد بالعزلة أو الرفض الاجتماعي، بل كمان بالوعد بعقاب أبدي
وهالشي بيعزز قوة المجتمع وسيطرتو على الأفراد ويخليهن يخافو يتغيرو أو يطلعو عن المألوف

المجتمعات المغلقة والمقفولة على نفسها بتستخدم مشاعر الخوف من العقاب الأبدي كنوع من التحكم بالفرد، بحيث يضل الجميع ملتزمين بنفس القواعد والتوجهات، حتى لو كانت ضد منطقهن أو قناعاتهن الشخصية 💃🏻🤷🏻‍♂️

والسلام عليكم 🧉

#فلسفة
#دخيل

869

دَخــيــل • Outsider

08 Nov, 11:36

“من يفهم، لا يكره”

الشخص اللي بيفهم الأمور عنجد، وبيقدر يشوف الصورة الكاملة، ما بيصير عندو كره

ليش؟
لأن الفهم بيخلي الواحد يشوف الأسباب والدوافع وراء كل تصرف، حتى لو كان التصرف سيء
يعني إذا الواحد فهم ليش شخص تاني تصرف بطريقة معينة، أو مر بظروف صعبة، ما رح يكرهو، لأنو حط حالو بمكانو وفهم شو اللي خلاه يعمل هيك

يمكن يبعد، ياخد موقف، يقطع التواصل او ياخد على خاطرو ولكن ما بيكره

الإنسان الفهيم غالباً بيكون عندو وعي أكبر بمشاعر الناس وبيفهم إنو الكره ما بيؤدي لشي مفيد
هو بيدرك إنو الكره بيستهلك طاقة سلبية كتير وبيخلّي الشخص عالق بمشاعر سلبية، بينما التسامح أو التجاهل بيفتحلو المجال ليركز على حالو ويحسن من حياتو ويستثمر هالطاقة بشي بيرجع بالنفع الو
كمان، الفهيم بيكون عندو قدرة على فهم دوافع الناس التانية وتصرفاتهم، وهاد بيساعدو يتجنب الكره لأنو بيشوف الأمور من منظور أوسع وبيحاول يلاقي حلول بدل ما يضيع وقتو بالكراهية

الفهم العميق بيعطيك رحمة وتقبل بدل الكره والحقد 🙋‍♂️🫶🏻

والسلام عليكم 🧉

#فلسفة
#دخيل

1,452

دَخــيــل • Outsider

07 Nov, 12:01

قناع توت عنخ آمون ما ممكن يتقدر بسعر أبداً، هو من أهم وأشهر القطع الأثرية بالعالم

في عدة أسباب ليش ما فينا نحددلو قيمة مادية:

1. القيمة التاريخية: القناع مرتبط بحضارة مصر القديمة وبيحكي عن تاريخ عمرو أكتر من 3000 سنة، فقيمتو التاريخية كبيرة كتير وما بتنحط بسعر

2. المواد والتصميم: القناع مصنوع من حوالي 11 كيلو من الذهب الخالص ومرصع بالأحجار الكريمة متل اللازورد والفيروز، بس قيمتو مو بالذهب لحالو، بل كمان بالحرفية والتفاصيل اللي بتدل على إبداع المصريين القدماء

3. القوانين الدولية: في قوانين دولية كتير صارمة بتحظر بيع أو شراء الآثار، خاصة آثار الحضارات القديمة متل مصر
والقناع ملك للشعب المصري وبينعرض بالمتحف المصري بالقاهرة

بالإضافة ل انو قبر توت عنخ آمون يعتبر اهم اكتشاف اثري في التاريخ على الإطلاق
وقت اكتشفو القبر سنة 1922 وجدو فيه مجموعة اثرية لا تقدر بثمن واهمها كان الكرسي الملكي المصنوع من الذهب الخالص وتابوت توت عنخ آمون كان موضوع ب 3 توابيت والأخير مصنوع من الذهب الخالص كمان

بالحقيقة القناع إلو قيمة تاريخية وفنية ما ممكن تنحط بمصاري، لهيك بيقولو إنو “لا يُقدر بثمن”

#مصريات
#دخيل

920

دَخــيــل • Outsider

06 Nov, 17:16

كيف رح يكون تاثير فوز ترامب على الوضع بسوريا؟

1. الوجود العسكري الأميركي: بفترة ترامب الأولى، قرر سحب جزء من القوات الأميركية من شمال سوريا، وهاد الشي ترك مجال لتركيا لشن عمليات ضد الأكراد، يلي كانو حلفاء للولايات المتحدة ضد داعش
إذا رجع ترامب للرئاسة، ممكن يرجع يطبق نفس السياسة ويفضل تخفيف الوجود العسكري الأميركي، وهاد رح يخلق فراغ أمني ممكن تستفيد منو تركيا أو حتى روسيا وإيران لتوسيع نفوذهن بالمنطقة

2. العقوبات الاقتصادية: ترامب كان وراء فرض قانون قيصر يلي شدد العقوبات على النظام السوري، واستهدف الاقتصاد بشكل مباشر
فوزو ممكن يعني استمرار هالعقوبات أو حتى زيادتها، وهاد الشي رح يزيد الوضع الاقتصادي بسوريا صعوبة، خاصة على الشعب يلي رح يتأثر بشكل أكبر

3. التعامل مع النظام السوري: إدارة ترامب ما كانت مركزة على تغيير النظام بدمشق مثل إدارات أميركية سابقة، وكان اهتمامو الأكبر بمحاربة داعش والحد من نفوذ إيران
إذا فاز ترامب مرة تانية، غالباً رح يضل نفس التوجه، يعني ما رح يكون في ضغوط كبيرة على النظام السوري لتغيير سياساتو
واللي بيدعم هاد الرأي هو تدهور النفوذ الإيراني بالمنطقة ومن الوارد انو النظام السوري يرجع يعيد النظر بالتحالفات السياسية تبعيتو وبخص بالذكر حزب الله وايران

4. الدور الروسي والإيراني: ترامب عندو علاقات معقدة مع روسيا، وأحياناً بيحاول يتقرب منها ولكن العلاقة بيناتن افضل بكتير من علاقة الديمقراطيين (بايدن مثلا) مع روسيا
إذا صار في نوع من التفاهم بين أميركا وروسيا، هالشي ممكن يأثر على التنسيق بين البلدين بسوريا
بس من جهة تانية، ترامب معروف بمواقفه المتشددة ضد إيران، وهاد ممكن يزيد التوترات خصوصي إنو إيران إلها دور كبير بسوريا

بالمختصر، فوز ترامب رح يؤدي غالباً لاستمرار الضغط الاقتصادي على سوريا مع تركيز على محاربة الإرهاب وتقليص التواجد العسكري الأميركي، وترك النظام السوري واللاعبين الإقليميين مثل روسيا وتركيا وإيران يتنافسوا على النفوذ

هاشتاغ سيادة وطنية
هاشتاغ لحمة بعجين وطنية
هاشتاغ أنا سوري اااااااااه (بصوت مجدي ووجدي) يا نيالي

#سوريا
#سياسة
#دخيل

931

دَخــيــل • Outsider

06 Nov, 12:55

🥴🧉

867

دَخــيــل • Outsider

06 Nov, 11:03

فوز ترامب رح يكون الو تأثير كبير على منطقة الشرق الأوسط وخصوصاً على الصراعات الدائرة بغزة، لبنان، وإيران

بما يخص غزة ولبنان، ترامب معروف بدعمو القوي لإسرائيل، وهاد الدعم رح يكون على الأرجح بدون شروط
من المتوقع إنو يعطي نتنياهو “الضوء الأخضر” ليستمر بعملياتو العسكرية ضد حماس بقطاع غزة وضد حزب الله بلبنان بدون ما يواجه ضغط كبير من واشنطن لوقف التصعيد أو لتحقيق وقف إطلاق النار
صحيح ترامب وعد بانهاء الحروب بالشرق الأوسط وتحقيق السلام، ولكن ما قال كيف…
الكيفية بتوقع انها تكون بانهاء حماس وحزب الله وحركات المقاومة الإقليمية وضرب جماعة الحوثي باليمن والجماعات الشيعية بالعراق بما انو اميركا عندها قواعد عسكرية بالعراق
+ والاهم : تحجيم دور ايران بالمنطقة
وبعدها بالنسبة ل ترامب ممكن يصير في سلام

إدارة بايدن حالياً عم تدعم إسرائيل كمان، بس الفرق إنو بايدن وهاريس عم يحاولو الدفع باتجاه وقف إطلاق نار
مع شخص مجنون متل ترامب، هاد الشي ممكن يتغير باتجاه المزيد من العمليات العسكرية الإسرائيلية ضد “محور المقاومة” الممتد من غزة للبنان وصولاً لإيران

بالنسبة لإيران، رجوع ترامب رح يعني العودة لسياسة “الضغط الأقصى” اللي كان متبعها، واللي شملت فرض عقوبات شديدة على صادرات النفط الإيرانية، وتضييق الخناق اقتصادياً وسياسياً
كمان، في احتمال أكبر إن ترامب يسمح لإسرائيل بتنفيذ ضربات عسكرية مباشرة ضد المواقع النووية الإيرانية، وهو شي بيخوف إيران لأنها عم تشوف حالياً تصعيد متزايد بين إسرائيل ووكلاء إيران بالمنطقة مثل حزب الله وحماس

