خادم العتره الطاهره عبد الجليل المالكي

يالكاظم يالكاظم يالكاظم مدد
----------------------------------------------------------
1= يا أسد بغداد - نزلت ضعـــوني أبـثــنيتــك ياأسد بغداد
يا أسد بغداد - شايـــــــل الرايه وأجيتك
يا أسد بغداد - طايـــــــح بشده وأنخيتك
عـفت أهلي يالتــدري بالعايــف هله
أيحب صحنك وفــراكك ما يتحمله
دخــــــيل أسمك يامــــــوسى أنته أدلله
**************
2= بأمك الزهراء - بدفــترك سجلني زاير - بأمك الزهراء
بأمك الزهراء - خاطر أشعر توني صاير
بأمك الزهراء - وأنته شراي المــشاعر
بشباجك شد كلــــــبي حـــيل أوثـــبته
وهـــــــــنياله ياموسى الجفك لزمته
يتـــــنومس بحسابه وتـــــــربح كفته




3 = بالحسن مولاي - ديــــرها عــــيونك عليه - بالحسن مولاي
بالحسن مولاي - والله غــــيرك ما أليه
بالحسن مولاي - يبن جعــــفر كض أديه
بمضيفـــك خـــل أكعـــد ساعه وأنـــتجي
يالكاظم ويـــــــونس ويـــــــاك الحجي
وبمصابك كل ساعه أكضــــــيها بجي
***********
4= بالشهيد حسين - فوك راسي بجفك أمسح بالشهيد حسين
بالشهيد حسين - والخـسر وياك يربح
بالشهيد حسين - والعليه ترضـون ينجح
وصفــتـــك ولكيتــــك شي ما يــنوصف
عــــالنجمه وعــــــالكمره أنته تخـتـلف
يا أقرب من روحي بس ماتــــــنعرف






5= وداعت العباس - كلبك الشكواي أفــتحه - وداعـت العباس
وداعت العباس - خل كلبي يطيب جرحه
وداعت العباس - والحزيـــن أنته تفرحه
علمــني مــــــن أبــــجي أبجيلك صدك
ومــــن أطلع للمجلس أطلع محترك
لـو أعــشكك يالكاظم لــــــو ماكو عشك
**********
الخادم عبد الجليل المالكي

من حدر الطوامير ٠٠ الكاظم كتب تحذير
أليريد النهايات السعيده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بدينه اقيود بس مالزمت ايده
سجين الكاظم وسوه اليريده
الكلمه اتقاتل وتوكع شهيده
وكل ماتندفن تطلع جديده
٠٠٠٠٠٠٠
عاشت ذيج الجفوف ٠٠ العبرت حاجز الخوف
ألبعين الضلم يصرخ نشيده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
العبره بكل قضيه بالنهايه
وابن جعفر عرف اصل الحكايه
درسها الخطه من أربع زوايه
وبكل زاويه ثبتله ثايه
٠٠٠٠٠٠٠٠٠
يدري الساق مرضوض ٠٠ وصاح الضلم مرفوض
والماتوصل اخباره وبعيده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شوكه بعينهم صار وعماهم
امام الرافضه يعرف دواهم
حرسهم لو سمع موسى اجاهم
القصور الطاغيه يوصل بجاهم
٠٠٠٠٠٠٠٠٠٠٠٠
ماينهزم منصور ٠٠٠ مايطفه يضل نور
توكع عروشهم ثورة وريده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اجتمع حشد الضلم يدرس الحاله
شلون من السجن طلعت رساله
انفصل عن شيعته وكلمن مشاله
وبعدنه ماخلصنه من نضاله
٠٠٠٠٠٠٠٠٠٠٠٠٠٠٠٠
شطلع هاي الاخبار ٠ والجمعه الوعد صار
يريد الشيعه والشيعه تريده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مات ألا رشيد وموسى مامات
ودويلات الضلم صارت خرفات
العلي امربيه منه الذله هيهات
نزل روسهم وارتفع رايات
٠٠٠٠٠٠٠٠٠٠٠٠٠٠٠٠
لسه ايوزع امراد ٠٠٠ عايش أسد بغداد
قبابه كل سنه ترجع جديده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠
عبد الجليل المالكي

لا تخــجل أخــذ الروح
لا تــسأل عــن الجروح
من الأول مـاتــت نوح
-----------------------------------------------
1= ذبحو حسين وأجوني ** أنجعــو أعليه وخذوني
بالحبل من كـــيدوني ** مـتــــت
جانــت أول موته أليه ** لمن أخــــــذوني سبيه
بالحبل مجتوفه أديه ** مــــتـت
ماضلت عــيوني تشوف والدنيه بدت تطفه
ماقبلوا شويه أرتاح خلصت السبي وكفه
***
خـلــوني أبــين أرماح
مشـوني وي الـــذباح
جبروني مـــــا أرتاح





1= التـنسبي بلايه عـشيره - أتـــبين محدبه وجبيره
صاحو أمشي يالأسيره - غصب
كلها صاحت هيه هايه - تمشي مافـوكاها رايه
جــيش جدامي أورايه - غصب
درب السبي يريد الحيل وأنه الفرهدو حــيلي
يحجيلي أمس الحسين اليوم الـشمر يحجيلي
****
جـن جـــثه وبــــيها يكود
ومـــتوني مورمه وسود
ســوواني بضعف العــود









3= الممشه بين أجناب خنكه -- وكلبي هاي أللي تحركه
اليحـترك جدمه وتسحكه -- يصيح
حجارهـــــم يبنيله ديره -- كله طاح أعله الأسيره
واليطــــيح بهيجي حيره -- يصيح
جفوف التـلكوني أكبار صلب الحجار التكطفه
حته العمره بالتسعين كـــــام بحالي يتشفه
***
تـلكـــوني عـــدهم عـــيد
أموصيهم بيـــــــنه أيزيد
طيره أنه وكلها تــــصيد









4= كلبي من شدة ضياعه -- ماقــــبل يهجعله ساعه
هايه كاع الماهي كاعه -- غـــريب
لا عـرف خاطر أنشده -- الضام أيده حجاره عنده
شده هاي شلون شده -- غــريب
أمطشر ضعني مثل حسين لمن طشرو جسمه
ماخلوني ألم الضلوع وكـلهن غــركن بدمه
**
بضلوعه الحافـــر طاح
وحــداني أعليمن صاح
زرعوها بـصدره رماح









5= صرت جني تراب رحه -- من البواجي عيوني ملحه
فراك أخوتي بكلبي رمحه -- جـــبــير
واليـــموت وماهم أهله -- هاي موته الماهي سهله
كـبري مهضومه أدخله -- جــبـــير
جـنازه أصبحت يالخوان تعالو شيلوا الجنازه
زينب يهل زينب هاي كـــون بوكفه تــتجازه
**
دفنوني وياكم كــون
شيعوني وأنه أم عون
حاجوني بـــيه أشلون
**********
عبد الجليل المالكي

