(د.محمد القرقوري )Biochemistry

The owner of this channel has been inactive for the last 5 months. If they remain inactive for the next 8 days, they may lose their account and admin rights in this channel. The contents of the channel will remain accessible for all users.

🙏🏻🌸

جيتكم للوقفه بكرا حتدعمنا واجد بكل اللي يقدر يجي مايقصرش بالله مصيرنا ف يدينا توا وراه كل طالب ياثر مش تقولو مانجيش مش حناثر عادي بالله عليكم اخر فرصه استغلوها وديروا اللي عليكم

متنسوش بكرا الله يبارك فيكم مصيرنا واقف ع جيتكم بكرا

يوم الاربعاء الموافق 15/9 وقفه احتجاجيه حضاريه قدام مبني كلية الاسنان ف سيدي حسين الساعه 11 لل 12 تقيدو بالموعد رجاءً ، اليوم للاسف العدد كان شويه بكل 5 طلبه ، معقوله 86 طالب يبو التحميل ومايجيش منهم الا 5 بطلو انانيه راهو حضور كل طالب يفرق واجد ، حتي لو تعرفو اصحابكم مصفيين ويبو يدعموكم خلوهم يجو هي ساعه بس وروحو ساعه خلوهم يعرفو انهم ظلمونا واننا واثقين من انفسنا ومنبوش نعاودو سنه ع ماده ، راهو اخر فرصه لنا اقسم بالله حرام عليكم ع اخر فرصه حتغيبو وتضيعوها ع ارواحكم ، لو سمحتوا خوذو الموضوع بجديه وتعالو كلكم

الواضح ان الكلية ضربت بطلبنا عرض الحائط بما ان نزلت تجديد القيد يعني هكي تأكدنا ان رفضوا الطلب عشان هكي بكرة ضروري كللللنا نوقفوا وقفة جدية ونطلبوا حقنا مش حاجة مستحيلة ولا حاجة عمرها ما صارت سنة استثنائية والمفروض القرارات فيها استثنائية
#كلنا بكرة الساعة *11* نكونوا قدام الكلية ملتزمين بالكمامات والبالطوات والادب العام بس مش حنسكتوا علي حقنا

معقوله مفش الا 30 طالب بس من اصل 86 دزو !!!!

بالنسبه للاجتماع مع عميدة الكليه قدمنا الطلب ومزال مفش اي شيء واضح ان شاء الله خير وربي يعوض تعبنا خير ، الحاجه الاخرى اثناء الاجتماع في طالبين ( بدون ذكر اسماء ) خشو بدون اي اذن ع الاجتماع مع علمهم ان اجتماع كان مغلق ، ذوقيا متجيش خشتكم بدون اذن وحتي لما العميده قالت مفروض ماخشوش مزلتو قاعدين ، وياريت اضفتو شي للاجتماع مجرد ضيعتو وقت وخربتو الحوار بكلام ( عواطف ) مالهش اي فايده ، ياريت فالجديد تراعو الشي هذا لان ف الجديد لو خش حد بدون اذن حنطلب طرده احتراما للناس اللي تجرى ع الموضوع مايجيش حد مش فاهم ويخش هكي وخلاص

كلامي توا موجه للطلبة اللي في ثانية رسمياً مُساعدتك لغيرك وتصبايتك معاه مش حتنقص من مُعدلك ولا حتسبب في رسوبك ولا حياخذ حد من تعبك، الدفعة الكبيرة صح صعبة بس ربي رازق كل حد واللي تديره وتتعب فيه حتلقاه بس لما تساعد غيرك ربي حيسهل عليك ويوم اللي يصيرلك موقف محتاج فيه حد الكل حيوقف معاك عشان هكي بليز متقعدوش انانيين وسلبيين ساعة من عمركم حتفرق في عمر ناس واجد ملقتش حد يوقف معاها
*لايؤمن احدكم حتى يحب لأخيه مايحب لنفسه*
اما بالنسبة للطلبة اللي عندهم مادة تخصص هذا اليوم حيكون فارق كبير في حياتكم خلوا كل شي على جنب وتعالوا الساعتين هذين جيبوا اصحابكم حتى المصفيين صوت الجماعة مسموع وصوت الفرد مُهمش كل ماكان عدد كبير كل ما احسن
اهم شي يكون الكل ملتزم ب الادب والاجراءات الاحترازية مرات الموضوع يوصل للسوشيال ميديا ضروري يشوفوكم ناس مُتحضرة تستاهلوا ان يصبوا معاكم متهزوش ع الموضوع ارجوكم🙏🏻
وربي يوفق الجميع 🤍

