داتا ميكانيكا اعدادي هندسة بنين

دي كانت بوستات تعريف لاعدادي السنة الي فاتت (مع العلم إن في حجات اتغيرت وبعض الدكاترة اتغيروا)
لو حد محتاجهم او لو حد من الدفعة الجديدة حابب ياخد فكرة لحد ما دفعة السنة الي فاتت يتكلموا معاكم إن شاء الله

الاوراق المطلوبة للتقديم لاعدادي بنين السنادي

السلام عليكم 
بما ان اعدادي الجداد بدأوا يدخلوا الجروبات و الدراسه قربت تبدأ ف احنا لازم نساعدهم ان شاء الله زي ما اللي قبلنا ساعدونا المساعده هتكون من خلال كذا نقطة ان شاء الله و من خلال افكار ناس من الدفعة اقترحوها كمان
1- اللوحات ان شاء الله هيكون في مجموعة ناس من الدفعة هتجمع اللوحات المتبقيه معاكم تقدروا تجيبوهالهم من اول يوم في الدراسة ان شاء الله و بالنسبه لان احنا بنشتري اللوحات من الدكتور ف احنا ان شاء الله بعد ما نجمعها هنبلغ الدكتور و نستأذنه

🚨مسؤول عند البنين
باشمهندس محمد سامح

@mo_sameh

باشمهندس يوسف الصديق
@Youssef_NourAl_deen
🚨مسؤولين عند البنات

باشمهندسه ناديه
@Nadiakaram

باشمهندسه عايده
https://t.me/aidaeshak

الباشمهندسه هاجر
@Hager_Mohamed_Hasan

2- الكتب و هنا هيكون في فورم تقدروا انكم تملوه و احنا ان شاء الله هنوصلكم بالناس اللي محتاجه الكتب عن طريق اننا هنبعت لهم رقمكم

فورم البنات

https://forms.gle/BHaBKiLPjuSCQdNg7

و ده الفورم

فورم البنين

https://forms.gle/yeLZrA7YMH7aq8ne6

3- الادوات : بالنسبه للناس اللي مش هتحتاج الادوات سواء كلها او بعضها تقدروا انكم بردوا تملوا الفورم و احنا هنوصلكم بالناس اللي محتاجه الادوات  حتى لو هتدوهالهم و تاخدوها في اخر السنه
فورم البنات

https://forms.gle/pjwLUbDFEtUujQpr5

فورم البنين

https://forms.gle/dCKPC92EWB7g9eWe8

و للوافدات الكتب و الادوات في الفورم ده
https://forms.gle/6AQmHhMpxPeVfxYdA


و لو عندكم اي اقتراحات تانيه تقدروا تضيفوها

*بوستات تعريف لاعدادي*

- خش بوست بوست بالترتيب وواحدة واحدة لسه معاك وقت تقرأهم براحتك ويارب يكونوا مفيدين

- نظام اعدادي والاقسام

https://t.me/ci4eLSaYOEA4OTRk/752

- المواد

https://t.me/ci4eLSaYOEA4OTRk/753

- اختيار القسم

https://t.me/ci4eLSaYOEA4OTRk/754

- الادوات

https://t.me/ci4eLSaYOEA4OTRk/755

- الدرجات والتقديرات

https://t.me/ci4eLSaYOEA4OTRk/756

- اول اسبوعين دراسة

https://t.me/ci4eLSaYOEA4OTRk/757

- الجدول والتقسيم

https://t.me/ci4eLSaYOEA4OTRk/758

- اماكن المحضرات والسكاشن

https://t.me/ci4eLSaYOEA4OTRk/762

- التقديم في الجامعة

https://t.me/ci4eLSaYOEA4OTRk/763

- الامتحانات طول السنة

https://t.me/ci4eLSaYOEA4OTRk/764

*تعريف المواد*

- الانجليزي

https://t.me/ci4eLSaYOEA4OTRk/767

- الفقه

https://t.me/ci4eLSaYOEA4OTRk/768

- رياضيات ١

https://t.me/ci4eLSaYOEA4OTRk/769

- فيزياء ١

https://t.me/ci4eLSaYOEA4OTRk/772

- ميكانيكا

https://t.me/ci4eLSaYOEA4OTRk/773

- الرسم الهندسي

https://t.me/ci4eLSaYOEA4OTRk/774

- مقدمة الحاسب

https://t.me/ci4eLSaYOEA4OTRk/775

- هندسة الانتاج

https://t.me/ci4eLSaYOEA4OTRk/776

- الهندسة الوصفية

https://t.me/ci4eLSaYOEA4OTRk/777

- الكيمياء

https://t.me/ci4eLSaYOEA4OTRk/778

- العقيدة والاخلاق

https://t.me/ci4eLSaYOEA4OTRk/779

- تطور التكنولوجيا

https://t.me/ci4eLSaYOEA4OTRk/780

- رياضيات ٢

https://t.me/ci4eLSaYOEA4OTRk/781

- فيزياء ٢

https://t.me/ci4eLSaYOEA4OTRk/782

- القرآن

https://t.me/ci4eLSaYOEA4OTRk/783

*القرآن الكريم*

- مفيش محضرات قرآن طبعا ممكن بس حد يخش مرة يقولكوا المنهج وغالبا مفيش حد بيخش

- الامتحان بيكون الترم التاني شفوي وتحريري

*الدرجات*

- القرآن 100 درجة
- 50 تحريري
- 50 شفوي

*ملاحظات*

- منهج القرآن خمس اجزاء من الاحقاف للناس
- ابدأ راجع القرآن من دلوقتي

- متكسلش وابدأ راجع من دلوقتي عشان متتزنقش وخصوصا لو ناسي

- قبل الامتحان ابقى شوف الامتحانات القديمة وامتحانات الكليات التانية الي هيكونوا امتحنوا والمواضع المهمة

- الشفوي ممكن يبقى قبل امتحانات الترم التاني وممكن بعدها

👇دا بوست فيه حجات ممكن تفيدك في مراجعة ليلة الامتحان

https://t.me/e8IjPb0EoFtiODRk/818

*فيزياء 2*

- مادة من مواد الترم التاني

- مادة الفيزيا مادة الاغلب بينجح فيها والدكتور بيساعدك تنجح فيها بس الصعب فيها التقدير بس عدد مش قليل بيجيب ج.ج و م فمتقلقش وذاكر بس

