الرادود عزالدين الشيخ للنشر والتلحين(صدقة جارية)

✨خدمة محبي باسم الكربلائي تقدم:
📜قصيدة : مامات خادم يحسين
✒️للشاعر : حاتم صبري الكاظمي
📌 : الليالي الفاطمية
📅:ليلة 1 جمادى الأخره 1445
🕌:جامع و حسينية المرحوم عبد مسلم اسد | النجف الاشرف - الكوفة
🎵 طور : #ميمر_كربلائي

ما مات خادم يحسين .. وياك خالد ذكره
▪️▪️▪️▪️▪️
هالدنيا دار و زائله وشتفيده
المؤمن يدور عاللي الله يريده
محله اليحبك وانت تاخذ بيده
والما تمدله انت الايد .. يحسين كلشي يخسره
▪️▪️▪️▪️▪️
المات يرحل للرفيق الأعلى
بس اليحبك يكتبون الأجله
خادم ورايح للرفيق الاحلى
انت الجميل المذبوح .. وكل الجمال بنحره‏
▪️▪️▪️▪️▪️
يحسين حسن الخاتمة في بالي
ذاك اليموت اعله الخدامه تالي
يحسين عينك على السيد الفالي
عالزهره ينعه ابهاليوم .. تلگاه عبدالزهره
▪️▪️▪️▪️▪️
يا ضوه وما يختفي ابوجه الرحمه
والما يشوفك يبو الأكبر اعمى
منريد هاي الدنيه لولا الخدمه
آبن آدم بلا قيمه يصير .. يغله ابخدمتك سعره‏
▪️▪️▪️▪️▪️
دنيا المفاتن لا اظن تغوينه
بمجلس الزهره احنه التربينه
شتفيده هذا الما بچتلك عينه
يحسين وفقنه نريد .. عالضلع نبچي وكسره
▪️▪️▪️▪️▪️
يحسين ما نخرج ابد عن شورك
وكت الظلام احنه المشينه بنورك
من الفاطميه نخدم العاشورك
مجلسك بيت الخدام .. المتحبه يطلع بره
▪️▪️▪️▪️▪️
يحسين دعوه بكل گلب موجوده
نطلب وايادنه الك ممدوده
عالزهره ما ننزع هدوم السوده
يالمهدي نطلب بالثار .. الله يعجل امره
▪️▪️▪️▪️▪️
يا احلى واحد الله النه يخلقه
يحسين تبقه وياك بيضه الورقه
الله اليحبه بيك دوم يرزقه
ردناك ما ردنه فلان .. بخيمتك احنه الفقره
▪️▪️▪️▪️▪️
ابوذيات : ولا عف , عتباي
الشاعر: السيد عبد الخالق المحنه

ولاها لما يخاف الله ولا عفّ
مروة ولا بخت عنده ولا عف
سطرها وضل يألمها ولا عف
الى ان طاحت بچف المنية
▪️▪️▪️▪️▪️
علي يا بو الكلافه عليك عتباي
شلون الما له ذمه يدوس عتباي
كبالك يا علي والنذل عتباي
كسر ضلعي وشتم سيد البرية
▪️▪️▪️▪️▪️
#اللهم_عجل_لوليك_الفرج


https://telegram.me/azzedine24

Channel photo updated

الزهره ماترضه العزاء يفوتنه
تلمنه واحد واحد امن بيوتنه

ياهـــــو منكم بلبدايه چان يعلم
بلايه موعد نلتقي ويتحرك الدم
غير هيه ام الحســن رادتنه نلتم
بكيفه اختارت اليوم يصير مٱتم

مثل حبــات وتلگط بينه
تعزل الموزينه من الزينه

گبل چم يوم العزا ترتبه بوحده
مثل المعزبه ويجي الخطار عده
تودي على گلبه نظيف المايرده
ام جببره وتفتـــــــر تلم ابولده

