Blue Ocean

Rich in love 2

ဒီနေ့ Netflix က အသစ်ထွက်ရှိလာတဲ့ "Rich In Love" ဆိုတဲ့ကားလေးကတော့ ၂၀၂၀ လောက်တုန်းကတစ်ကားထွက်ရှိဖူးပြီးတော့ အခုကားလေးကအဆက်ထွက်ရှိလာတဲ့ကားလေးဖြစ်ပါတယ်။ ပထမကားမှာချစ်သူတွေဖြစ်သွားကြတဲ့ သူဌေးသားလေးတယ်တိုနဲ့ ကိုယ့်အားကိုယ်ကိုးချင်တဲ့ ထက်မြက်တဲ့ဆရာဝန်မလေး ပေါင်လာတိုရဲ့ အချစ်ခရီးလမ်းဟာ ဖြောင့်ဖြူးပြီလိုထင်ထားခဲ့ပေမယ့် မဟုတ်ခဲ့ပါဘူး။ ပေါင်လာဟာ အမေဇုံဘက်ကို လုပ်အားပေးဆရာဝန်အနေနဲ့ပရောဂျက်တစ်ခုသွားရမယ့်အချိန်မှာ တယ်တိုတစ်ယောက် ပေါင်လာနဲ့ဝေးကွာရတော့မလို ဖြစ်သွားတာပေါ့။ ပေါင်လာနဲ့မခွဲရဖိုအတွက် တယ်တိုတစ်ယောက်ကြံစည်ရင်း နောက်ဆုံးမှာသူ့လုပ်ငန်းကြီးတစ်ခုလုံးအထိ အမေဇုံဘက်ကိုယူလာပြီး ခြေဆန့်ဖို ကြိုးစားပါတော့တယ်။ သူဌေးသားဖြစ်ပြီး အခက်အခဲဆိုတာဘာမှန်းမသိတဲ့တယ်တိုတစ်ယောက် သူ့ချစ်သူပေါင်လာရဲ့ ခက်ခဲတဲ့လမ်းခရီးနောက်ကိုလိုက်ရင်း ဘယ်လိုအလွဲတွေဖြစ်မလဲ၊ ပေါင်လာနဲ့ တယ်တိုတိုရဲ့အချစ်ခရီးလမ်းကရော ဘယ်လိုအခက်အခဲတွေကြုံရဦးမလဲဆိုတာကို စိတ်ဝင်စားဖွယ် ကြည့်ရှုရမယ့် အချစ်ဇာတ်လမ်းကားကောင်းလေးဖြစ်ပါတယ်။

Channel Link
https://t.me/BlueOceanChannel2/473

Blood & Gold

Netflix ကနေအသစ်ထွက်ရှိလာတဲ့ "Blood & Gold" ဆိုတဲ့ကားလေးကတော့ ဒုတိယကမ္ဘာစစ်ကြီးဖြစ်ပွားနေတဲ့အချိန်ကို ဇာတ်အိမ်တည်ထားပြီး စစ်ကားကြိုက်သူတွေ၊ ဇာတ်ကြမ်းကြိုက်သူတွေ လက်လွှတ်မခံသင့်တဲ့ကားလေးပါ။ ဟိုင်းန်ရစ်ချ်ဆိုတဲ့ ဂျာမန်စစ်သားတစ်ယောက်ဟာ နာဇီတပ်တွေ မဟာမိတ်တပ်တွေဆီမှာ ကျဆုံးခါနီးဖြစ်နေတဲ့အချိန် တပ်ထဲကနေထွက်ပြေးလာတဲ့အတွက် နာဇီတပ်တွေက ကြိုးဆွဲချသေဒဏ်ပေးပြီး ပစ်ထားခဲ့ပါတယ်။ ကံကောင်းစွာနဲ့ပဲ နယ်ခံဖြစ်တဲ့ကောင်မလေး အယ်ဆာနဲ့တွေ့ပြီး အသက်ဘေးကလွတ်မြောက်လာခဲ့ပေမယ့် သိပ်မကြာပါဘူး နာဇီတပ်တွေဟာ အယ်ဆာတိုရဲ့ရွာထဲကို ဂျူးလူမျိုးတွေချန်ခဲ့တဲ့ရွှေတွေရှာဖိုရောက်လာခဲ့ပါတယ်။ ဟိုင်းန်ရစ်ချ်တစ်ယောက်ထပ်ပြီးတော့ ပုန်းရှောင်ရပြန်တော့တာပေါ့။ ဟိုင်းန်ရစ်ချ်နဲ့ အယ်ဆာတိုနှစ်ယောက် နာဇီတပ်တွေနဲ့ ဘယ်လိုမျိုးထိပ်တိုက်ရင်ဆိုင်ရဦးမလဲ၊ ဘယ်လိုအန္တရာယ်တွေဖြတ်ကျော်ရဦးမလဲဆိုတာကို စိတ်ဝင်စားဖွယ်ကြည့်ရှုရမှာပါ။

