Postagens do Canal قصائد حزينه مكتوبه حسينيه هوسات شعر نعي 👍

لدفن الاجساد الطاهرة #شور

ادفن ابــــروحي انه وجروحي
سوالف موته صارت يــم الگبور
امحدب اسنيني مايأذيــــني
اول مره احس ابظهري مكسور

يموت بضيمه كلمن مــــــاله عوان
اول تالي لحســــــــــــين انه دفان
بويه الحيـــــــل خلص وانه تعبان
والتهضمني ادفنك وانته عطشان

الم بضلـوعك واطشر ادموعي
يالمطشرينك يبعد اضلــوعي
ــــــــــــــــــــــــــــــــــــــ
نايم اگـــبالي انته چــــــتالي
اموت ابفرگتك مامــوت بالخيل
گاعد ابچيلك محتار شيشيلك
ترا المشيول رايد حــيل للشيل

منو الينطيني گلبه ايشــيل حزنك
عزيز وگلبـــــــي ماينطيني ادفنك
كلما انوي اشـــــيلك بويه احضنك
كون الموت يندل چــــا خذه ابنك

زراگ امتوني برد يم لـحدك
بكثر ماشـابع لچم من عندك
ــــــــــــــــــــــــــــــــــــــ
فاگد احساسي ضاگت انفاسي
الوج وتارس عيوني وجــــع ليش
ياحلم رايــــح من جفن طايح
ورا عيونك اشوف الــوادم ابيش

اجيتك من بعد ديـــــره ومسافات
وصلتك والجدم گــاضيهه عثرات
عشت بين انكساري وبيــن شمات
تگلي الناس ياهـــــو المنكم المات

گضت حسراتي ثگيله الچلمه
يبويه العايــش يموت ابهـمه
ــــــــــــــــــــــــــــــــــــــ
شيّـــــب اهدابي يكتل امصــابي
اشيل ابجسمك اتطــيح اعله ظهرك
ضاعت ارسومك ماخذ اهدومك
ثگـــــيل الحافر وطاح اعله صدرك

اشبگك وانته ماتنشبگ بس ضـــال
كتر مابيك صاحي امگــطع اوصال
ثگيل وصــــــاير امن الهوى تنشال
اضيّع بيك ورجـــــــــع انشد البال

رمل بجروحك لگيتك نازف
شكثر للخيــمه يبويه زاحف
ــــــــــــــــــــــــــــــــــــــ
موقف ابــــــالي دوهن احـــوالي
چنت بالخيمه واگف وانته مطـــــروح
لا كدرت اركض لا گدرت اعرض
تجي الخيل اعله صدرك شفت وتروح

اغص بالدمعه مابـــيه الحگ الناس
عليل وشفت ابــوي اگبالي ينداس
ولاني المرض من اجـدامي للراس
ضلـــــــــــيت اندهـ ابعباس عباس

اشوف الدنيا عليك اتزاحم
اريد افزعلك ورد الــــوادم

خادم القصيده
شاكر الصيمري

رايحات ،، عن اهلهن رايحات
رادات ،، بلا زلمهن رادات

ماشيات بلا كفيل
اه يلدرب الطويل
يمشي وياهن عليل وروسهم

هاي زينب والله هاي
تصيح يلكافل گفاي
بس تعال وانته ماي وشوفهم

نايحات وسفه يمك نايحات
رادات بلا زلمهن رادات
@@@@@@@@@@
وينه اخوي وكافلي
بالضعن محد الي
هو گال ادللي من عيونه

مشوني وحدي وبالضعن
گامن بناتي يندعن
عالهزل وسفه بجن خلونه

مجتفات عله نوگ مجتفات
رادات بلا زلمهن رادات
@@@@@@@@@@
راح عباس ابتعد
ايسي ياروحي بعد
لخته مايرجع أبد صدگوني

تباوع الوادم عليه
ليش عافوني سبيه
ضلت دموعي جريه بجوني

ساهرات نبقى احنه ساهرات
رادات بلا زلمهن رادات
@@@@@@@@@@
هالرحل كل غالي عنه
راحو الكلهم محنه
رادات بلا زلمنه وفارگانه

وينه ليفيي البناته
يدري بيهن رايداته
ليش فارگها حياته وغربانه

معلمات عله دلال معلمات
رادات بلا زلمهن رادات

@@@@@@@@@@
وينه الگال انه كفيلج
بالهجر الله يعينج
والسهم صايب دليلج عذبوني

عگبك تبهذل دلالي
البجي هسه حلالي
تدري ياخويه شجرالي من سبوني

مفارگات اهل المحنه مفارگات
رادات بلا زلمهن رادات

@@@@@@@@@@@

الڜــٰٱ̍؏ــڔه غـدير البـاهلـ★ـي
غير مبري الذمه
من يمسح اسم الشاعر
او ينسب الكلمات لنفسه

محاورة بين السيدة زينب والعباس عليهما السلام


دموعـــي .. من الخيمة حد زنودك
دموعــي .. عوف الشريعه وجودك
الحــك عليـه مجتــوفه اديـه
يابوفاضــــــل يابوفاضـــــــل

