احمد الشقيري

تركت أمري إليك وهُوَ عَلَيَّك هَيِّنٌ، و وكلتك أمري كُله وأنت الذي إِذَا أَرَدَت شَيْئًا قُلت لَهُ كُن فَيَكُونُ ..

تمنيت ورفعت يدي إليك وأنت الحييٌّ الكريمٌ الذي يستحْيي أن يرُدَّهما صِفْرًا خائبتين ..

فـ اجعل صِعاب الدُنيا وشتاتها بردًا وسلامًا على قلبي كما جعلتها بردًا وسلامًا على إبراهيم ..

ناديتُكَ ندَاءً خَفِيًّا وقد ضعفت قوايِّ ك زكريا؛ وانت القَوِيٌّ العَزِيزٌ الذي قال"إِنَّا نُبَشِّرُكَ بـ يحيىٰ"

أحببتك على قدر معرفتي بك، فـ أحبني على قدر كرمك عليّ، وارزقني من مُلكك الذي لا ينقُص منهُ شيء ..

فلقد صبرتُ على ما لم أستطع له صبرًا ..
أنت أقرب من وريدي، والعالم بما يحتاجه قلبي، والقائل

"ادْعُونِي أَسْتَجِبْ لَكُمْ" و ها أنا أدعوك وكُلي يقين بأنَّك لن تردُني فاللهُم صبرًا وجبرًا وقوة..

‏"اللهم اجعلني في عنايتك فلا يضرني بشر، ولا يبكيني قدر♥️

( يُدبِّرُ الأمر )
في كل لحظة تظن فيها أنك في متاهة
يُدبِّرها الله وأنت تغرق في تساؤلاتك عن كيفية الحل والانتهاء ، والخروج من المأزق ، وفي ڪل مرة تتساءل ، تڪون الإجابة نفسها..
يُدبِّرُ الأمر♥️.

الحقيقة انو احنا مخسرنا شي ابداً …
ادركت مؤخراً انو فعلاً ماكو شي بالحياة اسمه خسارة ! الشخص الي طلع من حياتنا هو مو خسارة ! هو درس النا حتى نعرف شلون نقدر نفسنا حتى نعرف انو هو مجان خير النا حتى نعرف انو ربنا رايدلنا الافضل منه او يمكن مرايدنا نتعلق باحد غيره ، التخصص الي دخلناه واحنا مراضين بيه ، تخصص احلامنا الي راح من ايدنا هو مو خسارة ، هو حتماً خيرررر !!! ربنا سبحانه ميبعد شي من عندنا الا وهو رايدلنا الافضل ! رب الخير ميجي منه الا الخير ، من ندرك فعلاً انو ربنا رب الخير وماكو شي نخسره كلشي رح يتغير من نحسن ظننا بالله ونكون على يقين تام بانو ربنا رب الخير و الرحمة رح نشوف كلشي بعيوننا وكلشي رح يتغير ، حرفياً ماكو شي اسمه خسارة بالحياة ! الخسارة الحقيقة هي خسارة الاخرة مقابل الدنيا هذي بس الخسارة الموجودة ! كلشي بالحياة اله بديل و يتعوض ، واذا مجان اله ف نكدر نعيش بدونه ، كل الي علينا نستمر بالسعي ونرضي ربنا ونحسن ظن مستقبلنا بوجود الرحمن الرحيم الكريم اللطيف ، ماكو شي راح من عندنا ولا احنا سابقين احد ولا احنا متأخرين تذكروا كلام ربنا
( وفي السماء رزقكم وما توعدون ) ♥️.

اللهم اني أسألك من الخير كله عاجله وآجله ما علمت منه وما لم أعلم، وأعوذ بك من الشر كله عاجله وآجله ما علمت منه وما لم أعلم،اللهم إني أسألك من خير ما سألك عبدك ونبيك، وأعوذ بك من شر ما عاذ منه عبدك ونبيك اللهم اني اسالك الجنة وما قرب اليها من قول او عمل واعوذ بك من النار وما قرب اليها من قول او عمل واسألك ان تجعل كل قضاء قضيته لي خير.

لا ترخص نفسك علمود شخص ، لا ترخص نفسك علمود علاقة ، لا ترخص نفسك حتىٰ ترضي أحد ، لا ترخص نفسك لشخص ميقدرك وما ينطيك حقك ، خلي نفسك عزيزة واهجر كُل من يؤذيك ، وإتذكر أنُّ روحك قلبك عيونك دموعك وحتىٰ مشاعرك كل شي بيك هوه نعمة من رب العالمين لا اتعبهم علمود شي مايسوة ، وتضيع وقتك بسوالف الزعل والعتب ، صح يمكن تفكر تجاوبني إن الكلام سهل بس اني وصلت لهاي القناعة من بعد تعب وازمات نفسية .