بالتالي، فوز ترامب ممكن يزود فرص التصعيد العسكري بمنطقة الشرق الأوسط ويزيد من تعقيد الأوضاع بغزة ولبنان وإيران وصولاً إلى تحقيق السلام في الشرق الأوسط 🤷🏻‍♂️💃🏻

#سياسة
#دخيل

914

دَخــيــل • Outsider

06 Nov, 09:58

فوز ترامب الساحق ما كان بس بالانتخابات الرئاسية
استطاع ترامب استعادة السيطرة على مجلس النواب بالإضافة إلى غالبية مجلس الكونغرس

هاد الانتصار الثلاثي بيعني : تعزيز قدرة ترامب على تنفيذ أجندتو السياسية بدن معوقات كبيرة

#سياسة
#دخيل

883

دَخــيــل • Outsider

06 Nov, 09:41

‼️ عاجل : فوز ترامب بانتخابات الولايات المتحدة الاميركية بفارق 43 مقعد انتخابي عن مرشحة الحزب الديمقراطي كاميلا هاريس
وترامب حقق فوز ساحق في غالبية الولايات المتأرجحة وهاد الشي نادر جدا في انتخابات اميركا

بوست لاحقا عن شو تاثير فوز ترامب على الأوضاع الإقليمية في الشرق الأوسط

#سياسة
#دخيل

832

دَخــيــل • Outsider

05 Nov, 11:21

في المجتمعات الفاشلة
يوجد ألف أحمق مقابل كل عقل راجح، وألف كلمة خرقاء إزاء كل كلمة واعية

تظل الغالبية بلهاء دائمًا، وتغلب العاقل باستمرار
فإذا رأيت الموضوعات التافهة تتصدر النقاشات في أحد المجتمعات، ويتصدر التافهون المشهد، فأنت تتحدث عن مجتمع فاشل جدًا

فعلى سبيل المثال، الأغاني والكلمات التي لا معنى لها تجد ملايين الناس يرقصون ويرددونها، ويصبح صاحب الأغنية مشهورًا ومعروفًا ومحبوبًا، بل حتى الناس يأخذون رأيهم في شؤون المجتمع والحياة

أما الكتاب والمؤلفون فلا أحد يعرفهم ولا أحد يعطيهم قيمة أو وزنًا، معظم الناس يحبون التفاهة والتخدير
شخص يخدرنا ليغيّب عقولنا عنا، وشخص يضحكنا بالتفاهات، أفضل من شخص يوقظنا للواقع ويؤلمنا بالقول الحق

ولذلك فإن الديمقراطية لا تصلح للمجتمعات الجاهلة، لأن الأغلبية الجاهلة هي التي ستقرر مصيرك

#فلسفة
#دخيل

867

دَخــيــل • Outsider

04 Nov, 15:56

"لا تطلب من أحد أن يعتزل ما يؤذيه، أن الحياة برمتها تؤذي الأرواح المرهفة”

الألم جزء لا يتجزأ من التجربة الإنسانية، وخاصة للأشخاص اللي أرواحهن حساسة ومرهفة
هدول الناس بيشوفو وبيحسو بأشياء ما بيشوفها أو بيحس فيها غيرهن
ممكن يشوفو الجمال بشكل أعمق، بس بنفس الوقت بيشعرو بالألم والمعاناة بطريقة أكثر قسوة

إذا بتطلب من شخص إنو يعتزل اللي عم يؤذيه، فأنت كأنك عم تطلب منو إنو يهرب من الحياة كلها، لأنو الحياة مليانة مصادر للألم والتحديات

الألم مو بس جاية من مكان واحد، هو ممكن يكون من خيبات الأمل، العلاقات، الظروف، وحتى من الوجود بحد ذاتو
بس بنفس الوقت، هالألم هو اللي بيساهم بتشكيل هويتنا وتجربتنا كأفراد
فهون الصراع الحقيقي: "كيف نتعايش مع الألم من دون ما نتركو يدمّرنا؟"

الأرواح المرهفة ما بتقدر تعزل حالها عن كل شيء مؤذي، لأن الحياة بحد ذاتها مليانة أشياء عم تجرح وتترك أثر
ولكن بنفس الوقت، هي الأرواح بتملك قدرة فريدة على الشعور بالجمال، الحب، الحنان، الحرية والرقة بشكل عميق
يعني الألم جزء من هالرحلة، واللي بيرفض يواجهو كأنما عم يرفض الحياة كلها

الفكرة الفلسفية هون بتلمّح إنو الحل مو بالاعتزال، بس بالمواجهة والتعامل مع الألم بوعي
الألم هو جانب من جوانب الحياة، والأرواح المرهفة إلها دور خاص في إنها تواجه الحياة بكل تناقضاتها، وتخلق توازن بين المعاناة والجمال اللي بتشوفو 🙏

والسلام عليكم 🧉

#فلسفة
#دخيل

826

دَخــيــل • Outsider

04 Nov, 11:10

شكل الحياة في مصر القديمة بالذكاء الاصطناعي

#مصريات
#دخيل

571

دَخــيــل • Outsider

02 Nov, 11:17

"يلي بيشوف مصيبة غيرو بتهون عليه مصيبتو”

الفكرة من هالمثل إنو الواحد لما يشوف حدا تاني عم يعاني من مشكلة أكبر، بيحس إنو مشكلتو أخف وأهون…

من ناحية أخلاقية، في ناس بتشوف إنو المثل فيه نوع من عدم التعاطف، لأنو بيخلّي الواحد يركز على حالو ويهمل معاناة الشخص التاني
يعني، كأنو عم نقول إنو معاناة الآخرين ممكن تكون وسيلة النا حتى نخفف من همنا، وهاد الشي ممكن يعتبر غير أخلاقي

ومن الناحية النفسية، المثل بيوصف حالة معروفة اسمها “التكيف النسبي”، يعني لما الواحد يشوف حدا تاني عم يعاني أكتر منو، بيشعر إنو وضعو أحسن شوية
كمان بمكان ما الفكرة بحد ذاتها فينا نعتبرها غير اخلاقية 🤷🏻‍♂️

والسلام عليكم 🧉

#فلسفة
#دخيل

765

دَخــيــل • Outsider

01 Nov, 13:29

بلد الآيس تي والشوكولامو 🫠

#سوريا
#دخيل

865

دَخــيــل • Outsider

01 Nov, 11:24

ليش مهم جداً كل فترة والتانية نعمل استراحة دورية من الكتابة، الأخبار، السوشيال ميديا، والتواصل الاجتماعي؟

في عدة أسباب:

1. تقليل التوتر والإرهاق العقلي: السوشيال ميديا والأخبار بتخلق نوع من التوتر الدائم لأنك عم تتعرض لمعلومات وأحداث سلبية بشكل مستمر
كمان التواصل الدائم مع الناس ممكن يكون مرهق عاطفيًا
الاستراحة بتساعد الدماغ يرتاح ويستعيد طاقته

2. تحسين التركيز والإنتاجية: من بعد فترة طويلة من التعرض لمصادر تشتيت مثل السوشيال ميديا، بتلاحظ إنو تركيزك بينخفض وإنتاجيتك بتقل وبتقضي اغلب وقتك عم تقلّب بالريلز وتحمل العاب سخيفة 🌚
لما تاخد استراحة، بيكون عندك فرصة تسترجع قدرتك على التركيز والعمل بشكل أكتر فعالية

3. الصحة النفسية: الارتباط المستمر بالعالم الرقمي والعلاقات الاجتماعية ممكن يأثر سلبًا على صحتك النفسية، سواء من خلال الشعور بالضغط من العروض المستمرة لحياة الآخرين أو الانغماس في المشاكل العامة والخاصة للمُحيطين
الاستراحة بتساعدك تسترجع توازنك وتعتني بنفسك

4. تحفيز الإبداع: لما تبتعد شوي عن الروتين اليومي والضغوط، بتصير عندك فرصة تكتشف أفكار جديدة، وهالشي بيساعدك تكون أكتر إبداعًا سواء بالكتابة أو بالعمل بشكل عام

الاستراحات ضرورية لتجديد الطاقة والحفاظ على التوازن الداخلي، بين كل فترة والتانية خدو استراحة والتفتو لنفسكن 🫶🏻

مرحبا 💘

#دخيل

1,203

دَخــيــل • Outsider

25 Oct, 10:03

كونو بخير 💐

1,287

دَخــيــل • Outsider

24 Oct, 21:16

"ستجد من يقبلك كيفما كنت و لكن هناك إحتمال كبير ان يرفضك الجميع إذا ما كنت إنسان طبيعياً"

العبارة بتحكي عن فكرة التقبل الاجتماعي وكيف الناس ممكن يتعاملو مع الشخص حسب تصرفاتو أو مظهرو

يعني مثلاً إذا كنت شخص عندك أفكار أو تصرفات خارجة عن المألوف أو مختلفة عن “الطبيعي” المتعارف عليه بمجتمعك، فدايماً في احتمال تلاقي بعض الناس يقبلوها ويتفهموها

بالمقابل، إذا كنت “طبيعي” بمفهوم الناس، وفيك عادات وتقاليد مثل باقي المجتمع، فممكن يكون عندك تجربة سلبية، بحيث إنو كل الناس أو أغلبهم ممكن ما يعطوك أي اعتبار أو يتجاهلوك بشكل كبير

