الخادم علي الحميداوي

اشما بيه بچي ابچيك

الرادود خالد الفيصل
الشاعر علي الحميداوي

لمولاي موسى ابن جعفر عليه السلام

بالسجون المظلمه اسنينه گضت
وساگة من گيد الحديد اترضرضت
ــــــــــــــــــــــــــــــــــــــ

حجـة الله وطاعتة نزلت فرض
وهوه امام اهل السمه واهل الارض
ليش گيد السنسله بجسمه يرض
ما كفت بالغربه الاسنين المضت
ــــــــــــــــــــــــــــــــــــــ

گضى عمره بنص طوامير السجون
والسجين ابسجنه يتگيد اشلون
اسنين ماشافن ضوه ذيچ الاعيون
وليله عينه ابراحه ابد ما غمضت
ــــــــــــــــــــــــــــــــــــــ

ابلايه اهل ظل الغريب ابلا بنين
ابعيد عن ديرة هله عايش اسنين
يمسي دمعه ويصبح بدمعة العين
وروحه لنواع المئآسي اتعرضت
ــــــــــــــــــــــــــــــــــــــ

وابسجون الطاغي يتنقل عمر
ومن عذاب السجن يتجرع المر
مايليق ايطب امامي ابهل الگدر
موش گدره امچانه والوادم رضت
ــــــــــــــــــــــــــــــــــــــ

ابسجن ابن شاهك نهاية منزله
وباأشد انواع العذاب ايعامله
حفر جسمه ذاك گيد السنسله
وعينة علباطل ابد ما غمضت
ــــــــــــــــــــــــــــــــــــــ

اخذ شوفة ابغربته ذاك الظلام
وهوه ابگيد السنسله ايصلي وينام
حجة الله مو گدر هذه المقام
والايام ابحزن والهم گوظت
ــــــــــــــــــــــــــــــــــــــ

أشد من الصوط لچمات اللسن
اذا شتمو فاطمة اباب السجن
چان مو للسوط للزهراء يون
روحة چالمذبوح علزهره انفضت
ــــــــــــــــــــــــــــــــــــــ

فوگ كل هاي المصايب والأشد
وبرطب مسموم سم چبدة العبد
ومن حرارة سمة ممرود الچبد
ونفسه لله بالمصايب فوضت
ــــــــــــــــــــــــــــــــــــــ

روحة فاضت والچفن بعبايته
وعلجسر ظلت غريبة اجنازته
ابسرعه مافزعت عشيره وشالته
الناس امام الرافظة فوگه الفضت

طارش يخبر الهواشم يلحگ يخبر الرضا
بالسجن بيد السلاسل موسى بن جعفر گضه
ــــــــــــــــــــــــــــــــــــــ
بالسجن گضه حياته بلا گرابه ولا هله
وين اهل هذه الغريب اتشوف عينه الهامله
وتمسح ادموع الغريبه وتفل گيد السنسله
ومسرعه تفل السلاسل بيهه ادينه امرضرضه
ــــــــــــــــــــــــــــــــــــــ
بوسط طامورة ظلام ومن سجن عاش السجن
شلون حاله الينسجن وبعيد عن اهله ويحن
بلا هله وابلا أولاده لبس جلباب الحزن
ابغربة هسه اسنين عمره وابغرب عمره المضه
ــــــــــــــــــــــــــــــــــــــ
سجن اظلم من سجن والگلب بالهم منفطر
وبالمچان الموش گدره خلص اسنين العمر
ومن ابن شاهك حسافه علوجهه من ينصطر
وابسجن سندي بن شاهك ضاگ بعونه الفضه
ــــــــــــــــــــــــــــــــــــــ
كلشي يتحمل سلاسل والسجون المظلمه
صابر على اسياط متنه التصب من عده الدمه
وگلبه ما يحمل ثواني تنسب أمه فاطمه
لعنه الله على القتله لعنة الله على الرضه
ــــــــــــــــــــــــــــــــــــــ
يشهگ انفاسه الاخيره وسمه گطع جبدته
وين ولده اتشربه ماي وبيده اتمش دمعته
اتحظنه ويقبلون خده ويعدلون اعمامته
الچان ما حاظر حياته ابموته خل ايعوضه
ــــــــــــــــــــــــــــــــــــــ
ياال هاشم هسه افزعو موسى بن جعفر غريب
وحشه تشييع الجنازه بلاية صايح لا نحيب
ومن بعد فرگه طويله الرضا اتلاگه ويه الحبيب
ملگه موت وصوت عالي شيعو امام الرافضه
ــــــــــــــــــــــــــــــــــــــ
والرضا جهز ابيه ودمعت اعيونه تصب
والرضا يبچي بونين ونايحه تفطر الگلب
لچن ما شافه ذبيح على الترايب منسلب
حسين موش چفوفه ابنه بسحگ عينه امغمضه

السلام على مولاي موسى ابن جعفر عليه السلام

‏مقطع صوتي من علي الحميداوي

بالاحزان زينب گظت
ابلايه اخوان من غمظت

---------

عاشت عمرهه مصيبه تاخذهه المصيبه
عاشت غريبه وماتت بديرة غريبه
ما فتر ونهه ولا گلب ييطفي لهيبه
تنعى الحسين وجثته الظلت سليبه

ابلا دفان جثته بقت

------------

امصايب رسمهن ماگظى الهسه بالعين
شافت اخوهه واگف وعدوانه صوبين
بجروحه طايح شافته من مهره الحسين
حي الحسين وناس هجمت علنساوين

بالنيران لخيامه اجت

------------
من الصبح يبدي البچي لحد هدوه اليل
واتفسر امصايب شكل كل دمعه التسيل
وابلا بواچي ولا لطم من ينهد الحيل
ينهد اشما تذكر حسين وسحگت الخيل

علعطشان حيل اركظت

--------------

ما ينحمل ذرة مصاب من العقيله
بدموعهه العباس صدت تشتكيله
مچتوفه زينب خويه طلعت علهزيله
سبي ودواوين وخرايب مو قليله

