بنفـسـج 💜🌿

ممكن ميجيلكش اللي انت عاوزه بس هيجيلك اللي انت تستحقه ممكن متوصلش لما تتعب بس توصل لما تكون جاهز ربنا مش هيبعتلك اللي بتتمناه بس هيبعتلك اللي انت محتاجه  إحنا بنعمل اللي علينا بس ربنا عالم إمتي وفين وازاي يعوضنا .

أنا محتاجه أحس ولو مره واحده في حياتي اني في المكان الصح ومرتاحه فيه ومطمنه من من غير ما أكون شاكه هو ده فعلا مكانى ولا لا .

‏مؤخراً بقيت اسايس نفسي علشان منهارش ، بتعامل مع عقلي على أنه عيل صغير وواخده على قد عقله وبفضل اقنعه بكل حاجة ممكن تخليه يتماسك ويكمل عشان مفيش حل تاني

‏إحساس الصدمة أوحش إحساس ممكن يعدي علي قلب إنسان، هتقعد شوية مش مستوعب وكأن محصلش حاجة هتنام وتقوم مستوعب كل حاجة و فجاة (إحساس مابعد الصدمة) هيسيطر عليك وبتدخل في نوبة اكتئاب و وجع قلب غير محتمل هتحاول تهرب منه بأي طريقة ومش هتعرف ف هترجع ل أوحش إحساس ممكن يعدي علي قلبك.

العِتاب ينفع لما يبقى في سوء تفاهُم، لما حد يقول لك كلمة تزعلك، لما تتفق مع حد على ميعاد ويتأخّر عليك .. لكن ما ينفعش تعاتب حد عشان داس عليك، ظلمك، أهانك، خانك! أصل هتعاتبه تقول له إيه؟ هتلومه مثلًا عشان هُنت عليه؟! لأ فوق كدا وبلاش تقلّل من نفسك .. كُل الخِلافات قابلة للعِتاب إلّا الأذى ما بنعاتبش عليه.

اللي بيحب حاجة مش بيضيّع فرصة ليها.. اللي بيحب حد مش بيأجل لقاء بيه.. اللي بيحب علاقته مع حد مش بيأخر فرصة صلح.. اللي بيحب حاجة بصدق بيخلقلها ١٠٠ فرصة
لو عايز تعرف مَعزِتك عند حد من غير ما تسأله.. شوفه مستعجل معاك ولا مستعد بسهولة يأجل

لما يحصل مشكله او خلاف بينك وبين اقرب ناس ليك وكل حاجه تبقي واضحه قدامك من اللي حواليك وتعرف حقيقتهم و ورقهم يبقي مكشوف هتفضل تندم علي كل حب وخير قدمته هتندم علي جدعتنك وطيبتك وعفويتك هتندم علي عمرك اللي ضاع معاهم هتندم علي كل حاجه كانت بجد ووقتها هتتمني لو انك فضلت زي مانت معمي مش شايف الحقيقه وهتقول يارتني فضلت شايف الحلو الحلو بس يارتني فضلت زي منا …

بصراحه انا بحب الشخص لما يكون بيحب البنت الي معاه في العلاقه يفضل يبين ده ويقول قد ايه هو بيحبها وانه دايب فيها من الاخر انما جو حب الصمت ده وان الناس متعرفش واصل الحساد ومش الحساد تحبه لخالتك مش البنت الي معاك🫀

متحاولش تغير م حد عشان يشبهك ولا تغير م نفسك عشان تشبه حد احنا اتخلقنا مختلفين عشان نكمل بعض مش عشان نبقا نسخه م بعض ، خليك مختلف بدون تصنع وبدون ما تزيف نفسك "

*‏أحنا محتاجين ناس حلوة في حياتنا، ناس بيحبونا بجد وفارق معاهم وجودنا لأنهم بيحسوا بغيابنا، ناس تشجعنا وتزقنا لقدام لو وقعنا، ناس تتقبلنا بڪل حاجة فينا، ناس مبيفرقش معاها مين اللي سأل الاول ومبيقفوش علي الواحدة، وشايفين إننا رقم واحد في حياتهم، احنا محتاجين ناس شبهنا في حياتنا""٠

‏مستني الأيام تعوضني عن كل فترة سببتلي أذى نفسي، وعن كل وقت كان تقيل وساب بصمة لحد الآن بحاول أمحيها، مستني العوض مهما طال، ومش بايدي غير إني أسعى واصبر.