فرشت السفره واكو علمتونه
شايله الـــحاجه بطن ماعونه

من تحس كلشي البيك للمجلس يحن
بين القـوسين الحواس الخمسه كلهن
توقفت مـــــــــعناها اگيد انت ولا كن
فاطمه تريــــــــدك تجيهه تنوح وتون

من تحس فزن عليك حروحك
جاك مجلس گوم حضر روحك

هيه مــــو احنه يجيب الي تريده
الــــخطيب وحته رادود القصيده
البيت اذا يعجبه گالت عاشت يده
بدون مـاندري نصيح البيت عيده

الزهره ذواقــــــــت شعر ويانه
الخوش بيت تگول صح لسانه

الشغله مو يمنه اكو سر بالقضيه
هل مجالس كله ترتيب الــزجيه
للخدم دعـوت حضور تودي هيه
بــمتحان ان شاءلله تحطنه ميه

من صفت نيتك وتلطم رايح
وقـــــعتلك روح الاول ناجح

الفاتحه على روح الشيخ عز الدين ابو سلطان مسبوقة بذكر الصلاة على محمد وآل محمد

https://telegram.me/azzedine24

اماه يا زهراء
الرادود : عمار الكناني _ محمد الجنامي
الشاعر : كرار حسين الكربلائي
...........
اٌمّاهٌ يازهراء اٌمّاهٌ يازهراء
...................

سلام الله على ضلعج   يا أمنه الكلها حنّيه
يخيمه وحزنج يلمنه  بمجالسنه الحسينيه
واليخدمج  صدك عنده   بخت تدعيله يوميه
كريمه واليدك بابج  اكيد الحاجة مكضيه

نورٌ  من العلياء     اٌمّاهٌ يازهراء
اٌمّاهٌ يازهراء       اٌمّاهٌ يازهراء

...................
اذا عافتني كل الناس   اعرفج ما تعوفيني
اذا مره يمرني العوز   فضل خيرج  يغطيني
اذا مر المرض بيّه    يمولاتي تشافيني
اذا عيني غفت مهموم    يجي طيفج يواسيني

ذكرٌ له الاء ...   اٌمّاهٌ يازهراء
اٌمّاهٌ يازهراء    اٌمّاهٌ يازهراء
..................
بعدني بأول اسنيني  وكفت بابج مجدي
كضيت سنيني بس الطم  على ضلعج دمعتي بخدي
سواج بدنيتي خيمه   وحج كلشي ما عندي
على عتابج حياتي  تنتهي  وتبدي

اني لكي بكاء   اٌمّاهٌ يازهراء
اٌمّاهٌ يازهراء  اٌمّاهٌ يازهراء
...................
اذا صار العصر امي   بجفنها تبيني العبره
اكلها شبيج وتكلي    ييمه عصروا الزهرة
اريد تعلم اوليدك على   فاطم يدك صدره
ضلعها المنكسر بالباب ابد ما ينجبر كسره

كسر له اصداء    اٌمّاهٌ يازهراء 
اٌمّاهٌ يازهراء  اٌمّاهٌ يازهراء 

...................
اضمن حزني وتسولف دمعتي بيني وبينج
انكسر ضلعج عصر  بالباب حوافر سحكت حسينج
مثيلج  زينب انسطرت  وصفت حمره مثل عينج
تصيح بيوم عاشوراء   ييمه بعازتج وينج  

حزني لعاشوراء     اٌمّاهٌ يازهراء
اٌمّاهٌ يازهراء          اٌمّاهٌ يازهراء
...........

الفاتحه على روح الشيخ عز الدين ابو سلطان
مسبوقة ومعطرة بذكر الصلاة على محمد وال محمد



اللهم صل على محمد وآل محمد

Channel name was changed to «الرادود عزالدين الشيخ للنشر والتلحين(صدقة جارية)»

لاحول ولاقوة الا بالله العلي العظيم
انا لله وانا اليه راجعون
الرادود الشيخ عز الدين الشيخ علي شيخ عشائر الدبات في كربلاء المقدسة في ذمة الله


نسألكم الفاتحه والدعاء وصلاة الوحشه يرحمكم الله

من دفعو الباب عالزهرة مولاتي
كسر الظلع بان وأبتدت مأساتي
صاحت يفضة سنديني
قد اسقطو مني جنيني
……      .....     وأبتدت مأساتي
… ..