Link
https://t.me/BlueOceanChannel2/468

Asterix & Obelix: The Middle Kingdom

ပေါ့ပေါ့ပါးပါးလေးနဲ့ စွန့်စားခန်းလိုမျိုးကားလေးတွေကြိုက်တယ်ဆိုရင် ""Asterix & Obelix: The Middle Kingdom" ကားလေးက ကွက်တိပဲဖြစ်မှာပါ။ ဒီထဲမှာ အက်စ်ထရစ်နဲ့ အော်ဘလစ်တိုသူငယ်ချင်းနှစ်ယောက်နေတဲ့ ဂေါလ်ရွာလေးကို တရုတ်ပြည်ဘုရင်မကြီးရဲ့သမီးဖြစ်တဲ့ မင်းသမီးတစ်ပါးရောက်လာခဲ့ပါတယ်။ သူရောက်လာရတဲ့အကြောင်းအရင်းကတော့ သူ့အမေဘုရင်မကြီးရဲ့ ထီးနန်းကိုတက်သိမ်းပြီး သူ့ကိုလည်းသိမ်းပိုက်ဖိုကြံစည်နေတဲ့ မင်းသားဒန်ဆင်းကွင်းရဲ့လက်ထဲကနေထွက်ပြေးပြီး ဂေါလ်လူမျိုးတွေဆီက အကူအညီတောင်းဖိုအတွက်ဖြစ်ပါတယ်။ ဒုက္ခရောက်နေတဲ့သူတွေကို ကူညီတတ်တဲ့အလေ့အထရှိတဲ့ဂေါလ်တွေဟာ မင်းသမီးလေးနဲ့ သူ့အမေဘုရင်မကြီးကိုကာကွယ်ဖိုအတွက်သဘောတူပြီး အက်စ်ထရစ်နဲ့ အော်ဘလစ်တိုသူငယ်ချင်းနှစ်ယောက်ကို ကူညီဖိုထည့်ပေးလိုက်ပါတယ်။ အက်စ်ထရစ်နဲ့ အော်ဘလစ်တို သူငယ်ချင်းနှစ်ယောက် မင်းသမီးနဲ့အတူ ဘယ်လိုအန္တရာယ်တွေကိုကျော်လွှားပြီး ဘယ်လိုစွန့်စားခန်းတွေကိုရင်ဆိုင်ရမလဲဆိုတာကိုတော့ဇာတ်လမ်းထဲမှာ စောင့်ကြည့်လိုက်ကြပါဦးနော်။

Link
https://t.me/BlueOceanChannel2/463

Kathal - A Jackfruit Mystery

Netflix ကနေ အသစ်ထွက်လာတဲ့ "Kathal: A Jackfruit Mystery"ဆိုတဲ့ကားလေးကို တင်ဆက်ပေးလိုက်ပါတယ်။ ကိစ္စကတော့ ရဲဌာနအပေါ်လွှမ်းမိုးမှုရှိတဲ့ နိုင်ငံရေးသမားတစ်ယောက်ရဲ့ ခြံထဲက ပိန္နဲသီးနှစ်လုံးပျောက်သွားတာကနေ စတာပါ။ သူ့ပိန္နဲသီးနှစ်လုံးကိုသေချာပေါက်ပြန်ရှာပေးရမယ်ဆိုပြီး ဒေါသတကြီးနဲ့ပြဿနာတွေရှာနေတာကြောင့် ရဲအရာရှိတွေလည်း မနေသာတော့ဘဲ အမှုဖွင့်ပြီးရှာပုံတော်ဖွင့်ရတာပေါ့။ ဒီအမှုကိုဦးစီးရတဲ့သူကတော့ ထက်မြက်တဲ့ရဲမေတစ်ယောက်လည်းဖြစ်၊ ရာဇဝတ်သားတွေကိုလည်း အမြဲတမ်း လက်ရဖမ်းနိုင်သူဖြစ်တဲ့မာဟီမာပါ။ ဒီပိန္နဲသီးအမှုကို ဖြေရှင်းရင်း ဘယ်လိုကိစ္စတွေကိုကြုံတွေ့ရဦးမလဲ၊ ပိန္နဲသီးပျောက်ရှာပုံတော်အမှုက အောင်မြင်သွားမှာလားဆိုတာကို ဟာသလေးနှောပြီးကြည့်ရှုရမှာဖြစ်လို ကြည့်လိုကောင်းတဲ့ကားလေးတစ်ကားဖြစ်မှာပါ။

