الناشر احمد الفاطمي للنعي

نعي حول الزهراء


شال النعش وامي خذاها
وباليل ظلمه شيعاها
محني الظهر من طلعاها


باليل يوم الراح بيهه
عيني ولا كطعت بجيهه
امي واحن كل يوم ليهه


شال النعش وايست منهه
ودمعات بعيوني عمنهه
ماترد لينه انوب جنهه

جنهه بعد ما ترد لينه
وشيجبهه الشالت علينه
عله افراكهه امي بجينه


اعاين وشوف النعش رايح
لا ون وراها ولا نوايح
وحشه الجنازه بغير صايح

غرب نعشهه وشال عني
وحسرات البكلبي اكتلني
مكسوره بعدج حيل جني

عزيزه تره انتي وخاف تبطين
والفركه يمه أطول اسنين
علينه شوكت كولي تعودين

تدرين البنيه بعازت امها
وتدرين من يكثر هظمها
تسولف اهموم الكلب يمها

واني الوكت مني خذاها
وبعيد عني ودراها
امي واريد امشي وراها


لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له من ديوان جروح الزهراء الجزء الأول

يحسين ارد ابيعن ماي وجهي اعليك
انه بكلشي خدمتك بقت بس هايه
البايع ماي وجهه ينقدونه الناس
بس الخاطرك اتحمل احچايه
واذا يحچون عني عادي خل يحچون
الناس اشويه وانته محبتك اهوايه
مثل ماكسرو اضلوعك ردت يحسين
اضلوعي اكسرهن امن الطم بالقرايه

مهند العطواني

لسان حال الزهراء عليها السلام تقول


علئ افـراگك دمع عيني    وشلته
ونكرني الخاين اخلافك.   وشلته
المحسن ما ربه ابحضني.   وشلته
((ولا لوليت له  او لا ضحك.  ليه))


مصابج نشف ارياكـي   ود امي
وزماني للگــــبر. عنـي.     ود مي
الضلوع  النذل هشمها.   ويدأمي

((وبعد ماتنـدعيلي ابكل مسيه))


امي والوكـت بلــوه.   بلاها
وتره بالضيم ضلينه.   بلاها
ييمه غيبتج هـايه.     بلاها

((بعدنه ازغار مانحمل اذيه))


ام ابراهيـــــم الحلفــــــــي وانسالكــــــم الدعـــــاء

في ذكر الزهراء  عليها السلام

ياگاع اشهدي علجره وياسمه
من عذاب الگوم ماتت  فاطمه
فاطمه  خير  ونعيم  ومرحمه
فاطمه المتعذرت  بالموزمه
فاطمه  التشفع بيوم  الخاتمه
فاطمة البضعه الزجيه العالمه
فاطمه نور  وفخر كل مسلمه
فاطمة قصة اظلوع امهشمه
فاطمة سلوة علي حامي الحمه
فاطمة ايات الكتاب  المحكمه
فاطمة شمس بدياجر مظلمه
فاطمه ام نهر العذب يوم الظمه
فاطمه التجلي الجحيم الحاطمه
فاطمه     يافاطمه   يافاطمه

الشاعر حسن لعيبي الحريشاوي

هوسات لاستشهاد فاطمة الزهراء عليها السلام

آخر يوم بيه الدهر يتبسم
واول يوم بايام الحزن والهم
بعد الزهره حيل المرتضى اتهدم

(الحدمن نار بگلبك. ضلت تسعر يلكرار)
★★★★★
روح المرتضى من القهر خلصانه
اغصان الخير يوم الصفت ذبلانه
وحشه الدين يبچي امهدمه اركانه

(اليوم اخلاف الزهره.  مدري اصاير بالاسلام )
★★★★★
العدو مرتاح نال الچان يتمنه
لعذاب وفرگة النورين يتعنه
گلبه بنار حيدر فارگ الجنه

(بحال المايتوصف. حال الدافن روحه وجاي )
★★★★★
الحسن ملچوم گلبه من القهر ينحب
وحسين التلوع گلبه  وتعذب
وبصعب حال ضلت تلتفت زينب

(والله أيساعد گلبه . الشايف امه اگباله تموت)

الشاعر حسن لعيبي الحريشاوي

لاستشهاد فاطمة الزهراء عليها السلام
(وزن الحدي )

يامحنه أشد  من هلزمن
بلدنيا شافتها ام حسن
يامحنه أشد من هلزمن
★★★★★
يوم الرزية ابلاحذر
عن النبي گالوا هجر
مو أول ايام الخطر
ولا آخر ايام المحن
يامحنه أشد من هلزمن
★★★★★
ياگلب طاهر ضيعوا
للهادي كل حق مارعوا
يوم السقيفه اتجمعوا
وتآمروا اهل الفتن
يامحنه أشد من هلزمن
★★★★★