من هجم عالباب أبحقد… اتلكتة ريحان الورد
يدفعهة صار وهي تسد… حد ما كسر منهة الظلع
صاحت يفضة لحكي … بظلوعي حيل اتشبكي… ما حس بدية حركي…
ألباب فوكي منطبع
غطني بحجاب السمة … لا حيدر ايشوف الدمة… كسرت ظلوعي أتألمة
بالج يشاهدلج دمع

حيدر لون شاف كسري ونزف دمي
من طولة يوكع موته يصح يمي
اخُذي بكفي وسديني 
قد اسقطو مني جنيني

……
أتعنيت الهة ابلا وعي … وعالخد يسايل  مدمعي …  صاحت يفضة  طلعي …   بظلوعي بسمار أنغرس
حاولت وياه اشكثر… منغرس حيل امن العصر… كل ما اسحبة تحتضر
ويضيك للزهره النفس
كل هذا وبحيدر تهم … موش بجرحة الملچم … ليهة السمة مطرت نجم.   
والكمر ينعى اوية الشمس

عالزهرة ياناس شفت الورد يبچي
وعيون الحسين متحّيرة اشتحچي
صيحاتُ حزنٌٍ تعتنيني
قد اسقطو مني جنيني
… .
حاولت اشيلنهة وشفت… كسر الظلع بيدي وعفت… ساعتهة حيل اتخوفت… منظرهة يبجلة الصخر
كالتلي فضة اتحملي .. الخاطري والخاطر علي… عن حالي لا لا تسألي
متألمة حيل امن الكسر
كل حيل ما ظلي بعد … بالباب احس صدري أنمرد… ياجرح أعوف وجرح اشد
والنزف ماخذني وكثر

بنت النبي اشلون هيجي يجازوني
يافضة ترضين عالعين سطروني
لم يكتفو جرحاً بعيني
قد اسقطو مني جنيني 
… ..
محسن شفت فوك الارض… نازف دمة بطول وعرض… بمصابة بچة اهل الفرض… وعيون اخوه احسينة
غطيته بمصلايتي … واعلية تسايل دمعتي … الزهرة أشد من حالتي
من شافتة امغطينة
صاحت يسباح الگلب… وسفة يغطيك الترب… مو هين افراك صعب … يل ماعشتهة اسنينة

ما شبعت العين من شوفتك ليلة
مستجعل الموت تابوتك ايشيلة
يا هل ترى ذنبي بديني
قد اسقطو مني جنيني
… ..              

شحجي وشسولف عالجرة … جيش وهجمة اعلة مرة … والدار نار أموجرة… البيهة الوحي تنزيلة
كادو علي بحبل الغدر… ظهرة بوصية منكسر 
والزهرة خدهة منسطر … نازف دمة اعلة الشيلة
طلعت وماخذهة النزف … واعظاهة كلهة ترتجف… خلو أبن عمي يا حلف
لو راسي اكشفة الليلة 

من أكشف الراس والدمعة أجريهة
دنياكم أبساع بارينة يمحيهة
لا يرضى ربي في انيني
قد اسقطو مني جنيني
… ..
الحمد الله رب العالمين 
اللهم صل على محمد وال محمد 
موسى الخادم


https://telegram.me/azzedine24

((اللهم ألعن عمر))



على ياباب جاي وكاض بيدك نار
                  وجامعلك حثاله ورايد ادفعه
باب (الله) هذا اوگف استفهام
                   يالكفرت بالسجدات والركعه
يا اعمى البصيره ما شفت عالباب
                  جبرائيل واكف حارس البضعه
وجبت النار بيدك ياحطام النار
                   ماشفت المشاعل نزلت دمعه
ادري اشجرعك عالباب وحتاميت
                   كون اباب خيبر جايه الجرعه