- الفيزياء فيها عملي

*الدرجات*

- فيزياء 2 100 درجة
- 60 فاينل
- 40 اعمال السنة

- اعمال السنة بتتقسم
- 20 على الشيتات وبحث الدكتور بيطلبوا منكم
- 20 على الفزياء العملي

- مفيش سكاشن فيزياء في عملي بس

- مفيش درجات غياب للمحضرات غالبا

*دكتور المادة*

- دكتور محمود فرج

*المذاكرة والملاحظات*

- المنهج عبارة عن
(الكهربية الساكنة والمجال الكهربي-تطبيقات على المجال الكهربي-الجهد الكهربي-المكثفات-البحث)

-الدكتور ممكن يزود او يقلل في المنهج حسب طول الترم

- وبيكون كله بالعربي

- محاضرة الفيزيا قد تكون طويلة ومملة والشرح مش احسن حاجة بس احضرها عشان تكتب ورا الدكتور لانه بيجيب اسئلة من المحاضرة بتاعته مش في الكتاب ممكن تتفق انت وصحابك كل مرة واحد فيكم يروح ويقعد قدام الدكتور على طول ويكتب كل الكلام الي بيقوله بس الاضمن ليك تروح انت وتكتب

- مهم جدا تهتم بحضور العملي وامتحان العملي وتحل الشيتات والبحث عشان درجتهم شبه مضمونة إن شاء الله فمتضيعهاش

- حتى لو حضرت المحاضرة ممكن متفهمش فعليك باليوتيوب والافضل في الشرح على اليوتيوب دكتور محمد اسماعيل ودكتور ياسر البطاوي

- الامتحان اغلبه معتمد على الفهم حتى الحجات النظري بتيجي معتمدة على الفهم يمكن بس يجيب سؤال او اتنين حفظ زي سؤال تعريف

- نظام الامتحان الدكتور بيقوله بالتفصيل فمتقلقش

- افضل مصدر للمذاكرة محاضرات اليوتيوب وإن كانت الفيديوهات شرح للفيزيا بالانجليزي واحنا منهجنا عربي بس الشرح واحد وهتفهم

- بعدها الكتاب والمحاضرات

- وانت بتذاكر في الكتاب يستحسن يبقى معاك ورق او كشكول تلخص فيه كل القوانين عشان هتفيدك جدا

- بينطلب منك شيتات بتسلمهم يوم امتحان العملي اخر الترم اهتم بيهم وحلهم بعد ما تذاكر عشان مهمين جدا

*الفاينل*

- اول حاجة لازم تكون فاهم بإنك تكون بتحضر المحضرات او بتشوف يوتيوب

- لو خلاص فاهم ذاكر من الكتاب وشوف المحضرات والحجات الي الدكتور بيزودها وذاكر البحث الي عملته

- بعدين تحل كتاب السولفيد بيكون فيه مسائل الشيتات ومسائل زيادة وبيجي منه في الامتحان فمهم تحله

- يوم الامتحان تصحى بدري تراجع القوانين الي لخصتها

*العملي*

- مهم جدا الحضور وتجرب بإيدك

- في كتاب تاني بيبقى مطلوب تشتروه ومينفعش تخشوا من غيره وبيكون فيه شرح التجارب وبتحط فيه النتايج وانت بتجرب

- بيبقى فيه امتحان عملي قبل الامتحانات باسبوع نظام الامتحان بيبقى نظري وعملي فلازم تفهم وتحفظ النظري بتاع كل تجربة

👇ده بوست متجمع فيه الكتاب والبحث والسولفيد وامتحانات سابقة ونظام امتحان الفيزياء العملي

https://t.me/QdZs49ZFWhdjNmI0/804

*تطور التكنولوجيا*

- مادة من مواد الترم التاني

- التطور مادة سهلة إن شاء الله ومادة امتياز ترفع بيها مجموعك بس لازم تذاكرها صح

*الدرجات*

- التطور 100 درجه كلهم في الفاينل

*دكتور المادة*

- دكتور احمد عطية

*المذاكرة وملاحظات*

- احضر اول محاضرة واكتب الاسئلة المهمة فيها وحدد الحجات الي الدكتور شرحها بس

- بعد كده لو الدكتور كمل محضرات يبقى سجلها برضو ولو خلاها اونلاين يبقى احسن

- شرح الدكتور سواء محضرات او لو الدكتور بعتلكم المحضرات اونلاين مهم جدا وهو ده بس المقرر الي عليكم والباقي مش مهم

- الدكتور بيبعتلكم اسئلة على كل باب الاسئلة دي مهمة جدا والامتحان مبيخرجش عنها حتى لو اتغيرت صيغة السؤال

- احفظ الاسئلة كويس ومتزودش على نفسك حاجة الدكتور مشرحهاش

- سؤال واحد بس عن الفلوتشارت بيكون فهم بس بيجي سهل إن شاء الله

- الدكتور مبيحبش الهبد في الاجابة او الحشو

- بالنسبة للمذاكرة فمثلا بعد ما الدكتور يشرح المحاضرة او يبعتها فيديو تسمعها وتحدد الحجات الي الدكتور بيقولها بس في المحاضرة
(مثلا بتكون فقرة عشر سطور والدكتور بيقول في المحاضرة سطرين بس هما دول بس الي مطلوبين منك في الاجابة)

- بعدين تحفظ اجابات الاسئلة كويس
(برضو تحفظ الجزء الي الدكتور قاله في المحاضرة بس من الاجابة)

- الفلوتشارت لازم تفهمها وتحل عليها على الاقل الامثلة بتاعت الدكتور في المحاضرة تحلها من غير ما تشوف الحل

- ليلة الامتحان تلم المنهج كله وتراجع الاسئلة ويوم الامتحان اصحى قبل الامتحان ب ٦ سعات مثلا وراجع المنهج كله تاني عشان لو نسيت حاجة تفتكرها

- شوف امتحان اخر سنتين عشان تعرف نظام الامتحان وإن شاء الله بيكون سهل لو حفظت كويس وفهمت الفلوتشارت