الفكرة هون مو إنو تكون غريب أو مختلف هو الصح أو الخطأ، بس إنو التوقعات الاجتماعية بتلعب دور كبير بكيف الناس بيتفاعلو معك

المجتمع غالباً بيتوقع الناس تكون “على نمط معين” من الأفكار أو التصرفات، وإذا كنت بتمشي مع هاد النمط، ما بيكون في شي مميز يلفت انتباه الناس إلك

بينما إذا كنت مختلف، سواء بطريقة إيجابية أو سلبية، هالشي بيخليك تبرز، وهاد الشي بحد ذاتو بيخلي في فرصة أكبر إنك تلاقي ناس يتقبلوك أو حتى يعجبوا فيك، أو بالمقابل، يرفضوك

فهون في مفارقة: كلما كنت “طبيعي” (حسب مفهوم الطبيعي اللي متعارف عليه حواليك وبمجتمعك) أكتر، ممكن تكون علاقتك بالناس سطحية أو ما تلاقي اهتمام من حدا، لكن كلما كنت مميز أو مختلف، في احتمال أكبر تلاقي رفض أو قبول بنفس الوقت

الموضوع بحد ذاتو بيطرح سؤال كبير عن معايير “الطبيعي” والاختلاف وكيف المجتمع بيحدد شو مقبول وشو مرفوض

وهلق اسأل نفسك : شو هو الطبيعي؟ مين يلي بيحدد الطبيعي؟ 🤷🏻‍♂️🤷🏻‍♀️

والسلام عليكم 🧉

#فلسفة
#دخيل

1,396

دَخــيــل • Outsider

24 Oct, 17:28

“إما أن تتغير، أو سيتكرر نفس اليوم إلى الأبد”

بشكل بسيط، إذا الشخص ما غيّر شي بحياتو أو بطريقتو بالتعامل مع الأمور، رح يضل عالق بنفس الروتين ونفس المشاكل ونفس الحياة اللي عم يعيشها يوم بعد يوم، وكأنو عم يعيش نفس اليوم على طول

كلنا بالحياة ممكن نمر بفترات منحس فيها إنو الأمور ما عم تتغير، وإنو عم نواجه نفس التحديات أو المشاعر، وكأنو الأيام متشابهة وما فيها شي جديد
هالشي غالباً بيصير لما الشخص بيمشي بنفس العادات أو التفكير، بدون ما يحاول يطلع برا المألوف أو يجرب شي جديد

إذا ما صار في تغيير فعلي بشو عم نعمل، سواء بتغيير سلوك، أو طريقة تفكير، أو حتى تغيير بسيط بالعادات اليومية، رح نضل عم نعيد نفس السيناريو كل يوم

فالفكرة هون هي إنو التغيير الشخصي، سواء كان بالتفكير أو التصرفات، هو المفتاح لكسر هالدائرة الروتينية
ممكن يكون التغيير صعب أحياناً، وبيحتاج شجاعة وجرأة لحتى نواجه حالنا ونتخذ خطوات جديدة، بس هو ضروري إذا بدنا نحس بتجديد بحياتنا ونتفادى الشعور إنو الحياة عم تعيد نفسها بدون معنى 🤷🏻‍♀️🤷🏻‍♂️

والسلام عليكم 🧉

#فلسفة
#دخيل

1,023

دَخــيــل • Outsider

24 Oct, 13:35

ينفع أن تضع هذه الصورة في كتاب عن الأساطير
"رجل يقاتل بعصاه طائرة مسيرة تعمل بالذكاء الاصطناعي"

ينفع أن تنشرها فيه وتحيي بطولة هذا الرجل الجالس يقاتل بعصاه العلم والتكنولوجيا

ينفع أن تنسج القصائد والشعر والملاحم حولها

لكنها وللأسف لن تبني لك وطن
لن تحرر لك أرض
ولن تنصرك على عدو

مهما كانت عواطفك وأمانيك.. لن ينتصر الإنسان البدائي على صاحب الحضارة

لن يهزم السيف والعصا، المدفع والرشاش وأسلحة الليزر

زمن الوحوش الأسطورية قد ولّى
أنت في عصر العلم والقوة لمن يملكه

ضع عواطفك جانبا واستيقظ 🔥

#هاشم_العامر
#سياسة
#دخيل

927

دَخــيــل • Outsider

24 Oct, 10:28

“هناك مسافة لا يمكن قطعها ما بين حقيقة الأشياء وفكرتنا عنها”

العبارة بتشير لفكرة فلسفية عميقة، بتعني، كيف نحنا منشوف الأشياء أو نفهمها مو دايماً متطابق مع كيف هي فعلاً بحقيقتها

هالمسافة اللي عم نحكي عنها هي الفجوة بين “الواقع” و”تفسيرنا” للواقع
الإنسان، بشكل عام، بيشوف العالم من خلال تجاربو الشخصية، مشاعرو، وقناعاتو، وهالشي بيأثر كتير على فهمو للأشياء

بمعنى تاني، كل شخص عندو نظارات خاصة بيلبسها وبيشوف العالم من خلالها
النظارات هي مكونة من أفكارو، مشاعرو، ومعتقداتو وتجاربو يلي اتشكلت عبر الزمن

الفهم الكامل أو الموضوعي أو الواقعي للأشياء صعب، لأنو نحنا كبشر دايماً عم نمرّر الواقع من خلال فلترنا الشخصي للأمور، ومنعتبر تجربتنا الشخصية هية مسطرة عامة للبشر ومنتجاهل وجود اختلاف بين البشر

هالمسافة، أو الفجوة، بتخلق شي من الغموض أو عدم اليقين
حتى لو حاولنا نفهم الشي بشكل منطقي وعلمي، دايماً في احتمال نكون مفسرينو بشكل خاطئ أو ناقص لاننا منسعى باللاوعي لترويض الحقيقة مشان نحافظ على الـ comfort zone تبعنا

البشر مخلوقات محدودة بالقدرة على الفهم بحكم العوامل المحيطة إن كانت سياسية أو اجتماعية، وهون بيجي دور الشك الفلسفي، يلي بيقول إنو علينا دايماً نكون منفتحين على فكرة إنو تفسيرنا للحقيقة مو هو الحقيقة المطلقة

هالمسافة جزء طبيعي من التجربة الإنسانية
نحنا محكومين بالوعي واللغة والذاكرة، وكل هالعناصر بتخلي الحقيقة تمر من خلال عدسات معينة
ما فينا نوصل لحقيقة الأشياء بشكل كامل، لأنو كل شي منعيشو ونفكر فيه بيجي من زاوية محددة، متأثرة بكل شي عشناه وشعرنا فيه قبل 🫶🏻

والسلام عليكم 🧉

#فلسفة
#دخيل

868

دَخــيــل • Outsider

23 Oct, 18:28

الفيلسوف الباكي هيراقليطس لما قال “ما فيك تنزل بنفس النهر مرتين”، كان عم يعبر عن فكرة عميقة جداً، إنو كل شي حوالينا بيتغير بشكل دائم وما في شي بيضل على حالو
النهر هون هو تشبيه للحياة أو للكون، والمياه اللي بتتدفق فيه بتمثل التغير المستمر
يعني وقت بتنزل بالنهر أول مرة، المي اللي لمستك راحت وما عاد فيك تلمسها مرة تانية، لأن صار في مي جديدة

هي الفكرة بتعكس فلسفة الصيرورة، اللي بتقول إنو ما في شي ثابت أبداً، وكل شي بيتغير باستمرار، سواء كان الوقت، التجارب، الأفكار، أو حتى البشر

الثبات وهم هيك بيشوف الحكيم، لأن الحقيقة الوحيدة هي التغيير

هيراقليطس كان شايف إنو الناس أحياناً بيعتقدو إنو الأمور ثابتة أو ممكن يرجعو يعيشو نفس اللحظة أو التجربة، بس بالحقيقة، كل لحظة هي جديدة ومختلفة لأن العالم حواليك عم يتغير بكل لحظة

فالفكرة العميقة هي إنو ما فيك تعيد نفس التجربة بنفس الظروف، لأن كل مرة رح تكون الظروف مختلفة، حتى لو ما كنت منتبه لهالشي 🤷🏻‍♂️🤷🏻‍♀️

#فلسفة
#دخيل

912

دَخــيــل • Outsider

23 Oct, 12:02

إذا روسيا اضطرت تتخلى عن حليف، مين رح يكون؟
سوريا او ايران؟

تعو نحلل الموضوع

الحقيقة إنو كل من النظام السوري والنظام الإيراني بيعتبرو حلفاء لروسيا، بس كل واحد منهن عندو نوع مختلف من التحالف مع روسيا، وهاد بيخلّي السؤال عن مين الحليف الأقرب أكتر تعقيد

التحالف الروسي مع النظام السوري:

روسيا دعمت سوريا من أول ما بلشت الحرب سنة 2011
تدخلها العسكري الكبير بسنة 2015، وخاصة بالقصف الجوي ودعم القوات البرية، كان عامل أساسي بمنع سقوط النظام
روسيا بتستفيد كتير من وجودها بسوريا، خاصةً لوجودها العسكري على البحر المتوسط، متل قاعدة حميميم الجوية وقاعدة طرطوس البحرية وهدول القواعد العسكرية الوحيدة لروسيا على ساحل البحر الأبيض
(النا بوست لاحق بيتناول الاتفاقية بين روسيا وسوريا على هالقاعدتين)
هالمواقع إلهن أهمية استراتيجية كبيرة بالنسبة لروسيا، لأنهن بيساعدوها توسّع نفوذها بالمنطقة

التحالف الروسي مع إيران:

إيران كمان حليف مهم لروسيا، والعلاقة بين البلدين قديمة وفيها أبعاد اقتصادية وعسكرية.

