یالقیز احمد

ســــــ🌸ـــــلام
گونشہ 🌞
سلام سحر چاغینا🌞
سلام سیز عزیز یولداشلارا
سلام سحریز خئیر ⚘
اومود واریم خوش گونوز اولسون🌹

اے بیزے یوخدان وار ائدن❤️

وارلیقیندان خبردار ائدن

یارادیب امتحان ائدن

امتحان ائدیب صبر ورن تانریم

بیزہ شادلیق و سلامتلیق

خیر و برڪت هدیہ وئر

گون آیدین مهربان دوسلار ☀️🌹


❤️ @dostag ❤️
❤️ @dostag ❤️

#بیزیله_یولبیر_اولون

@Ahmadyalghiz




گؤزومده‌ یاش سئله دوندو



گوناهیما تئز ایناندیم
گؤزومده یاش سئله دؤندو

آغری _ آزار یولداش اولدو
باشدان آشیب بئله دؤندو


گولوم دئییب سسله‌ییردیم
اوره‌ییمده بسله‌ییردیم
جان‌دان آرتیق ایسته‌ییردیم
ایستک‌لریم یئله دؤندو


یولو یانمیش دوز‌سوز ال‌دی
هیجران سؤزو باغری دل‌دی
شوه ساچا دن دن گل‌دی
قیرولانمیش تئله دؤندو


بوز اوره‌یین یولو باغلار
اوره‌ییمه‌ چکمه داغلار
یالقیز احمد سنسیز آغلار
وای هاراییم ائله دؤندو


یالقیز احمد

#40



https://t.me/joinchat/AAAAAEWztZizSov7w0t9Qg

یالقیز احمد pinned Deleted message

#منیم_حسابیما_دینله‌یین


https://t.me/joinchat/AAAAAEWztZizSov7w0t9Qg

@Ahmadyalghiz




بیر گون داش اوره‌یین.....



بیر گون داش اوره‌یین اولاجاق منیم
گؤزلریم دولاندا   گؤزون سیخارسان
بیر گونده قیسمتیم     اولاجاق منیم
بلکه قاباغیما        اوزون چیخارسان
جیغیر دولایلاردا     الیم سیخارسان


کدر دن غوصه‌ دن درد‌ دن آیریلساق
هیجران کؤزون‌ سالسا   یاشا دوزرم
گون اوزونو گورسم ووصالا چاتدیم
آیریلیق دن توک‌سه      قاشا  دوزرم
یاشام یئتیش‌سه‌ده      باشا دوزرم


گؤز‌لرین گؤزومه دوگون دوشر‌سه
گؤزلوکو  گؤزلردن    گؤزه گتیررم
سئوگیلی اوره‌یین اولسا همدمیم
دیل‌سیز دوداقلاری سؤزه گتیر‌رم
سئوگی‌ وارلیغینی    اوزه گتیر‌رم


بیر گونده تانرینین الین یاخاندان
قیریب قولو قولا   باغلایاجاغام
وئردیگی عذابی دردی نیسگیلی
اونون سینه‌سینده داغلایاجاغام
اوتوروب اوشاخ تک آغلایاجاغام


ال_ اله‌ دیمه‌سم      اوزولمز جانیم
حسرت‌له دیل دوداق سنی چاغیرار
یالقیزین  عومورو  یئتیش‌سه سونا
اوره‌یی مرکب‌دن    سنی  چاغیرار
اوره‌یی  مرکب‌دن    سنی چاغیرار



یالقیزاحمد


#39


https://t.me/joinchat/AAAAAEWztZizSov7w0t9Qg

@Ahmadyalghiz



سئویبان سئویلدیز قاری‌یین قوشا




یولومو  کسدیلر         قاپالی یئرده
گؤزومون  اؤنونده     سئودیلر‌ اونو
توتولدو گؤزلریم       گؤرنده اوچاغ
گئیدیردیلر  سنه       قیرمیزی دؤنو


الیمدن زورلاییب    قوپارتدی ناکس
من سئون دیلبری     سئودیلر بوگون
گوجوم یئتیرمه‌دی    دیلیم توتمادی
زور‌ ایله سالدیلار  عؤمرومه‌ دوگون


یالواریب یاخاریب توکدوم گؤز یاشی
من‌کیمی سئومیشدیم گؤر کیملر آلدی
منه‌  قورقو‌  قوردو     اولمادی  هم‌دم
سئوگی سئوگیلیسین     کمنده سالدی


سئویب سئویلدیلر   اوره‌ک‌ یاپدیلار
سئودیگیم  : اغیارین     الینی توتدو
دونیانین گؤزومده   چیراغی سؤندو
وورغونون یادین‌دان  بیردن اونوتدو


سئویبان سئویلدیز      قاری‌یین قوشا
قوی منیم اوره‌ییم      اودلارا یانسین
سئوگی‌سیز یاشاماق آغیردی داشدان
قانان‌دیر؟ ائشیدیب سؤزومو قانسین


یاشامین  شان‌یئری    ماتم  قورولدو
عشقی کاسیب منله   اوینادی اویون
احمدین  مرکبی         اوزولر  یئردن
اوگون کی نازلینی   گؤره‌جک تویون



یالقیز احمد

#38


https://t.me/joinchat/AAAAAEWztZizSov7w0t9Qg

اوره‌ییم اومارسیز چیچک‌چینین دورومونا اودلانیر
بدبخت سارایینا قاییدان چاغ
هامی اوزگون اولور
س.........