Movie Link
https://t.me/BlueOceanChannel2/454

School Tales the series

ဒီစီးရီးလေးက မကြာခင်ကမှ ထွက်ရှိထားတဲ့ ထိုင်းကျောင်းသား သရဲကားလေးပါ။ အပိုင်း ရှစ်ပိုင်း ပါဝင်ပြီး တစ်ပိုင်းစီမှာ ဇာတ်လမ်းတစ်ပုဒ် ရိုက်ကူးထားတာပဲ ဖြစ်ပါတယ်။ သရဲကားကြိုက်တဲ့သူတွေ သဘောကျမှာ သေချာပါတယ်။

Channel Link
https://t.me/BlueOceanChannel2/391

မနေ့က Netflix မှာ အသစ်ထွက်တဲ့ Darlings ကြည့်လို ရပါပြီ။

Link
https://t.me/BlueOceanChannel2/386

Unearth (2020)

ဇာတ်ကားတစ်ကားကိုအစကနေမပြီးခင်အထိ ဇာတ်လမ်းက အတိတ်ကအကြောင်းတွေနဲ့လက်ရှိအကြောင်းကို ရောသမမွှေပြီး နောက်ဆုံးမှဇာတ်လမ်း
က ဒီလိုပါလားဆိုပြီး horror ကားကိုမှဇာတ်ရှိန်အေးအေးနဲ့ ကြည့်ချင်ပါတယ်ဆိုတဲ့ ပရိသတ်တွေအတွက် ဒီကားလေးကို တင်ဆက်ပေးလိုက်တယ်ဗျ

ဇာတ်လမ်းကတော့ ဒိုလန် မိသားစုနဲ့ လိုမက်မိသားစု နှစ်စုတို့ကလယ်ထဲမှာနေကြတဲ့ အိမ်နီးနားချင်းတွေဖြစ်တယ်။ဒိုလန်မိသားစုရဲ့ ဦးစီးသူ ကက်သရင်းကတော့ မိသားစုနှစ်စုလုံးရဲ့ မြေကိုပေါင်းပြီးရောင်းချင်နေတာ လိုမက်မိသားစုရဲ့ အိမ်ထောင်ဦးစီးဖြစ်တဲ့ ဂျော့ခ်ျကတော့ သူတို့မြေကိုမစွန့်လွှတ်နိုင်ဘူးဖြစ်နေတယ်
ဒီလိုနဲ့ တစ်နေ့ကျတော့ ဂျော့ခ်ျဆီကို တွင်းထွက်တူးဖော်တဲ့ကုမ္ပဏီက သူတို့နေနေတဲ့လယ်ကွက်အောက်မှာ သဘာဝဓာတ်ငွေ့ကြောကြီးတွေ့ထားတော့ မက်မောလောက်စရာငွေတွေနဲ့ သူတို့မြေကိုဝယ်ဖို့ကမ်းလှမ်းတယ်
ဂျော့ခ်ျ ကလည်း ရောင်းရမလား မရောင်းရဘူးလား ဒွိဟဖြစ်နေရင်းနဲ့ တူးဖော်လိုက်ရမှ သူတို့ မထင်မှတ်ထားတဲ့အရာအတွက် တံခါးဖွင့်ပေးလိုက်သလိုဖြစ်သွားခဲ့တဲ့အခါ

🎬 ဇာတ်ကားလင့် - https://t.me/BlueOceanChannel2/385

Article 15(2019)