وياهي أشد كل موزمه
من جفوا حماي الحمه
وسلبوا فدك من فاطمة
يمشون گالوا علسنن
يامحنه أشد من هلزمن
★★★★★
وياهو أشد كسر الضلع
لوجيش علشر  منجمع
لوگلب ذايب منفجع
وأيام بالونه گضن
يامحنه أشد من هلزمن
★★★★★
ياصعب مامثله صعب
طاح الجنين من الضرب
وللدار  طاغيهم يطب
ظالم صلف عابد وثن
يامحنه أشد من هلزمن
★★★★★
ياعلة اشد كل العلل
لمن لفه لأمها الأجل
لو يوم والدها رحل
الچانوا سند إلها او وطن
يامحنه أشد من هلزمن
★★★★★
اصعب وأشد وأكثر عسر
طلبت گبرها   يندثر
ولاتحضر وجوه الغدر
النعش لوليل اندفن
يامحنه أشد من هلزمن

الشاعر حسن لعيبي الحريشاوي

نعي للزهراء عليها السلام

كسرظلع الزچيه وحال  علتها
وعظم فگد الجنين  ونار سطرتها
دليل على العدة بالحشر محنتها
ومحنه على النكر تهدر بلاغتها
وباب الويل  لهل الويل دمعتها
حطب للذله صار   الراد ذلتها
رد كيده على نحره الزاد شوغتها
على الخالق عزيزه شعظم هيبتها
بگلب حيدر جرح ينعي مصيبتها
يروح الماسلت من مشت سلوتها
ويعين الماغفت  من بعد روحتها
يادار اليطبها    وطفت   شمعتها

الشاعر حسن لعيبي الحريشاوي

ابوذيه لاستشهاد الزهراء عليها السلام

عصر من الفتن وسفه عصرها
عن الليل مايفرق عصرها
بين الباب والحايط عصرها
الظالم من دفع باب الزجيه

الشاعر حسن لعيبي الحريشاوي

نعي للزهراء عليها السلام

انصاف ماله الدهر  من زمرته الظالمه
فوگ المصايب حمل   شافت هظم فاطمه
من يوم گالوا هجر   طه المرض  لازمه
عافوه بلايه دفن    بس يمه حامي الحمه
ومن يوم سلبوا فدك  منها ابحجج واهمه
ومن يوم لم الحطب  وضلوعها امهشمه
شلون من الجره     علارض ضلت سمه

الشاعر حسن لعيبي الحريشاوي

ابوذيات

رُوحِي چم خَبَر محْزِن وَرَدهَا
مِنْ دُونِ الْوَرْد ذابِل . وَرَدهَا
الچلمه للحلگ تَوَصَل وَرَدهَا
اخافن تسْمَع الشمَّات بيه

خَفيَّات الْوَكْت ظيمي وَرَاهنّ
أَجْزْم رَاحَه  مابيهن . وَرَاهنْ
الْمَنَايَا اتخاطفن يمي وَرَاهُنّ
الخَذَنْ أَهْلِي شوَكْت يلَّفَن عَلَيْه

الشاعر حسن لعيبي الحريشاوي

ابوذيات لشهادة الزهراء عليها السلام

عذاب اكثر يرب الكون وجهه
على التارس شماته وحقد  وجهه
دار اهل البخت بالنار وجهه
ورض برفسته اظلوع الزجيه
★★★★★
روحي شگد هظم يكتل وردها
على الروضه الغده ذابل وردها
سچة الليل اخذ روحي وردها
تون وتنوح علزهره الزجيه

الشاعر حسن لعيبي الحريشاوي

نعي للزهراء عليها السلام

عبس وجه الزمان   وماتبسم
على مبسم الزهره يمطر الهم
ضل يرعد  نوايب غيظ  غَيَّم
على گلب الوفه شوغات لملم
من يا نايبه   ام حسين تسلم
من غدر السقيفه.  الگلب ورم
جيش على الطمع.  والغدر ملتم
انغصب منها الورث ماواحد اهتم
وضلع بالباب من دفعوه تهشم
وياحال الجنين الفاض بالدم
ولاواحد بعد بالحال يرحم
بسواد الليل صار الصبح واظلم
لفه الهم والحزن علدار خَيَّم
ابحال الطاهره بس الله. يعلم

الشاعر حسن لعيبي الحريشاوي

(زهيري)في مظلومية الزهراء عليها السلام

ناكر الحگ اعترض ظن قسمته عادله
بميزان باطل وزن بيش الورث  عادله
عاف التطبع هجر   طبع الصنم عادله
نادتهم  الطاهره     بدمعة  هظم نازله
ادعي على اهل الظلم  تنزل  أشد  نازله
أبحق الأمام الذي    ماسلم من نازله
والحاربه كل وكت ظالم صلف عادله

الشاعر حسن لعيبي الحريشاوي

نعي لاستشهاد فاطمة الزهراء عليها السلام
(حدي ركباني )