سامحينه سامحينه ٠ يمه زينب ما اجينه
هالسنه يا غاليتنه ٠ بنص ضريحج مابجينه
٠٠٠٠٠٠٠٠٠٠٠٠٠
يزينب هالسنه مكسوره انصارج
ضلت خاليه يم الحزن دارج
عام الفات جان هواي خطارج
هاي السنه ممنوعين زوارج
٠٠٠٠٠٠٠٠٠٠
العذر منج يالغريبه ٠٠ ماحضرنه بهل مصيبه
لا مواكب لا بواجي ٠٠ بنص ضريحج مابجيته
٠٠٠٠٠٠٠٠٠٠٠
الشام وياج يم الخدر مايصحه
كل مانام جرحج فززه برمحه
مايسمع نصيحه اواحد ينصحه
ماعنده شغل بس كلبج يذبحه
٠٠٠٠٠٠٠٠
لا بجينه ولا لطمنه ٠٠ يالعزيزه و انتي امنه
والله ضلينه حياره ٠٠ بنص ضريحج مابجينه
٠٠٠٠٠٠٠٠٠٠٠٠٠٠
ماشكينه ثوب الأسود ابابج
ولا شمينه يخت الكافل اترابج
عذريهم يزينب هالسنه احبابج
كافي من العتب مانحمل عتابج
٠٠٠٠٠٠٠٠٠
العذر منج يالحنينه ٠٠ غصب عنه مااجينه
هالزمن عنج بعدنه ٠٠ بنص ضريحج مابجينه
٠٠٠٠٠٠٠٠٠٠
يشام خوان زينب ماهم وياها
وحيده وخلصت بالنوح دنياها
لو عباس حي محد تنداها
عمت عين الزمن بيديك خلاها
٠٠٠٠٠٠٠٠٠٠٠
زين تعرف ياهو ابوها ٠ حيدر وعباس اخوها
اه يزينب يالغريبه ٠ بنص ضريحج مابجينه
٠٠٠٠٠٠٠٠٠٠٠
يريت أبين اخوتج هالكبر صاير
ساعه مايضل يم الخدر حاير
مناحر جابتينه عالصحن ساتر
وننصب عزه يمه باليلة العاشر
٠٠٠٠٠٠٠٠٠٠٠
جا رفعناها الروايه ٠٠ جا كتبنه ابابه ايه
اه يزينب اه يوينب ٠٠ بنص ضريحج مابجينه
٠٠٠٠٠٠٠٠٠٠٠
الخادم عبد الجليل المالكي

https://youtu.be/muMkwxTNXsI?si=INR208dDgM34vnCR

واويلاه يازينب ٠٠٠ واويلاه يازينب
٠٠٠٠٠٠٠٠٠٠
بس مره وحده الناس ماتت ٠ ليش انه اموتن الف موته
كل ما اريد ارتاح ساعه ٠ حزني عليه رفع صوته
هضمي عليه صار شاطر ٠ مايقبل بالجمه تفوته
ياخذني من جفوف اخوتي ٠ ويذبني كوه بحلك حوته
٠٠٠٠٠٠٠٠٠
جنه ضوه محبوس حالي ٠ وباب السجن محد يفتحه
فكد الاحبهم ذبح عيدي ٠ ناداني زينب ماكو فرحه
واكف عليه الحزن حارس ٠ كلما اكوم يردني رمحه
محكوم عمري بلا جريمه ٠ ابسجين عميه صار ذبحه
٠٠٠٠٠٠٠٠٠٠
ياديره احطن بيها جدمي ٠ الكه التعب فارش شليله
من طاحت جفوف الكفاله ٠ جفوف الهضم صارت طويله
محد كعد بيها من اخوتي ٠ يافاتحة كلبي الثجيله
ياناس حزني شطول عمره٠ وسنين عمري شكد قليله
٠٠٠٠٠٠٠٠٠
ذب الحطب عالنار وكتي ٠ وعمري كضيته بس اطفي
واشتعلت النار بعباتي ٠ طفيت بيها احترك جفي
لو سجلت تاريخ حزني ٠ بكل الدفاتر ما تكفي
طف الذبيح بكفه صاير ٠ وانه يناس بكفه طفي
٠٠٠٠٠٠٠٠٠
من كثر ماابجي عليهم ٠ صرت استحي من دموع عيني
اتعب وغمض عيني لحضه ٠ وطيوفهم تركض تجيني
ما اشتهي حزني واهجره ٠ ايدك بابي يركض يشتهيني
اخذت حنين النوك مني ٠ من سمعت بطاري حنيني
٠٠٠٠٠٠٠٠٠٠
عبد الجليل المالكي

يهل الشام ماكافي من السهام
عام يفوت يمكم اشد من عام
عجيبه كلوبكم سود ٠٠ سبيكم كل سنه يعود

ــــــــــــــــــــــــــــــــــــــــــــــــــــــــــــــــــــــ

ضريح وفوك كاع الله شيضركم
مايرتاح فوكه يدور شركم
كفر ابليس يهل الشر كفركم
الاذان انمنع من الله شعذركم

كفيلي لو عدل يكطع اديكم
بس مدفون هل يطلع حجيكم
كلبي مرد ممرود ٠٠ سبيكم كل سنه يعود

ــــــــــــــــــــــــــــــــــــــــــــــــــــــــــــــــــــــ


منعتوها على كبري الزياره
طبعكم هاذه ما صارتله جاره
احسبوه جار والجار اعله جاره
يفزع من يشب ويطفي تاره

شيصحيها ميتات الضماير
ضريحي بكاعكم للأسف صاير
أتعديتوها الحدود ٠٠ سبيكم كل سنه يعود

ــــــــــــــــــــــــــــــــــــــــــــــــــــــــــــــــــــــ

اجيبلكم يناس منين غيره
انه بغربه صرت وايدي كصيره
شفتوني وحيده بلا عشيره
ودخلتو الكبري بثياب الكصيره


ماترضون زاير يبجي عندي
لأن تدرون دمعه يداوي زندي
باب الكبر مسدود ٠٠ سبيكم كل سنه يعود

ــــــــــــــــــــــــــــــــــــــــــــــــــــــــــــــــــــــ

تكول الناس ما تنضرب حرمه
وعليها من تهد فرسان زحمه
خذيتوني سبيه بالليله ضلمه
وجفي من الحبل يتجاره دمه

ما شفتوني مو مالت دواوين
انه مخدرة عباس وحسين
زنيم بناكتي يكود ٠٠ سبيكم كل سنه يعود

ــــــــــــــــــــــــــــــــــــــــــــــــــــــــــــــــــــــ

كون بكربله موجود كبري
جا فرشو ذهب خدامي حدري
الربي سلمت ياناس امري
بحياتي وموتتي ينسلب خدري

بلا زوار ضليت بوحشتي
غريبه من البجي نشفت دمعتي
كلبي بهاي موعود ٠٠٠ سبيكم كل سنه يعود

ــــــــــــــــــــــــــــــــــــــــــــــــــــــــــــــــــــــ

الخادم عبد الجليل المالكي

شويه المشكوره عليها ** لا زم تاج نخــلــيها
وتشرف الراس
والحب كتبت تاريخه ** تستاهل والله الشيخه
أم العــــــباس
-----------------------------------------------------------
1= لازم متوضي اليحجي - بيها ويذكرها ويبجي
ميجوز نسولف هجي - يصبح تقصير
والجــــلمات نحجبها - وعلـيها مدنكه نطبها
ونــمد جف ونطلبها - هلبت وتصير
وكلمن يعميها عيونه - ويكول من يسألونه
هــيج الخادم يردونه - بهذا التعبير
خلوني أتعـلم منها - وأفــتح أذاني الونها
أم العــــباس الجنها - أية تطــــهير
* بدويه وخوش تربي ياحـبها الماخــذ كلبي
حب ما ينقاس
والحب كتبت تاريخه ** تستاهل والله الشيخه
أم العباس


2= مانعـرف شمرضعــتهم - طـكـت بالطف غيرتهم
معـروفـــين بوكفـــتهم - وين المهيوب
100 يــعادل واحدهم - هــــيبه وحيدر والدهم
خدام وعـــــــد سيدهم - وين المعتوب
مـن يـــزعلون بواديهم - فـــــنه الجيش يلاكيهم
ويـــــن يروح الياذيهم - يشرد مطلوب
* عـفيه أربات البدويه أطباع العــدهم ثــوريه
من دون الناس
والحب كتبت تاريخه ** تستاهل والله الشيخه
أم العباس









3= صاحت يابعـــد ضلوعي - يحسين وبعــــد دموعي
الضلوعـك أخــذ دروعي - يابعد العــين
واجب شرعي يخدمونك - فوك الراس يخلــــونك
أمرهـــم ويطيعــــونك - يايمه حسين
يـبــــني أرتاح وخليهم - أيخـــــــدمونك ياواليهم
منـك نضره تـكفـــيهم - بيها مكيفيين
* أبشر بيدي محزمتهم ومـتأكـده من مروتهم
غيره ونوماس
والحب كتبت تاريخه ** تستاهل والله الشيخه
أم العــــــــباس









