Bassant Samir 🩵🌿

‏"أُحِب كثرة الصلاة على النبي عليه الصلاة والسلام في كل حال، وأنا في يوم الجمعة وليلتها أشدُّ استحبابًا."

-الإمام الشافعي رحمه الله.

"أهدهد نفسي بقول د.أحمد عبد المنعم "العشوائية أفضل من التوقف."

ويُذهِب عني جلد الذات قول الشيخ ناجي: "تروح وتيجي لله، العلم والفهم دول فتوح من الله، تيجي أو لأ.. مش بتاعتك."

ويقلقني قول د.هدى: "حطّ المِزاج على الرف وقوم من النوم شوية.. مسيرنا ننام النومة الأبدية."

وأتصبر بقول أ. بدر آل مرعي: "من خير النِعم، أن يؤتى الإنسان قلبًا لا تُعطلُه الأحزان عن السَّعي"

وأستبشر لقول م.أيمن: "سقف الممكن مذهل."

-لكاتبها.

عشان كدا مهم أوي تنظم وقتك صح وتحاول على قد ماتقدر تمشي بالقاعدة دي في يومك.

ولو بتشتغل أكتر من 8 ساعات فأنت للأسف هتضطر تقسم ال 6 ساعات الباقيين ل 3 و 3، أو الأربع ساعات ل 2 و 2.

بس أيًا يكن، أنت في كل الحالات بتسعى وبتحاول وبإذن الله ربنا مش هيضيع تعبك.

وربنا يعين ويرزق كل شخص بيشتغل أكتر ومعظم وقته في الشغل بفرصة أفضل وأكتر راحة.

بالتوفيق 👏🏻🤎

#Bassant_Samir. ✍🏻

نيجي بقى لتالت 8 ساعات

دول أهم 8 ساعات خلال يومك، لأن خلال ال 8 ساعات دول هتشتغل على مستقبلك ونفسك 🤎

عاوز تقسمهم 4و 4 يكون أفضل 👌🏻

4 ساعات ⬅️ للصلاة، للأكل والشرب، المواصلات، عيلتك، أصحابك، كل ده لازم تلمه خلال الأربع ساعات الأولى.

الأربع ساعات الباقيين

⬅️ هتشتغل فيهم على المستقبل بتاعك، سواء في الكارير بتاعك أو تطوير نفسك شخصيًا

طب وليه اتطور نفسي م أنا بشتغل وشغل كويس؟

أنت لو اكتفيت بشغلك بس وتطوير نفسك فيه هتبقى من أحسن الناس في الحته اللي أنت بتعملها بس!

إنما مع الأربع ساعات دول، أنت بتطور نفسك في مهارات تانيه وبتكتسب خبرات أكتر في مجالات مختلفة.

فبالتالي أنت بتشتغل على نفسك يومياً وفي نفس الوقت بتختصر عليك سنين كتير، فبدل ماتكون سينيور في الشغل بتاعك، أنت ممكن في ربع الوقت اللي قضيته في الشغل تكون مدير.

أو بفرصك ومهاراتك اللي اتعلمتها، فتحت لنفسك فرصة أكبر في شغلك وبقيت مرتاح أكتر وبمرتب أعلى.

تاني 8 ساعات غالبًا بتكون 8 ساعات النوم

في كتير بينام أقل أو أكتر، لكن هنقول في الوسط كله بينام 8 ساعات، وده عدد كافي أوي عشان جسمك وعقلك يرتاح فيه 👌🏻

ازاي تنظم وقتك وإنتاجيتك بشكل سليم خلال اليوم 👌🏻🤎

بما إن أغلبنا بيعاني من التشتت وقلة الإنتاجية في حياته، ففي قاعدة مهمة أوي هتفرق معاك جدًا لو طبقتها صح.

من أيام سمعت فيديو لكريم حنفي لخص قاعدة تنظيم الوقت بشكل بسيط وجميل 👏🏻

وهي قاعدة الثلاث ٨ (٨ ٨ ٨)

ازاي تطبق القاعدة؟

ال 24 ساعة بتوع يومك هتقسمهم على تلات ٨

أول 8 ساعات أغلبنا بيكون مجبر عليهم سواء في

- شغل
- شغل البيت
- دراسة ومذاكرة
ـ مشاوير، أيًا كان

المهم خلال ال 8 ساعات دول حاول على قد ما تقدر تخلص كل تاسكات وشغل اليوم خلالهم، ولو بتشتغل كويس وعندك قدرة تخلصهم خلال نص الوقت يبقى كويس جدًا.

والوقت الباقي ده تستغله في تطوير نفسك، على سبيل المثال:-

طور نفسك في شغلك اللي شغال فيه ومتابعة كل التحديثات فيه.

تطوير نفسك في دراستك والمذاكرة أول بأول والمراجعة على القديم.