چئویرمه یالقیزاحمد


https://t.me/joinchat/AAAAAEWztZizSov7w0t9Qg

#عنوان_بو_گئجه

#شعر_یالقیز_احمد

#سس_تورک_قیزی



https://t.me/joinchat/AAAAAEWztZizSov7w0t9Qg

@Ahmadyalghiz



آل _ قانا دوندو




سنسیز مارالیم     کؤنلوم ائوی     ویرانا دؤندو
آغلاردی گؤزوم   آل یاناقیم    هئی قانا دؤندو


داغلارجا داغی  بیر گئدیشه  کؤنلومه چکدین
سؤندو چیراغیم پوچ‌ یاشامیم‌ داستانا دؤندو


مندن اوزوبان     گؤزلرینی     کیملره وئردین
سئومک سؤزونؤ  سویله‌مه‌یه سؤز یانا دؤندو


سئیران ائله‌دیک   اول دئدیگین  سوزلره یاندیم
کؤنلوم آلیشیب کؤز_کؤز اولوب بیر شانا دوندو


گئتدین  گوزلیم   یاری یولوم قالدی  دوماندا
یاندی اوره‌ییم.... دردله دولو   بیرجانا دؤندو


آیریلیقیندان      یالقیز احمد     سیزلایاجاقدی
هیجراندان اوره‌ک اوز چئویریب زیندانا دؤندو


یالقیز احمد

#37

https://t.me/joinchat/AAAAAEWztZizSov7w0t9Qg

سنسیز مارالیم     کؤنلوم ائوی     ویرانا دؤندو
آغلاردی گؤزوم   آل یاناقیم     تر قانا دؤندو


https://t.me/joinchat/AAAAAEWztZizSov7w0t9Qg

آی‌ دلی



شاختا‌ دویسون اورتاق اولسون نه غمیم
بوداقلارین     یارپاغی یام        آی دلی
اسیم_اسیم اَسیب  سورولسام یئرده
آیاق‌لارین   تورپاغی‌       یام آی دلی

میچیرلادیم چیچک‌له‌ دیم گول ها ‌گول
دویانمادیم  باخیشیندان   گول ها گول
یول‌لاریندا  گول بئجررم   گول ها گول
اوتراغینین   چارداغی‌ یام      آی دلی

هیجرانین‌دان  آغلادیم آی سیزلادیم
اوره‌ییمین   بول یاراسین  دوزلادیم
یاز‌ کونلومو  کولح آلدی   بوزلادیم
درد‌لریمین   بارداغی‌‌ ‌یام     آی دلی

یالقیز احمد    اوره‌ییمده     وار داغیم
یاس توتوب   آغلاییر    گولشنیم باغیم
سوپوت‌له‌ییر قهر چونور خوش چاغیم
آیاق‌لانمیش   یار داغی یام      آی دلی



یالقیز احمد


https://t.me/joinchat/AAAAAEWztZizSov7w0t9Qg

@Ahmadyalghiz




فلک اوره‌ییمه چکیب‌دیر داغلار


توخانما یاراما سون نفسیم‌دیر
چکدیگیم آغریلار داها بسیم‌دیر
داغلاردا نئی سسی منیم سسیم‌دیر
سیزلادیم حالیما سیزلادی داغلار
فلک اوره‌ییمه‌ چکیب‌دیر داغلار



سئوگیلی یولوندا یاریمچیق قالدیم
باغریما کؤزه‌رن اودلاری سالدیم
کؤنلومده آيريليق هاواسی چالدیم
من‌ایله سیزلادی آرانلار باغلار
فلک اوره‌ییمه چکیب‌دیر داغلار



ایلک گؤروش گؤزومده دولانیر اینان
آيريليق قد‌دی‌می ائدیب‌دیر کامان
سنسیز یاشاماقا یوخومدور گومان
پوزولدو گؤزومده گؤرونن چاغلار
فلک اوره‌ییمه چکیب‌دیر داغلار



آیریلدین گیله‌مده‌ قاینادی یاشیم
بوزاردی توکولدو کیپریگیم قاشیم
حیرص‌دن توخاندی داشلارا باشیم
آیریلیق اودونا اوره‌ک‌دیر واغلار
فلک اوره‌ییمه چکیب‌دیر داغلار