والنسوان اتگيدت

------------

فزعت عشاير علخرابه ديره ديره
مارظو حرمه بالظعن تبقى اسيره
الدرب السبي ظلن الماعدهن عشيره
الزينب ولا واحد اجه وشالته الغيره

ابلا وليان من انسبت
-------------

وصلت الشام وگالت اه الشام دربه
وي كل نگلت جدم متروسه غربه
الشام هذه الكون زينب ما تطبه
كل غيور ابهل مصيبه احترگ گلبه
لچم ديوان زينب مشت

اشما بيه بچي ابچيك
وشما بيه  حچي يحسين منك ليك

عشت وياك كل عمري بتدابيرك

واظل ابعتبتك عطشان
ولا اتروى من غيرك

يم اسمك امطشر كل عناويني
وغيرك ماردت عنوان

بصوتي ابسكتتي وياك
احبك من گلب والسان

ماي ابرمل وكت المو ابطاريك
بلا انته العمر خسران

بس بيك الگلب ربحان

اشما اكبر عمر وياك اظل زغران
اشما ابچيك احس اكمل واصير انسان

گالو ذلة تنعد وگفت البيبان

واذ ازورك وما أوگف ودگ بابك
احس بزيارتي النقصان

اسولف بيك اضل من اختلي بدربي

واذا ما يحن ما يبچيك
احسب گلبي مو گلبي

واحس ازيارتك تنكثني من ذنبي

طعم حبك دوه ومرهم

ويطهر گلبي حيل وياك
اشما بمصيبتك ينهم

عمري الراح مو وياك
اشما بيه عليه اندم

ودمعات التطيح عليك
اعذب من نبع زمزم

يترسنه حزن اسمك اشما ينجاب

ياابو امصاب ما يوصل الدمه امصاب

حزنك يفتح اشچم باب

وبنهايه ذبح نحرك يبدي چم اصواب

دمك بي سترت الدين
وثوبك بي سترت الناس
يلظليت دون اثياب

بظهر عاشور شفتك دمعة تچوي العين

سمعتك اه من صوت
النياحه ونت الباچين

مو گد الحزن عشناك

علگد احزانه كلمن واگف اگبالك

بچينه بركظه اطويريج
ومر ابالنه حزن الشغل بالك

طبينه وبچيناك ولطمنه عليك
وعشنه شلون لطمن يمك اعيالك

مر بينه الحزن بس من ورى الشباچ

الله يساعد الشافتك نايم دم
الله يساعد الشافتك ما تنلم

والتمن بناتك نوح
وفيي ذاك العبي فوگ الدمه خيم

الما ينجاب طاريهن
وي صدرك اتكسر كل خواطرهن

ما ينهابن من الناس
بعد ما ضل اخو لا ضل ابو عدهن

بناتك عگب چف عباس
راح الحبل يلزمهن

من السبي للديوان
وبنص الخرايب يبقى منزلهن

لشهادة الامام علي الهادي عليه السلام

وين الذي يطوي البعيده
علريح يعبر بيده بيده
ابگلب يلهب يسبج الريح
لهل الكلايف والشديده

------------

يوگف على حدود المدينه
محروگ گلبة وحمره عينه
للساده حيهم حيهم ايصيح
مسموم هاديكم لگينه

------------

وين اهل بيظ ال بلحرايب
وين اهل طالب واهل غالب
اتمدد الهادي وغمظ العين
ومن ذاك سمه الچبد ذايب

------------

حيهم اوين اهل المعالي
المن زودهم كل راس عالي
حاسر اجيت الراس هليوم
چي راسه حاسر علي الهادي

-------------

اتعنى للساده ابهل امصاب
ناعي المصيبه ابعتبة الباب
الكلفه عدكم ياال عدنان
باچر الهادي اتشييع الاجناب

--------------

امصاب وي حسين ينعاش
ميت الهادي وحدرى الافراش
بدم الجروح اتغسل حسين
وتچفنه ماصح وصلة اقماش

------------

الحسن سد للهادي الاعيون
واعيالة فوگه ابراحه يبچون
وحسين فوگ اجروحه علگاع
مفتوحه عينه وبي يسحگون

--------------

غير اليموت اهله يجوله
واجهاز ميت يجهزوله
اكرام اليموت ادفنه العزاز
والگبر اهله اليحفروله

--------------

وحسين ثلث ايام عاري
مسلوب وبحر الصحاري
بس الجسد والرس برماح
وي الظعن يمشي ويباري

منتظره جيتك بالظعن وابدمعة العين
من العاشر وعدي علم مذبوح يحسين
حسين حسين حسين حسين
انه ام الابنين

--------------

اربعه انطيت وقليله
يلتسوه گوم اوقبيله
الطولك وطول العقيله
تمشي في اخوان

راحو بيارغ نشامه
في علذيچ الاعمامه
كل اخو فدوه ال امامة
هذه مبدء چان

خدام ولدي ابطعلتك
ويستئنون ابخدمتك
وگفتهم بسد وگفتك
ايات وي قران

لمن رحت يبني عني
ماگطع كل ليله وني
ما ينگظي يمه حزني
عمري كله احزان

ابيتك المغرب من يطب ايخيم امصاب
وي العليله اعليك ابچي ابعتبة الباب
حسين حسين حسين حسين
انه ام الابنين

------------

امحزم ظعن بالهوشم
خيمه على روس الفواطم
راح الظعن كله سالم
من حرم واطفال

امدللين ابسفرهم
بعيد الخطر ما يمرهم
وابچلمه محد هظمهم
وما تجي على البال

ابهودج وراياته عامر
هيبه ويسر النواظر
ماكو بي كسرت خواطر
والعثر ينشال

يمشي الظعن عنده والي
وغالي ايتفگدله غالي
وبكل بلد راسه عالي
وينعدل لو مال

ابهيبه اوقار ابكل بلد لمن يدخلون
الساد تسد عين الشمس مو بس الاعيون
حسين حسين حسين حسين
انه ام الابنين