4= من ولـــيدي الوسطاني - لحــد الأول والــثاني
أيخدمونــــك ياسلطاني - أيتعبون عليك
ورابعــــهم زين تعرفه - العــباس وصاحب وكفه
لو يــتكـطـــع مو جفه - يهتـــف لبيك
بيك أتعـلـق من زغره - ويحبك يبن الزهــــره
يرخص العيونك عمره - شرايد ينطيك
عالماي يذب جفوفه وبعـيــنك راح تشوفه
ينزف أحساس
والحب كتبت تاريخه ** تستاهل والله الشيخه
أم العـــــباس









5= عـشاكـك وأنـته مرايه - وبالطف انطوني حجايه
يطيحون وأدري بهايه - ما يـتـندمـــون
وداعت عباس وعينه - مايرجع عــــم أسكينه
كافـــل أخته أمسمينه - ويحب أم عون
باجر يــــتسايل دمهم - وتضل تـــنطرك أمهم
فدوه الخــيماتك كلهم - فدوه يطيحون
*** بس غــيابك يكسرني - لو ما أصبر تعـذرني
يمشيب الراس
والحب كتبت تاريخه - تستاهل والله الشيخه
أم العـــــباس
***********
الخادم عبد الجليل المالكي

https://youtu.be/8B3pEEJTA2o?si=TpWDszYpJPRbDUvc

             أذا  نودي للمجلس   -  فأسعوا  نحو علياها
             هي الزهراء ياقـوم   -  وخـــير الزاد  ذكرها
                       وما أدراك  ما الــــزهراء
       --------------------------------------------------------
  1=  تعـــال وشوفها روحك   -   الحزن بالـمجلس مرايه 
        وجنتـــك نبي تصورها   -   وتـــنزل  دمعــــتك   أيه
        أحاسيسك وحي الفطره  -    وجفوفـــك  ترف   رايه
        وضميرك تسلم يناديك   -    لأنــك   صاحب  حجايه
        *
               دع الدنـــيا ومافـــيها  -- وكــن  بالفعل  زهرائي
               وعش مغرما بالضلع  -- مـــن الألف ألى  اليائي
                          وما أدراك   مالزهراء
        




   2=   فــاطم مــــثــل كاع الله  -  بلايه  حــدود  مــمدوده
          وحــبــــيناها حب التين -  أذا    جلب    بعـــــنكوده
          وعلي وعباس وعيونه -   وشماله ويمنـته  وجوده
          ندري الدمعه من أتطيح -   هـــناك  بشمعه  مردوده
          ****
               نقف في ساحة المحشر  --   ونــــور الله  يأتينا
               أذا  لم تأتــــــــنا  فاطم  --    فمن غيرها يحمينا
                             وما أدارك  مالزهراء    
        *************
  3= يعجبني  طبع  العـــيون  -   أذا طاح الدمع تـــدفه
       وتشوف البعـــيد  تصير  -   من تهمل دمع  تصفه
       تضمها دمــعة   الزهراء -   وباقي  المدمع  تحذفه
       باليالي الــفاطميه  يطيح -   ملح  بـيها   ولا   تغفه
       *
             عيوني عــندها فتوى   --   لغــير  الضلع لا تبكي
             بــدون فاطم   تخرس  --    كطفــل  صار  لا يحكي
                            وما أدراك  مالزهراء
  4=  أكيف لو كضاني الشوك  -  الفاطم  ما أون  فـــشله
        للزهره  جـمر   بالروح  -   يحركـني وصحت سهله
        أعاتب كلبي  من  يسكت -   باجــــر   علي    شتكله
        طبع  الفاكـــد  أم  حسين -   لازم   يــــنكلــب   شكله
        *
               أنا بالضلع مجنونا   -   جــنونا أكمل عـقـلي
                وطوفانا  بأضلاعي -   لبنت المصطفى يغلي
                           وما أدراك  مالزهراء
        *************
   5= سمار بوجــهي مو تمثيل   -   من حبيت صرت أسمر
        ما أســهر جــــنت ياناس   -   والـفاطم  صرت  أسهر
        طبعنه أهل المجالس هيج  -   أزغار   بالحـــــزن  نكبر
        ثبتـــنه  بطاعة   الزهراء  -   مثل   الجـــبل   ما  ننجر
        *
               ورثنا الحب والدمعه  --  من الأب  الى الجدي
               ونحن شيعة الزهراء --  مــن المهد اللى الحدي
                          وما أدراك  مالزهراء
  ****  الخادم  عبد الجليل المالكي    

قصيدة: تبعدني دنياي

اداء الملا : احمد محمد الغريري

كلمات : الشاعر عبدالجليل المالكي

القصيدة كاملة ⬇️⬇️
https://youtu.be/t51fRcwKDHI?si=2UnBJEqnFxpUeSqV

يافـاطمه أنه الحسن * يافــاطمه أنه الحسن
------------------------------------------------
1= يمه يمه - كعــدي خلــيني أعـــله حضـــنج
دورت كلــــــبي بضلــــوعي ومــــا لكـــيـــته
ونه ونه - أتـــفرهـــد من الــفركه أبــنج
دمــــــع مـــــاضل أبعــــــــيوني وما بجيته
نكعـت وجهي بدمعـــتي -- وفاتحة كلبي ثـجــيله
والمصـــيبه أنه أريدج -- والقــبر فارش شليله
**
يافاطمه أنه الحسن ** يافاطمه أنه الحسن
**********
2= كعـدي كعـدي - ســـندي راســـج فـــوك متـــني
خل يشيلج يالعـــــــــــــــــــزيزه شويه حضني
ميــــــت أنه - للحياه رجـــــــــــعــــيني بـــيدج
قـــبر المــــوادع دفـــــني أنطــــــــــيني أيدج
الصوبج مشـكـولة ذمته -- من الله وين يروح باجر
ياضوه لــــمن وكعـــتي -- ضلمه كـــل الكون صاير


3= خل نسولف - ضايـــــــــــــع الــــــــمايلكه أمه
يطـــيح دمعه مـــــــــن الجـــــــــــــبل محد يلزمه
تالــــي ليله - يـــــــصيح ردو جـــــــــــــنازة أمي
شلع كلــــــــــــبي غـــــــــــــــــيابها ودافني همي
صافـــــن ومن ذكرياته ** تطلع أصور المحاجي
يــــريد أمه وماتردله ** سنينه يكضيها بــواجي
** يافاطمه أنه الحسن يافاطمه أنه الحسن
************
4= كون ميت - وعـــــــــــــايشه أمي الحنينه
ما أصدك الـــــــــزهره باجــــــر ما تجينه
ياعيوني - أعــــمن التـــــــــمشي أمه يعمه
بعـــد شيشــــوف بحــياته وكلـــــشي ضلمه
اليكعـــد وما يلكه أمه ** ميت ومحد يدفــــــنه
مانعوف النوح بعــــدج ** أنه وخـــــواني حلفنه
*
يافاطمه أنه الحسن ** يافاطمه أنه الحسن



5= جنها صارت - صدك وتعــــــوفـــين ولـــــدج
لسه ســـوده رايـــــــــحه وسطره عله خدج
وياج نمشي - الكــــبرج ونكعـــــــــد سويه
الموت سفره والمصــــــــــــــيبه بلايه جيه
ضالـــــين ألمن ييمه ** والعـــــصر خنكنه بعـــدج
وأنتي شفتيهم بعينج ** حركــــو البيت ع والدج
*
يافاطمه أنه الحسن ** يافاطمه أنه الحسن
*************
الخادم عبد الجليل المالكي