ولو في شغل البيت جهزي كمية كبيرة من حاجات دايمًا بتحتاجيها وتخزنيها هتوفر عليكي كتير.

لو خيروني من سنين فاتت أدخل السوشيال ميديا ولا لا، فهختار مليون في المئة لا!

السوشيال مش مصدر عشان تشارك فيها كل حاجة ❌

حاول تخلي السوشيال بالنسبالك مجرد شغل تكسب منه، يعني بدل ما تضيع وقتك عليها وحياتك وتشارك تفاصيل التفاصيل عليها!

خليها وسيلة شغل أنت بتستفيد منها، مش هيا ➡️

- استغلها في كورس تتعلمه.
- ناس تتابعها بتستفاد منها.
- معلومات ومحتوى هادف بتشوفه.

مش أي كلام يتقال لازم تسمعه وتدخله دماغك!🧍🏻

اتعلم تفكر وتشوف الكلام ده مناسب ليك ولا لأ، خاصة في أمور الدين والطب وأي حاجة ممكن تضر حياتك وعقيدتك.

اتعلم ابحث عن المعلومة ومتطبقهاش على نفسك وحياتك غير لما تتأكد منها سواء بالقرآن أو السنة أو العلم.✔️❤️

لأن للأسف حوالينا كتير دلوقت مجرد محتوى فقط، مش بغلط فيهم، لكن من حقك يكون ليك تفكيرك الخاص.

ومش مجرد أفكار بوستات تضرب بكل معتقداتك الأرض ❌

إلا لو تأكدت فعلًا إن أفعالك وتفكيرك ده غلط!

وقتها أنت محتاج تقوِّم تفكيرك وأفعالك 👌🏻🌸

فحاول على قد ما تقدر ميبقاش يومك كله عليها وحياتك ومعلوماتك تاخدها منها بس.

عندنا قرآن، عندنا دين وسنة وعبادات، عندنا كتب، عندنا حياة طبيعية، يوم هادي وبسيط تعيشه بدون ضغط، عندنا طبيعة وجو وكون نستمتع ونتدبر فيه. 🌸🍀

وحاجات كتير تقدر تعيش بها حياتك بكل راحة بعيدًا عن السوشيال اللي بتضيع عليها الـ 24 ساعة في يومك.

لو عرفت أضرارها وما وراء كل ده من تأثيرات، وموسيقى، ترددات بتأثر على عقلنا وبتأذي صحتنا، محتوى بيأثر علينا بالسلب، هنقفل سوشيال خالص.

فحافظ على وقتك وركز أنت بتسمع ايه وبتعمل ايه يوميًا؛ لأنك هتُسأل عن عمرك فيما أفنيته وعن شبابك فيما أبليته، فخليك جاهز للسؤال 🤍👌🏻

#Bassant_Samir. ✍🏻

مش لازم كل بداية تكون مثالية 👌🏻

سنة جديدة، شهر جديد، ساعة معينة، مش لازم تستنى أي وقت من دول عشان تخطط وتبدأ، ابدأ في أي وقت حتى لو اللحظة دي، المهم استمراريتك وخطواتك اللي بتاخدها عشان تحقق أهدافك.

على سبيل المثال اللحظة والوقت اللي بنتكلم فيه ده، مش ممكن تكون اللحظة دي هي البداية لانطلاقك 🫡🤎

قوم واسعى ✔️

فلن تنال فوزًا وعزًا بالتمني، فلا تكن كسولًا .. ولا تقل لو أني! 💁🏻‍♀️

#Bassant_Samir.

مهما كثرت الإنجازات من حولك فيبقى الإنجاز الأكبر والأسمى هو ترويض النفس والبعد عن المعاصي 👌🏻♥️

مش لازم تستنى أول السنة عشان تبدأ، أنت كل يوم المفروض يكون بداية جديدة ليك 🤎

من اللحظة دي، لو عاوز فرصة جديدة وتبدأ حياتك صح وفرصك تكون أفضل؛ حافظ على ال 6 حاجات دول في يومك ✔️♥️


1️⃣ حفظ وتدبر القرآن الكريم، خصص ولو 5 آيات يومياً وِرد ليك 🤎

2️⃣ الحفاظ على فروضك اليومية، ولو انتكست أو قصرت ارجع وتوب، لأن من الآخر مفيش مفر لنا غير الله.

• احنا هنا بنلهو وناسيين أهم سبب جايين الدنيا عشانه وهو عبادة الله وعمارة الأرض عشان في الآخر ندخل الجنة ونعيش سعداء مطمئنين متمتعين بكل كنوز الدنيا والأرض وبالقرب من الله ورسوله وكل أحبابنا.

• فروضك كلها لو صليتها بخشوع هتاخد منك 35 دقيقة، يعني مش حاجة مقارنة بقعدتك طول اليوم على السوشيال ❌

3️⃣ خصص وقت لسماع بودكاست مفيد ومثمر، حقيقي البودكاست كنز تعليمي وعلمي وديني ومهاري وكل مايخطر على بالك، فنص ساعة يوميًا تسمع بودكاست مش هيضرك بشيء.