------------

وايام مرت علينه
غير الحزن ماكو بينه
واحدنه عالي ونينه
من رحت لليوم

وبالرؤيه وابليله عاشر
اخبرني عن كلشي صاير
شفت النبي راسه حاسر
واشعث ومهظوم

من انعى يايمه حيره
كل المصايب چبير
يلرحت ماخذ عشيره
ياچبير الگوم

واچبيرهم باقي وحده
وما ظل اخو هسه عنده
شدتة ويه اخيامه شده
وعلحرم ملچوم


كل خطوه يطلع للحرب علخيم يندار
وكل خطوه يطلع تعلى چان صوات الزغار
حسين حسين حسين حسين
انه ام الابنين

------------

ذاك العطش غطه شوفك
كل هذه محد يعوفك
خيل وعساكر تطوفك
يلطحت عطشان

اتگوم وطعنهم يعثرك
كل السهام على صدرك
يحسين محد يحظرك
من الطعن تعبان

ابلا اخو يشيلك جريبك
وكل سهم لمن يصيبك
خظبت چم مره شيبك
وانته بالميدان

ما ظاگ واحد محنتك
شافن بناتك عثرتك
ومن طحت شافن ذبحتك
هنه والنسوان

غير اليطيح الهن عزيز اعليه يلطمن
طايح ابوهن والحرم بالهيمه فرن
حسين حسين حسين حسين
انه ام الابنين

------------
الحرم زينب تلمهن
علترب نومه زلمهن
علشاطي طايح علمهن
ابخيمه كله اتبات

الصبح اصبح عليهم
والنوگ جابوهه ليهم
طلعو ومجتوفه اديهم
والحرم مهظومات

ماكو أخو ايحامي عدها
الحرم عافت اهلها
أبلا دفن محد الها
والظعن يمهم فات

اكبر مصيبه النه هايه
ابلا أخو وماكو رايه
للكوفه تمشي السبابه
وابخرابه اتبات

وعلى الظعن دار الوكت وهسه اهل الحسين
وطبن الما شافن بشر بين الدواوين
حسين حسين حسين حسين
انه ام الابنين

يمه شفتي الزهره
والكسر والصطره
مصاب بده بصطرت عيني
مصاب لحد ذبح احسيني
مصاب بي يطول اونيني ما ينگطع

-------

حزن بابي هوه اساس الكل دمع
وكل كسر بينه بده ابكسر الضلع
حالنه ابحزن النبي چان الوضع
وعلى الدار بنار ملتم الجمع

انفتح باب امصابي
بيوم حرگت بابي
بدت الأيام المره
بدت بضلعي اول عصره
بدت ودمع عين الزهرة ماينگطع

-----------

يمه يرظه الله اذا فاطم رظت
اظلوعة ابعصرت الباب اترظرظت
للشتم والظرب يمة اتعرظت
وبكل مصيبة الامر لله فوظت

بت نبي ونكروني
واعتنو أذوني
العصر. وآن گال ويدري
العصر. يمة كسر صدري
العصر. والدمة ظل يجري ما ينگطع

-------------

طحت فوگ اجروح صدري علترب
وصار يظرب فاطمة كلمن يطب
ابچعب سيف ورمح وبصوط انظرب
ابدمع مهظومة بچي اعيوني التصب

فاطمة وظلموني
واشكثر هظموني
بچيت بويه صرنه ابغربه
بچيت وبئسه من هلصحبه
بچيت والدمع والندبه ماينگطع

--------------

وتزيد يمه البت على امها ابكربلة
وحمل حزنچ ماكو واحد يحملة
العنده اخو مذبوح راد يروح الة
ايعينة الله شلون جدمة ايوصلة

يذبحون ابنحره
وامة واختة تنظره
اجيچ وظل يمچ يمة
اجيچ مخظبة من دمة
اجيچ والونين الجسمة ماينگطع

-------------

غير كلمن مات اخوهه علية تصيح
وفوگة بچي الفاگدة تبچي وتطيح
وحسين ماكو احد مثل جسمة جريح
وطايح ابلا صايحة وهوه الذبيح

امسلبات اهدومة
وغسلة من ادمومة
حسين لليحس بي جمره
حسين وية اسمة العبره
حسين علية مصاب العتره ماينگطع

-----------

الغالي عد كل هاشمي وكل طالبي
واليصعد امدلل على صدر النبي
انسحگ صدره وخيل رظت كلشي بي
ويظل عاري واهله تطلع للسبي

ابگربة من يحدوهم
وللسبي ايگودوهم
سبي والهزل مكشوفة
سبي والحرم مچتوفة
سبي وحزن قصر الكوفة ما ينگطع

المستهل مجارات


گومك يبوية ما رعوني
واخلاف عينك مرمروني

-----------
من يوم رحت استظعفونه
ابنار ومشاعلهم لفونه
يابويه ماچنك ابونه
روعو ولدي وروعوني

-----------
علدار هجمو وانه بالدار
وندفع باب المحترگ نار
ونابت ابصدره الزهره بسمار
ومكسور ظلعي ويعصروني

------------

العتره من بعدك غرايب
وانصبت علينه المصايب
بالحزن بويه الگلب ذايب
فاطمة الحجة ويظربوني

-----------

يلتسمع احزاني ونيني
من عصرتي طايح جنيني
وخدي ازرگ ودم حمره عيني
والاثر شاهد على اعيوني

------------

من المصيبه اثار بيه
كلدملجي صارت اديه
وابصوط العبد من رد عليه
من الظرب ورمت امتوني

------------

واشبينه تدري اهل المدينة
ماچن اهل بيتك مسينة
يمشي علي وامچتفينة
وانكرو حيدر وانكروني

---------------

مچتوف قالع باب خيبر
ويندب وشوف العين يفتر
الحمزة وين اوين جعفر
هلساعه اريدن يحظروني

-------------

امشي بجروح التنزف بدم
وجروحي هينه وطالعه بهم
بس كون ابو الحسنين يسلم
وظلمو علي اشگد وظلموني

ابدارچ كل كتر گامو يونون
بلا صوت الحچي صاير بالاعيون
ابمچان البي گعدتي ظل يگعدون
وبالسجادة واهدومچ يشمون