أكـسر قـرارك ياموت -- هالساعـه خلــيها تـفـــوت
لا أنه أســتاهل حزن
ولا أمي تستاهل دفن
-------------------------------------------------------------
1= أنه الحسين الغــرك بجـروف عـينه
وطحت بـيد جفـوف المـوادع رهينه
أمي من تـشبكني تـــشبكني المدينه
وأنته جاي تــريد تاخــذها من أدينه
****
أمشي وتـلاكـيني دموع -- أتــنفس وبس موجوع
جني غـريب بلا وطن
ولا أمي تستاهـل دفن







2= تـكعــد الميتـين من تســمع حسرتي
وتصفـن الدنيه أذا شـافــت صفـنتي
أشد مـن كسر الضلع صارت كسرتي
بدار أبوي وتــاكل بكلـــــبي غربتي
****
عـد أهلي لكني أدخيل -- ماخوذ من عندي الحيل
دروت عن شبكة حضن
ولا أمي تســـتاهل دفن
***********
3= ليـش جــــــاي النـبض البكلـبي تــشيله
والله تـــوديــــــع الحنينه مالي حيله
المشكله بالمــــوت سالفــــــته طويله
لا يـــرد الـــراح لا يحــــــمي دخيله
****
مقـــفول وبلا مفـــتاح -- مايرجع من أيده الراح
أرواح أخذهن ما أجن
ولا أمي تستاهل دفـن


4= خــــاف أروح وكـــبر أمي ساد بابه
وكلــبي مايتــحمل جروحه وعـذابه
الدنيه بغـــياب العـزيزه تصير غابه
وينهش بروحي الهضم نهش الذيابه
****
ياحيف والله وياحيف -- نتلاكه بس وكت الطيف
شنهي ذنبنه يازمن
ولا أمي تستاهل دفن
***********
5= مشــتعـــل بــــيدر مواجع حدر صدري
وساعه ساعه أتطشرن ساعات عمري
هــسه شبكلــــــبي حزن بس الله يدري
أمي من تسد جفـــــــنها أنكطع نحري
****
بعيوني جنها الخيمات -- شبت وصارن جمرات
أسمع خواتي من بجن
ولا أمي تستاهل دفــن
********* الخادم عبد الجليل المالكي

عـيوني بدمع متوضيات -- لــــــم الحسن ومصليات
دعـواتي بسم الزهراء -- دعـواتي بسم الزهراء
-------------------------------------------------
1= عـندي الدمع شي محترم - جــــدا أحــب تــقــــديــره
حب فاطمه بير الصدك - وأنه وكعــــــــــــت أبيره
جربت حــب أم الحسن - ما ريد أجرب غــــــــيره
مشكور حـــــبج فاطمه - سواني صاحب غــــــيره
*
مــــا ينقـص بروحي أيــزيــد ** مــــا يعـتــك أيضل أجديد
حقــقـــلي كـــل الأشياء ** دعواتي بسم الزهراء
-----------------------------------------------------------
2= من أدخل المجلس أحس - تــكــــمل تــره أنسانيتي
وفاطمه مجلــــس فاطمه - عـــندي أعــز من بيتي
زهرائي والحب مذهــبي - وخادم ضلــع قـــوميتي
متـربي بالـــمجلس نعم - وهـــــواي أحب تربيتي
****
لا أبيع ربعي ولا أخون ** صحباني بس للـــيلطموم
من الألف حد الياء ** دعواتي بسم الزهراء

3= فاطمه حجه أعله الحجج -- الـــمعـــصوم كال بهايه
معــناها للدين أصبحت -- أم الحســـــــــين مرايه
تـــفــــكري هـذا بفاطمه -- والـــــناس كلــمن رايه
أبفرض الصلاة يضل نقص -- لو ماقــــــــــرينه الأيه
****
أم الحســــن أصل الدين ** والـــما رضو غـلطانين
تحيي الكلب مثل الماء ** دعواتي بسم الزهراء
*************
4= من الطـــفوله أرويحتي -- ذابــت بشوك الــزهـــره
والحب صدك ما يـنسي -- لمن يجي عالفـــــــطره
كلما شفــت باب وعلي -- تخـــنك بصدري العــبره
والحطب ماحــبه صرت -- جي ذب علــيها الجمره
*
كـلـش كرهـت الدخان ** ذب روحه فوك القــــرأن
نزل دموع الحوراء ** دعواتي بسم الزهراء




5= يافاطمه أعلـيج الضلع -- وفـقــينه نــبجي الضلعـج
وبعـديــنه عالقائل وأن -- خدامـــج أحـنه وربعج
علمينه نبجي أبمجلسج -- بلــكي الـدموع تـنـفعج
تعوفــينه باجر خادمج -- يافـــــــاطمه مو طبعج
****
بحبج تره أحنه مأمنين ** وأنتي الحنينه أم حسين
يا أمنه وأحــــنه الأبناء ** دعواتي بسم الزهراء
************
الخادم عبد الجليل المالكي

راح اكابل بابج ٠ ماوراء غيابج
والعصر سالفتي ٠ تصير وي ثيابج

ــــــــــــــــــــــــــــــــــــــــــــــــــــــــــــــــــــــ
يلي حضنج مثل شباج المراد
جان ينطي الكلب زينب شنهي راد
صرت بعدج خرزه مدفونه برماد
بدنيه لا ضل بيها في ولا براد


ذكرياتي عيونج ٠٠ ما اعيش بدونج نمله ما اذيتي ٠٠ شبيهم يعصرونج


ــــــــــــــــــــــــــــــــــــــــــــــــــــــــــــــــــــــ

من مشيتي انه هم مثلج مشيت
وره تابوتج ييمه شكد بجيت
فوك دم ضلعج تره بوحدي نتجيت
لكن الدم ما سمعني من حجيت


كتله يادم امي ٠٠٠ احجي خفف همي ساكت وما جاوب ٠٠ ماعرف حته اسمي

ــــــــــــــــــــــــــــــــــــــــــــــــــــــــــــــــــــــ

بكل ركن بالبيت عندج ذكريات
للأسف صارن بهجرج مؤلمات
كلبي ضل يحفضهن اسباب الوفات
رحتي وحفوفج ييمه محركات

ياعذاب ضلعوج ٠ بكد عذاب دموعج بروحي يبقه وعينج ٠ للكبر موضوعج

ــــــــــــــــــــــــــــــــــــــــــــــــــــــــــــــــــــــ

ماكو خيط ايخيط جروح السنين دارنه انترست بعد عينج ونين
مكابلين الباب كلنه امدنكين
واحد الواحد يصيح الزهره وين


شكد بجينه وعينج ٠٠ وشيبتنه ألوينج يالحنينه بفكدج. شيبيتي حسينج

ــــــــــــــــــــــــــــــــــــــــــــــــــــــــــــــــــــــ

صرنه نتعب من مناحتنه وننام
وصارت الضحكه ع اعيالج حرام
ايمر علينه اغروبنه بفكدج سهام
انحس كعدنه بصحره ماعدنه خيام


ياجرحنه شخيره كبره مثل الديره والحياة بغيرج غدت والله ازغيره

ــــــــــــــــــــــــــــــــــــــــــــــــــــــــــــــــــــــ

بيت حيدر ضل وراج بلايا لون
سالفة هجرك يفاطم ماتهون
رحتي مثل الراحو وبس ما يجون
الما تشوفج صدك ماتسوه العيون

نار كبرى وداعج متي من اوجاعج
يمه يتمتيتي وانه ورده بكاعج

ــــــــــــــــــــــــــــــــــــــــــــــــــــــــــــــــــــــ

الشاعر عبد الجليل المالكي

بــيــــن جفــوفك من تموت أمك
يصير أسمك يـتيم وينسي أسمك
بعدها تخاوي نوحك ** تضل بطرك روحك
--------------------------------------------------
1= يتجمع بصدرك حزن مـــامر قــبل بسنينك
يحاجــونك أهلك ماترد لن ملـتهي بونينك
مــن أسم أمك يـنذكر رئسا تغمض عينك
عندك سنينك بس تحس منك تضيع سنينك
****
أمنيتــك يجيــــك الــــموت للباب
تصيح ألمن يعيش الفارك أحباب
تسهر وي جروحك ** تضل بطرك روحك







