عزاه منك ياقريب ابعد من الشمس البعيده
ياناكر المعروف يامنكر جميل الطيبين
اي والله اني بعد هذا مابقى شي بستفيده
منك سوى قطع المواصل يمكن اوضاعي تزين
الطيب طبعي وانت طبعك كيف ماصدته فصيده
ياقانص الغزلان صيدك ما يفيد الجايعين
قلبي توجع والمواجع ما توضحها القصيده
بعض المواجع والله انها مثل ماظلم الحسين
حاولت واتواصلت لكن هذه الدنيا عنيده
وقفت بوجهي واغلقت بيبانها يالله تعين
ليت الرجا وطموحنا تاتي حسب ماحنا نريده
ليت الوفا يبتاع واشري علبة وفاء للمغرضين
ليت المقاصد والمنا تعبر على بحر الحديده
واقطع خطوط البحر واخطفها لبعض الصالحين
ياكم رفيق تلعثم اقواله مئاسينا المديده
تغيرت دنياه واصبح بين جيم وبين سين
يوقف على شاطي طموحاته ويسحبها بريده
مايدري ان الناس تشمت مثل كل الشامتين
ودي اعينه وانفعه ولكن اضروفي شديده
والوضع ما يسمح نشوف الاوليا والمخلصين
واراقب الاحداث واستطلع تواريخٍ تليده
ماشفت مثل الوضع هذا والخلايق فاهمين
وكل مافكرت يمكن يفتحوا صفحة جديده
بالاسكنر قد صوروا الاولى ولاهم عازمين
والجيد وابن الجيد يذبح من وريده لا وريده
وراس قوم الناس قايم تحت حكم المارقين
والشهم وابن الشهم شاهد صفحته ذيهي مجيده
قد شوهوها خبرته والاصدقاء والاقربين
والعين يابو عينها ماعاد نضرتها بعيده
رجعت تراقب وضع حاملها وعادات البنين
ياعين لا تبكي على ماضي ليالينا الشديده
كل الشدايد روحت واحنا عليها لابثين
كيف اشرح اوضاعي ووضعي يارفيقي في مكيده
واهل المكايد مثل مالشيطان سرحتهم بحين
والدين صبّح للريا والصدق شطحاته مديده
والواقع المعكوس ذي غير طباع المسلمين
والقول ماينقال لا قلنا لها قالت تريده
وانهي تريده ماتريده لو تطال الفرقدين
والجور حلَّك يالمحرم والحلايل في عصيده
قد خربوها خاربين الفكر والفكر الدفين
والصافنات الموريات لها ولك حب السعيده
وحب طه وال طه الطيبين الطاهرين
لها مقاصدها مع الاحداث؛ والمؤمن رصيده
تقواه والاخلاص مهما كان لايمكن يلين
حب الش هادة والله انه في حنايانا عقيده
واحنا رجال التضحية والسابقين السابقين
#علي_مغلي