👇ده بوست متجمع فيه اهم الحجات في التطور وملاحظات مهمة والكتاب

https://t.me/e8IjPb0EoFtiODRk/823

*رياضيات 2*

- مادة من مواد الترم التاني

*الدرجات*

- رياضيات 2 100 درجة
- 70 فاينل
- 30 اعمال سنة

- اعمال السنة بتتوزع على الميدتيرم والحضور في السكاشن والمحضرات والكويزات والشيتات الي بتطلب منكم كل سيكشن

*دكاترة المادة*

- دكتور محمد مهنا عميد الكلية
- دكتور احمد عطية

*المذاكرة والملاحظات*

- المنهج عبارة عن
(التكامل-تطبيقات التكامل-المصفوفات-القطاعات المخروطية)

-المنهج كله بالانجليزي

- مهم تحضر المحضرات والسكاشن وتكتب كل حاجة ورا الدكتور والمعيد او تصور السبورة(ماعدا دكتور مهنا ممنوع تصور) ولما تروح تذاكر وتبيض المحاضرة او السيكشن

- ولما تروح تذاكر وتبيض المحاضرة او السيكشن

- دا هيخليك فاهم المنهج بنسبة كويسة طول الترم وناقص بس الحل

- بيبقى في كويز وشيت كل سكشن سلم الشيتات كلها ومتفوتش حاجة منها وسلم برضو الكويز حتى لو مش حالل فيه

- راجع المحاضرة والسيكشن قبل الكويز وحل في الكويزات على قد ما تقدر وركز فيها عشان الباشمهندسين بيجيبوا اسئلة محتاجة تفكير شوية

- لو مش فاهم حاجة معينة او نسيت وعاوز تفتكر يبقى ساعتها شوف المحاضرات يوتيوب دكتور عماد عبدالحفيظ وبرضو دكاترة الكلية شارحين اغلب المنهج فيديوهات

- الدكتور بيديكم شيتات بيكون فيها اسئلة كتير على الشابتر ومبيطلبهاش منكم حاول تحلها مع نفسك

- بيبقى في ملازم شرح حجات مهمة دكتور مهنا بيديهالكم بتكون مهمة جدا جدا لازم تذاكروهم

*الميد تيرم*

- قبل الميد تيرم حاول تبدأ تلم الرياضة قبلها باسبوع مثلا

- وهيكون اهم حاجة بالنسبالك ملازم م.فايز تذاكرها كويس جدا هي والاسئلة الي فيها وبرضو لو في ملازم لدكتور مهنا ذاكرها بعد ملازم م.فايز

- اول ما تخلصها تشوف امتحانات الميدتيرم القديمة وهتلاقي ملزمة ل م.فايز محلول فيها الامتحانات القديمة

- ولو خلصتها ولسه في وقت ممكن تراجع الشيتات او لو مكنتش حليتها قبل كده تحلها

- اعمل كل الي عليك قبل الميد ولو قدر الله ومتوفقتش في الميد متتحبطش وتزعل معاك الفاينل اهم وعليه درجات اكتر فتعمل اقصى ما عندك عشان تعوض في الفاينل

*الفاينل*

- نفس الكلام قبل الفاينل بأسبوعين تلم الرياضة كلها

- وبرضو اهم حاجة ملازم م.فايز وملازم دكتور مهنا

- لو خلصتها تشوف امتحانات الفاينل القديمة وهتلاقي ملزمة ل م.فايز محلول فيها الامتحانات القديمة

- لو خلصتها برضو تراجع الشيتات او تحلها لو محلتهاش قبل كده

- يوم الامتحان سواء ميد او فاينل تصحى بدري شوية وتراجع القوانين والحجات الي بتنساها

- لازم تحل كتير وخصوصا قبل الامتحان سواء ميد او فاينل

- ذاكر المنهج اول بأول عشان صعب تلمه لو راكمته

👇ده بوست متجمع فيه محضرات وسكاشن رياضة السنة الي فاتت وملازم م.فايز وامتحانات محلولة والشيتات والامتحانات

https://t.me/QdZs49ZFWhdjNmI0/806

*الهندسة الوصفية*

- مادة من المواد الممتدة

*الدرجات*

- الهندسة الوصفية 200 درجة
- 140 الفاينل
- 60 اعمال السنة

- اعمال السنة بتتقسم
- 10 حضور
- 10 اسكتش الي فيه الشيتات
- 10 الكويزات
- 30 الميد ترم

*دكاترة المادة*

- دكتور خالد المعداوي
- دكتور اسامة
- دكتور حنفي
- دكتور ايمن سمرة

- دكتور خالد المعداوي ودكتور اسامة كل واحد فيهم بيدي نص الدفعة

- دكتور ايمن سمرة ودكتور حنفي واحد فيهم بيحط الامتحان او هما الاتنين

*المذاكرة والملاحظات*

- المادة كلها بالعربي

- مهم جدا حضور السكاشن

- المحضرات ممكن تكون مش مفيدة اوي بس احضر لو في غياب

- مهم جدا تذاكر اول بأول وتحل الشيتات اول بأول عشان متتراكمش عليك لأن كل موضوع مترتب على الي قبله

- الوصفية او الاسقاط العمودي قريبة من الهندسة الفراغية بس بدل ما الشكل ثلاثي الابعاد بنحوله يبقى ثنائي الابعاد

- على سبيل المثال لو معاك مجسم مثلا مكعب وبصيت عليه من فوق هتشوفه شكل ثنائي الابعاد الي هو مربع ولو بصيت على من قدام هتشوفه ثنائي الابعاد الي هو مربع برضو ولو بصيت عليه من الجنب هتشوفه ثنائي الابعاد برضو مربع كل مرة تبص عليه وتشوف حاجة دي بنسميها مسقط والمساقط التلاتة دول بقى هما الي بنرسمهم في الوصفية
بس طبعا مش بنمسك مجسم ونقعد نبص عليه ونرسم إنما في قواعد بناخدها بنمشي عليها عشان نرسم المساقط على اساس البيانات الي معانا في السؤال

- المادة مش معتمدة على معدلات ولا قوانين ولا رياضة غالبا إنما معتمدة على قواعد معينة وخواص الاشكال الهندسية

- متسبقش الاحداث خد كل درس وافهمه كويس وحل عليه ممكن تواجه صعوبة في الاول وتضيع وقت طويل على الوصفية بس إن شاء الله هتتحسن جامد مع الوقت