4️⃣ الوقت اللي بتقضيه اسكرول على السوشيال في سماع ريلز تافه وغير هادف، استغله في سماع حلقات يوتيوب سواء لكورس معين عاوز تسمعه من زمان، بودكاست عاوز تخلصه، تلخيصات كتب مفيدة، إلخ ...

5️⃣ التخطيط والتنظيم 📝

• خطط لحياتك ويومك بكرا عاوزه يمشي ازاي، وهتبدئه وهتنهيه بايه، لو معلملتش كدا للأسف أنت هتقضي نفس اليوم اللي بقالك سنة بتعيده بدون أي هدف في حياتك!

• توكل على الله ومن بليل تجهز أنت عاوز تعمل ايه بكرا، عاوز تستفاد من يومك ازاي، ايه الأهداف اللي عاوز تشتغل عليها، هتطور من نفسك ازاي، ازاي تلاقي فرص أفضل، وايه اللي عاوز تحسنه وتغيره في حياتك.

6️⃣ القراءة 📚

• أنت لو مش بتقرأ فأنت دماغك فاضيه حرفيًا، اتعلم اقرأ وزود معلوماتك، خليك إنسان مثقف ومُلم بكل حاجة حواليك.

• القراءة بتخليك واثق من نفسك وعندك حصيلة معلومات كبيرة وبتخلي مخك شغال باستمرار، أنت كل يوم بتدخل لمخك معلومات وبتفكر في ايه المناسب معاك وكمان بتشغل وقتك في حاجة مفيدة.

• كمان لو بصيت على أي شخص حواليك بتتابعه وتستفاد منه، لو سألته بتجيب كل ده منين أو بتعمل ايه، 100% هيقولولك مخصصين وقت للقراءة سواء في مجالاتهم أو مجالات بيستفادوا منها أو عامة عشان ينتجوا أفكار ومحتوى أكتر.

• فاقرأ ووسع مداركك واطلع على الأقل من يومك بحاجة مفيدة 💯

✔️ وافتكر دايمًا أنك جاي الدنيا تسعى وجاي لهدف معين، فمتضيعش حياتك كلها في ندم على فشل أو حلم أو أي كان اللي راح منك، استودع الله نفسك وأحلامك وسعيك، وقوم حاول من تاني واسعى أنك تغير حياتك ولو بزيرو إمكانيات وملكش دعوة هتتدبر ازاي، أنت عليك السعي وفقط، وخد النية أنك هتبدأ مع الله فمفيش أمان أكتر من كدا.

بالتوفيق 👏🏻🤎

#Bassant_Samir.

"وفي السماء رزقكم وما توعدون"
مش هتروح منك ولا هتضيع عليك، ربنا الرزاق ورزقك محفوظ ولو في بطن الحوت وهييجي في معاده المناسب. 🤎

🤎.

المشكلة الوحيدة اللي هتلاقيها عائق كبير في حياتك هي بُعدك عن ربنا وعباداتك

مهما كنت مبسوط في حياتك ومهما كان رزقك وأنك بتُرزق رغم أنك مش بتصلي!

ده في حد ذاته مطب كبير في الطريق بيهيألك إن الطريق تمام من غير ربنا والدنيا فل، لكن في الحقيقة،

أنت حاسس بكمية ضيق وخنقة، عدم انبساط، اكتئاب، خمول، كسل، مفيش جديد وتغيير في حياتك، ومُنشغل بمُلهيات الدنيا الكتير.

(وده أكبر عقاب ليك الانشغال عن الله)

ادعي دايمًا ربنا يرزقك القرب منه لو بعيد بقالك سنين، ادعي يهديك ويغفرلك لو بتذنب وبتنتكس كتير، ادعي يرزقك لو رزقك قليل، ادعي يوسع عليك وعلى أهل بيتك، ادعي يرزقك المعرفة والعلم، ادعي يهديلك نفسك وقلبك ويغفرلك ذلاتك وذنوبك. 🤍🌿

مفيش غير الدعاء والصلاة والأذكار والقرب من ربنا اللي هينفعك في الدنيا دي والله.