العلاقة بين روسيا وإيران بتتجاوز الموضوع السوري
التعاون بينهن موجود على مستوى أوسع، وبيشمل مجالات مثل الاقتصاد، الطاقة، والتعاون العسكري
إيران كمان بتعتبر روسيا حليف مهم ضد النفوذ الأمريكي بالمنطقة، خاصة إنو البلدين بيشوفوا إنو عندهن عدو مشترك وهو الولايات المتحدة

مين أقرب لروسيا؟

إذا روسيا اضطرت تختار بين النظام السوري أو الإيراني، القرار ممكن يكون معقّد
النظام السوري هو حليف استراتيجي لروسيا لأنه بيعطيها قواعد عسكرية مهمة بالبحر المتوسط، وبيخليها قريبة من الشرق الأوسط وأوروبا
يعني خسارة سوريا ممكن تكون ضربة لنفوذ روسيا الإقليم
من جهة تانية، إيران هي حليف مهم اقتصاديًا وعسكريًا، وروسيا بتشوفها كداعم للاستقرار الإقليمي وموازنة ضد النفوذ الأمريكي والخليجي بالمنطقة

إذا اضطرت روسيا تختار:

• النظام السوري: روسيا ممكن تفضّلو لأنه بيعطيها نفوذ مباشر بالشرق الأوسط، ومواقع عسكرية استراتيجية ما ممكن تعوّضها بسهولة
• إيران: لو في ظروف خاصة بتحط سوريا بموقف ضعيف جدًا أو صار الوضع ببلد تاني أهم لروسيا، ممكن تفضّل تحالفها مع إيران، خاصة إذا كان التحالف الإيراني بيفيدها بملفات اقتصادية أو عسكرية أكبر، متل العلاقة مع الغرب أو بالصراعات العالمية الأخرى

ولكن الضربات يلي تلقتها ايران باخر فترة، وتراجع نفوذها بالمنطقة وتقطيع أياديها بيجعلها اكثر عرضة من النظام السوري انو روسيا تتخلى عنها

بالمحصلة، كل نظام إلو أهميته الخاصة لروسيا، بس بشكل عام، النظام السوري ممكن يكون الخيار الأقرب لروسيا من ناحية المواقع الاستراتيجية والحفاظ على نفوذها المباشر

#سياسة
#سوريا
#دخيل

737

دَخــيــل • Outsider

22 Oct, 22:13

انتصرنا 💅🏻🫶🏻

#دخيل

549

دَخــيــل • Outsider

22 Oct, 21:46

‏قال جلال الدين الرومي :
‏"كلّ ما تحبّه .. هو أنت، هو صورة مصغرة عنك"

‏فيما يقول هيرمان هيسة :
‏"إذا كرهت شخصاً فأنت تكره شيئاً فيه هو جزء من نفسك، ماليس جزءاً من أنفسنا لا يزعجنا"

نحنا شو منحب او شو منكره؟

إذا بدنا نفكر بهالكلام، جلال الدين الرومي وهيرمان هيسة عم يعبرو عن فكرتين متشابهتين من ناحيتين مختلفتين
الرومي بيقول إنو الشي يلي بتحبو هو انعكاس إلك، يعني بتحب الأشياء أو الأشخاص لأنهن بيعبروا عن شي موجود جواك، عن قيمك، رغباتك، أو حتى عن صفات بتشوفها بحالك
وهيسة بيحكي عن الكره من نفس المنطلق تقريباً، يعني لما تكره حدا، غالباً بتكون عم تكره شي فيه بيعكس شي أنت مكبوت أو غير راضي عنه بحالك

فمن هون فينا نقول إنو نحنا عبارة عن مزيج من اللي منحبو واللي منكرهو يعني paradox منظمة

اللي منحبو هو الأشياء اللي بتمثل جوانب من شخصيتنا أو أحلامنا، واللي منكرهو غالباً هو الأشياء اللي بتكشف نقاط ضعفنا أو شي ما منحب نعترف فيه عن حالنا

يعني بالنهاية، المحبة والكره هنّ متل مرايا بتعكس جوانب مختلفة من شخصيتنا، سواء كنا واعيين لهالشي أو لا 🫶🏻

#دخيل

585

دَخــيــل • Outsider

22 Oct, 19:31

سارتر يقول : “الحرية مسؤولية”

بس شو قصدو؟
بيقصد إنو الإنسان وقت بيختار يكون حر، ما بيكون بس عم يختار لنفسو، بس كمان عم يتحمل مسؤولية كل قراراتو وتصرفاتو

الحرية بالنسبة لسارتر مو معناتها تعمل اللي بدك بدون ما تفكر بالعواقب، لا، بالعكس، لازم تكون واعي ومسؤول إنو كل قرار إلك إلو تأثير عليك وعلى غيرك

من منظور سارتر، الحرية هي إنو نحنا نخلق نفسنا من خلال أفعالنا وقراراتنا، بس بنفس الوقت، هالشي بيحط علينا حمل كبير، لأنو ما فيك تلوم حدا تاني عاللي صار معك، لأنو بالنهاية قراراتك هية اللي وصّلتك لهالمكان

وطبعاً، في جزء من الناس بس يسمعو كلمة حرية ما بيتخيلو غير الحلمات ومسابح الويسكي وشواطئ العراة 🫶🏻

#دخيل

516

دَخــيــل • Outsider

22 Oct, 17:57

"العقل الذي لا يتمرد على الظلم، لا يُبدع
لذلك الشعوب المستعبدة لم تبدع
امتى أوروبا أبدعت؟ لما تحررت
ليه الشعوب العربية لم تبدع عقلياً وبقيت شعوب مستهلكة؟
لانها لم تتمرَّد
واذا تمرَّدت بتضطهد وتضرب وتحبس"

#نوال_السعداوي

الدكتورة نوال كانت عم تحكي عن فكرة إنو الإبداع والابتكار ما بيجي إلا لما العقل يكون حر، وما بيقدر يكون حر إذا كان مضطهد أو تحت نظام ظالم، ما بالضرورة فقط نظام سياسي انما ايضا نظام اجتماعي وديني ظالم مُقيّد للتفكير

هي بتقول إنو الشعوب اللي عاشت تحت القهر والاستعباد، سواء من حكوماتها أو من قوى خارجية، ما بتقدر تبدع أو تطور أفكار جديدة

ليش؟

لأن العقل بيضل محصور بالقيود والخوف، ما عندو مجال يتحرر ويبتكر
وبتعطي مثال أوروبا، كيف إنو وقت كانت تحت سيطرة الكنيسة والملوك المستبدين، ما كان في إبداع، لكن لما صارت في ثورات وتحررت الشعوب من الظلم، طلع الإبداع والابتكار بداية من عصر التنوير والرينيسانس

بالنسبة للشعوب العربية:

نوال السعداوي كانت بتقصد إنو الشعوب العربية ما قدرت تبدع أو تكون منتجة فكرياً لأنها عايشة تحت أنظمة مستبدة وما عم تقدر تتمرد، ولما بتصير في محاولات للتمرد أو للتغيير، بيتم قمعها بالعنف أو السجن، وهيك بيرجع العقل بيتقيد وما بيقدر يبدع

باختصار، قصدها إنو الإبداع ما بيقدر يزدهر إلا بالعقل الحر، والعقل ما بيقدر يكون حر إذا كان محاصر بالخوف والظلم 🫶🏻

والسلام عليكم 🧉

#دخيل

519

دَخــيــل • Outsider

22 Oct, 15:04

الصورة التي قتلت صاحبها🚨🚨

‏لم يكن كارتر يتخيَّل أنَّ الصُّورة التي التقطها في السودان عام 1993 ستكون السبب في مقتله!!