گؤزلرینی گؤرمک درده چارا‌دیر
آیریلیق‌دان کؤنلوم پارام پارا دیر
یالقیز احمد سنسیز باختی قارادیر
اوره‌یین یاراسین ایستک‌لی ساغلار
فلک اوره‌ییمه چکیب‌دیر داغلار


یالقیز احمد

#36


https://t.me/joinchat/AAAAAEWztZizSov7w0t9Qg

بیر چاغ سئوینجیدین اورک دولوسو
ایندی شله ـ شله قهر‌سن آی‌ قیز
سسیندن مین ایلهام لذت آلاردیم
ایندی بال دا اولسان زهرسن آی قیز


یالقیز‌ احمد


https://t.me/joinchat/AAAAAEWztZizSov7w0t9Qg

ایللربویو سالیق لے یاشایاسیز اوستاد
آنادان اولان گونوز موبارڪ اولسون

@Ahmadyalghiz


آد گونومدور



بویون آد گونومدور قوناقلار گلیب
گؤزلریم  هله‌ده       سنے گؤز‌له‌ییر

خاطرین‌دان یارالار باغریم باشیندا
ڪؤنلوم ساغالدیق‌جا  سنے ایزله‌ییر


آدین یادیمدا دیر       ڪؤنلوم‌دہ قالار
یئسیر اوره‌ییمین     قاغاسے سن‌سن
هیجریندن سیزلاییب   ائتدیڪجہ نالا
بوزارمیش گؤز‌ومدن یاغاسے سن‌سن


یالقیزلیق‌ عؤمرومو ائدیب‌دیر یاری
یاری‌یا چاتیرام        آتیب‌دیر یاریم
هر سحر آخشامی      سایغیلا‌ آغلار
گؤزلری‌ گؤزومده        الیمدہ تاریم



یالقیز احمد

#35


https://t.me/joinchat/AAAAAEWztZizSov7w0t9Qg

قاداسین آلدیغیم سیرداشیم ایندی
دالدادا حوققا‌سین‌  قوشا چڪیبدیر

ڪؤنلومو ازمه‌گه       اور‌ڪ قیرماغا
اوخلارین یان_یانا   توشا چڪیبدیر


عؤمرومہ قوراسین بیر زامان چڪدیر
باشیمدا حوققاسین تورپ‌ڪیمے اڪدیر
ساندیغیم سئوینج‌ڪے دونیادا تڪدیر
من سہ تڪ‌لیگیمے باشا چڪیبدیر


گؤزلریم گوزلین قالیب گؤزونده
اوره‌ییم هیجرانین پشیب ڪؤزونده
سنے یالقیز احمد آغلار سؤزونده
سنے یالقیرلیقیم جوشا چڪیبدیر


یالقیز احمد

#34


https://t.me/joinchat/AAAAAEWztZizSov7w0t9Qg

اۆزونتونو دارتماغے

من اؤیرنمیشم

هامیدان.....

بیرآز یوخ

آز-آز

گۆندہ بیر آز

آز-آز

چڪیرم

Üzüntünü dartmağı

mən Öyrənmişəm

Hamıdan .....

Bir Az yox

  Az_Az

Gündə bir_Az

Az_Az

Çəkirəm


چئویرمہ : یالقیز احمد


https://t.me/joinchat/AAAAAEWztZizSov7w0t9Qg

@Ahmadyalghiz




ساخلا آلما‌لارین .....




ساخلا آلما‌ لارین         یئتیشن واقتا
واقتی‌کی یئتیشیب    توکوله‌جک‌دی

هیجرانیندان یاندی‌     آدام‌سیز آدام
یاراسی بیتیشمز      سوکوله‌جک دی


آلداتدین اویناتدین   بس‌ دئییل مگر
یانمیش اوره‌ییمی      یاندیرما باری
باشیمدا حوققانی‌  شوخوم ائیله‌دین
دن_دن بیتیریر‌سن   شوخومدا‌ داری


جوجرمیش دن‌لری دن‌_دن‌ ائیله‌دین
اوره‌ییمین مولکو     شورانلیق اولدو
بوزارمیش گؤزلری    سیزلاتدین یئنه
دونیالار گؤزومده       قارانلیق اولدو


کونلونده سئوینجک‌  یووا‌ قوروردوم
اوخلادین داغیلدی   عؤمور ساراییم
سوسنیم سونبولوم  سارالدی سولدو
قولاندی‌ گؤی‌لره‌        هاراییم هاییم


ال‌لرین_الیمدن           قیریلان زامان
ساندیم دونیا گولو سولدو بیر عؤمور
آغارمیش ساچلارین‌ گونده‌ هر بیرین
یالقیز احمد سنسیز یولدو بیر عؤمور



یالقیز احمد

#33


https://t.me/joinchat/AAAAAEWztZizSov7w0t9Qg

#عنوان_قارداش

#شعر_یالقیز_احمد

#سس_تورک_قیزی



https://t.me/joinchat/AAAAAEWztZizSov7w0t9Qg