ဇာတ်လမ်းအစမှာ သာမန်လူတန်းစားတွေ
ပျော်ပါးနေတာကို တွေ့မြင်ရပြီး တစ်ဖက်မှာတော့သက်ငယ်မိန်းကလေးနှစ်ယောက်ကို အဓမ္မ ပြုကျင့်ခံနေရတာကို ပြထားခဲ့ပါတယ်။ဘယ်သူတွေကများ ဒီလို လူမဆန်တဲ့ လုပ်ရပ်ကို လုပ်ရက်ကြတာလဲ။အာယန် ရန်ဂျန်ဟာ ဒီလားဂွန်းဆိုတဲ့ နယ်မြို့လေးကိုရောက်လာခဲ့ပါတယ်။
ရှေးရိုးစွဲ ဝါဒတွေ ကင်းတဲ့ လူငယ်တစ်ယောက်ဖြစ်တဲ့ ရဲအရှာဟာလမ်းခရီးမှာတင် ဒရိုက်ဘာကအစ အမျိုးဇာတ်ခွဲခြားတဲ့ အယူဝါဒတွေ စွဲနေသေးတာကို ၊ဒီမြို့ငယ်လေးမှာတွေ့မြင်လိုက်ရပါတယ်။မကြာပါဘူးစခန်းမှာ လူပျောက်လာတိုင်တာကို တွေ့ခဲ့ရတယ်။ ပျောက်တာက မိန်းကလေးသုံးယောက်တောင်။ဒီလိုနဲ့ စုံစမ်းကြည့်လိုက်တော့အသတ်ခံရပြီး ၊သစ်ပင်မှာကြိုးနဲ့ တွဲလောင်းချိတ်ထားတဲ့ မိန်းကလေး နှစ်ယောက်ကို တွေ့လိုက်ရတယ်။နောက်တစ်ယောက်ကတော့ ရှာမတွေ့သေးဘူးအောက်လက်ငယ်သား ရဲသားတွေကတော့ဒီအမှုကို လုံးဝမလိုက်ဖို့၊ အမှုပိတ်သိမ်းဖို့ ၊မြို့တွင်းက မှောင်ခိုဂိုဏ်းခေါင်းဆောင်အထိ ပါလာမှာဖြစ်လို့ဆိုပြီးအ,ဂတိကင်းတဲ့ ရဲအရာရှိကို တားခဲ့ကြပါတယ်။ဒါပေမဲ့သူဟာ လူငယ်တစ်ယောက်မို့အမှန်တရားကို လက်ကိုင်ထားပြီး ဒီအမှုကို အဆုံးအစွန်ထိ လိုက်ရာမှာတော့……

🎬 https://t.me/BlueOceanChannel2/384

Crawlspace (2022)


အပ်ကျသံကအစအကုန်သိနိုင်တဲ့မြို့ငယ်လေးတစ်မြို့က ရောဘတ်ဆိုတဲ့ပိုက်ပြင်သမားလေးတစ်ယောက်...

သူ့ရဲ့သဘောမနောကောင်းမှုတွေကို မိန်းမဖြစ်သူကနားပူနားဆာလုပ်လို့ ပိုက်ပြင်ဖို့ဆိုပြီးထွက်သွားခဲ့ပါတယ်။

သူပြင်ရတဲ့ပိုက်နေရာက အိမ်ရဲ့အောက်မြေအောက်ခန်းငယ်လေးထဲမှာ..တွားသွားပြီးသွားမှရတဲ့နေရာလေးပေါ့။

ဒီလိုနေရာထဲဝင်ပြီးပိုက်ပြင်နေရာက မထင်မှတ်ထားတဲ့ပြဿနာတစ်ခုနဲ့ကြုံတွေ့သွားရတဲ့အခါမှာတော့...

ဒီကားလေးကတော့ စိတ်လှုပ်ရှားသဲထိပ်ရင်ဖိုကားတွေကြိုက်သူတွေအတွက် ရွှေးချယ်လို့ကောင်းမယ့် Rated R , Thriller ကားသစ်လေးပဲဖြစ်ပါတယ် ။

🎬 ဇာတ်ကားလင့် - https://t.me/BlueOceanChannel2/383

Dil Bechara(2020)

Disney+ Hotstarကနေ ဖြန့်ချိခဲ့တဲ့ မင်းသားချောဆူရှန့်ရဲ့‌ေနာက်ဆုံးကား လာပါပြီ။
အမြဲတမ်းပြုံးနေတတ်တဲ့ မင်းသားချောကတော့ ဒီကားထဲမှာ နောက်ဆုံးမြင်တွေ့ခြင်းဆိုတာ အားလုံးသိပြီးသားဖြစ်မှာပါ။

ဇာတ်လမ်းထဲမှာတော့ ကင်ဆာရောဂါသည် ကောင်မလေးတစ်ယောက်။ ကင်ဆာရောဂါသည်တစ်ယောက်မို့ ဆေးတွေရယ်၊သူရဲ့အောက်စီဂျင်ဘူးလေးရယ်နှင့်အတူ မနက်ဖြန်ဆိုတာကိုဖြတ်ကျော်နေရတယ်။ ဒါပေမဲ့ သူမက အာဂကောင်မလေးလို့ဆိုရမလားပဲ။ သူမဟာ နာရေးတွေလိုက်တက်ပြီး အထီးကျန်နေခဲ့ရတဲ့ ကျန်ရစ်သူမိသားစုတွေကိုတောင် အားပေးနေတတ်တယ်။ တနေ့မှာတော့ သူဒီကင်ဆာရောဂါဝေဒနာရှင်တွေ အားပေးဝန်းရံကြတဲ့ အခမ်းအနားတစ်ခုမှာ ကောင်လေးတစ်ယောက်နှင့် ဆုံခဲ့ပါလေရော။ စပွိုင်လာဖြစ်မှာစိုးလို့ ဒီလောက်နှင့်တော်ပါရစေ…..။