-----------------

علي يافاطمة مهدود حيله
علي بچفة دفن روحه وخليله
يحجي البابچ ابدمع اليسيله
مصيبه فاطمة علينه ثگيله

----------------

علي حگه من يمشي وحيلة مهدوم
اثر صطرت الخد ابعينه مرسوم
من حگة علي مايحچي ملچوم
لگه بوكت الغسل چم ظلع مهشوم

-----------------

فاگد وي فاگد تبدي الادموع
وحشة ابيتچ وما طفي الاشموع
الحسن يمة يصيح ابگلب مشلوع
بچي الفرگتچ ولكسرات الاظلوع

-------------------

واحسينچ ينوح وبالگلب نار
يمة ابدون طولچ اظلم الدار
ورى موتچ اندور عطر واثار
واعليچ الچم وي كل كتر اندار

-------------

الفگد طولچ ولا يگطع ونينه
ولا ينشف ابمغرب دمع عينه
زينب انه واتنطر تجينه
مشتاقيلچ يمنة الحنينه

ابدونچ ييـمه موحـشه الدار
والحال ما يـتوصف اشصار

-------------
كلمن يسـلي الروح بصـواب
بين الاهدوم وبيـن محراب
وبين الينـوح امگـابل الباب
واهنا كسر ظلع امي بسمار

-------------
يـايـمه اظلـم دونـچ البـيت
واختنگ لو بالعتـبه طبـيت
انـة الحـسين اشـكثر ونيت
والهـسه فــوگ الـبـاب اثـار

------------
اطـلع وعينچ ليهه تــربي
وبالـهلا يـمه ايــروح تعـبي
ما شبـع چلـمة يمه گلبـي
يلعفتي كلشي ابعيني تذكار

-----------
هلفـگـد اكبـر مــن عــمرنه
واهـواي يلـزهره انكـسرنه
من طاحت الخيمه التلمنه
ولمة الخيمه هـسه طـشار

-----------
ابليــا صــوت ام المـحاچـي
ماعلى بس صوت البواچي
وامــبلله ادمـوع الخواچـي
وبرواحنــه مــا تــبرد النـار

-----------
ابظـلع الحنيـن الباب مطبوگ
يـادمــع وي امـصابـچ ايـلوگ
وبالعصره محسن يمه مخوگ
ودخــان چـان ابـكل الاكــتار

------------
علفــاگـــدچ مـــرة المــسيه
ومـن يــوم دفنـچ يـلزچـيه
نختــنگ يمــة ابـــلا عــزية
وعليـنه يايـمه الوكــت دار

------------
بين الحزن دور الرحه ايدور
وامچان اليلمنه بس بالاگبور
ابهظمة گلب والظهر مكسور
وحيـله انهـدم حيـدر الكـرار

------------
محترگ گلبه ايعيـش الحسين
چي ماتت امة وصطره بالعين
والأثــر فــوگ اچفــوفه ديــن
والگلب يطفى ابصاحـب الثار

سِلمٌ لِمَنْ سالَمَكُمْ في اليُسْرِ والمِحَنِ
حَربٌ لِمَنْ حارَبَكُمْ في السِّرِ والعَلَنِ
على ايِّ حالٍ يَنْقَضي ياسادَتي مَعَكُمْ
مُتَمَسّكينَ بِحَبْلِكُمْ مِن طارِقِ الزَّمَنِ
......
العن قاتل الزهراء ما اسكت ولا جامل
التلعنهم بكل مغرب مهظومة بدمع هامل
الطهر گلبه للعتره يحس  الظلم والباطل
خليفة نبي ايسمونة وبدي بت النبي قاتل

لا اخْشَى فيهِمْ لَومَةً لِعاذلٍ وَ لائمِ
بِلَعْنِهِمْ  تَقربي مِنَ البَتولِ فاطِمِ
مالي أُجامِلُهمْ وَقَدْ آذى الهُدى فِعلَهمْ
حتى قَضَتْ مَحْنيةً بالدمعٌ والالمِ
.............
ياسادتنه وياأئمتنه شكراً من رضيتونه
وبيكم طهرت الارواح من يوم القبلتونه
لئيم النسب والاسود بيكم يختلف لونه
چم حر جايكم نادم ومن عدكم تحسبونه

جَوْناً فَمَنْ يَدري لَهُ بِالناسِ مِنْ حَسبا
عَبْداً أتاكُم فأعْتَلى  في ارفَعِ الرُتَبا
أمْسى يُزارُ ويُرتَجى  مُذْ أَنْ دَنى قُربَكمْ
يانَسباً أنتُم لِمَنْ قَدْ فاتَهُ النّسبا
...........
شفنة الدنيا كله اوهام بس حبكم حقيقتنه
وراحتنه بتعبكم صار مو بالدنيا راحتنه
كون ازياره والمجلس نتمنى بصحيفتنه
بحب ومعرفه وتصديق وياكم يسادتنه

كُلُّ انتماءٌ غَيرَكم لَيسَ سِوى وَهَما
لَولاكُمُ ماكانَتِ الدُنيا مِنَ العَدما
مامِنْ سَبيلٍ يُسْلَكُ بِمَعزَلٍ عَنْ دَربِكُمْ
وَيلٌ لِمَنْ عَنْ حُبِّكُمْ زَلَّتْ بِهِ القَدَما
--------------.
لگيناكم اعز نعمة لمن تنذكر تنظاگ
بعطركم ينشرح صدر الطب ليكم بصدره الظاگ
واشما يطهر بنادم يظل الكم صدگ يشتاگ
شربونة معين الحب ندباكم ابجرف الراگ

مَنْ ضاقَتِ الدُنيا بِهِ  والكُلُّ عَنْهُ خَلا
ما إِنْ أتاكُمْ لائِذاً كُنتُم لَهُ أمَلا
فالحُبُّ مَنْجى إِنْ لَكُمْ  وَمُهلِكٌ لِغَيرِكُمْ
فَعِشقُ آلُ المُصطفى يَرفَعُنا بِالمَلا
-------------------
لو لاكم شمس ماكو ولا حتى الگمر ظوه
وانتم مصدر الكل نور يمن للانبياء قدوه
الما ظايگ نبع حبكم لاخر نفس ما يروه
الوجوده ابليا خدمتكم ياسادتي ما يسوه