2= عـيشة دخيل بلا أهل ياعـيشتـك بين أهلك
توكف أذا باب أنفتح جــن طالـــبك يندلك
تدخل حجرتك بأمنيه أمـــك تجي تدخلك
وتـتـذكر أندفـنت بعد ماترجع وتـــندهلك
***
تــتــلمـــس مكان أمــــك بديـــنك
وصوب أثــــــيابها توديك عينك
ماكو جف يلوحك ** تضل بطرك روحك
**********
3= مخنوك ويفــــوت الهوى وتــكله ما أريدك
شلونك أخــيك لــــو سأل تسكـــــتك تقاليدك
شلونه التموت أمه بعـــــد تسكت تهز بيدك
تتعود أتعوف الحجي ومـــــــو من تعاويدك
***
تـشتــل دمع وتخـــضر دمعــتــك
هلك يحجون بس أنته بصفـنتك
بس همك يبوحك ** تضل بطرك روحك


4= ساعه وره ساعه تحس عافـيتــك تعــــوفك
لا تـكدر تعـــوف الحزن ولا حزنك يعوفك
حتا أقــــرب الوادم ألك ماترغــــب يشوفك
تكضي حياتك بس بجي بس تعـــصر جفوفك
****
تـندل بس تحس مادرب تـندل
عايش سنبله برحمة المنجل
تحس طاحت صروحك ** تضل بطرك روحك
************
5= حزن الــتموت أمه صدك عمره عمر نخله
هوه الخلــيل ألمن يضل من يــندفن خله
سهلات كلجن يالشدد بس هاي مو سهله
روحي أمي مدفونه بكبر روحي تضل عدله
****
ضلت ذكـــــــــريات أتـــــبات يمنه
أوجم لجمه بالغــــــياب أنلجمنه
حزنك ضل ينوحك ** تضل بطرك روحك
***** الخادم عبد الجليل المالكي

كاعـدين حسين وبصفه الحسن
وجيت العباس وعـــيونه بجن
أعليكم بحق دمعـتي ** حدثــــــــوني ســــادتي
عـــــــــن فاطمه
---------------------------------------------------------------
1= مخـتـنـك بدموعــه وأبــنصهم كعــد
قــبل لا يحجي عله الـــزهره نشد
حسين كض جفــــوفه من شافه رعد
شافـــه زعلان وكعــد كعــــدة أسد
---
بيت أبوي شلون كلولي أحترك
أثـنينهم شبكو عليه لمن شهك
صاح طفو جمرتي -- حدثـــــــوني سادتي
عــــــــــن فاطمه





2= أسود شخـيره نشدهم عـــالجدار
بيتــنه أمبـــين دوت بــركانه نار
بعــد ماخلص نـشد عالــباب دار
شاف دم يابس عليه شوف النهار
---
كالـــوا أكعد خل نسولفلك تعال
فاطمه عـــصروها بالباب النذال
كلهم ألمن ضلتي ** حدثــــــوني سادتي
عــــــن فاطمه
************
3= بــــيهم (300 ) يالـعـــباس أجـــو
وأحنه نسمع من وره الباب شحجو
أذبــــحكم الملعــــون كلهم لو نجو
قــتــــلوا الزهره وره الباب ومشو
---
للسكف وصلت النار من الحطب
نريد نوصل فـاطمه يردنه اللهب
والله ذابت مهجتي ** حدثــــــوني سادتي

4= رحنه نركض من بعدها الحيدره
ومن وصلنه ماكـــدرنه أنخبره
خفنه أبونه يموت من أللي جره
وأحنه عفنه البيت ناره أموجره
---
قـبل لا نحجي أبـونه جن عـلـم
لزم ضهره وصاح أخ مـن الألم
والله حيره حيرتي ** حدثــــوني سادتي
عـــــــــن فاطمه
************
5= أمنه شافــت حيدر وصاحت بطيت
ياعلي حركوني بالكــــــوه طفيت
ياعلي الـمحسن وكع وعليه بجيت
ياعلي لجلك تــره بكلشي رضيت
----
كون شايف حيدره ماضل يشوف
عله عيونه كام يلـــطم بالجفوف
صاح راحت زهرتي حدثـــــــوني سادتي عن فاطمه

6= ضلت من تجر نفسها تـــنوجع
مهشمات ضلوعها مو فـد ضلع
أعليها والله ثــيابنه نكعت دمع
بت رسول الله ع خــدها تنصفع
---
هاي قـــصة فاطمتــنه يالكمر
وساعة التــــوكع تجيلك للنهر
صاح تحضر موتتي -- حدثوني سادتي -- عن فاطمه
**********
الخادم عبد الجليل المالكي

جاي الكبرج زياره -- ما يـتـلـــكه خـــطاره
حاجيني غريب وعالــــترب كاعـد
وأنـتي حجايه مـــنج سلوه الفاجد
--------------------------------------------------
1= أرحمي عـيوني مابيهن تـره يسهرن
عله كبرج غــيمن يافـاطـمه ومطرن
علـــــي هــذا اليــشم بترابج وينحب
أبخ جـمراتي بس بغــــيابج يسعرن
كعــدي أشوفج - ضــــايع ومحد لكاني - بالبحر فــــكدج رماني - كعدي أشوفج
كعدي أشــوفج - أتغيرت مو ذاك لوني - جرحي وغيابج ولوني – كعدي أشوفج
*
كـلما رمشن عـيوني ** أبجي أولادي يلكوني
فوك خدودي دمعي للصبح صاعد
وأنتي حجايه منج سلــوه الفاجد





2= أرحلـــت ماحصلت وادم تـــدلـــيني
خــنكني فـــراك وجهج فاطمه خذيني
ماتــنضم علـيج الشوك ذبني رماد
وجاب الجمره فـرها بنص شراييني
تعب كلبي - نبضه تالي الليل يضعف - ذكرياتج فوكه تـلـتف - تعب كلبي
تعب كلبي - أتـخــــيلج جيتي وأكلج - وأنــتبه كل ما أسألج - تعب كلبي
*
أبصفنتي أتخيلج جنبي ** يالغــيابج وجع كلبي
هجرانج نهر وأنه طحت كاغـد
وأنتي حجايه منج سلوه للـفاجد









3= أسكت دموعي مــــا أدري أسكت ألهم
وأنه الطشرني هــــجرانج بعـــد شلتم
يزمزم روحي وشـل زمزمج ششرب
السمه والبيت صار بغــــــيتج أضلم
ساعه ساعه - بالهجر عافيتي تكضي - للمشيب رموشي تمضي - ساعه ساعه
ساعه ساعه - أضعـف وينهار حيلي - مانمـــــت يالزهره ليلي - ساعه ساعه
****
كوه أنفاسي أجر بيها ** شلـــون الدنيا أكضيها
بجوارج كون يخلص هالعمر مارد
وأنته حجايه مــنج سلوه للفاجد









4= نــفــس وديلــي مــنـــج يــــدخل الريتي
أختـنكت وبـــس أريد أوصل تره البيتي
يفاطم ضهري بعدج منتجي أعله ال أخ
أنعم الله مـــن الخلك تسترني خاجيتي
راح حيلي - لازم العـوجيه وأمشي - فاكــد بدنــــياي كلشي - راح حيلي
راح حيلي - بالغـــياب الليل فاهي - نجمة التحجيلي ماهي - راح حيلي
****
حار ومابرد جرحي ** ما أطير نكسر جنحي
أنه الدممعه وي عيونه متواعـد
وأنتي حجايه مــنج سلوه للفاجد