قام المُصوِّر الجنوب أفريقي كيفن كارتر برحلة عمل لتغطية المجاعة التي كانت تعصف بالبلاد حينها، وتوجَّه إلى قرية هناك حيث سمع أثناء عمله صوتًا ضعيفًا لأنين طفلة صغيرة هزيلة أنهكها الجوع والعطش، كانت تزحفُ ببطءٍ شديد في طريقها إلى مركز لتوزيع الطعام.
‏وشاهد كارتر نسرًا كبيرًا حطَّ بجوارها ينتظر موتها ليأكلها

وهنا قال :
‏«انتظرت نحو 20 دقيقة لرؤية ما سيفعله النسر»، مشيرًا إلى أنَّه التقط الصُّورة وقام بعدها بإبعاد النِّسر عن الطفلة. إلا أنَّه لم يسلم من الانتقادات اللاذعة التي وجهت إليه بسبب تجاهله تقديم المساعدة إلى الطفلة الصَّغيرة. وبيعت الصُّورة لصحيفة «نيويورك تايمز»، حيث عرضت للمرَّةِ الأولى في 26 مارس 1993

وفي ذات الليلة قام المئات من القراء بالاتصال بالصحيفة لمعرفة ما إذا كانت الطِّفلةُ الصَّغيرة قد نجت أم أنَّها فارقت الحياة، ما دفع «نيويورك تايمز» إلى إصدار تنويه خاص بواسطة مُحرِّرها الخاص قائلةً فيه «أنَّ الطِّفلة الصَّغيرة تمكَّنت من السَّير بعيدًا عن النِّسر لكنَّ مصيرها النهائي غير معلوم»

في 2 أبريل 1994 قامت نانسي بورسكي مُحرِّرة الصُّور الخارجية في «نيويورك تايمز» بالاتصال هاتفيًّا بكارتر لإعلامه بنيله أرفع جائزة في التصوير الصحافي وهي جائزة «بولتزر» للصُّورة إحدى جوائز «بولتزر»، والتي تسلمها في 23 مايو 1994 في مكتبة «لاو ميموريال» في جامعة كولومبيا.
‏وفي إحدى المرَّات التي تم عقد مقابلات مع كارتر سُئِلَ لماذا لم يَقُم بإنقاذ تلك الفتاة المُنتحبة، فأجاب: «لقد تمَّ تحذيرنا نحن الصَّحافيِّين الغربيِّين من عدم الاقتراب من هؤلاء، خشية انتقال أي أمراضٍ منهم إلينا»

27 يوليو 1994 قاد كيفن كارتر شاحنته إلى قرب نهر «برامفونتاينسبروي» وهو نهر صغير يقطع الضواحي الشَّمالية لمدينة جوهانسبرغ وهي منطقة اعتاد أن يلعب بها حين كان طفلًا صغيرًا، وقام بإنهاء حياته بتوصيله العادم إلى داخل الشاحنة مُشغِّلاً المُحرِّك، حيث قضى بالتَّسمُّم بأول أكسيد الكربون عن عمر ناهز 33 عامًا

#منقول
#دخيل

516

دَخــيــل • Outsider

22 Oct, 10:23

حزب الله كان عم يعطّل انتخاب رئيس ب لبنان بطرق مختلفة وكلها كانت بهدف فرض مرشح يتماشى مع مصالحه

أول شي كان يعملوه هو مقاطعة جلسات البرلمان أو التصويت بالورقة البيضاء، وهاد الشي منع البرلمان من تحقيق النصاب اللازم للتصويت

النصاب القانوني لازم يكون فيه حضور ثلثي أعضاء البرلمان، وحزب الله كان يتأكد إنه هو وحلفاؤه ما يحضروا الجلسات، مثل ما صار لعدة شهور أثناء الانتخابات السابقة
ولبنان من سنتين لليوم بدون رئيس
بالإضافة، حزب الله كان عم يستغل علاقته القوية مع “التيار الوطني الحر” بزعامة جبران باسيل ليعطل أي توافق سياسي على مرشح ما بيخدم مصالحن، وبالتالي يفرضو مرشحهم المفضل مثل سليمان فرنجية
الحزب كمان بيستفيد من دعم حلفائو، متل حركة أمل بزعامة نبيه بري، اللي كان يأجل جلسات الانتخاب إذا حس إنه ما فيه فرصة لتثبيت مرشح الحزب

هالاستراتيجية هدفت بالأساس لفرض مرشح حليف بيحمي سلاح الحزب ويدافع عن مواقفو السياسية، ويضمن استمرار تأثيره السياسي والأمني داخل لبنان، حتى لو كان هالشي على حساب استمرار الفراغ الرئاسي لفترات طويلة

مصدر
مصدر
مصدر
مصدر

#سياسة
#لبنان
#دخيل

553

دَخــيــل • Outsider

21 Oct, 22:46

كان لك معايا اجمل حكايه في العمر كله
سنين بحالها مافات جمالها على حب قبله
سنين ومرت زي الثواني في حبك انت
وان كنت اقدر أحب تاني، أحبك انت
كل العواطف الحلوه بيننا
كانت معانا حتى في خصامنا

عود : باسل ليلى
رق : معروف عليقي

#دخيل

549

دَخــيــل • Outsider

21 Oct, 20:40

تسعدني، تبهجني، تبهرني، تسحرني، تأسرني
أحس بنوع من الاصطهاج والنشوة وقت شوف دولة الياسمين قديشها عم تطورَّر 🫶🏻

وهيك حكومتنا بتكون اتخذت اول خطوة بطريق حل الأزمة 🫶🏻

بس……
العائدات المالية للحكومة تُقدَّر ب 50 مليون دولار من بيع الأرقام المميزة
سعر اللوحة الجديد 250 الف ليرة سوري

مفكرين كرمال عيونكن اه؟

قربان ربكن 💅🏻

#سوريا
#دخيل

543

دَخــيــل • Outsider

21 Oct, 18:24

يكتب محمد موسى مناصرة من بيت لحم :

محك الوطنية الحرص على حيوات الشعب

وجُرمٍ جرَّهُ سُفَهاءُ قومٍ....... وَحَلَّ بِغَيْرِ جارِمِه العَّذابُ. (المتنبي)

بعد عام ويزيد من المقتلة، بعد عام من التدمير والقتل، لم يعد قطاع غزة صالحا للحياة، 200 ألف إنسان ما بين قتيل وجريح ومفقود أو تحت الأنقاض، وتحت وطأة ما يحدث في مخيم جباليا، نهاره مرعب، وليل المخيم أكثر رعبا، محرقة، ليس في الكون من بمقدوره توصيف الإجرام الجاري تنفيذه في المخيم، جوع ينهش الأجساد، من لم يمت بالرصاص وبالصواريخ وبقذائف المدافع، يموت عطشا أو جوعا أو مريضا! وأمام ما يجري، ألم تحن اللحظة لإدراك الحاجة إلى التمييز والتفريق بين ما كان عليه شعبنا يوم السادس من تشرين أول/أكتوبر وما بلغه حاله الآن؟

سياق المقتلة المستديم منذ عام، وما بلغته المواجهة مع جيش الاحتلال، هل يشير إلى إمكان حدوث أي تغيرات دراماتيكية في موازين القوى بين حماس وماكينة القتل الإسرائيلية على الأرض؟

ألا يوجد عاقل في حماس أو من يمون عليها لتجيب على الأسئلة: هل هي ذاهبة للانتصار أم للانكسار والهزيمة؟

أليس مهما لدى أي جيش أن يعرف في كل لحظة، في كل شهر وبعد عام من المقتلة علاقات القوى في المعركة والى أين تتجه؟

هل بمقدور أحد من حماس ومن مؤيديها ومن يشجعونها وصفقوا لها واصطفوا سحيجة مع ضابط الإيقاع في كل ما فعلته الإجابة على السؤال:

كيف بمقدور حماس تعويض شعبنا عن ما خسره من ضحايا، وعن الدماء التي سالت تلون الرمال في كل مكان دم ودم ودم في كل متر على أرض قطاع غزة!

كيف يمكن تعويض الأمهات عن الأوجاع بفقد أبنائهن، وتعويض أرباب الأسر عن فقد أسرهم والأطفال عن فقد والديهم ودون أن يعرف أحد لماذا يستديم القتال الآن!

وبتجاوز الخلافات الداخلية بين قيادة حماس في قطاع غزة والقيادة السياسية في الخارج والتي أسفرت عن كل ما جرى ويجري لتحقيق الهدف الرئيس من عملية العبور:

- الهدف المخفي: ("إفشال تفاهمات القيادة السياسية مع إسرائيل برعاية قطريه"

- الهدف المعلن: إحضار رهائن ومبادلتهم بأسرى فلسطينيين لتبييض السجون الإسرائيلية، وهو الهدف الذي أضحى من الماضي وأسفر عن ما نراه أمامنا، محرقة، مقتلة، جرائم إبادة غير مسبوقة في التاريخ.

ألا تبرز هنا بإلحاح مسئولية القادة إن كانوا يهتمون بحيوات شعبهم أم يتصرفون كمجرمين؟
يتصرفون ويفكرون بعقولهم أم بشهواتهم الأنانية للسلطة بغض النظر عما يحصل.

هل يستطيعون من تبقوا في الانفاق أن يفرضوا شروطهم في أي شكل من أشكال المفاوضات على العدو، ماكينة القتل، جيش الاحتلال الذي يفوق المقاتلين في الانفاق قوة وعتادا وعلما؟

أتفهم إن كان لدى حماس أي أمل في الانتصار ولكن كيف تعتمد هذه الآمال بالنصر في إطار توازن القوى القائم على الأرض وتوازن القوى في المنطقة وعلى النطاق العالمي وتداعيات ذلك واضحة أمامنا عمليات ذبح لشعبنا في مخيم جباليا دون أن يتمكن أحد من نجدتهم!

لقد قدم المقاتلون صورا وملاحم بطولية وأسطورية تنحني لها الهامات في مواجهة المحتلين، لكن البطولات ليست من يصنع القرارات السياسية ولا توازن القوى بين المتحاربين.

ليس وحده النظام الدولي المسئول عن وقف المقتلة، أيضا قيادة حماس بيدها أكثر مما هو بيد النظام الدولي وقف المقتلة التي تم الزج بشعبنا فيها.

كل ما في الأمر المطلوب من حماس إذا كان لديها أقل الاهتمام بحيوات شعبنا، وحدها من تستطيع استدامة المقاومة من الانفاق نعم والى ما شاء الله، ولكن طالما أن لا أمل في النصر، فلماذا استمرار المقتلة؟

لتبدي حركة حماس الشجاعة، وتبادر لاقتراحات تحمي وتضمن حيوات المقاتلين وقيادتهم والاهم، حماية ما تبقى من شعبنا، بوقف المذبحة، بوقف المقتلة المنفذة لأهلنا وناسنا وإخوتنا وأخواتنا، أبناء شعبنا بقرارات شجاعة، وحركة حماس وحدها فقط من تقدر عليها إن أرادت.