عبد زينب
محمد الابراهيمي



https://telegram.me/azzedine24

ماينوصف حزنه وجبيره اجروحه 
هاي المسيه المهدي ودع روحه
الليله الامام المنتظر      ياناس مكسور الظهر
*
بحسرتي السامره اخذني            الليله ياعالم خيالي
وجني اشوف المهدي حاير      ودمعته عله الخد تلالي
مگابل العسكري وينحب             غالي ويفارگله غالي
تسأل عله الحال بويه               وانه بويه هذا حالي

ما ادري راح شلون افارك عينك
يم گبرك اوكف بويه وصرخ وينك
مافاركت عيني الصور      ياناس مكسور الظهر
**
الليله طاح الحسن بالسم        الحالته كل عين تدمع
من يون ايده عله صدره     وعلي بويه احضرني اسمع
لازم المهدي ويگله                      جبدي يابويه تگطع
روحه من طلعت يعالم              اجت روح المهدي تطلع

عالعسكري كلها تون وتنادي     
الليله شعظمها امصيبة ابن الهادي
  والدفنته حيدر حضر     ياناس مكسور الظهر
***
حسرة الفاگد جبيره         الراح ابوه يدري بألمها
البويه حلوه وهسه راحت   وبعده ظل باهت طعمها  
الابو ياناس خيمه               ليلة افراگه شعظمها
هذا حال المهدي امامك         حسرته بگلبه يظمها

شايف الفاگد من يحن لحبابه
المغربيه اتصير روحه ابابه
ما يرجع ويشبع قهر     وياناس مكسور الظهر
*
توادعو ووداع فرگه     تشابگن نظره ويه نظره
رايح الايام تگضي    وتگضي رايح احله عشره
وتنتهي ذيج المحنه       والفگد گلي شيصبره
والدفن بجفوفه غالي     ما يفارك راح گبره

طبع المگابر تشتهي ادموع العين
وين النحبهم ياخلك صارو وين
بغيابهم جرحي كبر       وياناس مكسور الظهر
****
الليل ما يرحم الفاگد        تصير ساعاته طويله
اليرحل بسرعه يكتلك       وانته ما حاسب رحيله
العنده والد يشتكيله           وانه ياهو الاشتكيله
اليطيح وحمله يثكل           گلي حمله من يشيله

حته الهوه يخنگني ظل بحفاهم   
وشيحمل اعزازي صحت فرگاهم
تعبني تدرون السهر      وياناس مكسور الظهر
***
سجن هاي الدنيه صارت       والامام المهدي وحده
كل حياته بغربه عايش        ودمعته تجري عله خده
شيبت گلبه اليالي           وحجي هواي المهدي عنده
والقره للمهدي ندبه             گلب ابو صالح يبرده

يوسفنه طول يمته نشتم ثوبه
عيونه انعمت من البجي يعگوبه
هلبت يصح منه خبر      وياناس مكسور الظهر
***
تمت
ميثم العمري




https://telegram.me/azzedine24

السلام على السلطان الرؤوف
الذي هيج احزان الطفوف

ياعلي الرضا. ياعلي الرضا

……….

ياسلام الله على الحبل المتين
يا انيس ارواح خدام الحسين
بنفس ثوب الاسود من الاربعين
بالدمع لمصابك احنه معتنين

اقبلت ارواحنا نحو العزاء
وننادي ياغريب الغرباء

ياعلي الرضا. ياعلي الرضا

……..

انته تحقيق الحلم والامنيات
يل كضيت العمر آه ونايبات
بغربه انت ودم دموعك تجري دوم
عالذي عطشان مات اعله الفرات

ايها القلب الذي عاش المصاب
وقضى العمر بحزنٍ واكتئاب

ياعلي الرضا. ياعلي الرضا

……….