ماقيمَةَ الوجودِ إنْ عِشنا بِلا ذِكرَكم
ماخَلقَنا الا لكي نُحيي بِهِ أَمْرَكمْ
فما قَدرِ عُمري جَنْبَكُمْ إن لَم أكُن خادِماً
فأنّنا ياسدَاتي مِنْ فَضلِكُم وَلَكُمْ
--------------
يلگاكم كهف امن بسمكم كل بشر ناده
غوث المستجار انتم ياساده على كل ساده
ابعوالمنه وبكل عالم انتم للخلق قاده
سر هذه الوجود انتم وانتم معنى اوتاده

َلساخَتِ الارضُ بِنا لَولاكُمُ بَينَنا
دُنْيا وأُخرى نَحْتمي في كَهفِكُم إنّنا
فَفي يَومِ حَشرٍ نَرتَجي ياسادتي ضِلّكُمْ
فَدائِمٌ فَضلُكُمُ في السلمِ والمِحَنا

القصيده مشتركه
مهدي عباس الهلالي
علي الحميداوي

السلام عليك بابقية الله

عميه ابجفاك اعيون وگلوب
والگلب ناسيك من الذنوب
بلساني بارد هسه طاريك
مو ذاك چان البيك مصيوب

-------------

مسترسل ومر صدمه طاريك
يومي انشغل بس شغله مو بيك
المشتاگلك محبوسه بذنوب
والندبه خرسه الچان تبچيك

--------------

متناسي حگ العشره وياك
الموسهل صاير سهل فرگاك
ليش انته مو اول بالهموم
وفارگت چلمه يمته الگاك

--------------

متعوب حيلك سيدي ادريه
وما لاگي واحد تنتچي اعليه
بعمالنه ومن حزن المصاب
نعرف ونسئل منحني اشبيه

--------------

النور انته ومنبع الظي
العايش وي اسمك ينترس في
افراگك رسايل بيد الحسين
اقتنع ليش ابچذبة الري

---------------

كون احط حد ومنه ابدي
وارجع واوفي اديون عهدي
وارجع والقن روحي كل يوم
مو هينه غايب عدنه مهدي

اول تجاسر على بيت الرساله
اول حرگ بيت بچفوف الضلاله
اول حرگ اول دم
اول ظلع يتهشم من فاطمه

----------

اعز واغلى امانه فاطمه الزهره
ما راعو وصيت سيد العتره
غير ام الحزن تتگابل ابعبره
مو كسرت اظلوع اباب والعصره

اول تعدي على خد الزچيه
من صطر خدهه النذل ذيج المسيه
اول صدر يتألم

--------

گصص مابيه گطره وبالعتب تعرگ
صارت وين ينهظمون اهل الحگ
وحرمه ابو الحگ ابداره هم تنطگ
وي كسر الظلع حيدر علي يشهگ

الله يعينه يشوف الزهره طاحت
يافظه اسنديني يسمع لمن صاحت
جان القصد مايسلم

----------

نسو حيدر علي وتاريخه وامجاده
امجازه التظحيات اتروع اولاد
چلمه وان فتحت باب علساده
وصفى المايسوه يتجاسر على اسياده

وچلمه وان فتحت عليهم كل مصيبه
ابهل چلمه اهل بيت راح تظل غريبه
كل حجه بيهم يظلم

----------

علي عايش غريب اتفرقو ناسه
وبمصيبه العصره الشيب اخذ راسه
يخنگه الهوه جان ويجرح احساسه
يدري المنكسر يلچم بنفاسه

حيدر علي بروحه يدري شنهي موجوع
شم النفس هذه يلچم كسر الاظلوع
ياذي النفس من ينشم

-----------

علي يحترگ گلبه وتظلم ايامه
ومن تتخطى يمه تثگل اجدامه
ام اثمنطعش  محنيه گدامه
وعاشت بعد ابيهه معصبه الهامه

عاشت حزن وادموع بيام الرزيه
منعوهه لو تبجي الصبح لو بالمسيه
من الدمع هم تحرم

--------

مقتوله الزجيه استشهد بسباب
من العصره من الصطره من الباب
من بسمار باب البي ظلعها انصاب
ومن رفسه اسقطت محسن بعتبه باب

محسن استشهد وفاطم شهيده
اول ظحايا و قرابين العقيده
يثبت البيهم يلزم

الخادم علي الحميداوي pinned «ما تنسي هجمتهم الداري طول العمر ما تنطفي ناري ما ينگطع يبقى الدمع جاري انه فاطمه --------------- بيت انترس بحزان النبي وفگده بيت ايعيش حال بذروة الشده غير الحزن والدمعات ماعنده واحدنه النواعي اتجيبه وترده كلشي بالدار يعيش بالغربه واحدنه يبچي ومحترگ گلبه…»

ما تنسي هجمتهم الداري
طول العمر ما تنطفي ناري
ما ينگطع يبقى الدمع جاري انه فاطمه

---------------

بيت انترس بحزان النبي وفگده
بيت ايعيش حال بذروة الشده
غير الحزن والدمعات ماعنده
واحدنه النواعي اتجيبه وترده

كلشي بالدار يعيش بالغربه
واحدنه يبچي ومحترگ گلبه
والـدار بيـش الـوادم اطـلبه انه فاطمه

----------------

بعد بيـنه تراب الدفن وارسومه
وعدنه من المصيبه گلوب ملچومه
علينه اتأمرو كلـمن جـمع گومه
بسقيفة بني ساعد كله ملمومه

من يسوه خاطر نسمع انعاتب
انسى اشوصى النبي واشكاتب
وانكر حـگة ابـن ابـي طـالب انه فاطمه

----------------

بيت اتعبره وادم چـانت امدنگه
بي غير الكـرم والطـيب مـا تلگه
وجمع شر الخليقه ومعتني ايحرگه
ابمشاعل وابهجوم ابدارنه يدگه