- مهم جدا تحل كتير وتذاكر وتحل اسئلة الكتاب المحلولة بجانب الشيتات

- مهم برضو تحل امتحانات قديمة كتير

- اجازة نص السنة حاول تلم كل الي خدته الترم الاول وتذاكره كويس وتحل عليه عشان بيترتب عليه منهج الترم التاني

- ممكن تاخد كورس وصفية هيسهل عليك المذاكرة بس مش اجباري في ناس جابت امتياز وصفية من غير كورس خالص

- لو خدت كورس في الوصفية او اي مادة تانية خلي بالك إنه ميكنش بيضيع وقت باقي المواد

- لو مش هتاخد كورس انصحك تشوف يوتيوب دكتور اسامة عبدالله ودكتور ايمن سمرة شرح كويس جدا ومن دكاترة الكلية
(دكتور ايمن سمرة دكتور البنات والي بيحط الامتحانات ودكتور اسامة عبدالله كان دكتور المادة من حوالي خمس او ست سنين)

- الوصفية مادة معتمدة على الحل كل ما تحل اكتر كل ما الدنيا هتبقى اسهل

- لازم تتعود على سرعة الحل عشان وقت امتحان الميد وامتحان الفاينل بيكون قليل على الاسئلة لو انت بطئ

👇دا بوست مجمع لحجات مهمة في الوصفية

https://t.me/iAeLjWAosNYyOGNk/475

*العقيدة والاخلاق*

- مادة العقيدة هي نفس مادة التوحيد مع اختلاف الاسم بس

- مادة من مواد الترم التاني

- العقيدة مادة سهلة إن شاء الله ومادة امتياز ترفع بيها مجموعك

*الدرجات*

- العقيدة 100 درجه كلهم في الفاينل

*دكتور المادة*

- السنة الي فاتت كان دكتور محمد فارس

*المذاكرة وملاحظات*

- مش لازم تحضر المحاضرة وتكتفي بريكورد المحاضرة بس تبقى ضامن إن حد هيسجلك تسجيل واضح ويبعتهولك

- الدكتور بيحدد المنهج الي هتمتحنوا فيه اخر محاضرة خالص

- الكتاب واحد لكل كليات الجامعة وإن شاء الله مش هيتغير الي بيتغير بس الكمية والموضوعات الي الدكتور هيشرحها من الكتاب

- لو هتحضر المحضرات سجل للدكتور والدكتور غالبا مبيرفضش التسجيل ومهم التسجيل عشان في بعض الحجات الدكتور بيزودها او بيشرحها بطريقة مختلفة عن الكتاب

- ذاكر من الكتاب ومن تسجيل المحضرات واي حاجة الدكتور يقول عليها في المحاضرة مهمة ركز عليها واي سؤال الدكتور يقوله في المحضرات مهم

- بالنسبة للمذاكرة فمثلا بعد ما الدكتور يشرح حاجة تروح تبيض المحاضرة او تسمعها على الاقل ومضيعش وقت كبير في العقيدة وقبل الامتحانات حاول تلمها كلها وليلة الامتحان برضو تلمها ويوم الامتحان اصحى بدري قبل الامتحان ب ٦ سعات على الاقل راجع المنهج كله تاني

- ممكن تلم المنهج ليلة الامتحان بس منصحكش خالص عشان المنهج بيكون طويل وهيتعبك في الحفظ وعشان لو حصل ظروف وقتها

- الحجات دي مش لازم تمشي عليها لو كنت بتذاكر المواد الشرعية في ثانوي واعدادي بطريقة معينة وماشية معاك كويس ذاكر بنفس الطريقة الي كنت بتذاكر بيها وسيبك من الكلام ده

- شوف امتحانات السنين الي فاتت لنفس الدكتور ولو في امتحان للدكتور لكلية تانية قبل امتحانكم فبرضو مهم تشوفوه

👇ده بوست متجمع فيه اهم الحجات في العقيدة والكتاب

https://t.me/e8IjPb0EoFtiODRk/833

*مقدمة الحاسب*

- مادة من المواد الممتدة

- مادة بترفع التقدير حاول تذاكرها ومتضيعش درجتها

- مقدمة الحاسب فيها عملي

*الدرجات*

- مقدمة الحاسب 100 درجة
-70 فاينل
- 30 اعمال سنة

- اعمال السنة بتكون على حضور المحاضرات وسكاشن العملي وعلى امتحان العملي ولو في كويزات للعملي او لو الدكتور طلب شيتات

*دكتور المادة*

- دكتور علي حلاوة

- الدكتور غالبا بيبدأ متأخر

*المذاكرة والملاحظات*

- المادة بالعربي ما عدا كام كلمة بس في النص انجليزي

- المحضارة الصراحة مش مفيدة اوي بس هتضطر تحضر المحاضرة عشان الدكتور بياخد غياب

- حاول تلم منهج الترم الاول في اجازة نص السنة عشان بيبقى جزء كله حفظ

-حاول تطبق على العملي لو معاك كومبيوتر او في سكاشن العملي

*العملي*

- لازم تحضر السكاشن وجرب بنفسك وخصوصا لو معندكش كومبيوتر تجرب عليه

- امتحان العملي بيكون اخر السنة قبل الامتحانات باسبوع او اتنين

- ذاكر كويس قبل امتحان العملي عشان إن شاء الله بيجي سهل ودرجته مضمونة

- امتحان العملي بيكون في الغالب ورقي وغالبا mcq

- استفيد من السكاشن وخصوصا لو اتشرحلكم وورد واكسيل

*الفاينل*

- ذاكر من الكتاب مش من ملخصات

- امتحان الفاينل غالبا بيكون mcq

- امتحان الفاينل معتمد على الحفظ وشوية فهم

- مهم تحل امتحان اخر سنتين عشان الدكتور بيكرر الاسئلة

- مهم جدا تحل شيتات كتاب العملي الي الدكتور هيديهولكم بيجي منه سعات في الامتحان حتى لو الاسئلة مش مفهومة او غريبة حل الي تعرفه واسأل الدكتور عن الي واقف معاك