وصل لانفاسي عطر من حضرتك
وهيّج بكلبي عشك لزيارتك
اعقد النيه واجي اشتم هواك
راحه نفسيه من اشوفن كبتك

ايها المدفون في احضان طوس
يا اماناً للقلوب والنفوس

ياعلي الرضا. ياعلي الرضا.

…….

ماترد سائل واعرفك من اجيك
بحاجتي من اجي واوكف بين اديك
كبل ما احچي البكلبي تكلي هاك
ياسلام الله وملائكته عليك

انني والله فيكم مهتدي
ارتضيني خادما ياسيدي

ياعلي الرضا. ياعلي الرضا.

……..

خدمتي عندك امانه يالحبيب
يارجائي ولو صبح موتي قريب
الكبر غربه ولا عرف الكالي غاد
سيدي وحگ الغريب اعله الغريب

انني ذلك المسكين الفقير
راجياً مولاي تقرير المصير

ياعلي الرضا. ياعلي الرضا

…..

حسين صادق العقابي



https://telegram.me/azzedine24

يا مهدي .... الله يعظم أجرك
يا مهدي .... الله يعظم أجرك
......
نرفع تعزيتنه ... برايات الوفاء
ياراعي المصيبه  ... يا راعي البكاء
ما نشفت دمعتك ... تجري من دماء
للهادي محمد .... هالليله العزاء

من يومك ...  لحبابك ...  دمعاتك تهل
مو كافي...  اعليك الطف ... مو كافي الهزل
كل ليله ...  اعله امصيبه ... تطفه وتشتعل

يا مهدي .... كون الله حار بصبرك
يا مهدي .... الله يعظم أجرك
......
يومية اعله غالي ... ناصب مأتمك
لوعات ومصايب ...كثره ابعالمك
فاتحتك جبيره ... وشحت وادمك
بس حزنك حضرهه ... بدمعه ايكلمك

يا مهدي ... وبعيونك ... حلمك منذبح
عاشورك ... ما يخلص ... مثل المنذبح
بحزانك .... واهمومك ... جرحك منفتح

يا مهدي .... جم شده كسرت ظهرك
يا مهدي .... الله يعظم أجرك
.....
ايامك جبتهه ... حسرات ومحن
ما لحضه عشتهه ... الفرحه ابهل زمن
من كد البواجي ... اعويناتك عمن
وكل ساعه التمرك .... تبجي اعله ام حسن

بكتابك .... لا فرحه ... اتمرك يا أبي
ايامك .... تكضيهه .... اتنوح اعله السبي
ولجدك .... حد موتك ... حزنك زينبي

يا مهدي .... ونار الخيام ابكترك
يا مهدي .... الله يعظم أجرك
.....
ياحجة  زمانك .... ثاراتك كثر
من الهادي تبدي ... وتنهه ابلا ذكر
ندعيلك يغالي ... بتعجيل الامر
ندري بكلبك انت ... مل من الصبر

كل جمعه ... نترقب ..  جيتك يا شهم
انصارك ... متحزمه .. يا نعم الزلم
جم ندبه ... نقرالك ... يا اجمل اسم

يا مهدي ...ورايات الك تنتظرك
يا مهدي .... الله يعظم أجرك
......
✍ كلمات . موسى الخادم



https://telegram.me/azzedine24

راية رفت بالحرم .... يا رسول الله
بسمك انباهي الامم .... يا رسول الله

....
راية رفت بل الاعالي تحمل اسمك
اتعزي بنتك فاطمة الوادعت رسمك
يارسول الله اعلى بابك باقي رسمك
الله يلعن كل شخص يالهادي سمك

السمموك بمعرفة  .... يا رسول الله
نورك الطاهر خفة  .... يارسول الله
...   