الوصى بكتاب الباري والعتره
انكر حـچيه اشـگال علزهره
شـر الخليـقه معـتني بكفره انه فاطمه

-------------

مهابة بت نبي وانشتم مو گدري
محترگة والباب اندفعت بصدري
والمكسور ظلعه يعـرف بكسري
من اصواب بسماري الدمه يجري

چم مصيبه شچم هظم عندي
شنسى الظلع لو صطرتي بخدي
لـو بالـفزع مـن روعـو ولـدي انه فاطمه

----------------

چف الحرگ بابي والصطر نفسه
هوه اسقط جنيني من أثر رفسه
من هاي المـصايب شذكر وشنسه
وزراگ الصطره هذه بعيني ظل لسه

يوجع گلبهم اثر صطر امهم
ظـميت اثـار الصـطر عـنهم
ماريــد اراويهـم والچـمهم انه فاطمه

-------------------

الشال حمول دين وي النبي بچتفه
طلع مچتوف من ادياره ياوسفه
وانه المصيوبه لاحگته بفزع خلفه
وشفت وين النذل متوزر ابصفه

كلمن سمعني ومن يولايني
ابحرباً لمن حاربنه يرظيني
الجامل حچاية وآن ياذيني انه فاطمه

الخادم علي الحميداوي pinned «شگ گبرك اشوفك خويه مشتاگه وي اتـراب اسـولف عگـب الملاگه ---------------- شـگ الگبـر واطــلع يــابعــد ذنــي اشبگك رايــده واحــچي اليئـذني اسولف رايده عن كلشي هاظمني وصرت احچايه زينب هاي علناگه -------------- يبعد الما غفـن شـگ الگبــر واطلع راح ابچيك حـد…»

شگ گبرك اشوفك خويه مشتاگه
وي اتـراب اسـولف عگـب الملاگه

----------------
شـگ الگبـر واطــلع يــابعــد ذنــي
اشبگك رايــده واحــچي اليئـذني
اسولف رايده عن كلشي هاظمني
وصرت احچايه زينب هاي علناگه

--------------
يبعد الما غفـن شـگ الگبــر واطلع
راح ابچيك حـد ما هلنفس يگـطع
يلمـا ترظى ابچـي امسـح المـدمع
انه المابيـه خـويه الفـرگتك طاگه

-------------
ابحزن كاتل بناتك من بـعد ذبحك
وبس الموت يتوالم دوه الجرحك
اموتن گبل لا يطلع ظوه الصبحك
ولا اذكـر الذابــح بالظــعن سـاگه

------------
يحــسين السبــي مــا ينــحمل دربه
ظعن من البچي السكته احترگ گلبه
واگــبور الفــواطــم تـــرســن الغربه
وصبري. الما نشـف يمك نشف راگه

------------------
ثلثتيـام يــمك خـويــه مــا يـكفن
ما ينفع بواچــي لــو عمــر يبـچن
اعيون الما تشـوفك ريتــهن يـعمن
ولذني اعيوني وجهك چان مشراگه

----------------
اجيتك من سبي دربي وتعب ديوان
وبناتك بيدهن رد الحبل نيشان
الظعن تعبان يتجى ابمتن تعبان
ويمشن درب هيمه ابشمس حراگه

------------------
خويه الشام خويه شسوه بحوالي
اباب القصر علگ راسك اگبالي
طبيناله غالي امچتف ابغالي
بلا نغار كله ابظرب لحاگه

----------------------
وجهي من السبي متغيره ارسومه
من نوم الخرايب خويه مهظومه
كل خطوه برمح بالشام ملچومه
علي الفزاع عن زينبكم اشعاگه

------------------
ابديوان وخرابة اثنينهن طبيت
اختكم انه يخوت زينب انطگيت
ابهظمه ودمعتي وحرگه گلب رديت
لعباس اشكثر مهدومه بفراگه

علطشت تبچي بصوت عالي
الغالي حط خده علغالي
بللت شفته بدمع الاعيون
واتگله اگعد شوف حالي

متغيره ارسومي .. من درب السبي
ــــــــــــــــــــــــــــــــــــــ
تمسح تراب البوجهه چان
وتگله بويه هوايه تعبان
حر السموم امغير الارسوم
من عدنه اكثر انته ذبلان

مسبي علرمح .. وي الحرم راسك
ــــــــــــــــــــــــــــــــــــــ
مصيوبه بحسين الحنينه
وابكل مچان امصوبينه
تمسح بديها اثار الجروح
وبدموعه تمسح جبينه

وبذيچ البواچي .. تمسح اجروحه
ــــــــــــــــــــــــــــــــــــــ
فوگ السبي هاي الرزيه
وبشبگت احسين المنيه
متعوب حط راسه علمتعوب
وفوگ الطشت ماتت رقيه

شبگت موتها فوگ الطشت چانت
ــــــــــــــــــــــــــــــــــــــ
اعله حسين ميته ودمعه بالعين
شالتها زينب والنساوين
الله يساعد زينب اهناك
كل بلد تدفن طفله لحسين

الشام اگبور .. متروس ابفواطمنه
ــــــــــــــــــــــــــــــــــــــ
ميته وبديها اثار الگيود
مطبوع لف احبال موجود
ومن الصياط بطبت الشام
امتونها من الضرب سود

سوده امتونها .. من الضرب ماتت
ــــــــــــــــــــــــــــــــــــــ
دفنتها تشبها دفن ابوهه
لا چفنو لا شيعوهه
وابذيچ الخرابه الگبر صار
حفرولها وبي وسودوهه