مهما كانت مُغريات ومُلهيات الحياة يبقى القرب من الله والحفاظ على صلاته وعباداته هو الهدف الأكبر من هذه الحياة 🩶

وأنت في وسط معركة الحياة كل يوم، متنساش أنك جاي اختبار للدنيا، بايدك تختار جنة ولا نار؟

يارب اجعلنا من عبادك الصالحين القانتين وممن رضيت عنهم وارضيتهم يالله. 🤎🍂

#Bassant_Samir. ✍🏻

«من لم يُجاهِد نفسَه وقتَ الصِبا
ضَـاعَـت عـلـيـهِ مَـراتِبُ الأَخـيارِ» 🤎

- دفعة البشائر

وأخيرًا افتكر إن سعيك ومحاولاتك لتغيير نفسك كلها هتكلل بنجاح في النهاية مهما اتأخر نتيجة السعي ده، مش شرط تاخده في نفس المكان اللي سعيت فيه لكن هتتجازي عليه وربنا هيكرمك ويعوضك👌🏻

بالتوفيق 🌿

#Bassant_Samir. ✍🏻

⬅️ كون عادات جديدة في حياتك تساعدك تكون إنسان أكثر إنتاجية وتفاعل مع الآخرين والبيئة المحيطة حواليك زي:-

عادة الإمتنان
عادة الصحيان بدري
عادة قراءة الأذكار في الصباح والمساء
عادة التأمل والتدبر
عادة الحمد لله بعد كل خير وشر.

كون عادات صحية تساعدك تكون إنسان جديد من جواك فاهم قيمة كل وقت من عمره ومُدرك للنعم اللي في حياته 🤍🌸

⬅️ اتعلم لغة سواء كان بغرض الدراسة أو السفر أو تطوير مستواك عموماً خاصة الإنجليزي.

عندك شهرين يعني 60 يوم، واليوم في 24 ساعة، لو نص ساعة يومياً تطور من لغتك وتحفظ معدل كلمات جديدة، تسمع بودكاست وتطور من طريقة نطقك، تقرأ كتب ثنائية اللغة تساعدك، تاخد كورس ما، ...

كل ده هينقل مستواك من A1 ل C2 مش بالسرعة دي أينعم 😂 ولكن بالتحفيز وتشجيع النفس والاستمرارية تقدر تعمل كل حاجة.

⬅️ القراءة

اقرأ في كل المجالات وثقف نفسك حتى لو أساسيات فقط في كل مجال، لكن على الأقل يكون عقلك مدرك ومُلم بكل جديد وآخر التطورات.

القراءة مش مجرد ورق ووقت فراغ وممارسة هواية، القراءة تقدر تتعلم منها مهارات، عادات، أمور دينك، وأمور تانية كتير أنت في حاجة ليها هتتعلمها وتكتشفها من خلال القراءة 🥰

⬅️ التخطيط لجوانب حياتك

شوف خلال ال 10 شهور دول هل وزانت أمورك بين كل جوانب حياتك ولا نو إنتاج في أي جانب.

ابدأ قسم الشهرين دول يعني عندك 8 أسابيع كل أسبوع تمسك جانب من حياتك وتِقَوم سلوكك وعاداتك فيه.

هل أنت راضي عن الجانب ده من حياتك؟
هل محتاج تعدل وتضيف ليه؟
هل اشتغلت على جانب واحد بس وأهملت الباقي؟

وتبدأ تشوف كل جانب محتاج منك ايه، وتكتب ده على ورقة عشان تقيم نفسك من خلاله وترجعله نهاية الأسبوع ⏳

⬅️ اخرج من منطقة الراحة والكسل والتسويف

ولو يومياً لمدة 5 دقائق هتقرأ صفحة، هتحفظ آية واحدة، هتسمع بودكاست المدة القليلة دي، جزء من حلقة يوتيوب هادفة، هتتعلم معلومة واحدة مفيدة، ..

أي حاجة مفيدة تغير بيها من يومك وراحتك المعتادة وتساعدك تخرج من منطقة الراحة بأمان ✔️

⬅️ تعلم مهارة من مهارات العمل الحر تقدر تكون مصدر دخل ليك بعدين زي

- كتابة المحتوى
- الجرافيك ديزاين
- البرمجة
- المونتاج
- التسويق الالكتروني

كل مهارة من دي بتبحث عليها على اليوتيوب وبعد م تاخد عنها نبذة

في لكل مهارة من دول جروبات كتير على الفيس، تقدر تسأل تتدرب عليها ازاي أو تطوع في أي مجال منهم وتدرب عليها بشكل عملي، أو تاخد كورسات مدفوعة فيها لو متاح 🚶🏻‍♀️

⬅️ استثمر وقتك ونفسك في تعلم واكتساب مهارات شخصية وعلمية تفيدك في حياتك وتساعدك على تغييرك للأفضل زي:

مهارات ال soft skills
التعامل مع ال ai
التعامل مع برامج الأوفيس
مهارة إدارة وتنظيم الوقت
مهارة التخطيط
مهارة التعلم مش التعليم
(كورس تعلم كيف تتعلم على اليوتيوب أرشحه ليك وبشدة)

⬅️ حفظ وتدبر القرآن الكريم، خلال الشهرين دول ممكن تدخل تحدي مع نفسك وتحفظ سورة البقرة، وفي دورات كتير بيتم فيها حفظ وتدبر سور القرآن الكريم زي دورات الشيخ علاء حامد