يالحيت الدين بسمك والله نهواك
عايش بوسط الضماير ما نسيناك
اشما يعادينة الزمن باقين وياك
صرخة الاحرار ثورة تسمع اعداك

ثارك ابوسط الكلب .... يا رسول الله
عايش وما ينشطب .... يا رسول الله
.......
يا شمس رب الجلالة الضاوي نورك
للأبد ما يخفى عل الاسلام دورك
رحمة الله اجسدت كلهة بظهورك
الف هنيالة الوصل كبرك يزورك

لجلك الكون انخلق ... يا رسول الله
اي وحك رب الفلق ... يا رسول الله

........
يارسول الله لضريحك نوصل ازحوف
بلمدامع والبواجي كبرك نطوف
مايمنعونه النواصب عينك اشوف
احنه تربات الكفيل الرجف الخوف

نسحك ابصدر الرجس ....  يارسول الله
لجلك انضحي النفس .... يارسول الله

........
مثل عاشر من محرم نحي ذكرك
والمواكب تنصب هيج على دربك
ابد ما خاب اليخدمك خدم ربك
دنيه فاز واخره كل شخص حبك

جنة الله جنتك .... يارسوك الله
يا شفيع الامتك ..... يا رسول الله
.......

الحمدلله رب العالمين
اللهم صل على محمد وال محمد
موسى الخادم
.........


https://telegram.me/azzedine24

قصيدة نزلة ... في رثاء رسول الله محمد صلى الله عليه واله


فاطمة تنادي .. بويه يالهادي .. مصيبه
لا تضيّعني .. من تودّعني .. مصيبه
*

بويه لا تـغـمـض عيونك ابقـه ويّـاي
انت شمس الدنيه بعدك ظلمه دنياي
لا فـكـر يبقـــــالي تدري لا يظل راي
والله ما ترحمني بويه عگبك اعـداي

تكثر جروحي .. وتنفجع روحي .. مصيبه
بويه تسمعني .. من تودّعني .. مصيبه
*

فاطمه الزهره الزچيه گلبي مجروح
ياحبيبـي يامُـحـمّـــد بويه لتـروح
بويه اخذ ويّاك فدوه عمري والروح
بعـدك السـلوه بحياتي الونّه والنوح

يانـظـر عينـي .. لا تخلّيني. .. مصيبه
والله تفجعني .. من تودّعني .. مصيبه
*

ياحبيب اللّه حبيبي تسمع الصوت
ما اريد الدنيه بعدك راحتي الموت
خايفه تـتـأذّه انعـه وبچي بسكوت
مو الك ياريت جـابـوا ليّـه تـابـوت

غمضن عيونك .. ونخطف لونك .. مصيبه
لا تروّعني .. من تودّعني .. مصيبه
*

آنـه يابـويـه العــزيــزه فاطمة وياك
احچي بدموعي دجاوب روحي تنعاك
حيلي طاح وگلبي ذاب بـهـذا فـرگـاك
راحوا يظلموني بويه تدري بجفاك

لا تجافيني .. من يحاميني .. مصيبه
دهري لوّعني .. من تودّعني .. مصيبه
***

يارسول الله بغيابك ضلعي ينصاب
من يهجمون عله داري شرّ الاصحاب
الثاني هوه برجله بويه يرفس الباب
ينكسر ضلعي وطيحن فوگ لتراب

ينكسر ضلعي .. دم يهل دمعي .. مصيبه
بيده يصفعني .. من تودّعني. .. مصيبه

سيد زيد الفحام



https://telegram.me/azzedine24

قصـيدة : راحوا هلي
اداء : مرتضى حرب
كلمات : مرتضى حرب
____

راحوا هلي . . راحوا هلي . . راحوا هلي

هلي مو من طبعهم هذا يبخلون بسوالفهم
سمعتهم على السفر يحچون وستكوا من رحت منهم
احسهم شي علي ضموا ومخوفتني سكتتهم
چلمات انتي ما ترحين گالنهن نواضرهم

