تعوفني وتكدر بدوني ؟
ليش يا ثالث عيوني
لاتخليني أحسب رٌموشي واغيبك
وانا كَلب أُمك عليك
والله أطيح وياك اذا مابية اطيبك !
كون جَف فزاعة جفي بلايا اصابع
تكودني معول عليك ... جَرس ثاري
ويه ما بابي انفتحلك شلت اديك
جِدامي مثل الكذلة ثكلها المطر
الدنيا تمطر واشتهي تِرد المَحنه
البالرسايل والصور
غَابت شموسك والفياي انٌهب
وانا وصيت وكلت ذب الكلايد
لايجيس آثار بوساتي الذهب
من درت وجهك وامانك شح علية
خوفة الكاتل خفت حتى من ادية وماتفض !
اغنية تدَفعني واجي البابك ركض
وانزويت واذب يم العتبة حسرة
آآخ يا تجايتي شسواك كَسرة
لاحَرام الله رضاها ولا حَلالة
حَبيبك مَحد بقالة .