🎬 ဇာတ်ကားလင့် - https://t.me/BlueOceanChannel2/382

Dreambuilders(2020)

မီနာဟာ ကျေးလက်ဒေသလေးမှာ ဖခင်နဲ့အတူ ဘဝကိုအေးအေးချမ်းချမ်းဖြတ်သန်းနေတဲ့ ကောင်မလေးတစ်ဦးပါ။မီနာရဲ့ မိခင်ကတော့ မြိုကြီးပြကြီးမှာ အဆိုတော်ဖြစ်ချင်တဲ့အိပ်မက်ကြောင့် တောရွာက သူတိုသားအဖ၂ဦးကို ထားရစ်ခဲ့ပါတယ်။မိခင်ထားခဲ့ပေမယ့် ဖခင်နဲ့အတူနေထိုင်ရင်း ပျော်ရွှင်နေတဲ့ မီနာ့ဘဝထဲကိုမိထွေးဖြစ်သူ ဟယ်လီနာနဲ့ မိထွေးရဲ့သမီးဖြစ်သူ ဂျင်နီတို ဝင်လာခဲ့ပါတယ်။သူတိုသားအဖရဲ့အိမ်လေးကို မြိုကြီးသူပီပီ မီနာတိုဘဝကို အထင်မကြီးတဲ့ ဂျင်နီရောက်လာချိန်မှာတော့မီနာ့ဘဝဟာ စိတ်အနှောင့်အယှက်ဖြစ်စရာတွေ တစ်ခုပြီးတစ်ခုကြုံတွေ့ရပါတော့တယ်။အဲ့ဒီနောက် မီနာ့ဆီကို ထူးဆန်းအိပ်မက်စက်ရုပ်လေးရောက်လာတယ် ဒီစက်ရုပ်လေး အိပ်မက်တွေကို လှပအောင်ဖန်တီးပေးတဲ့သူလေးပေါ့အိပ်မက်တွေက တစ်ဆင့် လက်တွေ့ဘဝကခံစားချက်တွေကို လွှမ်းမိုးရှိလေတော့ မီနာ့ အိပ်မက်စက်ရုပ်လေးကို အသုံးချပြီးသူရင်ဆိုင်နေရတဲ့ ဆိုးဝါးတဲ့အခက်အခဲတွေကို ပြောင်းလဲဖို့ အသုံးချပါတော့တယ် ဘာတွေဆက်ဖြစ်မလဲဆိုတာကိုတော့ စိတ်ဝင်စားစရာanime ကား​ကောင်း​လေးဖို့ လက်​မလွှတ်​တမ်းကြည့်ဖို့ ညွှန်းဆိုလိုက်​ပါတယ်​​နော်​။

🎬 https://t.me/BlueOceanChannel2/381

Viraata Parvam (2022)

ဒီတစ်ခါမှာလည်း IMDB မှာ Rating 9 အထိရရှိထားပြီး
သိပ်မကြာခင်ကမှရုံတင်ထားတဲ့ ရုပ်ရှင်ကားကောင်းတစ်ကားကို
တင်ဆက်လိုက်ပါတယ်။Rating မြင့်လွန်းပေမယ့်
မိတ်ကပ်မလူး ခြယ်သမှုမပါတဲ့ တောင်ပိုင်းကားတစ်ကားပါ။

ဇာတ်လမ်းအကျဉ်း

၁၉၇၃ ခုနှစ်ကိုအခြေခံထားပြီး ဓနရှင်တွေနဲ့
အခြေခံလူတန်းစားတိုက်ပွဲကြားမှာ မွေးဖွားလာခဲ့တဲ့
မိန်းကလေးတစ်ယောက်။ မိခင်ဖြစ်သူဆီက ခေါင်းမာမှုနဲ့
ဖခင်ဖြစ်သူဆီက စာပေကဗျာတွေဖတ်ရှုမှုကိုအမွေရထားပြီး
မှန်တယ်ထင်ရင် နောက်မဆုတ်တတ်သူတစ်ယောက်ပေါ့ ၊
တစ်နေ့ သူငယ်ချင်း အစ်ကိုဆီက စာအုပ်တစ်အုပ်ကိုဖတ်မိရင်း
လူတန်းစားအားလုံး သာတူညီမျှ ရှိဖို့အတွက်
ခေါင်းထဲဝင်ရောက်လာသလို စာအုပ်ရေးသူကိုပါစွဲလမ်းသွားရာမှစပြီး
ထင်မှတ်မထားတဲ့အရှုပ်တော်ပုံတွေထဲ
ဘယ်လိုဝင်ရောက်ပတ်သက်မိမှာလဲဆိုတာကိုတော့
ရုပ်ရှင်ထဲမှာ စီးမျောခံစားလိုက်ကြပါဦး။