راحوا هلي . . راحوا هلي . . راحوا هلي
____

بقيت انشد بخياتي ابوي شگال ما تدرن
ما گلچن ويانا تروح ما تگدر تفارگچن
تفردني شعجب منچن چا هم انه اخيتچن
حاچني ترى گلبي خلص من هاي سكتچن

راحوا هلي . . راحوا هلي . . راحوا هلي
____

الصبح صار وهلي حملوا ومحد گلي امشينه
وگلت العمتي اريدنج ابوي انتي تحاچينه
خل ياخذني وياكم بالزهرة تحلفينه
ركضتله وشفن ابوي حسين بدموعه اغرگت عينه

راحوا هلي . . راحوا هلي . . راحوا هلي
____

من راحوا هلي حسيت روحي راحت وياهم
جسمي كل وجع مابي بس يوجعني فرگاهم
هلي حنان اگطعوا وياي مدري شني الخلاهم
وياكم امشي گلتلهم سكتوا مدري شجاهم

راحوا هلي . . راحوا هلي . . راحوا هلي
____

انه دموعي فوگ الخد وانتم دموعكم على الخد
چا شنهي السبب على النوگ وياكم ما رضيتوا اصعد
انشلع گلبي ولا منكم علي چف يا هلي ينمد
خواتي مو اخذتوهن چا انه يا هلي وحد

راحوا هلي . . راحوا هلي . .  راحوا هلي
____

اخر چلمة گلتلهم هلي بداعت مروتكم
مو تنسوني ودوني يحبابي خبر منكم
وگبل ما عني تبعدون تدنولي ارد اگللكم
ترى ما راح تلگوني لو طولت سفرتكم

راحوا هلي . . راحوا هلي . . راحوا هلي

اللهم صل على محمد وآل محمد


https://telegram.me/azzedine24

📜قصيدة : يحسين اول ما حبينه 
✒️للشاعر : السيد عبد الخالق المحنه
🔖 المناسبة : ليلة 2 محرم 1430 هـ


يحسين أول ماحبينه وأول ما شفناك
سدّينه الباب وما نقبل نعشگ ثاني اوياك
عهد وايظل ولا نقبل نعشگ ثاني اوياك
▪️▪️▪️▪️▪️
ماطاب جرح امصيبتك عاشر اگلوب احبابك
بينه انته تجري اويه الدمه وانحوم فوگ اترابك
اتغيب واتعود الشمس يالماعرفنه اغيابك
معروف لو جار الزمن بجروحنه ندگ بابك
كل يوم انشاهد هالحاله من يگصد محتاج
يرجع والبسمه اعلى اشفافه يرجع لابس تاج
لگينه الحل ولا نقبل نعشگ ثاني اوياك
▪️▪️▪️▪️▪️
يحسين سر امحبتك فيها البشر محتاره
وإلينبض ابدمّه العشگ يتعمّد اعلى اخطاره
مايمنع الوادي وجبل طول البحر عبّاره
بس انته لوزاد الخطر يكثر عدد زوّاره
تتزاحم عالموت احبابك تتعنّه الأخطار
وإليوصل أول يتشرف يرفع كلمة ثار
يموت أوّل ولا يقبل يعشگ ثاني اوياك
▪️▪️▪️▪️▪️
موعجبه لو وسط البحر موكب عزاك انشوفه
والموج يشعر بالألم من يلطم اعلى اجروفه
اسمك نعرفه ابكل لغه محّد يغيّر احروفه
ماعدنه سر ويختفي وأفكارنه المعروفه
كل موكب يتصدّر فكره وكل منبر دستور
لتظن بقعه ابهذا العالم ماتعرف عاشور
يجي ويرحل ولا نقبل نعشگ ثاني اوياك
▪️▪️▪️▪️▪️
نتفنّن ابنوع الألم كلمن اوعنده اسلوبه
كل ضربه تطبع بالصدر  لوحة حذر مكتوبه
واللي يشاهد بالعزه أم الحسن مصيوبه
اشعندك اتلومه بعد لمن يمزگ ثوبه
شفنه إلمامر اعلى الدنيه شفنه اشكال اشكال
من قامت واحنه ابهالحاله مايتغير حال
فلا ننذل ولا نقبل نعشگ ثاني اوياك
▪️▪️▪️▪️▪️
نتميز ولون الحزن ماتختلف ألوانه
واتشوف دمعه ابكل جفن لازم نعيش احزانه
وإلچان ماعنده وإجو زوّارك إلصيوانه
توصل يبيع اشما ملك بس مايسد بيبانه
وإلباع إلعنده وما عنده ويتبسّم للجاي
هذا اينومه وهذا ايوكله وهذا ايشربه الماي
إلك نسأل ولانقبل نعشگ ثاني اوياك
▪️▪️▪️▪️▪️
نحچي اعلى عاشورك سنه والمده ما محدوده
نختم وأبد مانعترف كل واحد ومجهوده
كلمن يروح إلمهنته ابيوم الأجر موعوده
زوّار والناعي وخدم والشاعر ورادوده
تتساوى الناس ابعاشورك واحد كلها اتصير
نفس الحرقه ونفس الدمعه ومايحدث تغيير
فلا تنمّل ولا تقبل نعشگ ثاني اوياك
▪️▪️▪️▪️▪️
مرّات ياخدنه الزمن بمصايبه وحسباته
لكن إذا هل الشهر لازم ترف راياته
نسكت سنه وگالوا مضت فتره ونسوا ثاراته
مينام بركان الغضب لتأمِّن ابسكتاته
صح الأقدار اتفرگنه وكلمن راده ايريد
لكن نتجمّع بالشدة ونلزم إيد بإيد
نصير أجمل ولا نقبل نعشگ ثاني اوياك
▪️▪️▪️▪️▪️
#اللهم_عجل_لوليك_الفرج


