المخفي | تجارب القدرات

• اليوم : الخميس • التاريخ : 1445/11/22

• الدرجة : 97

• المصادر : كمي تأسيس اينشتاين، تدريب اصدارات عماد المجانية، ملف المنصف ١٥٠٠
لفظي بنوك ايهاب

• التجربة : المرة الاولى رحت بعد ماتأسست بس ماتدربت كويس واللفظي ذاكرته من التسريبات وكانت درجتي كويسه كأول محاولة
بعد الاختبار الاول رجعت اذاكر شهر ٨ هجري
المرة الثانية عدت تأسيسي بفترة اقل وتدربت كويس واللفظي حفظت البنوك مع فهمها والحمدلله كان الاختبار الثاني اسهل من الاول بمراحل

• نصيحة/ملاحظات : الصلاة والدعاء اهم من مذاكرتك، النتيجة كانت توفيق من الله سبحانه
ولا تتوترون واجد


#تجارب_المخفي

• اليوم : الخميس • التاريخ : ١٤٤٥/٩/٢٥

• الدرجة : ٩٥ بحمد الله

• المصادر : تأسيس اللفظي ايهاب يوتيوب وكتاب الوسام-الكمي تأسيس عماد يوتيوب والمعاصر

• التجربة : بسم الله الرحمن الرحيم
التأسيس اخذ مني شهر تقريبا وبديت تدريب ومراجعه مستمره والحمدلله جبت الدرجه اللي ابيها.
---------------------------------------------
• نصيحة/ملاحظات : أولا ما جبتها الا بتوفيق الله سبحانه والاجتهاد وأهم شي الوتر ووِرد من القرآن انا سبب مشاركتي للتجربه عشان اقول شي واحد فقط لأني اعرف كلامي اللي فوق مر عليكم كثير في التجارب لكن أنا شفت التجارب قبل ما اجيب الدرجه واقولكم اني شفت اللي شفتم تحديدا المصادر واعرف شعور انه المصادر مكلفه وبعض منكم ويمكن كثير ما يقدر عليها لكن انا والله ما دفعت ريال عشان اجيبها لازم تعرفون انه لا دورات ايهاب ولا المنصف هي الطريق الوحيد بالعكس الطريق الوحيد للدرجه ولكل اهدافك انك تجتهد بكل ما اعطاك ربي عندك قدره ماليه خذ دورات ما عندك قدره ماليه اجتهد واجتهد واجتهد وأنا احلف لك والله العظيم انك بتجيب الدرجه اللي ربي سيضع فيها خير لك ان شاء الله



#تجارب_المخفي

وقت الاختبار 🔻 :

• اليوم :- • التاريخ : 1445/9/18

• الدرجة : 97

• المصادر : ايهاب

• التجربة :

السلام عليكم
الحمدلله جاء الوقت اللي انقل لكم تجربتي فيه

اول شيء الايمان بالله والتقرب له بالنوافل
ثاني شيء الهدف اذا انت يالانسان متأكد ان عندك هدف وتبيه صدقني مع الاصرار بتوصل له

🔴مصادري ايهاب عبدالعظيم فقط🔴

مدة مذاكرتي تقريباً ثلاث شهور مع التمديد
بس اخلص البنك الواحد ب اقل من اسبوع حفظ وبعدين اراجعه ب ايام اقل، مع تكرار الاسئله بتعرفون كيف تحلون الاسئله
ان شاءالله بالتوفيق لكم ودعواتكم لي

• نصيحة/ملاحظات : -


#تجارب_المخفي

• اليوم :— • التاريخ : —
{وَمَا تَوْفِيقِي إِلَّا بِاللَّهِ ۚ عَلَيْهِ تَوَكَّلْتُ وَإِلَيْهِ أُنِيبُ}
• الدرجة : 95

• المصادر : كمي تأسيس عماد أخر أصدار وتدريب المنصف _ لفظي إيهاب عبد العظيم

• التجربة : تجربتي كسائر التجارب تأسست لمدة شهر تقريبًا او اقل مع عماد وبعدها تدربت ما أذكر كم أخذت في التدريب وأشوف أن التدريب الأستمرارية عليه أهم شيء واللفظي ما أحتجت تأسيس من ناحيتي أشوف إيهاب يكفي ويوفي