ماتت بالسبي .. واندفنت ابغربه

علي الحميداوي

#اللهم_عجل_لوليك_الفرج

للسيده رقيه عليها السلام

غفت والدمعه اعله طرف اعيونها
والسبي امغير ملامح لونها
ــــــــــــــــــــــــــــــــــــــ
غفت من ذاك التعب فوگ التراب
بالسبي وامصاب ياخذهه المصاب
من البچي ذاك الگلب بالدرب ذاب
هذه حال ابلا ابو اليسبونها
ــــــــــــــــــــــــــــــــــــــ
امچتفه اعلناگه يوميه بدرب
وعينها الفوگ الرمح چانت تصب
وتصب عينه عليها كلما تنظرب
اعيونه يغمظهن شما ياذونها
ــــــــــــــــــــــــــــــــــــــ
من غفت لحظات فزت بالنحيب
عمه شفت ابنومي الحسين الحبيب
وگالي موعدچ يبنيتي جريب
ومسح عيني وشاف لون اجفونها
ــــــــــــــــــــــــــــــــــــــ
حيلهه وذاك الدمع علترب طاح
عمه اريد حسين صوت رقيه صاح
من الخرايب صوتهه وللقصر راح
والراس ودوو خاطر ايسكتونها
ــــــــــــــــــــــــــــــــــــــ
صار ملگه اليعمي الاعيون البچت
راس ابوهه اگبالهه انحط بطشت
سئلته على اجروح وجهه وما شكت
وجبهتك ليش ابحجر يرمونها
ــــــــــــــــــــــــــــــــــــــ
شفت شفتك والوجع بالگلب چان
اگبالي اشوفن تنظرب بالخيزران
بويه من ابعيد صدلك كل مچان
والبچت يم راسك ايظربونها
ــــــــــــــــــــــــــــــــــــــ
بيه كسرت ظهر من درب اليسر
ظهري كلما شوف راسك ينكسر
من الرمح جابو البيبان القصر
والنساء امگيده ايجرونها
ــــــــــــــــــــــــــــــــــــــ
اشكثر مشتاگه اگعد واحچي وياك
والخرايب غطه حچي الشوگ ذاك
لحظه ما ريدن بعد عمري بجفاك
بس مصايب فرگتك مظمونها

علي الحميداوي

#اللهم_عجل_لوليك_الفرج

لمولاتي السيده رقيه عليها السلام


شلـونك يــابــعد تعــب السبي شلونك
اشكثر مشتاگه عيني اتصد ع اعيونك
-------------

بـس لا انته هذه البطـشت مشيـول
والچتــال اجـــه لبنــيت المـــچتول
يبو طول الحلو شو راجع ابلا طول
وابراسك معــتني وابكربله امتونك
-------------

ازغيـره وحـزنـك وفــرگـاك شيـبني
شلـتك لأن كل مـلگه انتـه شـايـلني
اشتـمـك واحــطن راسـك ابحـظني
واگلـك ليــش هلگـد مختـلف لونك
-------------

الفـگد چتـال عـد اهل العشگ ينگال
والملگه ويـراسك بــويه هــم چتـال
موش اگداري حزنك يهد گلب اجبال
ولبنيـــتك بـــلا طـــولـك يـــودونـك
-------------

هضمــتهه لبـــوهــه تشـكي الابنــيه
ليـــش امچـتــفين وحـرم مــسبيهه
وليـش اشــما تـذكــرك تنطگ ارقيه
وأذونــي ابظــرب يـــردون يـاذونك
-------------

احنـــه مخــدرات النبـي وعـلـويات
چا ليش ابخرايـب كل مسيه انبات
ونصبـح على نوگ الهزل مكشوفات
وابكل ديره اطــب اسمع يشتمونك
-------------

ابد موقصدي الچمـنك يبو اسكينه
ابسـبينه اشكثر ناس اتشمتت بينه
وابيـوت الشـام كلـه اتشامر اعلينه
والناس بحـجر تسـتقبل اظـعونك
-------------

وعذرني اخـاف ابشـبگـتي اتلچمك
اريد اخلـط دمعـتي بـويه وي دمك
يبــويه خــل امــوت وانــه اشتمك
ودواي المـوت يل مـا ارهم ابدونك

ظيجة درابين الشماته
وطب ظعن الحسين بخواته
عليهم جريب الرمح يلااح
ومن ينطگ يشوفن بناته

---------------
يحسين گلبي احترگ يحسين
يمشي الظعن وامچتف ايدين
فرحانه كله حسين مذبوح
ونمشي احنه سكته ودمعه بالعين

--------------
صوتي ودمعتي اهنانه محبوس
اوعيد الشام ابطبت الروس
يمشي الظعن مثكول مهظوم
بس الشوارع زينة متروس

--------------
امشي گوه موش ابرظاتي
وثگلن على اختك نايباتي
بت فاطمه وابحبل انگاد
الما بين اخيالي ابحياتي

--------------
شماته ما بيهم غياره
يمشي الظعن خلص نهاره
فرنه على وادم تطلب ابثار
ما بين اليهود ونصاره

---------------
واباب ساعات الرزيه
لاذت سبيه بسد سبيه
فرحانه وگفت تظحك الناس
بالشمس ظعن الهاشميه

----------------
وانوب مشوهه النساوين
من الخرايب للدواوين
اطب حرم مچتوفه بحبال
وي خدر زينب هلسبي امنين

----------------
يحسين گلب الحره ممرود
من شفت تنطگ شفتك بعود
احترگ گلبي وگتلة ياريت
چف الگمر عباس موجود

نعي للعقيله زينب عليها السلام


يحسين غطه ارسومن اتراب

ومن السبي خويه الگلب ذاب

اسمي بلسن ماچان ينجاب

وخيالي چان سيوف اله حجاب

والاخت وي اخوته تنهاب

هسه اميل وي الهوه الهاب

امصاب الذي مايوصله مصاب

الحـرم تمـشي بلايـا طلاب

وبوجوهن تتصفح اجناب

الخادم علي الحميداوي pinned «يحسين زينب انه يحسين نسوانكم  طبن  دواويين ------------------ يحسين وجهي المن اديره فزعت عشيره الكل اسيره وظلن  الماعدهن  عشيره ابراي الذبحكم خويه ماشين ------------------- مسبيه  گام  عليه  ينگال وعليه شانت بيدي الاحبال الحرم تمشي بكيف الانذال تمشي النسا…»

يحسين زينب انه يحسين
نسوانكم  طبن  دواويين
------------------
يحسين وجهي المن اديره
فزعت عشيره الكل اسيره
وظلن  الماعدهن  عشيره
ابراي الذبحكم خويه ماشين