⬅️ سماع البودكاست

خصص ولو 10 دقايق يومياً تسمع فيهم سلاسل بودكاست مفيدة سواء في الدين أو في أي مجال تاني أنت محتاج تفقه نفسك أكتر فيه 🌸

حاجات تستثمر فيها وقتك آخر شهرين من السنة ♥️

تابع الصور 👇🏻🔥

حاجات لازم تعملها قبل ما تنتهي 2024 📌✔️

كنت قرأت من فترة بوست لميرا سمير حقيقي رائع، جزاها الله كل خير ❤️

كانت بتتكلم عن الدوبامين وإن كدا كدا احنا محتاجينه، فابدل ما تاخده من محتوى تافه وفقير، جرب تاخده من محتوى هادف يفيدك وكمان تقوي بيه معرفتك ومعلوماتك أكتر.

والحقيقة البوست ده لفت نظري لحاجات كتير! 🌿❤️

- احنا حوالينا كمية هائلة من الدوبامين الصحي، ولكن من استسهالنا مع نفسنا، مبقيناش حتى عاوزين نستفيد ونعرف ايه صحي لينا وايه لا؟

لو جربت مرة بدل ما تسمع تيك توك لمحتوى تافه وناس مش بتستفاد منها!

🔝 تجرب تتابع ناس بتقدم محتوى وبتقدملك قيمة تستفاد منها.

🔝 تقرأ كتب مفيدة بدل قعدتك على السوشيال ميديا من غير أي هدف.

تسمع بودكاست، تشوف فيديوهات مفيدة، تشترك في دورات مع ناس صالحة تاخد بإيدك. 🤎

- بلاش كل ده، خد دوبامين صحي:

🔝 من قعدتك مع نفسك وتقويمها وتهذيبها.

🔝 من قراءتك للقرآن الكريم والتدبر في معانيه.

🔝 من تفقهك في أمور دينك والسيرة النبوية للرسول عليه الصلاة والسلام.

🔝 من أنك تراجع نفسك وعلاقتك بربنا وعباداتك وتتوب وترجع إلى الله. 🤍

🔝 من استمتاعك بالطبيعة والتفكر والتدبر في خلق الله وعظمته سبحانه وتعالى.

🔝 من المشي في جو هادي وأنك تفصل دماغك شوية عن أي طاقة سلبية حواليك.

🔝 من قعدتك مع أهلك وناس بتحبها.

🔝 من تطوير نفسك ومهاراتك عشان تحصل على الفرصة اللي بتتمناها.

- كل ده تقدر تدخله لنفسك وخلايا مخك وشوف تأثير ده على صحتك العقلية والنفسية. 🌿❤️

✅ لو بطلنا نشتكي مش عارفين نبدأ وأرجع لنفسي ازاي؟ ورميت نفسك في أي حاجة مفيدة حواليك.

🔝 هتلاقي نفسك واحدة واحدة بقيت عارف أنت عاوز ايه من الحياة، وايه أهدافك وفهمت نفسك وعرفت تحجمها.

- جرب، التجربة مش هتخسرك حاجة بالعكس أنت لازم تجرب عشان توصل وتعرف نفسك أكتر وأنت مميز في ايه!

🔝 ولو لسه واقف عند نقطة الزيرو، ابدأ وخلي التحدي الأكبر بالنسبالك، أنك تطلع من أخر 3 شهور في السنة على الأقل كسبان نفسك وأنك حاولت.

- وطالما حاولت يبقى بإذن الله هتوصل لنفسك ومسار حياتك اللي بتتمناه، وهتفهم احنا جايين الدنيا ليه.

دمتم بخير 🌼

#Bassant_Samir. ✍🏻

أحيانًا تفكيرك في ده حصل ليه أو ليه محصلش كذا بيرجعك لورا مليون خطوة ⬇️

الحمد لله دائمًا وأبدًا على كل حال، بس لازم الإنسان يكون مُتيقن إن في أمور في حياته مش هينفع تفكر فيها وليه حصلت!

هي كدا حكمتها، مش هتعرفها دلوقت ممكن تعرفها قدام أو ممكن متعرفهاش خالص غير لما نقابل وجه كريم.

وبالتالي بتُحكم عليها وشايفها في نظرك شر، لكن يا عالم بكرا أمورك تكون ايه، وحياتك هتمشي ازاي؟

ثقتك في حكمة ربنا حتى وأنت مش عارف ليه وايه المغزى؟

ده في حد ذاته أقوى درجات الإيمان والصبر 🤍

ما علينا غير نوكل أمورنا ونستعين بالله ونثق في حكمة كل شيء مهما كانت خير أو شر والأهم دايمًا ندعي يقربنا إليه ويثبت قلوبنا على دينه وطاعته 🍂

الله المستعان ودائمًا ادعي:

"يا حي يا قيوم برحمتك أستغيث، أصلح لي شأني كله ولا تكلني إلى نفسي طرفة عين"

#Bassant_Samir. ✍🏻

اللي بيسعى في اتجاهين شاطر
واللي بيسعى في تلاته جامد
واللي بيسعى في اربعه مبدع
واللي بيسعى في خمسه عظيم

اللي بيسعى في اكتر من طريق ده مش مشتت، ده انسان طموح وبيحب الحركة والتغيير
اللي بيسعى في اكتر من اتجاه هو اللي بيعرف يطور من نفسه ويطلع بأفكار ابداعيه وبيخلق حلول لمشاكل!