• نصيحة/ملاحظات : ما كتبت تجربتي الا عشان اقول هذا الكلام يا جماعة لاتفقدوا الامل مهما صار لان الله لاتحكمه الأسباب الفرق بين التجربة الاولى والثانية مذاكرة أقل من شهر الأولى تعبت فيها جدًا والنتيجة ماكانت على قد التعب والثانية ذاكرت لمدة لاتتجاوز الشهر وممكن اقل ولكن الفرق الوحيدة هو القرب من الله عليكم بصلاة الوتر وسورة البقرة والله ماجبت هذي الدرجة بمجهودي وتعبي كله بفضل الله وتوفيقه وتيسيره ورحمته المذاكرة والفعل بالأسباب مهمة ولكن القرب من الله اهم وكلوا اموركم الى الله فأنه بصير بالعباد كنت اتمنى درجة اعلى ولكن نحمد الله على ماكتب ودعواتكم ربي ييسر لي في التحصيلي وأدخل تخصص أحلامي والله يوفكم جميع


#تجارب_المخفي

وقت الاختبار 🔻 :

• اليوم : الثلاثاء • التاريخ : 1445/9/16

• الدرجة : 92

• المصادر : أيهاب ، المنصف + دورة الفلاسفة

• التجربة : أولاً انا طالبة صف ثالث ثانوي ، تغلبت عالقدرات بهالنتيجه بعد معاناة سنة مو النتيجة اللي بالخاطر بس حمدلله ممتازه ، كنت تايهه ضايعه ماعرف المصادر الصح كل شويه ينلعب عليه بمصدر وبدوره واطلع منها بدون فايده ، اختبرت ٤ مرات والرابعه تقفيله ، فالبدايه ماكنت اتأسس كويس بس اخلص كم جزء من المعاصر واختبر لان كثير اسأله وكذا ف اعجز اخلصه او اخلص التأسيس بدون مراجعة وبدون تدريب وكان اكبرررر غلط تدخل بدون تدريب .
المهم انو شهر ٨ عرفت دورة إيهاب وبديت فيها البنوك الخمسه وكمان راجعت تأسيسي من دورة الفلاسفة واخذت طرق حل ممتازه وسريعه وعرفت اشياء كنت اجهلها شكراً أستاذ محمد .
وبعد ماراجعت تأسيسي بدأت في ملف المنصف المجاني اللي يشرحة حيرة القدرات حرفياً شرحه ممتاز جداً باليوت ، وخلصت البنوك عبداية رمضان وخلصت ١٠٠٠ سؤال قبل اختباري مامداني اخلص الباقي واختبرت و حمدلله 🤍.

• نصيحة/ملاحظات : الجئوا لربي حرفياً وادعوا وادعوا وادعوا ، الدعاء سلاح عظيم جداً حتى لو قدرك اللي كتبة ربي غير فالدعاء يقلب الماوازين وربي ف كل سجده ف كل حزة استجابة دعاء ، وكمان دعاء ( اللهم لاتجعل ذنبي يحول بيني وبين درجتي اللي اتمناها) ، وادعية كثير ادعوا بالحرف يارب ابي درجة كذا ارزقني اياها ، والوتر والحوقله وقراءة القرءان لو آيه ، وابتعدوا عن المعاصي مرره بنية ان ربي يوفقكم .
وبس والله ، الله يوفقنا وياكم ادعوا لي بالتحصيلي اجيب 100%

#تجارب_المخفي

وقت الاختبار 🔻 :

• اليوم : الأحد • التاريخ : 2024/3/31

• الدرجة : 92

• المصادر : ايهاب + المنصف = 100 بإذن الله


• التجربة : السلام عليكم ورحمة الله وبركاته الحمدلله لك يارب جبت هالدرجة باول محاوله ، طبعا بديت مذاكره من بداية ثاني بالترم الاول تاسست عند العمده وخلصت تاسيس نص الترم الثاني اهم شيء بالتاسيس خوذو راحتكم عادي وخصوصا الباب الأول اذا اتقنته بيسهل عليك الكمي واللفظي ذاكرت ايهاب حفظت البنوك حقته مع انه جاني جديد بس الحمدلله

• نصيحة/ملاحظات : اهم شيء لاتسوف وذاكر بجد لاتراكم عليك المذاكره حتى لو تذاكر قليل باليوم اهم شيء تذاكر وم انصح بالورقي ، ولاتتوترون والله انا ندمت توترت وضيعت بالكمي شوي بس عوافي
اذا قرب اختبارك لاتعتمد ع التسريبات المنصف اغلب اختباري منه وانا م ذاكرت الا 1300 سؤال
ودعواتكم لي اقفل بالمحاولة الثانية 💯