5= يا أول ندى البـيـن الحطب مخـنوك
جفج طاب بـعـده البالحطب محروك
بعدج بالكـفن نص وجهج أتغطيه
وأنه المشتاك أشوفـنج ذبحني الشوك
مري بيه - واصل السبعين عمري - أمشي ماينعدل ضهري - مري بيه
مري بيه - أتكعـــد الميت حسرتي - بصدري تتكسر عبرتي- مري بيه
****
أنه وجني مو أنه ** حيدر باكـــته حزانه
زين ولسه أنه بفركتج صامد
وأنتي حجايه منج سلوه للفاجد
************
الخادم عبد الجليل المالكي

يا أبو البيت المحترك - حقك يحيدر تحتار
فاتحه مسوي الفاطمه - وفـاتحتك بلا خطار
والناس عافوكم - ما جــو يعزوكم
-------------------------------------------------------------
1= البكه براسك - ماتخـــــسره - لليجي ويحجــيها للــدافنله غالي
لــيش جـارك - ساد بابـــه - ومجلس الزهراء من الناس خالي
الجار كالـــوا ياعلـــي حكه عله جاره
وأنت جار وفاكـــد ومحروكه داره
محد أيـــــواسيك أجه بهاي الخساره
***
محد أجالك ياعـــــلي -- يوكف أوياك أيواسيك
عافوك وحدك بالحزن -- ومنـضر الباب يبجيك
تبجون خلوكم -- ما جـو يعـــزوكم






2= منهو بيهم - ما مضيفه - وياهو من جيرانك أنته الماتعـينه
علي ولدك - يسألــونك - ليش مـــن جيــرانه محد يجينه
كــمت تبجي ياعـــلي وضميت ولـدك
تدري هاي الناس مـــا بيها اليسندك
وأكعـدت بالدار كمت تــــنوح وحدك
***
تجيت ضهرك عالجرح ** والفاكد أم بيته يحير
لـــو أكو عالم تسمعك ** ماسولفـــت وي البير
للأسف نكـروكم ** ما جو يعــزوكم










3= ناس وكتـك - مشكلـــتهم - علي مابيهم أنسان بكصته غـيره
علمــــــتهم - وساعدتهم - وبالزغـيره تركضلهم والجبيره
شــكــد وكـفــتـلهم أوكـــفاتـــك نسوها
بفاتـحــتــكم دمـعه وحده ما بجوها
بت رسول الله الزجيه وعـــــــذبوها
***
للعـنده ميــــت ياعلي ** تفـــتح البوب الجيران
جا ليش محد ساعدك ** غــير أنته عدل القرأن
للحزن باعـوكم ** ما جو يعزوكم










4= تشوف بيتك - صاير أسود - وعينك تشوف السوالف كلها ماتت
بابه طـايح - حطب فـوكه - وكلبك يكلك الزهره هـناك طاحت
تــــروح للـباب الوكع تـبجي وتـشمه
تصيح هلـبت فاطمه مخليـتـلي جلمه
وترجع الزينب علي مـــن تصيح يمه
***
الله يعـــينك ياعـــلي ** مالك يبو حسين معين
ماتدري تمسح دمعتك ** لو تمسح دموع حسين
بالفـركه أذوكم ** ماجو يعـــزوكم










5= علـــي أسئلك - ع حـــــالك - فـــاطمه من البيت لمــن طلعـتها
شلون تمشي - شلون تبجي - شلون رديت الهلك مـن أدفنتها
شكد عــثر جدمك وماتــدري بعــثرته
وتره يـــموت أبنادم اليدفــن عشرته
شـــصاح كلبك من مشت منه زهرته
***
أحلام عمرك ياعلي ** فوكاهــــن تهيل تراب
الغياب بس الفاطمه ** لو ألك هم صار غياب
بالشين جازوكم ** ماجو يعزوكم
***********
الخادم عبد الجليل المالكي

طلعـت جنازه بلايه رجعه ** اطلع يكلبي وعمري ودعه
المفارك أمه عـمره ** خيط أنكطع من أبره
--------------------------------------------------------------------
1= اليــفــــارك أمـــه المــوت يلــزم بابه
أومحــد يـــرده أمغــربــــين أحـبابه
دمع العــــيون اليـــندفــــــن ما جابه
طلابة عـــــــيوني وي البواجي طلابه
****
شالوها أمي بحضن تابوت ** ماتـت عـــيوني كبل لا موت
ذبحتـني أخر نضره ** خيط أنكطع من أبره
**
2= ناطــــور بجروحه الــــيفارك كاعــد
وحزانه نار وكلــــبه يصبح كاغــــد
يحصد النوح بروحه جــن ما حاصد
وكل مغربــيه وي الدمع يــتواعــد
****
فاتح جفوفه وماكو شبكه ** والهوه مــــــن أينسم يخنكه
ينطر نهاية عمره ** خيط أنكطع من أبره

3= شكد صعبه مـن يصبح عـزيـزك ذكره
براسك رسـاله تفـــــوت بس ماتقره
ثاري المضـيع حكه يلــــزم ضهره
كل مايـــــزوره الكبره يكصر عمره
***
والله عــزيز يصــير الأ تراب ** المدفون حدره أغله الأحباب
يصبر لجن شيصبره ** خيط أنكطع من أبره
*
4= جــرح العـزيـز أيضل عــمر ما يشفه
مثل النهر يمشي ويحاجــــــي أبجرفه
المكبره الدافــــن أمـــه بـــيها تعرفه
بــردان شـــوك ويــــرجف ومـــا يدفه
****
تعـــرف مشيته من يجــيها ** مــــن الوالده يـــبجي عليها
تخنك العبره بصدره ** خيط أنكطع من أبره




5= جلمة اليمه تصـير مثــل الصوره
من الكبر تطلع لو مشيت تـزوره
ضلوع أمي ضلت بالكـبر مكسوره
لو ما تجيني من أجي معـــذوره
****
لو سالمه ضلوع الحنينه ** جا صاحت أهلا باليجينه
ليل الهجر ما أكدره ** خيط أنكطع من أبره
***
الخادم عبد الجليل المالكي

https://youtu.be/tcAUuqYhQko?si=IqR4JB4XVLFb59t2

https://youtu.be/lbSWVXVCItI?si=K2_GnG6oSL0Q3GSE

https://youtu.be/8xMlbNjrkbs?si=OwQRCOeeO2Gz5Iv4

https://youtu.be/9nLgcINiZ1U?si=YN8JPeYbfUi34tF2

https://youtu.be/QiAIthmmTCs?si=IgO1e4eCGYbdksrz

https://youtu.be/6608FnWPE1c?si=jm38LvyJEZSOJH5e

وداع - بــيــن أم وأبـنها
وداع - بالفركه وحزنها
بين حسين – وأم حســين – دمعات ومحنه
عين العين – تحجي العين - دمعات ومحنه
-------------------------------------------------------------
1= أجه حسين وأكعــد يمها
لزم أيد أمه ويـشمها
أمس ماجــــنه لا زمها -- صاح شلون
ياجف بعــد جــفج بعــــد يــــمسحها دمعاتي
لو نمتي بتراب الكبر تــــحركني حسراتي
فاتحتي راح تضل عمر وتـــــــطول مأساتي
***
أصيح - يالعفتيني وينج
أصيح - محتاج الحنينج
طول الليل - دمعي يسيل - دمعات ومحنه
عين العين - تحجي العين - دمعات ومحنه



2= صــبر صاحــت يبعــد أمك
يمن فــدوه الضلع الأسمك
علي لا تحـــــــــرك بدمك -- خاف تموت
فـــدوه السواد البالجفــــــن يحسين العــــيونك
أتـــــقــرب عليه خـــــل أحط راسي عله متونك
هالـناس يبني قـــــــــــــررت مني يحرمونك
***
أموت - وأتـــــركم يتامه
أموت - وبجفني عـــلامه
وتـــضلون - تحــــتارون - دمعات ومحنه
عين العين - تحجي العين - دمعات ومحنه