👇دول بوستين متجمع فيهم ما يخص النظري والعملي

https://t.me/e8IjPb0EoFtiODRk/827
https://t.me/e8IjPb0EoFtiODRk/825

*هندسة الانتاج*

- مادة من المواد الممتدة

- الانتاج بيتقسم لنظري وورش

*الدرجات*

- هندسة الانتاج 100 درجة
- 50 فاينل
- 50 ورش

- درجات الورش على الحضور وتمارين الكتاب وامتحان الورش

- لو في ميد تيرم ممكن تقسيمة الدرجات تختلف بس غالبا مبيبقاش في ميد

*دكتور المادة*

- دكتور رامي القاضي

- ممكن الدكتور يتغير السنادي فركز عشان لو فيه اي حاجة جديدة او لو الكتاب او المنهج اتغيرو

*المذاكرة والملاحظات*

-المنهج كله عربي ما عدا كام كلمة في النص انجليزي

- حضور المحضرات مهم وتكتب ورا الدكتور او تسجله لانه بيزود حاجات برة الكتاب وبيتجي في الامتحان غير إن الدكتور بيقولكم على حجات مهمة وحجات تركزوا عليها وبتيجي فعلا

- اي رسمة الدكتور يرسمها في المحاضرة مهمة حتى لو مش في الكتاب ارسمها وراه

- حاول تلم منهج الترم الاول في اجازة نص السنة عشان المادة اغلبها معتمد على الحفظ وطويلة

*الورش*

- الورش بتكون في مبنى ميكانيكا في العباسية عند اشارة صلاح سالم وده اللوكيشن بتاعها

https://maps.app.goo.gl/4SNSQ8sSobebhNn19

- في كتاب ورش لازم تشتروه وبيكون فيه التمارين

- مهم جدا تحضر كل الورش وتهتم بيها اغلب الي بيجيبوا مجموع كويس في الانتاج بيكون بسبب اهتمامهم بالورش ودرجاتها

- الورش بيشرحها فني او معيد وبيشتغل قدامكم عملي وسعات بيحل معاكم التمارين بتاعت الكتاب فركزوا جامد في الورشة ولو في اي ملاحظات اكتبها ولو عندك سؤال اسأله

- حل التمارين كلها عشان عليها درجات كتير وذاكر حل التمارين عشان بيجي في الامتحان

- امتحان الورش بيكون اخر السنة قبل امتحانات الفاينل باسبوين

- ممكن تذاكر الورش من كتاب دكتور محمود حافظ واهم حاجة التمارين بتاعت كتاب الورش والورق الي متعلق في الورش واي رسمة تقابلها في الورش مهمة

*الفاينل*

- ذاكر من الكتاب ومحاضرات الدكتور والرسومات مهمة

- حل امتحان اخر سنتين عشان الدكتور بيكرر اسئلة من امتحاناته (دا لو دكتور رامي متغيرش)

👇 دول بوستين متجمع فيهم ما يخص الورش والانتاج

https://t.me/e8IjPb0EoFtiODRk/828
https://t.me/e8IjPb0EoFtiODRk/819

*الرسم الهندسي*

- مادة من المواد الممتدة

- مش محتاج مهارة ولا ابداع اوي محتاج اكتر تتعود على الادوات وتتمرن على التخيل

*الدرجات*

- الرسم 200 درجة
- 120 فاينل
- 80 اعمال سنة

- اعمال السنة بتتقسم على حضور السكاشن ولوح السكاشن ولوح الواجب وامتحان الميدتيرم وشيت اجازة نص السنة

*دكاترة المادة*

- دكتور فتحي الوحش
- دكتور احمد النحاس

- دكتور بيدي نص الدفعة ودكتور بيدي النص التاني

*المذاكرة والملاحظات*

- مهم جدا تحضر السكاشن ومتفوتش ولا سيكشن وترسم كل اللوح المطلوبة منك بمجهودك

- لو في حاجة مش فاهمها اسأل المعيد او حد من صحابك وإن شاء الله هيساعدوك

- في الاول ممكن تكون مش عارف ترسم او مش فاهم او مش عارف تستخدم الادوات بس مع الوقت إن شاء الله هتبدأ تتعود وفيديوهات اليوتيوب مهمة جدا هتساعدك كتير وافضل شرح على اليوتيوب م.مصطفى خميس و م.مصطفى قاشتينا

- احضر المحضرات عشان سعات بتبقى فيها حجات مهمة الدكتور بيقول عليها وكده كده نص ساعة وبتطلع السيكشن

- مرن نفسك كتير ومتبصش لقدام كله هيجي بالتدريج

- في اجازة نص السنة بيبقى مطلوب منك شيت حله وحاول تدرب نفسك لو فاضي على اي رسومات تعجبك في الكتاب

- الدكتور بيعملكم كتاب لازم تشتروه وبيعملكم لوح ارخص من برة وتقضيكوا إن شاء الله طول السنة وحتى لو خلصت لو اشتريت لوح من برة محدش هيقولك لا

*الميد تيرم*

- بيكون في الترم التاني غالبا بعد ما تخلص اغلب المنهج

- بيكون رسمة من رسومات الكتاب غالبا حاول قبليه تفهم رسومات الكتاب ولو عندك وقت ترسم كام واحدة منهم

- مهم تكون سريع عشان الوقت بيبقى قليل

*الفاينل*

- حاول قبليه ترسم رسومات كاملة وخصوصا امتحانات اخر سنتين

- وحاول برضو تبقى سريع عشان صحيح وقت الامتحان طويل بس في الغالب بتخلص على اخر الوقت وممكن لو كنت بطئ اوي متلحقش تفنش

👇دا بوست متجمع فيه حجات كويسة للرسم

https://t.me/iAeLjWAosNYyOGNk/474

*الميكانيكا*

- مادة من المواد الممتدة

- الترم الاول استاتيكا والترم التاني ديناميكا وبتمتحن على كله اخر السنة في ورقة واحدة

- مادة لذيذة وصعبة لو اهملتها لاخر السنة

*الدرجات*

- الميكانيكا 150 درجة
- 100 درجة فاينل
- 50 درجة اعمال سنة

- اعمال السنة بتكون على امتحانات الميد تيرم غالبا بيبقوا اتنين ويمكن الدكتور يطلب منكم شيتات

- غالبا مفيش درجات غياب بس مهم جدا تحضر

- وغالبا مفيش سكاشن ميكانيكا وبتكون مع المحاضرة

*دكتور المادة*

- دكتور حمدي احمد (من افضل الدكاترة الي هتقابلهم في الكلية سواء كشرح او كتعامل)