-------------------
مسبيه  گام  عليه  ينگال
وعليه شانت بيدي الاحبال
الحرم تمشي بكيف الانذال
تمشي النسا ماتندل الوين

-------------------
من الذبح والدرب المصايب
ومن  الخرايب للخرايب
ومن النواعي الگلب ذايب
وابكل خرابه تنشف العين

---------------------
ليل الخرايب  هظم  وانياح
ونتصابح بروس على الارماح
وابكل صبح برقيه ينصاح
وذبلت هظم خويه النساوين

--------------------

ماظن ابد ترضون ترضون
بالظعن خويه بسوگ يمشون
وشافو حرمكم بانذل اعيون
ونسوانكم مچتوفه الايدين

---------------------

من الحبل  يستحي الزلمه
وشلون والمچتوفه حرمه
واگبال وادم خويه زحمه
اتمنيت يلفي الزينب البين

الخادم علي الحميداوي pinned «شال الرضيع ابذيچ الاحضان عطشان شايل بيده عطشان بكسرة الخاطر يمشي ويشوف نايم رضيعه من العطش چان يمشي وتصد عينه الرگبته واتبلل اگماطه ابدمعته يمشي وتهل ادموع الاعيون وبجدامه ثگلت بي خطوته شاله ويريد الگوم يروو وما رظو گطرة ماي يسگو اگطع نزاع الگوم بالموت…»

وينهم عنه الهواشم وينهم
علرمل عريان باقي حسينهم

--------------
وين حمزه وين جعفر خل يشوف
احسينهم متگطع بهاي السيوف
وكت زينب واطر مابين الصفوف
والشماته اسمع صوات دفوفهم

--------------
وين الحيود التطر ليل بنهار
طاح الحسين وعلت بخيامه نار
وحرم تركظ علجمر وي الزغار
والاطفال التشرد ايلحگونهم

---------------
دامي الحسين وجرح فوگ الجرح
فوگ صدره انصاب چم طعنه برمح
فوگ هاي اجروحه ظامي وينذبح
والعدى على اهدومه چانت عينهم

-----------------
وينهم خل تگطع ادروب الفله
مسرعه خل تفزع الساده وهله
بالشمس باقي الحسين بكربله
يعتنوله مخظبين بطينهم

-----------------
وين ذيچ اسيوفها الماتنغمد
ونار غيرتهم ابد ما تنخمد
بسرعه خل تفزع للحسين وتهد
من التراب اتشيله فوگ امتونهم

-----------------
ابلا عمامه حسينهم وابلا هدوم
وعلترايب باقي وبحر السموم
ليش جسمه اتغسل بسيل الدموم
دين ثاره وخل تطالب دينهم

الخادم علي الحميداوي

الماي عن الخيم مسدود
والعطش بيهم فت الچبود
وشچم گلب بالعطش ممرود
واچبيرهم وازغير مهدود
غير بياظ اعيونهم سود
ساگي الخيم علنهر مفگود
واتبدى جوده ابگطع الزنود
وطايح وصايب راسه عامود

نعي لمولاي علي الاكبر عليه السلام

فوگ المهر دم النزف ساح
وسد العيون بدم الجراح
وصوب المعسكر مهره بي راح
والاكبر بنص الطعن طاح
وگطّعوا جسمه بيض الاصفاح
ابنشاب واسهام وبالارماح
وبكلشي يوجع چان يلاح
وحسين حمره عيونه اله لاح
علراح يصفگ راح بالراح
يم راس الاكبر دنگ وناح
وبعدك على الدنيا العفى صاح

حزن وخدامه عاشور
بيهن اصل كل النور
تجاره ابد لن تبور ابخدمتك ياحسين

-----------------

مو لجل مصلحه ودنيه مو لجل غايات ابد
خدمتك ماي الحياه الشرب من چفك خلد
انه احبك انه اخدمك سيدي من الذر عهد
وانه ألك غايت وجودي من المهد حد الحد

كل زين من جودك جاي
منك ألك يـامولاي
خليني اصيرن وفاي ابخدمتك ياحسين

----------------

خدمة عن مبدء وياك ومعرفه وحب وفكر
ابغير اسمك كل كرامه حدهه بيبان الگبر
ويه غيرك كل خدامه وهوه عايش يندثر
بذره الخادم وياك اشما انطم يطلع ثمر

انتة الانس وانته النوح
وانتة النفس وانته الروح
انذرني الك يامذبوح ابخدمتك ياحسين

--------------

انته الذ كل اؤنس عدنه وانته الذ الطيبات
المات يمك عدله بعده واليعوفك عدل مات
ابرحمتك امسح صفحتي وگلي ذنب الفات فات
ميت أنه احييني انته ودمك العاد الحيات

يالما ترد ايدك ايد
سجلني يمك شتريد
خل همتي وياك اتزيد ابخدمتك ياحسين

----------------

مجلسك والثوب الاسود دمعتي وهذه اللطم
سيدي ابداعت الزهره مااريدن انحرم
وخلني ليامك وحزنك سيدي بيهن اهم
وانتة ثبتني ابعزائك وانته ارزقني الهظم

ما ريد اميلن بدروب
لبسني بچفوفك ثوب
خليني عندك محسوب ابخدمتك ياحسين

----------------

وياك كل مصداق خدمه اتحير وماتنعرف
يابحر حب وخدامه وبالكرم ما تنوصف
من الظياع من الظلام الباري اكرمنا ولطف
الباقي متمسك ابحبلك بالفتن ما ينجرف

الما ركب يمك غرگان
والما يخدمك خسران
كل عمره يخلص عطشان ابخدمتك ياحسين

----------------

كلشي ياسيدي يمك يختلف من رحمتك
اذنب وابعد وازور وچن وتجيني بعتبتك
دمعة العين العلامه من تهل لمصيبتك
سيدي انتة الكريم وخلني دوم ابخدمتك

اعذرني عن كل الصار
والعاثر اباب الدار
انه العبد بس مو بار ابخدمتك ياحسين

علي الحميداوي

#اللهم_عجل_لوليك_الفرج