اللي بيسعى في اكتر من طريق عمره ما هيضيع لأنه دايماً بيلاقي طريق، وده مش بس شطارة منه، ده لأن ربنا مابيضيعش تعب حد

ربنا بيحب المجتهدين واللي بيسعى عموماً، فكونك بتسعى وبتتعب وشغال على نفسك اياك تفكر انه بيروح عالفاضي .. كله بحسابه عند ربنا♥️

كمل ومع الوقت هتعرف معنى كلامي ♥️

- منقول

عود نفسك كل صباح أن تقول:

"استودعُ الله الذي لا تضيع ودائعه
ديني ونفسي وأمانتي وخواتيم عملي
وأبنائي وأهلي وأحبتي وبيتي ومالي وجميع ما أنعم الله به عليّ"

"اللهم جملني بقلب رحيم وعقل حكيم ونفس صبورة، اللهم اجعل بسمتي عادة وحديثي عبادة وحياتي سعادة وخاتمتي شهادة".

صباحكم دعوة مستجابة بإذن بالله 💚🙏

# إذاعة القرآن الكريم من القاهرة

صباح يوم جديد 🌿
صلاة الفجر تبدأ بيها يومك
أذكارك حصنك طول اليوم
قعدتك الحلوة مع فنجانك وفطارك ☕
وكتاب معجزة الصباح📚
ال To do list بتاعتك تنظم بيها يومك وأفكارك
وعلى الدنيا السلام ي عزيزي.

- دوبامين

#Bassant_Samir. ✍️

صلاة الفجر 🤎

فأعظم لذة في الدنيا هي سجدة في ظلمة الليل لايعلم بها إلا الله تناجي ربك وتسكب عبرتك بين يدي خالقك 🕌

اللهم إنا نعوذ بك من ضيق الحياة وفواجع القدر ومن هموم عابرة ومن كل بلاءٍ وسوءٍ وشرٍ 🤎🍂

اهتم بنفسك 🫰🤎

دكتور إبراهيم الفقي لخص كل ده في كلام جميل ومعبر جداً، قال مع الوقت بنمر بحاجات صعبة بس الأصعب أنك توقف حياتك عندها سواء كان شغل أو علاقة.

و بعدين مع الوقت لما تبص وراك هتقول إن ده كان الأحسن وكان لازم يحصل، كان لازم تخلص من العلاقة دي، كان لازم تسيب الشغل ده، لأن كده أفضلك. 👌

لأنك لو مكنتش عملت كده كان هيكون الوقت والوجع أصعب رغم أنك شايف أنك بيهم كويس، بس العكس كده أنت من جواك بتتنازل وتعبان بس مش راضي تعترف.

لكن الناس لما بتقع بتفضل جوه الفجوة وماشي فيها ومش عارف تخرج عشان كده لازم تنفصل، أنفصل إزاي؟ 🤔

قول يارب واستعين بالله ووكله في كل أمورك وارضى بنصيبك. 🤍

وبعدين من هنا تبدأ تشوف نفسك وأهدافك وايه اللي بيحمسك، أنت فين أهدافك، اخر مرة عملت إنجاز امتى؟

ايه اخر مرة شفت حد يهمك؟
ايه اخر مرة عملت حاجة تهمك؟
ايه اخر مرة كبرت فيها؟
ايه اخر مرة حصلك نمو فيها؟

لو ولا حاجة من دول، متزعلش أنك طبيعي هتكون مكتئب وطول الوقت مش عارف مالك. 🥲

لازم تعرف وتكون مُتيقن إن الرزق جاي جاي إن شاء الله، ربنا وعدك بيه، ووزعه من زمان، فأنت خايف من ايه.

لما يجي أنت تكون جاهز نفسياً، معنوياً، صحياً، صحتك أحسن، وده ازاي؟

بأنك مش لما تقع في حاجه تفضل فيها، أنت لازم تنفصل وتعيش حياتك ومتتأثرش حياتك كلها لمجرد إن حاجة واحدة حصلتلك، طب ايه علاقة الباقي؟

ده شغل ودي علاقة 🙅🏻‍♀️

لازم تنفصل من جوه الحفرة اللي مش عارف تخرج منها وتقول يارب، وتُدرك إن ده الخير، والرزق جيلك إن شاء الله بس وقت مايجي لازم أنت اللي تكون جاهز. 🤝

مش يجي وأنت لسه مش حاسس بالنعم اللي حواليك ولسه رامي نفسك في الماضي، لسه حابس نفسك جوه حاجة واحدة حصلتلك وسايب بقيت حياتك.