🎬 ဇာတ်ကားလင့် - https://t.me/BlueOceanChannel2/380

The Lion King (2019)

🎬 ဇာတ်ကားလင့် - https://t.me/BlueOceanChannel2/379

Dark Skies (2013)

ကောင်းကင်ကြီးတွေ မည်းတက်လာလိုက်တာ… ငှက်တွေအကောင်သုံးရာလောက်ရှိမယ်။ဒန်နီယယ်ရဲ့အိမ်ကို ဝင်တိုက်နေတာ ကြက်သီးထချင်စရာကြီး။ အိမ်ထဲကပစ္စည်းတွေလည်း အကုန်ပျောက်ကုန်လို့
ရဲစခန်းခေါ်ပြန်တော့လည်း ဒီအိမ်က ကလေးက ခြေဆော့လက်ဆော့ရှိလို့နေမှာပါဆိုပြီး မှတ်ချက်ပေးသွားပြန်တယ်။
ဒါပေမဲ့ အဲ့ဒီအိမ်မှာ ပစ္စည်းတွေကျကွဲ၊ လူတွေလည်း အိပ်နေရင်းလမ်းထလျှောက်၊ အိပ်ရာကနိုးလာရင် ဒဏ်ရာတွေရနေကြတာ အပြင်လူတွေမသိရှာဘူး…အပြင်လူတွေမသိသလို သူတို့ကိုယ်တိုင်တောင်မသိကြဘူး။….ဒါပေမယ့် တကယ်တမ်းမှာတော့ ဒီလိုမျိုးကြုံတွေ့ရတာဟာ ဒန်နီယယ်တို့မိသားစုတစ်ခုတည်းမဟုတ်ဘဲ အများကြီးရှိနေတယ်ဆိုတာကို သိလိုက်ရတဲ့အချိန်…. ကျိန်စာသင့်နေတဲ့မိသားစုလေးအဖြစ်ကနေ ဘယ်လောက်ထိတုန်လှုပ်ချောက်ခြားဖွယ်ကောင်းပြီး ပဟေဠိဆန်သွားမလဲဆိုတာကို ဒီကားလေးမှာကြည့်ရှုလိုက်ကြပါဦးနော်။

🎬 ဇာတ်ကားလင့် - https://t.me/BlueOceanChannel2/378

Rasuk 2 (2020)

Rasuk 1 ကို ကြည့်ပြီးတဲ့သူတွေကတော့ Rasuk 2ကို ဘယ်လိုကားဖြစ်မလဲ သိချင်မိမှာပါပဲ....

ဒီကားက သရဲကားဆိုပေမယ့်.... ဒိန်းခနဲ ဝုန်းခနဲ ခြောက်နေတဲ့ကားမျိုးမဟုတ်ဘူး..

Rasukကြည့်ပြီးတဲ့သူတွေကတော့ သူငယ်ချင်းလေးယောက်ထဲက အင်ဂရစ်ကို သိမှာပေါ့.... အင်ဂရစ်နဲ့ ဒီကားက ဘာဆိုင်လဲ မေးရင် ဘာမှမဆိုင်ဘူး... ဆိုင်တာက သူ့ညီမနဲ့.... သူ့ညီမက အစ်ဇယ်ဘယ်လာ... နယ်နယ်ရရမဟုတ်ဘူး ဆေးရုံတစ်ခုမှာ အလုပ်သင်ဆင်းနေတဲ့ ဆရာဝန်လောင်းလေး

သူတို့အလုပ်သင်တွေက အမြဲအလောင်းရင်ခွဲတာ ကြည့်ရတယ်

အစ်ဇယ်ဘယ်လာ... ဘယ်လာလို့လဲ ခေါ်တယ်... ဘယ်လ်လို့လဲ ခေါ်ကြတယ်

သူက သာမန်လူမဟုတ်ဘူး ထူးခြားတယ်ပြောရရင် သရဲမြင်နိုင်တယ်ဒါပေမယ့် သူက သူမြင်နေရတာတွေက တကယ်ရှိတယ်ဆိုတာ မယုံဘူး

တစ်နေ့အလောင်းတစ်လောင်းက သူ့ရှေ့မှာ အသက်ဝင်လာတယ်သူကတော့ ထင်ယောင်ထင်မှားဖြစ်တယ်ထင်တာပေါ့

နောက်တစ်နေ့ သူ့ကို ခြောက်တယ်
နောက်တစ်နေ့ သူ့ကို ဝင်ပူးတယ်
ဒီလို သရဲက သူ့နောက်အမြဲလိုက်နေတယ်
ဘာကြောင့်လိုက်နေတာလဲ
အဲ့သရဲမနောက်ကွယ်မှာ ဘာရှိနေလဲ