https://telegram.me/azzedine24

باجر ننسأل عن الهويه
ونكول الهويه حيدريه
هناك مايضيعون
عشاك الولايه


___


باجر ينادي (قفوهم) حسب ماكالت الايه

بساحة المحشر يعالم ننسال عن الولايه

ونشكر المعبود احنه بحب علي من البدايه

اليعرض جوازه بلحشر
البي ختم من حيدر يمر
الماله علي منين ايعبر 
بلقيامه يتيه رايه
يلتبغض علي محنتك محنه
كطنه وشيله من اذنك الجنه

البلجنه يطبون
عشاك الولايه

____

البعض تنغث من عشكنه واحنه بلناس شعلينه
لو مدينه رضا الباري يحط علي باب المدينه
والله لو بايعت غير المرتضى نكطعها ادينه

بارينه المنصبه ولي
وجبريل صوته يعتلي
ماكو ولي الا علي

ربنه حط هالشوك بينه
من الله العشك بلكلب صله
العنده مشكله يسولف اويه الله
احبابه ايتسمون
عشاك الولايه
_

احجايه التفيدك اسمعهه الماتفيد ابحر ذبهه
بساعة المحشر يبين كل صدكهه وكل جذبهه
الجنه لومابيهه حيدر وحك حيدر مانطبهه
نقسم وحك رب السمه
للموت وي حامي الحميه
لاماتمسنه الحاطمه
الحاطمه مانقتربهه
افتح عينك وافهم واعقل
الجنه بلا علي جنهه جهنم
ولجهنم يطفون
عشاك الولايه

_

يالبعيد احجايه اكلك خلهه ترجيه باذانك
انته وي اهل السقيفه الله حاجزلك مكانك
علي متذكره بأذانك فلس مايسوه اذانك
ماتدري يلعندك جهل
بلجنه دكو مستهل
حي على خير العمل
هي بلمحشر امانك

الزم جف علي خل يلزم ايدك
هناك فلان كلشي مايفيدك
بهيبة علي يمشون
عشاك الولايه



*كرار حسين الكربلائي


https://telegram.me/azzedine24