#تجارب_المخفي

وقت الاختبار 🔻 :

• اليوم :- • التاريخ : 1445/9/4

• الدرجة : ١٠٠

• المصادر : لفظي ايهاب
تأسيس كمي معاصر
تدريب كمي منصف

• التجربة : السلام عليكم اخيرا وصل الوقت اللي اقول فيه تجربتي اولا كله بفضل الله سبحانه و الحمدلله
ثانيا المصادر
كمي- تأسيس معاصر ،تدريب المنصفف
لفظي - ايهاب
تأسيس - كان من المعاصر ٧ و اتوقع ان افضل مصدر تأسيس هو المعاصر بديت فيه ب الاجازه بين اول ثانوي و ثاني انا طولت فيه مرهه و نصيحه لا احد يطول مره انا اخطيت بس لعلها خيره خلصته كله تقريبا نهايه اول ترم كذا قريب منها و هذا غلط
اول محاوله الورقي -انا كنت بدخل محوسب على طول بس مدري قلت خلني ادخل الورقي و كنت مكمل مذاكرة محوسب ماوقفت ولا رحت تجميعات السنين و مدري وش بس شفت تسريبات بس كنت مركز على التأسيس ماكنت مهتم ب الورقي مره ولا انصح ب اختبار الورقي ولا اقول لا تختبرون بكيفكم بس تعب تدور مصدر و كذا عكس المحوسب اضمن

ثاني محاوله ٩٥
كمي ١٠٠. لفظي ٩٠
الكمي - كان من المنصف و انصح فيه وبشده جبت ١٠٠ كمي بفضل الله ثم فضله في اول محاوله محوسب طريقه المذاكره قبلها اول ماخلصت تأسيس حسيت اني يبي لي شوي تأسيس او اقوي نفسي و شفت النماذج القديمه قلت خلني اخذ شوي كانت ٩٥ وصلت تقريبا ٤٠ بدون مراجعه كنت افهم و احاول احل و امشي و الصدق فادني صرت احل و افهم اكثر و بعدها رحت البنوك كنت اخذ كل يوم ٣ بنوك او ٤ انا اشوف اخذ ٣ بفهم افضل من ٦ بدون فهم وصلت لين ٣٠ طبعا الكلام هذا كله قبل محاوله الورقي خلصت الورقي رجعت على البنوك راجعة ٣٠ بنك بفهم و كملت لين ٥٠ يوم خلصتها كلها راجعت اختباراتها كلها مراجعه سريعه بعدها هذا الشي اللي فرق معي مرهههه راجعة البنوك بشرح كنت اشرح لنفسي كل سؤال اوقف و اشرح والله انه مره مره فادني مره وكان معي دفتر اكتب فيه مثلا اختبرت ٥ بنوك اكتب اول واحد اكتب درجته و هل في سؤال واجهتني فيه صعوبه او حسبت اني ناسيه و كملت لين خلصتها يوم خلصتها رجعت على الدفتر و كتبت كل الاسئله اللي اخطيت فيها كتبتها كلها ماكانت مره كثيره الحمدلله و فادني مره الكتابه صح تاخذ وقت بس تثبت السؤال مره يرسخ

اللفظي - كان من ايهاب و ما اتوقع فيه مصدر مثل ايهاب ب اللفظي افضل مصدر انا اختبرت وقتها كانت دوره اغسطس و توها نازله يناير و فيه حوسهه مره الاجابات اختلفت شوي و نزل كم سؤال جديد و كذا انا كملت و خلصت كل البنوك ما اخذت النماذج القديمه و اشوف ان البنوك تكفي و كنت احفظ اغلب اللفظي حفظ و فهمت شوي القطع مثلا كنت افهم شوي خلصت البنوك و كل شي و اختبرت و انصدمت كيف ٩٠ وانا حال صح ممكن المعياري مدري والله بس كانت خيره الحمدلله

ثالث محاوله ١٠٠
رجعت بعد فقدان الامل كنت متوقع اني بقفل ب الثانيه بس الحمدلله على كل شي رجعت ل الكمي راجعت البنوك مرتين تقريبا و كانت مراجعه مشي حالك عشاني كنت مختمها مره في المحاوله الثاني و راجعتها مره بشرح بس كانت سريعه مره شرح سريع
و كان الوضع ممتاز كمي