*المذاكرة والملاحظات*

- المنهج كله بالانجليزي

- طبعا في الاول هتواجه صعوبة في فهم الكلمات والمصطلحات الجديدة فأي كلمة متعرفهاش تدور على معناها وتكتبه في ورق او كشكول عشان تبقى معاك على طول لو قابلتك تاني وهتحفظها مع الوقت من التكرار فمتقلقش

- ممكن تستخدم تطبيق يو دكشنري او https://www.almaany.com/ar/dict/ar-en/
الموقع ده حلو جدا عشان بيجيب للكلمة اكتر من معنى حسب معنى المصطلح في التخصصات المختلفة

- دكتور حمدي شرحه كويس جدا جدا (من وجهة نظري افضل دكتور في شرح المادة) وبيحل جزء كبير من الشيتات وبيحل اسئلة بيجيب نفس افكارها في امتحانات وخصوصا الميد حاول تستفيد من محاضرة دكتور حمدي على قد ما تقدر هتفرق معاك جدا

- مهم تحضر المحضرات وتركز مع الدكتور اوي في كل حاجة بيقولها وتصور المحضرات
- اول ما تروح تذاكر وتبيض صور المحاضرة وتحل الاسئلة من غير ما تبص على حل الدكتور

- لو عاوز تراجع او ناسي فقدامك دكتور احمد زكي الافضل على اليوتيوب

- الدكتور بيديكم شيتات على المنهج وسواء طلبها منكم او لا لازم تحلها ومهم جدا تحلها عشان تعرف تحل في الامتحانات وهتلاقي ملازم حل الشيتات ل م.عبدالمعز مهمة جدا

- لازم تحل كتير بإيدك وخصوصا قبل الميد او الفاينل

- ذاكر المنهج اول بأول عشان صعب تلمه لو راكمته لاخر السنة

*اجازة نص السنة*

- للاسف اجازة نص السنة بتاعتك هتذاكر فيها برضو عشان المواد الممتدة

- مهم اوي تلم الجزء الي خدته الترم الاول في الميكانيكا في الاجازة وخصوصا لو اهملتها اول ترم وتحل الشيتات لو مكنتش حليتها ولو كنت حليتها قبل كده تراجعها هيفرق معاك جدا وخصوصا لو الدكتور حدد معاد اول ميد بعد الاجازة على طول

- الشيتات الي على الجزء بتاع الترم التاني تحاول تحلها أول بأول برضو مع مذاكرة المحضرات وتبيضها ومتراكمهمش

*الميدتيرم*

- بيكون في امتحانين ميدتيرم واحد على الاستاتيكا  وواحد على الديناميكا ممكن يبقى ميد الترم الاول وميد الترم التاني او الاتنين الترم التاني

- اهم حاجة تذاكر المحضرات كويس او ملازم شرح د.حمدي

- وبعدين تحل الشيتات وهتلاقي ملازم حل للشيتات ل م.عبدالمعز

- لو خلصت تحل امتحانات وهتلاقي ملازم حل امتحانات ل م.عبدالمعز

- لو خلصت ممكن تبص على الكتاب او السولفيد لو في افكار جديدة عليك

- لازم تخلي بالك إن امتحان الميد معتمد على الوقت فلازم تتعود على الحل من قبليه عشان تبقى سريع


*الفاينل*

- نفس الكلام تذاكر ملازم شرح د.حمدي او المحضرات

- بعدين الشيتات حتى لو حاللها قبل كده راجعها تاني

- بعدين لو خلصت تشوف الامتحانات

- بعدين لو خلصت تشوف السولفيد والكتاب

- ولازم تبقى مركز كويس اوي في الامتحان عشان بتبقى فيه حجات بتلغبط وراجع اكتر من مرة الخطوات والنواتج لما تخلص

- يستحسن يوم الامتحان سواء ميد او فاينل تصحى بدري تراجع القوانين كلها والحجات الي بتلغبطك

👇دول بوستين متجمع فيهم كل ما يخص الاستاتيكا والديناميكا

https://t.me/ci4eLSaYOEA4OTRk/653
https://t.me/ci4eLSaYOEA4OTRk/654

*الكيمياء*

- مادة من المواد الممتدة

-بتكون كيمياء طبيعية وكيمياء صناعية وكيمياء عملي

*الدرجات*

- الكيمياء 100 درجة
- 60 فاينل
- 40 اعمال سنة

- الفاينل بيتوزع
- 30 طبيعية
- 30 صناعية

- اعمال السنة بتكون على حضور العملي وامتحان العملي ولو في كويزات و ممكن على حضور المحضرات لو الدكتور خد غياب

- لو في ميد تيرم ممكن التوزيعة تختلف

*الدكاترة*

- دكتور احمد الظريف
- دكتور احمد سمير
- دكتور هيثم علي
- دكتور علي احمد

- دكتور احمد سمير ودكتور احمد الظريف دكاترة الطبيعية كل واحد فيهم بيدي نص الدفعة

- دكتور هيثم علي ودكتور علي احمد دكاترة الصناعية كل واحد فيهم بيدي نص الدفعة

- الدكاترة ممكن يقلوا او يختلفوا

*المذاكرة وملاحظات*

- مهم جدا تحضر المحضرات وخصوصا الطبيعية

- اكتب ورا الدكتور كل حاجة يقولها او يكتبها وخصوصا الطبيعية

- غالبا الطبيعية بتبقى الترم الاول والصناعية الترم التاني وبتمتحنهم مع بعض اخر السنة

- المنهج ممكن يختلف كل سنة والدكاترة الي بيحددوه

- مهم جدا تحل امتحانات السنين الي فاتت وتحل امتحان تخلف التخلف (بيكون قبل امتحانكم بمدة حاولوا توصلوله) بيجي منهم اسئلة كتير متكررة

*الطبيعية*

- الطبيعية هي نفس كيميا ثانوي واعدادي مع حجات زيادة وحجات جديدة

- مهم جدا الحضور والكتابة والدكاترة شرحها كويس جدا بس لازم تروح بدري عشان مبيدخلوش حد متأخر