فوق واهتم بنفسك لأنها تستاهل، وشوف آخر مرة امتى أنت عملت إنجاز لنفسك واهتميت بحاجة تهمك؟

دمتم 🌼

#Bassant_Samir.

يجعل الله الهموم مقدمات لنعم مخبوئة، مازلت أؤمن بأنها مهما ضاقت فهي في النهاية ستفرج من حيث لا تحتسب، وبأن العسر حتمًا سيتبعه يُسر، وأن البلاء لا يأتي دون لطف، وأن الصبر مهما طال سيتبعه جبر. 🤎

- الرافعي

"عارفين يعني إيه "اللهُم ردّني إليك ردًا جميلًا" !!؟؟

الرد الجميل إن ربنا يردك إليه بلُطف، من غير ابتلاء
إنك ترجع لربنا من غير ما تجرك المصائب إليه جرًا.

فيه دعوتين حلوين أوي كمان بنفس المعنى :

"اللهُم خُذ بأيدينا إليك بالعطاء ولا تأخذ بأيدينا إليك بالبلاء".

"اللهُم اجعلنا عبيد إحسان ولا تجعلنا عبيد امتحان".

- منقول

بداية سنة هجرية جديدة 🌙

كل عام وأنتم بخير جميعًا ♥️🌿

ويارب تكون سنة مليئة بكل الخير والتوفيق والرضا علينا يارب العالمين والنصر والفرج لإخواتنا قريبًا بإذن الله. 🤍

غُرة شهر الله المحرم١٤٤٦هـ

دعاء 🌙رؤية الهلال:

«اللَّهُ أَكْبَرُ، اللَّهُمَّ أَهِلَّهُ عَلَيْنَا بِالأمْنِ والِإيْمَـانِ، وَالسَّلامَةِ وَالإِسْلامِ، وَالتَّوْفِيْقِ لِـمَـا تُحِبُّ رَبَّنَا وَتَرْضَى، رَبُّنَا ورَبُّكَ اللَّهُ».

#أحيي_سنة 🌖
#شهر_الله_المحرم

بوست جديد في سلسلة تعلم المهارات في مجال الجرافيك ديزاين، حقيقي فيه مجهود كبير وفيه كمية استفادة كبيرة مش عشان أنا كتباه لكن عن تجربة بجد 👌🏻♥️

شاركونا برأيكم في الكومنتات لو عندكم أي سؤال.

ناس ممكن تقول مش بنزلها هنا ليه عشان التليغرام مش بيكتب كمية الكلمات دي ولو بعتهم هنا هبعتهم ورا بعض وممكن تتشتوا فلو عاوزينه هنا ومش هتتلغبطوا عرفوني بردوا في التعليقات وهبعته. 🤝🏻



https://www.facebook.com/share/p/ztQPQMCPm731zUqa/?mibextid=qi2Omg

https://www.facebook.com/share/p/BawMoEVQjb4vso7v/?mibextid=xfxF2i

أول بوست نزل من سلسلة تعلم المهارات المختلفة في الإجازة 👌🏻✅

لو حابين أبعتوا هنا اعملوا لايك على المسدج وأنا هبعته وشاركونا هناك في الكومنتات برأيكم. 🌿

https://www.facebook.com/share/p/TsvUsZhHrZ5HqDny/?mibextid=Nif5oz

شاركوا هنا لو مهتمين وبإذن الله هبقى أنزلكم السلسلة هنا كمان بفضل الله. 🌿♥️

صباح الخير ⛅🌿

ثم كل طريق خطوته لله اِنتظر فلاحه، إن كان عملك فستُجزى عليه لإعانة أسرتك ومسئوليتك تجاه بيتك، وإن كانت دراستك فالعلم هو خير وأسمى عبادة، وإن كنت مُتفرغ فاجعل كل خطوة نية لله وانتظر بركتها، فمن جعل وجهته لله، وَجَه الله له الخير أينما كان. 🤍🌿

#عشوائيات_صباحية

#Bassant_Samir. ✍🏻

تقبّل الله طاعتكم ♥️
كل عام وأنتم بخير جميعًا
وعيد سعيد علينا وعلى أمة المسلمين، وبالنصر والفرج لإخواننا قريبًا بإذنه تعالى 🌿♥️

متنسونيش من دعائكم فضلًا في هذا اليوم المبارك، ربنا يتقبل منا ومنكم صالح الأعمال ويرزقكم كل الخير وتحقيق أمانيكم يارب العالمين 🤍🌿

النزول الإلهي بيكون في الثلث الأخير من الليل
إلا في يوم عرفة فإن الله سبحانه ينزل للسماء الدنيا في النهار!