🎬 ဇာတ်ကားလင့် - https://t.me/BlueOceanChannel2/377

Vodka Diaries (2018)

ဒီဇာတ်လမ်းလေးက စိတ်ဝင်စားစရာဇာတ်လမ်းပါပဲ

အာရွှင်နီဆိုတဲ့ အေစီပီတစ်ယောက်ရယ်၊ ကဗျာဆရာမဇနီးရယ်၊ လူသတ်မှုတွေရယ်နဲ့ စိတ်ဝင်စားဖွယ်ဖြစ်အောင် တင်ပြထားပါတယ်

အေစီပီရဲ့ ဇနီးဟာ နူးညံ့တဲ့ အနုပညာကို ဝါသနာကြီးပြီး လင့်အပေါ် ဖျစ်ညှစ်ပြီး နားလည်ပေးနေရသူပါ

ဇာတ်လမ်းအစမှာ အေစီပီဟာ အပန်းဖြေခရီးတစ်ခုကို ကဗျာကြိုက်တဲ့ ဇနီးနဲ့ အတူ ထွက်လာခဲ့ပါတယ်

မကြာမီမှာပဲ အေစီပီဟာ လူသတ်မှုတစ်ခုကို ကိုင်တွယ်ခဲ့ရတယ်

အဲ့ဒီအမှုကို လိုက်ရင်း လူသတ်မှု သုံးခု ဆက်တုက် ဖြစ်ပွားခဲ့တယ်

အေစီပီအာရွှင်နီလည်း ဒီအမှုတွေကို ကိုင်တွယ်ရင်း လူသတ်မှုတွေကို ကြိုးကိုင်သူဆီက ဖုန်းခေါ်ဆိုမှု တစ်ခု ရရှိခဲ့ပါတယ်

၄င်းဟာ အမျိုးသမီးတစ်ဦး ဖြစ်ပြီး အေစီပီရဲ့ ဇနီးကိုလည်း ပြန်ပေးဆွဲခေါ်ယူသွားပြီဖြစ်ကြောင်း ခြိမ်းခြောက်ခဲ့ပါတယ်

ဒီလိုနဲ့ အေစီပီဟာ ဇနီးကိုဖမ်းခေါ်သွားတဲ့ လူသတ်မှုတွေရဲ့ တရားခံကို လိုက်ရှာရင်းသူစစ်ဆေးဆဲ အလောင်းတွေ ပျောက်ဆုံးသွားခဲ့ပါတယ်

ဖုန်းခေါ်ဆိုမှုတွေအရ သဲလွန်စတွေပေးရာမှာတော့

ဇာတ်ကားလင့် - https://t.me/BlueOceanChannel2/376

Rasuk (2018)

ဒီတစ်ခေါက်တော့ အင်ဒိုနီးရှားသရဲကားနဲ့မိတ်ဆက်ပေးပါ့မယ်.... ဒီကားက သရဲကားတော့ သရဲကားပဲ.. ဒါပေမယ့် ထူးခြားတယ်

ထူးခြားတာကဒီလို
ဒီသရဲကားက သရဲခြောက်တာ မဟုတ်ဘူး။ဝင်ပူးတာ
ပြောရရင် ခန္ဓာကိုယ်ကို အပိုင်စီးချင်တဲ့သရဲ

ဖြစ်ပျက်ကဒီလို
သူငယ်ချင်းလေးယောက်ရှိတယ်။ လန်ဂီရာ၊ အင်ဂရစ်၊ လင်တန်နဲ့ ဆက်ကာ.. လေးယောက်လုံးက သူဌေးသမီးတွေ။ သူဌေးသမီးတွေဆိုတဲ့အတိုင်း.... လင်တန့်ဦးလေးရဲ့ အပန်းဖြေအိမ်ကို camp သွားကြမယ်လုပ်တာပေါ့

အဲ့မှာ ဇာတ်လမ်းစတာပဲ... သူတို့သွားတဲ့နေရာက အပန်းဖြေစခန်း စဆောက်ကတည်းက အမျိုးမျိုးနှောင့်ယှက်ခံရတဲ့နေရာ

သူတို့ကတော့ မသိဘူး။ အဲ့တာနဲ့ သွားကြလေသတည်းပေါ့။ ဖြစ်ချင်တော့ တံတားကပျက်နေတော့ ကားကဖြတ်မရဘူး