مع بعضنا في الايام الصعبة قبل الايام الحلوة
كنا وحنقعدوا دُفعة وحدة مصبيين مع بعضنا لأخر لحظة
الناس اللي قاعدة تحكي في الكلام هذا مصفيين وخاشين ثانية بس محبينش نكونوا انانيين لان الظروف الصعبة اللي مرينا بيهن محد يقدر يحس بيهن الا نحن عشان هكي نحن معاكم ومش حنسيبوكم لعند اخر لحظة دفعة وحدة ويد وحدة ..
كلنا شفنا لما الدفعة كانت عندها كلمة وحدة كيف وصلوا لمُتطلباتهم كيف دُفعة اعداد *2002/2003* اللي لغوا امتحان القُبول
ودُفعة اعداد *2001|2002* اللي كانت اول دفعة تشيل مواد من الاعداد لأولى ودفعة 47 / 48 اللي اعترضوا على قرار عدم تحميل المواد للسنة الاخرى وتم الغائه
ودفعة 43 في انهم ينقلوا مادة من ثانية اسنان لثالثة اسنان ،
الكل وصل لحقه لأنها كانت سنة صعبة ع الجميع فعشان هكي حتى انتو لكم الحق ان يُعاد النظر في القرار في عدم تحميل مادة من مواد التخصص مع العلم ان الشيء هذا كان عادي في فترة النظام السابق ..
نحن اكثر دُفعة انظلمت راحت سنة بعد الثانوية اندمجنا مع الدُفعة اللي بعدنا امتحاناتنا كانت صعبة بكل في الاعداد وتصفية كبيرة في سنة اولى بنسبة نجاح اعتقد لأول مرة توصل للدرجة هذي ومفيش حد قدّرنا ولا حس بالظروف الصعبة اللي عشناهن من وباء ودراسة عن بعد في عز ازمة الكهرباء وسنة استثنايئة في كل شيء الا في انصافنا ..
عشان هكي ضروري يقعد عندنا وقفة جديّة للمُطالبة بإنصافنا وحقوقنا في سنة استثنائية زي هذي الكل مفروض يطالب بحقه ولو كان ناجح يطالب بحق اصحابه وحق اي حد تعب خلوكم عارفين ان الخير اللي تديره في غيرك حتلقاه قدامك زي ان متتمنش ان تعاود سنة كاملة من عمرك على مادة او اثنين ناقصتك فيهن كم درجة اكيد صعب غيرنا يصيرله شيء زي هكي !!
#ولهكي حيكون فيه ان شاء الله وقفة احتجاجية سلمية مُتحضرة قدام مبنى الكلية من #جميع طلبة الدفعة44 يوم الاثنين الساعة عشرة ونص صباحاً حتى ال ١٢ ظهراً ك مُحاولة اخيرة ان يُعاد النظر في حقنا وعمرنا اللي قاعد يضيع وكلنا ثقة ان عميدنا الدكتورة نجاة حتكون هي المُنصفة الأولى لنا ومش حترضى بالظلم اللي صار
واللي قاعد يصير.

هذا الطلب اللي حيتم تقديمه لعميدة الكلية بمطالب دفعتنا ( دفعة 44 ) ، ان شاء الله ربي يوفقنا ويسمعونا ويوافقو عليهن 🙏🏻

#من_الخاص
إعلان
جامعة دار البيان
كلية طب وجراحة الفم والأسنان
المتحصلة على الإعتماد المحلي والدولي
تعلن عن فتح باب التسجيل والقبول للعام الدراسي 2021/2022م
مع طاقم تدريس ذو كفاءة عالية من المتحصلين على الشهادات العليا من أبرز الجامعات العالمية
وقاعات دراسية ومعامل مجهزة أعلى جاهزية
للإستفسار عبر بريد الصفحة
📌جامعة دار البيان

قنوات سنة ثانية أسنان 💜🦷

⚪ Microbiology
https://t.me/Microalammari

⚪ Pharmacology
https://t.me/pharmaldaqwali

⚪ Remove
https://t.me/Removesalhan

⚪ Pathology
https://t.me/PathoDrMoataz

⚪ Cons
https://t.me/ConsDrSalhan

⚪ Fixed
https://t.me/FixedDrSalhan

⚪ Oral Histo
https://t.me/OralHistoDrFouad

⚪ Channel for Important news of study , PDF , and MCQ
https://t.me/Second_Yr_dentistry


من فضلكم إعادة توجيه الروابط للزملائكم لتعم الفائدة للجميع 🤗 و بالتوفيق 💜

قروب لريبيت الدفعه 44

https://t.me/joinchat/j2vKLji1dkFlNzRk

زميلتنا في كلية الطب البشري تعاني من مرض السرطان عافانا الله وكيف ما تعرفوا أنّ العلاج عن طريق جرعات كيماوية .
وهدي الجرعات سعرها غالي هلبا والدكتور واصفلها جرعة من تونس وبسبب ظروف الطالبة متقدرش إتكمل في العلاج لو قعد الأمر هكي .

وحرام متكملش فيه لأن المرض عافاكم الله في أول مراحلى يعني نسبة العلاج والشفاء كبيرة هلبا وإن شاء الله حتشفى وتتعالج .

يوم 8.10 عندها جلسة كيماوي
نحاولوا نساعدوها ولو بدينار ولو بدعاء
ومن حب إيساعدها.........
.................
التبرع حيكون في مصور الواضح في كلية الطب البشري جامعة طرابلس
واللي مايقدرش يمشي للكلية هادو ارقام أحمد أبوسبيحة يتواصل معاه
0927329137
0910999839

أسأل الله العظيم ربي عرش الكريم أن يشفيها ويخفف عليها وجع وألم كيماوي
ما نقص مال من صدقة....
من فرج علي مؤمن كربه من كرب الدنيا فرج الله عليه كربه من كرب يوم القيامة ......
قال صلي الله عليه وسلم(ياباغي الخير أقبل )
ربي يرفع عنا البلاء والوباء والأمراض

......الدال علي الخير كفعاله .........