اشگد الزچيه  اتعذبت من ليل الاحزان
عمر  وگضه حسره ودمع  شمل الاهل راح
ماچان علبال الجره  كل هذا ما چان
مال الحمل عگب الاهل وسفه الحمل طاح
گوم اللفت  من ياكتر ؟ ملتمه غربان
لاشيمه عدهم لابخت بس زجر وصياح
لامال لاحگ لاورث لاشافت احسان
چن طير غاب من السرب مكسوره الجناح
ياحيف دار ام الحسن تلتهب نيران
وامشَرَّعَه  سيوف الغدر  ومرادف رماح
تعاتبمن  ارجال السقيفه  بدون وجدان
ايهظمونها چان الگصد لايوم ترتاح
وينهظم حيدر كل وكت يردونه حيران
وعن الارض چان الگصد دين الله ينزاح

الشاعر حسن لعيبي الحريشاوي

المرحوم السيد جاسم الطويرجاوي

#تراث #نعي

مولاتي فاطمة صلوات الله عليها

من غاب شخصک یا ولينه
علگت روايه الشر علينه
لفانه الصهاکي اوشیاطینه
اویاهم حطبهم شایلینه
نشدته اشعندك جاي لينه
اوكل يوم گلبي املوعينه
وحدنه ابعزانه دخلينه
بس ما لمحني اوزرگ عینه
عصرني اومني استافه دینه
وآمر على اشيوخ المدينه
تگود الفحل ليث العرينه
گادوا اوراسه امچشفینه
اوببنود سیفه امچتفينه
ينخه اولا واحد يعينه
وراه اطلعت ولها او حزينه
لاوین اصيحن ماخذينه
من شافني المشرچ ابدينه
رد لي اوسطر عيني ابيمينه

السيد المرحوم
عبدالحسين الشرع

(310)
#اللهم_عجل_لوليك_الفرج

رسائل طلب من عطفك رسلنه
وخدمتك من صلب جدنه رسلنه
الكلب عام ابحر حبك رسلنه
ونتاني رحمتك يبن الزجيه
.........
الشاعر
اياد الفرح المهدوي

نتاني عطفك الحنان من من
وعلينه يجود مافد يوم من من
نعرفك والنبي حسين من من
ابن المرتضى وابن الوجيه
.........
الشاعر
اياد الفرح المهدوي

فاضل الجهلاوي٠:
النذل عت فاطمه بقوه  ورمهه
بخدهه وبين بساعه     ورمهه
رگضت واختفت زينب  ورمهه
من هجمو الماعدهم حميه

علي لفاطم ابيته  ضل عليهه
يون و الدمع ينزل ضل عليهه
لون يرهم اشوفه ضل عليهه
چا شلته وفديت انه الزچيه


فاضل الجهلاوي

المصايب من زغر فاطم  بدنهه
وگمت مااوچد دروبي    بدنهه
چفي من لمس صفحة    بدنهه
هدم حيلي وكسر ضلعين بيه


دفعني وهشمالي اعضام   ضهراي
بعيني وگمت اشوف انجوم  ضهراي
يروحي عليچ وجه حسين   ضهراي
ولا اسمع ونين الهاشميه

خادم سيد الشهداء
فاضل الجهلاوي

#أبوذية

الصحابه بلا سبب حلّو ضلمنه
وراح النور وبسرعه ضلمنه
بعد هيهات ما ننضر ضل امنه
مشت وامكسره اضلوع الزچيه

✍خادم الزهراء ع
الشاعر رعد الجريخي

#اللهم_عجل_لوليك_الفرج

#ندبة

١/بكاكَ دعاءُ (نُدبتِكم) مَعَ (العهدِ)
وقَدْ ملاَّ نحيبي أيُّها المَهْدي!
متى تدعو لثارِ الضلْعِ والخدِّ؟
وتصلبُ منْ تعدّى يقتُلُ الزَّهْرا

٢/إمامي! إنَّ مَنْ يرضى لها الباري
هَوَتْ والأرْضُ شبَّتْ مِنْ لظى النَّار
شكَتْ في ضِلْعِها آلامَ مِسْمارِ
وفي أحشائها سقطٌ قضى عصْرَا

٣/لَقَدْ أدْمَوْا مقالةَ "بضعةٌ مني"!
فأمستْ سيِّدي محْنِيَّةَ المتْنِ
تنامُ وكفُّها تبقى على الأُذْنِ
ترى الدُّنيا ظلاماً عيْنُها الحمرا!

٤/إلى مَ الصبرُ يا بنَ المصطفى أحْمدْ؟!
وَذَا عضدُ البتولِ كدُملجٍ أسْوَدْ
بغصْبٍ سيدي أنفاسُها تصْعدْ
فتخفي الآهَ عَنْ كرارِها صبرا!

٥/خيالاً أصْبحتْ..جِلْداً على عظْمِ
تغيَّرَ لوْنُها مِنْ شدّةِ الهضْمِ
تُصَلِّي منْ جلوسٍ في دُجى الهمِّ
وتدعو اللَّهَ أنْ قصِّرْ لِيَ العُمْرا

#يا_زهراء


علي عسيلي العاملي

#اللهم_عجل_لوليك_الفرج