- الاسئلة الي الدكتور بيديهالكم سواء في المحضرات او كملزمة مهمة جدا

- اهم حاجات تذاكر منها محضرات الدكتور وملزمة الاسئلة

- حاول تلم منهج الطبيعية في اجازة نص السنة

*الصناعية*

- الكيمياء الصناعية بتتكلم عن الكيميا الي ليها علاقة بالصناعات زي البويات والبترول والسبائك وغيرها

- ذاكر الصناعية من الملازم او الملخصات الي الدكتور بيديهالكم الامتحان مبيخرجش عنها

- الحفظ كتير في الصناعية حاول تذاكرها اول بأول

*العملي*

- منهج العملي هو قريب من منهج التحليلية بتاع ثانوي بس عملي

- مهم جدا حضور السكاشن (بتكون في مبنى علوم) ومهم تجرب بإيدك وتحاول تبقى سريع

- ذاكر العملي كويس وحاول تضمن درجة العملي على قد ما تقدر

- بتخش اخر السنة ب اسكيمة (حاجة مكتوب فيها الخطوات والنواتج سواء انت عاملها او طابعها) فالمهم تجرب بإيدك وتفهم وتشوف المشاهدات مش تحفظ وخلاص

- ممكن يبقى في اختلافات في المناهج بس إن شاء الله الدكاترة هتوضحلكم المنهج وهتشرحه كويس

👇دول بوستات متجمع فيهم حجات مهمة في الكيمياء الطبيعية والصناعية والعملي

https://t.me/e8IjPb0EoFtiODRk/832
https://t.me/e8IjPb0EoFtiODRk/831
https://t.me/e8IjPb0EoFtiODRk/39

*فيزياء 1*

- مادة من مواد الترم الاول

- مادة الفيزيا مادة الاغلب بينجح فيها والدكتور بيساعدك تنجح فيها بس الصعب فيها التقدير بس عدد مش قليل بيجيب ج.ج و م فمتقلقش وذاكر بس

- الفيزياء فيها عملي

*الدرجات*

- فيزياء 1 100 درجة
- 60 فاينل
- 40 اعمال السنة

- اعمال السنة بتتقسم

- 20 على الشيتات وبحث الدكتور بيطلبوا منكم تعملوه وتسلموه
- 20 على الفزياء العملي

- مفيش سكاشن فيزياء في عملي بس

- مفيش درجات غياب للمحضرات غالبا

*دكتور المادة*

- دكتور محمود فرج

*المذاكرة والملاحظات*

- المنهج عبارة عن
(الوحدات والابعاد-المرونة-الموائع المتحركة-الموائع الساكنة-الاهتزازات والموجات-الحرارة والانتقال الحراري)

- المنهج كله بالعربي

- محاضرة الفيزيا قد تكون طويلة ومملة والشرح مش احسن حاجة بس احضرها عشان تكتب ورا الدكتور لانه بيجيب اسئلة من المحاضرة بتاعته مش في الكتاب ممكن تتفق انت وصحابك كل مرة واحد فيكم يروح ويقعد قدام الدكتور على طول ويكتب كل الكلام الي بيقوله بس الاضمن ليك تروح انت وتكتب

- مهم جدا تهتم بحضور العملي وامتحان العملي وتحل الشيتات والبحث عشان درجتهم شبه مضمونة إن شاء الله فمتضيعهاش

- حتى لو حضرت المحاضرة ممكن متفهمش فعليك باليوتيوب والافضل في الشرح على اليوتيوب دكتور محمد اسماعيل ودكتور ياسر البطاوي

- الامتحان اغلبه معتمد على الفهم حتى الحجات النظري بتيجي معتمدة على الفهم يمكن بس يجيب سؤال او اتنين حفظ زي سؤال تعريف

- نظام الامتحان الدكتور بيقوله بالتفصيل فمتقلقش وسعات بيغيره بس بناء على اخر كام سنة
الترم الاول غالبا بيكون mcq والترم التاني غالبا بيكون اسئلة ومكان للاجابة النهائية بس وحوالي سؤالين تعريفات

- افضل مصدر للمذاكرة محاضرات اليوتيوب وإن كانت الفيديوهات شرح للفيزيا بالانجليزي واحنا منهجنا عربي بس الشرح واحد وهتفهم

- بعدها الكتاب والمحضرات

- وانت بتذاكر في الكتاب يستحسن يبقى معاك ورق او كشكول تلخص فيه كل القوانين عشان هتفيدك جدا

- بينطلب منك شيتات بتسلمهم يوم امتحان العملي اخر الترم اهتم بيهم وحلهم بعد ما تذاكر عشان مهمين جدا

*الفاينل*

- اول حاجة لازم تكون فاهم بإنك تكون بتحضر المحضرات او بتشوف يوتيوب

- لو خلاص فاهم ذاكر من الكتاب وشوف المحضرات والحجات الي الدكتور بيزودها وذاكر البحث الي الدكتور اخر السنة هيبعتوا وحل الاسئلة الي فيه عشان عليه اسئلة في الفاينل كمان

- بعدين تحل كتاب السولفيد بيكون فيه مسائل الشيتات ومسائل زيادة وبيجي منه في الامتحان فمهم تحله

- يوم الامتحان تصحى بدري تراجع القوانين الي لخصتها

*العملي*

- مهم جدا الحضور وتجرب بإيدك

- في كتاب بيبقى مطلوب تشتروه ومينفعش تخشوا من غيره وبيكون فيه شرح التجارب وبتحط فيه النتايج وانت بتجرب

- بيبقى فيه امتحان عملي قبل الامتحانات باسبوع نظام الامتحان بيبقى نظري وعملي فلازم تفهم وتحفظ النظري بتاع كل تجربة

👇ده بوست متجمع فيه الكتاب والبحث والسولفيد وامتحانات سابقة ونظام امتحان الفيزياء العملي

https://t.me/iV9Ns7B8o3MWZk/186

*رياضيات 1*

- مادة من مواد الترم الاول

*الدرجات*

- رياضيات 1 100 درجة
- 70 فاينل
- 30 اعمال سنة

- اعمال السنة بتتوزع على الميدتيرم والكويزات والشيتات الي بتطلب منكم كل سيكشن وحضور السكاشن وسعات المحضرات