#سياسة
#دخيل

564

دَخــيــل • Outsider

21 Oct, 12:56

اسمع يا مدلل

اميركا كانت ترصد سنوياً مبلغ 3.8 مليار دولار لدعم اسرائيل، على جميع الاصعدة

ولكن والغريب، من الهجوم الإيراني الأخير على إسرائيل (01.10.2024) بلغت نسبة المساعدات الاميركية اكتر من 17 مليار دولار
بالاضافة ل إرسالها منظومة ثاد من كم يوم
واليوم تحديداً اميركا أرسلت مساعدات عسكرية طارئة لاسرائيل بقيمة 5.8 مليار دولار

افهم، لهلق اسا إسرائيل ما ردت على ايران، والخطاب الإسرائيلي عم يتوعد برد كبير وجدي
هي المساعدات العسكرية كلها، والتحصين، ومنظومات الدفاع، والتعديلات السريعة يلي جرت على منظومة مقلاع داوود والقبة الحديدية وتشغيل منظومة ثاد بيعني:

تجهز إسرائيل لرد قريب جدا على الهجوم الإيراني الأخير
نوعية الرد رح تكون نوعية، على اثرو ما رح يحصل حرب شاملة انما رح تشيع الفوضى لان لا بد انو يكون الرد قوي جداً، واسرائيل ما عندا منطق الاحتفاظ بحق الرد…
تخوف إسرائيل من هجوم إيراني معاكس، هو السبب الرئيسي في الدعم الاميركي الأخير، على الرغم من انو بكل هجمات ايران تم اسقاط 99% من الصورايخ، إلا انو الاحتلال مانو غبي، وبيهمو ارواح شعبو لهيك عم ياخد كل هالاحتياطات في حال فكر الإيراني يرد

في شي قادم، ضبابي جداً ولكن رح يقلب الطاولة رأساً على عقب
كل المفاجآت اللي صارت باخر فترة، والتطور السريع الغريب للأحداث، بيعطي انذار انو في شي كبير جاية على الطريق

#سياسة
#دخيل

569

دَخــيــل • Outsider

18 Oct, 22:02

أفادت "وكالة الأناضول" أن "حزب الله" اللبناني بدأ بتقليص وجوده في #سوريا عبر إعادة بعض عناصره مع عائلاتهم من مناطق مختلفة من سوريا إلى لبنان. ونقلت عن مصادر محلية إن الحزب أرسل المئات من عناصره من مناطق بالميادين والبوكمال في محافظة دير الزور شرقي سوريا، ومن بعض أحياء العاصمة دمشق ومحافظتي حماة وحمص إلى لبنان عبر طرقات مختلفة، خشية الاستهداف الإسرائيلي، ولفتت إلى أن عناصر من ميليشيا "الحشد الشعبي" العراقي انتشروا في الأماكن التي أخلاها الحزب في سوريا

#سياسة
#دخيل

324

دَخــيــل • Outsider

18 Oct, 16:41

هوامش على دفتر النكسة، نزار قباني قال : "بالناي والمزمار..
لا يحدث انتصار"

كان عم ينتقد الأسلوب يلي كانت عم تتبعو بعض الأنظمة العربية وقتها بعد الهزيمة بحرب 1967

يعني بدل ما يواجهو الواقع المرير ويعترفو بالأخطاء ويشتغلو على تحسين الجيش والتخطيط السياسي، كانوا عم يعتمدو على الشحن العاطفي والخطابات الرنانة والتصريحات الإعلامية الكبيرة بالانتصار وأنهم صامدون وسوف يحررون وينتقمون ووووو

بيحكو شعارات، وبينفخو بالانتصارات الوهمية، بس على الأرض ما كان في تغيير فعلي أو عمل حقيقي ليصلحو الأمور

نزار كان شايف إنو هالأسلوب ما رح يجيب نتيجة، لأن الاحتفال والتصفيق والشعارات الفارغة ما بيكفو لتحقيق الانتصار. الانتصار الحقيقي بيجي بالشغل الجدي، بالإصلاح، بالتخطيط، وبمواجهة المشاكل الحقيقية.

فمن وجهة نظره، لما الأنظمة عم تركز على “التطبيل والتزمير”، يعني المجاملات والاحتفالات الفاضية، عم تضيع الوقت بدل ما تستغلّه لتحسين الوضع والعمل بجدية

هالشي كان نداء للعرب إنو يوقفو هالأسلوب ويبلشو يشتغلو على حالن بشكل فعلي إذا عنجد يدن انتصار حقيقي

وما اشبه البارحة باليوم؟

زبدة الحشي متل ما قال عمو المتنبي :
إذا كان رب البيت بالدف ضارباً ** فشيمة أهل البيت كلهم الرقصُ

#دخيل

404

دَخــيــل • Outsider

18 Oct, 16:09

ايران تخلت عن كل حلفائها، بشكل مباشر او غير مباشر
بشكل مباشر متل عدم إسناد الحلفاء وقت الحاجة متل ما صار مع اغتيال نصر الله
بشكل غير مباشر متل الاختراق الاسرائيلي لمراكز صناعة القرار الإيرانية يلي بدورها أدت لاغتيال العديد والعديد والعديد من سياسيين وقادة محور المقاومة

في مقابلة قديمة نوعا ما ل أحمدي نجاد الرئيس الإيراني السابق (رح ننشرها اليوم المسا) بيقول فيها وهو متعجب ما معناه انو قمنا بإنشاء وحدة خاصة لمكافحة الاختراق الاسرائيلي في ايران، بعد فترة تبيّن معنا انو رئيس هي الوحدة طلع عميل للموساد 🥲

جميع القادة الحلفاء ل ايران، تم اغتيالهن وتصفيتهن، وباقي شخص واحد فقط حليف ل ايران….
وهاد الحليف الواحد عندما يمسك بالشجرة الواحدة ويضربها ضربة واحدة بالفأس الواحدة وتقع في البحيرة الواحدة سوف تحدث طرطشة كبيرة أوي أوي أوي

وهي الطرطشة، بالمستقبل القريب كتير رح تحدد موقف الشخص الواحد لأنو ما بقا قادر يأجل اتخاذو لموقف مع طرف ما
يا ايران
يا إسرائيل
مانو قادر يبقى ع الحياد اكتر من هيك

الله يستر 💅🏻

#سوريا
#ايران
#سياسة
#دخيل

399

دَخــيــل • Outsider

18 Oct, 15:59

🤷🏻‍♀️🤷🏻‍♂️

#سياسة
#يحيى_السنوار
#دخيل

374

دَخــيــل • Outsider

18 Oct, 15:10

امرين ممكن يردعو جنون نتنياهو :

الأول : أميركا بما انها الصديق المقرب لاسرائيل، من خلال وقف تصدير السلاح وارسال البوارج النووية الحربية إلى الشرق للترهيب
وهاد شي مستبعد جدا بسبب التوغل الاسرائيلي في صناعة القرار الأمريكي

الثاني : روسيا، دولة عظمى والها قوتها الدولية
حتى اليوم كان خطاب روسيا على ما تفعله إسرائيل هو الشجب والتنديد
ولكن اليوم حصل تغيير ملفت للانتباه بالخطاب الروسي وهو انو نائب وزير الخارجية الروسي قال وبشكل صريح (ولأول مرة بيتم استخدام هاللجة من روسيا مع اسرائيل) : "نحذر إسرائيل من مجرد التفكير في توجيه ضربة الى المنشآت النووية الإيرانية"

وهاد تهديد صريح وقوي جداً، متل ما حكينا ببوستات سابقة انو روسيا ملتزمة الحياد طالما مصالحها بالشرق الأوسط بخير
بالإضافة ل انو جميع الضربات الجوية يلي قامت فيها إسرائيل بسوريا كانت القيادة الروسية على علم فيها مشان ما تصير اصطدامات بين روسيا واسرائيل في سوريا
روسيا عندها نقاط عسكرية مهمة في سوريا ومتواجدة بشكل قوي ان كان برا او بحرا او جوا واهم قاعدة عندن هية الموجودة بطرطوس
وطالما قواعدن بخبر، ما فرقان معن لا اسرائيل ولا إذا تغير النظام السوري الجديد لان في اتفاقيات وملزمة الحكومات الجديدة فيها قولاً واحداً

زبدة الحشي:
إسرائيل رح ترد رح ترد على آخر هجوم إيراني، ما بيتركوها واطية عليهن
ولكن الرد رح يكون محدود وما رح يستهدف المكان حيوية (متل مخازن النفط) او نووية بايران
الرد رح يكون رد اعتبار فقط

وعلى سيرة مخازن النفط، اميركا اتدخلت بالموضوع ومنعت نتنياهو انو يضرب مخازن النفط للسيطرة على ارتفاع سعر برميل النفط المحتمل في حال ضربت اسرائيل مخازن النفط الإيرانية، وخصوصا مع اقتراب موعد الانتخابات الاميركية وهيك غلطة ممكن تكلف الحزب الجمهوري الانتخابات الاميركية

وهاد بيعني انو اشرائيل رح تنفذ عمليات اغتيال او تضربلا شي نقطة للجيش الايراني او الحرس الثوري الإيراني

والسلام عليكم 🧉

#سياسة
#سوريا
#دخيل

408

دَخــيــل • Outsider

18 Oct, 14:27

اغتيال #يحيى_السنوار رح يكون الو تأثيرات كبيرة على حركة حماس وعلى الوضع في غزة بشكل عام

هون بعض السيناريوهات المحتملة لمصير الحركة بعد هالحادثة:

1. انتقام فوري وتصعيد عسكري: حركة حماس ممكن ترد بقوة من خلال زيادة الهجمات الصاروخية أو العمليات الميدانية ضد إسرائيل، في محاولة لردع أي محاولات مشابهة بالمستقبل.