لفظي - رجعت لقيت اكتملت دوره يناير المحدثه ذاكرت اخر ٣ بنوك كنت ناسيها شوي اما اول بنكين لا باقي الذاكره شغاله راجعت البنوك تقريبا ٦ مرات كذا بسرعه عشاني حافظ الاغلب و كنت خايف مره اغلب المختبرين جاهم قسم جديد (٢٤ سؤال ) وانا ابي اقفل خلاص و ايهاب كان ب ينزل البنك السادس بس المشكله اختباري قبل ما ينزله و ماكنت ودي ااجله و لقيت قناه طالب من قروب ايهاب الله يجزاه خير كان يجمع الاسئله ب قروب كذا و دخلت قبل اختباري ب يومين كنت افر على قروبهم كان مجمع اشياء كثيره بدون حل و بعضها مقفله و بضعها لا و حوسه حوسه بس كنت امشي و ذاكرتها يمكن ٣ مرات و دخلت الاختبار مثل المختبرين جاني قسم جديد و كان لفظي من ايهاب غير القسم الجديد كان من القناه بيض الله وجهه و حليت مثل الحل ب النسبه ل الخطاء السياقي و الاكمال اما القطع لا حليت بفهم قريت القطعه و حليت و توكلت على الله و اختبرت و الصدمه يوم طلعت والله ماتوقعت ابدا و الحلو اني ماتعبت ب المحاوله ذي الاساس كان في ثاني محاوله و الحمدلله

• نصيحة/ملاحظات :
ترا التعب والله يروح يوم تشوف الدرجه ماتحس انك تعبت تنساه كله و الايام تركض انا اتذكر اليوم اللي شريت في المعاصر كأنه امس و هذا و لي تقريبا ٩ شهور المذاكر الفعليه ٥ شهور كذا في المحاولات ٣ و لا تسمعون ل الناس اللي تقول صعب القدرات و مدري وش والله خرابيط والله تقدرون انت ابذل الاسباب و خل الباقي على ربك و شكرا


#تجارب_المخفي

• اليوم : الاحد. التاريخ : ٢٩/٨ ليله رمضان 🥹

• الدرجة : ✨٩٨✨

• المصادر : تاسيس لفظي ايهاب تدريب من البنوك ،تاسيس من المعاصر ٦ تدريب من المنصف

• التجربة : اول شي الحمدلله الحمدلله الحمدلله 💗 والله ماحصلت على هاذي الدرجه الا بتوفيق من ربي اختبرت اول محاوله كانت تجربه وهذا اكبر غلط غلطته بالقدرات 🛑نصيييحه لحد يغلط غلطتي ويختبر تجربه كانت اختي تنصحني وقتها وكنت اقول عادي يعني وش يبصير لاني ماكنت ادري عن الحجب !🫠 بعدها رجعت تاسست من كتاب المعاصر ٦ كان وقتها قديم بس تاسست منه وكان افضل شي سويته مره كان مفيد ونصيحه وانتم تتاسسون خلو عندكم دفتر اكتبوا فيه كلشي مهم كل قانون مهم اختبرت بعدها وجبت ٧١ كان وقت النماذج الجديده شهر ١٢ انهرت حرفيا لان الاولى الي كانت تجربه كانت ٧٣ اعلى منها وكان وقتها نماذج ثابته 🤡 بعدها عرفت غلطي اني ماكنت اتدرب وقتها كانت بدايه النماذج الجديده رجعت راجعت من دفتر تاسيسي وبديت بملف المنصف ٢٥٠٠كنت احل كل سوال بنفسي واي سؤال ماعرف حله اسال بالقروبات وكنت اذا مافهمت من القروبات ارجع اشوف شرح المنصف واللفظي بديت ب١٠ مقاطع التاسيس حقته الي باليوتيوب مفيده مره انصح فيها قبل تبداون بالبنوك فيها اشياء مهمه مرا المهم ذاكرت البنوك حقتها حفظتها حرفيا مثل اسمي وكنت كل ماخلصت اختبر كنت اختبر في اليوم عشرين اختبار المهم حجزت ٨/٢ وكان الاختبار حمددلله سهل وجاتني اشياء جديده واشياء كثيره مره نسخ لصق من المنصف بس كنت حمدلله احل وانا متاكده من حلي اما اللفظي كان الحمدلله كله من ايهاب وبعد يومين طلعت درجتي وكانت محجوبه انهرت حرفيا انهرتتت بكاء 😢 وحجزوا لي موعد بعد ١٠ ايام انحجبت وبينهم ٨ شههووررر 🤡 رجعت اذاكر من جديد والله كل ماجيت اذاكر تجيني خنقه وابكي ابكي وكنت كل يوم اصلي الوتر واسجد وابكي بكاء وادعي من كل قلبي واحس براحه 💖اجلت الاختبار لاني ماقدرت اراجع كلشي بعشر ايام والحمدلله خلصت وسجلت يوم ٢٩/٨ ليله رمضان ✨والحمدلله الحمدلله كان الاختبار سهل والحمدلله كنت احل وانا مرتاحه والله والبركه كلها كانت بالوقت 🥹 كنت احل واحط وارجع اراجع واحمد ربي بعد كل قسم بس اللفظي جتني قطعتين جديده مب بالبنوك وطلعت درجتي والحمدلله طلعت خيره من ربي وجبت اعلى من الي انحجبت الي انحجبت كانت ٩١ والاعاده ٩٨ سجدت شكر لربي وانا ابكي فيه 🥹 ‌‏(وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ)💗