အဲ့တာနဲ့ ခြေကျင်သွားတယ် စပြီဇာတ်လမ်း

အဲ့နေရာမှာ လွင့်မျောနေတဲ့ဝိညာဉ်က... အငြိုးကြီးတယ် ၊ အမုန်းတွေအပြည့်နဲ့.. ဝင်ပူးတဲ့ ဘယ်သူမဆိုရဲ့ အမုန်းတရားတွေကို နိုးထစေတယ်

သူတို့ လေးယောက် အဲ့ဝိညာဉ်ကို ရင်ဆိုင်နိုင်မလား
လေးယောက်စလုံး အသက်ရှင်နိုင်မလား
ဘယ်သူသေသွားမလဲ

🎬 ဇာတ်ကားလင့် - https://t.me/BlueOceanChannel2/375

Checkered Ninja 2 (2021)

Checkered Ninja ရဲ့ ဒုတိယကားလေး လာပါပြီ။အဲလက်စ်ကတော့ သူ့ရဲ့ နင်ဂျာရုပ်လေး ပျောက်သွားတယ်ပဲ ထင်နေခဲ့ပေမဲ့ လက်တွေ့မှာတော့ မီးရှိဖျက်ဆီးခံလိုက်ရပါပြီ။ သူတို မျက်မြင်သက်သေဖြစ်ခဲ့တဲ့ အမှုက ဗီလိန်ကလည်း သက်သေတွေ မခိုင်လုံတဲ့အတွက် အချုပ်ကနေ လွတ်လာတော့မှာပါ။အဲလက်စ်ကတော့ သူ့အမေကို နင်ဂျာရုပ်နဲ့ ဆင်တူ အရုပ်လေးတစ်ရုပ်ထိုးပေးဖို ပူဆာပါတော့တယ်ဒီလိုနဲ့ ဗီလိန်ကြီး ထောင်ဒဏ်ကို ရှောင်လွှနိုင်ခဲ့ပြီး လွတ်လာချိန်မှာတော့ …
အဲလက်စ်တို သူငယ်ချင်းတစ်သိုက် ဘယ်လိုရင်ဆိုင်ကြမလဲ ဆိုတာ ဇာတ်လမ်းလေးထဲ အတူတူ အဖြေရှာကြည့်ကြပါစို။

🎬 ဇာတ်ကားလင့် - https://t.me/BlueOceanChannel2/374

Badhaai Do (2021)

ဒီတစ်ခေါက်မှာတော့အိန္ဒိယဟာသကားလေးတစ်ကားကိုရွေးချယ်ထားပါတယ်
ဇာတ်လမ်းအကြောင်းအရာလေးကတော့ဆူမီနဲ့ ဆာဒူလ်ဟာဆိုရင်လိင်တူချင်းချစ်ကြိုက်တဲ့သူတွေဖြစ်ပေမယ့်
မိသားစုကိုဖွင့်ပြောမထားတဲ့အတွက် သူတို့နှစ်ယောက်လုံးရဲ့မိသားစုတွေက
သူတို့ကိုလက်ထပ်ပြီးမိသားစုထူထောင်ဖို့အမြဲတမ်းဖိအားပေးနေကြပါတယ်

တစ်နေ့မှာတော့ဆာဒူလ်တစ်ယောက်ဆူမီနဲ့တွေ့ပြီးတော့ သူတို့နှစ်ယောက်လုံးရဲ့ပြဿနာကို
ဖြေရှင်းနိုင်မယ့်နည်းလမ်းကိုစဉ်းစားမိသွားပါတယ် အဲ့ဒါကတော့သူတို့နှစ်ယောက်လက်ထပ်ဖို့ပါ မိသားစုတွေရဲ့
သံသယလည်းရှင်း နှစ်ယောက်လုံးလည်းကိုယ့်စိတ်ကြိုက်လွတ်လွတ်လပ်လပ်နေလို့ရနိုင်မယ့် တစ်ချက်ခုတ်နှစ်ချက်ပြတ်နည်းပေါ့
ဒါပေမယ့်ဆူမီတစ်ယောက်သူ့ချစ်သူကောင်မလေးရင်ဂျင်ကိုသူတို့နှစ်ယောက်အိမ်ကိုခေါ်လာတဲ့အချိန်မှာတော့
ပြဿနာတွေရှုပ်ထွေးကုန်ပါတော့တယ် ဆူမီနဲ့ဆာဒူလ်တို့နှစ်ယောက်လျှို့ဝှက်ချက်ကိုအဆုံးထိဖုံးကွယ်ထားနိုင်မှာလား
ဘယ်လိုပြဿနာတွေကြုံတွေ့ရဦးမှာလဲဆိုတာကိုတော့ဇာတ်လမ်းထဲမှာဆက်လက်စောင့်ကြည့်ပေးကြပါဦးနော်

🎬 ဇာတ်ကားလင့် - https://t.me/BlueOceanChannel2/373