3= رجع يـسألها عـــن باجر
وعله اللسانه الحجي حاير
أذا أم الــــــــعايله تهاجر -- وين نروح
يــم بيـتــنه البيت أنهجر لمن تعــــــــوفينه
وكلبي بغــــــــيابج ينكسر كلبي تعرفينه
يبرد وحق جدي النبي لـــو ما تدفينه
***
أضيع - بعـــدج يالحنينه
أضيع - وسنيــني حزينه
مــــاأرتاح - عمري جراح - دمعات ومحنه
عين العين - تحجي العـين - دمعات ومحنه








4= بــجــو وتــــشابكو سكـــته
درو كلـــمن خلص وكته
تكـــله حسيـــــن يبني أنته - بالتشييع
يبني ويه حـيدر لا تطب لمن يغسلني
خافن تموت من القهر لمـــــــــن يكفـني
من تشوف وين أمصـــوبه أه يبني أه يبني
*** سواد - بضلوعي تشوفه
سواد - ماتكــــدر تعوفه
صعبه عليك - مـــــا أخليك - دمعات ومحنه
عــين العين - تحجي العين - دمعات ومحنه









5= وكــت تــشيــيعي أريـــدنك
تصيح بأسمي أسمعــــــنك
وتودعني وأو دعــــــــــنك -- وداع الموت
مــــن ينحـــــــــــــفر كبري تجي تــتمدد بكــبري
خاطر عطر منك يضل وتـــــــنفسه بصدري
لو بيدي عـــنك مارحت يحسين ياعـــــــمري
****
سلام - بالطف ملــتـــقانه
سلام - أحـــضر يمك أنه
من تطيح - كلبي يصيح - دمعات ومحنه
عين العين - تحجي العين - دمعات ومحنه
**********
الخادم عبد الجليل المالكي

يافاطمه - يافاطمتنه من النار
يافاطمه - يارحــمة الله الجبار
بفضلج علينه تكرمي ** أحـــنه الجلالج ننتمي -- يافاطمه
------------------------------------------------------------------
1= مثــل اليرد من الحرب منــتصر ماهو مصيوب
زود القره أسمج فاطمه وسط المجالس مكتوب
أليخدمج شكد ماخدم يالطاهره يضل مطلوب
شفناج يالزهره صبح وبغــــيرج الدنيه غروب
***
ياسيدة -- عالحجج حجه تصيرين
ياسيدة -- ياعلـــــة أصل التـكوين
والدين أصله فاطمي ** أحنه الجلالج ننتمي -- يافاطمه







2= يالبانـــيه بكلب المحب منزل وفاء شكبره
واليوكع بشده هتف أدخـيلج ييمه الزهره
عن السراط أتكلموا كالوا أبرفع الشعره
بس اليحبج فـــاطمه أمغمض يروح يعبره
***
ياعالمه -- وقـــبل الخلــق تمتحنين
ياعالمه -- وبقدرة الله تــــنجحين
جان أمتحانج عالمي ** وأحنه الجلالج ننتمي - يافاطمه
----------------------------------------------------------------
3= صرت أنه أموت أعله البجي لمن سمعت مصابج
وبلا وعي يم الحســــن كل يوم أبوس أترابج
يالحضاره بكلبي فرض مرفوض عــندي غيابج
يالغاليه أعليج الحسن حسبــــيني من أحبابج
***
أخذي العمر - فــــدوات ألج والله يروح
أخذي العمر - ياروحي غير أنتي الروح
نرضه بعطائج قسمي ** أحنه الجلالج ننتمي -- يافاطمه


4= يافـــــــاطمه وهذا الأسم يمشي ويدمي اليجري
ومنيتي أموت أبمجلسج يالفدوه ألج كل عمري
لو مــــــــا أخدمج فاطمه شيفيد باجر عذري
أيدي عــــــــــساها بالكسر لو ماتدك بصدري
***
مو مستحب - واجب أخــدمج فاطمه
مو مستحب - هذا القرار من السمه
حبج تمازج وي دمي -- وأحنه الجلالج ننتمي -- يافاطمه
*************
5= الماعـــاف مره خــــــدمتج بالحشر متعوفينه
الما لحضه ناسي مصيــبتج هذا أنتي ماتنسينه
كلمن مشه بــــدربج عـــــــدل يافاطمه توفقينه
وكلمن حضر مجلس عـزه بكبره أنت التحضرينه
***
أصل الوفه - مــنج أتــــوزع عالناس
أصل الوفه - يالخدمــــتج رفعت راس
ياروح طه الهاشمي -- أحنه الجلالج ننتمي -- يافاطمه
***** الخادم عبد الجليل المالكي

باجر يعود الهاشمي ** ويصير عالم فاطمي
سننتصر - مادام أنـــــتي ويانه
سننتصر - بزود الضلع وحزانه
---------------------------------------------------------
1= مو أحنه النـضمها الركب من تجبل الذباحه
لا أحنه الـــنطبها الحرب ورواحنه مرتاحه
ماينهزم جيــــشج أبد مادام أنته سلاحه
بالنجف حامــــينه نسر محد يلوح جناحه
***
تــنحسم أكبر معـــركه -- بدعـــــــواتج المباركه
سننتصر -- بــمشيئته سبحانه
سننتصر -- بزود الضلع وحزانه







2= هوه اليشد ضهره بعلي محد يفـــتحه حزامه
ومتعــلم ع الدم تره راس اليطــــبر قامه
العباس من ضل عالنهـر يدرينه أحنه أزلامه
والفاطـــمي كل مازعل يسحك زلم بجدامه
***
مايطخ راسه الحيدري ** ماباع دينه مشتري
سننتصر - جيوش العده خسرانه
سننتصر - بـزود الضلع وحزانه
************
3= بيافاطمه أصلب ضهر لو رفع طوله نكسره
نرعبهم وما ننرعب والبحر ممشه نعبره
بيامهدي وبيا فـاطمه وبياعلي وبالزهره
غصبن ع خـشوم العده شيعة علي منتصره
***
صاروخ عـدنه الياعلي ** بـــــــيها خصمنه يبتــلي
سننتصر -- والخاسرين أعــدانه
سننتصر -- بــزود الضلع وحزانه


4= شما فـــرقونه نــــنجمع ثار الضلع يجمعـــنه
نقـلعها خيــبر من نهد ياخـيـبر الـيقـلعــنه
شيعه أقـتـنعــنه بفاطمه ياحب بعــد يقــنعـنه
خدامج وعدنه طبع أيدك عالخــــشم مدفعنه
*
هذا الزمان المهدوي ** يرفع الراس العلوي
سننتصر -- ونكص عدونه السانه
سننتصر -- بــزود الضلع وحزانه
************
5= وياهم سلاح وعـــــدد بس أحـــــنه الله ويانه
وصاحب الحك ماينكسر لـــمن يطك بركانه
أحــنه السفينه الناجيه ياويله مــــن عادانه
باجر أبو صــــالح يجي ونصير كلنه أعوانه
****
راية محمد رايته ** والكل يطيع حجايته
سننتصر -- وصدره الرحب ضمانه
سننتصر -- بـــزود الضلع وحزانه
**** الخادم عبد الجليل المالكي

كـولي شنهي بخاطرج -- يــــمه كلــبي مناطرج
بس لا تكـولين -- يايمه يحسين
أنه باجر رايحه
----------------------------------------------------------------
1= ياحياتي - أحجي وأسمع - يالكلامج راحــتي
كـلميني - وأنه ساكــــت - راح أضم حجايتي
صليني بعـــيونج شــفع يالراحـــتي عــــيونج
عـتبريني ميت لـــو صدك ودعتي من دونج
وأنــدفـــن بقـــــبور الحزن لمن يدفنونج
***
يكضي عـمر حسينج -- تـــره بســدة عــــينج
مثلج أكو منين -- يايـــــمه يحسين
أنه باجر رايحه