***
السيدة عليها السلام تقول

يادمعي ماخله جفن
طبكن بلخدود
من البجي سود اه يا عيوني

كل دمعة تجريلك ترة
بيها محنـــه
ياعطر اهلنه و رجوة ظنوني

جروح بيه اني شكثر لو تدري جا جيت
ابيــرغ الخيمه انه جـم عــــكدة سويت

حنيني حنيني ياجافل شلون
حنيني حنيني ذبلن هلعيــون
يابوفاضل يابوفاضل

****
يرد العباس عليه السلام

يختي اني اسف تيهت
دربــج يلخيــام
بعيني السهم نام بعيوني نابت

ردت اني اجيلج للخيم
ازحفلج ازحوف
تدريني ماشوف وزنودي طاحت

ابيش جودي اني احمله ماعندي ايدين
بسنوي شلته واركظت لخيام الحسين

يزينب يزينب طاحن سويــه
يزينب يزينب جودي واديــه
يابوفاضل يابوفاضل

***
ترد السيدة عليها السلام

يلعازتك مثل الهوه
تبعد اموتن
تگرب اعيشن وحدك دوايه

يا نسمه بيه من تهب
تحييني عباس
اشتمك انفاس انت هوايه

كدما حنتني فركتك كـــد ما تأذيت
احزام من حبل الخيم بي ظهري شديت

يكافل يكافل ارحم حنيني
يكافل يكافل ردتك تجيني
يابوفاضل يابوفاضل

***
يرد العباس عليه السلام

زينب لوّن عندي زند
اركظلج افياي
للخيمة بلماي وليمج اوصل

لو بيه حيل اكدر اجي
اتأخر شلون
غير انتي العيون بس حيل ماضل

گصرت خطوتي والدرب ياكل بالاحلام
ثكلت اجدامي والسبب اثگيله الاسهام


مصيبه مصيبه مكطوعه الأزنود
مصيبه مصيبه بلجبهه عامود
يابوفاضل يابوفاضل

**
ترد السيدة زينب عليها السلام

ياخويه صحتك والشمر
واكف امامي
ويسب امامي ردتك تجيني

ردت اكشخ بطولك لجن
كلولي طايح
خيمة فواتح يا ضوه عيني

ماترضى خدي ينسطر من اردئ الناس
اكبالي ويصّيح الشمر ماعدها عبـاس

يخويه يخويه جرحك ذبحني
يخويه يخويه هجرك جرحني
يابوفاضل يابوفاضل


****
نسألكم الدعاء
الشاعر الحسيني مصطفى الربيعي

حزين 😔 شعر ومدح وقفشات حزينه 💔
https://t.me/Ahmadrt3211

يا  غريبة  وشايلة بدمعج نهر

هاا.
هوسات

المثلك وين الكاه يمسير *** ميت واحنه نزامط بيه

قصائد محرم
لسان حال والدة علي الاكبر ليلى تقول

خيل اعوجية السحگتك… وانة انظر اعليك
يوليدي مــن بعــد الذبح… شــو مثلو بيــك
ــــــــــــ ــــــــــــ ــــــــــــ
أصك أجفوفي واتحسر
أغمض اعيوني ماأگدر
وصيحن لٱ يخيل الشر… عوفي أبني ياخيل

أبكل الغاضرية أفتر
ألم أوصالة وتعثر
بالطف جسمك مطشر… شراح الگة بالليل

من أوصلت يم جثتك… مگطوعة رجليك
يوليدي من بعد الذبح… شو مثلو بيك
ــــــــــــ ــــــــــــ
أجيت مڰبعة بحزني
وأحس بشي يعثرني
شلتة ولنة جف ابني… شلتة وصحت أه

مشيت الجسمك بهمة
وصلتة واگعدت يمة
يبس من النزف جسمة.. وعطشني فرگاه

ياجرح بجروحك صحت… يايمة ياذيك
يوليدي من بعد الذبح… شو مثلو بيك
ــــــــــــ ــــــــــــ
بجيت شگد على نحرك
من عمري على عمرك
يالاكبر ياهو المزغرك… يمعذب الروح

ردت موتي گبل موتك
لجن غفلة انگطع صوتك
بحصيرة تالي تابوتك…. شيلم الجروح

سامحني لْـۆ عنك رحت… بهالحال اخليك
يوليدي من بعد الذبح… شو مثلو بيك
ــــــــــــ ــــــــــــ
شبكتك شبگة اموادع
اعوفك مدري اتراجع
انة وحسرتي امدافع… بس عنك أمشيت

راسك عالرمح شفتة
بطريق السبي رافگتة
شسولف تذبح السكتة… محتارة ظليت

سير على امك بالحلم… مشتاگة أحاݘيك
يوليدي م̷ـــِْن بعد الذبح… شو مثلو بيك
ــــــــــــ ــــــــــــ
سكوتك يبني يلجمني
احجي وينظرب متني
ترضة الحادي يشتمني… ويجلدني بالحال

الولد من يحمل افرگة
الطولك يبني مشتاگة
شسوي واني عالناگة… ومجتوفة بحبال

لو يقبل الموت اقبلت… وبروحي أشريك
يوليدي من بعد الذبح… شو مثلو بيك
ــــــــــــ ــــــــــــ