2. تغير قيادي: حماس رح تضطر تعيد هيكلتها القيادية
بس الشخص اللي ممكن يخلف السنوار غالبًا ما رح يكون عنده نفس القوة والتأثير، مما يضعف تماسك القيادة بشكل مؤقت

3. تفاقم الصراع الداخلي: بعض الفصائل داخل حماس ممكن تبدأ تنافس على السلطة، خاصة أنه السنوار كان شخصية قوية وذات نفوذ كبير، وهالشي ممكن يؤدي لضعف داخلي أو انقسامات

4. زيادة الضغط الدولي: مع اغتيال السنوار وارتفاع عدد الضحايا، ممكن يصير في ضغط دولي أكبر على إسرائيل لوقف العمليات العسكرية والبحث عن حلول دبلوماسية، خصوصًا من دول غربية أو منظمات إنسانية

5. استغلال إسرائيلي للفرصة: إسرائيل ممكن تستغل ضعف القيادة في حماس لتكثيف عملياتها بغزة ومحاولة تقويض الحركة بالكامل (وهاد اكثر سيناريو متوقع)

بالمجمل، الوضع مرشح للتصعيد بس مع احتمال حدوث تغييرات بالقيادة والتكتيكات تبع حماس

الاغتيال شكل ضربة قوية للحركة، بس الرد رح يكون مفتوح على عدة احتمالات حسب تطورات الميدان والسياسة

مصدر

#سياسة
#دخيل

422

دَخــيــل • Outsider

18 Oct, 12:04

بوقت إسرائيل عم تتوسع بالجنوب السوري والحرب الطاحنة دايرة على داير مدار البلد والدنيا شعلانة طيران وقصف واغتيال وقتل ونزوح
بوقت إسرائيل عم تلعب بالسيادة الوطنية وتستهدف في عمق العاصمة السورية
شو بتعمل الحكومة السورية العفيفة الشريفة النضيفة الكيّسة لمليسة لأبتخرّق مي؟

بترد ❌
بتزيل بسطات الكتب من تحت جسر الرئيس ✅

الحجة؟ قال المنظر غير حضاري 💅🏻
والله والنعم منكن

مظفر النواب بقصيدة أولاد القحبة قال :
"اولاد القحبة
لست خجولا حين اصارحكم بحقيقتكم
ان حظيرة خنزير اطهر من اطهركم
تتحرك دكة غسل الموتى
اما انتم
لا تهتز لكم قصبة!"

#سوريا
#دخيل

445

دَخــيــل • Outsider

18 Oct, 11:34

إذا كانت التسريبات اللي بتحكي عن اختراق اسرائيلي كيير بقوات الحرس الثوري الإيراني صحيحة، وكمان عن احتمال استياء بعض القادة العسكريين بالحرس من الحكومة الحالية، هالشي ممكن يخلق سيناريوهات كبيرة وخطيرة لإيران وللمنطقة كلها :

1. انقلاب عسكري:

في حال كان الاستياء داخل الحرس الثوري كبير كفاية، ممكن نشهد انقلاب عسكري شامل يطيح بالنظام الحالي بالكامل، مو بس بالحكومة المدنية بل كمان بالمرشد الأعلى
الحرس الثوري بيشوف حاله مش بس جيش، لكن كمان حامي الثورة الإسلامية، وأي تصاعد بعدم الرضا داخل صفوفهم ممكن يكون نقطة انطلاق لتغيير النظام بشكل جذري
بهيك سيناريو، ممكن نشوف إزاحة للمرشد الأعلى (ولازم نعرف انو بالسياسة ما في وضع مستتب بيدوم، التغييرات دائما واردة) أو حتى حكومة انتقالية جديدة تسيطر على الدولة
هاد السيناريو معقد وخطير لأن الحرس الثوري متغلغل بكل جوانب الحياة الإيرانية، وبتحكم بالاقتصاد والسياسة والعسكر بشكل مباشر ( مصدر )

2. تفكك داخلي وتنافس بين الفصائل:

السيناريو التاني ممكن يكون صراع داخلي طويل بين الفصائل المختلفة داخل الحرس الثوري نفسه أو بينه وبين الجيش النظامي. بعض التقارير بتشير لوجود توترات بين الحرس والجيش النظامي، وحتى داخل الحرس نفسه في انقسامات بسبب التوجهات السياسية المختلفة أو المصالح الشخصية
إذا ما حصل انقلاب واضح، ممكن يصير في مواجهات أو تحالفات متغيرة بين الفصائل، وهاد بيؤدي لضعف داخلي
بهيك حالة، إيران ممكن تواجه حالة من التفكك والاضطرابات الطويلة اللي بتأدي لإضعاف هيكل النظام بشكل عام

3. تصعيد خارجي لتأمين الاستقرار الداخلي:

النظام الإيراني ممكن يلجأ للتصعيد الخارجي لشد الانتباه عن المشاكل الداخلية
الحرس الثوري ممكن يستخدم وكلاء مثل حزب الله أو الحشد الشعبي بالعراق لتكثيف الهجمات على إسرائيل أو حتى المصالح الأمريكية بالمنطقة
هاد النوع من التصعيد بيخلي النظام الإيراني يبين إنه عم يدافع عن الثورة و”يواجه المؤامرات الخارجية”، مما بيعطيه مبرر لقمع أي احتجاجات أو اضطرابات داخلية. هاد الأسلوب كان واضح بالسياسة الإيرانية خلال العقدين الأخيرين، خاصة بعد قمع الاحتجاجات الداخلية في 2009
( مصدر )

4. تغيرات في السياسات الإقليمية:

إذا صار في تغيير جذري بالحرس الثوري أو حتى انقلاب، هاد ممكن يغير التوجه الإقليمي لإيران
بعض القادة العسكريين اللي ممكن يوصلوا للحكم ممكن يشوفوا إنه من الأفضل تخفيف حدة المواجهة مع الغرب أو تقليل التدخلات الإقليمية، مثل الانخراط في سوريا أو دعم الحوثيين باليمن
بس بنفس الوقت، ممكن نشوف قادة متشددين أكتر يرفعوا سقف المواجهة، خاصة مع إسرائيل أو الخليج، ليثبتوا قوتهم وسيطرتهم ( مصدر )

5. انهيار اقتصادي وتدهور اجتماعي محتمل:

أي صراع داخلي أو انقلاب عسكري بإيران ممكن يؤدي لتدهور اقتصادي ضخم
الحرس الثوري بيتحكم بجزء كبير من الاقتصاد، ووجود أي صراع داخلي رح يضعف الاستثمار والثقة العامة بالدولة، وهالشي رح يزيد من حدة التضخم والبطالة
بهيك سيناريو، ممكن نشوف زيادة بالاحتجاجات الاجتماعية، وهاد الشي بحد ذاته ممكن يخلق ديناميكيات جديدة بين القوى السياسية والعسكرية بإيران

باختصار، إذا تحققت هالتسريبات، ممكن نشوف اضطرابات كبيرة داخل إيران، وصراعات داخلية وخارجية بتأثر على المنطقة كلها

#سياسة
#ايران
#دخيل

488

دَخــيــل • Outsider

17 Oct, 16:39

الجيش الإسرائيلي عم يقول انو قتل السنوار ما كان مخطط وانو وصار بطريقة جداً عشوائية

بس بتوقع نتنياهو رح يصب كل غضبو على الشخص يلي التقط الصور لانو الصور بينت انو السنوار كان بالخطوط الأمامية عم يقاتل، حامل سلاحو، بعيد عن الأسرى، متلو متل ايا مقاتل من حماس ومو بالانفاق

بعكس الرواية الاسرائيلية تماماً

وهاد رح يعزز صورتو بعد موتو 🤷🏻‍♀️

#سياسة
#دخيل

571

دَخــيــل • Outsider

17 Oct, 15:12

الجيش الاسرائيلي ينشر ثلاثة صورة لجثة السنوار

يا حبايب، الصور جداً جداً جداً بشعين
ما بنصح حدا يشوفن

ولكن للمهتمين :

https://x.com/Doranimated/status/1846895121121288397?t=SAjavHlvUamDI93uLorlTA&s=08

#سياسة
#دخيل

603

دَخــيــل • Outsider

17 Oct, 15:06

منضيف على انجازات 7 اكتوبر

عاجل : الجيش الاسرائيلي يعلن عن اغتيال يحيى السنوار

#سياسة
#دخيل

588

دَخــيــل • Outsider

17 Oct, 12:10

اسمو طوفان الأقسى مو طوفان الأقصى
اكبر غلطة كانت 7 اكتوبر
وتاني اكبر غلطة دخول حزب الله الحرب على اساس جبهة إسناد لغزة