كان السلف يدخرون حاجاتهم لدعاء يوم عرفة
فكم من الحاجات والأمنيات والدعوات أُستجيبت عشيّة عرفة..

في رمضان تغيب عنا ليلة آلقدر فلا نعرف متى هي
وفي ذي الحجة يخبرنا الله بيوم عرفة ومع ذلك هل سنقصر

إن استطعت أن تخلو بنفسك عشية يوم عرفة فافعل..
"العشية من بعد صلاة العصر إلى آذان المغرب".

يقول أحد الصالحين والله ما دعوت دعوة يوم عرفة وما دار عليها الحول إلا رأيتها مثل فلق الصبح..

اللهم بلغني وإياكم يوم عرفة ♥️

# عرف غيرك وفي ميزان حسناتك ♥️

د. محمد عبدالجليل

في # يوم التروية..

نسألك يا ربنا أن تروي عطشنا من يد نبيك الكريم يوم لا ظل إلا ظلك..

ازاي نغتنم يوم عرفة

طب اسمعيني بقي .. هديكِ جدول تمشي عليه علشان تغتنمي اليوم العظيم ده وميضيعش منك ثانيه فيه..

ليلة يوم عرفة أول ما المغرب أذن تعرفي إنك بدأتي في يوم تحديد مصير..
يوم غفران الذنوب..ومن أعظم أيام الدنيا

1- هتفطري وتصلي المغرب وتقعدي تهللي وتكبري وتسبحي لحد العشاء

2- هتصلي العشاء وتخطفيلك ساعتين تنامي وتظبطي المنبه ولازم تقومي قبل 2

3- هتقومي تتسحري وتتوضي وتجهزي الأوضة الي هتصلي فيها وتقفليها بحيث تعرفي تصلي ومحدش يدخل يخليكِ تسرحي ف الصلاة

4 - لو نمتي هنبدأ بركعتين خفاف كده علشان منصَعبش علي نفسنا وهمتنا تنزل من الأول وكده

5-لازم نُكتب من المقنطرين..
هنقرأ من الملك لأخر القرآن .."جزء عم ، وتبارك"

6- القيام عدد ركعاته غير محدودة بس النبي صلي الله عليه وسلم كان بيصليهم 11 ركعه مثني مثني ويختم بركعة.

7- تكوني مجهزة كل حاجة ف الغرفة الي هتصلي فيها بحيث متخرجيش وتنشغلي بحاجة.

8- ندعي بخيري الدنيا والآخره الي هو متدعيش للدنيا وتنسي الاخره وخلي دايما في بالك " ربنا آتنا في الدنيا حسنة وفي الاخره حسنة وقنا عذاب النار"

9 - نبدأ بقي في الاستغفار ونخليه قبل الفجر بربع ساعه علشان نُكتب من "المستغفرين بالاسحار"

10- نصلي الفجر جماعة '' ومننساش السنة
بعد ما تصلي اوعي تقومي من مكانك قبل ما تغتنمي دعاء الملائكه لكِ ورددي" لا إله الا الله وحده لا شريك له له للملك وله الحمد يحي ويميت وهو علي كل شئ قدير" عشرا

ده قبل ما تتحركي من مكانك بعد التحيات
ونقرأ آيه الكرسي وأذكار الصلاة.

11- خلصنا الفجر..ندخل تاني لمكان قيام الليل ومصحفنا في ايدينا
ونقرأ قرآن لحد الشروق وبعدين نصلي الضحي " علشان تكتب حج وعمره "

12-حطي ف قلبك يقين بإجابة كل دعواتك

13-ايه دا عايزه تنامي
هنستغل النوم ونحط في نيتنا إنها تقويه للإستِمرار في طاعة الله..
"قولنا مش هنضيع ثانيه."

14- الظهر أذن هنصليه بالنوافل.. وهنقعد نقرأ قرآن لحد العصر

15-نحاول نتصدق بقدر الإمكان.

16- العصر هنصليه ونقول أذكار المساء ونقرأ قرآن شويه لحد قبل المغرب بساعة..

17-ولو بتحضري الفطار ف هتهللي وتكبري وتسبحي وتدعي لنفسك وأنتِ بتحضريه

18- نتصل بأقربائنا ونعيد عليهم بنيه صِلة الرحم

19-نحاول نقعد كلنا فِي مكان ونذكر الله ونذكر نعمته علينا.
وخلي ف بالك أنه سبحانه وتعالى بيذكركم في ملأ أكبر منكم وأجل

20-المغرب أذن.. هنفطر وندعي لأنفسنا وعائلاتنا وللمسلمين.

أسأل الله لي و لكم فرحا وجبرا في هذا اليوم..
اللهم امين

بالمناسبة خليها على صفحتك علشان متنساش. وتكون ليك صدقة جارية ان شاء الله

- محمد الأزهري