‏أنا بحب الاهتمام جداً وأكتر حاجه ممكن تحببني في اي شخص إني أحس انه مهتم بيا،وبيسأل عن تفاصيل حياتي ويومي،الإهتمام بيخليني مبسوط ودايماً بحب الناس اللي بتعرف تخليني مبسوط معاهم،وفعلا أقرب طريق لقلبي هو الإهتمام،إنك تبينلي قد ايه انت مهتم بيا وبزعلي ومهتم تخليني مبسوط وفرحان.‏أنا بحب الاهتمام جداً وأكتر حاجه ممكن تحببني في اي شخص إني أحس انه مهتم بيا،وبيسأل عن تفاصيل حياتي ويومي،الإهتمام بيخليني مبسوط ودايماً بحب الناس اللي بتعرف تخليني مبسوط معاهم،وفعلا أقرب طريق لقلبي هو الإهتمام،إنك تبينلي قد ايه انت مهتم بيا وبزعلي ومهتم تخليني مبسوط وفرحان.

‏بحب كوني شخص غير مهتم ولا مستني حاجه من حد ولا حتي بقيت اتوقع حد يعمل عشاني حاجه مثلاً،اي حاجه هتقرفني عندي استعداد استغني عنها ف لحظه حتي لو روحي فيها،وبتجنب المشاكل و وجع الدماغ ومش عايز غير ان أعيش مرتاح منغير ضغوطات وحوارات.

‏بقيت حاسس إن نفسي مسدودة من الناس ومن حواراتهم، ومن المعافرة اللي بتبقى على الفاضي ومن الروتين اللي بعيشه بشكل يومي، حاجات كتير حصلت استنفزت طاقتي على الفاضي وخلتني فعلًا ماليش نفس لأي حاجة ولا مستني حاجة.. فبقيت ساكت أغلب الوقت لإن اللي جوايا أكبر بكتير من اني احكيه .

‏عشمان فى عوض ربنا، عشمان انه يعوضنى عن كل حاجه كان نفسى فيها ومحصلتش، عشمان انه يبعتلى فرحه من عندة تخلينى انسى اى الم مريت بيه، اتعشمو فى ربنا واطمعو فى كرمه ياجماعه وعمرة ما هيخذلكم، انه على كل شئ قدير👱

‏انا نفسى تحصلى معجزه بجد ،مش معجزه اوى بس نفسى جدا اجرب احساس انى اتنطط من الفرحه بحاجه مكنتش أتوقع إنها تحصل ، او إنى اروح اصلى وانا بعيط من "الفرحه" ان ربنا استجابلى ، اكيد احساس حلو وان شاء الله اجربه فى يوم من الايام .

‏علاقاتى بقت سطحيه بكل حاجه حرفياً ومبقتش بحاول اعرف اى حاجه برا حياتى او متخصنيش، ولا بقيت بحب ادخل نفسى فى حوارات انا مش طرف فيها وحتى مبقتش مهتم اسمع اى اخبار بتحصل حواليا، علاقتى بحد ممكن تبقى قويه وتانى يوم الاقيها بقت سطحيه جدا، لا بلوم حد ولا عايز حد يلومنى و فحالي جداً ..

‏إنه حد يحبك أو يختارك عشان تبقى معاه دا مش إعجاز ولا دا أهم حاجة فى علاقته بيك الأهم من كده إنه يختارك فى كل شيء إنه يفضل متمسك بيك مع مرور الوقت ،الأهم من كلمة بحبك الأفعال اللى تثبتلك مدى حبه ليك إنه يبقى حاطك فى كفه والعالم فى كفه وكفتك تكسب فى كل الأحوال لكونك الأهم فى حياته.

لن يستطيعَ الفشل أن يلمسكَ،
طالما ثقتكَ بنفسكَ أكبرَ من خوفكَ من الفشل