2= ياعـيوني - أنه وأنتي - بروح وحده ثــنينه
والعشكنه - أحنه ندري - ما مـــكفيه سنينه
يالـــجفج أول جف نــــزل حــــــــنيه بجتافي
بغــــير أسمج أشعر بالحجي مو حلو بشفافي
بلا فاطمه حسينج يضل مثل الضوه الطافي
***
الشيب يترس راسي -- من الغياب القاسي
يــــوم الترحلين -- يايمه يحسين
أنه باجر رايحه
--------------------------------------------------------------
3= شلون ضلعج - شكد يألــمج - سولفيلي أوجاعه
جان وجـهج - لونه صــافي - قـــبل هاي الساعه
هـذا السواد بوجـنـتج كل عــمري ما شفــته
ينهضم تدريــن الولد من تبجي والدته
وياي تحجيـــــــن أشعجب والوجه دايرته
***
خــلي عــيني بعـــــينج ** كسر ضهري ونـــينج
بس لا تموتــين ** يايمه يحسين

4= شدي حيلج - كــومي أسندج - شوفي حالت بيتـنه
وين نمشي - كلنا نـــــبجي - أنتي أمنه وصيتنه
يم بــيتـــنه بـــيــــتج تــــــره شيــــبت حيطانه
وحسرات أبــــــــونه بطيحتج سمعتها جيرانه
يالطم عله راسه كعــــــد جن ماتت أخوانه
***
راسه أبــــــد ما شاله ** ودمعته هــــــــــــــماله
مانشفت العــين ** يايمه يحسين
أنه باجر رايحه










5= ويـن نـلكه - زهره غــيرج - عدها مثـل حساسج
ماكو مثلج - أم يــــــــيمه - خـــيمه أنتي الناسج
حاجيني لو باليل أفــز وماكو أنتي بمجانج
ياحضن يــشبك لهفتي لو راحت أحضانج
عيون أبنج شتـنفع بعد لو غمضت أجفانج
***
شيسوه عمري بدونج ** وباجر يدفـــــــــنونج
عـــــــني تبعدين ** يايمه يحسين
أنه باجر رايحه
***********
الخادم عبد الجليل المالكي

"وَلا تَخْشَوْهُمْ وَاخْشَوْنِ إِن كُنتُم مُّؤْمِنِينَ"

https://youtu.be/XO5Fz21tXNc?si=1z2xBxh87DKIiY0r

https://youtu.be/mMmFmF7TYEA?si=qzleMZdL6USPBnOf

https://youtu.be/R8Yempyxjyw?si=5WRL_kdRzJEJtSx3

https://youtu.be/Tp1I7NwMICQ?si=eJ9n40DMy6R5IAEJ

لو موت لو تـقـبل -- ويـــاك أنه أرحــل
هــــــالحل يناسبني -- وبغــــــيره ما أقبل
------------------------------------------------------------
1= يل معـيــشني بحنانك ومــن لسانــك ما أطيح
تبوس جفي من تجيني وانه أطوفــــنك ضريح
من أجي تــترك مكانك لــيه خاطر أستريح
وترفع الصوت بقدومي هلا بالزهره تصيح
****
بجـــنبك تـــكعـــدني -- عـن حالي تـنشدني
ومن أرجــــع الداري -- تـــنهض تودعـــــني
---------------------------------------------------------
2= من تغمض عـينك أحسب بعد ماشوف الدروب
والدمع لــــو صار بعـــدك ذنب منه ما أتوب
راح أفصل الهم عــبايه والجرح جوها ثوب
وأعتبرها سنيني شــمعه هـيج بغيابك أذوب
****
مــــــا أبتسم مره -- ولا أتــــرك الحسره
ياريت بغـــــــيابك -- لا عـــــاشت الزهره

3= وي قـــميصك راح أسولف سالــفه الما تــنتهي
عله ضلـــــوعي راح أشره وبــــقميصك ألتهي
والغـــروب الروحي أكلها صوب كبره توجهي
ساعه لا تنسين حزنج ها يـــــــروحي تنبهي
****
بيت الحزن بيتي -- من تخـتـنك ريتي
أكعــد وأسولفلك -- مسلــــوبه عافيتي
----------------------------------------------------
4= كل عــصر ياخذني حيدر ونكعد نسولف سوه
خــنكه كل الدنيا أحسها وأشم يم كبرك هوه
أتعب وتطلع أشوفـــك من الكبر مثـل الضوه
تمسح دموعي وتكلي الموت الجـــروحج دوه
****
وأنه أسالك يمته -- من فركتــك ميته
وتكلي موعــدنه -- والــد مع أبنيته




5= نكعـــد أنه وحسنيــنك نــبجي كلنه بحجرتــك
أنحسك ويانه تسولف وأحنه نسمع حضــرتك
ما مصدكـــــين برحيلك بينه عــــاشت لهفتك
ونـنتـبه ونصـــيح بويه موتــتــنه بغــــيبتك
****
نشبك عله مجانك -- ونتـــذكر أحضانك
من جنت تـشبكنه -- وتغــمرنه بحسانك
***********
الخادم عبد الجليل المالكي

لاتنسونا من دعائكم خادمكم الاقل
ملا حسن المالكي

بجـــفوفـك أنه تبديت
ناديـتــك ومـــارديت
تفاركـني رايد حسيت -- وأنه حبيبك
----------------------------------------------------------------
1= زغـيره أصابيعي ومشت من أيدي الأيدك
لا تــــــروح تـــنادي وحسـينك يريدك
جـــدي مو حلوه الحــــياة بلايه وجهك
وأنه عمري كلاده ملفـــوفه أعله جيدك
أفـــتحلي عــــينك -- لا زم أديــــــنــك
باوعلي جـــــــدي -- بس كلي ويـــنك
*
فاتحلك جفوفي ونام
رجعلــــي ذيج الأيام
يالصوتك أجمل أحلام -- أنه حبيبك





2= من الوساده شــــيل راسك خلي أشوفه
وجــه ما عايفـــني مره شلون أعوفه
مسافــــر ونضرات أبو القاسم مــتاعي
عــــندي وجهك مثــل بيت الله وأطوفه
بحرامي جيتــــك -- أسعــــــي ونخيتك
لا بس دمعـــــتي -- تــكعــــــدلي ريتك
****
يل تبتسملي مـــن بعيد
وتعرفها روحي شتريد
أنه جسم وأنـــته وريد ** أنه حبيبك









3= تريد ترحل والرحـــيل شلـــون أصدكه
وأنته كلك ملــــكه أبد مـــابيك فركه
صرت أبوي وأمي ياجــــــــدي وأماني
شلون تقــــــــــبل كلبي بفراكك تحركه
تــــدريـــني باجر -- أشـــبع حوافــــر
عـطل سفرتـــــــك -- لا لا تسافـــــر
****
ماعــشت وياك هـــواي
أنه ورد وأنته الـماي
ماحسبت والله الـــهاي ** أنه حبيبك









4= جدي شنهي اليوجعك أحجيلي أسمعك
عله موتــــك لو عليه أيسيل دمعك
تدري بضلوعي تــــــدوس الأعوجيه
عوف وضعي هسه عندي المهم وضعك
أنــــسه ذبحـــــتي -- وجهك فرحـــتي
للطــــــــف أريدك -- ساعة وكعــــــتي
***
لــمن عــليه يركضون
كلهم يجــدي يذبحون
ردتك تغمض العـــيون --- أنه حبيبك









5= أنته خيمه ولو رحت ما تبقى خيمه
جا شلون تصير بس كلي الهضيمه
مــــن عساه الفاركك لا طــــال عمره
صرت من هـــــسه أحس روحي يتيمه
صعبه فـــركتــــك -- شينسه ضحكــــتك
كلشي أيــــــــتهدم -- لو ما وكفــــــــــتك
****
جاوبني خل أسمع صوت
قبل البجي والـــتابوت
لا تــندفــــن يا ياقوت -- أنه حبيبك
******************************************
الخادم عبد الجليل المالكي