• نصيحة/ملاحظات :
التاسيس لازم دفتر تكتب فيه كل الاشياء المهمه

🛑لاتدخل تجربه اول محاوله لان بيحجبونها

الحجب لاتصدقون الي يقولون بينهم ثلاث شهور او اربع ماعندهم سالفه حجبوها لي وانا بينهم ثمانيه شهور

واهم شي لاتنسون الوتر الوتر الوتر ادعوا فيها من كل قلبكم
( وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَان )وبر الوالدين ودعاهم بعد والصلاه بوقتها وصلاه الضحى

لاتنسون تدعون لي درجه حلوه بالتحصيلي 🥹💗💗💗.



#تجارب_المخفي

• اليوم : الاثنين • التاريخ : 1 april

• الدرجة : +95

• المصادر :

كمي /
التأسيس : المعاصر
التدريب : المنصف
لفظي :
تأسيس وتدريب : ايهاب

• التجربة :
مو أول محاولة وعانيت خاصة مع اللفظي مرة
الي جاني كثير من نماذج ايهاب والمتصف لكن فيه اسئلة جديدة شوي من برا لكن يعتبر مستواها سهل
الكمي خاصة افكاره شوي جديدة

• نصيحة/ملاحظات :
الكمي يبغاله تأسيس واللفظي تدريبب !
مرة ركزوا على ذي ، الكمي تقدر تعرف الافكار لما يكون تأسيسك صح ، اما اللفظي يرسخ كل مادربت نفسك وحليت أكثر
في اللفظي اعتمدت اني أحل خمس صفحات إلى عشر وأشوف بعدها شرح ابهاب وكيف حلهم واستمريت كذا وفادتني مرة للأمانة
بالتوفيق جميعًا ان شاء الله تقفيلة بأقرب وقت ❤️


#تجارب_المخفي

وقت الاختبار 🔻 :

• اليوم :- • التاريخ : 1445/8/18

• الدرجة : 98

• المصادر : المعاصر - المنصف - ايهاب

• التجربة : ما شاء الله تبارك الله هاذا كله بفضل الله سبحانه وتعالى اذكروا الله🤍
اولا القسم الكمي : ذاكرت المعاصر ٧ ثلاث مرات ان ماخاب ظني ممكن ٢
طريقة مذاكرتي فيه كنت اذاكر من ٣ الى ٤ مقاطع لكن بفهم وتركيز وكنت اتابع المقطع كله ولا احاول احل شي الا نادر عشان ترسخ فدماغي طريقة عماد
بعد مايخلص شرح كنت اخذ كل سؤال واشرحه لنفسي كاني اشرح لاحد قدامي واتقنهم كويس
وسويت كذا فكل الكتاب تقريبا
التدريب فالقسم الكمي : تدربت مع محمود المنصف / المنصف ١٢
طريقة مذاكرتي اول مابديت واجهت صعوبة جدا علما اني تاسست كويس ،لانه الاسئله كانت جديده علي كنت اشوف شرح المنصف فكل المقطع والي حسيت اني اقدر احله حليته بعد ماخلصت من الجزئيه الي اخذها فاليوم اخذ الملف وارجع اعيده واشرحه لنفسي ممكن تحسون الطريقه صعب لكن صدقوني لا
ذاكرت ٢٠ بنك فقط لكني كنت فاهمة
الشي الي ساعدني صراحة اولا رب العالمين وانا صراحة اقولكم ماتوقعت ١٪؜ تكون هاذي درجتي
ثاني شي ساعدني هو اني كنت اساعد غيري واشرح لهم بمقاطع وهاذي نصيحة لكم ترا اغلب الناس مايفهمون من الكلام الي يكون مشروح فرسالة ✍🏻 كتابه اذا تقدرون صورو لهم او سجلوا صوت لاني صراحه حاسه فيهم ودايم ماكنت اتردد واي احد ارسله كنت اكرر له جملة اذا مافهمت اعيد لك لاني صدق كنت احب اشرح واساعد وعلى اني خلصت ٢٠ بنك فقط الا اني توفقت في اختباري وجدا وهاذا بفضل الله