*دكاترة المادة*

- دكتور محمد مهنا (عميد الكلية)
- دكتور احمد عطية

- دكتور بيدي نص الدفعة ودكتور بيدي النص التاني

*المذاكرة والملاحظات*

- المنهج عبارة عن
(الدوال ورسم الدوال-الكسور الجزئية-النهايات-التفاضل-تطبيقات التفاضل)

- المنهج كله بالانجليزي بس يعني كام كلمة بس جداد هتحفظهم مع الوقت والتكرار يمكن درس التطبيقات الي تحتاج تحفظ في شوية كلمات بس إن شاء الله سهلين

- مهم تحضر المحضرات والسكاشن وتكتب كل حاجة ورا الدكتور والمعيد او تصور السبورة (ماعدا دكتور مهنا ممنوع تصور) ولما تروح تذاكر وتبيض المحاضرة او السيكشن
(يعني تكون كاتب في اي كشكول او ورق او مصور ولما تروح تكتبه تاني في كشكول بطريقة كويسة ومنظمة وتذاكره والاسئلة الي الدكتور او المعيد حلها تكتب رأس السؤال وتحله انت من غير ما تبص لحل الدكتور بعدين تتأكد من حل الدكتور)

- دا هيخليك فاهم المنهج بنسبة كويسة طول الترم وناقص بس الحل

- المحاضرة هي الشرح والي بيدي المحاضرة الدكتور اما السيكشن هو تطبيق على المحاضرة وحل والي بيدي السيكشن المعيد

- بيبقى في كويز وشيت كل سكشن سلم الشيتات كلها ومتفوتش حاجة منها وسلم برضو الكويز حتى لو مش حالل فيه

-راجع المحاضرة والسيكشن قبل الكويز وحل في الكويزات على قد ما تقدر وركز فيها عشان الباشمهندسين بيجيبوا اسئلة محتاجة تفكير شوية

- لو مش فاهم حاجة معينة او نسيت وعاوز تفتكر يبقى ساعتها شوف المحاضرات يوتيوب والافضل في الشرح على اليوتيوب د.عماد عبدالحفيظ و م.محمود البيلي

- الدكتور بيديكم شيتات بيكون فيها اسئلة كتير على الشابتر ومبيطلبهاش منكم حاول تحلها مع نفسك

- بيبقى في ملازم شرح حجات مهمة دكتور مهنا بيديهالكم بتكون مهمة جدا جدا لازم تذاكروهم

*الميد تيرم*

- قبل الميد تيرم حاول تبدأ تلم الرياضة قبلها باسبوع مثلا

- وهيكون اهم حاجة بالنسبالك ملازم م.فايز تذاكرها كويس جدا هي والاسئلة الي فيها وبرضو لو في ملازم لدكتور مهنا ذاكرها بعد ملازم م.فايز

- اول ما تخلصها تشوف امتحانات الميدتيرم القديمة وهتلاقي ملزمة ل م.فايز محلول فيها الامتحانات القديمة

- ولو خلصتها ولسه في وقت ممكن تراجع الشيتات او لو مكنتش حليتها قبل كده تحلها

- اعمل كل الي عليك قبل الميد ولو قدر الله ومتوفقتش في الميد متتحبطش وتزعل معاك الفاينل اهم وعليه درجات اكتر فتعمل اقصى ما عندك عشان تعوض في الفاينل

*الفاينل*

- نفس الكلام قبل الفاينل بأسبوعين تلم الرياضة كلها

- وبرضو اهم حاجة ملازم م.فايز وملازم دكتور مهنا

- لو خلصتها تشوف امتحانات الفاينل القديمة وهتلاقي ملزمة ل م.فايز محلول فيها الامتحانات القديمة

- لو خلصتها برضو تراجع الشيتات او تحلها لو محلتهاش قبل كده

- يوم الامتحان سواء ميد او فاينل تصحى بدري شوية وتراجع القوانين والحجات الي بتنساها

- لازم تحل كتير وخصوصا قبل الامتحان سواء ميد او فاينل

- ذاكر المنهج اول بأول عشان صعب تلمه لو راكمته

👇ده بوست متجمع فيه محضرات وسكاشن رياضة السنة الي فاتت وملازم م.فايز وامتحانات محلولة والشيتات والامتحانات

https://t.me/iV9Ns7B8o3MWZk/185

*الفقه*

- مادة من مواد الترم الاول

- الفقه مادة سهل تجيب فيها مجموع عالي بإذن الله لو ذاكرتها كويس

*الدرجات*

- الفقه 100 درجه كلهم في الفاينل

*دكتور المادة*

- السنة الي فاتت كان دكتور محمود سعد

*المذاكرة وملاحظات*

- المحاضرة مش مهمة اوي كشرح المهم فيها بس إن الدكتور بيقول على الحجات المهمة الي تركزوا عليها والحجات الي مش مهمة وبرضو إن الدكتور بيقول سعات تعليمات للامتحان

- الدكتور بيحدد المنهج الي هتمتحنوا فيه اخر محاضرة خالص فلازم تحضرها

- يفضل تذاكر من الكتاب مش من ملخصات  وخصوصا لو الامتحان mcq وممكن تبص بعد ما تذاكر على الملخصات والاسئلة لو في وقت وممكن تعمل انت ملخص لنفسك لو ذاكرت بدري ومزنقتش نفسك

- بالنسبة للمذاكرة فمثلا بعد ما الدكتور يشرح حاجة تروح تحفظها او تقرأها على الاقل ومتضيعش وقت كبير في الفقه وقبل الامتحانات بفترة حاول تلمه كله وليلة الامتحان برضو تلمه تاني ويوم الامتحان اصحى بدري قبل الامتحان ب ٦ سعات على الاقل راجع المنهج كله تاني

- ممكن تلم المنهج ليلة الامتحان بس منصحكش خالص عشان المنهج بيكون طويل وهيتعبك في الحفظ وعشان لو حصل ظروف وقتها

- الحجات دي مش لازم تمشي عليها لو كنت بتذاكر المواد الشرعية في ثانوي واعدادي بطريقة معينة وماشية معاك كويس ذاكر بنفس الطريقة الي كنت بتذاكر بيها وسيبك من الكلام ده

👇ده بوست متجمع فيه اهم الحجات في الفقه والكتاب

https://t.me/iV9Ns7B8o3MWZk/187