ليش؟
لان تحرير الارض ضد عدو مجنون غاشم عندو اقوى جيش بالشرق الأوسط، طيارات، دبابات، بوارج بحرية، فرقاطات، حاملات طائرات، سبّاق بالتكنلوجيا
غني جدا
اللوبي تبعو اقوى لوبي بالعالم
مدعوم من اقوى دول العالم

ما بيتم بالدعاء لله والموتورات وصواريخ الكاتيوشا والأمل بالانتصار
يعني حماس وحزب الله شو كانو متوقعين تكون ردة فعل العدو يلي منعرف من عشرات السنين انو عاشق للدماء والتوسع ولا بيفرق معو لا كبير ولا مقمَّط بالسرير؟

تعالو نحكي بالأرقام، بدون احلام اليقظة والأمنيات الوردية:

حسب بنك إسرائيل المركزي انو لهلق خسائر اسرائيل المادية تقدر ب 150 مليون دولار
1700 قتيل من بداية الحرب

غزة:
بتحتاج اكتر من 60 مليار دولار لإعادة إعمارها
بتحتاج 15 سنة (ك حد ادنى) لإعادة الإعمار
عدد القتلى ممكن يرتفع لل 50 الف بنهاية الحرب
85% من البنية التحتية بقطاع غزة تم تدميرها

لبنان:
الخسائر حتى الان تجاوزت ال 3 مليار دولار
عدد القتلى اكتر من 1000 شخص بين مقاتلين لحزب الله ومدنيين
تم تصفية جميع قيادات حزب الله والحزب رايح لانو يتم حلو وسحب سلاحو
توغل اسرائيل في الجنوب اللبناني
ومئات الاف النازحين واللاجئين والمصابين

رسم خريطة سياسية جديدة للشرق الأوسط

شو استفاد الأقصى؟
المستفيد الوحيد هو اسرائيل إذا بدنا نحكي واقع وحقيقة، على الرغم من مرارتها ولكن هية هيك يعني عجبنا او لا 😅

إذا بتشوفو الأمر بعين العقل، بتعرفو انو إسرائيل هية الوحيدة المستفيدة:
حماس عطتها ذريعة لتدخل تدمر وتحرق الاخضر واليابس
حزب الله عطاها ذريعة لتدمر الجنوب
وايران عم يتقلص نفوذها بالمنطقة للحد الادنى من حرب 2006

وحتى نتنياهو قال : "قبل 7 اوكتوبر ما كان عنا الذريعة لنفوت على القطاع"

وهيك بتكون إسرائيل دمرت (مع ذريعة دولية) كل الإخطار المحيطة فيها من حزب الله ل حماس ل قطع أيادي ايران بالمنطقة

والسلام عليكم 🧉

#سياسة
#دخيل

643

دَخــيــل • Outsider

17 Oct, 11:21

ليش هيك تصرفات ما بتنذر باندلاع حرب على جبهة الجولان؟
لان بكل بساطة لو ما العدو متأكد من احتفاظنا بحق الرد، ما كان عمل هيك
ما بس الاحتفاظ بحق الرد، انما غياب تام لأي بيان او تنديد او شجب او ايا شي..
غياب تام عن منصات الإعلام السوري
تقوقع، وأخذ وضعية الجنين هو ما نفلح به

وبربكن لا تردو، اللي فينا مكفينا 🫶🏻

#سوريا
#دخيل

562

دَخــيــل • Outsider

17 Oct, 10:35

اي عادي عادي 🫠

#سوريا
#سياسة
#دخيل

584

دَخــيــل • Outsider

16 Oct, 20:24

نشر الجيش الاسرائيلي اليوم لحظة نسف قرية محيبيب الحدودية في جنوب لبنان بالكامل💔

#سياسة
#دخيل

642

دَخــيــل • Outsider

16 Oct, 19:31

🙈🫠

642

دَخــيــل • Outsider

16 Oct, 18:05

طُلب من الذكاء الاصطناعي إنتاج مقطع فيديو تخيلي لكيفية قيام قدماء المصريين ببناء الأهرامات.

كانت هذه إجابته...

#دخيل

624

دَخــيــل • Outsider

16 Oct, 12:53

بالحروب، لما الأطراف بتوصل لمرحلة المفاوضات، بيكون الوضع كتير متعلق بالقوة اللي كل طرف بيقدر يفرضها

يعني يلي عندو القوة على الأرض، سواء كانت قوة عسكرية أو سياسية، هو اللي بيقدر يتحكم بشروط التفاوض

ببساطة، إذا كان طرف معين مسيطر على مناطق أكتر أو عندو تأثير أقوى عسكرياً أو تحالفات أقوى، بيكون عندو اليد العليا بالمفاوضات

يعني بيقدر يفرض شروطو ويحدد شو بدو وياخد تنازلات من الطرف التاني، لأنو التاني بيكون بحالة أضعف أو مجبور يتنازل لحتى يوقف الحرب أو يلاقي مخرج

فالمقولة “القوي يلي بيفرض شروطو” معناها إنه الطرف اللي عنده قوة فعلية بالميدان هو اللي بيقدر يحدد اتجاه المفاوضات، بينما الطرف الضعيف بيكون مجبور يقبل شروط مو كتير لصالحو، لأنه خياراتو محدودة

لهيك مثلاً إسرائيل عم تفرض شروط جديدة وتعديلات على القرار 1701 متل انو حزب الله ينتقل ل شمال الليطاني (قبل كان جنوب الليطاني)
زيادة عدد قوات اليونيفيل بالجنوب اللبناني من 10 آلاف إلى 15 الف
يكون عندن تدخل مباشر بقوات اليونيفيل وقوات الجيش اللبناني
تعديلات متل انو يقدرو يضربو الجنوب إذا رجع حزب الله وشكّل خطر عليهن 🤷🏻‍♀️🤷🏻‍♂️

#سياسة
#دخيل

628

دَخــيــل • Outsider

15 Oct, 12:02

عاجل | رئيس الحكومة اللبنانية نجيب ميقاتي : "نريد وقفا لإطلاق النار وتطبيق القرار 1701 وانتخاب رئيس للجمهورية"

بالنسبة لحزب الله وإيران، عدم قبولهن بتنفيذ القرار الأممي 1701 بيعتمد على عدة أسباب رئيسية مرتبطة بمصالحن واستراتيجياتن بالمنطقة

أول شي، القرار 1701 بيطلب وقف الأعمال القتالية وتوسيع وجود الجيش اللبناني والقوات الدولية (اليونيفيل) على الحدود الجنوبية للبنان مع إسرائيل لحفظ الأمن
هالشي معناه إنو حزب الله بدو يسحب سلاحو ويتخلى عن وجودو العسكري بهالمنطقة، وهالشي مستحيل بالنسبة للحزب لأن وجودو بالجنوب هو خط دفاع أساسي بالنسبة إلى ولإيران ضد إسرائيل

الحزب بيشوف إنو السلاح هو وسيلة لحماية لبنان وللمقاومة، وإنو إذا ترك السلاح أو حتى الالتزام بهيك قرارات ممكن يضعفو قدام أي تهديد إسرائيلي، على الرغم من انو إذا إسرائيل خرقت القرار ف رح تتواجه وتتصادم مع المجتمع الدولي بعكس حريها على غزة ولبنان ( تفاصيل اكتر )

ثاني شي، إيران كمان إلها دور كبير
حزب الله يعتبر حليف رئيسي لإيران بالمنطقة، وإيران بتستفيد من وجودو كقوة عسكرية قريبة من حدود إسرائيل
فتنفيذ القرار 1701 بيضعف موقف إيران الاستراتيجي بالمنطقة وبيقلل من قدرتها على التأثير بالمشهد السياسي والعسكري بلبنان وفلسطين

بالمختصر، حزب الله وإيران ما رح يقبلوا بتنفيذ القرار 1701 لأنه بيحد من نفوذهم العسكري والسياسي بالمنطقة، وبيقلل من قدرتهن على مواجهة إسرائيل وتوسيع نفوذهن الإقليمي ولهاد السبب كمان حزب الله عم يعطل انعقاد مجلس النواب وانن يختارو رئيس جديد للبنان بعد ميشيل عون (لبنان تقريبا من سنتين بدون رئيس) لان الحزب بيخاف الرئيس يعمل اتفاقيات او معاهدات او حتى تنفيذ قرارت دولية تضر بمصلحة الحزب وايران بلبنان

#دخيل
#سياسة

673

دَخــيــل • Outsider

15 Oct, 09:46

من كواليس ضيعة ضايعة 🫶🏻

رح يبقى افضل مسلسل كوميديا سوداء طلع من الدراما السورية
مسلسل بيجمع كلشي متعلق بالمجتمع السوري، بيحكي عن أوجاعه
رسائل ساسية عميقة

المسلسل بيجمع بين الضحك والنقد بطريقة ما بتحسها ثقيلة أو مباشرة، يعني بيوصل رسائلو بذكاء وبدون تعقيد
رغم أنو بيظهر بسيط، إلا أنو بيناقش قضايا عميقة بتخص المجتمع والسياسة والبيروقراطية

بالإضافة ل انو اصبح جزء من ذاكرة السوريين، وحياتي اتّه 🫶🏻

#ضيعة_ضايعة
#دخيل

672

دَخــيــل • Outsider

Promotional Article for دَخــيــل • Outsider Telegram Channel (Arabic)

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider

دَخــيــل • Outsider