اللفظي :
تدربت مع ايهاب البنوك
كنت اشوف شرحه وبعدها اراجع فالملف وبعده اختبر كويز وقروب ايهاب برضوا كنت اساعد البنات الي فيه واشرح لهم وصراحة بنات جميلات لطيفات ومتعاونات فهاذا القروب وجدا ربي يسعدهم جميعا ويحقق مرادهم .

• نصيحة/ملاحظات :

عليك فالقرآن فكل امور حياتك مهما كانت
الدعاء واليقين وانت تدعي
اذكار المساء والصباح

"من ترك أمرهُ لله، أعطاه الله فوق ما يتمناه."
وبكذا انتهيت من القدرات اتمنى اني افدتكم ولا تنسون تدعون لي اني انقبل فتخصص احلامي ،ان افدتكم فالحمدلله ،وان ما افدتكم بالمعذرة منكم والسموحة

#تجارب_المخفي

وقت الاختبار 🔻 :

• اليوم : الاحد • التاريخ : 21/1/2024

• الدرجة : 96

• المصادر : اللفظي استاذ ايهاب عبدالعظيم
الكمي المنصف تدريب و التأسيس العمده

• التجربة :

السلام عليكم ورحمه الله
انا الطالبه دلال طالبه ثالث ثانوي الحمدالله جا اليوم الي اشاركم تجربتي من القدرات
انا اختبرت قدرات ثلاث مرات والحمدلله الثالثه ثابته
اول محاوله لي كانت ف النماذج
وجبت فيها ٩١ مصادري كانت استاذ ايهاب وتأسيس العمده وتدرب على النماذج ودخلت وانا مو مذاكره كل النماذج الكمي فقط اللفظي لان مكتفيه بتأسيسي وللأسف جاني نموذج مو مقفل بس تعتبر درجه حلوه ك اول محاوله

ثاني محاوله بعد ماصارت التغيرات 💀ف صفر اختبرت هالسنه
بس درجتي كانت مخيبه كنت مااذاكر بشكلل جدي بس كانت الدرجه كويسه هاا يعني تعتبر لانها بدايه تغييير وكلشي تغير ولاحد جمع اشياء تفيد

الفرصه الثالثه التقفيللله🌟✨
الحمدالله اول واخيرًا طبعا مصادري كلها نفس الشي ف الثلاث المحاولات
اللفطي استاذ ايهاب
والكمي تأسيس عماد
ملاحظه هالتغيير الي صار والكمي بالذات يعتمد على تأسيسك
كنت كل ماطفشت اتأسس اراجع تأسيس
لدرجه صرت اراجع نص الكتّاب ماشاءلله ف جلسه وحده وصرت اشوفه سهل
ذاكرت المنصف المجاني ١٥٠٠ سؤال
مهم تكونو متأسسيين كويس عشان تقدرون تحلون تعرفون الان اقسام الكمي فيه قسمين ١٢ د ب اسأله يعني لازم سرعه بديهه
اللفظي كنت اذاكره بكل سهوله لاني مذاكرته قبل ف الاشياء الجديده كنت ماره عليها على حسب تجربتي الثانيه
مرا مراااا استاذ ايهاب يعني الله يسعدو وجبت ١٠٠ فاللفظي
معلومه مو بس تذاكرين الان البنوك وتدخلين لاا الان لازم تراجعين مليوننن مرررره يحتاج مره عكس يوم نماذج ذاكرت مره فقط


• نصيحة/ملاحظات :

نصيحتي لاتيأسووووون ابد ابد مايأست
ولاتسوفون انا كثيره تسويف وهذا الي خلاني اتأخر بس الحمدالله كل تأخيره فيها خيره
اتقربو من الله
الوتر الوتر الوتر
قربكم من الله وبر الوالدين
وبس دعواتكم اجيبه درجه كويسه فاالتحصيلي💞💞🌟

#تجارب_المخفي