رب العالمين دائماً ينطي اصعب المعارك لاقوى جنوده ..
دائماً لما تصير ويانة شغلات ومواقف ونبقى بتساؤل ليش هيج صار ؟ وليش الا اني ؟ وليش دائماً رب العالمين يختبرني ؟ وليش وليش وليش ؟؟؟
خلو ببالكم المؤمن دائماً مبتلى ، وبنفس الوقت رب العالمين من يحب عبد راح يبتلي و يختبره بأصعب شي و اكثر الشغلات الي يحبها وراح يشوف صبره وهل هذا الانسان يتحمل لو لا ؟ ورب العالمين يعرف هل انسان شكد قوي و شكد يكدر يتحمل ف يختبره بشغلات كلش عزيزة عليه ، بس لازم نبقى نحارب لازم منستسلم وهاهية ، اهم شي نبقى متوكلين على رب العالمين هو مثل ما خلانا بهذا الاختبار راح يطلعنا منه واحنا ناجين بس لازم نتحمل ، خليكم اقوياء بكل موقف يمر وياكم وبكلّ شدة توكعون بيها ، تأكدوا رب العالمين يحبنا ويخلينا بهيج اختبارات ، ابد لا تضعفون وخليكم واثقين بحكمة ربنا و احسنوا الظن بيه
وخلوا ببالكم هاي الاية
( وهو معكم اين ما كنتم ) ♥️.

يوم عن يوم دتزيد قناعتي انو الحياة ابداً متسوة ، يوم عن يوم نظرتي للحياة دتتغير ، احنا البشر ننقسم الى مجموعات مختلفة وكل واحد بينا او كل مجموعة عندها افكارها ، يمكن منوصل كلنا لنفس المستوى لكن لابد انو نمر بهذا المستوى ، الحياة مو سهلة ابداً الحياة صعبة نمر بظروف نمر بايام صعبة نعيش مشاعر ونعيش احداث نفرح ونحزن ونمر بدوامة من الانهيارات والتفكير ونمر بسعادات ، كل شعور نعيشه بهالحياة مؤقت ، ماكو شعور يضل ويانا للابد لذلك اشوف انو ماكو شي يستاهل انو اعيش بدوامة مليانة شحنات سلبية بس لانو داخلياً مجنت راضي عالي عشته ، حرفياً مع الايام مع الصعاب الي رح تواجهوها رح تعرفون الحياة مجموعة مشاعر نعيشها وتمُر كانها لم تكُن مهما كانت حلوة او مُرة ، يوم عن يوم تزيد قناعتي انو اني لنفسي وما الي غيرها ونفسي ما الها غير الله ، لذلك اهتموا بنفسكم وكونوا مع الله واعرفوا كلشي مؤقت وقابل للتغير والفناء عدا الله كونوا معه تكون الكم الدنيا كلها وحبوا نفسكم واشتغلوا عليها وفكروا باخرتكم وخلوها الأولوية الاساسية بكل خطوة وقرار والحياة رح تكون سهلة مهما واجهتوا من مصاعب وابتلاءات و ظروف ❤️‍🩹

تخيلوا بعد سنة من هاليوم نكون عايشين دعواتنا الي دعيناها نكون محتضنين دعواتنا كلها واحنا مليانين رضى ومحبة ومودة وحب تخيلوا بس ! تخيلتوا ؟ احب اكلكم انو رح نعيشها باذن الله ، تعرفون ليش ؟ لان احنا دنتعامل ويه الكريم ويه الحنان المنان ، خليكم واثقين ومتأكدين انو ربنا سميع مُجيب وماكو الطف منه وماكو احن من عنده علينا حاشاه ربنا يشوفنا رافعين ايدنا ونطلبه ويردنا ، علاقتنا بالله مثل علاقة الام الحنونة بابنها من يطلب منها شي و مترفض واذا رفضت ف لمصلحته ومع هذا من ترفض تجيبله شي ثاني ترضيه بيه المهم متعوفه ، هيج ربنا ! ربنا احن علينا من امنا ربنا احن علينا من كل الناس الي نظن انهم احن شي شفناه 🫂 ربنا عظيم ليس كمثله شيء ، خليكم متأكدين انو ربنا قريب من عندنا ويسمع كلشي ويجيب دعواتنا بمجرد انو ندعيها خليكم متأكدين انو ربنا هو اول واحد يعلم الي بداخلنا ومن يشوفنا بضيق او نريد شي سريع ينطينا ياه ، لكن بعض الاحيان تكون مو من صالحنا لذلك يصرفها عننا لكن حاشاه يخيبنا ، هو الحبيب وهو الامان وهو الملجأ الاول والاخير ، بالنهاية الشُكر كله لله على كل الي رزقنا ياه الحمدلله دائماً و ابداً♥️🫂

الضلم

المياه حول العالم

‏وَأَمَّا بِنِعْمَةِ رَبِّكَ فَحَدِّثْ